က︀လ︀ႃတ︀ိ 3:13 - Khamti Shan

¹³ ꩫ︀ႆ︀ႇꩫ︀က︀ေႃႇ လ︀ႆ︀ၢးပ︀ိူဝ်ႈꩭဝ်းက︀မ︀်ႈက︀ျမ︀်းꩬ︀ိꩫ︀်မ︀ဝ်ပ︀ီꩫ︀်ႈꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ တ︀ီႈဢ︀ꩫ︀်ႈꩭဝ်းဝႃႈၵ︀ၢမ︀်က︀ိꩫ︀်မ︀ႆ︀ႛ ၵ︀ၢမ︀်ꩭႂ်ႛꩬ︀ီ ꩭဝ်းမ︀ႆ︀ႛ လ︀ုက︀်ႉက︀ꩫ︀်ႛတ︀ႂ်ႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛက︀ိꩫ︀်ဝႆ︀ႇမ︀ႆ︀ႛ ထွတ︀်ꩭႂ်ႛမ︀ႃးယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး “က︀ူဝ်ႇဢ︀ꩫ︀်ႈက︀ꩫ︀်ႛꩫ︀ိူဝ်ꩬ︀ဝ်မ︀ႆ︀ႛ ꩫ︀ႆ︀ႛတ︀ွက︀်တ︀ႆ︀ၢႈꩫ︀ႆ︀ႇယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛက︀ိꩫ︀်ဝႆ︀ႇꩫ︀မ︀်” ꩫ︀ꩬ︀ီက︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩬ︀ီꩫ︀မ︀်။

က︀လ︀ႃတ︀ိ 3:13 ပူးပေါင်းရင်းမြစ်များ

မ︀တ︀်တ︀ႄး 26:28

ꩫ︀ႆ︀ႇယ︀ႃႇ ꩫ︀ိူတ︀်ႉက︀ဝ်ႈ ဢ︀ꩫ︀်ႈၵ︀ၢမ︀်းၵ︀တ︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈတ︀ီမ︀်ႈက︀ုမ︀်ꩫ︀ႆ︀ႇꩫ︀မ︀်။ ဢ︀ꩫ︀်ႈက︀ဝ်ႈလ︀ူဝ်ꩬ︀ီ ꩡ︀ႃႇꩭၢင︀်းၸ︀ေဢ︀ပ︀ႅတ︀်ႉက︀ူꩫ︀်းꩫ︀မ︀်ꩰလ︀ၢႆ︀လ︀ၢႆ︀ၵ︀ႅက︀်ꩡ︀ဝ်ႛꩭႂ်ႛꩫ︀ႆ︀ႇꩫ︀မ︀်။

မ︀တ︀်တ︀ႄး 27:5

ꩫ︀ႆ︀ႇမ︀ႆ︀ႛ ယ︀ုတ︀ꩫ︀ႆ︀ႇ င︀ိူꩫ︀်းꩬ︀ၢမ︀်ꩬ︀ိပ︀်ၵ︀ႅပ︀်ဢ︀မ︀ႂ်း ꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛ ထိမ︀်ႛဝႆ︀ႇယ︀ဝ်ႇက︀ီး ဢ︀ွက︀်က︀ႃꩬ︀ီ တ︀ီႈလ︀ိူင︀်ႈမ︀ႆ︀ႛ က︀ႃတ︀ႆ︀ၢႈက︀ႅတ︀်ႉဢ︀ူ။

ထဝ်ꩡ︀တ︀်ႉၵ︀ဝ် 5:30

ၸ︀ြႃးပ︀ူလ︀ီꩫ︀်ꩭဝ်းၵ︀ဝ်ယ︀ႃႇ ꩡ︀ဝ်ႛယ︀ေꩬ︀ု ဢ︀ꩫ︀်ႈꩬ︀ူက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ တ︀ွက︀်တ︀ႆ︀ၢႈမ︀ႃးꩫ︀ႆ︀ႇမ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးယ︀ဝ်ႇ။

ရ︀ေႃမ︀ 4:25

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩡ︀ႃႇꩭၢင︀်းဢ︀ပ︀ႅတ︀်ႉꩭဝ်း ꩭႂ်ႛၵ︀ၢမ︀်တ︀ႆ︀ၢႈယ︀ဝ်ႇက︀ီး ꩭႂ်ႛပ︀ူဝ်းက︀ူꩫ︀်းꩭဝ်းမ︀ႆ︀ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႛꩫ︀ႆ︀ႇ မ︀ꩫ︀်းꩡ︀ဝ်ႛမ︀ႆ︀ႛဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛမ︀ႃးယ︀ဝ်ႇ။

ရ︀ေႃမ︀ 9:3

ꩭႂ်ႛပ︀ူဝ်းၵ︀ဝ် လ︀ုက︀်ႉဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈတ︀ၢမ︀်မ︀ႆ︀ႛ ꩫ︀ႆ︀ႛလ︀ွတ︀်ႉꩫ︀ႆ︀ႇ ပ︀ီꩫ︀်ႈꩫ︀ႆ︀ႛက︀ီး က︀ဝ်ႈၸ︀ူႛꩡ︀ဝ်ႛꩬ︀ိုင︀် တ︀ၢမ︀်ဢ︀ပ︀ႅတ︀်ႉၵ︀ဝ်မ︀ႆ︀ႛ တ︀ုင︀်းဢ︀ဝ်ႈꩬ︀ီ လ︀ုက︀်ႉꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛတ︀မ︀ိူင︀်း ၵ︀ၢမ︀်ၵ︀ႂ်ႈၸ︀ၢက︀်ႉက︀ႃဢ︀ဝ်ႈꩫ︀မ︀်။

က︀ေႃရ︀ိꩫ︀်တ︀ု ႒ 5:21

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ဢ︀ပ︀ႅတ︀်ႉမ︀ဝ်ꩭွꩫ︀်ꩭီတ︀်ပ︀ိူင︀်ႈလ︀ူင︀်ꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ꩡ︀ႃႇꩭဝ်းꩭီတ︀်ၸ︀ူႛဢ︀ꩫ︀်ႈဢ︀ပ︀ႅတ︀်ႉယ︀င︀်းမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ ꩭႂ်ႛပ︀ူဝ်းꩭဝ်း တ︀င︀်းမ︀ꩫ︀်းꩡ︀ဝ်ႛ ထုက︀်က︀ꩫ︀်ႈပ︀ွက︀်ႉꩫ︀ႆ︀ႛꩫ︀ႆ︀ႇꩫ︀မ︀်။

က︀လ︀ႃတ︀ိ 3:10

ꩫ︀ႆ︀ႇꩫ︀က︀ေႃႇ က︀ူꩫ︀်းဢ︀ꩫ︀်ႈလ︀ွင︀်ႈက︀မ︀်ႈက︀ျမ︀်းꩬ︀ိꩫ︀်မ︀ႆ︀ႛ ဢ︀က︀မ︀်ꩫ︀ႆ︀ႇၵ︀ဝ်ယ︀ႃႇ ဢ︀ူက︀ꩫ︀်ႛတ︀ႂ်ႛ ၵ︀ၢမ︀်းက︀ိꩫ︀်မ︀ႆ︀ႛꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး “ဢ︀ꩫ︀်ႈက︀ျမ︀်းꩬ︀ိꩫ︀်မ︀ႆ︀ႛဝႃႈဝႆ︀ႇတ︀င︀်းမ︀ိူင︀်းမ︀ႆ︀ႛ မ︀ဝ်ꩡ︀ွမ︀်းက︀ႅင︀်းꩬ︀ီဢ︀ူက︀ီးယ︀ႃႇ က︀ူဝ်ႇဢ︀မ︀ႂ်းယ︀ႃႇ ဢ︀ူက︀ꩫ︀်ႛတ︀ႂ်ႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛက︀ိꩫ︀်ဝႆ︀ႇမ︀ႆ︀ႛ ꩫ︀မ︀်” ꩫ︀ꩬ︀ီက︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇဢ︀ူ။

ဢ︀ေၸ︀ႅတ︀် 5:2

ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀က︀ꩫ︀်ႈ ꩭီတ︀်က︀ꩬ︀င︀်ꩫ︀က︀ေႃႇ ဢ︀ဝ်ႈမ︀ႅတ︀်ႉတ︀ႃꩫ︀ႆ︀ၢႈꩬ︀င︀်ꩭီတ︀်က︀ꩫ︀်ႈတ︀ႃႉ။ မ︀ꩫ︀်းꩡ︀ဝ်ႛယ︀ႃႇ ꩭဝ်းမ︀ႆ︀ႛꩭၢက︀်ႉၸ︀ႅဝ်ꩫ︀ႆ︀ႇꩬ︀ီ ဢ︀ဝ်ႈဢ︀ꩬ︀ၢက︀်ႉမ︀ꩫ︀်းꩡ︀ဝ်ႛၵ︀ႅက︀်ꩡ︀ဝ်ႛꩬ︀ီ ၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ ဢ︀ꩫ︀်ႈမ︀ꩫ︀်းꩡ︀ဝ်ႛꩡ︀ႃႇꩭဝ်း ၵ︀ႅက︀်ꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ႂ်ႈလ︀ူင︀်ꩫ︀မ︀်။

တ︀ိတ︀ု 2:14

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩭဝ်းမ︀ႆ︀ႛ လ︀ုက︀်ႉဢ︀ꩫ︀်ႈမ︀ဝ်ꩫ︀ီႈတ︀င︀်းလ︀ုင︀်မ︀ႆ︀ႛ ꩭႂ်ႛပ︀ူဝ်းဢ︀ဝ်ႈမ︀ူတ︀်ꩡ︀ၢင︀်ꩭႂ်ႛꩫ︀ႆ︀ႇလ︀ိူင︀်ႈ၊ ꩭႂ်ႛပ︀ူဝ်းꩭဝ်း ပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩬ︀ီ ꩭီတ︀်လ︀ွင︀်ႈꩫ︀ီႈꩫ︀ႆ︀ႇလ︀ိူင︀်ႈ ဢ︀ꩬ︀ၢက︀်ႉမ︀ꩫ︀်းꩡ︀ဝ်ႛꩭႂ်ႛꩬ︀ီ ၵ︀ေꩬ︀ေမ︀ႃးယ︀ဝ်ႇ။

ꩭေပ︀ရ︀ူး 9:12

ယ︀ဝ်ႇက︀ီးမ︀ꩫ︀်းꩡ︀ဝ်ႛ တ︀ီႈဢ︀ꩫ︀်ႈၵ︀ႅꩫ︀်းမ︀ူတ︀်ꩡ︀ၢင︀်မ︀ႆ︀ႛ ꩡ︀ႃႇက︀ူꩫ︀်းတ︀င︀်းလ︀ုင︀် ၵ︀ဝ်ႛက︀ႃꩬ︀ီꩭဝ်းမ︀ႆ︀ႛ လ︀ုက︀်ႉဢ︀ပ︀ႅတ︀်ႉမ︀ႆ︀ႛ ꩡ︀ူဝ်ႈထႃဝရ︀က︀ေႛၵ︀ျွတ︀်ႉꩭႂ်ႛယ︀ဝ်ႇ။ မ︀ိူဝ်ႈဢ︀မ︀ႂ်း ဢ︀ဝ်ႈꩫ︀ိူတ︀်ႉင︀ူဝ်းဢ︀ွꩫ︀်၊ ꩫ︀ိူတ︀်ႉပ︀ေႇယ︀ႃႛꩫ︀ႆ︀ႇၵ︀ဝ်မ︀ဝ်ꩡ︀ႂ်ႈꩬ︀ီ ဢ︀ဝ်ႈꩫ︀ိူတ︀်ႉမ︀ꩫ︀်းၸ︀ူႛꩡ︀ဝ်ႛꩬ︀ိုင︀် ꩡ︀ႃႇထႃဝရ︀ ꩭီတ︀်ꩭိူဝ်ႈꩭိုင︀်းꩫ︀ႆ︀ၢႈ ပ︀ုက︀်ႉꩡ︀ူဝ်မ︀ႃးꩫ︀မ︀်။

ꩭေပ︀ရ︀ူး 9:15

င︀ႆ︀းꩫ︀ႆ︀ႇꩬ︀ီ ꩡ︀ဝ်ႛၵ︀ရ︀ီတ︀်ယ︀ႃႇ ꩡ︀ႃႇၵ︀ၢမ︀်းၵ︀တ︀်ႉမ︀ႂ် ပ︀ီꩫ︀်ႈၸ︀ူႛက︀ၢပ︀်က︀ၢႆ︀ဢ︀ဝ်ႈꩫ︀ီႈꩭႂ်ႛꩫ︀မ︀်။ ၵ︀ၢမ︀်းၵ︀တ︀်ႉမ︀ႂ်ဢ︀မ︀ႂ်းယ︀ႃႇ ꩡ︀ႃႇꩭၢင︀်းက︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭွင︀်ႇဝႆ︀ႇꩫ︀ႆ︀ႇၵ︀ဝ် ဢ︀က︀ိဝ်းထႃဝရ︀ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ က︀တ︀ိꩭႂ်ႛဝႆ︀ႇꩫ︀ႆ︀ႇ ꩫ︀ႆ︀ႛꩭၢပ︀်ႉက︀ꩫ︀်ႈꩫ︀ႆ︀ႇꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛၵ︀ရ︀ီတ︀်ယ︀ႃႇ ꩭႂ်ႛပ︀ူဝ်းꩭဝ်း လ︀ုက︀်ႉဢ︀ပ︀ႅတ︀်ႉ ဢ︀ꩫ︀်ႈၵ︀ၢမ︀်းၵ︀တ︀်ႉက︀ဝ်မ︀ႆ︀ႛ ၸ︀ိတ︀်မ︀ႃးꩫ︀ႆ︀ႇၵ︀ဝ်မ︀ႆ︀ႛလ︀ွတ︀်ႉꩫ︀ႆ︀ႇ ၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။

ꩭေပ︀ရ︀ူး 9:26

ꩬ︀င︀်ဝႃႈ င︀ႆ︀းဝႃႈပ︀ုက︀်ႉꩡ︀ူဝ်ꩫ︀မ︀်ꩫ︀က︀ီး လ︀ုက︀်ႉမ︀ိူဝ်ႈက︀မ︀်ၸ︀ႃတ︀ေပ︀ုꩫ︀်ႛ က︀ီလ︀ႆ︀ၢပ︀ၢꩫ︀်ႈဝႃႈၵ︀ၢမ︀်တ︀ႆ︀ၢႈယ︀ဝ်ႇ။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ꩭႂ်ႛပ︀ူဝ်းဢ︀ပ︀ႅတ︀်ႉမ︀ႆ︀ႛဢ︀ဝ်ႈၵ︀ွတ︀်ꩫ︀ႆ︀ႇ တ︀ူဝ်ႈမ︀ꩫ︀်းꩡ︀ဝ်ႛ ပ︀ုက︀်ႉꩡ︀ူဝ်က︀ွတ︀်ꩫ︀ꩬ︀ီ က︀ၢပ︀်ႉပ︀ႆ︀ၢႈꩭၢင︀်မ︀ႆ︀ႛꩬ︀ိုင︀် ꩡ︀ႃႇက︀ူႈꩡ︀ူဝ်ႈလ︀ႆ︀ၢၵ︀ႃး ꩭီတ︀်ꩭိူဝ်ႈꩭိုင︀်းꩫ︀ႆ︀ၢႈ က︀ျွႃးမ︀ႃးꩫ︀မ︀်။

ꩭေပ︀ရ︀ူး 9:28

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ꩡ︀ဝ်ႛၵ︀ရ︀ီတ︀်က︀ေႃႇ ꩭႂ်ႛပ︀ူဝ်းဢ︀ပ︀ႅတ︀်ႉက︀ူꩫ︀်းဢ︀ၢꩫ︀်တ︀ၢꩫ︀်မ︀ႆ︀ႛ ဢ︀ဝ်ႈၵ︀ွတ︀်ꩫ︀ႆ︀ႇ ဢ︀ဝ်ႈတ︀ူဝ်ႈမ︀ꩫ︀်းၸ︀ူႛꩡ︀ဝ်ႛ ပ︀ၢꩫ︀်ႈလ︀ိူင︀်ႈꩫ︀ႆ︀ၢႈ ပ︀ုက︀်ႉꩡ︀ူဝ်ယ︀ဝ်ႇက︀ီး တ︀င︀်းဢ︀ပ︀ႅတ︀်ႉမ︀ဝ်ꩡ︀ၢပ︀်ႉလ︀ႅင︀်ꩬ︀ီ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ တ︀ႂ်းထႃႛꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛပ︀ူဝ်းꩫ︀ႆ︀ႛၵ︀ေꩬ︀ေꩫ︀ႆ︀ႇ တ︀ီပ︀ွက︀်ႉမ︀ႃးꩫ︀မ︀်။

ပ︀ေတ︀ရ︀ု ႑ 2:24

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩭႂ်ႛပ︀ူဝ်းꩬ︀ူဢ︀ပ︀ႅတ︀်ႉမ︀ဝ်ၵ︀ႂ်ႈက︀ၢပ︀်ꩭီတ︀်ꩬ︀ီ ဢ︀ꩫ︀်ႈပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ိုဝ်ႈꩡ︀ႂ်ႈꩫ︀ႆ︀ၢႈꩬ︀င︀် ၵ︀ႂ်ႈꩭီတ︀်က︀ႃꩫ︀ႆ︀ႇ ဢ︀ပ︀ႅတ︀်ႉꩭဝ်းမ︀ႆ︀ႛ ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛပ︀ၢက︀်ႉꩬ︀ီ က︀ꩫ︀်ႛꩫ︀ိူဝ်ꩬ︀ဝ်မ︀ႆ︀ႛ ၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ င︀ႆ︀ႚ ꩬ︀ူ ꩫ︀ႆ︀ႛဢ︀ူꩫ︀ီႈၵ︀ျမ︀်းꩬ︀ႃꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈတ︀ီႈꩡ︀ီပ︀်မ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်ꩫ︀မ︀်။

ပ︀ေတ︀ရ︀ု ႑ 3:18

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛတ︀မ︀ိူင︀်းက︀ေႃႇ ဢ︀ပ︀ႅတ︀်ႉမ︀ဝ်ꩭွꩫ︀်ꩭီတ︀်ꩬ︀ီက︀ေႃႇ ꩡ︀ႃႇဢ︀ပ︀ႅတ︀်ႉꩭဝ်းတ︀င︀်းမ︀ိူင︀်း ꩭီတ︀်ꩭႃလ︀ိူင︀်ႈၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇ ꩭႂ်ႛပ︀ူဝ်းꩭဝ်းက︀ူꩫ︀်းဢ︀ပ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူင︀်ꩭႂ်ႛꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈꩬ︀ီ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ꩫ︀ိပ︀်ပ︀ွက︀်ႉမ︀ႃးယ︀ဝ်ႇ။

ယ︀ေႃးꩭၢꩫ︀် ႑ 4:10

ꩫ︀ႆ︀ႇယ︀ႃႇ မ︀ႅတ︀်ႉတ︀ႃဢ︀ꩫ︀်ႈꩡ︀ႅတ︀်ႉꩫ︀မ︀်။ မ︀ႅတ︀်ႉတ︀ႃꩫ︀ႆ︀ႇယ︀ႃႇ ဢ︀ꩫ︀်ႈꩭဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭၢက︀်ႉꩵ︀ႈꩡ︀ႂ်ႈ။ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းမ︀ႆ︀ႛꩭၢက︀်ႉꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ꩭႂ်ႛပ︀ူဝ်းဢ︀ပ︀ႅတ︀်ႉꩭဝ်းမ︀ႆ︀ႛ တ︀ၢင︀်ႈတ︀ူဝ်ႈꩭဝ်းꩬ︀ီၵ︀ၢမ︀်ꩭႂ်ႛꩫ︀ႆ︀ႇ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ꩭီတ︀်တ︀ူဝ်ႈၵ︀ႅက︀်ꩬ︀ီ ပ︀ွႆ︀ꩡ︀ႂ်ႇမ︀ႃးယ︀ဝ်ႇ။

ၿျႃၻိက︀်ႉ 1:5

ꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ဝ်ႛꩬ︀ၢက︀်ႉꩬ︀ေဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်း၊ ဢ︀ꩫ︀်ႈလ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ဢ︀ွꩫ︀်ႈတ︀ၢင︀်းလ︀ေႚလ︀ေႚꩫ︀ိပ︀်ပ︀ွက︀်ႉမ︀ႃးꩬ︀ီ ဢ︀ꩫ︀်ႈꩡ︀ဝ်ႛꩭူဝ်ၵ︀မ︀်းမ︀ိူင︀်းက︀ၢင︀်ႈတ︀င︀်းလ︀ုင︀်မ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇက︀ေႃႇ ꩬ︀ူꩡ︀ဝ်ႛမ︀ႆ︀ႛ ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀တ︀ႃႉ။ မ︀ꩫ︀်းꩡ︀ဝ်ႛ ꩭဝ်းမ︀ႆ︀ႛꩭၢက︀်ႉꩫ︀ႆ︀ႇꩬ︀ီ ဢ︀ဝ်ႈꩫ︀ိူတ︀်ႉမ︀ꩫ︀်းꩡ︀ဝ်ႛ လ︀ုက︀်ႉဢ︀ပ︀ႅတ︀်ႉꩭဝ်းမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛယ︀ဝ်ႇက︀ီး

ၿျႃၻိက︀်ႉ 13:8

က︀ူꩫ︀်းဢ︀ꩫ︀်ႈပ︀ၢပ︀်ႉဢ︀ꩬ︀ၢက︀်ႉပ︀ူႇဢ︀ွꩫ︀် ဢ︀ꩫ︀်ႈပ︀ိူꩫ︀်ႈဢ︀ဝ်ႈတ︀ႆ︀ၢႈက︀ႃမ︀ႆ︀ႛ ဢ︀ꩫ︀်ႈလ︀ုက︀်ႉမ︀ိူဝ်ႈက︀မ︀်ၸ︀ႃတ︀ေပ︀ုꩫ︀်ႛ ꩡ︀ိုဝ်ႈမ︀ဝ်လ︀ွေႛꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ တ︀ူဝ်ႈꩭႆ︀ၢႇဢ︀မ︀ႂ်းမ︀ႆ︀ႛ တ︀ီပ︀ႆ︀ၢႛဝႆ︀ႈက︀ꩫ︀်ႈꩫ︀မ︀်။

ၿျႃၻိက︀်ႉ 5:9

ၵ︀ဝ်ၵ︀ၢမ︀်းမ︀ႂ်ဢ︀ွေက︀ꩫ︀်ႈဢ︀ူ။ ၵ︀ၢမ︀်းဢ︀မ︀ႂ်းယ︀ႃႇ “ၵ︀ိင︀်းတ︀ူဝ်ꩡ︀ဝ်ႛယ︀ႃႇ ၵ︀ၢမ︀်တ︀ႆ︀ၢႈꩬ︀ီ ဢ︀ဝ်ႈꩫ︀ိူတ︀်ႉၵ︀ိင︀်းတ︀ူဝ်ꩡ︀ဝ်ႛ က︀ူꩫ︀်းက︀ူႈၵ︀ိူဝ်း၊ က︀ူႈၸ︀ꩫ︀်း၊ က︀ူႈမ︀ိူင︀်းမ︀ႆ︀ႛ ꩡ︀ႃႇၸ︀ြႃးပ︀ီꩫ︀်ႈꩡ︀ဝ်ႛꩬ︀ေထွတ︀်ဝႆ︀ႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ၵ︀ိင︀်းတ︀ူဝ်ꩡ︀ဝ်ႛယ︀ႃႇ ၸ︀ုꩫ︀်လ︀ိက︀်ႉဢ︀မ︀ႂ်းဢ︀ဝ်ႈꩬ︀ီ ꩡ︀ုမ︀်ႛဢ︀မ︀ႂ်းက︀ေႛထႅက︀်ႉတ︀ီၵ︀ႃႛဢ︀ူ။