က︀လ︀ႃတ︀ိ 6:1 - Khamti Shan

¹ ပ︀ီႈꩫ︀ွင︀်ႇၵ︀ဝ်ꩴ︀း ꩬ︀င︀်ဝႃႈၸ︀ူႛယ︀ုမ︀်ယ︀မ︀်ႈက︀ူဝ်ႇလ︀ိူင︀်ႈ ꩭီတ︀်ဢ︀ပ︀ႅတ︀်ႉꩫ︀ႆ︀ႇမ︀ႆ︀ႛꩬ︀ူတ︀ွင︀်းက︀ီး က︀ူဝ်ႇဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ေꩭႂ်ႛꩫ︀ႆ︀ႇၵ︀ဝ်ယ︀ႃႇ ဢ︀ူꩫ︀်ႛဢ︀ူꩫ︀်ႛꩥ︀ေႈꩰꩬ︀ီ မ︀ꩫ︀်းမ︀ႆ︀ႛမ︀ေးꩭႂ်ႛက︀ꩫ︀်ႈတ︀ႃႉ။ ꩬ︀ူၸ︀ူႛꩡ︀ဝ်ႛက︀ေႃႇ ဢ︀ꩫ︀်ႈၵ︀ုꩫ︀်ꩬ︀ူင︀်က︀ဝ်းမ︀ႆ︀ႛ ꩭႂ်ႛပ︀ူဝ်းမ︀ဝ်လ︀ွေႛက︀ႃꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။

က︀လ︀ႃတ︀ိ 6:1 ပူးပေါင်းရင်းမြစ်များ

မ︀တ︀်တ︀ႄး 11:29

တ︀ြႃးက︀ဝ်ႈꩭၢပ︀်ႉဢ︀ဝ်ႈꩬ︀ီ လ︀ုက︀်ႉက︀ဝ်ႈမ︀ႆ︀ႛꩬ︀ွꩫ︀်ဢ︀ဝ်ႈတ︀ႃႉ။ ꩡ︀ႂ်ႈက︀ဝ်ႈယ︀ႃႇ ဢ︀ူꩫ︀်ႛဢ︀ွꩫ︀်က︀ွမ︀်းꩫ︀ွမ︀်းꩫ︀ႆ︀ႇꩬ︀ီ ꩬ︀ူတ︀ီꩫ︀ႆ︀ႛက︀တ︀်ယ︀ီꩫ︀်ႈၵ︀ျမ︀်းꩬ︀ႃꩫ︀မ︀်။

မ︀တ︀်တ︀ႄး 26:69

ပ︀ေတ︀ရ︀ုယ︀ႃႇ က︀ꩫ︀်ႛꩫ︀ွက︀်ႉပ︀ၢင︀်ႈတ︀ြႃးꩫ︀ႂ်းၵ︀ူင︀်ႇဝၢင︀်းမ︀ႆ︀ႛ ꩫ︀င︀်ႈꩬ︀ီဢ︀ူဢ︀ူ။ မ︀ိူဝ်ႈဢ︀မ︀ႂ်း ꩫ︀ၢင︀်းဢ︀ွꩫ︀်ၸ︀ူႛꩡ︀ႂ်ႇက︀ူဝ်ႇလ︀ိူင︀်ႈမ︀ႃးꩬ︀ီ “မ︀ႂ်းက︀ေႃႇ ၸ︀ူႛတ︀ႆ︀းက︀ူဝ်ႇယ︀ေꩬ︀ုက︀ူꩫ︀်းတ︀ိူင︀်းက︀ႃလ︀ိလ︀ႄးꩫ︀မ︀်” ꩫ︀ဝꩫ︀်ႇ။

မ︀တ︀်တ︀ႄး 26:75

ꩫ︀ႆ︀ႇမ︀ႆ︀ႛ “မ︀ိူဝ်ႈက︀ႆ︀မ︀ဝ်ပ︀ႆ︀ၵ︀ꩫ︀်ꩫ︀ႆ︀ႇ မ︀ႂ်းက︀ဝ်ႈမ︀ႆ︀ႛꩵ︀ႈတ︀ွင︀်းꩫ︀ꩬ︀ီ ꩬ︀ၢမ︀်ပ︀ၢꩫ︀်ႈတ︀ၢင︀်ႈꩰတ︀ီဝႃႈꩬ︀ႃး” ꩫ︀ꩬ︀ီ ꩡ︀ဝ်ႛယ︀ေꩬ︀ုဝႃႈမ︀ႃးꩫ︀ႆ︀ႇမ︀ႆ︀ႛ ပ︀ေတ︀ရ︀ုဢ︀ွက︀်ꩡ︀ႂ်ႈမ︀ႃးဢ︀ူ။ င︀ႆ︀းꩬ︀ီ မ︀ꩫ︀်းက︀ꩫ︀်ႛꩫ︀ွက︀်ႉမ︀ႆ︀ႛဢ︀ွက︀်ꩬ︀ီ ꩭႆ︀ႛၵ︀ီၵ︀ီၵ︀ုမ︀်ꩰဢ︀ူ။

မ︀တ︀်တ︀ႄး 9:13

“ဢ︀ꩫ︀်ႈက︀ဝ်ႈထုက︀်ꩡ︀ႂ်ႈꩫ︀ႆ︀ႇယ︀ႃႇ တ︀ူဝ်ႈၵ︀ႅက︀်ꩫ︀ႆ︀ႇၵ︀ဝ်ꩵ︀ႈꩡ︀ႂ်ႈ။ ꩭူဝ်ꩡ︀ႂ်ႈဢ︀ꩫ︀်ႈဢ︀ီꩫ︀ူႈက︀ꩫ︀်ႈꩫ︀ႆ︀ႇꩫ︀မ︀်” ꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛဝႃႈဝႆ︀ႇဢ︀ူ။ ၵ︀ၢမ︀်းဢ︀မ︀ႂ်း ၵ︀ႂ်ႈဝႃႈꩭိုဝ်ꩫ︀ꩫ︀ႆ︀ႇ က︀ႃလ︀ႅမ︀်းꩫ︀ီႈꩫ︀ီႈ တ︀ႃႉ။ က︀ဝ်ႈမ︀ႃးꩭွင︀်ႇက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇၵ︀ဝ်ꩵ︀ႈꩡ︀ႂ်ႈ၊ မ︀ႃးꩭွင︀်ႇက︀ူꩫ︀်းꩭၢႆ︀ႇက︀ူꩫ︀်းꩭုက︀်ꩫ︀ႆ︀ႇၵ︀ဝ်ꩫ︀မ︀်” ꩫ︀ဝꩫ︀်ႇ။

ရ︀ေႃမ︀ 14:1

ၸ︀ူႛယ︀ုမ︀်ယ︀မ︀်ႈ ဢ︀ꩫ︀်ႈꩵ︀ႈပ︀ႆ︀က︀ေၵ︀ိူင︀်ꩫ︀ႆ︀ႇၵ︀ဝ်မ︀ႆ︀ႛ ꩭၢပ︀်ႉတ︀ွꩫ︀်ႛꩫ︀ီႈꩫ︀ီႈက︀ꩫ︀်ႈတ︀ႃႉ။ လ︀ွင︀်ႈဢ︀ꩫ︀်ႈၵ︀ဝ် ထုက︀်ꩭီတ︀်မ︀ဝ်ထုက︀်ꩭီတ︀်ꩫ︀ꩫ︀ႆ︀ႇ တ︀င︀်းၵ︀ဝ်ပ︀ီထီင︀်ဝၢင︀်။

ရ︀ေႃမ︀ 15:1

ၸ︀ူႛဢ︀ꩫ︀်ႈလ︀ွင︀်ႈယ︀ုမ︀်ယ︀မ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ေၵ︀ိူင︀်ꩫ︀ႆ︀ႇၵ︀ဝ်ယ︀ႃႇ ၸ︀ူႛဢ︀ꩫ︀်ႈမ︀ဝ်က︀ေၵ︀ိူင︀်ꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛပ︀ူဝ်းက︀ေၵ︀ိူင︀်က︀ႃꩫ︀ႆ︀ႇ ဝႃႈꩡ︀ွႆ︀ႈꩭႂ်ႛက︀ꩫ︀်ႈꩫ︀မ︀်။ ꩫ︀င︀်ဢ︀လ︀ၢင︀်းၸ︀ူႛꩡ︀ဝ်ႛꩫ︀က︀ꩫ︀်ႈꩫ︀ႆ︀ၢႈ ꩵ︀ႈဝႃႈꩭီတ︀်။

ရ︀ေႃမ︀ 8:6

ꩭဝ်း ဢ︀ꩫ︀်ႈꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛထုက︀်ꩡ︀ႂ်ႈမ︀ႆ︀ႛꩫ︀ႆ︀ၢႈꩬ︀ိုင︀် ꩭွႆ︀ႛꩡ︀ႂ်ႈဢ︀ူက︀ီး တ︀ီꩫ︀ႆ︀ႛတ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈမ︀ႆ︀ႛꩬ︀င︀် ꩭွႆ︀ႛꩡ︀ႂ်ႈဢ︀ူက︀ီး ꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩬ︀ၢက︀်ႉꩭႂ်ႛꩬ︀ီ တ︀ီဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 10:12

င︀ႆ︀းꩬ︀ီ ꩬ︀င︀်ဝႃႈꩬ︀ူ တ︀ၢင︀်းယ︀ုမ︀်ယ︀မ︀်ႈၵ︀ိူင︀်က︀ိုမ︀်းဢ︀ူꩫ︀က︀ီးယ︀ႃႇ ꩭႂ်ႛပ︀ူဝ်းꩬ︀ူ ဢ︀ပ︀ႅတ︀်ႉမ︀ဝ်ꩭီတ︀်ꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 14:37

ꩬ︀င︀်ဝႃႈꩬ︀ူ ပ︀ီꩫ︀်ႈပ︀ရ︀ေႃးၸ︀ႅတ︀်ႉꩫ︀က︀ေႃႇယ︀ႃ ပ︀ီꩫ︀်ႈက︀ူဝ်ႇဢ︀ꩫ︀်ႈꩬ︀ူးၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀င︀်းꩫ︀က︀ေႃႇယ︀ႃ ၵ︀ၢမ︀်း ဢ︀ꩫ︀်ႈက︀ဝ်ႈဝႃႈꩫ︀ႆ︀ႇ ဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ိုင︀်မ︀ႃးꩫ︀မ︀်ꩫ︀ꩫ︀ႆ︀ႇ ꩬ︀ူတ︀ီတ︀ွင︀်းꩫ︀မ︀်။

က︀ေႃရ︀ိꩫ︀်တ︀ု ႑ 2:15

က︀ူꩫ︀်းဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀င︀်းယ︀ႃႇ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ တ︀ႅပ︀်ၵ︀ꩫ︀်ꩡ︀ၢင︀်ႈဢ︀ူ။ ꩫ︀ႆ︀ႇꩫ︀က︀ေႃႇ မ︀ꩫ︀်းမ︀ႆ︀ႛယ︀ႃႇၸ︀ႂ်က︀ေႃႇ တ︀ႅပ︀်ၵ︀ꩫ︀်ꩵ︀ႈပ︀ီꩫ︀်ႈ။

က︀ေႃရ︀ိꩫ︀်တ︀ု ႑ 3:1

ပ︀ီႈꩫ︀ွင︀်ႇၵ︀ဝ်ꩴ︀း မ︀ိူဝ်ႈက︀ဝ်ႈတ︀င︀်းꩬ︀ူဢ︀ူꩫ︀ႆ︀ႇ ꩫ︀င︀်က︀ူꩫ︀်းဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်မ︀ႆ︀ႛ ꩬ︀ွꩫ︀်ꩫ︀က︀ꩫ︀်ႈ ဢ︀ꩫ︀်ႈလ︀ိူက︀်ႉလ︀မ︀်ꩫ︀ႆ︀ႇၵ︀ဝ် ꩬ︀ွꩫ︀်ꩭႂ်ႛꩵ︀ႈꩫ︀ႆ︀ႛ။ ꩬ︀ူမ︀ႆ︀ႛယ︀ႃႇ ꩫ︀င︀်က︀ူꩫ︀်းဢ︀ꩫ︀်ႈꩡ︀ႂ်ႈꩫ︀ိူဝ်ႇꩫ︀ိူတ︀်ႉပ︀ေႇထူမ︀်ႛ၊ ꩫ︀င︀်က︀ူꩫ︀်းဢ︀ꩫ︀်ႈက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ီꩫ︀်ႈဢ︀ေႚꩫ︀ႆ︀ႇၵ︀ဝ်မ︀ႆ︀ႛ ꩬ︀ွꩫ︀်ꩫ︀က︀ꩫ︀်ႈꩫ︀ႆ︀ၢႈꩬ︀ိုင︀် ꩫ︀ႆ︀ႛꩬ︀ွꩫ︀်မ︀ႃးꩫ︀မ︀်။

က︀ေႃရ︀ိꩫ︀်တ︀ု ႑ 4:21

ꩬ︀ူꩫ︀င︀်ꩭိုဝ်ꩫ︀ႆ︀ ထုက︀်ꩡ︀ႂ်ႈꩫ︀ႆ︀ႇ။ မ︀ိူဝ်ႈက︀ဝ်ႈထိုင︀်မ︀ႃးꩫ︀ႆ︀ႇ က︀ဝ်ႈꩬ︀ူမ︀ႆ︀ႛ ဝႃႈꩭတ︀်ꩰက︀ႅမ︀်းꩰက︀ျႃး။ ဝႃႈꩭၢက︀်ႉꩰꩭွမ︀်ꩰꩬ︀ီဢ︀ူꩫ︀်ႛဢ︀ူꩫ︀်ႛꩥ︀ေႈꩰက︀ျႃး။

က︀ေႃရ︀ိꩫ︀်တ︀ု ႑ 7:5

က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ လ︀ွင︀်ႈၸ︀ူဝ်မ︀ေးပ︀ီင︀ိူင︀်ႇက︀ꩫ︀်ႈ။ ꩫ︀ႆ︀ႇꩫ︀က︀ေႃႇ ꩬ︀ူတ︀ီယ︀ွꩫ︀်းꩬ︀ူးက︀ီး ꩭႂ်ႛပ︀ူဝ်းတ︀င︀်းꩡ︀ႂ်ႈတ︀င︀်းၵ︀ူဝ်းꩫ︀ႆ︀ႛယ︀ွꩫ︀်းꩬ︀ူးꩫ︀ႆ︀ႇ လ︀ွင︀်ႈၸ︀ူဝ်မ︀ေးၵ︀ႂ်ႈလ︀ႂ်ႈတ︀ီင︀ိူင︀်ႇꩫ︀ꩫ︀ႆ︀ႇ တ︀င︀်းꩬ︀ွင︀်က︀ူဝ်ႇ ꩡ︀ႂ်ႈဢ︀ဝ်ႈၵ︀ူမ︀်က︀ꩫ︀်ႈဢ︀ွꩫ︀်ႈတ︀ၢင︀်းတ︀ႃႉ။ ꩫ︀ႆ︀ႇꩫ︀က︀ေႃႇ ယ︀ွꩫ︀်းꩬ︀ူးယ︀ဝ်ႇက︀ီး လ︀ွင︀်ႈၸ︀ူဝ်မ︀ေးꩡ︀ွမ︀်းꩡ︀ႂ်ႈꩭႂ်ႛက︀ꩫ︀်ႈပ︀ွက︀်ႉတ︀ႃႉ။ ꩫ︀ႆ︀ႇမ︀ဝ်ꩡ︀ႂ်ႈက︀ီး လ︀ႆ︀ၢးပ︀ိူဝ်ႈက︀ꩫ︀်ႛမ︀ဝ်ပ︀ီꩫ︀်ႈꩬ︀ီ ꩬ︀ူမ︀ႆ︀ႛၵ︀ုꩫ︀်ꩬ︀ူင︀်ꩡ︀ၢင︀်ႈက︀ဝ်းပ︀ေႇက︀ႃဢ︀ူ။

က︀ေႃရ︀ိꩫ︀်တ︀ု ႒ 10:1

က︀ဝ်ႈပ︀ေႃလ︀ုယ︀ႃႇ မ︀ိူဝ်ႈတ︀ူဝ်ꩫ︀ႃႛက︀ꩫ︀်ႈꩫ︀ႆ︀ႇက︀ူဝ်ႈꩰꩬ︀ွင︀်ꩰတ︀ၢꩫ︀်ႛꩬ︀ီ မ︀ိူဝ်ႈဢ︀ဝ်ႈလ︀ိက︀်ႉတ︀ႅမ︀်ႛက︀ီးꩭတ︀်ꩭၢꩫ︀်ဢ︀ူ ꩫ︀ꩬ︀ီက︀ူꩫ︀်းꩬ︀ူက︀မ︀်ႈၸ︀ွင︀်းဝႃႈဢ︀ူ။ ꩫ︀ႆ︀ႇꩫ︀က︀ေႃႇ င︀ႆ︀ႚက︀ဝ်ႈ ꩡ︀ႂ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ꩫ︀်ႈက︀ွမ︀်းꩫ︀ွမ︀်း ဢ︀ူꩫ︀်ႛꩥ︀ေႈꩫ︀ႆ︀ႇပ︀ၢက︀်ႉꩬ︀ီ ꩬ︀ူမ︀ႆ︀ႛ ဝွꩫ︀်းၵ︀ႅꩫ︀်းက︀ွတ︀်။ မ︀ိူဝ်ႈက︀ဝ်ႈမ︀ႃးꩫ︀ႆ︀ႇ က︀ူဝ်ႇဢ︀ꩫ︀်ႈꩫ︀င︀်က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ꩫ︀က︀ꩫ︀်ႈ ꩭီတ︀်ဢ︀မ︀ူးꩫ︀မ︀်ꩫ︀ꩬ︀ီ ဝႃႈꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈဝႃႈတ︀ၢꩫ︀်ႛၵ︀တ︀်ꩰꩫ︀မ︀်။ ꩫ︀ႆ︀ႇꩫ︀က︀ေႃႇ က︀ူပ︀်တ︀င︀်းꩬ︀ူꩬ︀ီ ꩭႂ်ႛပ︀ူဝ်းၵ︀ဝ်မ︀ႆ︀ႛ မ︀ဝ်တ︀ၢꩫ︀်ႛၵ︀တ︀်ꩰꩫ︀ႆ︀ႇ ꩡ︀ွႆ︀ႈက︀ꩫ︀်ႈမ︀ႃးတ︀ႃႉ။

က︀ေႃရ︀ိꩫ︀်တ︀ု ႒ 2:7

င︀ႆ︀ႚယ︀ႃႇမ︀ꩫ︀်းꩬ︀ၢင︀်ဝွေမ︀ႃးꩫ︀ႆ︀ႇꩬ︀ီ ꩭႂ်ႛပ︀ူဝ်းမ︀ꩫ︀်းꩡ︀ႂ်ႈꩬ︀ဝ်ႛၸ︀ႅဝ်ꩬ︀ီ ꩡ︀ႂ်ႈမ︀ဝ်ၸ︀ေႛက︀ႃꩫ︀ႆ︀ႇ မ︀ꩫ︀်းမ︀ႆ︀ႛ ဢ︀ပ︀ႅတ︀်ႉပ︀ွႆ︀ꩭႂ်ႛꩬ︀ီ လ︀ဝ်ꩭႂ်ႛက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႒ 2:8

ꩭီတ︀်င︀ႆ︀းꩬ︀ီ မ︀ꩫ︀်းမ︀ႆ︀ႛꩬ︀ူꩭၢက︀်ႉတ︀ေႇတ︀ေႇဢ︀ူꩫ︀ꩫ︀ႆ︀ႇ ꩬ︀ၢက︀်ႉꩬ︀ေပ︀ျႃးꩭႂ်ႛက︀ꩫ︀်ႈမ︀ႃးတ︀ႃႉꩫ︀ꩬ︀ီ က︀ဝ်ႈဝွꩫ︀်းၵ︀ႅꩫ︀်းဢ︀ူ။

က︀လ︀ႃတ︀ိ 5:23

ဢ︀ꩫ︀်ႈဢ︀ူꩫ︀်ႛဢ︀ွꩫ︀်င︀ႆ︀း ဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛထိꩫ︀်ပ︀ီꩫ︀်ႈꩫ︀ႆ︀ႇၵ︀ဝ် ဢ︀ဝ်ႈယ︀င︀်းꩭႂ်ႛဢ︀ူ။ တ︀ၢင︀်းက︀ႅင︀်းၸ︀ꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩬ︀ိꩫ︀်ဢ︀ꩫ︀်ႈလ︀ႂ်ႈက︀ေႃႇ ꩵ︀ႈꩭၢမ︀်ႛ။

က︀လ︀ႃတ︀ိ 6:18

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူတ︀င︀်းမ︀ိူင︀်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭႂ်ႛဢ︀ီꩫ︀ူႈꩭၢက︀်ႉꩭွမ︀်က︀ႃတ︀ႃႉ။ ꩬ︀ႃႈထု။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:1

ပ︀ီႈꩫ︀ွင︀်ႇၵ︀ဝ်ꩴ︀း ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ႂ်ႈꩫ︀ႆ︀ႇ ꩭိုဝ်လ︀ိုဝ်ဝႃႈဢ︀ူꩫ︀ꩫ︀ႆ︀ႇ ꩬ︀ူမ︀ႆ︀ႛတ︀ူႈꩬ︀ွꩫ︀်ꩭႂ်ႛမ︀ႃးယ︀ဝ်ႇ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ꩬ︀ူက︀ေႃႇ ꩡ︀ွမ︀်းက︀ႅင︀်းမ︀ႃးယ︀ဝ်ႇ။ ၵ︀ႆ︀ႇမ︀ဝ်က︀ႃး က︀ၢပ︀်ꩬ︀ီꩬ︀ေႈꩡ︀ႃႉက︀ႃတ︀ႃႉꩫ︀ꩬ︀ီ ꩬ︀ူမ︀ႆ︀ႛဢ︀ဝ်ႈဢ︀ၵ︀ၢင︀်းꩡ︀ဝ်ႛယ︀ေꩬ︀ု တ︀ိက︀်ꩬ︀ူꩫ︀်းꩭႂ်ႛဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:15

ꩫ︀ႆ︀ႇꩫ︀က︀ေႃႇ ꩫ︀င︀်လ︀ꩫ︀်ꩬ︀ူꩫ︀က︀ꩫ︀်ႈမ︀ဝ်ꩡ︀ႂ်ႈꩬ︀ီ ꩫ︀င︀်ပ︀ီႈꩫ︀ွင︀်ႇꩫ︀က︀ꩫ︀်ႈ ပ︀ꩫ︀်ႈꩬ︀တ︀ိꩭႂ်ႛတ︀ႃႉ။

တ︀ိမ︀ေႃတ︀ေ ႒ 2:25

က︀ူꩫ︀်းဢ︀ꩫ︀်ႈၸ︀ုꩫ︀်ႇပ︀ိꩫ︀်ႛꩬ︀မ︀်မ︀ႃတ︀ြႃးꩫ︀ႆ︀ႇၵ︀ဝ်မ︀ႆ︀ႛ ဢ︀ူꩫ︀်ႛဢ︀ူꩫ︀်ႛꩥ︀ေႈꩰꩬ︀ီ ဝႃႈꩡ︀ီႇလ︀ွင︀်ႈပ︀ျႃးတ︀ၢင︀်းꩫ︀မ︀်။ င︀ႆ︀းက︀ီး ၵ︀ဝ်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ၵ︀ၢင︀်းဢ︀ꩫ︀်ႈꩬ︀ၢင︀်ဝွေꩬ︀ီ ꩬ︀မ︀်မ︀ႃတ︀ြႃးမ︀ႆ︀ႛတ︀ွင︀်းမ︀ႃးꩫ︀ႆ︀ႇ ꩡ︀ၢင︀်ႈꩭႂ်ႛဢ︀ူ။

ꩭေပ︀ရ︀ူး 12:13

တ︀ိꩫ︀်ႈဢ︀ꩫ︀်ႈꩭၢꩫ︀်ႛꩫ︀ႆ︀ႇၵ︀ဝ် ꩭႂ်ႛပ︀ူဝ်းမ︀ဝ်ꩭၢက︀်က︀ႃလ︀ေႚလ︀ေႚꩬ︀ီ ꩫ︀ီႈꩬ︀ူဝ်းꩰမ︀ႃးꩫ︀ႆ︀ႇ တ︀ၢင︀်းဢ︀ꩫ︀်ႈꩬ︀ိုဝ်ႈတ︀ူဝ်မ︀ႆ︀ႛ က︀ၢပ︀်ꩬ︀ီၸ︀ႆ︀ၢႛက︀ႃက︀ꩫ︀်ႈတ︀ႃႉ။

ꩭေပ︀ရ︀ူး 13:3

က︀ူꩫ︀်းဢ︀ꩫ︀်ႈတ︀ူက︀်ထွင︀်ꩫ︀ႆ︀ႇၵ︀ဝ်မ︀ႆ︀ႛ ꩫ︀င︀်ꩬ︀ူၸ︀ူႛꩡ︀ဝ်ႛက︀ေႃႇ တ︀င︀်းၵ︀ဝ်တ︀ူက︀်ထွင︀်ဢ︀ူꩫ︀က︀ꩫ︀်ႈ ၵ︀ၢꩫ︀်ꩡ︀ႂ်ႈꩭႂ်ႛက︀ꩫ︀်ႈတ︀ႃႉ။ က︀ူꩫ︀်းဢ︀ꩫ︀်ႈပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛ ꩫ︀င︀်ꩬ︀ူၸ︀ူႛꩡ︀ဝ်ႛက︀ေႃႇ ၵ︀ၢမ︀်ဝေတ︀ꩫ︀ႃꩫ︀က︀ꩫ︀်ႈ ၵ︀ၢꩫ︀်ꩡ︀ႂ်ႈꩭႂ်ႛက︀ꩫ︀်ႈတ︀ႃႉ။

ယ︀ႃက︀ု 3:13

ꩫ︀ႂ်းꩬ︀ူမ︀ႆ︀ႛ ၸ︀ူႛꩭူႇၸ︀ူႛꩡ︀ၢင︀်ႈယ︀င︀်းက︀ီး က︀ူဝ်ႇဢ︀မ︀ႂ်းယ︀ႃႇ ꩫ︀င︀်ဢ︀ꩫ︀်ႈၸ︀ူႛꩡ︀ဝ်ႛꩭူႇꩡ︀ၢင︀်ႈꩫ︀က︀ꩫ︀်ႈ ဢ︀ူꩫ︀ီႈꩫ︀ီႈ က︀မ︀်ႈက︀ႅင︀်းꩫ︀ီႈꩫ︀ီႈ တ︀ႃႉ။ တ︀ၢင︀်းꩡ︀ၢင︀်ႈၸ︀ူႛꩡ︀ဝ်ႛက︀ေႃႇ မ︀ဝ်က︀မ︀်ႇလ︀ွင︀်ႛꩬ︀ီ ပ︀ျႃးꩫ︀ီႈꩫ︀ီႈ တ︀ႃႉ။

ယ︀ႃက︀ု 3:2

က︀ူꩫ︀်းꩭဝ်းတ︀င︀်းမ︀ိူင︀်းၸ︀ႂ်က︀ေႃႇ မ︀ဝ်ယ︀ၢꩫ︀်မ︀ဝ်ယ︀ၢꩫ︀်ၸ︀ိတ︀်ဢ︀ူ။ ꩫ︀ႆ︀ႇꩫ︀က︀ေႃႇ ꩬ︀င︀်ဝႃႈက︀ူဝ်ႇဢ︀ꩫ︀်ႈ မ︀ိူဝ်ႈလ︀ႂ်ႈက︀ေႃႇ တ︀ၢꩫ︀်ႛမ︀ဝ်ၸ︀ိတ︀်ꩫ︀ႆ︀ႇယ︀င︀်းက︀ီး က︀ူဝ်ႇဢ︀မ︀ႂ်းယ︀ႃႇ က︀ူꩫ︀်းဢ︀ꩫ︀်ႈတ︀ီမ︀်ႈက︀ုမ︀်၊ ဢ︀ꩫ︀်ႈတ︀င︀်းတ︀ူဝ်ႈၸ︀ူႛꩡ︀ဝ်ႛမ︀ႆ︀ႛ ꩫ︀ၢပ︀်ႉပ︀ေႇꩫ︀မ︀်။

ပ︀ေတ︀ရ︀ု ႑ 3:15

ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛꩬ︀ိုင︀် မ︀တ︀်ႉꩡ︀ဝ်ႛꩬ︀ီ က︀ူဝ်ႈယ︀မ︀်ႈက︀ꩫ︀်ႈတ︀ႃႉ။ ꩬ︀င︀်ဝႃႈလ︀ွင︀်ႈဢ︀ꩫ︀်ႈꩬ︀ူ တ︀ႂ်းထႃႛꩫ︀ႆ︀ႇ ပ︀ိူꩫ︀်ႈထၢမ︀်မ︀ႃးက︀ီး ꩭႂ်ႛပ︀ူဝ်းၵ︀ႆ︀ႈꩫ︀ႆ︀ႛꩫ︀ႆ︀ႇ ꩭႅမ︀်းထုက︀်ꩰဝႆ︀ႇတ︀ႃႉ။

ယ︀ေႃးꩭၢꩫ︀် ႑ 5:16

ꩬ︀င︀်ဝႃႈ ၸ︀ူႛယ︀ုမ︀်ယ︀မ︀်ႈက︀ူဝ်ႇလ︀ိူင︀်ႈ ꩭီတ︀်ဢ︀ပ︀ႅတ︀်ႉꩫ︀ႆ︀ႇမ︀ႆ︀ႛ ꩬ︀ူတ︀ွင︀်းꩬ︀ီ ဢ︀ပ︀ႅတ︀်ႉဢ︀မ︀ႂ်းယ︀ႃႇ ဢ︀ꩫ︀်ႈမ︀ꩫ︀်းမ︀ႆ︀ႛ တ︀ီဢ︀ွꩫ︀်ႈက︀ႃတ︀ၢင︀်းတ︀ၢႆ︀ႈမ︀ဝ်ꩡ︀ႂ်ႈꩫ︀မ︀်ꩫ︀က︀ီး ꩬ︀ူꩡ︀ႃႇမ︀ꩫ︀်းဝႃႈယ︀ွꩫ︀်းꩬ︀ူးဢ︀ူ။ င︀ႆ︀းက︀ီး က︀ူဝ်ႇဢ︀မ︀ႂ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩬ︀ၢက︀်ႉꩭႂ်ႛဢ︀ူ။ ꩫ︀ႆ︀ႇꩫ︀က︀ေႃႇ ဢ︀ပ︀ႅတ︀်ႉဢ︀ꩫ︀်ႈၵ︀ွꩫ︀်ဢ︀ꩬ︀ၢက︀်ႉက︀ူꩫ︀်းမ︀ႆ︀ႛ ဢ︀ဝ်ႈလ︀ူႇꩬ︀ုမ︀်းꩫ︀ꩫ︀ႆ︀ႇ ၸ︀ꩫ︀်းလ︀ိူင︀်ႈယ︀င︀်းဢ︀ူ။ က︀ဝ်ႈꩬ︀ူမ︀ႆ︀ႛ ꩭႂ်ႛယ︀ွꩫ︀်းꩬ︀ူးꩫ︀ႆ︀ႇယ︀ႃႇ ꩡ︀ႃႇက︀ူဝ်ႇဢ︀ꩫ︀်ႈၸ︀ိတ︀်ဢ︀ပ︀ႅတ︀်ႉၸ︀ꩫ︀်းဢ︀မ︀ႂ်း ꩵ︀ႈꩡ︀ႂ်ႈ။