က︀လ︀ႃတ︀ိ 6:14 - Khamti Shan14 က︀ဝ်ႈက︀ီးယ︀ႃႇ လ︀ွင︀်ႈꩬ︀ဝ်ဝႃးမ︀ိုဝ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛလ︀ိူဝ်ꩬ︀ီ လ︀ွင︀်ႈက︀ꩬ︀င︀်မ︀ႆ︀ႛက︀ေႃႇ ꩵ︀ႈꩭုမ︀်ယ︀ဝ်ႇ။ လ︀ႆ︀ၢးပ︀ိူဝ်ႈꩬ︀ဝ်ဝႃးမ︀ိုဝ်းဢ︀မ︀ႂ်းꩬ︀ီ ဢ︀ꩫ︀်ႈက︀ဝ်ႈမ︀ိူင︀်းက︀ၢင︀်ႈမ︀ႆ︀ႛ ꩭွႆ︀ႛꩡ︀ႂ်ႈꩫ︀ႆ︀ႇ က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ တ︀ွက︀်တ︀ႆ︀ၢႈၵ︀ွတ︀်ယ︀ဝ်ႇ။ မ︀ိူင︀်းက︀ၢင︀်ႈꩫ︀ႆ︀ႇက︀ေႃႇ ꩡ︀ႃႇက︀ဝ်ႈက︀ီး က︀ꩬ︀င︀်က︀ေႃႇꩵ︀ႈꩡ︀ႂ်ႈယ︀ဝ်ႇ။ အခန်းကိုကြည့်ပါ။ |
င︀ႆ︀းꩫ︀ႆ︀ႇꩬ︀ီ ꩭႂ်ႛပ︀ူဝ်းꩭဝ်းမ︀ႆ︀ႛ ꩬ︀ိုဝ်ႈတ︀ူဝ်ဢ︀ူꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉꩫ︀ႆ︀ႇ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ူꩬ︀ီက︀ေႃႇ ꩭဝ်းမ︀ႆ︀ႛဢ︀ပ︀ႅတ︀်ႉယ︀င︀်းဢ︀ူꩫ︀ꩬ︀ီ က︀ျူးဢ︀ꩫ︀်ႈက︀ျမ︀်းꩬ︀ိꩫ︀်မ︀ႆ︀ႛ ပ︀ꩫ︀်ႛက︀ႅတ︀်ႉꩰꩫ︀ႆ︀ႇၵ︀ဝ်ꩭꩫ︀်က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ဢ︀ꩫ︀်ႈꩭဝ်းမ︀ႆ︀ႛဢ︀ွꩫ︀်ႈက︀ႃတ︀ၢင︀်းဢ︀ပ︀ႅတ︀်ႉက︀ျႃး။ ꩭလ︀ိုဝ်က︀ေႃႇ ꩵ︀ႈꩡ︀ႂ်ႈ။
င︀ႆ︀းꩫ︀ႆ︀ႇꩬ︀ီ က︀ဝ်ႈယ︀ႃႇ င︀ႆ︀ႚꩵ︀ႈယ︀င︀်းယ︀ဝ်ႇ။ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀် က︀ꩫ︀်ႛꩫ︀ႂ်းက︀ဝ်ႈမ︀ႆ︀ႛ ဢ︀ꩬ︀ၢက︀်ႉꩫ︀ိပ︀်ဢ︀ူꩫ︀ႆ︀ႇ။ င︀ႆ︀ႚက︀ဝ်ႈဢ︀ꩬ︀ၢက︀်ႉꩫ︀ိပ︀်ꩬ︀ီဢ︀ူꩫ︀ႆ︀ႇယ︀ႃႇ ဢ︀ဝ်ႈတ︀ၢင︀်းဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀မ︀်။ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛꩭၢက︀်ႉꩬ︀ီ ꩡ︀ႃႇက︀ဝ်ႈၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။
က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူမ︀ႆ︀ႛက︀ီလ︀ႆ︀ၢပ︀ၢꩫ︀်ႈဝႃႈမ︀ႃးꩫ︀ႆ︀ႇꩫ︀က︀ꩫ︀်ႈ င︀ႆ︀ႚက︀ေႃႇ ꩫ︀မ︀်ႇတ︀ႃႈတ︀ူက︀်ꩬ︀ီ ဝႃႈဢ︀ိက︀်က︀ွတ︀်။ က︀ူꩫ︀်းဢ︀ꩫ︀်ႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ၵ︀ၢမ︀်တ︀ႆ︀ၢႈမ︀ႆ︀ႛꩬ︀ၢꩫ︀်တ︀ၢꩫ︀်း၊ ဢ︀ꩫ︀်ႈꩫ︀င︀်လ︀ꩫ︀်ꩬ︀ူၸ︀ြႃးပ︀ီꩫ︀်ႈꩡ︀ဝ်ႛꩫ︀က︀ꩫ︀်ႈ ဢ︀ူꩫ︀ႆ︀ႇၵ︀ဝ် ဢ︀ၢꩫ︀်တ︀ၢꩫ︀်ယ︀င︀်းဢ︀ူ။
မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ဢ︀ꩫ︀်ႈꩬ︀ိုဝ်ႈꩡ︀ႂ်ႈယ︀ႃႇ ꩭဝ်းꩫ︀မ︀် ꩫ︀ႆ︀ႛꩭၢပ︀်ႉမ︀ႃးꩫ︀ႆ︀ႇ။ ၵ︀ဝ်ꩵ︀ႈꩡ︀ႂ်ႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛပ︀ႆ︀ၢႛဝႆ︀ႈꩬ︀ီ ဢ︀ꩫ︀်ႈꩡ︀ဝ်ႛယ︀ေꩬ︀ုꩭီတ︀်ꩭႂ်ႛမ︀ႃးꩫ︀ႆ︀ႇမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီꩫ︀မ︀်။ ꩭဝ်းယ︀ႃႇ ဢ︀ꩫ︀်ႈက︀ꩫ︀်ႛꩫ︀ွက︀်ႉတ︀ူဝ်ႈမ︀ႆ︀ႛ ꩭီတ︀်ꩫ︀ႆ︀ႇၵ︀ဝ်မ︀ႆ︀ႛ ꩵ︀ႈပ︀ိုင︀်ႈဢ︀ိင︀်ႈ။
မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်တ︀ႆ︀ၢႈꩫ︀ႆ︀ႇ ꩬ︀ူက︀ေႃႇတ︀ႆ︀ၢႈက︀ႃꩫ︀ႆ︀ႇꩬ︀ီ လ︀ုက︀်ႉၸ︀ီဢ︀ꩫ︀်ႈꩭူမ︀်းတ︀မ︀်တ︀ိူင︀်းꩫ︀ႆ︀ႇၵ︀ဝ်မ︀ႆ︀ႛလ︀ွတ︀်ႉယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩬ︀ူယ︀ႃႇ ꩫ︀င︀်က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ꩫ︀က︀ꩫ︀်ႈ ပ︀ီဢ︀ူယ︀ဝ်ႇ။ တ︀ြႃးဢ︀ꩫ︀်ႈက︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ဝႃႈꩡ︀ွမ︀်းက︀ႅင︀်း ဢ︀ꩫ︀်ႈမ︀ဝ်ဝႃႈတ︀ိုဝ်း၊ ဢ︀ꩫ︀်ႈမ︀ဝ်ဝႃႈက︀ိꩫ︀်ႈ၊ ဢ︀ꩫ︀်ႈမ︀ဝ်ဝႃႈက︀ိတ︀်ꩫ︀ꩫ︀ႆ︀ႇၵ︀ဝ်မ︀ႆ︀ႛ ပ︀ီꩡ︀ွမ︀်းက︀ႅင︀်းက︀ꩫ︀်ႈယ︀ဝ်ႇ။