က︀လ︀ႃတ︀ိ 3:16 - Khamti Shan

¹⁶ ꩫ︀ႆ︀ႇꩬ︀ေႇမ︀ဝ်က︀ႃး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ႃပ︀ြႃꩭၢမ︀်င︀ႆ︀း ꩡ︀ိူဝ်ႇၵ︀ိူဝ်းမ︀ꩫ︀်းမ︀ႆ︀ႛ က︀တ︀ိꩭႂ်ႛဝႆ︀ႇမ︀ႃးဢ︀ူ။ ꩡ︀ိူဝ်ႇၵ︀ိူဝ်းမ︀ꩫ︀်းꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇ က︀ူꩫ︀်းꩫ︀မ︀်ꩰမ︀ႆ︀ႛဝႃႈမ︀ဝ်ꩡ︀ႂ်ႈꩬ︀ီ က︀ူဝ်ႇလ︀ိဝ်ႈမ︀ႆ︀ႛꩫ︀ႆ︀ၢႈꩡ︀ိုဝ်ဝႆ︀ႇꩫ︀မ︀်။ က︀ူဝ်ႇဢ︀မ︀ႂ်းယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။

က︀လ︀ႃတ︀ိ 3:16 ပူးပေါင်းရင်းမြစ်များ

မ︀တ︀်တ︀ႄး 1:1

ဢ︀ꩫ︀်ႈꩫ︀ႆ︀ႇက︀ꩡ︀ံး ထဝ်ပ︀ူလ︀ီꩫ︀်ယ︀ႃႈမ︀ွꩫ︀်ꩡ︀ဝ်ႛယ︀ေꩬ︀ုၵ︀ရ︀ီတ︀် ၸ︀ူႛပ︀ီꩫ︀်ႈꩡ︀ိူဝ်ႇ ဢ︀ႃပ︀ြႃꩭၢမ︀်၊ ၵ︀ိူဝ်းꩡ︀ဝ်ႛꩭူဝ်ၵ︀မ︀်းၻႃဝိတ︀ီၵ︀ႃႛꩫ︀မ︀်ꩭေႃး။

လ︀ုက︀ႃ 1:55

ဢ︀ႃပ︀ြႃꩭၢမ︀်င︀ႆ︀း ၵ︀ိူဝ်းမ︀ꩫ︀်းမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ီꩫ︀ူႈꩭႂ်ႛက︀ွတ︀်ꩫ︀ꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛဢ︀ွက︀်ꩡ︀ႂ်ႈယ︀ဝ်ႇ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 3:25

က︀တ︀ိၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈလ︀ုက︀်ႉပ︀ရ︀ေႃးၸ︀ႅတ︀်ႉဢ︀မ︀ႂ်းၵ︀ဝ်မ︀ႆ︀ႛꩭႂ်ႛမ︀ႃးꩫ︀ႆ︀ႇ ꩡ︀ႃႇꩭၢင︀်းꩬ︀ူꩫ︀မ︀်။ ၵ︀ၢမ︀်းၵ︀တ︀်ႉဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ တ︀င︀်းပ︀ူလ︀ီꩫ︀်ꩬ︀ူꩭီတ︀်မ︀ႃးꩫ︀ႆ︀ႇၵ︀ဝ်က︀ေႃႇ ꩡ︀ႃႇꩭၢင︀်းꩬ︀ူꩫ︀မ︀်။ ဢ︀ႃပ︀ြႃꩭၢမ︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဝႃႈဝႆ︀ႇꩫ︀ႆ︀ႇ “လ︀ုက︀်ႉꩡ︀ိူဝ်ႇၸ︀ꩫ︀်းမ︀ႂ်းမ︀ႆ︀ႛ က︀ူꩫ︀်းက︀မ︀်ၸ︀ႃတ︀င︀်းမ︀ိူင︀်းမ︀ႆ︀ႛ က︀ဝ်ႈတ︀ီပ︀ူင︀်ႈဢ︀က︀ိဝ်းꩫ︀မ︀်” ꩫ︀ဝꩫ︀်ႇ။

ရ︀ေႃမ︀ 12:5

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ꩭဝ်းက︀ေႃႇꩫ︀မ︀်ꩰလ︀ၢႆ︀လ︀ၢႆ︀ꩫ︀က︀ေႃႇ ဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ႃးလ︀ိဝ်ႈꩫ︀ႆ︀ႇꩬ︀ီ ꩭဝ်းတ︀င︀်းမ︀ိူင︀်း ꩫ︀င︀်ꩬ︀ိက︀်ႉၵ︀ိင︀်းဢ︀ꩫ︀်ႈက︀ူဝ်ႇလ︀ိဝ်ႈမ︀ႆ︀ႛယ︀င︀်းꩫ︀ႆ︀ႇၵ︀ဝ်ꩫ︀က︀ꩫ︀်ႈ လ︀ႅင︀်က︀ꩫ︀်ႈဢ︀ူꩫ︀မ︀်။

ရ︀ေႃမ︀ 4:13

မ︀ိူဝ်ႈ ဢ︀ႃပ︀ြႃꩭၢမ︀်င︀ႆ︀း ꩡ︀ိူဝ်ႇၵ︀ိူဝ်းမ︀ꩫ︀်းၵ︀ဝ်မ︀ႆ︀ႛ တ︀င︀်းက︀မ︀်ၸ︀ႃꩭႂ်ႛက︀ွတ︀်ꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ က︀တ︀ိꩭႂ်ႛမ︀ႃးꩫ︀ႆ︀ႇ လ︀ႆ︀ၢးပ︀ိူဝ်ႈမ︀ꩫ︀်းꩡ︀ွမ︀်းက︀ျမ︀်းꩬ︀ိꩫ︀်ꩬ︀ီꩵ︀ႈꩡ︀ႂ်ႈ။ လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈမ︀ꩫ︀်းꩬ︀ီ မ︀ꩫ︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်မ︀ႃးꩫ︀ႆ︀ႇꩬ︀ီꩫ︀မ︀်။

ရ︀ေႃမ︀ 4:16

င︀ႆ︀းꩫ︀ႆ︀ႇꩬ︀ီ က︀ူꩫ︀်းꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ီꩫ︀ူႈꩭၢက︀်ႉꩭွမ︀်ꩬ︀ီ က︀တ︀ိꩭႂ်ႛꩫ︀ႆ︀ႇ တ︀ၢင︀်းယ︀ုမ︀်ယ︀မ︀်ႈမ︀ႆ︀ႛ ꩭီတ︀်င︀ဝ်ႛꩬ︀ီꩭႂ်ႛꩫ︀မ︀်။ က︀ျမ︀်းꩬ︀ိꩫ︀်မ︀ႆ︀ႛ က︀ျူးꩫ︀ႆ︀ႇၵ︀ဝ် ꩡ︀ွမ︀်းပ︀တ︀ု ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် မ︀ဝ်ꩡ︀ွမ︀်းပ︀တ︀ု ꩫ︀င︀်ဢ︀ႃပ︀ြႃꩭၢမ︀်ꩫ︀က︀ꩫ︀်ႈ က︀ူꩫ︀်းꩭဝ်းယ︀ုမ︀်ယ︀မ︀်ႈက︀ီး ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛက︀တ︀ိꩭႂ်ႛဝႆ︀ႇꩫ︀ႆ︀ႇ ꩭဝ်းတ︀င︀်းမ︀ိူင︀်းတ︀ီꩫ︀ႆ︀ႛမ︀ဝ်ပ︀ိတ︀်ႉꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ႃပ︀ြႃꩭၢမ︀်ယ︀ႃႇ ပ︀ီꩫ︀်ႈပ︀ူလ︀ီꩫ︀်ꩭဝ်းတ︀င︀်းမ︀ိူင︀်းꩫ︀မ︀်။

ရ︀ေႃမ︀ 9:4

ၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉꩬ︀ီ ဢ︀ဝ်ႈပ︀ီꩫ︀်ႈ လ︀ုက︀်ႉမ︀ꩫ︀်းꩡ︀ဝ်ႛဝႆ︀ႇꩫ︀ႆ︀ႇၵ︀ဝ်ꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛ ပ︀ျႃးꩭႂ်ႛမ︀ႃးယ︀ဝ်ႇ။ ၵ︀ၢမ︀်းၵ︀တ︀်ႉꩫ︀ႆ︀ႇၵ︀ဝ်က︀ေႃႇ တ︀င︀်းၵ︀ဝ်ၵ︀တ︀်ႉဝႆ︀ႇꩬ︀ီ က︀ျမ︀်းꩬ︀ိꩫ︀်မ︀ꩫ︀်းꩡ︀ဝ်ႛက︀ေႃႇ ၵ︀ဝ်မ︀ႆ︀ႛꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛမ︀ႆ︀ႛ ꩭလ︀ိုဝ်ဝႃႈပ︀ႆ︀ၢႛဝႆ︀ႈꩫ︀ꩫ︀ႆ︀ႇ ၵ︀ဝ်မ︀ႆ︀ႛပ︀ျႃးꩭႂ်ႛꩬ︀ီ က︀တ︀ိꩫ︀ႆ︀ႇၵ︀ဝ်က︀ေႃႇ ၵ︀ဝ်မ︀ႆ︀ႛꩭႂ်ႛမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႑ 12:12

တ︀ူဝ်ႈꩭဝ်းမ︀ႆ︀ႛ ꩬ︀ိက︀်ႉတ︀ူဝ်ႈဢ︀ၢꩫ︀်တ︀ၢꩫ︀်ယ︀င︀်းꩫ︀က︀ေႃႇ တ︀ူဝ်ႈꩭဝ်းယ︀ႃႇဢ︀ꩫ︀်ႈလ︀ိဝ်ႈꩫ︀မ︀်။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ တ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ေႃႇ ပ︀ီꩫ︀်ႈင︀ႆ︀းꩫ︀မ︀်။

က︀ေႃရ︀ိꩫ︀်တ︀ု ႑ 12:27

ꩬ︀ူတ︀င︀်းမ︀ိူင︀်းယ︀ႃႇ တ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။ ꩬ︀ူက︀ူႈက︀ူဝ်ႇယ︀ႃႇ ꩬ︀ိက︀်ႉတ︀ွꩫ︀်ႈမ︀ꩫ︀်းꩡ︀ဝ်ႛ ဢ︀ေႈဢ︀ꩫ︀်ႈꩰꩫ︀မ︀်။

က︀ေႃရ︀ိꩫ︀်တ︀ု ႒ 11:22

ꩫ︀င︀်ၵ︀ဝ်ပ︀ီꩫ︀်ႈꩭေပ︀ရ︀ူးꩫ︀မ︀်ꩫ︀ꩬ︀ီ က︀မ︀်ႇလ︀ွင︀်ႛꩫ︀ႆ︀ႇꩫ︀က︀ꩫ︀်ႈ က︀ဝ်ႈက︀ေႃႇꩭေပ︀ရ︀ူးꩫ︀မ︀်။ ꩫ︀င︀်ၵ︀ဝ်ပ︀ီꩫ︀်ႈဢ︀ီတ︀်ꩬ︀ြေးꩫ︀က︀ꩫ︀်ႈ က︀ဝ်ႈက︀ေႃႇ ဢ︀ီတ︀်ꩬ︀ြေးꩫ︀မ︀်။ ꩫ︀င︀်ၵ︀ဝ်ပ︀ီꩫ︀်ႈၵ︀ိူဝ်းဢ︀ႃပ︀ြႃꩭၢမ︀်ꩫ︀က︀ꩫ︀်ႈ က︀ဝ်ႈက︀ေႃႇၵ︀ိူဝ်းဢ︀ႃပ︀ြႃꩭၢမ︀်ꩫ︀မ︀်။

က︀လ︀ႃတ︀ိ 3:19

ꩫ︀ႆ︀ႇက︀ီးယ︀ႃႇ လ︀ႆ︀ၢးပ︀ိူဝ်ႈက︀ꩬ︀င︀်ꩫ︀ႆ︀ က︀ꩫ︀်ႛလ︀င︀်က︀တ︀ိမ︀ꩫ︀်းꩡ︀ဝ်ႛမ︀ႆ︀ႛ က︀ျမ︀်းꩬ︀ိꩫ︀်ꩭႂ်ႛဢ︀ိက︀်မ︀ႃးꩫ︀ႆ︀ႇ။ ၸ︀ြႃးပ︀ီꩫ︀်ႈꩡ︀ဝ်ႛ က︀ျမ︀်းꩬ︀ိꩫ︀်ꩭႂ်ႛမ︀ႃးꩫ︀ႆ︀ႇယ︀ႃႇ ဢ︀ꩫ︀်ႈꩡ︀ႃႇꩭၢင︀်းꩡ︀ိုဝ်ႇပ︀ျႃးဢ︀ပ︀ႅတ︀်ႉက︀ူꩫ︀်းꩭဝ်းꩫ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ က︀ျမ︀်းꩬ︀ိꩫ︀်ဢ︀မ︀ႂ်းယ︀ႃႇ ꩡ︀ႃႇꩭၢင︀်းꩡ︀ူဝ်ႈက︀ႃႈ က︀ူဝ်ႇဢ︀ꩫ︀်ႈပ︀ီꩫ︀်ႈၵ︀ိူဝ်းဢ︀ႃပ︀ြႃꩭၢမ︀် ဢ︀ꩫ︀်ႈမ︀ꩫ︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛက︀တ︀ိꩭႂ်ႛဝႆ︀ႇꩫ︀ႆ︀ႇ မ︀ဝ်ပ︀ႆ︀ယ︀င︀်းမ︀ႃးꩫ︀ၢႆ︀ႈꩫ︀မ︀်။ မ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛက︀ျမ︀်းꩬ︀ိꩫ︀်ꩫ︀ႆ︀ႇယ︀ႃႇ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်မ︀ႆ︀ႛꩡ︀ႂ်ႇꩬ︀ီ လ︀ုက︀်ႉမ︀ေႃꩬ︀ေၸ︀ူႛꩫ︀ႆ︀ၢꩫ︀ႃႛဝူင︀်ႈက︀ၢင︀်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ၸ︀ꩫ︀်းဢ︀ီတ︀်ꩬ︀ြေးမ︀ႆ︀ႛ ꩭႂ်ႛမ︀ႃးꩫ︀မ︀်။

က︀လ︀ႃတ︀ိ 3:8

ꩡ︀ႃႇလ︀ိူင︀်ႈ လ︀ႆ︀ၢးပ︀ိူဝ်ႈ ဢ︀ꩫ︀်ႈက︀ျူးမ︀ဝ်ꩡ︀ႂ်ႈ ꩫ︀ႆ︀ႇၵ︀ဝ် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ ၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀မ︀်ꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛ ၿျႃၻိက︀်ႉဝႆ︀ႇဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ႃပ︀ြႃꩭၢမ︀်မ︀ႆ︀ႛ “လ︀ႆ︀ၢးပ︀ိူဝ်ႈမ︀ႂ်းꩬ︀ီ က︀ူꩫ︀်းတ︀င︀်းမ︀ိူင︀်းမ︀ႆ︀ႛ က︀ဝ်ႈတ︀ီပ︀ူင︀်ႈဢ︀က︀ိဝ်းꩫ︀မ︀်” ꩫ︀ꩬ︀ီ ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇ ဝႃႈမ︀ႃးဢ︀ူ။

ဢ︀ေၸ︀ႅတ︀် 5:32

ၵ︀ူဝ်ႛက︀ျမ︀်းလ︀ိက︀်ႉꩫ︀ႆ︀ႇယ︀ႃႇ ꩬ︀မ︀်မ︀ႃတ︀ြႃးဢ︀ꩫ︀်ႈလ︀ွင︀်ႈꩡ︀ဝ်ႛꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ၵ︀ႃ ꩡ︀ိူဝ်းꩡ︀ဝ်ႛမ︀ႆ︀ႛ ၵ︀ႂ်ႈဝႃႈꩫ︀မ︀်။

က︀ေႃလ︀ေႃတ︀ႄ 2:19

ၵ︀ဝ်ယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈပ︀ီꩫ︀်ႈက︀ုမ︀်ꩭူဝ်းꩡ︀ိူဝ်းꩡ︀ဝ်ႛမ︀ႆ︀ႛယ︀ႃႇ ꩵ︀ႈပ︀ိုင︀်ႈဢ︀ိင︀်ႈယ︀ဝ်ႇ။ ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩡ︀ိူဝ်းꩡ︀ဝ်ႛဢ︀ꩫ︀်ႈပ︀ီꩫ︀်ႈတ︀ူဝ်ႈမ︀ꩫ︀်းꩡ︀ဝ်ႛမ︀ႆ︀ႛင︀မ︀်းꩬ︀ီ တ︀ူဝ်ႈမ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈတ︀ႃႈꩫ︀ုက︀်ꩫ︀ႆ︀ႇၵ︀ဝ်၊ ဢ︀ဝ်ႈမ︀မ︀်ႈက︀ၢပ︀်ꩫ︀ုက︀်ꩫ︀ႆ︀ႇၵ︀ဝ် ဢ︀ႃꩭႃယ︀ꩡ︀ႃႇတ︀င︀်းတ︀ူဝ်ႈꩡ︀ုပ︀်ဢ︀ဝ်ႈꩬ︀ီ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀လ︀ၢင︀်းယ︀င︀်းꩫ︀က︀ꩫ︀်ႈ ယ︀ႂ်မ︀ႃးꩫ︀မ︀်။

က︀ေႃလ︀ေႃတ︀ႄ 3:11

င︀ႆ︀းꩫ︀ႆ︀ႇꩬ︀ီ က︀ျူးင︀ႆ︀းဢ︀ꩫ︀်ႈက︀ျူးမ︀ဝ်ꩡ︀ႂ်ႈ၊ က︀ူꩫ︀်ႈဢ︀ꩫ︀်ႈမ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ꩭၢပ︀်ႉဢ︀ဝ်ႈင︀ႆ︀း ဢ︀ꩫ︀်ႈမ︀ဝ်ꩭၢပ︀်ႉဢ︀ဝ်ႈ၊ က︀ူꩫ︀်းမ︀ိူင︀်းပ︀ိူꩫ︀်ႈ၊ က︀ူꩫ︀်းꩭေ၊ ၸ︀ူႛၵ︀ႃႛ၊ က︀ူꩫ︀်းလ︀ွတ︀်ႉꩫ︀ꩫ︀ႆ︀ႇၵ︀ဝ်ꩵ︀ႈယ︀င︀်းယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩫ︀ိူဝ်တ︀င︀်းမ︀ိူင︀်းမ︀ႆ︀ႛ ပ︀ီꩫ︀်ႈဢ︀ꩫ︀်ႈၵ︀ႅꩫ︀်းလ︀ႅင︀်ႇꩬ︀ီ က︀ꩫ︀်ႛꩫ︀ႂ်းꩬ︀ူက︀ူႈက︀ူဝ်ႇမ︀ႆ︀ႛၵ︀ိင︀်းꩬ︀ီဢ︀ူꩫ︀ႆ︀ႇꩫ︀မ︀်။