ဢ︀ေၸ︀ႅတ︀် 6:12 - Khamti Shan12 က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းတ︀ိက︀်တ︀ူဝ်းꩫ︀ႆ︀ႇယ︀ႃႇ က︀ူꩫ︀်းမ︀ႆ︀ႛꩵ︀ႈꩡ︀ႂ်ႈ။ တ︀ꩫ︀်းၵ︀ူဝ်းၵ︀ွꩫ︀်ꩫ︀ႆ︀ႇၵ︀ဝ်၊ ၸ︀ူႛက︀မ︀်ႈဢ︀ႃꩫ︀ႃꩫ︀ႆ︀ႇၵ︀ဝ်၊ ၵ︀ုꩫ︀်ၵ︀ွꩫ︀်ꩭႆ︀ၢႇဢ︀ꩫ︀်ႈ ဢ︀ꩫ︀်ႈꩫ︀မ︀်ႈꩬ︀ိင︀်မ︀ိူင︀်းက︀ၢင︀်ꩫ︀ႆ︀ႇမ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်၊ ၸ︀ီꩭၢႆ︀ႇဢ︀ꩫ︀်ႈဢ︀ူက︀ၢင︀်ႈꩭၢဝ်ꩫ︀ႆ︀ႇၵ︀ဝ်မ︀ႆ︀ႛꩫ︀မ︀် ꩭဝ်းတ︀ိက︀်တ︀ူဝ်းဢ︀ူꩫ︀ႆ︀ႇ။ အခန်းကိုကြည့်ပါ။ |
ဢ︀ေၸ︀ႅတ︀် 6:12
25 ပူးပေါင်းရင်းမြစ်များ
မ︀ႂ်းယ︀ႃႇ ꩭွေႛတ︀ႃႈက︀ူꩫ︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ဝႃႈက︀ႃပ︀ုတ︀်ꩭႂ်ႛဢ︀ူ။ ၵ︀ဝ်မ︀ႆ︀ႛ လ︀ုက︀်ႉဢ︀ꩫ︀်ႈꩫ︀ပ︀်ꩬ︀ိင︀်မ︀ႆ︀ႛ ဢ︀ဝ်ႈထိုင︀်ဢ︀ꩫ︀်ႈလ︀ႅင︀်းꩬ︀ီ လ︀ုက︀်ႉက︀ꩫ︀်ႛတ︀ႂ်ႛဢ︀ႃꩫ︀ႃၵ︀ုꩫ︀်ꩬ︀ူင︀်မ︀ႆ︀ႛ ဝႃႈဢ︀ဝ်ႈထိုင︀် က︀ꩫ︀်ႛတ︀ႂ်ႛဢ︀ႃꩫ︀ႃၸ︀ြႃးပ︀ီꩫ︀်ႈꩡ︀ဝ်ႛဢ︀ူ။ ꩭႂ်ႛပ︀ူဝ်းၵ︀ဝ် က︀ဝ်ႈမ︀ႆ︀ႛယ︀ုမ︀်ယ︀မ︀်ႈꩬ︀ီ ၵ︀ဝ်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛဢ︀ပ︀ႅတ︀်ႉပ︀ွႆ︀ꩭႂ်ႛင︀ႆ︀း က︀ုမ︀်ႛက︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ႛၵ︀ဝ်ႛꩫ︀ႆ︀ႇ မ︀ႂ်းဝႃႈꩭီတ︀်ဢ︀ူ” ꩫ︀ꩬ︀ီဝႃႈဢ︀ူ။
က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းမ︀ႆ︀ႛက︀ꩬ︀င︀်က︀ေႃႇ လ︀ုက︀်ႉမ︀ႅတ︀်ႉတ︀ႃမ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈၸ︀ၢက︀်ႉက︀ႃꩵ︀ႈꩫ︀ႆ︀ႛပ︀ိူင︀်ႈလ︀ူင︀်။ ꩭဝ်းတ︀ႆ︀ၢႈပ︀တ︀ု၊ ꩫ︀ိပ︀်ပ︀တ︀ုဢ︀ဝ်ႈၸ︀ၢက︀်ႉꩵ︀ႈꩫ︀ႆ︀ႛ။ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်၊ ဢ︀ႃꩫ︀ႃဢ︀ꩫ︀်ႈက︀ၢင︀်ႈၸ︀ႃႇမ︀ႆ︀ႛꩭူမ︀်းꩫ︀ႆ︀ႇၵ︀ဝ်၊ ဢ︀ꩫ︀်ႈင︀ႆ︀ႚပ︀ီꩫ︀်ႈꩫ︀ႆ︀ႇၵ︀ဝ်၊ ဢ︀ꩫ︀်ႈက︀ꩫ︀်ႛꩫ︀ႃႛမ︀ႆ︀ႛတ︀ီပ︀ီꩫ︀်ႈꩫ︀ႆ︀ႇၵ︀ဝ်၊
က︀ူꩫ︀်းဢ︀ꩫ︀်ႈလ︀ူႇꩬ︀ုမ︀်းဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈၵ︀ုꩫ︀်ꩬ︀ူင︀်ၸ︀ူႛဢ︀ꩫ︀်ႈင︀ႆ︀ႚ မ︀ိူင︀်းက︀ၢင︀်ႈမ︀ႆ︀ႛဢ︀ုပ︀်ပ︀ိုင︀်ꩫ︀ႆ︀ႇလ︀ၢပ︀်ႉတ︀ႃႈဢ︀ဝ်ႈꩫ︀မ︀်ႈꩬ︀ိင︀်ၵ︀ွꩫ︀်ဝႆ︀ႇꩬ︀ီ ၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ မ︀ဝ်ယ︀ုမ︀်ꩫ︀ႆ︀ႇၵ︀ဝ်ꩫ︀မ︀်။ င︀ႆ︀းꩬ︀ီၵ︀ဝ်ယ︀ႃႇ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ွင︀်ꩡ︀ႂ်ႈမ︀ဝ်ꩫ︀ႆ︀ႛꩫ︀မ︀်။ ꩡ︀ဝ်ႛယ︀ေꩬ︀ုယ︀ႃႇ ပ︀ီꩫ︀်ႈမ︀ူꩫ︀်ႈင︀ဝ်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ ꩭꩫ︀်က︀ီးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭꩫ︀်ꩫ︀က︀ꩫ︀်ႈꩫ︀မ︀်။
ၸ︀ြႃးပ︀ီꩫ︀်ႈꩡ︀ဝ်ႛၸ︀ူႛပ︀ီꩫ︀်ႈꩡ︀ဝ်ႛၸ︀ြႃးꩫ︀ၵ︀ႃပ︀ူဝ်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းမ︀ႆ︀ႛ က︀ူꩫ︀်းတ︀င︀်းလ︀ုင︀်ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ မ︀ိူင︀်းက︀ၢင︀်ႈꩭၢဝ်မ︀ႆ︀ႛ ဢ︀က︀ိဝ်းꩡ︀ႃႇꩭၢင︀်းၵ︀ွꩫ︀်ꩭဝ်းꩫ︀ႆ︀ႇၵ︀ဝ်က︀ူႈဢ︀ꩫ︀်ႈ ပ︀ူင︀်ႈꩭႂ်ႛဝႆ︀ႇယ︀ဝ်ႇ။
ꩡ︀ဝ်ႛယ︀ေꩬ︀ုၵ︀ရ︀ီတ︀် မ︀ိူဝ်ႈက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ၵ︀ၢမ︀်တ︀ႆ︀ၢႈꩫ︀ႆ︀ႇ တ︀ꩫ︀်းၵ︀ူဝ်းၵ︀ွꩫ︀်င︀ႆ︀း ၸ︀ူႛက︀မ︀်ႈဢ︀ႃꩫ︀ႃဢ︀ꩫ︀်ႈက︀ူꩫ︀်းꩭဝ်းမ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛပ︀ေႇယ︀ဝ်ႇ။ ယ︀ဝ်ႇက︀ီး မ︀ိူဝ်ႈမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛပ︀ေႇဢ︀ွင︀်ꩬ︀ီꩬ︀ႅဝ်ႛက︀ႃꩫ︀ႆ︀ႇမ︀ႆ︀ႛꩭႂ်ႛပ︀ူဝ်းတ︀င︀်းက︀မ︀်ၸ︀ႃꩭꩫ︀်ꩫ︀ႆ︀ႇ ယ︀ႃးꩬ︀ီ ၵ︀ဝ်မ︀ႆ︀ႛဢ︀ဝ်ႈဢ︀ၢႆ︀ႈမ︀ႃးဢ︀ူ။
ꩬ︀ၢက︀်ႉꩬ︀ေၸ︀ုင︀်က︀ူꩫ︀်းလ︀ူင︀်ꩫ︀ႆ︀ႇ ꩭဝ်းမ︀ႆ︀ႛၵ︀ုမ︀်ႇက︀ꩫ︀်ႈဢ︀ူꩫ︀ႆ︀ႇꩬ︀ီ ပ︀ႆ︀ႉ ဢ︀ꩫ︀်ႈꩭဝ်းမ︀ႆ︀ႛ ꩫ︀က︀်ꩫ︀ႃꩬ︀ီ ဢ︀ဝ်ႈꩫ︀ၢꩫ︀်းꩫ︀ႆ︀ႇၵ︀ဝ်င︀ႆ︀း ဢ︀ပ︀ႅတ︀်ႉဢ︀ꩫ︀်ႈꩭဝ်းမ︀ႆ︀ႛ င︀ႆ︀ၢႈꩰၸ︀ုက︀်ဝႆ︀ႇꩫ︀ႆ︀ႇၵ︀ဝ် လ︀ွꩫ︀်ႛၵ︀ွတ︀်င︀ႆ︀း ပ︀ွႆ︀းလ︀ႅꩫ︀်ႈၵ︀ီင︀်က︀ꩫ︀်ႈ ဢ︀ꩫ︀်ႈပ︀ၢင︀်ႈꩫ︀ႃႛꩭဝ်းမ︀ႆ︀ႛ ꩭႅမ︀်းဝႆ︀ႇမ︀ႆ︀ႛတ︀တ︀်ꩡ︀ႂ်ႈꩬ︀ီ လ︀ႅꩫ︀်ႈက︀ႃက︀ꩫ︀်ႈꩫ︀မ︀်။
ကြော်ငြာတွေ