က︀လ︀ႃတ︀ိ 5:21 - Khamti Shan

²¹ ꩬ︀ူꩥ︀်ႛက︀ꩫ︀်ႈ၊ က︀ိꩫ︀်ႈလ︀ဝ်ႛမ︀ဝ်ႇက︀မ︀်ႈက︀ꩫ︀်ႈ၊ ꩭီတ︀်ပ︀ွႆ︀းပ︀ိဝ်က︀ႃႛမ︀က︀ꩫ︀်ႈင︀ႆ︀း ꩭီတ︀်ဢ︀ꩫ︀်ႈမ︀ဝ်ꩫ︀ီႈတ︀ၢင︀်ၸ︀ꩫ︀်း ꩫ︀င︀်ၸ︀ꩫ︀်းဢ︀ꩫ︀်ႈꩫ︀ႆ︀ႇၵ︀ဝ်ꩫ︀မ︀်။ ꩬ︀ူမ︀ႆ︀ႛ ꩫ︀င︀်မ︀ိူဝ်ႈင︀ႃးပ︀ုꩫ︀်ႛ က︀ဝ်ႈꩭႂ်ႛꩬ︀တ︀ိမ︀ႃးꩫ︀က︀ꩫ︀်ႈ င︀ႆ︀ႚက︀ေႃႇꩭႂ်ႛꩬ︀တ︀ိဢ︀ိက︀်က︀ွတ︀်။ က︀ူꩫ︀်းဢ︀ꩫ︀်ႈꩭီတ︀်ၸ︀ꩫ︀်းဢ︀မ︀ႂ်းꩫ︀ႆ︀ႇၵ︀ဝ်ယ︀ႃႇ ဢ︀မ︀ွေဢ︀ꩫ︀်ႈဢ︀ူမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ ꩵ︀ႈꩫ︀ႆ︀ႛ။

က︀လ︀ႃတ︀ိ 5:21 ပူးပေါင်းရင်းမြစ်များ

မ︀တ︀်တ︀ႄး 25:34

ယ︀ဝ်ႇက︀ီး က︀ဝ်ႈၸ︀ူႛပ︀ီꩫ︀်ႈꩡ︀ဝ်ႛꩭူဝ်ၵ︀မ︀်းယ︀ႃႇ က︀ူꩫ︀်းပ︀ႃႛၵ︀ႃꩫ︀ႆ︀ႇၵ︀ဝ်မ︀ႆ︀ႛ “ꩬ︀ူဢ︀ꩫ︀်ႈပ︀ူဝ်က︀ဝ်ႈ ပ︀ူင︀်ႈဢ︀က︀ိဝ်းꩫ︀ႆ︀ႇၵ︀ဝ်မ︀ႃးတ︀ႃႉ။ မ︀ိူင︀်းဢ︀ꩫ︀်ႈꩡ︀ႃႇꩭၢင︀်းꩬ︀ူ လ︀ုက︀်ႉမ︀ိူဝ်ႈက︀မ︀်ၸ︀ႃတ︀ေပ︀ုꩫ︀်ႛꩭႅမ︀်းဝႆ︀ႇမ︀ႆ︀ႛ မ︀ႃးဢ︀ူတ︀ႃႉ။

လ︀ုက︀ႃ 21:34

ꩬ︀ူꩬ︀တ︀ိꩬ︀ီဢ︀ူက︀ꩫ︀်ႈတ︀ႃႉ။ ꩫ︀ႆ︀ႇမ︀ဝ်ꩡ︀ႂ်ႈက︀ီး မ︀ိူဝ်ႈꩬ︀ူက︀ိꩫ︀်ႈꩰမ︀ဝ်းꩰꩬ︀ီ လ︀ွင︀်ႈက︀ိꩫ︀်ႈ၊ လ︀ွဝ်ႈꩫ︀ုင︀်ႈ၊ လ︀ွင︀်ႈဢ︀ူꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ၢႈꩬ︀ိုင︀် ဢ︀မ︀ူးယ︀ုင︀်ႛဢ︀ူꩫ︀ႆ︀ႇ မ︀ဝ်ထိူပ︀်မ︀ဝ်တ︀ႂ်းꩬ︀ီ လ︀ွင︀်ႈဢ︀မ︀ႂ်းၵ︀ဝ် တ︀ီပ︀ီꩫ︀်ႈမ︀ႃးꩫ︀မ︀်။

ရ︀ေႃမ︀ 13:13

ꩫ︀င︀်မ︀ိူဝ်ႈလ︀ႅင︀်းꩫ︀ႆ︀ႇ ဢ︀ူꩫ︀က︀ꩫ︀်ႈဢ︀ူꩬ︀ႅꩫ︀်ႛꩬ︀ႅꩫ︀်ႛꩬ︀ီ က︀မ︀်ႈက︀ႅင︀်းꩫ︀ီႈꩫ︀ီႈက︀ꩫ︀်ႈတ︀ႃႉ။ ဢ︀ꩫ︀်ႈက︀ႃပ︀ွႆ︀းယ︀ူဝ်ႇꩡ︀ႂ်ႈက︀ႃႛမ︀ꩫ︀ႆ︀ႇၵ︀ဝ်၊ ဢ︀ꩫ︀်ႈက︀ိꩫ︀်ႈလ︀ဝ်ႛမ︀ဝ်ႇက︀မ︀်ႈꩫ︀ႆ︀ႇၵ︀ဝ်၊ ဢ︀ꩫ︀်ႈတ︀ၢင︀်းက︀ႅင︀်းလ︀ူႇပ︀ႅက︀်ႉယ︀ုက︀်ႉꩭင︀်ႛꩫ︀ႆ︀ႇၵ︀ဝ်၊ ဢ︀ꩫ︀်ႈꩡ︀ႂ်ႈက︀ႃႛမ︀ပ︀ေႇထူမ︀်ႛꩫ︀ႆ︀ႇၵ︀ဝ်၊ ဢ︀ꩫ︀်ႈꩫ︀ႃက︀ꩫ︀်ႈꩫ︀ꩫ︀်းက︀ꩫ︀်ႈꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈတ︀ႃႈꩫ︀ႅင︀်ႈက︀ꩫ︀်ႈꩫ︀ႆ︀ႇၵ︀ဝ် ၸ︀ႃႛက︀ꩫ︀်ႈတ︀ႃႉ။

ရ︀ေႃမ︀ 8:13

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ွမ︀်းꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ီး ဝႃႈတ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ ꩡ︀ႂ်ႈꩫ︀ိူဝ်ႇꩫ︀ိူတ︀်ႉဢ︀မ︀ႂ်းမ︀ႆ︀ႛ ဢ︀ဝ်ႈꩭႅင︀်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ၸ︀ႃႛလ︀ေႚလ︀ေႚက︀ီး ꩬ︀ူဢ︀ꩬ︀ၢက︀်ႉꩫ︀ိပ︀်ဢ︀ူ။

က︀ေႃရ︀ိꩫ︀်တ︀ု ႑ 15:50

ပ︀ီႈꩫ︀ွင︀်ႇၵ︀ဝ်ꩴ︀း ဢ︀ꩫ︀်ႈက︀ဝ်ႈၵ︀ႂ်ႈဝႃႈꩫ︀ႆ︀ႇယ︀ႃႇ တ︀ူဝ်ႈꩫ︀ိူဝ်ႇꩫ︀ိူတ︀်ႉက︀ူꩫ︀်းယ︀ႃႇ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭၢပ︀်ႉဢ︀မ︀ွေꩵ︀ႈꩫ︀ႆ︀ႛ။ တ︀ူဝ်ႈဢ︀ꩫ︀်ႈတ︀ႆ︀ၢႈꩡ︀ၢင︀်ႈယ︀ႃႇ ဢ︀ꩫ︀်ႈထႃဝရ︀မ︀ꩫ︀်ႛတ︀ိူင︀်ႈမ︀ႆ︀ႛ ꩭၢပ︀်ႉဢ︀မ︀ွေꩵ︀ႈꩫ︀ႆ︀ႛ။

က︀ေႃရ︀ိꩫ︀်တ︀ု ႑ 5:11

ဢ︀ꩫ︀်ႈက︀ဝ်ႈၵ︀ႂ်ႈဝႃႈꩫ︀ႆ︀ႇယ︀ႃႇ က︀ူဝ်ႇဢ︀ꩫ︀်ႈꩭီတ︀်ၵ︀ရ︀ီတ︀်ယ︀ၢꩫ︀်ꩬ︀ီ ၸ︀ိတ︀်က︀ႃႛမ︀၊ လ︀ေႃးၸ︀ႃးꩭႅင︀်း၊ ပ︀ႆ︀ၢႛဝႆ︀ႈꩭုꩫ︀်ꩭၢင︀်ႈ၊ ပ︀ိူꩫ︀်ႈမ︀ႆ︀ႛဢ︀ဝ်ႈꩡ︀ိုဝ်ႈၸ︀ေႛ၊ မ︀ဝ်းလ︀ဝ်ႛ၊ ပ︀ိူꩫ︀်ႈမ︀ႆ︀ႛမ︀ၢပ︀်က︀ိꩫ︀်ႈꩫ︀ႆ︀ႇၵ︀ဝ်မ︀ႆ︀ႛꩫ︀မ︀် ꩭႂ်ႛင︀ိူင︀်ႇꩫ︀ႆ︀ႇ။ တ︀င︀်းၵ︀ဝ်ယ︀ႃႇ မ︀ိူဝ်ႈက︀ိꩫ︀်ႈꩫ︀ႆ︀ၢႈက︀ေႃႇ ပ︀ီꩭူမ︀်ႈက︀ိꩫ︀်။

ဢ︀ေၸ︀ႅတ︀် 5:18

ꩬ︀ူယ︀ႃႇ ပ︀ီမ︀ူးပ︀ီမ︀ဝ်းက︀ꩫ︀်ႈ။ ꩭၢင︀်းꩭႂ်ႛꩬ︀ူၸ︀ူႛꩡ︀ဝ်ႛꩬ︀ိုင︀် လ︀ူႇပ︀ႅက︀်ႉက︀ႃꩫ︀ႆ︀ၢႈꩫ︀မ︀်။ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ိုင︀် ꩬ︀ူမ︀ႆ︀ႛꩭႂ်ႛထႅမ︀်တ︀ီမ︀်ႈꩰꩬ︀ီ ꩭႂ်ႛဢ︀ုပ︀်ႉပ︀ိုင︀်က︀ꩫ︀်ႈတ︀ႃႉ။

က︀ေႃလ︀ေႃတ︀ႄ 3:6

လ︀ႆ︀ၢးပ︀ိူဝ်ႈဢ︀ꩫ︀်ႈꩭင︀်ႛဢ︀မ︀ႂ်းၵ︀ဝ်ꩬ︀ီ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ထွမ︀်ꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛတ︀ီပ︀ူင︀်ႈတ︀ၢမ︀်ꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:7

ပ︀ၢင︀်ႛၵ︀မ︀်ႈယ︀ႃႇ ယ︀ၢမ︀်းဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်ꩫ︀ွꩫ︀်း၊ ယ︀ၢမ︀်းဢ︀ꩫ︀်ႈ ၵ︀ဝ်မ︀ူးမ︀ဝ်းꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:5

မ︀ိူဝ်ႈက︀ဝ်ႈတ︀င︀်းꩬ︀ူဢ︀ူꩫ︀ႆ︀ႇ လ︀ွင︀်ႈꩫ︀ႆ︀ႇၵ︀ဝ်က︀ဝ်ႈၵ︀ႆ︀ႈမ︀ႃးယ︀ဝ်ႇ။ ꩬ︀ူမ︀တ︀်ႉဝႆ︀ႇက︀ꩫ︀်ႈꩫ︀ီႈꩫ︀ီႈ တ︀ႃႉ။

ꩭေပ︀ရ︀ူး 13:4

လ︀ွင︀်ႈတ︀င︀်ႛꩭိူꩫ︀်းတ︀ေယ︀ေးမ︀ႆ︀ႛ က︀ူႈက︀ူဝ်ႇဝႆ︀ႇၵ︀ꩫ︀်ꩫ︀ၢပ︀်ႉယ︀မ︀်ႈ က︀ꩫ︀်ႈတ︀ႃႉ။ ပ︀ူဝ်ႈꩭိူꩫ︀်းမ︀ေႈꩭိူꩫ︀်းၸ︀ူႛꩡ︀ဝ်ႛမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းက︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းဢ︀ꩫ︀်ႈၸ︀ိတ︀်မ︀ေထုင︀် ဢ︀ꩫ︀်မ︀ဝ်တ︀ြႃးꩫ︀ၵ︀ႃ ဢ︀ꩫ︀်ႈၸ︀ိတ︀်ၸ︀ူဝ်ပ︀ိူꩫ︀်ႈမ︀ေးပ︀ိူꩫ︀်ႈꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးꩫ︀မ︀်။

ပ︀ေတ︀ရ︀ု ႑ 4:3

မ︀ိူဝ်ႈင︀ႃးပ︀ုꩫ︀်ႛယ︀ႃႇ ꩬ︀ူတ︀င︀်းက︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ဝ်တ︀ွင︀်းꩫ︀ႆ︀ႇၵ︀ဝ်လ︀ွေႛက︀ꩫ︀်ႈꩬ︀ီ ꩫ︀င︀်ၵ︀ဝ်ဢ︀ူꩫ︀က︀ꩫ︀်ႈဢ︀ူမ︀ႃးယ︀ဝ်ႇ။ တ︀ၢင︀်းက︀ႅင︀်းဢ︀ꩫ︀်ႈꩭင︀်ႛဢ︀ꩫ︀်ႈꩭိုက︀်၊ ဢ︀ꩫ︀်ႈꩡ︀ႂ်ႈက︀ႃမ︀ꩭႅင︀်း၊ ဢ︀ꩫ︀်ႈက︀ိꩫ︀်ႈလ︀ဝ်ႛမ︀ဝ်ႇက︀မ︀်ႈ၊ ဢ︀ꩫ︀်ႈꩭီတ︀်ပ︀ွႆ︀းပ︀ိဝ်က︀ႃမ︀က︀ꩫ︀်ႈ၊ ꩭီတ︀်ပ︀ွႆ︀းက︀ိꩫ︀်ႈလ︀ဝ်ႛက︀ꩫ︀်ႈ၊ ဢ︀ꩫ︀်ႈꩭုꩫ︀်ꩭၢင︀်ႈꩫ︀ႆ︀ႇၵ︀ဝ်မ︀ႆ︀ႛ ပ︀ႆ︀ၢႛꩭင︀်ႛပ︀ႆ︀ၢႛꩭိုက︀်ꩫ︀ႆ︀ႇၵ︀ဝ်မ︀ႆ︀ႛ ꩬ︀ူတ︀င︀်းꩡ︀ူဝ်ႈꩡ︀ုပ︀်ႉꩰꩡ︀ေႈꩰꩬ︀ီ ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူ ၵ︀ွတ︀်ꩫ︀ႆ︀ၢႈမ︀ႃးယ︀ဝ်ႇ။

ၿျႃၻိက︀်ႉ 21:27

ဝီင︀်းဢ︀မ︀ႂ်းမ︀ႆ︀ႛ က︀ူꩫ︀်းꩭင︀်ႛꩫ︀ႆ︀ႇၵ︀ဝ်၊ က︀ူꩫ︀်းဢ︀ꩫ︀်ႈꩭီတ︀်ဢ︀ꩫ︀်ႈၵ︀ိူင︀်ႈꩫ︀ီႈဢ︀ႆ︀ၢႈꩫ︀ႆ︀ႇၵ︀ဝ်၊ က︀ူꩫ︀်းဢ︀ꩫ︀်ႈၸ︀ႅတ︀်ႉꩫ︀ႆ︀ႇၵ︀ဝ် ꩵ︀ႈꩫ︀ႆ︀ႛၵ︀ဝ်ႛ။ က︀ူꩫ︀်းဢ︀ꩫ︀်ႈ ပ︀ၢပ︀်ႉပ︀ူႇဢ︀ွꩫ︀် ပ︀ၢပ︀်ႉဢ︀ꩬ︀ၢက︀်ႉမ︀ႆ︀ႛ ꩡ︀ိုဝ်ႈလ︀ွေႛꩫ︀ႆ︀ႇၵ︀ဝ်ꩫ︀ႆ︀ၢႈꩬ︀ိုင︀် တ︀ီꩫ︀ႆ︀ႛၵ︀ဝ်ႛꩫ︀မ︀်။

ၿျႃၻိက︀်ႉ 22:15

ꩫ︀ႆ︀ႇꩫ︀က︀ေႃႇ က︀ူꩫ︀်းဢ︀ꩫ︀်ႈꩡ︀ႂ်ႈက︀ူꩫ︀်းမ︀ဝ်ယ︀င︀်းꩫ︀ႆ︀ႇၵ︀ဝ်၊ ဢ︀ꩫ︀်ႈꩡ︀ွႆ︀းပ︀ိူꩫ︀်ႈꩫ︀ႆ︀ႇၵ︀ဝ်၊ ဢ︀ꩫ︀်ႈၸ︀ိတ︀်မ︀ေးလ︀ုက︀်ႉပ︀ိူꩫ︀်ႈꩫ︀ႆ︀ႇၵ︀ဝ်၊ ၸ︀ူႛဢ︀ဝ်ႈတ︀ႆ︀ၢႈက︀ူꩫ︀်းꩫ︀ႆ︀ႇၵ︀ဝ်၊ ၸ︀ူႛပ︀ႆ︀ၢႛꩭုꩫ︀်ꩭၢင︀်ႈꩫ︀ႆ︀ႇၵ︀ဝ်၊ ၸ︀ူႛၸ︀ႅတ︀်ႉၸ︀ၢင︀်းꩫ︀ႆ︀ႇၵ︀ဝ်ယ︀ႃႇက︀ꩫ︀်ႛꩫ︀ႂ်းဝီင︀်းမ︀ႆ︀ႛ ꩵ︀ႈꩫ︀ႆ︀ႛၵ︀ဝ်ႛ။