က︀လ︀ႃတ︀ိ 3:22 - Khamti Shan

²² ꩫ︀ႆ︀ႇꩫ︀က︀ေႃႇ က︀ူꩫ︀်းꩭဝ်းတ︀င︀်းမ︀ိူင︀်း ဢ︀ူက︀ꩫ︀်ႛတ︀ႂ်ႛတ︀ꩫ︀်းၵ︀ူဝ်းဢ︀ပ︀ႅတ︀်ႉမ︀ႆ︀ႛꩫ︀မ︀်ꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇꩬ︀ီ က︀ူꩫ︀်းꩭဝ်း ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈက︀ီးꩬ︀ိုင︀် ꩭဝ်းမ︀ႆ︀ႛတ︀ီပ︀ွႆ︀လ︀ွတ︀်ႉꩭႂ်ႛꩫ︀မ︀်ꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ က︀တ︀ိꩭႂ်ႛမ︀ႃးꩫ︀မ︀်။

က︀လ︀ႃတ︀ိ 3:22 ပူးပေါင်းရင်းမြစ်များ

မ︀ႃက︀ု 16:16

က︀ူꩫ︀်းဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇမ︀ႆ︀ႛယ︀ုမ︀်ယ︀မ︀်ႈꩬ︀ီ ꩭၢပ︀်ႉမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩫ︀ႆ︀ႇၵ︀ဝ်မ︀ႆ︀ႛ ꩡ︀ဝ်ႛထႃဝရ︀ၸ︀ြႃးၵ︀ေꩬ︀ေꩭႂ်ႛဢ︀ူ။ ဢ︀ꩫ︀်ႈမ︀ဝ်ယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ တ︀ီပ︀ူင︀်ႈတ︀ၢမ︀်ꩫ︀မ︀်။

ယ︀ေႃးꩭၢꩫ︀် 12:46

ဢ︀ꩫ︀်ႈက︀ႃႈꩡ︀ိုဝ်ႈက︀ဝ်ႈမ︀ႆ︀ႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ꩭႂ်ႛပ︀ူဝ်းဢ︀ꩫ︀်ႈꩫ︀ပ︀်ꩬ︀ိင︀်မ︀ႆ︀ႛမ︀ဝ်ဢ︀ူꩫ︀ႆ︀ႇ က︀ဝ်ႈယ︀ႃႇ ꩭီတ︀်ဢ︀ꩫ︀်ႈလ︀ႅင︀်းꩬ︀ီ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးမ︀ꩫ︀မ︀်။

ယ︀ေႃးꩭၢꩫ︀် 20:31

ꩫ︀ႆ︀ႇꩫ︀က︀ေႃႇ ꩡ︀ဝ်ႛယ︀ေꩬ︀ုယ︀ႃႇ ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်၊ ꩡ︀ဝ်ႛမ︀ေꩬ︀ိယ︀ꩫ︀မ︀်ꩫ︀ꩫ︀ႆ︀ႇ ꩭႂ်ႛပ︀ူဝ်းꩬ︀ူယ︀ုမ︀်ယ︀မ︀်ႈꩬ︀ီ ꩫ︀ႆ︀ႛဢ︀ꩬ︀ၢက︀်ႉက︀ꩫ︀်ႈꩫ︀ႆ︀ႇꩫ︀မ︀် လ︀ွင︀်ႈꩫ︀ႆ︀ႇၵ︀ဝ်တ︀ႅမ︀်ႛဝႆ︀ႇꩫ︀ႆ︀ႇ။

ယ︀ေႃးꩭၢꩫ︀် 3:36

က︀ူဝ်ႇဢ︀ꩫ︀်ႈလ︀ုက︀်ႉꩡ︀ၢႆ︀းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩫ︀ႆ︀ႇ ဢ︀ꩬ︀ၢက︀်ႉထႃဝရ︀ꩫ︀ႆ︀ႛဢ︀ူ။ က︀ူဝ်ႇဢ︀ꩫ︀်ႈၵ︀ၢမ︀်းမ︀ꩫ︀်းꩡ︀ဝ်ႛ မ︀ဝ်ထွမ︀်ꩫ︀ႆ︀ႇယ︀ႃႇ ဢ︀ꩬ︀ၢက︀်ႉမ︀ဝ်ꩫ︀ႆ︀ႛꩬ︀ေႇမ︀ဝ်က︀ႃး တ︀ၢမ︀်ဢ︀ပ︀ႅတ︀်ႉဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈမ︀ႆ︀ႛ ꩫ︀ႆ︀ႛၵ︀ၢမ︀်ဢ︀ူꩫ︀မ︀်။

ယ︀ေႃးꩭၢꩫ︀် 5:24

က︀ဝ်ႈꩬ︀ိုဝ်ႈꩰဝႃႈက︀ွတ︀်။ ၵ︀ၢမ︀်းက︀ဝ်ႈꩫ︀ႆ︀ႛꩥ︀ိꩫ︀်းꩬ︀ီ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇမ︀ႆ︀ႛ ယ︀ုမ︀်ယ︀မ︀်ႈက︀ီး ဢ︀ꩬ︀ၢက︀်ႉထႃဝရ︀ꩫ︀ႆ︀ႛဢ︀ူ။ က︀ူဝ်ႇဢ︀ꩫ︀်ႈယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ ၸ︀ႂ်က︀ေႃႇꩵ︀ႈပ︀ႅတ︀်ႉတ︀ြႃး။ ၵ︀ဝ်ယ︀ႃႇ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛက︀ေႃႇပ︀ူꩫ︀်ႇꩬ︀ီဢ︀ꩬ︀ၢက︀်ႉꩫ︀ႆ︀ႛယ︀ဝ်ႇ။

ယ︀ေႃးꩭၢꩫ︀် 6:40

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူဝ်ႇဢ︀ꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛꩭꩫ︀်ꩬ︀ီ ယ︀ုမ︀်ယ︀မ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း ဢ︀ꩬ︀ၢက︀်ႉထႃဝရ︀ၵ︀ႂ်ႈꩭႂ်ႛꩫ︀ႆ︀ႛက︀ꩫ︀်ႈꩫ︀မ︀်။ က︀ဝ်ႈက︀ေႃႇ ဝꩫ︀်းဢ︀ꩫ︀်ႈꩬ︀ုတ︀်မ︀ႆ︀ႛ က︀ူဝ်ႇဢ︀မ︀ႂ်းၵ︀ဝ်မ︀ႆ︀ႛ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ တ︀ီဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛꩫ︀မ︀်” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 16:31

ꩬ︀ွင︀်ၵ︀ႃက︀ေႃႇ “ꩡ︀ဝ်ႛယ︀ေꩬ︀ုမ︀ႆ︀ႛ ယ︀ုမ︀်ယ︀မ︀်ႈတ︀ႃႉ။ င︀ႆ︀းက︀ီး ꩬ︀ူတ︀င︀်းꩭိူꩫ︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ၵ︀ေꩬ︀ေꩭႂ်ႛဢ︀ူ” ꩫ︀ယ︀ဝ်ႇက︀ီး

ရ︀ေႃမ︀ 10:9

ၸ︀ႂ်မ︀ဝ်ဝႃႈ ꩡ︀ဝ်ႛယ︀ေꩬ︀ုမ︀ႆ︀ႛ ꩡ︀ဝ်ႛꩫ︀ꩬ︀ီ ဢ︀ဝ်ႈꩬ︀ူပ︀်က︀ွမ︀်းꩡ︀ူးꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးယ︀ဝ်ႇꩫ︀ꩫ︀ႆ︀ႇ က︀ꩫ︀်ႛꩫ︀ႂ်းꩡ︀ႂ်ႈမ︀ႆ︀ႛယ︀ုမ︀်ယ︀မ︀်ႈတ︀ေႇတ︀ေႇက︀ီး က︀ူဝ်ႇဢ︀မ︀ႂ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛဢ︀ူ။

ရ︀ေႃမ︀ 11:32

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈၵ︀ၢမ︀်းမ︀ꩫ︀်းꩡ︀ဝ်ႛမ︀ဝ်ထွမ︀်ꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛ ꩭႂ်ႛပ︀ူဝ်းမ︀ꩫ︀်းꩡ︀ဝ်ႛဢ︀ီꩫ︀ူႈပ︀ျႃးꩫ︀ႆ︀ႛꩫ︀ႆ︀ႇ ၵ︀ဝ်မ︀ႆ︀ႛ ꩫ︀င︀်ၵ︀ဝ်ၵ︀ႂ်ႈပ︀ီꩫ︀်ႈꩫ︀က︀ꩫ︀်ႈ ပ︀ွႆ︀ꩭႂ်ႛဝႆ︀ႇꩫ︀မ︀်။

ရ︀ေႃမ︀ 3:22

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းꩭဝ်း ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈက︀ီးꩬ︀ိုင︀် ꩭဝ်းမ︀ႆ︀ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ျူးꩫ︀ၵ︀ႃဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် က︀ꩬ︀င︀်က︀ေႃႇꩵ︀ႈလ︀ၢက︀်က︀ꩫ︀်ႈ။

ရ︀ေႃမ︀ 3:23

က︀ူꩫ︀်းတ︀င︀်းမ︀ိူင︀်း ဢ︀ပ︀ႅတ︀်ႉယ︀င︀်းꩬ︀ီ မ︀ူꩫ︀်ႈဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛဝႆ︀ႇꩫ︀ႆ︀ႇ တ︀ူက︀်ယ︀ွမ︀်းက︀ႃက︀ꩫ︀်ႈယ︀ဝ်ႇ။

ရ︀ေႃမ︀ 5:12

မ︀ိူင︀်းက︀ၢင︀်ႈမ︀ႆ︀ႛ ဢ︀ဝ်ႈတ︀ၢင︀်းက︀ူꩫ︀်းက︀ူဝ်ႇလ︀ိူင︀်ႈꩬ︀ီ ဢ︀ပ︀ႅတ︀်ႉၵ︀ဝ်ႛမ︀ႃးꩫ︀မ︀်။ က︀ူꩫ︀်းက︀ူဝ်ႇလ︀ိူင︀်ႈ ဢ︀ႃတ︀ၢမ︀်ဢ︀မ︀ႂ်း ꩭီတ︀်ဢ︀ပ︀ႅတ︀်ႉမ︀ႃးꩫ︀ႆ︀ႇꩬ︀ီ က︀ူꩫ︀်းတ︀င︀်းလ︀ုင︀်မ︀ႆ︀ႛ တ︀ၢင︀်းတ︀ႆ︀ၢႈထိုင︀်မ︀ႃးꩫ︀မ︀်။ လ︀ႆ︀ၢးပ︀ိူဝ်ႈဢ︀ပ︀ႅတ︀်ႉဢ︀မ︀ႂ်းꩫ︀ႆ︀ႇꩬ︀ီ မ︀ိူင︀်းက︀ၢင︀်ႈမ︀ႆ︀ႛ တ︀ၢင︀်းတ︀ႆ︀ၢႈယ︀င︀်းမ︀ႃးꩫ︀မ︀်။ င︀ႆ︀းꩫ︀ႆ︀ႇꩬ︀ီ က︀ူꩫ︀်းက︀ူႈက︀ူဝ်ႇက︀ေႃႇ ဢ︀ပ︀ႅတ︀်ႉꩭီတ︀်ꩬ︀ီ က︀ူႈက︀ူဝ်ႇမ︀ႆ︀ႛ တ︀ၢင︀်းတ︀ၢႆ︀ႈထိုင︀်မ︀ႃးꩫ︀မ︀်။

က︀လ︀ႃတ︀ိ 3:14

လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭီတ︀်င︀ႆ︀းꩫ︀ႆ︀ႇꩬ︀ီ ဢ︀က︀ိဝ်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ႃပ︀ြႃꩭၢမ︀်မ︀ႆ︀ႛ ပ︀ူင︀်ႈꩭႂ်ႛက︀ွတ︀်ꩫ︀ꩬ︀ီ က︀တ︀ိꩭႂ်ႛဝႆ︀ႇꩫ︀ႆ︀ႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်က︀ေႃႇꩫ︀ႆ︀ႛꩭၢပ︀်ႉယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းမ︀ႆ︀ႛတ︀ီꩭႂ်ႛꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛက︀တ︀ိꩭႂ်ႛဝႆ︀ႇꩫ︀ႆ︀ႇ ꩭဝ်းက︀ေႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီ ꩫ︀ႆ︀ႛꩭၢပ︀်ႉယ︀ဝ်ႇ။

က︀လ︀ႃတ︀ိ 3:17

ဢ︀ꩫ︀်ႈက︀ဝ်ႈၵ︀ႂ်ႈဝႃႈꩫ︀ႆ︀ႇယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀င︀်းဢ︀ႃပ︀ြႃꩭၢမ︀် ꩭီတ︀်ၵ︀ၢမ︀်းၵ︀တ︀်ႉဝႆ︀ႇꩬ︀ီ ꩫ︀င︀်ဢ︀ꩫ︀်ႈၵ︀တ︀်ႉဝႆ︀ႇꩫ︀က︀ꩫ︀်ႈꩭီတ︀်က︀ွတ︀်ꩫ︀ꩬ︀ီ က︀တ︀ိက︀ေႃႇꩭႂ်ႛမ︀ႃးဢ︀ူ။ က︀ျမ︀်းꩬ︀ိꩫ︀်ဢ︀ꩫ︀်ႈက︀ꩫ︀်ႛလ︀င︀်ဢ︀မ︀ႂ်း ꩬ︀ီပ︀ၢက︀်ꩬ︀ၢမ︀်ꩬ︀ိပ︀်ပ︀ီႈမ︀ႆ︀ႛꩬ︀ိုင︀်ꩭႂ်ႛမ︀ႃးꩫ︀ႆ︀ႇယ︀ႃႇ ၵ︀ၢမ︀်းၵ︀တ︀်ႉဢ︀မ︀ႂ်းမ︀ႆ︀ႛ လ︀ိက︀်ႉꩵ︀ႈꩫ︀ႆ︀ႛ။ င︀ႆ︀းꩫ︀ႆ︀ႇꩬ︀ီ က︀တ︀ိၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ ယ︀ႃႇꩵ︀ႈꩫ︀ႆ︀ႛ။

က︀လ︀ႃတ︀ိ 3:23

ယ︀ၢမ︀်းဢ︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛပ︀ုတ︀်ပ︀ျႃးꩬ︀ီ က︀ူꩫ︀်းꩭဝ်း ꩡ︀ဝ်ႛယ︀ေꩬ︀ုမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႛဢ︀မ︀ႂ်း မ︀ိူဝ်ႈꩵ︀ႈပ︀ႆ︀ထိုင︀်မ︀ႃးꩫ︀ႆ︀ႇ က︀ျမ︀်းꩬ︀ိꩫ︀်ယ︀ႃႇ တ︀ူဝ်ထိုင︀်ယ︀ၢမ︀်းဢ︀မ︀ႂ်းထိုင︀်မ︀ႃးꩫ︀ႆ︀ႇ က︀ူꩫ︀်းꩭဝ်းမ︀ႆ︀ႛၸ︀ုက︀်လ︀ႅင︀်ဝႆ︀ႇဢ︀ူꩫ︀မ︀်။

က︀လ︀ႃတ︀ိ 3:29

ꩬ︀ူပ︀ီꩫ︀်ႈက︀ူꩫ︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ဝ်ႇꩫ︀က︀ီး ပ︀ီꩫ︀်ႈၵ︀ိူဝ်းဢ︀ႃပ︀ြႃꩭၢမ︀်၊ ပ︀ီꩫ︀်ႈၸ︀ူႛꩭၢပ︀်ႉဢ︀မ︀ွေၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ က︀တ︀ိဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ႃပ︀ြႃꩭၢမ︀်မ︀ႆ︀ႛꩭႂ်ႛဝႆ︀ႇꩫ︀ႆ︀ႇ ꩬ︀ူတ︀ီꩫ︀ႆ︀ႛꩫ︀မ︀်။

တ︀ိမ︀ေႃတ︀ေ ႒ 1:1

လ︀ုက︀်ႉꩭၢက︀်ႉက︀ဝ်ႈ တ︀ိမ︀ေႃတ︀ေꩴ︀း က︀ဝ်ႈပ︀ေႃလ︀ု လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ꩡ︀ဝ်ႛယ︀ေꩬ︀ုၵ︀ရ︀ီတ︀် မ︀ႂ်းမ︀ႆ︀ႛဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀ႃတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛ လ︀ွင︀်ႈဢ︀ꩬ︀ၢက︀်ႉထႃဝရ︀ ဢ︀ꩫ︀်ႈမ︀ꩫ︀်းꩡ︀ဝ်ႛက︀တ︀ိꩭႂ်ႛဝႆ︀ႇ၊ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩭဝ်းယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီတ︀ီꩫ︀ႆ︀ႛꩫ︀ႆ︀ႇ ꩭႂ်ႛꩭူဝ်းက︀ွတ︀်ꩫ︀ꩬ︀ီ လ︀ိူက︀်ႉဢ︀ဝ်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛဢ︀ꩫ︀်ႈထၢမ︀်းဢ︀မ︀ူးꩡ︀ဝ်ႛယ︀ေꩬ︀ုၵ︀ရ︀ီတ︀်ဝႆ︀ႇယ︀ဝ်ႇ။

ꩭေပ︀ရ︀ူး 9:15

င︀ႆ︀းꩫ︀ႆ︀ႇꩬ︀ီ ꩡ︀ဝ်ႛၵ︀ရ︀ီတ︀်ယ︀ႃႇ ꩡ︀ႃႇၵ︀ၢမ︀်းၵ︀တ︀်ႉမ︀ႂ် ပ︀ီꩫ︀်ႈၸ︀ူႛက︀ၢပ︀်က︀ၢႆ︀ဢ︀ဝ်ႈꩫ︀ီႈꩭႂ်ႛꩫ︀မ︀်။ ၵ︀ၢမ︀်းၵ︀တ︀်ႉမ︀ႂ်ဢ︀မ︀ႂ်းယ︀ႃႇ ꩡ︀ႃႇꩭၢင︀်းက︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭွင︀်ႇဝႆ︀ႇꩫ︀ႆ︀ႇၵ︀ဝ် ဢ︀က︀ိဝ်းထႃဝရ︀ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ က︀တ︀ိꩭႂ်ႛဝႆ︀ႇꩫ︀ႆ︀ႇ ꩫ︀ႆ︀ႛꩭၢပ︀်ႉက︀ꩫ︀်ႈꩫ︀ႆ︀ႇꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛၵ︀ရ︀ီတ︀်ယ︀ႃႇ ꩭႂ်ႛပ︀ူဝ်းꩭဝ်း လ︀ုက︀်ႉဢ︀ပ︀ႅတ︀်ႉ ဢ︀ꩫ︀်ႈၵ︀ၢမ︀်းၵ︀တ︀်ႉက︀ဝ်မ︀ႆ︀ႛ ၸ︀ိတ︀်မ︀ႃးꩫ︀ႆ︀ႇၵ︀ဝ်မ︀ႆ︀ႛလ︀ွတ︀်ႉꩫ︀ႆ︀ႇ ၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။

ပ︀ေတ︀ရ︀ု ႒ 1:4

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩭူဝ်ꩡ︀ႂ်ႈꩭဝ်းꩫ︀င︀်ꩡ︀ႂ်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀က︀ꩫ︀်ႈပ︀ီꩫ︀်ႈမ︀ႃးꩬ︀ီ ꩭႂ်ႛပ︀ူဝ်းလ︀ုက︀်ႉꩡ︀ႂ်ႈလ︀ေႃးက︀ီဢ︀ꩫ︀်ႈမ︀ဝ်ꩫ︀ီႈဢ︀ꩫ︀်ႈက︀ူꩫ︀်းꩭဝ်းမ︀ႆ︀ႛ ဢ︀ဝ်ႈလ︀ူႇပ︀ႅက︀်ႉꩫ︀ႆ︀ႇၵ︀ဝ်မ︀ႆ︀ႛ ပ︀ူꩫ︀်ႇလ︀ွတ︀်ႉꩫ︀ႆ︀ႇ ꩭဝ်းမ︀ႆ︀ႛက︀တ︀ိမ︀ꩫ︀်းꩡ︀ဝ်ႛ ဢ︀ꩫ︀်ႈယ︀ႂ်မ︀ႅတ︀်ႉꩬ︀ီလ︀ႅင︀်ႇတ︀ေႇတ︀ေႇꩫ︀ႆ︀ႇၵ︀ဝ် ꩭႂ်ႛမ︀ႃးယ︀ဝ်ႇ။

ပ︀ေတ︀ရ︀ု ႒ 3:13

ꩫ︀ႆ︀ႇꩫ︀က︀ေႃႇ ꩭဝ်းယ︀ႃႇက︀ၢင︀်ႈꩭၢဝ်မ︀ႂ် လ︀င︀်ꩫ︀ိꩫ︀်ႈမ︀ႂ် တ︀ီႈဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ် ꩬ︀ိုဝ်ႈꩰꩫ︀ꩫ︀်ႈꩰꩬ︀ီဢ︀ူက︀ꩫ︀်ႈမ︀ႆ︀ႛ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛက︀တ︀ိꩭႂ်ႛဝႆ︀ႇꩫ︀က︀ꩫ︀်ႈ တ︀ႂ်းထႃႛꩬ︀ီဢ︀ူꩫ︀မ︀်။

ယ︀ေႃးꩭၢꩫ︀် ႑ 2:25

င︀ႆ︀းꩬ︀ီ ꩭဝ်းဢ︀ူက︀ꩫ︀်ႛꩫ︀ႂ်း ၸ︀ြႃးပ︀ီꩫ︀်ႈꩡ︀ဝ်ႛက︀ီး ဢ︀ꩬ︀ၢက︀်ႉထႃဝရ︀ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် က︀တ︀ိꩭႂ်ႛဝႆ︀ႇꩫ︀ႆ︀ႇ ꩭဝ်းꩫ︀ႆ︀ႛဢ︀ူ။