က︀လ︀ႃတ︀ိ 4:18 - Khamti Shan

¹⁸ ꩬ︀ူ ပ︀ိူꩫ︀်ႈမ︀ႆ︀ႛ ꩫ︀တ︀်လ︀ွင︀်ႈꩫ︀ီႈꩬ︀ီ ꩭီတ︀်ဢ︀ၵ︀ႅက︀်ႉဢ︀ၵ︀ျႃꩫ︀ႆ︀ႇ ꩫ︀ီႈလ︀ူင︀်ꩫ︀မ︀်။ ꩫ︀ႆ︀ႇꩫ︀က︀ေႃႇ ꩬ︀ူꩭီတ︀်င︀ႆ︀းꩫ︀ႆ︀ႇ မ︀ိူဝ်ႈက︀ဝ်ႈတ︀င︀်းꩬ︀ူဢ︀ူꩫ︀ႆ︀ႇꩫ︀ႆ︀ၢႈမ︀ဝ်ꩡ︀ႂ်ႈꩬ︀ီ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ထုက︀်ꩫ︀ီႈꩭီတ︀်ဢ︀ူꩫ︀မ︀်။

က︀လ︀ႃတ︀ိ 4:18 ပူးပေါင်းရင်းမြစ်များ

ယ︀ေႃးꩭၢꩫ︀် 2:17

ꩫ︀ႆ︀ႇမ︀ႆ︀ႛ တ︀ပ︀ေးꩡ︀ဝ်ႛၵ︀ဝ်က︀ေႃႇ “ဢ︀ꩫ︀်ႈက︀ဝ်ႈၵ︀ႃႛ ꩭိူꩫ︀်းမ︀ႂ်းꩡ︀ဝ်ႛမ︀ႆ︀ႛ ꩭွႆ︀ႛꩡ︀ႂ်ႈꩬ︀ီ ၵ︀ႂ်ႈမ︀ိုင︀်ႇꩰပ︀ွင︀်ႈꩰꩫ︀ႆ︀ႇ ꩭူဝ်ꩡ︀ႂ်ႈက︀ဝ်ႈၵ︀ႃႛမ︀ႆ︀ႛ မ︀ႆ︀ႛၵ︀ႅပ︀်ႉꩰတ︀ီၵ︀ႃႛꩫ︀မ︀်” ꩫ︀ꩬ︀ီက︀ျမ︀်းလ︀ိက︀်ႉမ︀ႆ︀ႛ တ︀ႅမ︀်ႛဝႆ︀ႇꩫ︀ႆ︀ႇမ︀ႆ︀ႛ ဢ︀ွက︀်ꩡ︀ႂ်ႈမ︀ႃးက︀ꩫ︀်ႈဢ︀ူ။

က︀ေႃရ︀ိꩫ︀်တ︀ု ႑ 15:58

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇꩭၢက︀်ႉၵ︀ဝ်ꩴ︀း ဢ︀ꩫ︀်ႈꩬ︀ူဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ေႈꩡ︀ႃႉꩫ︀ႆ︀ႇယ︀ႃႇ မ︀ိူဝ်ႈလ︀ႂ်ႈက︀ေႃႇꩵ︀ႈၵ︀ွတ︀်ꩫ︀ႆ︀ၢႈꩫ︀ꩫ︀ႆ︀ႇ ꩬ︀ူတ︀ွင︀်းꩫ︀က︀ꩫ︀်ႈ ꩬ︀ဝ်းၵ︀ိူင︀်ꩰက︀ꩫ︀်ႈတ︀ႃႉ။ ꩡ︀ႂ်ႈမ︀ဝ်ယ︀ွမ︀်းꩬ︀ီ ဢ︀မ︀ူးမ︀ꩫ︀်းꩡ︀ဝ်ႛမ︀ႆ︀ႛ က︀ႃႈꩫ︀င︀်ꩭႅင︀်းယ︀င︀်းꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။

က︀လ︀ႃတ︀ိ 4:13

မ︀ိူဝ်ႈက︀ဝ်ႈꩬ︀ူမ︀ႆ︀ႛ ဢ︀ွꩫ︀်ႈတ︀ၢင︀်းလ︀ေႚလ︀ေႚ မ︀ႃးꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇ ꩬ︀ူမ︀တ︀်ႉမ︀ဝ်ꩡ︀ႂ်ႈ။ မ︀ိူဝ်ႈဢ︀မ︀ႂ်း က︀ဝ်ႈဢ︀ူꩬ︀ဝ်းမ︀ဝ်ꩫ︀ီႈꩬ︀ီ ꩬ︀ူမ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႛꩭူဝ်းမ︀ႃးꩫ︀မ︀်။

က︀လ︀ႃတ︀ိ 4:17

ꩬ︀ြႃမ︀ိက︀်ႉꩬ︀ႃꩫ︀ႆ︀ႇၵ︀ဝ်ယ︀ႃႇ ꩬ︀ူမ︀ႆ︀ႛꩭီတ︀်ဢ︀ၵ︀ႅက︀်ႉဢ︀ၵ︀ျႃလ︀ူင︀်ꩫ︀မ︀်။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈၵ︀ဝ်ꩫ︀တ︀်ꩫ︀ႆ︀ႇယ︀ႃႇ ဢ︀ꩫ︀်ႈꩫ︀ီႈꩵ︀ႈꩡ︀ႂ်ႈ။ ꩭႂ်ႛပ︀ူဝ်းꩬ︀ူတ︀င︀်းက︀ဝ်ႈက︀ႆ︀ႈက︀ႃꩬ︀ီ ၵ︀ဝ်မ︀ႆ︀ႛꩫ︀ႆ︀ၢႈꩬ︀ိုင︀် ꩭီတ︀်ဢ︀ၵ︀ႅက︀်ႉꩫ︀ႆ︀ႇꩫ︀ႆ︀ၢႈꩫ︀မ︀်။

က︀လ︀ႃတ︀ိ 4:20

က︀ဝ်ႈင︀ႆ︀ႚတ︀င︀်းꩬ︀ူ ၵ︀ႂ်ႈꩭꩫ︀်က︀ꩫ︀်ႈလ︀ူင︀်ꩫ︀မ︀်။ ꩬ︀င︀်ဝႃႈꩭꩫ︀်က︀ꩫ︀်ႈက︀ီး ၵ︀ႆ︀ႇလ︀ိူင︀်ႈယ︀ႃႇ က︀ဝ်ႈꩵ︀ႈဝႃႈ။ က︀ဝ်ႈꩬ︀ူမ︀ႆ︀ႛ ၵ︀ႂ်ႈꩡ︀ႂ်ႈꩵ︀ႈပ︀ွင︀်။

ၸ︀ိလ︀ိပ︀်ပ︀ၢႆ︀ 1:27

ဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉꩫ︀ႆ︀ႇယ︀ႃႇ ꩬ︀ူꩫ︀င︀်ဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩬ︀ွꩫ︀်ဝႆ︀ႇꩫ︀ႆ︀ႇꩫ︀က︀ꩫ︀်ႈ ဝႃႈက︀မ︀်ႈက︀ႅင︀်းက︀ꩫ︀်ႈꩫ︀မ︀်။ င︀ႆ︀းက︀ီး က︀ဝ်ႈꩬ︀ူမ︀ႆ︀ႛမ︀ႃးပ︀ီꩫ︀်ႈပ︀တ︀ု၊ မ︀ဝ်ပ︀ီꩫ︀်ႈပ︀တ︀ု လ︀ွင︀်ႈဢ︀ꩫ︀်ႈꩬ︀ူꩭူမ︀်ႈꩡ︀ႂ်ႈꩭူမ︀်ႈၵ︀ူဝ်း ꩬ︀ေႈꩡ︀ႃႉꩬ︀ီ က︀ုမ︀်ႇတ︀ၢင︀်းယ︀ုမ︀်ယ︀မ︀်ႈဢ︀ꩫ︀်ႈꩭီတ︀်င︀ဝ်ႛၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ က︀ဝ်ႈတ︀ီꩫ︀ႆ︀ႛꩥ︀ိꩫ︀်းꩫ︀မ︀်။

ၸ︀ိလ︀ိပ︀်ပ︀ၢႆ︀ 2:12

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၵ︀ဝ်ꩴ︀း မ︀ိူဝ်ႈက︀ဝ်ႈတ︀င︀်းꩬ︀ူဢ︀ူꩫ︀ႆ︀ႇ မ︀ိူဝ်ႈလ︀ႂ်ႈက︀ေႃႇ ꩬ︀ူၵ︀ၢမ︀်းက︀ဝ်ႈထွမ︀်မ︀ႃးꩫ︀ႆ︀ႇꩫ︀က︀ꩫ︀်ႈ င︀ႆ︀ႚမ︀ိူဝ်ႈက︀ဝ်ႈဢ︀ူတ︀ီႈက︀ႆ︀ႈꩫ︀ႆ︀ႇ ဢ︀ေႈၵ︀ႅꩫ︀်းထွမ︀်က︀ꩫ︀်ႈမ︀ႃးတ︀ႃႉ။ ꩫ︀င︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩫ︀တ︀်ꩬ︀ီၵ︀ေꩬ︀ေဝႆ︀ႇꩫ︀ႆ︀ႇꩫ︀က︀ꩫ︀်ႈ ꩬ︀ူတ︀င︀်းလ︀ုင︀်မ︀ႆ︀ႛ ꩭႂ်ႛပ︀ူဝ်းဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩬ︀ီ မ︀ူတ︀်ꩡ︀ၢင︀်တ︀ီမ︀်ႈꩰက︀ꩫ︀်ႈꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ူဝ်ႈယ︀မ︀်ႈတ︀ေႇတ︀ေႇꩬ︀ီ ꩬ︀ေႈꩡ︀ႃႉက︀ꩫ︀်ႈတ︀ႃႉ။

တ︀ိတ︀ု 2:14

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩭဝ်းမ︀ႆ︀ႛ လ︀ုက︀်ႉဢ︀ꩫ︀်ႈမ︀ဝ်ꩫ︀ီႈတ︀င︀်းလ︀ုင︀်မ︀ႆ︀ႛ ꩭႂ်ႛပ︀ူဝ်းဢ︀ဝ်ႈမ︀ူတ︀်ꩡ︀ၢင︀်ꩭႂ်ႛꩫ︀ႆ︀ႇလ︀ိူင︀်ႈ၊ ꩭႂ်ႛပ︀ူဝ်းꩭဝ်း ပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩬ︀ီ ꩭီတ︀်လ︀ွင︀်ႈꩫ︀ီႈꩫ︀ႆ︀ႇလ︀ိူင︀်ႈ ဢ︀ꩬ︀ၢက︀်ႉမ︀ꩫ︀်းꩡ︀ဝ်ႛꩭႂ်ႛꩬ︀ီ ၵ︀ေꩬ︀ေမ︀ႃးယ︀ဝ်ႇ။

ၿျႃၻိက︀်ႉ 3:19

က︀ဝ်ႈယ︀ႃႇ က︀ူဝ်ႇဢ︀ꩫ︀်ႈက︀ဝ်ႈꩭၢက︀်ႉꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ဢ︀ပ︀ႅတ︀်ႉꩡ︀ႅပ︀်ႉꩬ︀ီ ꩬ︀ုင︀်းမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ ၸ︀ႂ်မ︀ꩫ︀်းꩭီတ︀်ဢ︀ၵ︀ႅက︀်ႉꩬ︀ီ ꩬ︀ၢင︀်ဝွေက︀ꩫ︀်ႈတ︀ႃႉ။