က︀လ︀ႃတ︀ိ 3:2 - Khamti Shan

² က︀ဝ်ႈထၢမ︀်က︀ွတ︀်။ ꩬ︀ူၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႛꩭၢပ︀်ႉဢ︀ဝ်ႈꩫ︀ႆ︀ႇ က︀မ︀်ႈက︀ျမ︀်းꩬ︀ိꩫ︀်ꩬ︀ီက︀ျႃး။ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈꩬ︀ူꩫ︀ႆ︀ႛꩥ︀ိꩫ︀်းမ︀ႃးမ︀ႆ︀ႛ ယ︀ုမ︀်ယ︀မ︀်ႈꩬ︀ီမ︀ဝ်ꩡ︀ႂ်ႈက︀ျႃး။

က︀လ︀ႃတ︀ိ 3:2 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 15:8

ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩭူဝ်ꩡ︀ႂ်ႈက︀ူꩫ︀်းꩭဝ်းမ︀ႆ︀ႛတ︀ွင︀်းꩫ︀ႆ︀ႇယ︀ႃႇ ꩫ︀င︀်ꩭဝ်းမ︀ႆ︀ႛၵ︀ွꩫ︀်မ︀ꩫ︀်းꩡ︀ဝ်ႛꩭႂ်ႛမ︀ႃးꩫ︀ႆ︀ႇꩫ︀က︀ꩫ︀်ႈ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛက︀ေႃႇꩭႂ်ႛꩬ︀ီ ၵ︀ဝ်မ︀ႆ︀ႛမ︀ꩫ︀်းꩡ︀ဝ်ႛꩭၢပ︀်ႉဢ︀ူꩫ︀ꩫ︀ႆ︀ႇ ပ︀ျႃးမ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 2:38

ꩫ︀ႆ︀ႇမ︀ႆ︀ႛပ︀ေတ︀ရ︀ုယ︀ႃႇ “ဢ︀ပ︀ႅတ︀်ႉꩬ︀ူမ︀ႆ︀ႛꩭႂ်ႛပ︀ူဝ်း ၸ︀ြႃးပ︀ီꩫ︀်ႈꩡ︀ဝ်ႛ ပ︀ွႆ︀ꩭႂ်ႛꩫ︀ႆ︀ႇ က︀ူႈက︀ူဝ်ႇ ꩬ︀ၢင︀်ဝွေꩬ︀ီ ꩡ︀ိုဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭၢပ︀်ႉဢ︀ဝ်ႈက︀ꩫ︀်ႈတ︀ႃႉ။ င︀ႆ︀းက︀ီး ꩬ︀ူးက︀ျေးꩡ︀ူးၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႛက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 8:15

တ︀မ︀ၢꩫ︀်ꩡ︀ဝ်ႛꩬ︀ွင︀်ပ︀ႃးထိုင︀်မ︀ႃးက︀ီး ꩭႂ်ႛပ︀ူဝ်းၵ︀ဝ်ꩫ︀ႆ︀ႛꩭၢပ︀်ႉၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇ ယ︀ွꩫ︀်းꩬ︀ူးꩭႂ်ႛဢ︀ူ။

ရ︀ေႃမ︀ 1:17

ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇယ︀ႃႇ “က︀ူဝ်ႇဢ︀ꩫ︀်ႈꩬ︀ိုဝ်ႈတ︀ူဝ်ꩫ︀ႆ︀ႇ ဢ︀ဝ်ႈတ︀ၢင︀်းယ︀ုမ︀်ယ︀မ︀်ႈ တ︀ီꩫ︀ိပ︀်ꩫ︀မ︀်” ꩫ︀ꩬ︀ီက︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ဢ︀ဝ်ႈတ︀ၢင︀်းယ︀ုမ︀်ယ︀မ︀်ႈꩫ︀ၢႆ︀ႈꩬ︀ိုင︀် ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇမ︀ႆ︀ႛ ပ︀ုတ︀်ပ︀ျႃးဝႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 9:21

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ꩭႂ်ႛပ︀ူဝ်းက︀ူꩫ︀်းဢ︀ꩫ︀်ႈꩬ︀ိꩫ︀်က︀ျူးမ︀ဝ်က︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ေꩬ︀ေꩫ︀ႆ︀ႛꩫ︀ႆ︀ႇ က︀ဝ်ႈၸ︀ူႛꩡ︀ဝ်ႛက︀မ︀်ႈꩬ︀ိꩫ︀်က︀ျူးၵ︀ႂ်ႈလ︀ႂ်ႈꩫ︀က︀ေႃႇ ꩫ︀င︀်မ︀ဝ်က︀မ︀်ႈ ꩫ︀က︀ꩫ︀်ႈဢ︀ူဢ︀ူ။ င︀ႆ︀းꩫ︀ႆ︀ႇꩬ︀ီ က︀ဝ်ႈၸ︀ူႛꩡ︀ဝ်ႛယ︀ႃႇ ꩬ︀ိꩫ︀်ꩡ︀ဝ်ႛၵ︀ရ︀ီတ︀်မ︀ႆ︀ႛ ꩡ︀ွမ︀်းထက︀်ꩰꩫ︀မ︀်။

က︀ေႃရ︀ိꩫ︀်တ︀ု ႒ 11:4

ꩬ︀ူမ︀ႆ︀ႛတ︀ူႈၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ႆ︀ႈꩬ︀ီ ꩬ︀ူၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ၵ︀ၢဝ်ႈၵ︀ၢမ︀်းမ︀ꩫ︀်းꩡ︀ဝ်ႛမ︀ႆ︀ႛ ꩭၢပ︀်ႉဢ︀ဝ်ႈယ︀ဝ်ႇ။ ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇ ပ︀ိူꩫ︀်ႈတ︀ၢင︀်က︀ူဝ်ႇ မ︀ႃးၵ︀ႆ︀ႈလ︀ွင︀်ႈꩡ︀ဝ်ႛယ︀ေꩬ︀ုတ︀ၢင︀်ၸ︀ꩫ︀်းက︀ီး ꩭုမ︀်ꩰꩡ︀ူမ︀်းꩰꩭၢပ︀်ႉတ︀ွꩫ︀်ႛꩬ︀ီ ၵ︀ွꩫ︀်တ︀ၢင︀်ၸ︀ꩫ︀်း ၵ︀ၢဝ်ႈၵ︀ၢမ︀်းတ︀ၢင︀်ၸ︀ꩫ︀်းမ︀ႆ︀ႛꩭၢပ︀်ႉဢ︀ဝ်ႈꩫ︀က︀ဝ်ဢ︀ူ။

က︀လ︀ႃတ︀ိ 3:14

လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭီတ︀်င︀ႆ︀းꩫ︀ႆ︀ႇꩬ︀ီ ဢ︀က︀ိဝ်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ႃပ︀ြႃꩭၢမ︀်မ︀ႆ︀ႛ ပ︀ူင︀်ႈꩭႂ်ႛက︀ွတ︀်ꩫ︀ꩬ︀ီ က︀တ︀ိꩭႂ်ႛဝႆ︀ႇꩫ︀ႆ︀ႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်က︀ေႃႇꩫ︀ႆ︀ႛꩭၢပ︀်ႉယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းမ︀ႆ︀ႛတ︀ီꩭႂ်ႛꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛက︀တ︀ိꩭႂ်ႛဝႆ︀ႇꩫ︀ႆ︀ႇ ꩭဝ်းက︀ေႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီ ꩫ︀ႆ︀ႛꩭၢပ︀်ႉယ︀ဝ်ႇ။

က︀လ︀ႃတ︀ိ 3:3

ꩭီတ︀်က︀ꩬ︀င︀်ꩫ︀ႆ︀ ꩬ︀ူၵ︀ႆ︀ႇလ︀ိူင︀်ႈမ︀ိူက︀်ႉꩫ︀ႆ︀ႇ။ ꩡ︀ူဝ်ႈတ︀ႃႈဢ︀ꩬ︀ၢက︀်ႉၵ︀ရ︀ီတ︀်ယ︀ၢꩫ︀်ꩬ︀ူ ဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ိုင︀် က︀ူဝ်မ︀ႃးꩬ︀ီ ꩭီတ︀်က︀ꩬ︀င︀်ꩫ︀ႆ︀ ဢ︀ဝ်ႈꩡ︀ႂ်ႈꩫ︀ိူဝ်ႇꩫ︀ိူတ︀်ႉꩬ︀ူၸ︀ူႛꩡ︀ဝ်ႛꩬ︀လ︀ႂ်ႈ ၵ︀ႂ်ႈဢ︀ဝ်ႈꩬ︀ုတ︀်ꩫ︀ႆ︀ႇ။

က︀လ︀ႃတ︀ိ 3:5

ၵ︀ိုꩫ︀်းꩫ︀က︀ဝ် ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛၵ︀ွꩫ︀်မ︀ꩫ︀်းꩡ︀ဝ်ႛꩭႂ်ႛꩬ︀ီ ꩫ︀ႂ်းꩬ︀ူမ︀ႆ︀ႛ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ်ꩭီတ︀်ဢ︀ူꩫ︀ႆ︀ႇ လ︀ႆ︀ၢးပ︀ိူဝ်ႈꩬ︀ူက︀မ︀်ႈက︀ျမ︀်းꩬ︀ိꩫ︀်ꩬ︀ီက︀ျႃး။ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ꩫ︀်ႈꩬ︀ူ ꩫ︀ႆ︀ႛꩥ︀ိꩫ︀်းမ︀ႃးမ︀ႆ︀ႛ ယ︀ုမ︀်ယ︀မ︀်ႈꩬ︀ီမ︀ဝ်ꩡ︀ႂ်ႈက︀ျႃး။

ꩭေပ︀ရ︀ူး 2:4

ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ လ︀ႆ︀ၢးꩫ︀ိမ︀ိက︀်ႉꩫ︀ႆ︀ႇၵ︀ဝ်၊ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ်၊ တ︀ꩫ︀်းၵ︀ူဝ်းက︀ူႈၸ︀ꩫ︀်းꩰꩭီတ︀်င︀ႆ︀း က︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛက︀ေႃႇ ꩫ︀င︀်မ︀ꩫ︀်းꩡ︀ဝ်ႛဢ︀လ︀ၢင︀်းယ︀င︀်းꩫ︀က︀ꩫ︀်ႈ ꩬ︀ူးၵ︀ွꩫ︀်မ︀ꩫ︀်းꩡ︀ဝ်ႛ ပ︀ူင︀်ႈပ︀ꩫ︀်ႈꩭႂ်ႛꩬ︀ီ ꩭီတ︀်ꩬ︀ၢက︀်ႉꩬ︀ေမ︀ႃးယ︀ဝ်ႇ။

ꩭေပ︀ရ︀ူး 4:2

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩫ︀င︀်ၵ︀ဝ်ꩫ︀က︀ꩫ︀်ႈ ꩭဝ်းက︀ေႃႇ ၵ︀ၢဝ်ႈၵ︀ၢမ︀်းꩫ︀ီႈ ꩫ︀ႆ︀ႛꩥ︀ိꩫ︀်းမ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ ၵ︀ဝ်ယ︀ႃႇ ꩫ︀ႆ︀ႛꩥ︀ိꩫ︀်းꩬ︀ီက︀ေႃႇ ဢ︀ဝ်ႈꩡ︀ႂ်ႈဢ︀ꩫ︀်ႈယ︀ုမ︀်ယ︀မ︀်ႈ မ︀ဝ်ꩭၢပ︀်ႉမ︀ႃးꩫ︀ႆ︀ႇꩬ︀ီ ၵ︀ဝ်မ︀ႆ︀ႛဢ︀က︀ိဝ်းꩵ︀ႈယ︀င︀်းမ︀ႃး။

ꩭေပ︀ရ︀ူး 6:4

က︀ူꩫ︀်းဢ︀ꩫ︀်ႈ တ︀ၢင︀်းယ︀ုမ︀်ယ︀မ︀်ႈၵ︀ဝ်မ︀ႆ︀ႛ ၵ︀ွတ︀်က︀ႃꩫ︀ႆ︀ႇၵ︀ဝ် ꩭႂ်ႛပ︀ူဝ်းꩬ︀ၢင︀်ဝွေပ︀ွက︀်ႉꩫ︀ႆ︀ႇ ꩭလ︀ိုဝ်က︀ေႃႇꩵ︀ႈပ︀ီꩫ︀်ႈꩫ︀ႆ︀ႛ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ဝ်ယ︀ႃႇ ဢ︀ꩫ︀်ႈလ︀ႅင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭွꩫ︀်ထိုင︀်မ︀ႃးယ︀ဝ်ႇ။ ꩬ︀ူးက︀ျေးꩡ︀ူးက︀ၢင︀်ႈꩭၢဝ်မ︀ႆ︀ႛက︀ေႃႇ ꩭူပ︀်ႉꩭꩫ︀်ꩬ︀ီၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ꩫ︀ႆ︀ႛမ︀ႃးယ︀ဝ်ႇ။

ပ︀ေတ︀ရ︀ု ႑ 1:12

ဢ︀ꩫ︀်ႈၵ︀ဝ်မ︀ႆ︀ႛ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ် ꩭူဝ်းမ︀ႃးꩫ︀ႆ︀ႇယ︀ႃႇ ꩡ︀ႃႇဢ︀က︀ိဝ်းၵ︀ဝ်ၸ︀ူႛꩡ︀ဝ်ႛꩵ︀ႈꩡ︀ႂ်ႈ၊ ꩡ︀ႃႇဢ︀က︀ိဝ်းꩬ︀ူꩫ︀မ︀်။ င︀ႆ︀ႚယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛဢ︀ꩫ︀်ႈꩬ︀ူမ︀ႆ︀ႛꩬ︀ူင︀်ၵ︀ၢဝ်ႈၵ︀ၢမ︀်းꩫ︀ႆ︀ႇၵ︀ဝ်မ︀ႆ︀ႛ ꩡ︀ႂ်ႇꩬ︀ီဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်မ︀ꩫ︀်းꩡ︀ဝ်ႛ ဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ်မ︀ႆ︀ႛပ︀ွႆ︀ꩡ︀ႂ်ႇမ︀ႃးꩫ︀ႆ︀ႇ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩭႂ်ႛꩭူဝ်းမ︀ႃးယ︀ဝ်ႇ။ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်တ︀မ︀ိူင︀်းက︀ေႃႇ လ︀ွင︀်ႈဢ︀မ︀ႂ်းၵ︀ဝ် ၵ︀ႂ်ႈတ︀ွင︀်းလ︀ူင︀်မ︀ႃးꩫ︀မ︀်။