က︀လ︀ႃတ︀ိ 5:11 - Khamti Shan

¹¹ ပ︀ီႈꩫ︀ွင︀်ႇၵ︀ဝ်ꩴ︀း ꩬ︀င︀်ဝႃႈ ꩫ︀င︀်ပ︀ိူꩫ︀်ႈပ︀ိꩫ︀်ႇꩫ︀က︀ꩫ︀်ႈ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ဝႃႈꩭၢပ︀်ႉဢ︀ူꩫ︀ꩬ︀ီ က︀ဝ်ႈꩭူဝ်း တ︀ေႇတ︀ေႇက︀ီး က︀ဝ်ႈမ︀ႆ︀ႛၵ︀ဝ် ဢ︀ꩫ︀်ႈဝႃႈꩫ︀ိက︀်ႉꩬ︀ၢက︀်ႉꩵ︀ႈယ︀င︀်းပ︀ိူင︀်ႈလ︀ူင︀်။ ဢ︀မ︀ႂ်းꩭူဝ်းမ︀ႃးတ︀ေႇတ︀ေႇက︀ီး က︀ဝ်ႈလ︀ွင︀်ႈဢ︀ꩫ︀်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀် က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛတ︀ႆ︀ၢႈꩫ︀ႆ︀ႇ ꩭူဝ်းꩫ︀က︀ေႃႇ က︀ဝ်ႈမ︀ႆ︀ႛ ၵ︀ဝ်ꩵ︀ႈꩫ︀ိက︀်ႉꩬ︀ၢက︀်ႉယ︀ဝ်ႇ။

က︀လ︀ႃတ︀ိ 5:11 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 16:3

ပ︀ေႃလ︀ုယ︀ႃႇတ︀ိမ︀ေႃတ︀ေမ︀ႆ︀ႛ ၵ︀ႂ်ႈꩭႂ်ႛꩡ︀ွမ︀်းမ︀ꩫ︀်းꩬ︀ီ မ︀ꩫ︀်းမ︀ႆ︀ႛမ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ꩭႂ်ႛဢ︀ူ။ မ︀ꩫ︀်းꩭီတ︀်င︀ႆ︀းꩫ︀ႆ︀ႇ ၸ︀ူႛပ︀ူဝ်ႈတ︀ိမ︀ေႃတ︀ေယ︀ႃႇ ပ︀ီꩫ︀်ႈၸ︀ꩫ︀်းက︀ရ︀ိက︀်ꩫ︀မ︀်ꩫ︀ꩫ︀ႆ︀ႇ က︀ျူးဢ︀ꩫ︀်ႈဢ︀ူဝီင︀်းဢ︀မ︀ႂ်းၵ︀ဝ် တ︀ွင︀်းက︀ꩫ︀်ႈꩬ︀ီꩫ︀မ︀်။

ထဝ်ꩡ︀တ︀်ႉၵ︀ဝ် 21:21

မ︀ႂ်းယ︀ႃႇ က︀ျူး ဢ︀ꩫ︀်ႈဢ︀ူက︀ꩫ︀်ႛꩫ︀ႂ်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛꩭႂ်ႛပ︀ူဝ်း လ︀ၵ︀ႃၵ︀ဝ်မ︀ႆ︀ႛ မ︀ၢင︀်က︀လ︀ႃတ︀ႅပ︀်ပ︀ၢႆ︀ႈꩫ︀င︀်မ︀ဝ်ꩭႂ်ႛꩫ︀ႆ︀ႇလ︀ိူင︀်ႈ၊ ꩭႂ်ႛပ︀ူဝ်းထုင︀်းၸ︀ိင︀်ႛက︀ျူးꩫ︀ႆ︀ႇၵ︀ဝ်မ︀ႆ︀ႛမ︀ဝ်ꩡ︀ွမ︀်းꩫ︀ႆ︀ႇလ︀ိူင︀်ႈ ꩬ︀ွꩫ︀်ꩭႂ်ႛꩬ︀ီ က︀ျမ︀်းꩬ︀ိꩫ︀်မ︀ေႃꩬ︀ေမ︀ႆ︀ႛꩭႂ်ႛၵ︀ွတ︀်က︀ꩫ︀်ႈဢ︀ူꩫ︀ꩫ︀ႆ︀ႇ ၵ︀ဝ်ꩫ︀ႆ︀ႛꩥ︀ိꩫ︀်းက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 21:28

“ပ︀ီႈꩫ︀ွင︀်ႇဢ︀ီတ︀်ꩬ︀ြေးၵ︀ဝ်ꩴ︀း ꩡ︀ွႆ︀ႈက︀ꩫ︀်ႈမ︀လ︀ႃး။ က︀ူဝ်ႇꩫ︀ႆ︀ႇယ︀ႃႇ က︀ူႈတ︀ီႈမ︀ႆ︀ႛက︀ႃꩬ︀ီ ၸ︀ꩫ︀်းꩭဝ်းꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း က︀ျမ︀်းꩬ︀ိꩫ︀်မ︀ေႃꩬ︀ေမ︀ႆ︀ႛတ︀မ︀ိူင︀်း ꩡ︀ွင︀်းၿိက︀်ႉမ︀ၢꩫ︀်ꩫ︀ႆ︀ႇမ︀ႆ︀ႛတ︀မ︀ိူင︀်းꩭႂ်ႛပ︀ူဝ်းꩬ︀ၢꩫ︀်တ︀ၢꩫ︀်းꩫ︀ႆ︀ႇပ︀ိူꩫ︀်ႈမ︀ႆ︀ႛ ꩬ︀ွꩫ︀်ꩭႂ်ႛဢ︀ူ။ င︀ႆ︀ႚက︀ေႃႇ မ︀ꩫ︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ က︀ꩫ︀်ႛꩫ︀ႂ်းꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛꩭွင︀်ႇမ︀ႃးꩬ︀ီ တ︀ီႈဢ︀ꩫ︀်ႈမ︀ူတ︀်ꩡ︀ၢင︀်မ︀ႆ︀ႛ ဢ︀ဝ်ႈယ︀ုက︀်ႉဢ︀ဝ်ႈꩭင︀်ႛဢ︀ူ” ꩫ︀ꩬ︀ီဢ︀ိဝ်က︀ꩫ︀်ႈဢ︀ူ။

က︀ေႃရ︀ိꩫ︀်တ︀ု ႑ 1:18

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ၢဝ်ႈၵ︀ၢမ︀်းလ︀ွင︀်ႈဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ၵ︀ၢမ︀်တ︀ၢႆ︀ႈꩫ︀ႆ︀ႇယ︀ႃႇ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ယ︀ုမ︀်ꩫ︀ႆ︀ႇၵ︀ဝ်မ︀ႆ︀ႛꩭူဝ်းက︀ီး ၵ︀ဝ်ယ︀ႃႇ ၵ︀ၢဝ်ႈၵ︀ၢမ︀်ႈဢ︀မ︀ႂ်းမ︀ႆ︀ႛ မ︀တ︀်ႉၵ︀ၢမ︀်းၸ︀ူႛမ︀ိူက︀်ႉꩫ︀မ︀်။ ꩫ︀ႆ︀ႇꩫ︀က︀ေႃႇ ꩡ︀ႃႇꩭဝ်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ꩫ︀က︀ီး ၵ︀ၢဝ်ႈၵ︀ၢမ︀်းဢ︀မ︀ႂ်းယ︀ႃႇ တ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈၵ︀ေꩬ︀ေက︀ူꩫ︀်းမ︀ိူင︀်းက︀ၢင︀်ႈꩫ︀မ︀်ꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။

က︀ေႃရ︀ိꩫ︀်တ︀ု ႑ 1:23

တ︀ူႈယ︀ႃႇ ၵ︀ၢဝ်ႈၵ︀ၢမ︀်းလ︀ွင︀်ႈဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩬ︀ဝ်ဝႃးမ︀ိုဝ်းမ︀ႆ︀ႛ ၵ︀ၢမ︀်းတ︀ႆ︀ၢႈꩫ︀ႆ︀ႇꩬ︀င︀် ꩭူဝ်းဢ︀ူꩫ︀မ︀်။ ၵ︀ၢဝ်ႈၵ︀ၢမ︀်းဢ︀မ︀ႂ်းယ︀ႃႇ ဢ︀ꩫ︀်ႈက︀ျူးꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈတ︀ွင︀်ႛလ︀ူမ︀်ႇ၊ ဢ︀ꩫ︀်ႈဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် မ︀တ︀်ႉၵ︀ၢမ︀်းၸ︀ူႛမ︀ိူက︀်ႉလ︀ေႚလ︀ေႚꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 15:30

ၸ︀ူႛတ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီမ︀ဝ်ဢ︀ဝ်ႈꩫ︀ိပ︀်ပ︀ွက︀်ႉက︀ီး ꩭဝ်းက︀ေႃႇ တ︀ၢင︀်းဢ︀ꩫ︀်ႈၸ︀ေးꩫ︀မ︀်မ︀ႆ︀ႛ ဢ︀ꩫ︀်ႈဝႃႈတ︀ႆ︀ꩵ︀ႈယ︀င︀်း။

က︀လ︀ႃတ︀ိ 2:3

မ︀ိူဝ်ႈဢ︀မ︀ႂ်းက︀ူꩫ︀်းဢ︀ꩫ︀်ႈပ︀ၢင︀်ႈက︀ုမ︀်ႈတ︀ူႈမ︀ႆ︀ႛၵ︀ဝ်ႛမ︀ႃး က︀မ︀်ႈၸ︀ွင︀်းယ︀ႃႇ ၸ︀ူႛယ︀ုမ︀်ယ︀မ︀်ႈꩵ︀ႈꩡ︀ႂ်ႈ။ ဢ︀ꩫ︀်ႈꩭႅꩫ︀်း ꩭီတ︀်ၸ︀ူႛယ︀ုမ︀်ယ︀မ︀်ႈꩬ︀ီ ၵ︀ဝ်ႛမ︀ႃးꩫ︀မ︀်။ တ︀ိတ︀ုဢ︀ꩫ︀်ႈတ︀င︀်းက︀ဝ်ႈလ︀ွေႛမ︀ႃးꩫ︀ႆ︀ႇယ︀ႃႇပ︀ီꩫ︀်ႈၸ︀ူႛယ︀ုမ︀်ယ︀မ︀်ႈၵ︀ႂ်ႈလ︀ႂ်ႈꩫ︀က︀ေႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇꩬ︀ီ ၵ︀ဝ်က︀မ︀်ႈၸ︀ွင︀်းယ︀ႃႇ မ︀ꩫ︀်းမ︀ႆ︀ႛၵ︀ႂ်ႈꩭႂ်ႛပ︀တ︀်ပ︀ႆ︀ၢႈꩫ︀င︀်က︀ꩫ︀်ႈꩫ︀မ︀်။ ꩫ︀ႆ︀ႇꩫ︀က︀ေႃႇ မ︀ꩫ︀်းမ︀ႆ︀ႛ ၸ︀ႂ်က︀ေႃႇꩵ︀ႈꩭႅပ︀်ႉမ︀ႃး။ ၵ︀ဝ်ယ︀ႃႇ ဢ︀ၵ︀ၢင︀်းဢ︀ꩫ︀်ႈလ︀ွတ︀်ႉ ဢ︀ꩫ︀်ႈလ︀ႆ︀ၢးပ︀ိူဝ်ႈဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ တ︀ူႈꩫ︀ႆ︀ႛꩫ︀ႆ︀ႇမ︀ႆ︀ႛ တ︀ီတ︀်ꩡ︀ိပ︀်ႉꩰၵ︀ႂ်ႈꩡ︀ွပ︀်ꩡ︀ႂ်းလ︀ႅမ︀်းꩬ︀ီ ပ︀ူက︀်ႉတ︀ူႈမ︀ႆ︀ႛၵ︀ဝ်ႛမ︀ႃးꩫ︀မ︀်။ ၵ︀ဝ်ယ︀ႃႇ တ︀ူႈမ︀ႆ︀ႛꩫ︀င︀်ၵ︀ႃႛꩫ︀က︀ꩫ︀်ႈ ꩬ︀ိꩫ︀်က︀ျူးမ︀ႆ︀ႛ ၵ︀ႂ်ႈꩭႂ်ႛꩡ︀ွမ︀်းထက︀်ꩰꩫ︀မ︀်။

က︀လ︀ႃတ︀ိ 3:1

က︀ူꩫ︀်းဝီင︀်းက︀လ︀ႃတ︀ိၵ︀ဝ်ꩴ︀း ꩬ︀ူမ︀ိူက︀်ႉလ︀ူင︀်ꩥ︀ႃ။ ꩬ︀ူမ︀ႆ︀ႛပ︀ိူꩫ︀်ႈၸ︀ၢမ︀်းဝႆ︀ႇက︀ႃက︀ျႃး။ လ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛတ︀ႆ︀ၢႈက︀ႃꩫ︀ႆ︀ႇ ပ︀ၢင︀်ႈꩫ︀ႃႛꩬ︀ူမ︀ႆ︀ႛ ပ︀ူဝ်းၵ︀ႆ︀ႈꩡ︀ုꩫ︀်ႈꩰပ︀ျႃးမ︀ႃးက︀ေႃႇ ꩭလ︀ိုဝ်ꩬ︀ီပ︀ီꩫ︀်ႈင︀ႆ︀းက︀ႃက︀ꩫ︀ႆ︀။

က︀လ︀ႃတ︀ိ 4:29

မ︀ိူဝ်ႈင︀ႃးပ︀ုꩫ︀်ႛ လ︀ုက︀်ႉဢ︀ꩫ︀်ႈဢ︀ဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀င︀်းမ︀ႃးမ︀ႆ︀ႛ လ︀ုက︀်ႉဢ︀ꩫ︀်ႈဢ︀ဝ်ႈလ︀ၢႆ︀းက︀ူꩫ︀်းယ︀င︀်းမ︀ႃးဢ︀မ︀ႂ်း ꩫ︀ိက︀်ႉꩬ︀ၢက︀်ႉမ︀ႃးꩫ︀ႆ︀ႇꩫ︀က︀ꩫ︀်ႈ င︀ႆ︀ႚꩬ︀ူမ︀ႆ︀ႛက︀ေႃႇ က︀ူꩫ︀်းဢ︀ꩫ︀်ႈက︀ျမ︀်းꩬ︀ိꩫ︀်မ︀ႆ︀ႛၵ︀ႂ်ႈꩡ︀ွမ︀်းꩫ︀ႆ︀ႇၵ︀ဝ် ꩫ︀ိက︀်ႉꩬ︀ၢက︀်ႉဢ︀ူꩫ︀မ︀်။

က︀လ︀ႃတ︀ိ 6:12

ꩬ︀ြႃဢ︀ꩫ︀်ႈꩬ︀ူမ︀ႆ︀ႛ ꩭႅပ︀်ႉꩭႂ်ႛꩭၢပ︀်ႉမ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ꩫ︀ႆ︀ႇၵ︀ဝ်ယ︀ႃႇ ၵ︀ဝ်ꩡ︀ွမ︀်းထုင︀်းတ︀ြႃးက︀ျူးဢ︀ူꩫ︀ꩫ︀ႆ︀ႇ ꩭၢင︀်းပ︀ိူꩫ︀်ႈꩭꩫ︀်ꩬ︀ီ ၵ︀ဝ်မ︀ႆ︀ႛယ︀ူဝ်းယ︀ွင︀်ႛꩫ︀ႆ︀ၢႈꩫ︀မ︀်။ ၵ︀ဝ်ꩭီတ︀်င︀ႆ︀းꩫ︀ႆ︀ႇ မ︀ိူဝ်ႈၵ︀ဝ်ꩭူဝ်းလ︀ွင︀်ႈꩬ︀ဝ်ဝႃးမ︀ိုဝ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇ ꩭႂ်ႛပ︀ူဝ်းၵ︀ဝ်မ︀ႆ︀ႛ ပ︀ိူꩫ︀်ႈမ︀ဝ်ꩫ︀ိက︀်ႉꩬ︀ၢက︀်ႉꩫ︀ႆ︀ႇꩫ︀မ︀်။

က︀လ︀ႃတ︀ိ 6:17

လ︀ုက︀်ႉင︀ႆ︀ႚက︀ူဝ်ꩬ︀ီ က︀ဝ်ႈမ︀ႆ︀ႛၸ︀ႂ်က︀ေႃႇ ဢ︀ဝ်ႈလ︀ွင︀်ႈꩫ︀ႆ︀ႇၵ︀ဝ် ပ︀ီမ︀ႃးဢ︀ဝ်ႈယ︀ပ︀်ယ︀ဝ်ႇ။ ꩭွႆ︀းတ︀ီႈꩡ︀ီပ︀်ဢ︀ꩫ︀်ႈက︀ဝ်ႈမ︀ႆ︀ႛယ︀င︀်းꩫ︀ႆ︀ႇၵ︀ဝ်ယ︀ႃႇ က︀ဝ်ႈပ︀ီꩫ︀်ႈက︀ူꩫ︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်ꩫ︀ꩫ︀ႆ︀ႇ ပ︀ျႃးဢ︀ူꩫ︀မ︀်။