က︀လ︀ႃတ︀ိ 5:1 - Khamti Shan

¹ ꩭဝ်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ုက︀်ႉဢ︀ꩫ︀်ႈပ︀ီꩫ︀်ႈၵ︀ႃႛမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛမ︀ႃးတ︀ေႇတ︀ေႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ င︀ႆ︀ႚယ︀ႃႇ ꩫ︀င︀်က︀ူꩫ︀်းလ︀ွတ︀်ႉꩫ︀က︀ꩫ︀်ႈ ꩬ︀ဝ်းၵ︀ိူင︀်ꩰက︀ꩫ︀်ႈတ︀ႃႉ။ ꩫ︀င︀်ၵ︀ႃႛက︀ျမ︀်းꩬ︀ိꩫ︀်ꩫ︀က︀ꩫ︀်ႈ ပ︀ီဢ︀ူပ︀ွက︀်ႉက︀ꩫ︀်ႈယ︀ဝ်ႇ။

က︀လ︀ႃတ︀ိ 5:1 ပူးပေါင်းရင်းမြစ်များ

မ︀တ︀်တ︀ႄး 23:4

ၵ︀ဝ်ယ︀ႃႇ က︀ၢꩫ︀်းဢ︀ꩫ︀်ႈꩫ︀က︀်ꩬ︀ီမ︀ႅက︀်ယ︀ပ︀်ꩫ︀ႆ︀ႇၵ︀ဝ် ပ︀ိူꩫ︀်ႈမ︀ႆ︀ႛꩭႂ်ႛမ︀ႅက︀်ဢ︀ူ။ ꩫ︀ႆ︀ႇꩫ︀က︀ေႃႇ ၵ︀ဝ်ၸ︀ူႛꩡ︀ဝ်ႛယ︀ႃႇ က︀ၢꩫ︀်းဢ︀မ︀ႂ်းၵ︀ဝ်မ︀ႆ︀ႛ ဢ︀ဝ်ႈပ︀ႆ︀ၢႈမ︀ိုဝ်းꩫ︀ႆ︀ၢႈက︀ေႃႇꩵ︀ႈၵ︀ႂ်ႈတ︀ႅတ︀်ႉ။

လ︀ုက︀ႃ 5:38

ဝၢႆ︀မ︀က︀်ꩡ︀ပ︀ႅတ︀်ႉမ︀ႂ်ယ︀ႃႇ ထူင︀်ꩫ︀င︀်မ︀ႂ်မ︀ႆ︀ႛꩫ︀ႆ︀ၢႈꩫ︀မ︀်ဝႃႈꩬ︀ႂ်ꩫ︀ႆ︀ႇ။

ထဝ်ꩡ︀တ︀်ႉၵ︀ဝ် 15:10

င︀ႆ︀းက︀ီးꩭီတ︀်က︀ꩬ︀င︀်ꩫ︀ႆ︀ ꩬ︀ူယ︀ႃႇၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛၵ︀ႂ်ႈꩡ︀ၢမ︀်းꩫ︀ႆ︀ႇ။ က︀ၢꩫ︀်းဢ︀ꩫ︀်ႈပ︀ူလ︀ီꩫ︀်ꩭဝ်းၵ︀ဝ်တ︀မ︀ိူင︀်း၊ ꩭဝ်းတ︀မ︀ိူင︀်းက︀ေႃႇ မ︀ႅက︀်မ︀ဝ်ပ︀ီꩫ︀်ႈꩫ︀ႆ︀ႇ ꩭီတ︀်က︀ꩬ︀င︀်ꩫ︀ႆ︀ၵ︀ဝ်မ︀ႆ︀ႛၵ︀ႂ်ႈꩭႂ်ႛမ︀ႅက︀်ꩫ︀ႆ︀ႇ။

ရ︀ေႃမ︀ 6:14

တ︀ူဝ်ႈꩬ︀ူမ︀ႆ︀ႛ ဢ︀ပ︀ႅတ︀်ႉꩵ︀ႈဝႃႈꩭႂ်ႛꩡ︀ေယ︀ၢင︀်ယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူယ︀ႃႇ ဢ︀ူက︀ꩫ︀်ႛတ︀ႂ်ႛက︀ျမ︀်းꩬ︀ိꩫ︀်ꩵ︀ႈꩡ︀ႂ်ႈ။ ဢ︀ူက︀ꩫ︀်ႛတ︀ႂ်ႛက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀မ︀်။

ရ︀ေႃမ︀ 6:18

ꩬ︀ူယ︀ႃႇ လ︀ုက︀်ႉဢ︀ပ︀ႅတ︀်ႉမ︀ႆ︀ႛလ︀ွတ︀်ႉꩬ︀ီ ပ︀ီꩫ︀်ႈၵ︀ႃႛၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃႇꩭီတ︀်လ︀ွင︀်ႈꩬ︀ိုဝ်ႈတ︀ူဝ်မ︀ႃးယ︀ဝ်ႇ။

ရ︀ေႃမ︀ 7:3

င︀ႆ︀းꩫ︀ႆ︀ႇꩬ︀ီ မ︀ိူဝ်ႈၸ︀ူႛၸ︀ူဝ်မ︀ꩫ︀်း ဢ︀ꩬ︀ၢက︀်ႉယ︀င︀်းဢ︀ူꩫ︀ႆ︀ႇ တ︀င︀်းၸ︀ူႛꩡ︀ႆ︀ၢးတ︀ၢင︀်က︀ူဝ်ႇꩭူမ︀်ႈဢ︀ူက︀ီး မ︀ꩫ︀်းၸ︀ိတ︀်ꩭွင︀်ႛꩭိူꩫ︀်းယ︀ဝ်ႇ။ ꩫ︀ႆ︀ႇꩫ︀က︀ေႃႇ ၸ︀ူႛၸ︀ူဝ်မ︀ꩫ︀်းတ︀ႆ︀ၢႈက︀ႃက︀ီး မ︀ꩫ︀်းလ︀ုက︀်ႉꩬ︀ိꩫ︀်မ︀ႆ︀ႛ လ︀ွတ︀်ႉꩰꩡ︀ၢင︀်ꩰက︀ႃယ︀ဝ်ႇ။ ပ︀ီꩫ︀်ႈꩭိူꩫ︀်းဢ︀ိက︀်ꩫ︀က︀ေႃႇ ꩵ︀ႈၸ︀ိတ︀်ꩭွင︀်ႛꩭိူꩫ︀်းယ︀ဝ်ႇ။

ရ︀ေႃမ︀ 7:6

င︀ႆ︀ႚယ︀ႃႇ ꩭဝ်းလ︀ုက︀်ႉက︀ျမ︀်းꩬ︀ိꩫ︀်မ︀ႆ︀ႛ လ︀ွတ︀်ႉယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ုက︀်ႉက︀ျမ︀်းꩬ︀ိꩫ︀်ဢ︀ꩫ︀်ႈꩭဝ်းမ︀ႆ︀ႛ ꩭွꩫ︀်ꩡ︀ေယ︀ၢင︀်မ︀ႃးဢ︀မ︀ႂ်းမ︀ႆ︀ႛ ꩭဝ်းတ︀ႆ︀ၢႈက︀ႃယ︀ဝ်ႇ။ တ︀ꩫ︀်းၵ︀ူဝ်းက︀ျမ︀်းꩬ︀ိꩫ︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇၵ︀ွတ︀်ꩫ︀ႆ︀ႇꩬ︀ီ င︀ႆ︀ႚယ︀ႃႇꩭဝ်း မ︀ꩫ︀်းꩡ︀ဝ်ႛမ︀ႆ︀ႛဢ︀ဝ်ႈတ︀ြႃးက︀ဝ် ဢ︀ꩫ︀်ႈꩬ︀ိꩫ︀်မ︀ႆ︀ႛတ︀ႅမ︀်ႛဝႆ︀ႇထက︀်ꩰꩫ︀ႆ︀ႇ ꩵ︀ႈဝႃႈပ︀ႆ︀ၢႛဝႆ︀ႈယ︀ဝ်ႇ။ ဢ︀ဝ်ႈတ︀ၢင︀်းမ︀ႂ်ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ေꩭႂ်ႛꩫ︀ႆ︀ႇ ပ︀ႆ︀ၢႛဝႆ︀ႈꩫ︀ႆ︀ႛယ︀ဝ်ႇ။

ရ︀ေႃမ︀ 8:15

ၵ︀ွꩫ︀်ဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူꩭၢပ︀်ႉဢ︀ဝ်ႈꩫ︀ႆ︀ႇ ဢ︀ꩫ︀်ႈꩬ︀ူမ︀ႆ︀ႛဢ︀ဝ်ႈပ︀ီꩫ︀်ႈၵ︀ႃႛမ︀ꩫ︀်းꩡ︀ဝ်ႛꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈက︀ူဝ်ႈပ︀ွက︀်ႉꩵ︀ႈꩡ︀ႂ်ႈ။ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛဢ︀ဝ်ႈပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩬ︀ေႇမ︀ဝ်က︀ႃး ꩭႂ်ႛပ︀ူဝ်းꩭဝ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ “ပ︀ူဝ်ꩭဝ်း” ꩫ︀ꩬ︀ီꩭွင︀်ႇပ︀ီꩫ︀်ႈꩫ︀ႆ︀ႇက︀ေႃႇ ꩡ︀ွႆ︀ႈꩭႂ်ႛဢ︀ူ။

ရ︀ေႃမ︀ 8:2

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်က︀ီး ꩬ︀ိꩫ︀်ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭႂ်ႛဢ︀ꩬ︀ၢက︀်ႉမ︀ႂ်မ︀ႆ︀ႛ ꩬ︀ူꩡ︀ွမ︀်းꩫ︀ႆ︀ႇꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛ လ︀ုက︀်ႉꩬ︀ိꩫ︀်ဢ︀ပ︀ႅတ︀်ႉꩫ︀ၵ︀ႃတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 15:58

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇꩭၢက︀်ႉၵ︀ဝ်ꩴ︀း ဢ︀ꩫ︀်ႈꩬ︀ူဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ေႈꩡ︀ႃႉꩫ︀ႆ︀ႇယ︀ႃႇ မ︀ိူဝ်ႈလ︀ႂ်ႈက︀ေႃႇꩵ︀ႈၵ︀ွတ︀်ꩫ︀ႆ︀ၢႈꩫ︀ꩫ︀ႆ︀ႇ ꩬ︀ူတ︀ွင︀်းꩫ︀က︀ꩫ︀်ႈ ꩬ︀ဝ်းၵ︀ိူင︀်ꩰက︀ꩫ︀်ႈတ︀ႃႉ။ ꩡ︀ႂ်ႈမ︀ဝ်ယ︀ွမ︀်းꩬ︀ီ ဢ︀မ︀ူးမ︀ꩫ︀်းꩡ︀ဝ်ႛမ︀ႆ︀ႛ က︀ႃႈꩫ︀င︀်ꩭႅင︀်းယ︀င︀်းꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 16:13

ꩬ︀တ︀ိက︀ꩫ︀်ႈတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰက︀ꩫ︀်ႈတ︀ႃႉ။ ꩭတ︀်ꩭၢꩫ︀်က︀ꩫ︀်ႈ၊ ၵ︀ိူင︀်က︀ိုမ︀်းက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 7:22

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ႃႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈမ︀ႃးꩫ︀ႆ︀ႇ က︀ူꩫ︀်းလ︀ွတ︀်ႉꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ က︀ူꩫ︀်းလ︀ွတ︀်ႉဢ︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈမ︀ႃးꩫ︀ႆ︀ႇ ၵ︀ႃႛꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။

က︀ေႃရ︀ိꩫ︀်တ︀ု ႒ 11:20

တ︀ေႇတ︀ေႇက︀ေႃႇꩬ︀ူမ︀ႆ︀ႛပ︀ိူꩫ︀်ႈ ဢ︀မ︀ိင︀်းပ︀ူင︀်ႈꩭႂ်ႛပ︀တ︀ု၊ မ︀ၢပ︀်က︀ိꩫ︀်ႈပ︀တ︀ု၊ ꩭီတ︀်ꩥ︀ႅꩫ︀်င︀ွင︀်ႇပ︀တ︀ု၊ ꩫ︀ူႈယ︀ွမ︀်းပ︀တ︀ု၊ ꩡ︀ူဝ်က︀ႃးပ︀တ︀ု ꩬ︀ူက︀ꩫ︀်ႛꩭႂ်ႛက︀ꩫ︀်ႈဢ︀ူ။

က︀ေႃရ︀ိꩫ︀်တ︀ု ႒ 3:17

ꩫ︀ႆ︀ႇꩬ︀ေႇမ︀ဝ်က︀ႃး ꩡ︀ဝ်ႛꩫ︀ၵ︀ႃ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူလ︀ိဝ်ႈꩫ︀ႆ︀ၢႈꩫ︀ႆ︀ႇꩬ︀ီ တ︀ီႈဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀င︀်းမ︀ႆ︀ႛ တ︀ၢင︀်းလ︀ွတ︀်ႉယ︀င︀်းဢ︀ူ။

က︀လ︀ႃတ︀ိ 3:25

င︀ႆ︀ႚယ︀ႃႇ ယ︀ၢမ︀်းဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႛꩫ︀ႆ︀ႇ ထိုင︀်မ︀ႃးꩫ︀ႆ︀ႇꩬ︀ီ လ︀ုက︀်ႉဢ︀ꩫ︀်ႈက︀ျမ︀်းꩬ︀ိꩫ︀်မ︀ိုင︀်ႇꩭႂ်ႛမ︀ႆ︀ႛ ꩭဝ်းလ︀ွတ︀်ႉယ︀ဝ်ႇ။

က︀လ︀ႃတ︀ိ 4:26

ꩫ︀ႆ︀ႇꩫ︀က︀ေႃႇ ဝီင︀်းယ︀ေရ︀ုꩬ︀လ︀ိမ︀် ဢ︀ꩫ︀်ႈက︀ꩫ︀်ႛꩫ︀ိူဝ်က︀ၢင︀်ႈꩭၢဝ်မ︀ႆ︀ႛယ︀င︀်းꩫ︀ႆ︀ႇယ︀ႃႇ ဝီင︀်းဢ︀ꩫ︀်ႈလ︀ွတ︀်ႉလ︀ႅဝ်း ဢ︀ꩫ︀်ႈꩫ︀င︀်ꩭၢင︀်ႈမ︀ေꩭဝ်းꩬ︀ႃရ︀ႃꩫ︀က︀ꩫ︀်ႈꩫ︀မ︀်။

က︀လ︀ႃတ︀ိ 4:31

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၵ︀ဝ်ꩴ︀း ꩭဝ်းယ︀ႃႇ ၸ︀ူႛလ︀ုက︀်ႉၸ︀ူႛယ︀ိင︀်းဢ︀ꩫ︀်ႈပ︀ီꩫ︀်ႈၵ︀ႃႛꩵ︀ႈꩡ︀ႂ်ႈ။ ၸ︀ူႛလ︀ုက︀်ႉၸ︀ူႛယ︀ိင︀်းဢ︀ꩫ︀်ႈလ︀ွတ︀်ႉꩡ︀ၢင︀်ꩫ︀မ︀်။

က︀လ︀ႃတ︀ိ 4:9

ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀ွင︀်းမ︀တ︀်ႉမ︀ႃးယ︀ဝ်ႇ။ ဢ︀ꩫ︀်ႈတ︀ေႇတ︀ေႇက︀ီး ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀် ꩬ︀ူမ︀ႆ︀ႛတ︀ွင︀်းꩫ︀ႆ︀ႇ။ င︀ႆ︀းꩬ︀ီက︀ေႃႇ ꩭီတ︀်က︀ꩬ︀င︀်ꩫ︀ႆ︀ ꩬ︀ူ ထုင︀်းၸ︀ိင︀်ႛၸ︀ႃꩬ︀ႃလ︀ွင︀်ႈ ဢ︀ꩫ︀်ႈက︀ꩬ︀င︀်မ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ က︀ႃပ︀ီꩫ︀်ႈၵ︀ႃႛပ︀ွက︀်ႉꩫ︀ႆ︀ႇ။

က︀လ︀ႃတ︀ိ 5:13

ပ︀ီႈꩫ︀ွင︀်ႇၵ︀ဝ်ꩴ︀း ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛꩭွင︀်ႇဝႆ︀ႇꩫ︀ႆ︀ႇယ︀ႃႇ ꩭႂ်ႛပ︀ူဝ်းꩭဝ်းလ︀ွတ︀်ႉꩫ︀ႆ︀ႇꩫ︀မ︀်။ ꩫ︀ႆ︀ႇꩫ︀က︀ေႃႇ လ︀ွတ︀်ႉယ︀ဝ်ႇꩫ︀ꩬ︀ီ ꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛမ︀ႆ︀ႛယ︀ႃႇ ꩬ︀ူပ︀ီꩡ︀ွမ︀်းဝၢင︀်။ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ဢ︀ဝ်ႈမ︀ႅတ︀်ႉတ︀ႃꩬ︀ိုင︀်ꩡ︀ွႆ︀ႈက︀ꩫ︀်ႈတ︀ႃႉ။

ဢ︀ေၸ︀ႅတ︀် 6:14

င︀ႆ︀းꩫ︀ႆ︀ႇꩬ︀ီ ꩭၢင︀်ႛꩭႅမ︀်းထုက︀်ꩰဝႆ︀ႇက︀ꩫ︀်ႈတ︀ႃႉ။ ꩫ︀င︀်လ︀ုက︀်ႉꩬ︀ိူက︀်ꩫ︀ႆ︀ႇၵ︀ဝ် ꩥ︀ႅင︀်ႛမ︀ႆ︀ႛꩬ︀ႆ︀ၢက︀ႅတ︀်ꩭတ︀်ႉဝႆ︀ႇꩫ︀က︀ꩫ︀်ႈ ꩬ︀မ︀်မ︀ႃတ︀ြႃးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ဝ်းၵ︀ိူင︀်ꩰဢ︀ူတ︀ႃႉ။ ꩬ︀ိူဝ်ႛက︀ုမ︀်ႇꩫ︀ုင︀်ႈဝႆ︀ႇꩫ︀က︀ꩫ︀်ႈ ꩬ︀ိုဝ်ႈꩰတ︀ူဝ်ꩰဢ︀ူက︀ꩫ︀်ႈတ︀ႃႉ။

ၸ︀ိလ︀ိပ︀်ပ︀ၢႆ︀ 1:27

ဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉꩫ︀ႆ︀ႇယ︀ႃႇ ꩬ︀ူꩫ︀င︀်ဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩬ︀ွꩫ︀်ဝႆ︀ႇꩫ︀ႆ︀ႇꩫ︀က︀ꩫ︀်ႈ ဝႃႈက︀မ︀်ႈက︀ႅင︀်းက︀ꩫ︀်ႈꩫ︀မ︀်။ င︀ႆ︀းက︀ီး က︀ဝ်ႈꩬ︀ူမ︀ႆ︀ႛမ︀ႃးပ︀ီꩫ︀်ႈပ︀တ︀ု၊ မ︀ဝ်ပ︀ီꩫ︀်ႈပ︀တ︀ု လ︀ွင︀်ႈဢ︀ꩫ︀်ႈꩬ︀ူꩭူမ︀်ႈꩡ︀ႂ်ႈꩭူမ︀်ႈၵ︀ူဝ်း ꩬ︀ေႈꩡ︀ႃႉꩬ︀ီ က︀ုမ︀်ႇတ︀ၢင︀်းယ︀ုမ︀်ယ︀မ︀်ႈဢ︀ꩫ︀်ႈꩭီတ︀်င︀ဝ်ႛၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ က︀ဝ်ႈတ︀ီꩫ︀ႆ︀ႛꩥ︀ိꩫ︀်းꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 3:8

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူက︀ꩫ︀်ႛꩫ︀ႂ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ဝ်းၵ︀ိူင︀်ꩰꩬ︀ီဢ︀ူꩫ︀ႆ︀ႇ ဢ︀ꩫ︀်ႈတ︀ူႈမ︀ႆ︀ႛ က︀ၢပ︀်ဢ︀ꩬ︀ၢက︀်ႉꩭႂ်ႛꩫ︀က︀ꩫ︀်ႈꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:15

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၵ︀ဝ်ꩴ︀း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰက︀ꩫ︀်ႈတ︀ႃႉ။ ꩬ︀မ︀်မ︀ႃတ︀ြႃး ဢ︀ꩫ︀်ႈတ︀ူႈꩭူဝ်းꩬ︀ီ၊ တ︀ႅမ︀်ႛꩬ︀ီ ꩬ︀ူမ︀ႆ︀ႛꩬ︀ွꩫ︀်ꩬ︀င︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႛၵ︀ိူင︀်ꩰက︀ꩫ︀်ႈတ︀ႃႉ။

ꩭေပ︀ရ︀ူး 10:23

ꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛ က︀တ︀ိꩭႂ်ႛဝႆ︀ႇꩫ︀ႆ︀ႇ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇꩬ︀ီ ပ︀ႆ︀ႉꩭဝ်း ဢ︀ꩫ︀်ႈꩭဝ်းတ︀ႂ်းထႃႛꩬ︀ီ ꩭီတ︀်ꩬ︀ၢက︀်ႉꩬ︀ေဝႆ︀ႇꩫ︀ႆ︀ႇမ︀ႆ︀ႛ ပ︀ꩫ︀်ႛၵ︀ိူင︀်ꩰက︀ꩫ︀်ႈꩫ︀မ︀်။

ꩭေပ︀ရ︀ူး 3:14

ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭဝ်းတ︀မ︀်းꩡ︀ႂ်ႈဝႆ︀ႇမ︀ႆ︀ႛ ꩫ︀င︀်မ︀ိူဝ်ႈꩭူဝ်က︀ူဝ်မ︀ႆ︀ႛꩫ︀က︀ꩫ︀်ႈ တ︀ူဝ်ပ︀ူဝ်းꩬ︀ုတ︀် ပ︀ꩫ︀်ႛၵ︀ိူင︀်ꩰက︀ႃက︀ီး ꩭဝ်းတ︀င︀်းꩡ︀ဝ်ႛၵ︀ရ︀ီတ︀် ꩡ︀ၢပ︀်ႉလ︀ႅင︀်က︀ꩫ︀်ႈဢ︀ူꩫ︀မ︀်။

ꩭေပ︀ရ︀ူး 3:6

ꩫ︀ႆ︀ႇꩫ︀က︀ေႃႇ ꩡ︀ဝ်ႛၵ︀ရ︀ီတ︀်ယ︀ႃႇ ꩭိူꩫ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်လ︀ုက︀်ႉꩫ︀က︀ꩫ︀်ႈ ꩬ︀ႅတ︀်ႉꩡ︀ႃယ︀င︀်းꩬ︀ီ ဢ︀ုပ︀်ႉပ︀ိုင︀်ဢ︀ူ။ င︀ႆ︀းꩬ︀ီ ဢ︀ꩫ︀်ႈꩭဝ်းတ︀ႂ်းထႃႛမ︀ႆ︀ႛ ꩭဝ်းꩭတ︀်ꩰꩭၢꩫ︀်ꩰꩬ︀ီ ပ︀ꩫ︀်ႛၵ︀ိူင︀်ꩰက︀ီး ꩭဝ်းယ︀ႃႇ ꩭိူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။

ꩭေပ︀ရ︀ူး 4:14

င︀ႆ︀းꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ု ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛပ︀ီꩫ︀်ႈၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉဢ︀ꩫ︀်ႈယ︀ႂ်လ︀ူင︀် ဢ︀ꩫ︀်ႈ ၵ︀ိုꩫ︀်ႛက︀ႃက︀ꩫ︀်ႛꩫ︀ိူဝ်က︀ၢင︀်ႈꩭၢဝ်ꩫ︀ႆ︀ႇ ꩭဝ်းမ︀ႆ︀ႛယ︀င︀်းꩫ︀ႆ︀ႇꩬ︀ီ ပ︀ႆ︀ႉꩭဝ်း တ︀ၢင︀်းယ︀ုမ︀်ယ︀မ︀်ႈꩭဝ်းဢ︀ꩫ︀်ႈꩭဝ်းတ︀ႅဝ်ဝႆ︀ႇမ︀ႆ︀ႛ ပ︀ꩫ︀်ႛၵ︀ိူင︀်ꩰက︀ꩫ︀်ႈက︀ွတ︀်။

ပ︀ေတ︀ရ︀ု ႑ 2:16

င︀ႆ︀ႚယ︀ႃႇ ꩬ︀ူပ︀ီꩫ︀်ႈက︀ူꩫ︀်းဢ︀ꩫ︀်ႈလ︀ွတ︀်ႉလ︀ႅဝ်းယ︀ဝ်ႇ။ ꩫ︀ႆ︀ႇꩫ︀က︀ေႃႇ ဢ︀ၵ︀ၢင︀်းဢ︀ꩫ︀်ႈꩬ︀ူလ︀ွတ︀်ႉလ︀ႅဝ်းꩫ︀ႆ︀ႇမ︀ႆ︀ႛ ꩭၢင︀်းꩭီတ︀်ဢ︀ꩫ︀်ႈမ︀ဝ်ꩫ︀ီႈယ︀ႃႇ ပ︀ီတ︀ိုဝ်း။ ꩫ︀င︀်ၵ︀ႃႛၸ︀ြႃးပ︀ီꩫ︀်ႈꩡ︀ဝ်ႛꩫ︀က︀ꩫ︀်ႈဢ︀ူက︀ꩫ︀်ႈတ︀ႃႉ။ လ︀ွတ︀်ႉလ︀ႅဝ်းယ︀ဝ်ႇꩫ︀ꩬ︀ီ ဢ︀ꩫ︀်ႈမ︀ဝ်ꩫ︀ီႈယ︀ႃႇ ပ︀ီꩭီတ︀်က︀ꩫ︀်ႈ။

ပ︀ေတ︀ရ︀ု ႒ 2:19

ၵ︀ဝ်ယ︀ႃႇ ပ︀ိူꩫ︀်ႈမ︀ႆ︀ႛလ︀ွင︀်ႈဢ︀ꩫ︀်ႈလ︀ွတ︀်ႉလ︀ႅဝ်းꩫ︀ႆ︀ႇꩭူဝ်းလ︀ေꩫ︀က︀ေႃႇ ၵ︀ဝ်ၸ︀ူႛꩡ︀ဝ်ႛယ︀ႃႇ ပ︀ီꩫ︀်ႈၵ︀ႃႛလ︀ွင︀်ႈပ︀ိဝ်ꩭင︀်ႛပ︀ိဝ်ꩭိုက︀်ꩬ︀ီဢ︀ူꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းꩭဝ်းက︀ꩬ︀င︀်မ︀ႆ︀ႛꩭွႆ︀ႛꩭႅꩫ︀်ႛꩬ︀ီဢ︀ူꩫ︀က︀ေႃႇ ꩭဝ်းပ︀ီꩫ︀်ႈၵ︀ႃႛဢ︀မ︀ႂ်းꩫ︀မ︀်။

ယ︀ုတ︀ 1:3

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူမ︀ႆ︀ႛက︀ဝ်ႈ လ︀ွင︀်ႈတ︀ꩫ︀်းၵ︀ူဝ်း ဢ︀ꩫ︀်ႈꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ၵ︀ေꩬ︀ေꩭႂ်ႛမ︀ႃးꩫ︀ႆ︀ႇ ၵ︀ႂ်ႈတ︀ႅမ︀်ႛလ︀ူင︀်မ︀ႃးꩫ︀မ︀်။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ လ︀ွင︀်ႈဢ︀ꩫ︀်ႈꩬ︀ူမ︀ႆ︀ႛၵ︀ႂ်ႈꩭႂ်ႛက︀ုမ︀်ႇ ꩬ︀မ︀်မ︀ႃတ︀ြႃးဢ︀ꩫ︀်ႈꩭဝ်းယ︀ုမ︀်ယ︀မ︀်ႈꩫ︀ႆ︀ႇꩬ︀ိုင︀် က︀ဝ်ႈဝႃႈတ︀ႅမ︀်ႛက︀ႃꩫ︀မ︀်။ ꩬ︀မ︀်မ︀ႃတ︀ြႃးဢ︀မ︀ႂ်းယ︀ႃႇ ဢ︀ꩫ︀်ႈမ︀ဝ်လ︀ွက︀်ႉလ︀ႆ︀ၢႈꩡ︀ၢင︀်ႈ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းက︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ꩭႂ်ႛဝႆ︀ႇꩫ︀ႆ︀ႇꩫ︀မ︀်။

ၿျႃၻိက︀်ႉ 2:25

ꩫ︀င︀်င︀ႆ︀ႚꩬ︀ူ ၵ︀ၢမ︀်းက︀ဝ်ႈထွမ︀်ဢ︀ူꩫ︀က︀ꩫ︀်ႈ တ︀ူဝ်ထိုင︀်က︀ဝ်ႈမ︀ႃးꩫ︀ႆ︀ႇ က︀ၢပ︀်ꩬ︀ီထွမ︀်က︀ႃတ︀ႃႉ။

ၿျႃၻိက︀်ႉ 3:3

င︀ႆ︀းꩫ︀ႆ︀ႇꩬ︀ီ ဢ︀ꩫ︀်ႈမ︀ႂ်းမ︀ႆ︀ႛꩬ︀ွꩫ︀်ꩭႂ်ႛမ︀ႃး၊ ဢ︀ꩫ︀်ႈမ︀ႂ်းꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇၵ︀ဝ်မ︀ႆ︀ႛ ဢ︀ွက︀်ꩡ︀ႂ်ႈꩬ︀ီ ထွမ︀်ꩡ︀ွမ︀်းꩫ︀ီႈꩫ︀ီႈတ︀ႃႉ။ ꩬ︀ၢင︀်ဝွေတ︀ႃႉ။ က︀ဝ်ႈမ︀ႆ︀ႛယ︀ုမ︀်ယ︀မ︀်ႈၵ︀ိူင︀်ꩰတ︀ႃႉ။ မ︀ႂ်းမ︀ဝ်လ︀ုက︀်ႉက︀ီး က︀ဝ်ႈမ︀ႂ်းမ︀ႆ︀ႛ ꩫ︀င︀်ၸ︀ူႛလ︀ၢက︀်ႉꩫ︀က︀ꩫ︀်ႈ တ︀ီမ︀ႃးꩫ︀မ︀် မ︀ိူဝ်ႈက︀ဝ်ႈမ︀ႃးꩫ︀ႆ︀ၢႈက︀ေႃႇ မ︀ႂ်းꩵ︀ႈꩫ︀ႆ︀ႛတ︀ွင︀်း။