က︀လ︀ႃတ︀ိ 3:8 - Khamti Shan

⁸ ꩡ︀ႃႇလ︀ိူင︀်ႈ လ︀ႆ︀ၢးပ︀ိူဝ်ႈ ဢ︀ꩫ︀်ႈက︀ျူးမ︀ဝ်ꩡ︀ႂ်ႈ ꩫ︀ႆ︀ႇၵ︀ဝ် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ ၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀မ︀်ꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛ ၿျႃၻိက︀်ႉဝႆ︀ႇဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ႃပ︀ြႃꩭၢမ︀်မ︀ႆ︀ႛ “လ︀ႆ︀ၢးပ︀ိူဝ်ႈမ︀ႂ်းꩬ︀ီ က︀ူꩫ︀်းတ︀င︀်းမ︀ိူင︀်းမ︀ႆ︀ႛ က︀ဝ်ႈတ︀ီပ︀ူင︀်ႈဢ︀က︀ိဝ်းꩫ︀မ︀်” ꩫ︀ꩬ︀ီ ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇ ဝႃႈမ︀ႃးဢ︀ူ။

က︀လ︀ႃတ︀ိ 3:8 ပူးပေါင်းရင်းမြစ်များ

ယ︀ေႃးꩭၢꩫ︀် 19:37

ၵ︀ူဝ်ႛက︀ျမ︀်းလ︀ိက︀်ႉဢ︀ꩫ︀်ႈလ︀ိူင︀်ႈမ︀ႆ︀ႛက︀ေႃႇ “ၵ︀ဝ်ယ︀ႃႇ က︀ူဝ်ႇဢ︀ꩫ︀်ႈၵ︀ဝ်ဢ︀ဝ်ႈꩭွက︀်ယ︀ွက︀်ႉဝႆ︀ႇꩫ︀ႆ︀ႇမ︀ႆ︀ႛ တ︀ီꩫ︀ူႈက︀ꩫ︀်ႈꩫ︀မ︀်” ꩫ︀ꩬ︀ီဝႃႈဝႆ︀ႇဢ︀ူ။

ယ︀ေႃးꩭၢꩫ︀် 7:38

ၸ︀ူႛဢ︀ꩫ︀်ႈက︀ဝ်ႈမ︀ႆ︀ႛယ︀ုမ︀်ꩫ︀ႆ︀ႇၵ︀ဝ် မ︀ႃးက︀ိꩫ︀်ႈက︀ꩫ︀်ႈတ︀ႃႉ။ ꩫ︀င︀်က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀က︀ꩫ︀်ႈ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛယ︀ုမ︀်ယ︀မ︀်ႈꩫ︀ႆ︀ႇယ︀ႃႇ လ︀ုက︀်ႉꩭူဝ်ꩡ︀ႂ်ႈမ︀ꩫ︀်းမ︀ႆ︀ႛ ၵ︀ေးꩫ︀မ︀်ႇဢ︀ꩫ︀်ႈꩭႂ်ႛဢ︀ꩬ︀ၢက︀်ႉ တ︀ီလ︀ႆ︀ဢ︀ွက︀်ꩫ︀မ︀်” ꩫ︀ꩬ︀ီတ︀ႅဝ်ဢ︀ူ။

ရ︀ေႃမ︀ 9:17

က︀ျမ︀်းလ︀ိက︀်ႉမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ၵ︀ုꩫ︀်ꩭူဝ်ၵ︀မ︀်းဢ︀ီက︀ျီပ︀်မ︀ႆ︀ႛ ဝႃႈဝႆ︀ႇꩫ︀ႆ︀ႇ “မ︀ႂ်းမ︀ႆ︀ႛက︀ဝ်ႈလ︀ိူက︀်ႉတ︀ၢင︀်ꩡ︀ဝ်ႛꩭူဝ်ၵ︀မ︀်းꩫ︀ႆ︀ႇယ︀ႃႇ ꩭႂ်ႛပ︀ူဝ်းက︀ဝ်ႈမ︀ႆ︀ႛ တ︀င︀်းက︀မ︀်ၸ︀ႃတ︀ွင︀်းမ︀ႃးꩫ︀ႆ︀ႇ မ︀ႂ်းမ︀ႆ︀ႛတ︀ိုဝ်းꩬ︀ီ တ︀ꩫ︀်းၵ︀ူဝ်းက︀ဝ်ႈပ︀ျႃးက︀ွတ︀်ꩫ︀ꩫ︀မ︀်” ꩫ︀ꩫ︀မ︀်။

ရ︀ေႃမ︀ 9:30

ဢ︀ꩫ︀်ႈꩭဝ်းၵ︀ႂ်ႈဝႃႈꩫ︀ႆ︀ႇယ︀ႃႇ င︀ႆ︀းꩫ︀မ︀်။ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်ယ︀ႃႇ ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇ ꩵ︀ႈꩬ︀ေႈꩡ︀ႃႉမ︀ႃး။ ꩫ︀ႆ︀ႇꩫ︀က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ၵ︀ဝ်ယ︀ုမ︀်ယ︀မ︀်ႈꩬ︀ီ ၵ︀ဝ်မ︀ႆ︀ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်မ︀ႃးယ︀ဝ်ႇ။

က︀လ︀ႃတ︀ိ 3:16

ꩫ︀ႆ︀ႇꩬ︀ေႇမ︀ဝ်က︀ႃး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ႃပ︀ြႃꩭၢမ︀်င︀ႆ︀း ꩡ︀ိူဝ်ႇၵ︀ိူဝ်းမ︀ꩫ︀်းမ︀ႆ︀ႛ က︀တ︀ိꩭႂ်ႛဝႆ︀ႇမ︀ႃးဢ︀ူ။ ꩡ︀ိူဝ်ႇၵ︀ိူဝ်းမ︀ꩫ︀်းꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇ က︀ူꩫ︀်းꩫ︀မ︀်ꩰမ︀ႆ︀ႛဝႃႈမ︀ဝ်ꩡ︀ႂ်ႈꩬ︀ီ က︀ူဝ်ႇလ︀ိဝ်ႈမ︀ႆ︀ႛꩫ︀ႆ︀ၢႈꩡ︀ိုဝ်ဝႆ︀ႇꩫ︀မ︀်။ က︀ူဝ်ႇဢ︀မ︀ႂ်းယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။

က︀လ︀ႃတ︀ိ 3:22

ꩫ︀ႆ︀ႇꩫ︀က︀ေႃႇ က︀ူꩫ︀်းꩭဝ်းတ︀င︀်းမ︀ိူင︀်း ဢ︀ူက︀ꩫ︀်ႛတ︀ႂ်ႛတ︀ꩫ︀်းၵ︀ူဝ်းဢ︀ပ︀ႅတ︀်ႉမ︀ႆ︀ႛꩫ︀မ︀်ꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇꩬ︀ီ က︀ူꩫ︀်းꩭဝ်း ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈက︀ီးꩬ︀ိုင︀် ꩭဝ်းမ︀ႆ︀ႛတ︀ီပ︀ွႆ︀လ︀ွတ︀်ႉꩭႂ်ႛꩫ︀မ︀်ꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ က︀တ︀ိꩭႂ်ႛမ︀ႃးꩫ︀မ︀်။

က︀လ︀ႃတ︀ိ 4:30

ꩫ︀ႆ︀ႇꩫ︀က︀ေႃႇ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇ “ၸ︀ူႛယ︀ိင︀်းဢ︀ꩫ︀်ႈပ︀ီꩫ︀်ႈၵ︀ႃႛꩫ︀ၵ︀ႃလ︀ုက︀်ႉမ︀ꩫ︀်းမ︀ႆ︀ႛ ꩭူဝ်ႛၵ︀ွတ︀်တ︀ႃႉ။ ၸ︀ူႛလ︀ုက︀်ႉၸ︀ူႛယ︀ိင︀်းဢ︀ꩫ︀်ႈပ︀ီꩫ︀်ႈၵ︀ႃႛꩫ︀ႆ︀ႇ တ︀င︀်းၸ︀ူႛလ︀ုက︀်ႉၸ︀ူႛယ︀ိင︀်းဢ︀ꩫ︀်ႈၵ︀ႃႛမ︀ဝ်ꩡ︀ႂ်ႈ ဢ︀မ︀ွေꩵ︀ႈဝႃႈꩭူမ︀်ႈꩫ︀ႆ︀ႛ” ꩫ︀ဝꩫ︀်ႇ။

ꩭေပ︀ရ︀ူး 4:2

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩫ︀င︀်ၵ︀ဝ်ꩫ︀က︀ꩫ︀်ႈ ꩭဝ်းက︀ေႃႇ ၵ︀ၢဝ်ႈၵ︀ၢမ︀်းꩫ︀ီႈ ꩫ︀ႆ︀ႛꩥ︀ိꩫ︀်းမ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ ၵ︀ဝ်ယ︀ႃႇ ꩫ︀ႆ︀ႛꩥ︀ိꩫ︀်းꩬ︀ီက︀ေႃႇ ဢ︀ဝ်ႈꩡ︀ႂ်ႈဢ︀ꩫ︀်ႈယ︀ုမ︀်ယ︀မ︀်ႈ မ︀ဝ်ꩭၢပ︀်ႉမ︀ႃးꩫ︀ႆ︀ႇꩬ︀ီ ၵ︀ဝ်မ︀ႆ︀ႛဢ︀က︀ိဝ်းꩵ︀ႈယ︀င︀်းမ︀ႃး။

ၿျႃၻိက︀်ႉ 11:15

ၵ︀ုꩫ︀်ꩬ︀ၢင︀်တ︀တ︀်ႉတ︀မ︀ ပ︀ဝ်တ︀ုတ︀်က︀ီး က︀ၢင︀်ႈꩭၢဝ်မ︀ႆ︀ႛ ꩬ︀ီင︀်လ︀ူင︀်ꩫ︀ႆ︀ႇၵ︀ဝ်ဢ︀ွက︀်မ︀ႃးꩬ︀ီ “လ︀ၢက︀်ႉꩫ︀ႆ︀ႇယ︀ႃႇ က︀မ︀်ၸ︀ႃꩫ︀ႆ︀ႇ ပ︀ီꩫ︀်ႈမ︀ိူင︀်းꩡ︀ဝ်ႛꩭဝ်းꩫ︀ၵ︀ႃꩡ︀ဝ်ႛမ︀ေꩬ︀ိယ︀မ︀ꩫ︀်းꩡ︀ဝ်ႛယ︀ဝ်ႇ။ မ︀ꩫ︀်းꩡ︀ဝ်ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ီဢ︀ုပ︀်ႉပ︀ိုင︀်က︀ႃꩫ︀မ︀်” ꩫ︀ဝꩫ︀်ႇ။