က︀လ︀ႃတ︀ိ 2:17 - Khamti Shan17 င︀ႆ︀းꩫ︀ႆ︀ႇꩬ︀ီ ꩭႂ်ႛပ︀ူဝ်းꩭဝ်းမ︀ႆ︀ႛ ꩬ︀ိုဝ်ႈတ︀ူဝ်ဢ︀ူꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉꩫ︀ႆ︀ႇ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ူꩬ︀ီက︀ေႃႇ ꩭဝ်းမ︀ႆ︀ႛဢ︀ပ︀ႅတ︀်ႉယ︀င︀်းဢ︀ူꩫ︀ꩬ︀ီ က︀ျူးဢ︀ꩫ︀်ႈက︀ျမ︀်းꩬ︀ိꩫ︀်မ︀ႆ︀ႛ ပ︀ꩫ︀်ႛက︀ႅတ︀်ႉꩰꩫ︀ႆ︀ႇၵ︀ဝ်ꩭꩫ︀်က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ဢ︀ꩫ︀်ႈꩭဝ်းမ︀ႆ︀ႛဢ︀ွꩫ︀်ႈက︀ႃတ︀ၢင︀်းဢ︀ပ︀ႅတ︀်ႉက︀ျႃး။ ꩭလ︀ိုဝ်က︀ေႃႇ ꩵ︀ႈꩡ︀ႂ်ႈ။ အခန်းကိုကြည့်ပါ။ |
က︀ျမ︀်းလ︀ိက︀်ႉမ︀ႆ︀ႛ “ၵ︀ၢမ︀်းၵ︀ိင︀်းတ︀ူဝ်ꩡ︀ဝ်ႛ ꩬ︀ိုဝ်ႈꩡ︀ႂ်ႈဢ︀ူꩫ︀ꩫ︀ႆ︀ႇ တ︀င︀်းမ︀ိူင︀်းဝႃႈတ︀ွင︀်းဢ︀ူ။ ထီင︀်တ︀ြႃးက︀ꩫ︀်ႈꩫ︀က︀ေႃႇ ၵ︀ိင︀်းတ︀ူဝ်ꩡ︀ဝ်ႛꩬ︀ိုင︀် ဝႃႈပ︀ေႇꩫ︀မ︀်” ꩫ︀ꩬ︀ီဝႃႈဝႆ︀ႇဢ︀ူ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ဢ︀ေလ︀ူဝ်ႈ က︀ူꩫ︀်းတ︀င︀်းမ︀ိူင︀်းၸ︀ႅတ︀်ႉၵ︀ႂ်ႈလ︀ႂ်ႈꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩵ︀ႈၸ︀ႅတ︀်ႉ။ ꩫ︀င︀်မ︀ꩫ︀်းꩡ︀ဝ်ႛဝႃႈဝႆ︀ႇꩫ︀က︀ꩫ︀်ႈ တ︀ီꩭီတ︀်က︀ႃꩫ︀မ︀်။
က︀ဝ်ႈက︀ီးယ︀ႃႇ လ︀ွင︀်ႈꩬ︀ဝ်ဝႃးမ︀ိုဝ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛလ︀ိူဝ်ꩬ︀ီ လ︀ွင︀်ႈက︀ꩬ︀င︀်မ︀ႆ︀ႛက︀ေႃႇ ꩵ︀ႈꩭုမ︀်ယ︀ဝ်ႇ။ လ︀ႆ︀ၢးပ︀ိူဝ်ႈꩬ︀ဝ်ဝႃးမ︀ိုဝ်းဢ︀မ︀ႂ်းꩬ︀ီ ဢ︀ꩫ︀်ႈက︀ဝ်ႈမ︀ိူင︀်းက︀ၢင︀်ႈမ︀ႆ︀ႛ ꩭွႆ︀ႛꩡ︀ႂ်ႈꩫ︀ႆ︀ႇ က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ တ︀ွက︀်တ︀ႆ︀ၢႈၵ︀ွတ︀်ယ︀ဝ်ႇ။ မ︀ိူင︀်းက︀ၢင︀်ႈꩫ︀ႆ︀ႇက︀ေႃႇ ꩡ︀ႃႇက︀ဝ်ႈက︀ီး က︀ꩬ︀င︀်က︀ေႃႇꩵ︀ႈꩡ︀ႂ်ႈယ︀ဝ်ႇ။