ꩬ︀ြႃတ︀ြႃးၵ︀ဝ်င︀ႆ︀း ၸ︀ႃရ︀ိꩬ︀ႄၵ︀ဝ်ꩴ︀း ꩬ︀ူယ︀ႃႇ ၸ︀ူႛက︀ႅမ︀်ႛꩫ︀ႃႛလ︀ူင︀်ꩫ︀မ︀်။ ꩡ︀ႃႇꩭၢင︀်းꩬ︀ူယ︀ႃႇ ၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူယ︀ႃႇ ထမ︀်ႛဢ︀ုတ︀်ႉဢ︀ꩫ︀်ႈထုꩫ︀်တ︀ၢက︀်ႉဝႆ︀ႇꩫ︀က︀ꩫ︀်ႈꩫ︀မ︀်။ ထမ︀်ႛဢ︀ုတ︀်ႉꩫ︀ႆ︀ႇၵ︀ဝ်ယ︀ႃႇ က︀ꩫ︀်ႛꩫ︀ွက︀်ႉမ︀ႆ︀ႛယ︀ႃႇ ၵ︀ၢဝ်ပ︀ၢꩫ︀်းꩰꩬ︀ီꩫ︀ူႈꩬ︀ႅꩫ︀်ႛꩫ︀က︀ေႃႇ က︀ꩫ︀်ႛꩫ︀ႂ်းမ︀ႆ︀ႛယ︀ႃႇ ꩫ︀ုက︀်ၸ︀ူႛတ︀ႆ︀ၢႈဢ︀ꩫ︀်ႈꩫ︀ဝ်ႈꩫ︀ႆ︀ႇၵ︀ဝ် ဢ︀ꩫ︀်ႈꩭင︀်ႛဢ︀ꩫ︀်ႈꩭိုက︀်ꩫ︀ႆ︀ႇၵ︀ဝ်ꩫ︀ႆ︀ၢႈꩬ︀ိုင︀်တ︀ီမ︀်ႈက︀ꩫ︀်ႈꩫ︀မ︀်။
က︀လ︀ႃတ︀ိ 6:12 - Khamti Shan12 ꩬ︀ြႃဢ︀ꩫ︀်ႈꩬ︀ူမ︀ႆ︀ႛ ꩭႅပ︀်ႉꩭႂ်ႛꩭၢပ︀်ႉမ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ꩫ︀ႆ︀ႇၵ︀ဝ်ယ︀ႃႇ ၵ︀ဝ်ꩡ︀ွမ︀်းထုင︀်းတ︀ြႃးက︀ျူးဢ︀ူꩫ︀ꩫ︀ႆ︀ႇ ꩭၢင︀်းပ︀ိူꩫ︀်ႈꩭꩫ︀်ꩬ︀ီ ၵ︀ဝ်မ︀ႆ︀ႛယ︀ူဝ်းယ︀ွင︀်ႛꩫ︀ႆ︀ၢႈꩫ︀မ︀်။ ၵ︀ဝ်ꩭီတ︀်င︀ႆ︀းꩫ︀ႆ︀ႇ မ︀ိူဝ်ႈၵ︀ဝ်ꩭူဝ်းလ︀ွင︀်ႈꩬ︀ဝ်ဝႃးမ︀ိုဝ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇ ꩭႂ်ႛပ︀ူဝ်းၵ︀ဝ်မ︀ႆ︀ႛ ပ︀ိူꩫ︀်ႈမ︀ဝ်ꩫ︀ိက︀်ႉꩬ︀ၢက︀်ႉꩫ︀ႆ︀ႇꩫ︀မ︀်။ အခန်းကိုကြည့်ပါ။ |
က︀လ︀ႃတ︀ိ 6:12
22 ပူးပေါင်းရင်းမြစ်များ
ၵ︀ဝ်ယ︀ႃႇ ဢ︀ꩫ︀်ႈၵ︀ဝ်က︀မ︀်ႈꩰက︀ႅင︀်းꩰတ︀င︀်းမ︀ိူင︀်းမ︀ႆ︀ႛ ꩭႂ်ႛပ︀ူဝ်းပ︀ိူꩫ︀်ႈꩭꩫ︀်ꩫ︀ႆ︀ႇꩭီတ︀်ဢ︀ူ။ င︀ႆ︀းꩫ︀ႆ︀ႇꩬ︀ီ ꩫ︀ႃႛၸ︀က︀်ၵ︀ဝ်၊ ၵ︀ႅꩫ︀်မ︀ိုဝ်းၵ︀ဝ်မ︀ႆ︀ႛ ၵ︀ႅပ︀်ၵ︀ူဝ်ႛက︀ျမ︀်းလ︀ိက︀်ႉꩫ︀ႆ︀ႇၵ︀ဝ် ဢ︀ဝ်ႈယ︀ႂ်ꩰꩭီတ︀်င︀ႆ︀းꩬ︀ီ ၸ︀ွတ︀်ႉဝႆ︀ႇက︀ꩫ︀်ႈဢ︀ူ။ တ︀ိꩫ︀်ႈꩬ︀ိူဝ်ႛထမ︀ူင︀်ႇၵ︀ဝ်မ︀ႆ︀ႛက︀ေႃႇ ꩬ︀ႆ︀ၢဢ︀ꩫ︀်ႈယ︀ွႆ︀ႇꩫ︀ႆ︀ႇၵ︀ဝ် ဢ︀ဝ်ႈယ︀ၢဝ်းꩰယ︀ၢပ︀်ႉဝႆ︀ႇဢ︀ူ။
မ︀ိူဝ်ႈꩬ︀ူꩭႅတ︀်ႉတ︀ွင︀်ႇꩫ︀ႆ︀ႇ ꩫ︀င︀်ၸ︀ူႛက︀ႅမ︀်ႛꩫ︀ႃႛꩫ︀ႆ︀ႇၵ︀ဝ်ꩭီတ︀်ꩫ︀က︀ꩫ︀်ႈ ꩫ︀ႃႛဢ︀ꩫ︀်ႈꩭိဝ်ပ︀ီပ︀ျႃး။ ၵ︀ဝ်ယ︀ႃႇ ၵ︀ဝ်ꩭႅတ︀်ႉတ︀ွင︀်ႇဢ︀ူꩫ︀ꩫ︀ႆ︀ႇ ꩭႂ်ႛပ︀ူဝ်းပ︀ိူꩫ︀်ႈတ︀ွင︀်းꩫ︀ႆ︀ႇ ꩫ︀ႃႛꩭိဝ်ပ︀ျႃးꩬ︀ီဢ︀ူꩫ︀မ︀်။ က︀ဝ်ႈဝႃႈက︀ွတ︀်။ ၵ︀ဝ်ယ︀ႃႇ ꩬ︀ူးဢ︀ꩫ︀်ႈၵ︀ဝ်ထႅက︀်ႉꩫ︀ႆ︀ႇတ︀င︀်းမ︀ိူင︀်း လ︀ုက︀်ႉက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈယ︀ဝ်ႇꩰꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛꩬ︀ူးꩵ︀ႈပ︀ူင︀်ႈꩭႂ်ႛယ︀ဝ်ႇ။
မ︀ိူဝ်ႈၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛꩡ︀ွႆ︀ႈꩫ︀ႆ︀ႇက︀ေႃႇ ꩫ︀င︀်ၸ︀ူႛက︀ႅမ︀်ႛꩫ︀ႃႛꩫ︀ႆ︀ႇၵ︀ဝ်ꩫ︀က︀ꩫ︀်ႈပ︀ီꩭီတ︀်။ ၵ︀ဝ်ယ︀ႃႇ ဢ︀ꩫ︀်ႈၵ︀ဝ်ꩭီတ︀်မ︀ႆ︀ႛပ︀ိူꩫ︀်ႈꩭꩫ︀်ꩬ︀ီ ꩭႂ်ႛပ︀ူဝ်းၵ︀ဝ်မ︀ႆ︀ႛ ပ︀ိူꩫ︀်ႈယ︀ူဝ်းယ︀ွင︀်ႛꩫ︀ႆ︀ႇ ꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ် တ︀ၢင︀်းတ︀ွက︀်ꩫ︀ႆ︀ႇၵ︀ဝ်မ︀ႆ︀ႛ ယ︀ႃးꩬ︀ီလ︀ူꩰပ︀ꩫ︀်ႈꩰꩫ︀မ︀်။ က︀ဝ်ႈဝႃႈက︀ွတ︀်။ ၵ︀ဝ်ယ︀ႃႇ ꩬ︀ူးဢ︀ꩫ︀်ႈၵ︀ဝ်ထႅက︀်ႉꩫ︀ႆ︀ႇတ︀င︀်းမ︀ိူင︀်း လ︀ုက︀်ႉက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈယ︀ဝ်ႇꩰꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛꩬ︀ူးꩵ︀ႈꩭႂ်ႛယ︀ဝ်ႇ။
မ︀ိူဝ်ႈꩬ︀ူယ︀ွꩫ︀်းꩬ︀ူးꩫ︀ႆ︀ႇက︀ေႃႇ ꩫ︀င︀်ၸ︀ူႛက︀ႅမ︀်ႛꩫ︀ႃႛꩫ︀ႆ︀ႇၵ︀ဝ်ꩫ︀က︀ꩫ︀်ႈပ︀ီꩭီတ︀်။ ၵ︀ဝ်ယ︀ႃႇ ꩭႂ်ႛပ︀ူဝ်းၵ︀ဝ်မ︀ႆ︀ႛ ပ︀ိူꩫ︀်ႈတ︀င︀်းမ︀ိူင︀်းꩭꩫ︀်ꩫ︀ႆ︀ႇ ꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ်၊ တ︀ၢင︀်းꩭုမ︀်းꩫ︀ႆ︀ႇၵ︀ဝ်မ︀ႆ︀ႛ ꩬ︀ဝ်းꩬ︀ီယ︀ွꩫ︀်းꩬ︀ူးဢ︀ူ။ က︀ဝ်ႈဝႃႈက︀ွတ︀်။ ၵ︀ဝ်ယ︀ႃႇ ꩬ︀ူးဢ︀ꩫ︀်ႈၵ︀ဝ်ထႅက︀်ႉꩫ︀ႆ︀ႇတ︀င︀်းမ︀ိူင︀်း လ︀ုက︀်ႉက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈယ︀ဝ်ႇꩰꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛꩬ︀ူးꩵ︀ႈပ︀ူင︀်ႈယ︀ဝ်ႇ။
ယ︀ိူင︀်းက︀ꩫ︀်ႈတ︀ေႇတ︀ေႇက︀ွတ︀်ꩫ︀က︀ီး တ︀ူႈယ︀ႃႇ တ︀င︀်းက︀ူꩫ︀်းဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛယ︀ူဝ်းယ︀ွင︀်ႛꩫ︀ႆ︀ႇၵ︀ဝ် ဢ︀ꩫ︀်ႈဝႃႈယ︀ိူင︀်းꩵ︀ႈယ︀င︀်း။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ဝ်ယ︀ႃႇ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛꩭီတ︀်ပ︀ႅင︀်ႈꩡ︀ွမ︀်ႈင︀ႆ︀းꩬ︀ီ ၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈ ယ︀ိူင︀်းက︀ꩫ︀်ႈၵ︀ီင︀်က︀ꩫ︀်ႈင︀ႆ︀းꩬ︀ီ မ︀ိူက︀်ႉလ︀ူင︀်တ︀ေႇတ︀ေႇꩫ︀မ︀်။
ꩫ︀ႆ︀ႇမ︀ႆ︀ႛ ၵ︀ဝ်ꩫ︀င︀်ꩬ︀မ︀်မ︀ႃတ︀ြႃးၵ︀ၢဝ်ႈၵ︀ၢမ︀်းꩫ︀ီႈꩫ︀က︀ꩫ︀်ႈ ꩬ︀ိုဝ်ႈꩰတ︀ူဝ်ꩰꩵ︀ႈꩭီတ︀်ꩫ︀ꩫ︀ႆ︀ႇ က︀ဝ်ႈꩭꩫ︀်က︀ီး ပ︀ေတ︀ရ︀ုမ︀ႆ︀ႛ ပ︀ၢင︀်ႈꩫ︀ႃႛၵ︀ဝ်တ︀င︀်းမ︀ိူင︀်းမ︀ႆ︀ႛ “မ︀ႂ်းယ︀ႃႇ ပ︀ီꩫ︀်ႈက︀ျူးꩬ︀ီက︀ေႃႇ ထုင︀်းက︀ျူးမ︀ႆ︀ႛၵ︀ွတ︀်ꩬ︀ီ ꩫ︀င︀်ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀က︀ꩫ︀်ႈဢ︀ူယ︀ဝ်ႇက︀ီး ꩭီတ︀်က︀ꩬ︀င︀်ꩫ︀ႆ︀ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ꩭႅပ︀်ႉꩭႂ်ႛꩡ︀ွမ︀်းထုင︀်းက︀ျူးꩫ︀ႆ︀ႇ” ꩫ︀ꩬ︀ီ ဝႃႈꩭႂ်ႛဢ︀ူ။
မ︀ိူဝ်ႈဢ︀မ︀ႂ်းက︀ူꩫ︀်းဢ︀ꩫ︀်ႈပ︀ၢင︀်ႈက︀ုမ︀်ႈတ︀ူႈမ︀ႆ︀ႛၵ︀ဝ်ႛမ︀ႃး က︀မ︀်ႈၸ︀ွင︀်းယ︀ႃႇ ၸ︀ူႛယ︀ုမ︀်ယ︀မ︀်ႈꩵ︀ႈꩡ︀ႂ်ႈ။ ဢ︀ꩫ︀်ႈꩭႅꩫ︀်း ꩭီတ︀်ၸ︀ူႛယ︀ုမ︀်ယ︀မ︀်ႈꩬ︀ီ ၵ︀ဝ်ႛမ︀ႃးꩫ︀မ︀်။ တ︀ိတ︀ုဢ︀ꩫ︀်ႈတ︀င︀်းက︀ဝ်ႈလ︀ွေႛမ︀ႃးꩫ︀ႆ︀ႇယ︀ႃႇပ︀ီꩫ︀်ႈၸ︀ူႛယ︀ုမ︀်ယ︀မ︀်ႈၵ︀ႂ်ႈလ︀ႂ်ႈꩫ︀က︀ေႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇꩬ︀ီ ၵ︀ဝ်က︀မ︀်ႈၸ︀ွင︀်းယ︀ႃႇ မ︀ꩫ︀်းမ︀ႆ︀ႛၵ︀ႂ်ႈꩭႂ်ႛပ︀တ︀်ပ︀ႆ︀ၢႈꩫ︀င︀်က︀ꩫ︀်ႈꩫ︀မ︀်။ ꩫ︀ႆ︀ႇꩫ︀က︀ေႃႇ မ︀ꩫ︀်းမ︀ႆ︀ႛ ၸ︀ႂ်က︀ေႃႇꩵ︀ႈꩭႅပ︀်ႉမ︀ႃး။ ၵ︀ဝ်ယ︀ႃႇ ဢ︀ၵ︀ၢင︀်းဢ︀ꩫ︀်ႈလ︀ွတ︀်ႉ ဢ︀ꩫ︀်ႈလ︀ႆ︀ၢးပ︀ိူဝ်ႈဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ တ︀ူႈꩫ︀ႆ︀ႛꩫ︀ႆ︀ႇမ︀ႆ︀ႛ တ︀ီတ︀်ꩡ︀ိပ︀်ႉꩰၵ︀ႂ်ႈꩡ︀ွပ︀်ꩡ︀ႂ်းလ︀ႅမ︀်းꩬ︀ီ ပ︀ူက︀်ႉတ︀ူႈမ︀ႆ︀ႛၵ︀ဝ်ႛမ︀ႃးꩫ︀မ︀်။ ၵ︀ဝ်ယ︀ႃႇ တ︀ူႈမ︀ႆ︀ႛꩫ︀င︀်ၵ︀ႃႛꩫ︀က︀ꩫ︀်ႈ ꩬ︀ိꩫ︀်က︀ျူးမ︀ႆ︀ႛ ၵ︀ႂ်ႈꩭႂ်ႛꩡ︀ွမ︀်းထက︀်ꩰꩫ︀မ︀်။
ပ︀ီႈꩫ︀ွင︀်ႇၵ︀ဝ်ꩴ︀း ꩬ︀င︀်ဝႃႈ ꩫ︀င︀်ပ︀ိူꩫ︀်ႈပ︀ိꩫ︀်ႇꩫ︀က︀ꩫ︀်ႈ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ဝႃႈꩭၢပ︀်ႉဢ︀ူꩫ︀ꩬ︀ီ က︀ဝ်ႈꩭူဝ်း တ︀ေႇတ︀ေႇက︀ီး က︀ဝ်ႈမ︀ႆ︀ႛၵ︀ဝ် ဢ︀ꩫ︀်ႈဝႃႈꩫ︀ိက︀်ႉꩬ︀ၢက︀်ႉꩵ︀ႈယ︀င︀်းပ︀ိူင︀်ႈလ︀ူင︀်။ ဢ︀မ︀ႂ်းꩭူဝ်းမ︀ႃးတ︀ေႇတ︀ေႇက︀ီး က︀ဝ်ႈလ︀ွင︀်ႈဢ︀ꩫ︀်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀် က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛတ︀ႆ︀ၢႈꩫ︀ႆ︀ႇ ꩭူဝ်းꩫ︀က︀ေႃႇ က︀ဝ်ႈမ︀ႆ︀ႛ ၵ︀ဝ်ꩵ︀ႈꩫ︀ိက︀်ႉꩬ︀ၢက︀်ႉယ︀ဝ်ႇ။
က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူမ︀ႆ︀ႛက︀ီလ︀ႆ︀ၢပ︀ၢꩫ︀်ႈဝႃႈမ︀ႃးꩫ︀ႆ︀ႇꩫ︀က︀ꩫ︀်ႈ င︀ႆ︀ႚက︀ေႃႇ ꩫ︀မ︀်ႇတ︀ႃႈတ︀ူက︀်ꩬ︀ီ ဝႃႈဢ︀ိက︀်က︀ွတ︀်။ က︀ူꩫ︀်းဢ︀ꩫ︀်ႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ၵ︀ၢမ︀်တ︀ႆ︀ၢႈမ︀ႆ︀ႛꩬ︀ၢꩫ︀်တ︀ၢꩫ︀်း၊ ဢ︀ꩫ︀်ႈꩫ︀င︀်လ︀ꩫ︀်ꩬ︀ူၸ︀ြႃးပ︀ီꩫ︀်ႈꩡ︀ဝ်ႛꩫ︀က︀ꩫ︀်ႈ ဢ︀ူꩫ︀ႆ︀ႇၵ︀ဝ် ဢ︀ၢꩫ︀်တ︀ၢꩫ︀်ယ︀င︀်းဢ︀ူ။
တ︀ြႃးဢ︀ꩫ︀်ႈၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်မ︀ႆ︀ႛ ꩭီတ︀်ဢ︀ၵ︀ႅက︀်ႉꩬ︀ီꩭႂ်ႛပ︀ႆ︀ၢႛဝႆ︀ႈ၊ ဢ︀ꩫ︀်ႈꩭႅꩫ︀်းꩭီတ︀်က︀ွမ︀်းꩫ︀ွမ︀်းင︀ႆ︀း ဢ︀ꩫ︀်ႈတ︀ူဝ်ႈၸ︀ူႛꩡ︀ဝ်ႛမ︀ႆ︀ႛ ꩫ︀ိက︀်ႉꩬ︀ၢက︀်ႉꩫ︀ꩫ︀ႆ︀ႇၵ︀ဝ်ယ︀ႃႇ တ︀ြႃးဢ︀ꩫ︀်ႈထုက︀်ꩫ︀ီႈꩡ︀ွမ︀်းလ︀ူင︀်ꩫ︀က︀ꩫ︀်ႈ ပ︀ီꩫ︀်ႈၵ︀ႂ်ႈလ︀ႂ်ႈꩫ︀က︀ေႃႇ ဢ︀ꩫ︀်ႈꩫ︀ိူဝ်ႇꩫ︀ိူတ︀်ႉယ︀ွꩫ︀်းမ︀ႆ︀ႛ ထိꩫ︀်ဢ︀ဝ်ႈပ︀ေႇတ︀ေႇတ︀ေႇယ︀ႃႇꩵ︀ႈꩫ︀ႆ︀ႛ။
ကြော်ငြာတွေ