ꩭေပ︀ရ︀ူး 10:32 - Khamti Shan

³² ꩬ︀ူꩭလ︀ိုဝ် ပ︀ူꩫ︀်ႇမ︀ႃးꩫ︀ꩫ︀ႆ︀ႇမ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ။ ꩬ︀ူယ︀ႃႇ ဢ︀ꩫ︀်ႈလ︀ႅင︀်းမ︀ႆ︀ႛထိုင︀်မ︀ႃးꩬ︀ီ ၵ︀ႂ်ႈလ︀ႂ်ႈꩫ︀ႆ︀ႛယ︀ပ︀်ယ︀ၢက︀်ႉꩫ︀က︀ေႃႇ က︀ꩫ︀်ႛမ︀ႃးဢ︀ူ။

ꩭေပ︀ရ︀ူး 10:32 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 26:18

မ︀ႂ်းယ︀ႃႇ ꩭွေႛတ︀ႃႈက︀ူꩫ︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ဝႃႈက︀ႃပ︀ုတ︀်ꩭႂ်ႛဢ︀ူ။ ၵ︀ဝ်မ︀ႆ︀ႛ လ︀ုက︀်ႉဢ︀ꩫ︀်ႈꩫ︀ပ︀်ꩬ︀ိင︀်မ︀ႆ︀ႛ ဢ︀ဝ်ႈထိုင︀်ဢ︀ꩫ︀်ႈလ︀ႅင︀်းꩬ︀ီ လ︀ုက︀်ႉက︀ꩫ︀်ႛတ︀ႂ်ႛဢ︀ႃꩫ︀ႃၵ︀ုꩫ︀်ꩬ︀ူင︀်မ︀ႆ︀ႛ ဝႃႈဢ︀ဝ်ႈထိုင︀် က︀ꩫ︀်ႛတ︀ႂ်ႛဢ︀ႃꩫ︀ႃၸ︀ြႃးပ︀ီꩫ︀်ႈꩡ︀ဝ်ႛဢ︀ူ။ ꩭႂ်ႛပ︀ူဝ်းၵ︀ဝ် က︀ဝ်ႈမ︀ႆ︀ႛယ︀ုမ︀်ယ︀မ︀်ႈꩬ︀ီ ၵ︀ဝ်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛဢ︀ပ︀ႅတ︀်ႉပ︀ွႆ︀ꩭႂ်ႛင︀ႆ︀း က︀ုမ︀်ႛက︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ႛၵ︀ဝ်ႛꩫ︀ႆ︀ႇ မ︀ႂ်းဝႃႈꩭီတ︀်ဢ︀ူ” ꩫ︀ꩬ︀ီဝႃႈဢ︀ူ။

ရ︀ေႃမ︀ 12:12

ꩬ︀ူမ︀ႆ︀ႛ ဢ︀ꩫ︀်ႈတ︀ႂ်းထႃႛယ︀င︀်းꩫ︀ႆ︀ႇꩬ︀ီ ꩡ︀ူမ︀်းꩭုမ︀်ꩬ︀ီဢ︀ူက︀ꩫ︀်ႈတ︀ႃႉ။ မ︀ိူဝ်ႈꩬ︀ူမ︀ႆ︀ႛ ဢ︀ꩫ︀်ႈယ︀ပ︀်ဢ︀ꩫ︀်ႈယ︀ၢက︀်ႉထိုင︀်မ︀ႃးꩫ︀ႆ︀ႇက︀ꩫ︀်ႛက︀ꩫ︀်ႈတ︀ႃႉ။ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ယ︀ွꩫ︀်းꩬ︀ူးꩬ︀ီဢ︀ူက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႒ 4:6

မ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ ၸ︀ၢꩫ︀်ႈꩬ︀ၢင︀်းမ︀ိူင︀်းက︀ၢင︀်ႈꩫ︀ႆ︀ႇ ဢ︀ꩫ︀်ႈꩫ︀မ︀်ႈꩬ︀ိင︀်ꩭႆ︀ၢꩬ︀ီ ꩭႂ်ႛလ︀ႅင︀်းက︀တ︀ႃႉ ꩫ︀ꩬ︀ီမ︀ꩫ︀်းꩡ︀ဝ်ႛဝႃႈမ︀ႃးဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛဢ︀မ︀ႂ်းꩫ︀မ︀် ꩭူဝ်ꩡ︀ႂ်ႈတ︀ူႈမ︀ႆ︀ႛ ဢ︀ꩫ︀်ႈလ︀ႅင︀်းတ︀ွင︀်လ︀ႅင︀်းꩭႂ်ႛꩬ︀ီ မ︀ူꩫ︀်ႈင︀ဝ်းမ︀ꩫ︀်းꩡ︀ဝ်ႛ ဢ︀ꩫ︀်ႈꩫ︀ႃႛꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ တ︀ွင︀်လ︀ႅင︀်းမ︀ႃးဢ︀မ︀ႂ်း တ︀ူႈမ︀ႆ︀ႛပ︀ုတ︀်ပ︀ျႃးꩭႂ်ႛမ︀ႃးꩫ︀ႆ︀ႇ။

ၸ︀ိလ︀ိပ︀်ပ︀ၢႆ︀ 3:16

ဢ︀ꩫ︀်ႈဢ︀ၵ︀ႅက︀်ႉꩫ︀ႆ︀ႇယ︀ႃႇ ꩫ︀င︀်ဢ︀ꩫ︀်ႈꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩬ︀ွꩫ︀်ꩬ︀ီ တ︀ူဝ်ထိုင︀်ဝꩫ︀်းꩫ︀ႆ︀ႇ ꩭဝ်းꩡ︀ွမ︀်းမ︀ႃးꩫ︀ႆ︀ႇꩫ︀က︀ꩫ︀်ႈ ꩡ︀ွမ︀်းꩭီတ︀်က︀ႃက︀ꩫ︀်ႈက︀ွတ︀်။

က︀ေႃလ︀ေႃတ︀ႄ 2:1

ꩡ︀ႃႇꩬ︀ူ၊ ꩡ︀ႃႇၸ︀ူႛယ︀ုမ︀်ယ︀မ︀်ႈ ဝီင︀်းလ︀ေႃတ︀ိက︀ိꩫ︀ႆ︀ႇၵ︀ဝ်င︀ႆ︀း ꩡ︀ႃႇၸ︀ူႛယ︀ုမ︀်ယ︀မ︀်ႈ ဢ︀ꩫ︀်ႈက︀ဝ်ႈမ︀ႆ︀ႛမ︀ဝ်ꩭွꩫ︀်ꩭꩫ︀်ꩫ︀ႆ︀ႇၵ︀ဝ်တ︀င︀်းမ︀ိူင︀်း က︀ဝ်ႈၵ︀ႂ်ႈလ︀ႂ်ႈ ꩬ︀ေႈꩡ︀ႃႉမ︀ႃးꩫ︀ꩫ︀ႆ︀ႇ ꩬ︀ူမ︀ႆ︀ႛၵ︀ႂ်ႈꩭႂ်ႛတ︀ွင︀်းဢ︀ူ။

ꩭေပ︀ရ︀ူး 12:4

ꩬ︀ူယ︀ႃႇ လ︀ွင︀်ႈင︀ိူင︀်ႇဢ︀ပ︀ႅတ︀်ႉမ︀ႆ︀ႛ ꩫ︀င︀်ꩡ︀ဝ်ႛယ︀ေꩬ︀ုꩫ︀က︀ꩫ︀်ႈ တ︀ိူက︀်ႉꩫ︀ိူတ︀်ႉလ︀ႆ︀ပ︀ုꩫ︀်ႛယ︀ႃႇ ꩵ︀ႈပ︀ႆ︀ꩫ︀ႆ︀ႛတ︀ိက︀်တ︀ူဝ်း။

ꩭေပ︀ရ︀ူး 5:12

ဢ︀ꩫ︀်ႈတ︀ေႇတ︀ေႇက︀ီး ꩬ︀ူယ︀ႃႇ ၵ︀ႆ︀ႇလ︀ိူင︀်ႈꩭိုင︀်က︀ီး ထုက︀်ꩫ︀ီႈပ︀ီꩫ︀်ႈꩬ︀ြႃက︀ꩫ︀်ႈယ︀ဝ်ႇ။ ꩫ︀ႆ︀ႇꩫ︀က︀ေႃႇ ꩬ︀ူမ︀ႆ︀ႛယ︀ႃႇ င︀ႆ︀ႚက︀ေႃႇ လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ုက︀်ႉꩭူဝ်က︀ူဝ်ပ︀ုꩫ︀်ႛ ဝႃႈꩬ︀ွꩫ︀်ꩭႂ်ႛꩫ︀က︀ဝ်ꩫ︀ႆ︀ႇ။ ꩬ︀ူယ︀ႃႇ လ︀ၵ︀ႃဢ︀ꩫ︀်ႈက︀ိꩫ︀်ႈၵ︀ဝ်ႛ မ︀ဝ်ပ︀ီꩫ︀်ႈꩬ︀ီ ꩫ︀မ︀်ႇꩡ︀ေႉꩫ︀ႆ︀ၢႈꩬ︀င︀်က︀ိꩫ︀်ႈဢ︀ူꩫ︀ႆ︀ႇၵ︀ဝ်ꩫ︀က︀ꩫ︀်ႈꩫ︀မ︀်။

ꩭေပ︀ရ︀ူး 6:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ တ︀ြႃးꩫ︀ႆ︀ႇꩬ︀ီ ဢ︀ꩫ︀်ႈꩬ︀ူက︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ꩫ︀င︀်မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛꩫ︀က︀ꩫ︀်ႈ င︀ႆ︀ႚက︀ေႃႇမ︀ိုင︀်ႇပ︀ွင︀်ႈလ︀ီင︀်ႇဢ︀ွႆ︀ဢ︀ူꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈꩫ︀ူႈꩫ︀ႃႛမ︀ꩫ︀်းꩡ︀ဝ်ႛꩬ︀ီ ꩬ︀ူပ︀ျႃးမ︀ႅတ︀်ႉတ︀ႃꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛမ︀ိူဝ်ႈလ︀ႂ်ႈက︀ေႃႇꩵ︀ႈလ︀ုမ︀်း။

ꩭေပ︀ရ︀ူး 6:4

က︀ူꩫ︀်းဢ︀ꩫ︀်ႈ တ︀ၢင︀်းယ︀ုမ︀်ယ︀မ︀်ႈၵ︀ဝ်မ︀ႆ︀ႛ ၵ︀ွတ︀်က︀ႃꩫ︀ႆ︀ႇၵ︀ဝ် ꩭႂ်ႛပ︀ူဝ်းꩬ︀ၢင︀်ဝွေပ︀ွက︀်ႉꩫ︀ႆ︀ႇ ꩭလ︀ိုဝ်က︀ေႃႇꩵ︀ႈပ︀ီꩫ︀်ႈꩫ︀ႆ︀ႛ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ဝ်ယ︀ႃႇ ဢ︀ꩫ︀်ႈလ︀ႅင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭွꩫ︀်ထိုင︀်မ︀ႃးယ︀ဝ်ႇ။ ꩬ︀ူးက︀ျေးꩡ︀ူးက︀ၢင︀်ႈꩭၢဝ်မ︀ႆ︀ႛက︀ေႃႇ ꩭူပ︀်ႉꩭꩫ︀်ꩬ︀ီၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ꩫ︀ႆ︀ႛမ︀ႃးယ︀ဝ်ႇ။

ယ︀ေႃးꩭၢꩫ︀် ႒ 1:8

င︀ႆ︀းꩫ︀ႆ︀ႇꩬ︀ီ ဢ︀မ︀ူးဢ︀ꩫ︀်ႈတ︀ူႈꩬ︀ေႈꩡ︀ႃႉမ︀ႃးꩫ︀ႆ︀ႇၵ︀ဝ် မ︀ဝ်ꩬ︀ုမ︀်းက︀ႃꩬ︀ေႇမ︀ဝ်က︀ႃး ꩭႂ်ႛပ︀ူဝ်းꩬ︀ူဢ︀က︀ိဝ်းꩫ︀ႆ︀ႛတ︀ီမ︀်ႈꩰꩫ︀ႆ︀ႇ ꩬ︀တ︀ိက︀ꩫ︀်ႈမ︀ႃးတ︀ႃႉ။

ၿျႃၻိက︀်ႉ 2:5

မ︀ႂ်းၵ︀ႂ်ႈလ︀ႂ်ႈတ︀ူက︀်ယ︀ွမ︀်းက︀ႃꩫ︀ꩫ︀ႆ︀ႇ ၵ︀ႂ်ႈꩡ︀ႂ်ႈတ︀ႃႉ။ ꩬ︀ၢင︀်ဝွေꩬ︀ီ ꩫ︀င︀်မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛ ꩭီတ︀်မ︀ႃးꩫ︀က︀ꩫ︀်ႈꩬ︀ိုင︀်ꩭီတ︀်တ︀ႃႉ။ မ︀ႂ်းလ︀ုက︀်ႉဢ︀ပ︀ႅတ︀်ႉမ︀ႆ︀ႛ ပ︀ူဝ်းမ︀ဝ်တ︀ၢဝ်ႈပ︀ွက︀်ႉမ︀ႃးက︀ီး က︀ဝ်ႈမ︀ႃးꩬ︀ီ ဝၢꩫ︀်ၸ︀ႆ︀းမ︀ႂ်း တ︀ီဢ︀ဝ်ႈၵ︀ႆ︀ၢႇၵ︀ွတ︀်ꩫ︀မ︀်။

ၿျႃၻိက︀်ႉ 3:3

င︀ႆ︀းꩫ︀ႆ︀ႇꩬ︀ီ ဢ︀ꩫ︀်ႈမ︀ႂ်းမ︀ႆ︀ႛꩬ︀ွꩫ︀်ꩭႂ်ႛမ︀ႃး၊ ဢ︀ꩫ︀်ႈမ︀ႂ်းꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇၵ︀ဝ်မ︀ႆ︀ႛ ဢ︀ွက︀်ꩡ︀ႂ်ႈꩬ︀ီ ထွမ︀်ꩡ︀ွမ︀်းꩫ︀ီႈꩫ︀ီႈတ︀ႃႉ။ ꩬ︀ၢင︀်ဝွေတ︀ႃႉ။ က︀ဝ်ႈမ︀ႆ︀ႛယ︀ုမ︀်ယ︀မ︀်ႈၵ︀ိူင︀်ꩰတ︀ႃႉ။ မ︀ႂ်းမ︀ဝ်လ︀ုက︀်ႉက︀ီး က︀ဝ်ႈမ︀ႂ်းမ︀ႆ︀ႛ ꩫ︀င︀်ၸ︀ူႛလ︀ၢက︀်ႉꩫ︀က︀ꩫ︀်ႈ တ︀ီမ︀ႃးꩫ︀မ︀် မ︀ိူဝ်ႈက︀ဝ်ႈမ︀ႃးꩫ︀ႆ︀ၢႈက︀ေႃႇ မ︀ႂ်းꩵ︀ႈꩫ︀ႆ︀ႛတ︀ွင︀်း။