ꩭေပ︀ရ︀ူး 10:5 - Khamti Shan

⁵ င︀ႆ︀းꩫ︀ႆ︀ႇꩬ︀ီ မ︀ိူဝ်ႈꩡ︀ဝ်ႛၵ︀ရ︀ီတ︀် မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ “ၵ︀ိင︀်းတ︀ူဝ်ꩡ︀ဝ်ႛ တ︀ူဝ်ႈၵ︀ႅက︀်ꩫ︀ၵ︀ႃၵ︀ိူင︀်ႈလ︀ူꩫ︀ႆ︀ႇၵ︀ဝ်မ︀ႆ︀ႛ မ︀ဝ်မ︀ႃးꩡ︀ႂ်ႈꩫ︀ႆ︀ႇꩬ︀ီ တ︀ူဝ်ႈꩡ︀ႃႇက︀ဝ်ႈၵ︀ႃႛ ꩭႅမ︀်းꩭႂ်ႛမ︀ႃးယ︀ဝ်ႇ။

ꩭေပ︀ရ︀ူး 10:5 ပူးပေါင်းရင်းမြစ်များ

မ︀တ︀်တ︀ႄး 11:3

ၵ︀ဝ်က︀ေႃႇ ꩡ︀ဝ်ႛယ︀ေꩬ︀ုမ︀ႆ︀ႛမ︀ႃးꩬ︀ီ “ꩡ︀ဝ်ႛꩬ︀ြႃꩴ︀း မ︀ႂ်းꩡ︀ဝ်ႛယ︀ႃႇ ꩡ︀ဝ်ႛဢ︀ꩫ︀်ႈ ꩬ︀ြႃယ︀ေႃးꩭၢꩫ︀်ဝႃႈဝႆ︀ႇ ꩡ︀ဝ်ႛမ︀ေꩬ︀ိယ︀ ဢ︀ꩫ︀်ႈတ︀ီက︀ျွႃးမ︀ႃးꩫ︀ꩫ︀ႆ︀ႇတ︀ီၵ︀ႃႛက︀ျႃး။ ꩫ︀ႆ︀ႇမ︀ဝ်ꩡ︀ႂ်ႈက︀ီး တ︀ူႈၵ︀ႃႛ ꩡ︀ဝ်ႛတ︀ၢင︀်ပ︀ႃးမ︀ႆ︀ႛ ဝႃႈထႃႛဢ︀ိက︀်တ︀ီၵ︀ႃႛက︀ျႃး။ ꩫ︀ꩬ︀ီꩬ︀ွက︀်ႉဢ︀ူ။

လ︀ုက︀ႃ 1:35

ၵ︀ုꩫ︀်ꩬ︀ၢင︀်ယ︀ႃႇ “မ︀ႂ်းမ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ လ︀ူင︀်းမ︀ႃးꩬ︀ီ က︀ꩫ︀်ႛꩫ︀ိူဝ်မ︀ႂ်းမ︀ႆ︀ႛ တ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ တ︀ီင︀မ︀်းꩫ︀မ︀်။ င︀ႆ︀းꩫ︀ႆ︀ႇꩬ︀ီ လ︀ုက︀်ႉမ︀ႂ်းယ︀ႃႇမ︀ူတ︀်ꩡ︀ၢင︀်င︀ႆ︀းꩬ︀ီ မ︀ꩫ︀်းမ︀ႆ︀ႛ တ︀ီꩭွင︀်ႇလ︀ုက︀်ႉꩡ︀ႆ︀ၢးၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။

လ︀ုက︀ႃ 7:19

“ꩡ︀ဝ်ႛယ︀ႃႇ ꩡ︀ဝ်ႛဢ︀ꩫ︀်ႈတ︀ူႈၵ︀ႃႛတ︀ႂ်းထႃႛꩫ︀ႆ︀ႇက︀ျႃး။ ꩫ︀ႆ︀ႇမ︀ဝ်ꩡ︀ႂ်ႈက︀ီး ꩡ︀ဝ်ႛတ︀ၢင︀်ပ︀ႃးမ︀ႆ︀ႛ ဝႃႈတ︀ႂ်းထႃႛꩫ︀က︀ဝ်က︀ျႃး” ꩫ︀ꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ ꩭႂ်ႛက︀ႃထၢမ︀်ဢ︀ူ။

ယ︀ေႃးꩭၢꩫ︀် 1:14

ၵ︀ၢမ︀်းတ︀ူဝ်ꩡ︀ဝ်ႛꩫ︀ႆ︀ႇ ꩫ︀င︀်က︀ူꩫ︀်းꩭဝ်းꩫ︀က︀ꩫ︀်ႈ ပ︀ီꩫ︀်ႈက︀ူꩫ︀်းဢ︀ꩫ︀်ႈꩫ︀ိူဝ်ႇꩫ︀ိူတ︀်ႉယ︀င︀်းမ︀ႃးꩬ︀ီ မ︀ိူင︀်းက︀ၢင︀်ႈမ︀ႆ︀ႛ တ︀င︀်းက︀ူꩫ︀်းꩭဝ်း မ︀ႃးꩭူမ︀်ႈဢ︀ူဢ︀ူ။ မ︀ꩫ︀်းꩡ︀ဝ်ႛမ︀ႆ︀ႛ က︀ျေးꩡ︀ူးတ︀ူဝ်ꩡ︀ဝ်ႛတ︀မ︀ိူင︀်း ꩬ︀မ︀်မ︀ႃတ︀ြႃးတ︀မ︀ိူင︀်း တ︀ီမ︀်ႈက︀ꩫ︀်ႈဢ︀ူ။ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛမ︀ႆ︀ႛ တ︀ူႈꩫ︀ႆ︀ႛꩭꩫ︀်မ︀ႃးယ︀ဝ်ႇ။ မ︀ူꩫ︀်ႈၸ︀ုင︀်းဢ︀မ︀ႂ်းယ︀ႃႇ က︀ွပ︀်ႉပ︀ိူဝ်ႈမ︀ꩫ︀်းꩡ︀ဝ်ႛပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩬ︀ူလ︀ိဝ်ႈꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛဝႆ︀ႇꩫ︀ႆ︀ႇꩫ︀မ︀်။

က︀လ︀ႃတ︀ိ 4:4

ꩫ︀ႆ︀ႇꩫ︀က︀ေႃႇ ယ︀ၢမ︀်းထိုင︀်မ︀ႃးက︀ီး ၸ︀ြႃးပ︀ီꩫ︀်ႈꩡ︀ဝ်ႛ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ပ︀ွႆ︀ꩡ︀ႂ်ႇမ︀ႃးꩬ︀ီ လ︀ုက︀်ႉမ︀ꩫ︀်းꩡ︀ဝ်ႛက︀ေႃႇ လ︀ုက︀်ႉက︀ူꩫ︀်းယ︀ိင︀်းမ︀ႆ︀ႛ ၸ︀ႃးပ︀ီꩫ︀်ႈက︀ူꩫ︀်းမ︀ႃးယ︀ဝ်ႇ။ ꩭႂ်ႛပ︀ူဝ်း က︀ူꩫ︀်းဢ︀ꩫ︀်ႈဢ︀ူက︀ꩫ︀်ႛတ︀ႂ်ႛꩬ︀ိꩫ︀်က︀ျူးꩫ︀ႆ︀ႇၵ︀ဝ်မ︀ႆ︀ႛ ထွတ︀်ꩭႂ်ႛꩫ︀ႆ︀ႇင︀ႆ︀း ꩭႂ်ႛပ︀ူဝ်းက︀ူꩫ︀်းꩭဝ်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇ မ︀ꩫ︀်းꩡ︀ဝ်ႛ က︀ꩫ︀်ႛတ︀ႂ်ႛꩬ︀ိꩫ︀်က︀ျူးမ︀ႆ︀ႛ ၸ︀ႃးမ︀ႃးယ︀ဝ်ႇ။

တ︀ိမ︀ေႃတ︀ေ ႑ 3:16

လ︀ွင︀်ႈꩬ︀မ︀်မ︀ႃတ︀ြႃးဢ︀ꩫ︀်ႈꩭဝ်းယ︀ုမ︀်ယ︀မ︀်ႈꩫ︀ႆ︀ႇ လ︀ိူက︀်ႉလ︀မ︀် ꩬ︀ိုဝ်ႈꩡ︀ႂ်ႈလ︀ူင︀်တ︀ေႇတ︀ေႇꩫ︀မ︀်။ လ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀်ဢ︀မ︀ႂ်းယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀် က︀ျွႃးလ︀ူင︀်းပ︀ီꩫ︀်ႈက︀ူꩫ︀်းမ︀ႃးꩬ︀ီ လ︀ွင︀်ႈꩫ︀ႆ︀ႇꩡ︀ႂ်ႈဢ︀ူꩫ︀ꩫ︀ႆ︀ႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ꩭီတ︀်ꩬ︀ၢက︀်ႉꩬ︀ေမ︀ႃးင︀ႆ︀း ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ꩫ︀ႆ︀ႛꩭꩫ︀်မ︀ႃးယ︀ဝ်ႇ။ က︀ူꩫ︀်းက︀ူႈၸ︀ꩫ︀်းက︀ေႃႇ ၵ︀ၢဝ်ႈၵ︀ၢမ︀်းꩫ︀ီႈမ︀ꩫ︀်းꩡ︀ဝ်ႛ ꩫ︀ႆ︀ႛꩥ︀ိꩫ︀်းꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ က︀မ︀်ၸ︀ႃတ︀င︀်းꩡ︀ꩫ︀်ႇ ယ︀ုမ︀်ယ︀မ︀်ႈမ︀ႃးက︀ꩫ︀်ႈယ︀ဝ်ႇ။ မ︀ꩫ︀်းꩡ︀ဝ်ႛမ︀ႆ︀ႛယ︀ႃႇ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ꩭၢပ︀်ႉꩬ︀ီဢ︀ဝ်ႈၵ︀ိုꩫ︀်ႛက︀ႃ မ︀ိူင︀်းက︀ၢင︀်ႈꩭၢဝ်ပ︀ွက︀်ႉယ︀ဝ်ႇ။

ꩭေပ︀ရ︀ူး 1:6

ꩫ︀ႆ︀ႇꩫ︀က︀ေႃႇ မ︀ိူဝ်ႈလ︀ုက︀်ႉꩭူဝ်လ︀ႃႈမ︀ꩫ︀်းꩡ︀ဝ်ႛမ︀ႆ︀ႛ မ︀ိူင︀်းက︀ၢင︀်ႈမ︀ႆ︀ႛꩭွင︀်ႇမ︀ႃးꩫ︀ႆ︀ႇယ︀ႃႇ “ꩡ︀ဝ်ႛꩫ︀ႆ︀ႇမ︀ႆ︀ႛ ၵ︀ုꩫ︀်ꩬ︀ၢင︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်တ︀င︀်းမ︀ိူင︀်း ပ︀ႆ︀ၢႛဝႆ︀ႈက︀ꩫ︀်ႈတ︀ႃႉ” ꩫ︀ဝꩫ︀်ႇ။

ꩭေပ︀ရ︀ူး 10:10

လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛင︀ႆ︀း ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛ ꩡ︀ႃႇထႃဝရ︀ꩭီတ︀်ꩭိူဝ်ႈꩭိုင︀်းꩫ︀ႆ︀ၢႈ ပ︀ုက︀်ႉꩡ︀ူဝ်ꩫ︀ႆ︀ႇꩬ︀ီ ꩭဝ်းတ︀င︀်းလ︀ုင︀်မ︀ူတ︀်ꩡ︀ၢင︀်က︀ꩫ︀်ႈယ︀ဝ်ႇ။

ꩭေပ︀ရ︀ူး 10:7

က︀ဝ်ႈၵ︀ႃႛယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛꩴ︀း က︀ဝ်ႈၵ︀ႃႛယ︀င︀်းတ︀ီၵ︀ႃႛဢ︀ူ။ ꩫ︀င︀်က︀ျမ︀်းလ︀ိက︀်ႉမ︀ႆ︀ႛ လ︀ွင︀်ႈက︀ဝ်ႈၵ︀ႃႛဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛ ဢ︀လ︀ၢင︀်းယ︀င︀်းꩫ︀ႆ︀ႇ ꩭီတ︀်က︀ွတ︀်ꩫ︀ꩬ︀ီ က︀ဝ်ႈၵ︀ႃႛ မ︀ႃးတ︀ီၵ︀ႃႛယ︀ဝ်ႇ” ꩫ︀ꩬ︀ီ ဝႃႈမ︀ႃးဢ︀ူ။

ꩭေပ︀ရ︀ူး 10:8

ၵ︀ႅက︀်ꩫ︀ႆ︀ႇၵ︀ဝ်တ︀င︀်းမ︀ိူင︀်း ꩡ︀ွမ︀်းက︀ျမ︀်းꩬ︀ိꩫ︀်ꩬ︀ီ ပ︀ုက︀်ႉꩡ︀ူဝ်မ︀ႃးꩫ︀က︀ေႃႇ “ၵ︀ႅက︀်ꩫ︀ိူဝ်ႇမ︀ိူဝ်ႛ၊ ၵ︀ိူင︀်ႈလ︀ူ၊ ၵ︀ႅက︀်ဢ︀ꩫ︀်ႈꩬ︀ွတ︀်ၸ︀ႆ︀းင︀ႆ︀း ဢ︀ꩫ︀်ႈပ︀ုက︀်ႉꩡ︀ူဝ်ၵ︀ိူင︀်ႈလ︀ူꩡ︀ႃႇၸ︀ေဢ︀ပ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ၵ︀ိင︀်းတ︀ူဝ်ꩡ︀ဝ်ႛ ꩵ︀ႈမ︀ႃးꩡ︀ႂ်ႈ” ꩫ︀ꩬ︀ီမ︀ꩫ︀်းꩡ︀ဝ်ႛဝႃႈယ︀ဝ်ႇက︀ီး

ꩭေပ︀ရ︀ူး 2:14

ꩭဝ်းၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်ပ︀ီꩫ︀်ႈက︀ူꩫ︀်းဢ︀ꩫ︀်ႈꩫ︀ိူဝ်ႇꩫ︀ိူတ︀်ႉယ︀င︀်းꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုက︀ေႃႇ မ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈꩬ︀ီ ၵ︀ုꩫ︀်ꩬ︀ူင︀်ဢ︀ꩫ︀်ႈတ︀ꩫ︀်းၵ︀ူဝ်းတ︀ၢင︀်းတ︀ႆ︀ၢႈယ︀င︀်းမ︀ႆ︀ႛ ယ︀ႃႇၵ︀ွတ︀်င︀ႆ︀း က︀ူꩫ︀်းꩭဝ်းဢ︀ꩫ︀်ႈက︀ူႈမ︀ိုဝ်ႇ တ︀ၢင︀်းတ︀ႆ︀ၢႈမ︀ႆ︀ႛ ꩫ︀င︀်ၵ︀ႃႛꩫ︀က︀ꩫ︀်ႈ ꩫ︀ႆ︀ႛက︀ူဝ်ႈꩬ︀ီဢ︀ူꩫ︀ႆ︀ႇၵ︀ဝ်မ︀ႆ︀ႛ ၵ︀ေꩬ︀ေꩭႂ်ႛက︀ွတ︀်ꩫ︀ꩬ︀ီ ꩫ︀င︀်ꩭဝ်းꩫ︀က︀ꩫ︀်ႈ ပ︀ီꩫ︀်ႈꩫ︀ိူဝ်ႇꩫ︀ိူတ︀်ႉမ︀ႃးꩫ︀မ︀်။

ꩭေပ︀ရ︀ူး 5:7

မ︀ိူဝ်ႈꩡ︀ဝ်ႛယ︀ေꩬ︀ု ဢ︀ူမ︀ိူင︀်းက︀ၢင︀်ႈꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ၵ︀ေꩬ︀ေပ︀ီꩫ︀်ႈမ︀ႆ︀ႛ ဢ︀ိဝ်ꩬ︀ႅꩫ︀်ꩬ︀ီꩫ︀မ︀်ႇတ︀ႃႈတ︀ူက︀်ꩬ︀ီ ဝွꩫ︀်းၵ︀ႅꩫ︀်းမ︀ႃးဢ︀ူ။ မ︀ꩫ︀်းꩡ︀ဝ်ႛယ︀မ︀်ႈင︀ဝ်းတ︀ေႇတ︀ေႇꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ထွမ︀်ꩭႂ်ႛမ︀ႃးဢ︀ူ။

ꩭေပ︀ရ︀ူး 8:3

ၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉတ︀င︀်းလ︀ုင︀်ယ︀ႃႇ ၵ︀ိူင︀်ႈလ︀ူꩫ︀ၵ︀ႃတ︀ူဝ်ႈၵ︀ႅက︀်ဝႃႈ ပ︀ုက︀်ႉꩡ︀ူဝ်ꩫ︀ႆ︀ႇꩬ︀ီ ꩡ︀ဝ်ႛၵ︀ရ︀ီတ︀်က︀ေႃႇ ꩭၢင︀်းပ︀ုက︀်ႉꩡ︀ူဝ်ဢ︀ꩫ︀်ႈလ︀ိူင︀်ႈယ︀ႃႇ ꩭၢင︀်ႇမ︀ႃးဢ︀ူ။

ပ︀ေတ︀ရ︀ု ႑ 2:24

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩭႂ်ႛပ︀ူဝ်းꩬ︀ူဢ︀ပ︀ႅတ︀်ႉမ︀ဝ်ၵ︀ႂ်ႈက︀ၢပ︀်ꩭီတ︀်ꩬ︀ီ ဢ︀ꩫ︀်ႈပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ိုဝ်ႈꩡ︀ႂ်ႈꩫ︀ႆ︀ၢႈꩬ︀င︀် ၵ︀ႂ်ႈꩭီတ︀်က︀ႃꩫ︀ႆ︀ႇ ဢ︀ပ︀ႅတ︀်ႉꩭဝ်းမ︀ႆ︀ႛ ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛပ︀ၢက︀်ႉꩬ︀ီ က︀ꩫ︀်ႛꩫ︀ိူဝ်ꩬ︀ဝ်မ︀ႆ︀ႛ ၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ င︀ႆ︀ႚ ꩬ︀ူ ꩫ︀ႆ︀ႛဢ︀ူꩫ︀ီႈၵ︀ျမ︀်းꩬ︀ႃꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈတ︀ီႈꩡ︀ီပ︀်မ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်ꩫ︀မ︀်။

ယ︀ေႃးꩭၢꩫ︀် ႒ 1:7

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းဢ︀ꩫ︀်ႈၸ︀ၢမ︀်းပ︀ိူꩫ︀်ႈꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀် က︀မ︀်ၸ︀ႃက︀ူႈတ︀ီႈမ︀ႆ︀ႛ ထိုင︀်က︀ႃက︀ꩫ︀်ႈယ︀ဝ်ႇ။ ၵ︀ဝ်ယ︀ႃႇ ၸ︀ူႛꩬ︀ၢꩫ︀်တ︀ၢꩫ︀်းꩡ︀ဝ်ႛၵ︀ရ︀ီတ︀် ဢ︀ꩫ︀်ႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ၸ︀ႃးပ︀ီꩫ︀်ႈက︀ူꩫ︀်းမ︀ႃးꩫ︀ႆ︀ႇမ︀ႆ︀ႛ မ︀ဝ်တ︀ွင︀်းမ︀တ︀်ႉꩬ︀ီ ပ︀ိူꩫ︀်ႈမ︀ႆ︀ႛၸ︀ၢမ︀်းလ︀ေꩫ︀ႆ︀ႇၵ︀ဝ်ꩫ︀မ︀်။