ဢ︀ေၸ︀ႅတ︀် 5:8 - Khamti Shan

⁸ ꩬ︀ူၸ︀ူႛꩡ︀ဝ်ႛက︀ေႃႇ မ︀ိူဝ်ႈင︀ႃးပ︀ုꩫ︀်ႛ ဢ︀ꩫ︀်ႈꩫ︀မ︀်ႈꩬ︀ိင︀်မ︀ႆ︀ႛ ဢ︀ူမ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ ꩬ︀ူပ︀ီꩫ︀်ႈက︀ူꩫ︀်းꩡ︀ဝ်ႛထႃဝရ︀ၸ︀ြႃးမ︀ႃးꩬ︀ီ င︀ႆ︀ႚယ︀ႃႇထိုင︀်ဢ︀ꩫ︀်ႈလ︀ႅင︀်းမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩫ︀င︀်က︀ူꩫ︀်းက︀ꩫ︀်ႛꩫ︀ႂ်းဢ︀ꩫ︀်ႈလ︀ႅင︀်းꩫ︀က︀ꩫ︀်ႈ ဢ︀ူက︀ꩫ︀်ႈတ︀ႃႉ။

ဢ︀ေၸ︀ႅတ︀် 5:8 ပူးပေါင်းရင်းမြစ်များ

မ︀တ︀်တ︀ႄး 3:8

ꩬ︀ူꩬ︀ၢင︀်ဝွေတ︀ေႇတ︀ေႇဢ︀ူꩫ︀က︀ီး ဢ︀ဝ်ႈတ︀ၢင︀်းက︀ႅင︀်းꩬ︀ူပ︀ျႃးက︀ꩫ︀်ႈတ︀ႃႉ။

မ︀တ︀်တ︀ႄး 4:16

က︀ူꩫ︀်းဢ︀ꩫ︀်ႈဢ︀ူက︀ꩫ︀်ႛꩫ︀ႂ်း ဢ︀ꩫ︀်ႈꩫ︀မ︀်ႈꩬ︀ိင︀်ꩫ︀ႆ︀ႇၵ︀ဝ် ဢ︀ꩫ︀်ႈလ︀ႅင︀်းလ︀ူင︀်မ︀ႆ︀ႛ ꩫ︀ႆ︀ႛꩭꩫ︀်ယ︀ဝ်ႇ။ က︀ူꩫ︀်းဢ︀ꩫ︀်ႈဢ︀ူက︀ꩫ︀်ႛတ︀ႂ်ႛတ︀ꩫ︀်းၵ︀ူဝ်းၵ︀ုꩫ︀်တ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛ ဢ︀ꩫ︀်ႈလ︀ႅင︀်းꩭုင︀်ႈယ︀ဝ်ႇ” ꩫ︀ꩬ︀ီꩭူဝ်းဝႆ︀ႇဢ︀ူ။

လ︀ုက︀ႃ 1:79

က︀ူꩫ︀်းꩭဝ်းဢ︀ꩫ︀်ႈဢ︀ူက︀ꩫ︀်ႛꩫ︀ႂ်းဢ︀ꩫ︀်ႈꩫ︀မ︀်ႈꩬ︀ိင︀် ဢ︀ꩫ︀်ႈတ︀ၢင︀်းတ︀ႆ︀ၢႈꩭူမ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ဢ︀ဝ်ႈတ︀ွင︀်လ︀ႅင︀်းꩭႂ်ႛင︀ႆ︀းꩬ︀ီ ꩡ︀ူဝ်ႈတ︀ႃႈဢ︀ꩬ︀ၢက︀်ႉဢ︀ꩫ︀်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃမ︀ႆ︀ႛ ဝႃႈဢ︀ဝ်ႈꩭꩫ︀်ꩭႂ်ႛꩫ︀မ︀်” ꩫ︀ဝꩫ︀်ႇ။

လ︀ုက︀ႃ 16:8

ၸ︀ူႛမ︀ိုင︀်ႇင︀ိူꩫ︀်းꩫ︀ႆ︀ႇ လ︀ၢက︀်ꩰလ︀ႅမ︀်ꩰꩭီတ︀်ꩫ︀ႆ︀ႇမ︀ႆ︀ႛ ꩡ︀ဝ်ႛမ︀ꩫ︀်းတ︀ွင︀်းက︀ီး ယ︀ွင︀်ႛဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ယ︀ႃႇ မ︀ိူဝ်ႈၵ︀ဝ်ꩭီတ︀်ဢ︀မ︀ူးꩫ︀ႆ︀ႇ က︀ူꩫ︀်းဢ︀ꩫ︀်ႈဢ︀ူꩫ︀ႂ်းဢ︀ꩫ︀်ႈလ︀ႅင︀်းꩫ︀ႆ︀ႇၵ︀ဝ်မ︀ႆ︀ႛ လ︀ၢက︀်လ︀ႅမ︀်ꩬ︀ႃဢ︀ူ” ꩫ︀ဝꩫ︀်ႇ။

ယ︀ေႃးꩭၢꩫ︀် 1:9

ဢ︀ꩫ︀်ႈလ︀ႅင︀်းတ︀ေႇတ︀ေႇယ︀ႃႇ ꩡ︀ဝ်ႛဢ︀ꩫ︀်ႈက︀ျွႃးလ︀ူင︀်းမ︀ႃးမ︀ိူင︀်းက︀ၢင︀်ႈꩬ︀ီ က︀ꩫ︀်ႛꩫ︀ိူဝ်က︀ူꩫ︀်းတ︀င︀်းမ︀ိူင︀်းမ︀ႆ︀ႛ ꩭုင︀်ႈလ︀ႅင︀်းꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် 12:35

ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈယ︀ႃႇဢ︀ꩫ︀်ႈလ︀ႅင︀်းꩫ︀က︀ꩫ︀်ႈꩫ︀မ︀်။ က︀ဝ်ႈမ︀ိူင︀်းက︀ၢင︀်ႈမ︀ႆ︀ႛ က︀ိုမ︀်ႇဢ︀ွꩫ︀်လ︀ိူင︀်ႈꩫ︀ႆ︀ၢႈꩫ︀မ︀်တ︀ီဢ︀ူꩫ︀ႆ︀ႇ။ ꩬ︀မ︀်မ︀ႃတ︀ြႃးက︀ဝ်ႈယ︀ႃႇ တ︀ၢင︀်းဢ︀ꩫ︀်ႈက︀ူꩫ︀်းၸ︀ႆ︀ၢႛမ︀ႆ︀ႛ ဢ︀ꩫ︀်ႈလ︀ႅင︀်းꩫ︀က︀ꩫ︀်ႈꩫ︀မ︀်။ တ︀ၢင︀်းꩬ︀မ︀်မ︀ႃတ︀ြႃးက︀ဝ်ႈမ︀ႆ︀ႛ ꩡ︀ွမ︀်းက︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ဝ်ꩭိုင︀်က︀ꩬ︀င︀်မ︀ႆ︀ႛ က︀ဝ်ႈတ︀ီဢ︀ွက︀်က︀ႃꩫ︀မ︀်။ က︀ူꩫ︀်းဢ︀ꩫ︀်ႈ ဢ︀ꩫ︀်ႈꩫ︀မ︀်ႈꩬ︀ိင︀်မ︀ႆ︀ႛၸ︀ႆ︀ၢႛꩫ︀ႆ︀ႇၵ︀ဝ်ယ︀ႃႇတ︀ီက︀ိူတ︀်ꩫ︀မ︀်။ က︀ူꩫ︀်းဢ︀ꩫ︀်ႈ ꩬ︀မ︀်မ︀ႃတ︀ြႃးက︀ဝ်ႈမ︀ႆ︀ႛ မ︀ဝ်ꩡ︀ွမ︀်းꩫ︀ႆ︀ႇၵ︀ဝ်ယ︀ႃႇ ၵ︀ဝ်ဢ︀မ︀ႆ︀ႚက︀ႃက︀ꩫ︀်ႈꩫ︀ꩫ︀ႆ︀ႇꩵ︀ႈတ︀ွင︀်း။ ၵ︀ဝ်ယ︀ႃႇꩫ︀င︀်က︀ူꩫ︀်းဢ︀ꩫ︀်ႈ ဢ︀ꩫ︀်ႈꩫ︀မ︀်ႈꩬ︀ိင︀်မ︀ႆ︀ႛၸ︀ႆ︀ၢႛꩫ︀က︀ꩫ︀်ႈ တ︀ီႈဢ︀ꩫ︀်ႈၵ︀ဝ်က︀ႃမ︀ႆ︀ႛ ꩵ︀ႈꩭꩫ︀်။

ယ︀ေႃးꩭၢꩫ︀် 12:36

င︀ႆ︀းꩫ︀ႆ︀ႇꩬ︀ီ မ︀ိူဝ်ႈက︀ဝ်ႈယ︀င︀်းꩫ︀ႆ︀ႇ က︀ဝ်ႈမ︀ႆ︀ႛယ︀ုမ︀်ယ︀မ︀်ႈက︀ꩫ︀်ႈတ︀ႃႉ။ င︀ႆ︀းက︀ီးꩬ︀ိုင︀် ꩬ︀ူတ︀ီပ︀ီꩫ︀်ႈလ︀ုက︀်ႉက︀ဝ်ႈꩫ︀မ︀်” ꩫ︀ဝꩫ︀်ႇ။ မ︀ꩫ︀်းꩡ︀ဝ်ႛဝႃႈင︀ႆ︀းယ︀ဝ်ႇက︀ီး လ︀ုက︀်ႉဢ︀မ︀ႂ်းမ︀ႆ︀ႛ ဢ︀ွက︀်ꩭႆ︀ၢꩫ︀ႆ︀ၢႈက︀ႃဢ︀ူ။

ယ︀ေႃးꩭၢꩫ︀် 12:46

ဢ︀ꩫ︀်ႈက︀ႃႈꩡ︀ိုဝ်ႈက︀ဝ်ႈမ︀ႆ︀ႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ꩭႂ်ႛပ︀ူဝ်းဢ︀ꩫ︀်ႈꩫ︀ပ︀်ꩬ︀ိင︀်မ︀ႆ︀ႛမ︀ဝ်ဢ︀ူꩫ︀ႆ︀ႇ က︀ဝ်ႈယ︀ႃႇ ꩭီတ︀်ဢ︀ꩫ︀်ႈလ︀ႅင︀်းꩬ︀ီ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးမ︀ꩫ︀မ︀်။

ယ︀ေႃးꩭၢꩫ︀် 8:12

ဝႆ︀ၢးဢ︀မ︀ႂ်း ꩡ︀ဝ်ႛယ︀ေꩬ︀ုယ︀ႃႇ ၸ︀ႃရ︀ိꩬ︀ႄꩫ︀ႆ︀ႇၵ︀ဝ်မ︀ႆ︀ႛ “က︀ဝ်ႈယ︀ႃႇ ဢ︀ꩫ︀်ႈလ︀ႅင︀်းမ︀ိူင︀်းက︀ၢင︀်ႈꩫ︀မ︀်။ က︀ူဝ်ႇဢ︀ꩫ︀်ႈꩡ︀ွမ︀်းက︀ꩫ︀်ႛလ︀င︀်က︀ဝ်ႈꩫ︀ႆ︀ႇ ဢ︀ꩫ︀်ႈလ︀ႅင︀်းဢ︀ꩫ︀်ႈꩡ︀ိုဝ်ႇလ︀ွင︀်ႈပ︀ျႃးတ︀ၢင︀်းပ︀ိူꩫ︀်ႈꩫ︀ႆ︀ႛꩬ︀ီ မ︀ိူဝ်ႈလ︀ႂ်ႈက︀ေႃႇ ဢ︀ꩫ︀်ႈꩫ︀ပ︀်ꩬ︀ိင︀်မ︀ႆ︀ႛ ꩵ︀ႈက︀ႃ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 17:30

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ိူဝ်ႈင︀ႃးပ︀ုꩫ︀်ႛမ︀ိူဝ်ႈ မ︀ꩫ︀်းꩡ︀ဝ်ႛမ︀ႆ︀ႛက︀ူꩫ︀်းꩭဝ်းမ︀ဝ်တ︀ွင︀်းꩫ︀ႆ︀ႇ ꩭဝ်းမ︀ႆ︀ႛဝႆ︀ႇꩬ︀ႆ︀ၢႇမ︀ႃးၵ︀ႂ်ႈလ︀ႂ်ႈꩫ︀က︀ေႃႇ င︀ႆ︀ႚယ︀ႃႇက︀ူꩫ︀်းတ︀င︀်းမ︀ိူင︀်းမ︀ႆ︀ႛ က︀ူႈတ︀ီႈမ︀ႆ︀ႛ မ︀ꩫ︀်းꩡ︀ဝ်ႛဢ︀မ︀ိင︀်းꩭႂ်ႛꩬ︀ီ ꩭႂ်ႛꩬ︀ၢင︀်ဝွေဢ︀ူ။

ထဝ်ꩡ︀တ︀်ႉၵ︀ဝ် 26:18

မ︀ႂ်းယ︀ႃႇ ꩭွေႛတ︀ႃႈက︀ူꩫ︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ဝႃႈက︀ႃပ︀ုတ︀်ꩭႂ်ႛဢ︀ူ။ ၵ︀ဝ်မ︀ႆ︀ႛ လ︀ုက︀်ႉဢ︀ꩫ︀်ႈꩫ︀ပ︀်ꩬ︀ိင︀်မ︀ႆ︀ႛ ဢ︀ဝ်ႈထိုင︀်ဢ︀ꩫ︀်ႈလ︀ႅင︀်းꩬ︀ီ လ︀ုက︀်ႉက︀ꩫ︀်ႛတ︀ႂ်ႛဢ︀ႃꩫ︀ႃၵ︀ုꩫ︀်ꩬ︀ူင︀်မ︀ႆ︀ႛ ဝႃႈဢ︀ဝ်ႈထိုင︀် က︀ꩫ︀်ႛတ︀ႂ်ႛဢ︀ႃꩫ︀ႃၸ︀ြႃးပ︀ီꩫ︀်ႈꩡ︀ဝ်ႛဢ︀ူ။ ꩭႂ်ႛပ︀ူဝ်းၵ︀ဝ် က︀ဝ်ႈမ︀ႆ︀ႛယ︀ုမ︀်ယ︀မ︀်ႈꩬ︀ီ ၵ︀ဝ်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛဢ︀ပ︀ႅတ︀်ႉပ︀ွႆ︀ꩭႂ်ႛင︀ႆ︀း က︀ုမ︀်ႛက︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ႛၵ︀ဝ်ႛꩫ︀ႆ︀ႇ မ︀ႂ်းဝႃႈꩭီတ︀်ဢ︀ူ” ꩫ︀ꩬ︀ီဝႃႈဢ︀ူ။

ရ︀ေႃမ︀ 1:21

ၵ︀ဝ်ယ︀ႃႇ လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛတ︀ွင︀်းꩫ︀က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ꩫ︀င︀်ဢ︀ꩫ︀်ႈထုက︀်ယ︀ူဝ်းယ︀ွင︀်ႛꩫ︀က︀ꩫ︀်ႈ ꩵ︀ႈယ︀ူဝ်းယ︀ွင︀်ႛ။ က︀ျေးꩡ︀ူးက︀ေႃႇꩵ︀ႈတ︀ၢင︀်။ ၵ︀ဝ်ယ︀ႃႇ ဢ︀ꩫ︀်ႈက︀ꩬ︀င︀်မ︀ဝ်ꩡ︀ႂ်ႈꩫ︀ႆ︀ႇၵ︀ဝ်ꩫ︀ႆ︀ၢႈꩬ︀ိုင︀်ၵ︀ႂ်ႈꩡ︀ႂ်ႈက︀ꩫ︀်ႈꩬ︀ီ၊ ꩡ︀ႂ်ႈၵ︀ဝ်ယ︀ႃႇ ꩫ︀မ︀်ႈꩬ︀ိင︀်တ︀ိက︀်ႉꩰက︀ꩫ︀်ႈꩫ︀မ︀်။

ရ︀ေႃမ︀ 2:19

ꩬ︀ူယ︀ႃႇ ၸ︀ူႛတ︀ႃႈမ︀ွတ︀်ꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭီတ︀်ၸ︀ူႛꩡ︀ၢင︀်ႈꩬ︀ီ ပ︀ျႃးတ︀ၢင︀်းꩭႂ်ႛ၊ ဢ︀ꩫ︀်ႈဢ︀ူက︀ꩫ︀်ႛꩫ︀ႂ်းဢ︀ꩫ︀်ႈꩫ︀မ︀်ႈꩬ︀ိင︀်ꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭီတ︀်ၸ︀ူႛꩡ︀ၢင︀်ႈꩬ︀ီပ︀ျႃးဢ︀ꩫ︀်ႈလ︀ႅင︀်းꩭႂ်ႛ၊

က︀ေႃရ︀ိꩫ︀်တ︀ု ႑ 1:30

ꩫ︀ႆ︀ႇꩫ︀က︀ေႃႇ မ︀ꩫ︀်းꩡ︀ဝ်ႛ ꩬ︀ူမ︀ႆ︀ႛယ︀ႃႇ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛဢ︀ဝ်ႈဢ︀ူꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ဝ်ႈပ︀ီꩫ︀်ႈပ︀ိင︀်ꩥ︀ႃꩭဝ်းယ︀ဝ်ႇ။ ꩡ︀ဝ်ႛယ︀ေꩬ︀ုၵ︀ရ︀ီတ︀်က︀ေႃႇ ꩭဝ်းမ︀ႆ︀ႛ ဢ︀ဝ်ႈပ︀ီꩫ︀်ႈက︀ူꩫ︀်းꩬ︀ိုဝ်ႈတ︀ူဝ်င︀ႆ︀း ဢ︀ဝ်ႈပ︀ီꩫ︀်ႈက︀ူꩫ︀်းမ︀ူတ︀်ꩡ︀ၢင︀်ꩬ︀ီ ꩭဝ်းမ︀ႆ︀ႛ ꩬ︀ေထွတ︀်ꩭႂ်ႛမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႒ 3:18

င︀ႆ︀းꩫ︀ႆ︀ႇꩬ︀ီ ꩭဝ်းမ︀ႆ︀ႛယ︀ႃႇ ဢ︀ꩫ︀်ႈတ︀ွပ︀်ႉဝႆ︀ႇဢ︀မ︀ႂ်းꩵ︀ႈယ︀င︀်းယ︀ဝ်ႇ။ မ︀ူꩫ︀်ႈင︀ဝ်းꩡ︀ဝ်ႛထႃဝရ︀ၸ︀ြႃးꩬ︀ိုင︀် ꩭဝ်းမ︀ႆ︀ႛတ︀ွင︀်ဢ︀ူꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩡ︀ဝ်ႛ ၸ︀ူႛပ︀ီꩫ︀်ႈၵ︀ွꩫ︀်မ︀ꩫ︀်းꩡ︀ဝ်ႛယ︀ႃႇ ꩭႂ်ႛပ︀ူဝ်းꩭဝ်း ꩫ︀င︀်မ︀ꩫ︀်းꩡ︀ဝ်ႛꩫ︀က︀ꩫ︀်ႈပ︀ီꩫ︀်ႈမ︀ႃးꩫ︀ႆ︀ႇ တ︀ၢင︀်းက︀ႅင︀်းꩭဝ်းမ︀ႆ︀ႛ ဢ︀ဝ်ႈလ︀ႆ︀ၢႈမ︀ႃးꩭႂ်ႛဢ︀ူမ︀ဝ်ꩬ︀ဝ်းꩫ︀မ︀်။

က︀ေႃရ︀ိꩫ︀်တ︀ု ႒ 4:6

မ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ ၸ︀ၢꩫ︀်ႈꩬ︀ၢင︀်းမ︀ိူင︀်းက︀ၢင︀်ႈꩫ︀ႆ︀ႇ ဢ︀ꩫ︀်ႈꩫ︀မ︀်ႈꩬ︀ိင︀်ꩭႆ︀ၢꩬ︀ီ ꩭႂ်ႛလ︀ႅင︀်းက︀တ︀ႃႉ ꩫ︀ꩬ︀ီမ︀ꩫ︀်းꩡ︀ဝ်ႛဝႃႈမ︀ႃးဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛဢ︀မ︀ႂ်းꩫ︀မ︀် ꩭူဝ်ꩡ︀ႂ်ႈတ︀ူႈမ︀ႆ︀ႛ ဢ︀ꩫ︀်ႈလ︀ႅင︀်းတ︀ွင︀်လ︀ႅင︀်းꩭႂ်ႛꩬ︀ီ မ︀ူꩫ︀်ႈင︀ဝ်းမ︀ꩫ︀်းꩡ︀ဝ်ႛ ဢ︀ꩫ︀်ႈꩫ︀ႃႛꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ တ︀ွင︀်လ︀ႅင︀်းမ︀ႃးဢ︀မ︀ႂ်း တ︀ူႈမ︀ႆ︀ႛပ︀ုတ︀်ပ︀ျႃးꩭႂ်ႛမ︀ႃးꩫ︀ႆ︀ႇ။

က︀ေႃရ︀ိꩫ︀်တ︀ု ႒ 6:14

တ︀င︀်းက︀ူꩫ︀်းဢ︀ꩫ︀်ႈၸ︀ူႛယ︀ုမ︀်ယ︀မ︀်ႈမ︀ဝ်ꩡ︀ႂ်ႈꩫ︀ႆ︀ႇၵ︀ဝ် ပ︀ီလ︀ွမ︀်ႈလ︀မ︀်းက︀ꩫ︀်ႈ။ က︀ူꩫ︀်းꩬ︀ိုဝ်ႈတ︀ူဝ်ꩫ︀ၵ︀ႃ က︀ူꩫ︀်းလ︀ိက︀်င︀ွက︀်ꩫ︀ႆ︀ႇ တ︀ီꩭလ︀ိုဝ်ၵ︀ဝ်ႛၵ︀ွꩫ︀်ႛက︀ꩫ︀်ႈꩫ︀ႆ︀။ ဢ︀ꩫ︀်ႈလ︀ႅင︀်းꩫ︀ၵ︀ႃဢ︀ꩫ︀်ႈꩫ︀မ︀်ႈꩬ︀ိင︀် တ︀ီꩭလ︀ိုဝ်ꩡ︀ၢပ︀်ႉက︀ꩫ︀်ႈꩫ︀ႆ︀။

က︀လ︀ႃတ︀ိ 5:25

ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ွꩫ︀်ꩭဝ်းမ︀ႆ︀ႛဢ︀ꩬ︀ၢက︀်ႉဢ︀ဝ်ႈꩫ︀ိပ︀်ꩭႂ်ႛꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛꩬ︀ိုင︀် တ︀ူဝ်ႈꩡ︀ႂ်ႈꩭဝ်းမ︀ႆ︀ႛ ထုက︀်ꩫ︀ီႈꩭႂ်ႛထိꩫ︀်ꩫ︀မ︀်။

ဢ︀ေၸ︀ႅတ︀် 2:2

မ︀ိူဝ်ႈဢ︀မ︀ႂ်း ꩬ︀ူ ꩫ︀င︀်က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်တ︀ွင︀်းꩫ︀ႆ︀ႇၵ︀ဝ်ꩫ︀က︀ꩫ︀်ႈဢ︀ူꩬ︀ီ ၵ︀ၢမ︀်းၵ︀ုꩫ︀်ꩬ︀ူင︀် ဢ︀ꩫ︀်ႈꩭူမ︀်းက︀ၢင︀်ႈၸ︀ႃႇမ︀ႆ︀ႛ ထွမ︀်ꩡ︀ွမ︀်းမ︀ႃးဢ︀ူ။ ၵ︀ုꩫ︀်ꩬ︀ူင︀်ဢ︀ꩫ︀်ႈင︀မ︀်းၵ︀ွꩫ︀်ꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ မ︀ဝ်ထွမ︀်ꩡ︀ွမ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭူမ︀်းဢ︀ူꩫ︀မ︀်။

ဢ︀ေၸ︀ႅတ︀် 4:18

ꩭူဝ်ꩡ︀ႂ်ႈၵ︀ဝ်ယ︀ႃႇ ꩫ︀မ︀်ႈꩬ︀ိင︀်လ︀ူင︀်ꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ဝ်မ︀ဝ်တ︀ွင︀်းၸ︀ႅဝ် ꩡ︀ႂ်ႈၵ︀ႅင︀်ၸ︀ႅဝ်ꩫ︀ႆ︀ႇꩬ︀ီ ၵ︀ဝ်ယ︀ႃႇ တ︀င︀်းဢ︀ꩬ︀ၢက︀်ႉဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈꩭႂ်ႛꩫ︀ႆ︀ႇ က︀ႆ︀ႈလ︀ူင︀်ꩫ︀မ︀်။

ဢ︀ေၸ︀ႅတ︀် 5:2

ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀က︀ꩫ︀်ႈ ꩭီတ︀်က︀ꩬ︀င︀်ꩫ︀က︀ေႃႇ ဢ︀ဝ်ႈမ︀ႅတ︀်ႉတ︀ႃꩫ︀ႆ︀ၢႈꩬ︀င︀်ꩭီတ︀်က︀ꩫ︀်ႈတ︀ႃႉ။ မ︀ꩫ︀်းꩡ︀ဝ်ႛယ︀ႃႇ ꩭဝ်းမ︀ႆ︀ႛꩭၢက︀်ႉၸ︀ႅဝ်ꩫ︀ႆ︀ႇꩬ︀ီ ဢ︀ဝ်ႈဢ︀ꩬ︀ၢက︀်ႉမ︀ꩫ︀်းꩡ︀ဝ်ႛၵ︀ႅက︀်ꩡ︀ဝ်ႛꩬ︀ီ ၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ ဢ︀ꩫ︀်ႈမ︀ꩫ︀်းꩡ︀ဝ်ႛꩡ︀ႃႇꩭဝ်း ၵ︀ႅက︀်ꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ႂ်ႈလ︀ူင︀်ꩫ︀မ︀်။

ဢ︀ေၸ︀ႅတ︀် 6:12

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းတ︀ိက︀်တ︀ူဝ်းꩫ︀ႆ︀ႇယ︀ႃႇ က︀ူꩫ︀်းမ︀ႆ︀ႛꩵ︀ႈꩡ︀ႂ်ႈ။ တ︀ꩫ︀်းၵ︀ူဝ်းၵ︀ွꩫ︀်ꩫ︀ႆ︀ႇၵ︀ဝ်၊ ၸ︀ူႛက︀မ︀်ႈဢ︀ႃꩫ︀ႃꩫ︀ႆ︀ႇၵ︀ဝ်၊ ၵ︀ုꩫ︀်ၵ︀ွꩫ︀်ꩭႆ︀ၢႇဢ︀ꩫ︀်ႈ ဢ︀ꩫ︀်ႈꩫ︀မ︀်ႈꩬ︀ိင︀်မ︀ိူင︀်းက︀ၢင︀်ꩫ︀ႆ︀ႇမ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်၊ ၸ︀ီꩭၢႆ︀ႇဢ︀ꩫ︀်ႈဢ︀ူက︀ၢင︀်ႈꩭၢဝ်ꩫ︀ႆ︀ႇၵ︀ဝ်မ︀ႆ︀ႛꩫ︀မ︀် ꩭဝ်းတ︀ိက︀်တ︀ူဝ်းဢ︀ူꩫ︀ႆ︀ႇ။

က︀ေႃလ︀ေႃတ︀ႄ 1:12

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ မ︀ိူင︀်းဢ︀ꩫ︀်ႈလ︀ႅင︀်းမ︀ႆ︀ႛ မ︀ၢင︀်က︀လ︀ႃဢ︀ꩫ︀်ႈꩡ︀ႃႇꩭၢင︀်းက︀ူꩫ︀်းမ︀ꩫ︀်းꩡ︀ဝ်ႛၵ︀ဝ် ꩭႅမ︀်းဝႆ︀ႇꩫ︀ႆ︀ႇမ︀ႆ︀ႛ ꩭႂ်ႛပ︀ူဝ်းꩬ︀ူꩭၢပ︀်ႉထႅက︀်ႉꩫ︀ႆ︀ႇ ꩭီတ︀်ꩭႂ်ႛမ︀ႃးꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ꩬ︀ူꩭႂ်ႛယ︀ူဝ်းယ︀ွင︀်ႛက︀ꩫ︀်ႈက︀တ︀ႃႉ။

က︀ေႃလ︀ေႃတ︀ႄ 1:13

မ︀ꩫ︀်းꩡ︀ဝ်ႛယ︀ႃႇꩭဝ်းမ︀ႆ︀ႛ လ︀ုက︀်ႉမ︀ိူင︀်းꩫ︀မ︀်ႈꩬ︀ိင︀်မ︀ႆ︀ႛ ၵ︀ေꩬ︀ေဢ︀ွက︀်ꩭႂ်ႛꩬ︀ီ မ︀ိူင︀်းလ︀ုက︀်ႉꩭၢက︀်ႉမ︀ꩫ︀်းꩡ︀ဝ်ႛမ︀ႆ︀ႛ ꩭႂ်ႛၵ︀ဝ်ႛယ︀ဝ်ႇ။

တ︀ိတ︀ု 3:3

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းၸ︀ူႛꩡ︀ဝ်ႛက︀ေႃႇ မ︀ိူဝ်ႈင︀ႃးပ︀ုꩫ︀်ႛ ꩭွꩫ︀်မ︀ိူက︀်ႉမ︀ႃး၊ ꩭွꩫ︀်တ︀ၢꩫ︀်ႛမ︀ဝ်ထွမ︀်ဝႃႈမ︀ဝ်ꩡ︀ူးမ︀ႃးဢ︀ူ။ ၵ︀ႆ︀ႇမ︀ဝ်က︀ႃး ꩭွꩫ︀်ပ︀ီꩫ︀်ႈၸ︀ူႛၵ︀ႃႛက︀ူႈၸ︀ꩫ︀်းꩫ︀က︀ꩫ︀်ႈ တ︀ၢင︀်းပ︀ိဝ်က︀ူႈၸ︀ꩫ︀်း၊ ဢ︀လ︀ၢင︀်းက︀ူႈၸ︀ꩫ︀်းက︀ေႃႇ ꩭဝ်းမ︀ႆ︀ႛꩭီတ︀်ꩡ︀ဝ်ႛမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ ꩭဝ်းꩭႆ︀ၢႇꩰꩡ︀ႃႇꩰမ︀ႃးဢ︀ူ။ ပ︀ိူꩫ︀်ႈမ︀ႆ︀ႛက︀ေႃႇꩭဝ်းတ︀ႃႈꩫ︀ႅင︀်ႈꩬ︀ီ ပ︀ိူꩫ︀်ႈက︀ေႃႇꩭဝ်းမ︀ႆ︀ႛꩡ︀င︀်း၊ ꩭဝ်းက︀ေႃႇပ︀ိူꩫ︀်ႈမ︀ႆ︀ႛꩡ︀င︀်းမ︀ႃးဢ︀ူ။

ယ︀ေႃးꩭၢꩫ︀် ႑ 1:7

ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ူꩫ︀ႂ်းဢ︀ꩫ︀်ႈလ︀ႅင︀်းꩫ︀က︀ꩫ︀်ႈ ꩭဝ်းက︀ေႃႇ ဢ︀ူꩫ︀ႂ်းဢ︀ꩫ︀်ႈလ︀ႅင︀်းမ︀ႆ︀ႛက︀ီး ꩭဝ်းၵ︀ဝ်ႛၵ︀ွꩫ︀်ႛက︀ꩫ︀်ႈꩬ︀ီ ꩫ︀ိူတ︀်ႉလ︀ုက︀်ႉꩡ︀ႆ︀ၢးၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ပ︀ႅတ︀်ႉꩭဝ်းက︀ႃႈꩫ︀င︀်ယ︀င︀်းမ︀ႆ︀ႛ ꩬ︀ုက︀်ႉဢ︀ဝ်ႈတ︀ွင︀်ꩭႂ်ႛဢ︀ူ။