က︀လ︀ႃတ︀ိ 6:2 - Khamti Shan

² က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ မ︀ိူဝ်ႈယ︀ပ︀်ꩫ︀ႆ︀ႇꩡ︀ွႆ︀ႈက︀ꩫ︀်ႈင︀ႆ︀းꩬ︀ီ ꩬ︀ိꩫ︀်ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ထွမ︀်ꩡ︀ွမ︀်းက︀ꩫ︀်ႈတ︀ႃႉ။

က︀လ︀ႃတ︀ိ 6:2 ပူးပေါင်းရင်းမြစ်များ

မ︀တ︀်တ︀ႄး 8:17

မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇꩬ︀ီ “ဢ︀ꩫ︀်ႈၵ︀ႆ︀ႛဢ︀ꩫ︀်ႈꩡ︀ီပ︀်ꩭဝ်းꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛဢ︀ဝ်ႈက︀ႃယ︀ဝ်ႇ” ꩫ︀ꩬ︀ီ ဢ︀ꩫ︀်ႈꩫ︀င︀်က︀ျမ︀်းပ︀ရ︀ေႃးၸ︀ႅတ︀်ႉꩭေꩬ︀ႃယ︀မ︀ႆ︀ႛ ဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ပ︀ီꩫ︀်ႈမ︀ႃးယ︀ဝ်ႇ။

လ︀ုက︀ႃ 11:46

မ︀ꩫ︀်းꩡ︀ဝ်ႛယ︀ႃႇ “ꩬ︀ြႃတ︀ြႃးၵ︀ဝ်ꩴ︀း ꩡ︀ႃႇꩬ︀ူက︀ေႃႇ ၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်။ ꩬ︀ူယ︀ႃႇ ထုင︀်းၸ︀ႃꩬ︀ႃဢ︀ꩫ︀်ႈယ︀ပ︀်ꩰꩫ︀ႆ︀ႇၵ︀ဝ် ပ︀ိူꩫ︀်ႈမ︀ႆ︀ႛꩭႂ်ႛက︀မ︀်ႈက︀ႅင︀်းꩬ︀ီ ꩬ︀ူၸ︀ူႛꩡ︀ဝ်ႛယ︀ႃႇ ဢ︀ဝ်ႈပ︀ႆ︀ၢႈမ︀ိုဝ်းꩫ︀ႆ︀ၢႈက︀ေႃႇ ၵ︀ဝ်မ︀ႆ︀ႛꩵ︀ႈꩡ︀ွႆ︀ႈ။

ယ︀ေႃးꩭၢꩫ︀် 13:34

ꩬ︀ူမ︀ႆ︀ႛ ꩬ︀ိꩫ︀်ဢ︀ꩫ︀်ႈမ︀ႂ်ꩭႂ်ႛက︀ွတ︀်။ ꩫ︀င︀်က︀ဝ်ႈꩬ︀ူမ︀ႆ︀ႛꩭၢက︀်ႉꩫ︀က︀ꩫ︀်ႈ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭၢက︀်ႉက︀ꩫ︀်ႈတ︀ႃႉ။

ယ︀ေႃးꩭၢꩫ︀် 15:12

ꩫ︀င︀်က︀ဝ်ႈꩬ︀ူမ︀ႆ︀ႛꩭၢက︀်ႉꩫ︀က︀ꩫ︀်ႈ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈꩭၢက︀်ႉက︀ꩫ︀်ႈတ︀ႃႉ။ ဢ︀ꩫ︀်ႈꩫ︀ႆ︀ႇယ︀ႃႇꩬ︀ိꩫ︀်ဢ︀ꩫ︀်ႈက︀ဝ်ႈꩬ︀ွꩫ︀်ꩭႂ်ႛꩫ︀မ︀်။

ရ︀ေႃမ︀ 15:1

ၸ︀ူႛဢ︀ꩫ︀်ႈလ︀ွင︀်ႈယ︀ုမ︀်ယ︀မ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ေၵ︀ိူင︀်ꩫ︀ႆ︀ႇၵ︀ဝ်ယ︀ႃႇ ၸ︀ူႛဢ︀ꩫ︀်ႈမ︀ဝ်က︀ေၵ︀ိူင︀်ꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛပ︀ူဝ်းက︀ေၵ︀ိူင︀်က︀ႃꩫ︀ႆ︀ႇ ဝႃႈꩡ︀ွႆ︀ႈꩭႂ်ႛက︀ꩫ︀်ႈꩫ︀မ︀်။ ꩫ︀င︀်ဢ︀လ︀ၢင︀်းၸ︀ူႛꩡ︀ဝ်ႛꩫ︀က︀ꩫ︀်ႈꩫ︀ႆ︀ၢႈ ꩵ︀ႈဝႃႈꩭီတ︀်။

ရ︀ေႃမ︀ 8:2

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်က︀ီး ꩬ︀ိꩫ︀်ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭႂ်ႛဢ︀ꩬ︀ၢက︀်ႉမ︀ႂ်မ︀ႆ︀ႛ ꩬ︀ူꩡ︀ွမ︀်းꩫ︀ႆ︀ႇꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛ လ︀ုက︀်ႉꩬ︀ိꩫ︀်ဢ︀ပ︀ႅတ︀်ႉꩫ︀ၵ︀ႃတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 9:21

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ꩭႂ်ႛပ︀ူဝ်းက︀ူꩫ︀်းဢ︀ꩫ︀်ႈꩬ︀ိꩫ︀်က︀ျူးမ︀ဝ်က︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ေꩬ︀ေꩫ︀ႆ︀ႛꩫ︀ႆ︀ႇ က︀ဝ်ႈၸ︀ူႛꩡ︀ဝ်ႛက︀မ︀်ႈꩬ︀ိꩫ︀်က︀ျူးၵ︀ႂ်ႈလ︀ႂ်ႈꩫ︀က︀ေႃႇ ꩫ︀င︀်မ︀ဝ်က︀မ︀်ႈ ꩫ︀က︀ꩫ︀်ႈဢ︀ူဢ︀ူ။ င︀ႆ︀းꩫ︀ႆ︀ႇꩬ︀ီ က︀ဝ်ႈၸ︀ူႛꩡ︀ဝ်ႛယ︀ႃႇ ꩬ︀ိꩫ︀်ꩡ︀ဝ်ႛၵ︀ရ︀ီတ︀်မ︀ႆ︀ႛ ꩡ︀ွမ︀်းထက︀်ꩰꩫ︀မ︀်။

က︀လ︀ႃတ︀ိ 6:5

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းက︀ူႈက︀ူဝ်ႇ ꩫ︀ႃႛတ︀ီႈၸ︀ူႛꩡ︀ဝ်ႛမ︀ႆ︀ႛ ၸ︀ူႛꩡ︀ဝ်ႛဝႃႈမ︀ႅက︀်ဢ︀ဝ်ႈယ︀ဝ်ႇက︀ꩫ︀်ႈꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:14

ၸ︀ူႛၵ︀ၢꩫ︀်ႇꩫ︀ႆ︀ႇၵ︀ဝ်မ︀ႆ︀ႛ ꩬ︀တ︀ိꩭႂ်ႛတ︀ႃႉ။ က︀ူꩫ︀်းဢ︀ꩫ︀်ႈက︀ူဝ်ႈꩭႆ︀ၢႇꩫ︀ႆ︀ႇၵ︀ဝ်မ︀ႆ︀ႛ ထႅမ︀်ꩭႅင︀်းꩭႂ်ႛတ︀ႃႉ။ ဢ︀ꩫ︀်ႈꩭႅင︀်းꩡ︀ႂ်ႈꩭႅင︀်းၵ︀ွꩫ︀်ဢ︀ေꩫ︀ႆ︀ႇၵ︀ဝ်မ︀ႆ︀ႛ ꩡ︀ွႆ︀ႈက︀ꩫ︀်ႈတ︀ႃႉ။ က︀ူꩫ︀်းက︀ူႈက︀ူဝ်ႇမ︀ႆ︀ႛ ꩡ︀ႂ်ႈယ︀ၢဝ်းက︀ꩫ︀်ႈတ︀ႃႉ။

ယ︀ႃက︀ု 1:25

ꩫ︀ႆ︀ႇꩫ︀က︀ေႃႇ ꩬ︀ိꩫ︀်ဢ︀ꩫ︀်ႈတ︀ီမ︀်ႈက︀ုမ︀် ဢ︀ꩫ︀်ႈပ︀ွႆ︀လ︀ွတ︀်ႉပ︀ီꩫ︀်ႈꩫ︀ႆ︀ႇမ︀ႆ︀ႛ ꩬ︀ူလ︀ႅမ︀်းꩫ︀ီႈꩫ︀ီႈ ꩬ︀ီ ထွမ︀်တ︀ေႇတ︀ေႇက︀ီး တ︀ြႃးမ︀ႆ︀ႛꩵ︀ႈလ︀ုမ︀်း။ တ︀ြႃးမ︀ႆ︀ႛက︀မ︀်ႈက︀ႅင︀်းꩫ︀ီႈꩫ︀ီႈ ꩫ︀ႆ︀ႇꩬ︀ီ ꩬ︀ူꩭီတ︀်က︀ꩬ︀င︀်ꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛဢ︀က︀ိဝ်းပ︀ူင︀်ႈꩭႂ်ႛဢ︀ူ။

ယ︀ႃက︀ု 2:12

င︀ႆ︀းꩫ︀ႆ︀ႇꩬ︀ီ ꩫ︀င︀်ၸ︀ူႛပ︀ိုင︀်ႈဢ︀ိင︀်ႈ ပ︀ိူင︀်ႈတ︀ြႃးဢ︀ꩫ︀်ႈက︀ူꩫ︀်းꩭဝ်းမ︀ႆ︀ႛက︀ေႛပ︀ွႆ︀ꩭႂ်ႛꩫ︀ႆ︀ႇ ꩫ︀က︀ꩫ︀်ႈ က︀မ︀်ႈက︀ႅင︀်းက︀ꩫ︀်ႈတ︀ႃႉ။

ယ︀ႃက︀ု 2:8

“က︀ူꩫ︀်းꩭိမ︀်းꩭိူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩫ︀င︀်ၸ︀ူႛꩡ︀ဝ်ႛꩫ︀က︀ꩫ︀်ႈꩭၢက︀်ႉတ︀ႃႉ” ꩫ︀ꩬ︀ီ ꩬ︀ိꩫ︀်ဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉဢ︀ꩫ︀်ႈက︀ျမ︀်းလ︀ိက︀်ႉမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဝႃႈဝႆ︀ႇꩫ︀ႆ︀ႇမ︀ႆ︀ႛ ꩡ︀ွမ︀်းက︀ီးꩫ︀ီႈဢ︀ူ။

ပ︀ေတ︀ရ︀ု ႑ 2:24

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩭႂ်ႛပ︀ူဝ်းꩬ︀ူဢ︀ပ︀ႅတ︀်ႉမ︀ဝ်ၵ︀ႂ်ႈက︀ၢပ︀်ꩭီတ︀်ꩬ︀ီ ဢ︀ꩫ︀်ႈပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ိုဝ်ႈꩡ︀ႂ်ႈꩫ︀ႆ︀ၢႈꩬ︀င︀် ၵ︀ႂ်ႈꩭီတ︀်က︀ႃꩫ︀ႆ︀ႇ ဢ︀ပ︀ႅတ︀်ႉꩭဝ်းမ︀ႆ︀ႛ ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛပ︀ၢက︀်ႉꩬ︀ီ က︀ꩫ︀်ႛꩫ︀ိူဝ်ꩬ︀ဝ်မ︀ႆ︀ႛ ၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ င︀ႆ︀ႚ ꩬ︀ူ ꩫ︀ႆ︀ႛဢ︀ူꩫ︀ီႈၵ︀ျမ︀်းꩬ︀ႃꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈတ︀ီႈꩡ︀ီပ︀်မ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်ꩫ︀မ︀်။

ပ︀ေတ︀ရ︀ု ႒ 2:21

ၵ︀ဝ်ယ︀ႃႇ တ︀ႃႇတ︀ၢင︀်းꩡ︀ဝ်ႛယ︀ေꩬ︀ုမ︀ႆ︀ႛ တ︀ွင︀်းꩬ︀ီ တ︀ြႃးမ︀ꩫ︀်းꩡ︀ဝ်ႛမ︀ႆ︀ႛ တ︀ီပ︀ႆ︀ၵ︀ွတ︀်ယ︀ႃႇ တ︀ၢင︀်းဢ︀မ︀ႂ်းမ︀ႆ︀ႛ မ︀ဝ်တ︀ွင︀်းမ︀ႃးꩫ︀ႆ︀ႇꩬ︀ိုင︀် ၵ︀ႅꩫ︀်းꩫ︀ီႈꩫ︀မ︀်။

ပ︀ေတ︀ရ︀ု ႒ 3:2

ၵ︀ၢမ︀်းဢ︀ꩫ︀်ႈမ︀ိူဝ်ႈင︀ႃးပ︀ုꩫ︀်ႛ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်ꩭူဝ်းမ︀ႃးမ︀ႆ︀ႛတ︀မ︀ိူင︀်း ၵ︀ၢမ︀်းဢ︀ꩫ︀်ႈ လ︀ုက︀်ႉတ︀မ︀ၢꩫ︀်ꩡ︀ဝ်ႛꩬ︀ူꩫ︀ႆ︀ႇၵ︀ဝ်မ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩡ︀ဝ်ႛၵ︀ေꩬ︀ေꩭဝ်း ꩬ︀င︀်ꩬ︀ွꩫ︀်မ︀ႃးꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ဢ︀ွက︀်ꩡ︀ႂ်ႈꩬ︀ီဢ︀ူက︀ꩫ︀်ႈတ︀ႃႉ။

ယ︀ေႃးꩭၢꩫ︀် ႑ 4:21

ꩬ︀ိꩫ︀်ဢ︀ꩫ︀်ႈꩭဝ်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် ꩭႂ်ႛမ︀ႃးꩫ︀ႆ︀ႇယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩭၢက︀်ႉက︀ီး ပ︀ိူꩫ︀်ႈမ︀ႆ︀ႛက︀ေႃႇ ဝႃႈꩭၢက︀်ႉဢ︀ူ” ꩫ︀ꩫ︀ႆ︀ႇꩫ︀မ︀်။