က︀လ︀ႃတ︀ိ 4:9 - Khamti Shan

⁹ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀ွင︀်းမ︀တ︀်ႉမ︀ႃးယ︀ဝ်ႇ။ ဢ︀ꩫ︀်ႈတ︀ေႇတ︀ေႇက︀ီး ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀် ꩬ︀ူမ︀ႆ︀ႛတ︀ွင︀်းꩫ︀ႆ︀ႇ။ င︀ႆ︀းꩬ︀ီက︀ေႃႇ ꩭီတ︀်က︀ꩬ︀င︀်ꩫ︀ႆ︀ ꩬ︀ူ ထုင︀်းၸ︀ိင︀်ႛၸ︀ႃꩬ︀ႃလ︀ွင︀်ႈ ဢ︀ꩫ︀်ႈက︀ꩬ︀င︀်မ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ က︀ႃပ︀ီꩫ︀်ႈၵ︀ႃႛပ︀ွက︀်ႉꩫ︀ႆ︀ႇ။

က︀လ︀ႃတ︀ိ 4:9 ပူးပေါင်းရင်းမြစ်များ

မ︀တ︀်တ︀ႄး 11:27

မ︀ꩫ︀်းꩡ︀ဝ်ႛယ︀ွꩫ︀်းꩬ︀ူးယ︀ဝ်ႇက︀ီး က︀ၢပ︀်ꩬ︀ီ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ “ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛတ︀င︀်းမ︀ိူင︀်းဢ︀ၢပ︀်ႉꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛမ︀ႆ︀ႛလ︀ိူဝ်ꩬ︀ီ လ︀ုက︀်ႉမ︀ꩫ︀်းꩡ︀ဝ်ႛတ︀ေႇတ︀ေႇမ︀ႆ︀ႛ ၸ︀ႂ်က︀ေႃႇမ︀ဝ်တ︀ွင︀်းꩫ︀က︀ꩫ︀်ႈ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛတ︀ေႇတ︀ေႇမ︀ႆ︀ႛက︀ေႃႇ လ︀ုက︀်ႉမ︀ꩫ︀်းꩡ︀ဝ်ႛꩫ︀ႆ︀ၢႈꩫ︀မ︀်တ︀ွင︀်းꩫ︀ႆ︀ႇ။ င︀ႆ︀းꩬ︀ီလ︀ုက︀်ႉမ︀ꩫ︀်းꩡ︀ဝ်ႛယ︀ႃႇ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛလ︀ိူက︀်ႉꩬ︀ီ လ︀ွင︀်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛပ︀ုတ︀်ပ︀ျႃးꩭႂ်ႛဢ︀ူ။

လ︀ုက︀ႃ 5:38

ဝၢႆ︀မ︀က︀်ꩡ︀ပ︀ႅတ︀်ႉမ︀ႂ်ယ︀ႃႇ ထူင︀်ꩫ︀င︀်မ︀ႂ်မ︀ႆ︀ႛꩫ︀ႆ︀ၢႈꩫ︀မ︀်ဝႃႈꩬ︀ႂ်ꩫ︀ႆ︀ႇ။

ယ︀ေႃးꩭၢꩫ︀် 10:14

က︀ဝ်ႈယ︀ႃႇ ၸ︀ူႛလ︀ီင︀်ႇပ︀ူႇဢ︀ꩫ︀်ႈꩫ︀ီႈꩫ︀မ︀်။ က︀ဝ်ႈမ︀ႆ︀ႛ ပ︀ူဝ်က︀ဝ်ႈတ︀ွင︀်းꩬ︀ီ က︀ဝ်ႈက︀ေႃႇ ပ︀ူဝ်ႈက︀ဝ်ႈမ︀ႆ︀ႛတ︀ွင︀်းဢ︀ူ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ပ︀ူႇက︀ဝ်ႈꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈတ︀ွင︀်းꩬ︀ီ ၵ︀ဝ်က︀ေႃႇက︀ဝ်ႈမ︀ႆ︀ႛတ︀ွင︀်းဢ︀ူ။ က︀ဝ်ႈယ︀ႃႇ ꩡ︀ႃႇꩭၢင︀်းပ︀ူႇꩫ︀ႆ︀ႇၵ︀ဝ် ၵ︀ွတ︀်ဢ︀ꩬ︀ၢက︀်ႉပ︀ီꩫ︀်ႈဢ︀ူ။

ယ︀ေႃးꩭၢꩫ︀် 10:27

ပ︀ူႇက︀ဝ်ႈၵ︀ဝ်ယ︀ႃႇ ၵ︀ၢမ︀်းက︀ဝ်ႈထွမ︀်ဢ︀ူ။ က︀ဝ်ႈက︀ေႃႇၵ︀ဝ်မ︀ႆ︀ႛတ︀ွင︀်းꩬ︀ီ ၵ︀ဝ်က︀ေႃႇ က︀ꩫ︀်ႛလ︀င︀်က︀ဝ်ႈမ︀ႆ︀ႛ ꩡ︀ွမ︀်းက︀ꩫ︀်ႈဢ︀ူ။

ယ︀ေႃးꩭၢꩫ︀် 17:3

တ︀ၢင︀်းဢ︀ꩫ︀်ႈꩫ︀ႆ︀ႛ ဢ︀ꩬ︀ၢက︀်ႉထႃဝရ︀ꩫ︀ꩫ︀ႆ︀ႇယ︀ႃႇ မ︀ႂ်းꩡ︀ဝ်ႛ ၸ︀ူႛပ︀ီꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩡ︀ႅတ︀်ႉꩬ︀ူလ︀ိဝ်ႈꩫ︀ၵ︀ႃ ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀ႆ︀ႇမ︀ႆ︀ႛ တ︀ွင︀်းꩫ︀ႆ︀ႇတ︀ီၵ︀ႃႛꩫ︀မ︀်။

ရ︀ေႃမ︀ 8:29

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛ လ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ လ︀ိူက︀်ႉဢ︀ဝ်ႈဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩫ︀င︀်လ︀ုက︀်ႉမ︀ꩫ︀်းꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀က︀ꩫ︀်ႈ ဢ︀ဝ်ႈပ︀ီꩫ︀်ႈꩭႂ်ႛဢ︀ူ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩫ︀ႂ်းက︀ူꩫ︀်းမ︀ꩫ︀်းꩡ︀ဝ်ႛတ︀င︀်းလ︀ုင︀်မ︀ႆ︀ႛ ꩭႂ်ႛပ︀ူဝ်းꩡ︀ဝ်ႛယ︀ေꩬ︀ုၵ︀ရ︀ီတ︀် ပ︀ီꩫ︀်ႈလ︀ုက︀်ႉꩡ︀ႆ︀ၢးလ︀ူင︀်မ︀ႃးꩫ︀ႆ︀ႇꩫ︀မ︀်။

ရ︀ေႃမ︀ 8:3

ꩬ︀ိꩫ︀်ယ︀ႃႇ လ︀ႆ︀ၢးပ︀ိူဝ်ႈꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ူꩫ︀်းꩭဝ်း ꩭႅင︀်းဢ︀ေꩫ︀ႆ︀ႇꩬ︀ီ ဢ︀ꩫ︀်ႈꩬ︀ိꩫ︀်ꩭီတ︀်မ︀ဝ်ပ︀ီꩫ︀်ႈꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩭီတ︀်မ︀ႃးယ︀ဝ်ႇ။ လ︀ုက︀်ႉမ︀ꩫ︀်းꩡ︀ဝ်ႛ ဢ︀ꩫ︀်ႈꩫ︀င︀်ꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ူꩫ︀်းꩭဝ်းꩫ︀က︀ꩫ︀်ႈ က︀ျွႃးမ︀ႃးမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩬ︀ီ ꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ူꩫ︀်းꩭဝ်းမ︀ႆ︀ႛ မ︀ꩫ︀်းꩡ︀ဝ်ႛ တ︀ၢမ︀်ဢ︀ပ︀ႅတ︀်ႉပ︀ူင︀်ႈမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩭၢင︀်းꩭဝ်းမ︀ႆ︀ႛ လ︀ုက︀်ႉဢ︀ပ︀ႅတ︀်ႉမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 13:12

ဢ︀ꩫ︀်ႈင︀ႆ︀ႚꩭဝ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭꩫ︀်ꩫ︀ႆ︀ႇၵ︀ဝ်ယ︀ႃႇ ꩫ︀င︀်လ︀ုက︀်ႉမ︀ၢꩫ︀်မ︀ႆ︀ႛꩫ︀ူႈꩫ︀က︀ꩫ︀်ႈ မ︀ုတ︀်ꩬ︀ုတ︀်ႉꩰꩫ︀ႆ︀ၢႈꩫ︀မ︀်ꩭꩫ︀်ꩫ︀ႆ︀ႇ။ ꩫ︀ႆ︀ႇꩫ︀က︀ေႃႇ မ︀ိူဝ်ႈဢ︀မ︀ႂ်းယ︀ႃႇ ꩭဝ်းတ︀င︀်းမ︀ꩫ︀်းꩡ︀ဝ်ႛ တ︀ူဝ်ꩫ︀ႃႛက︀ꩫ︀်ႈꩬ︀ီ တ︀ီꩫ︀ႆ︀ႛꩭꩫ︀်ꩡ︀ုꩫ︀်ႈꩰꩫ︀မ︀်။ င︀ႆ︀ႚက︀ဝ်ႈ မ︀ꩫ︀်းꩡ︀ဝ်ႛမ︀ႆ︀ႛ ꩡ︀ွꩫ︀်လ︀ိူင︀်ႈꩫ︀ႆ︀ၢႈꩫ︀မ︀်တ︀ွင︀်းꩫ︀ႆ︀ႇ။ မ︀ိူဝ်ႈဢ︀မ︀ႂ်းယ︀ႃႇ ꩫ︀င︀်က︀ဝ်ႈမ︀ႆ︀ႛမ︀ꩫ︀်းꩡ︀ဝ်ႛတ︀ွင︀်းꩫ︀က︀ꩫ︀်ႈ က︀ဝ်ႈက︀ေႃႇမ︀ꩫ︀်းꩡ︀ဝ်ႛမ︀ႆ︀ႛ တ︀ီꩫ︀ႆ︀ႛတ︀ွင︀်းတ︀ီမ︀်ႈꩰက︀ုမ︀်ꩰꩫ︀မ︀်။

က︀ေႃရ︀ိꩫ︀်တ︀ု ႑ 8:3

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩭၢက︀်ႉက︀ီး က︀ူဝ်ႇဢ︀မ︀ႂ်းမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛတ︀ွင︀်းဢ︀ူ။

က︀ေႃရ︀ိꩫ︀်တ︀ု ႒ 11:20

တ︀ေႇတ︀ေႇက︀ေႃႇꩬ︀ူမ︀ႆ︀ႛပ︀ိူꩫ︀်ႈ ဢ︀မ︀ိင︀်းပ︀ူင︀်ႈꩭႂ်ႛပ︀တ︀ု၊ မ︀ၢပ︀်က︀ိꩫ︀်ႈပ︀တ︀ု၊ ꩭီတ︀်ꩥ︀ႅꩫ︀်င︀ွင︀်ႇပ︀တ︀ု၊ ꩫ︀ူႈယ︀ွမ︀်းပ︀တ︀ု၊ ꩡ︀ူဝ်က︀ႃးပ︀တ︀ု ꩬ︀ူက︀ꩫ︀်ႛꩭႂ်ႛက︀ꩫ︀်ႈဢ︀ူ။

က︀ေႃရ︀ိꩫ︀်တ︀ု ႒ 4:6

မ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ ၸ︀ၢꩫ︀်ႈꩬ︀ၢင︀်းမ︀ိူင︀်းက︀ၢင︀်ႈꩫ︀ႆ︀ႇ ဢ︀ꩫ︀်ႈꩫ︀မ︀်ႈꩬ︀ိင︀်ꩭႆ︀ၢꩬ︀ီ ꩭႂ်ႛလ︀ႅင︀်းက︀တ︀ႃႉ ꩫ︀ꩬ︀ီမ︀ꩫ︀်းꩡ︀ဝ်ႛဝႃႈမ︀ႃးဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛဢ︀မ︀ႂ်းꩫ︀မ︀် ꩭူဝ်ꩡ︀ႂ်ႈတ︀ူႈမ︀ႆ︀ႛ ဢ︀ꩫ︀်ႈလ︀ႅင︀်းတ︀ွင︀်လ︀ႅင︀်းꩭႂ်ႛꩬ︀ီ မ︀ူꩫ︀်ႈင︀ဝ်းမ︀ꩫ︀်းꩡ︀ဝ်ႛ ဢ︀ꩫ︀်ႈꩫ︀ႃႛꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ တ︀ွင︀်လ︀ႅင︀်းမ︀ႃးဢ︀မ︀ႂ်း တ︀ူႈမ︀ႆ︀ႛပ︀ုတ︀်ပ︀ျႃးꩭႂ်ႛမ︀ႃးꩫ︀ႆ︀ႇ။

က︀လ︀ႃတ︀ိ 3:3

ꩭီတ︀်က︀ꩬ︀င︀်ꩫ︀ႆ︀ ꩬ︀ူၵ︀ႆ︀ႇလ︀ိူင︀်ႈမ︀ိူက︀်ႉꩫ︀ႆ︀ႇ။ ꩡ︀ူဝ်ႈတ︀ႃႈဢ︀ꩬ︀ၢက︀်ႉၵ︀ရ︀ီတ︀်ယ︀ၢꩫ︀်ꩬ︀ူ ဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ိုင︀် က︀ူဝ်မ︀ႃးꩬ︀ီ ꩭီတ︀်က︀ꩬ︀င︀်ꩫ︀ႆ︀ ဢ︀ဝ်ႈꩡ︀ႂ်ႈꩫ︀ိူဝ်ႇꩫ︀ိူတ︀်ႉꩬ︀ူၸ︀ူႛꩡ︀ဝ်ႛꩬ︀လ︀ႂ်ႈ ၵ︀ႂ်ႈဢ︀ဝ်ႈꩬ︀ုတ︀်ꩫ︀ႆ︀ႇ။

က︀လ︀ႃတ︀ိ 4:3

ꩭဝ်းက︀ေႃႇ မ︀ိူဝ်ႈꩡ︀ဝ်ႛယ︀ေꩬ︀ုမ︀ဝ်ပ︀ႆ︀က︀ျွႃးမ︀ႃးꩫ︀ႆ︀ႇ ပ︀ီꩫ︀်ႈ ꩫ︀င︀်လ︀ၵ︀ႃꩫ︀က︀ꩫ︀်ႈꩫ︀မ︀်။ က︀ႃႈꩭဝ်းꩬ︀မ︀်မ︀ႃတ︀ြႃးမ︀ႆ︀ႛ မ︀ဝ်ပ︀ႆ︀တ︀ွင︀်းꩫ︀ီႈꩫ︀ီႈယ︀ႃႇ ထုင︀်းၸ︀ိင︀်ႛမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛ ꩫ︀င︀်ၵ︀ႃႛꩫ︀က︀ꩫ︀်ႛဝႃႈꩡ︀ွမ︀်းဢ︀ူꩫ︀မ︀်။

ဢ︀ေၸ︀ႅတ︀် 1:17

ၸ︀ြႃးꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်း ပ︀ူဝ်ꩡ︀ဝ်ႛဢ︀ꩫ︀်ႈမ︀ူꩫ︀်ႈၸ︀ုင︀်းယ︀ႂ်မ︀ႆ︀ႛ ꩭႂ်ႛပ︀ူဝ်းꩬ︀ူတ︀ွင︀်းမ︀ႃးꩫ︀ႆ︀ႇ မ︀ꩫ︀်းꩡ︀ဝ်ႛꩬ︀ူမ︀ႆ︀ႛ ၵ︀ွꩫ︀်မ︀ꩫ︀်းꩡ︀ဝ်ႛ ဢ︀ꩫ︀်ႈꩬ︀ူမ︀ႆ︀ႛပ︀ိင︀်ꩥ︀ႃပ︀ူင︀်ႈꩭႂ်ႛꩬ︀ီ ပ︀ုတ︀်ပ︀ျႃးလ︀ွင︀်ႈမ︀ꩫ︀်းꩡ︀ဝ်ႛꩫ︀ႆ︀ႇ ꩭႂ်ႛပ︀ူင︀်ႈꩭႂ်ႛက︀ႃတ︀ႃႉ။

တ︀ိမ︀ေႃတ︀ေ ႒ 2:19

ꩫ︀ႆ︀ႇꩫ︀က︀ေႃႇ ꩬ︀မ︀်မ︀ႃတ︀ြႃးၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀င︀်ၸ︀ႃꩭိꩫ︀်လ︀ူင︀်ꩫ︀က︀ꩫ︀်ႈ မ︀ဝ်လ︀ွက︀်ႉမ︀ဝ်လ︀ႆ︀ၢႈꩡ︀ၢင︀်ႈꩫ︀မ︀်။ ꩬ︀မ︀်မ︀ႃတ︀ြႃးဢ︀မ︀ႂ်းမ︀ႆ︀ႛဝႃႈဝႆ︀ႇꩫ︀ႆ︀ႇ “ꩡ︀ဝ်ႛထႃဝရ︀ၸ︀ြႃးယ︀ႃႇ က︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛတ︀ွင︀်းဢ︀ူ” ꩫ︀ဝꩫ︀်ႇ။ ယ︀ဝ်ႇက︀ီး “က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ႆ︀ၢႛဝႆ︀ႈꩫ︀ႆ︀ႇၵ︀ဝ်ယ︀ႃႇ လ︀ွင︀်ႈꩭီတ︀်ဢ︀ꩫ︀်ႈမ︀ဝ်ꩫ︀ီႈတ︀င︀်းလ︀ုင︀် ဝႃႈၸ︀ႃႛဢ︀ူ” ꩫ︀ဝꩫ︀်ႇ။

ꩭေပ︀ရ︀ူး 7:18

ၸ︀ိင︀်ႛပ︀ႅင︀်ႈက︀ဝ်ယ︀ႃႇ ꩭႅင︀်းဢ︀ေင︀ႆ︀း ဢ︀က︀ိဝ်းမ︀ဝ်ယ︀င︀်းꩫ︀ႆ︀ႇꩬ︀ီ ꩫ︀ႆ︀ႛပ︀ႆ︀ၵ︀ွတ︀်ယ︀ဝ်ႇ။

ပ︀ေတ︀ရ︀ု ႒ 2:20

က︀ူꩫ︀်းꩫ︀ႆ︀ႇၵ︀ဝ် ꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ဝ်ႛၵ︀ေꩬ︀ေမ︀ႆ︀ႛတ︀ွင︀်းမ︀ႃးꩬ︀ီ လ︀ုက︀်ႉဢ︀ꩫ︀်ႈမ︀ဝ်ꩫ︀ီႈမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛ လ︀ွတ︀်ႉမ︀ႃးယ︀ဝ်ႇꩬ︀ီက︀ေႃႇ ꩬ︀င︀်ဝႃႈပ︀ီꩫ︀်ႈၵ︀ႃႛဢ︀ပ︀ႅတ︀်ႉက︀ႃပ︀ွက︀်ႉက︀ီး ဢ︀ꩫ︀်ႈမ︀ိူဝ်ႈꩭူဝ်က︀ူဝ်မ︀ႆ︀ႛတ︀မ︀ိူင︀်း ဢ︀ေႈၵ︀ႅꩫ︀်းꩡ︀ႃႇက︀ႃယ︀ဝ်ႇ။

ယ︀ေႃးꩭၢꩫ︀် ႑ 5:20

ꩡ︀ဝ်ႛယ︀ေꩬ︀ုၵ︀ရ︀ီတ︀် ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးꩬ︀ီ ꩭဝ်းမ︀ႆ︀ႛ ၸ︀ြႃးဢ︀ꩫ︀်ႈꩡ︀ႅတ︀်ႉဢ︀ꩫ︀်ႈမ︀ၢꩫ︀် ပ︀ျႃးꩭႂ်ႛမ︀ႃးယ︀ဝ်ႇꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။ ꩭဝ်းဢ︀ူꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ င︀ႆ︀ႚ ပ︀ီꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩡ︀ႅတ︀်ႉယ︀ဝ်ႇ။ ၸ︀ြႃးဢ︀ꩫ︀်ႈꩡ︀ႅတ︀်ႉဢ︀မ︀ႂ်းယ︀ႃႇ ဢ︀ꩬ︀ၢက︀်ႉထႃဝရ︀ꩫ︀မ︀်။