ဢ︀ေၸ︀ႅတ︀် 5:5 - Khamti Shan

⁵ က︀ူꩫ︀်းဢ︀ꩫ︀်ႈၸ︀ိတ︀်က︀ႃႛမ︀၊ ဢ︀ꩫ︀်ႈꩭီတ︀်ꩭင︀်ႛꩭီတ︀်ꩭိုက︀်က︀ူႈၸ︀ꩫ︀်းင︀ႆ︀း ဢ︀ꩫ︀်ႈꩡ︀ႂ်ႈတ︀ိင︀်ႈက︀ုပ︀်ꩫ︀ႆ︀ႇၵ︀ဝ်ယ︀ႃႇ မ︀ိူင︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ုပ︀်ႉပ︀ိုင︀်မ︀ႆ︀ႛ ꩵ︀ႈꩫ︀ႆ︀ႛၵ︀ဝ်ႛꩫ︀ꩫ︀ႆ︀ႇ ꩬ︀ူတ︀ွင︀်းတ︀ေႇတ︀ေႇဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းဢ︀ꩫ︀်ႈꩡ︀ႂ်ႈတ︀ိင︀်ႈက︀ုပ︀်ယ︀င︀်းꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈပ︀ႆ︀ၢႛꩭုꩫ︀်ꩭၢင︀်ႈꩫ︀က︀ꩫ︀်ႈꩫ︀မ︀်။

ဢ︀ေၸ︀ႅတ︀် 5:5 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 20:32

င︀ႆ︀ႚ ꩬ︀ူꩡ︀ဝ်ႛမ︀ႆ︀ႛ မ︀ိုဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀မ︀ိူင︀်း၊ တ︀ြႃးက︀ျေးꩡ︀ူးတ︀ူဝ်ꩡ︀ဝ်ႛမ︀ႆ︀ႛတ︀မ︀ိူင︀်း က︀ဝ်ႈဢ︀ၢပ︀်ႉꩭႂ်ႛဢ︀ူ။ တ︀ြႃးက︀ျေးꩡ︀ူးတ︀ူဝ်ꩡ︀ဝ်ႛꩫ︀ႆ︀ႇ ꩬ︀ူꩡ︀ဝ်ႛမ︀ႆ︀ႛဢ︀ဝ်ႈၵ︀ိူင︀်ꩭႂ်ႛꩬ︀ီ ဢ︀က︀ိဝ်းဢ︀ꩫ︀်ႈꩡ︀ႃႇက︀ူꩫ︀်းမ︀ꩫ︀်းꩡ︀ဝ်ႛၵ︀ဝ် ꩡ︀ွင︀်ဝႆ︀ႇꩫ︀ႆ︀ႇၵ︀ဝ် ꩬ︀ူꩡ︀ဝ်ႛမ︀ႆ︀ႛတ︀ီပ︀ူင︀်ႈꩭႂ်ႛꩫ︀မ︀်။

ထဝ်ꩡ︀တ︀်ႉၵ︀ဝ် 8:21

ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ႂ်ႈမ︀ႂ်းမ︀ဝ်ꩬ︀ိုဝ်ႈꩫ︀ꩫ︀်ႈꩫ︀ႆ︀ႇꩬ︀ီ ဢ︀မ︀ူးတ︀ူႈမ︀ႆ︀ႛ မ︀ႂ်းလ︀ွေႛꩵ︀ႈꩫ︀ႆ︀ႛ။

က︀လ︀ႃတ︀ိ 5:19

တ︀ၢင︀်းက︀ႅင︀်းက︀ူꩫ︀်းဢ︀ꩫ︀်ႈꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛမ︀ႆ︀ႛ ꩡ︀ွမ︀်းတ︀ိက︀်ꩰꩫ︀ႆ︀ႇၵ︀ဝ်ယ︀ႃႇ ꩭဝ်းတ︀ွင︀်းꩬ︀ႃႚꩬ︀ႃႚꩫ︀မ︀်။ ၵ︀ဝ်ယ︀ႃႇ ၸ︀ိတ︀်က︀ႃႛမ︀၊ ၸ︀ိတ︀်ၸ︀ူဝ်ၸ︀ိတ︀်မ︀ေးပ︀ိူꩫ︀်ႈ၊ လ︀ွင︀်ႈက︀ႃႛမ︀မ︀ႆ︀ႛၸ︀ိင︀်ႛပ︀ႅင︀်ႈမ︀ဝ်ယ︀င︀်း၊

က︀လ︀ႃတ︀ိ 5:21

ꩬ︀ူꩥ︀်ႛက︀ꩫ︀်ႈ၊ က︀ိꩫ︀်ႈလ︀ဝ်ႛမ︀ဝ်ႇက︀မ︀်ႈက︀ꩫ︀်ႈ၊ ꩭီတ︀်ပ︀ွႆ︀းပ︀ိဝ်က︀ႃႛမ︀က︀ꩫ︀်ႈင︀ႆ︀း ꩭီတ︀်ဢ︀ꩫ︀်ႈမ︀ဝ်ꩫ︀ီႈတ︀ၢင︀်ၸ︀ꩫ︀်း ꩫ︀င︀်ၸ︀ꩫ︀်းဢ︀ꩫ︀်ႈꩫ︀ႆ︀ႇၵ︀ဝ်ꩫ︀မ︀်။ ꩬ︀ူမ︀ႆ︀ႛ ꩫ︀င︀်မ︀ိူဝ်ႈင︀ႃးပ︀ုꩫ︀်ႛ က︀ဝ်ႈꩭႂ်ႛꩬ︀တ︀ိမ︀ႃးꩫ︀က︀ꩫ︀်ႈ င︀ႆ︀ႚက︀ေႃႇꩭႂ်ႛꩬ︀တ︀ိဢ︀ိက︀်က︀ွတ︀်။ က︀ူꩫ︀်းဢ︀ꩫ︀်ႈꩭီတ︀်ၸ︀ꩫ︀်းဢ︀မ︀ႂ်းꩫ︀ႆ︀ႇၵ︀ဝ်ယ︀ႃႇ ဢ︀မ︀ွေဢ︀ꩫ︀်ႈဢ︀ူမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ ꩵ︀ႈꩫ︀ႆ︀ႛ။

ဢ︀ေၸ︀ႅတ︀် 5:3

ꩬ︀ူယ︀ႃႇပ︀ီꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ဢ︀ꩫ︀်ႈၸ︀ိတ︀်က︀ႃႛမ︀၊ ဢ︀ꩫ︀်ႈꩭီတ︀်ꩭင︀်ႛꩭီတ︀်ꩭိုက︀်က︀ူႈၸ︀ꩫ︀်းင︀ႆ︀း ꩡ︀ႂ်ႈတ︀ိင︀်ႈက︀ုပ︀်ꩫ︀ႆ︀ႇၵ︀ဝ် ꩵ︀ႈဝႃႈယ︀င︀်းပ︀ိူင︀်ႈလ︀ူင︀်။ ဢ︀ꩫ︀်ႈမ︀ဝ်ꩫ︀ီႈဢ︀မ︀ႂ်းၵ︀ဝ် လ︀ုက︀်ႉꩬ︀ူပ︀်မ︀ႆ︀ႛꩫ︀ႆ︀ၢႈက︀ေႃႇ ပ︀ီဢ︀ွက︀်ပ︀ိူင︀်ႈလ︀ူင︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀မ︀ႂ်းၵ︀ဝ်ယ︀ႃႇ ꩡ︀ႃႇက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ် ꩵ︀ႈထုက︀်ပ︀ိူင︀်ႈလ︀ူင︀်။

က︀ေႃလ︀ေႃတ︀ႄ 1:13

မ︀ꩫ︀်းꩡ︀ဝ်ႛယ︀ႃႇꩭဝ်းမ︀ႆ︀ႛ လ︀ုက︀်ႉမ︀ိူင︀်းꩫ︀မ︀်ႈꩬ︀ိင︀်မ︀ႆ︀ႛ ၵ︀ေꩬ︀ေဢ︀ွက︀်ꩭႂ်ႛꩬ︀ီ မ︀ိူင︀်းလ︀ုက︀်ႉꩭၢက︀်ႉမ︀ꩫ︀်းꩡ︀ဝ်ႛမ︀ႆ︀ႛ ꩭႂ်ႛၵ︀ဝ်ႛယ︀ဝ်ႇ။

က︀ေႃလ︀ေႃတ︀ႄ 3:5

င︀ႆ︀းꩫ︀ႆ︀ႇꩬ︀ီ လ︀ုက︀်ႉꩫ︀ႂ်းꩬ︀ူမ︀ႆ︀ႛ တ︀ၢင︀်းက︀ႅင︀်းမ︀ိူင︀်းက︀ၢင︀်ႈ ဢ︀ꩫ︀်ႈꩭွင︀်က︀ႃမ︀က︀ုင︀်၊ ဢ︀ꩫ︀်ႈꩫ︀င︀်ꩫ︀ိူဝ်ႇမ︀ိူဝ်ႛꩫ︀က︀ꩫ︀်ႈꩭီတ︀်မ︀ေထုင︀်၊ ဢ︀ꩫ︀်ႈက︀ႃႛမ︀ပ︀ူꩫ︀်ႇၸ︀ိင︀်ႛ၊ ဢ︀ꩫ︀်ႈၵ︀ႂ်ႈꩭီတ︀်ဢ︀ꩫ︀်ႈမ︀ဝ်ꩫ︀ီႈ၊ ဢ︀ꩫ︀်ႈလ︀ေႃးၸ︀ႃးယ︀ႂ်ꩫ︀ႆ︀ႇၵ︀ဝ် ဢ︀ဝ်ႈၵ︀ွတ︀်မ︀ူတ︀်ꩰက︀ꩫ︀်ႈတ︀ႃႉ။ ဢ︀ꩫ︀်ႈလ︀ေႃးၸ︀ႃးယ︀ႂ်ꩫ︀ꩫ︀ႆ︀ႇ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈၸ︀ꩫ︀်းလ︀ိူင︀်ႈꩫ︀မ︀်။

တ︀ိမ︀ေႃတ︀ေ ႑ 6:10

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈင︀ိူꩫ︀်းမ︀ႆ︀ႛꩭူဝ်လ︀မ︀်ꩭူဝ်ꩬ︀ူꩫ︀်းꩬ︀ီꩭွꩫ︀်ႈꩭႅꩫ︀်ႈꩫ︀ꩫ︀ႆ︀ႇ င︀ဝ်ႛꩭူဝ်ဢ︀ꩫ︀်ႈဢ︀ွꩫ︀်ႈꩭီတ︀်ဢ︀ပ︀ႅတ︀်ႉလ︀ႆ︀ၢၸ︀ꩫ︀်းꩫ︀မ︀်။ က︀ူꩫ︀်းမ︀ၢင︀်ႈၸ︀ွင︀်းယ︀ႃႇ ꩭွꩫ︀်ႈꩭႅꩫ︀်ႈင︀ိူꩫ︀်းၸ︀ႅဝ်ꩬ︀ီ လ︀ုက︀်ႉတ︀ၢင︀်းဢ︀ꩫ︀်ႈယ︀ုမ︀်ယ︀မ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၸ︀ႆ︀က︀ႃꩬ︀ီ ꩡ︀ႂ်ႈလ︀ူႇၵ︀ီၵ︀ုမ︀်က︀ꩫ︀်ႈယ︀ဝ်ႇ။

တ︀ိမ︀ေႃတ︀ေ ႑ 6:17

တ︀ိမ︀ေႃတ︀ေꩴ︀း က︀ူꩫ︀်းဢ︀ꩫ︀်ႈမ︀ီးမ︀ၢက︀်ႉလ︀ူင︀်ꩫ︀ႆ︀ႇၵ︀ဝ် ꩭႂ်ႛပ︀ူဝ်းမ︀ဝ်က︀မ︀်ႇလ︀ွင︀်ႛꩫ︀ႆ︀ႇ ၵ︀ဝ်မ︀ႆ︀ႛꩬ︀တ︀ိꩭႂ်ႛတ︀ႃႉ။ ꩭႂ်ႛပ︀ူဝ်းၵ︀ဝ် ꩡ︀ေးꩡ︀ိမ︀်မ︀ိူင︀်းက︀ၢင︀်ႈမ︀ႆ︀ႛ မ︀ဝ်ပ︀ိုင︀်ႈဢ︀ိင︀်ႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းမ︀ႆ︀ႛၵ︀ွင︀်းꩰလ︀ွင︀်းꩰ ပ︀ူင︀်ႈဢ︀က︀ိဝ်းꩭႂ်ႛမ︀ႆ︀ႛꩬ︀ိုင︀် ပ︀ိုင︀်ႈဢ︀ိင︀်ႈꩫ︀ႆ︀ႇ ၵ︀ဝ်မ︀ႆ︀ႛꩬ︀ွꩫ︀်ꩬ︀င︀်ꩭႂ်ႛတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭႂ်ႛပ︀ူဝ်းꩭဝ်းပ︀ိဝ်မ︀ူꩫ︀်းꩫ︀ႆ︀ႇ ꩡ︀ေးꩡ︀ိမ︀်ဢ︀မ︀ႂ်းၵ︀ဝ် ပ︀ူင︀်ႈꩭႂ်ႛမ︀ႃးꩫ︀မ︀်။

ꩭေပ︀ရ︀ူး 13:4

လ︀ွင︀်ႈတ︀င︀်ႛꩭိူꩫ︀်းတ︀ေယ︀ေးမ︀ႆ︀ႛ က︀ူႈက︀ူဝ်ႇဝႆ︀ႇၵ︀ꩫ︀်ꩫ︀ၢပ︀်ႉယ︀မ︀်ႈ က︀ꩫ︀်ႈတ︀ႃႉ။ ပ︀ူဝ်ႈꩭိူꩫ︀်းမ︀ေႈꩭိူꩫ︀်းၸ︀ူႛꩡ︀ဝ်ႛမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းက︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းဢ︀ꩫ︀်ႈၸ︀ိတ︀်မ︀ေထုင︀် ဢ︀ꩫ︀်မ︀ဝ်တ︀ြႃးꩫ︀ၵ︀ႃ ဢ︀ꩫ︀်ႈၸ︀ိတ︀်ၸ︀ူဝ်ပ︀ိူꩫ︀်ႈမ︀ေးပ︀ိူꩫ︀်ႈꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးꩫ︀မ︀်။

ၿျႃၻိက︀်ႉ 21:8

ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈက︀ူဝ်ႈꩭႆ︀ၢႇ၊ ဢ︀ꩫ︀်ႈꩬ︀ႅတ︀်ႉꩡ︀ႃမ︀ဝ်ယ︀င︀်း၊ ဢ︀ꩫ︀်ႈၵ︀ိူင︀်ႈꩫ︀ီႈမ︀ုက︀်ႉလ︀ႆ︀ၢး၊ ဢ︀ꩫ︀်ႈဢ︀ဝ်ႈတ︀ႆ︀ၢႈပ︀ိူꩫ︀်ႈ၊ ဢ︀ꩫ︀်ႈၸ︀ိတ︀်မ︀ေးလ︀ုက︀်ႉပ︀ိူꩫ︀်ႈ၊ ဢ︀ꩫ︀်ႈပ︀ိူꩫ︀်ႈမ︀ႆ︀ႛလ︀ၢပ︀်ႉတ︀ႃႈ၊ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈ၊ ဢ︀ꩫ︀်ႈၸ︀ႅတ︀်ႉၸ︀ၢင︀်းꩫ︀ႆ︀ႇၵ︀ဝ်ယ︀ႃႇ တ︀ီꩫ︀ႆ︀ႛတ︀ူက︀်ꩫ︀ွင︀်ၸ︀ႆ︀းက︀ၢꩫ︀်ႇꩫ︀မ︀်။ ဢ︀မ︀ႂ်းယ︀ႃႇ ဢ︀ꩫ︀်ႈတ︀ႆ︀ၢႈတ︀ုတ︀ိယ︀ꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 22:15

ꩫ︀ႆ︀ႇꩫ︀က︀ေႃႇ က︀ူꩫ︀်းဢ︀ꩫ︀်ႈꩡ︀ႂ်ႈက︀ူꩫ︀်းမ︀ဝ်ယ︀င︀်းꩫ︀ႆ︀ႇၵ︀ဝ်၊ ဢ︀ꩫ︀်ႈꩡ︀ွႆ︀းပ︀ိူꩫ︀်ႈꩫ︀ႆ︀ႇၵ︀ဝ်၊ ဢ︀ꩫ︀်ႈၸ︀ိတ︀်မ︀ေးလ︀ုက︀်ႉပ︀ိူꩫ︀်ႈꩫ︀ႆ︀ႇၵ︀ဝ်၊ ၸ︀ူႛဢ︀ဝ်ႈတ︀ႆ︀ၢႈက︀ူꩫ︀်းꩫ︀ႆ︀ႇၵ︀ဝ်၊ ၸ︀ူႛပ︀ႆ︀ၢႛꩭုꩫ︀်ꩭၢင︀်ႈꩫ︀ႆ︀ႇၵ︀ဝ်၊ ၸ︀ူႛၸ︀ႅတ︀်ႉၸ︀ၢင︀်းꩫ︀ႆ︀ႇၵ︀ဝ်ယ︀ႃႇက︀ꩫ︀်ႛꩫ︀ႂ်းဝီင︀်းမ︀ႆ︀ႛ ꩵ︀ႈꩫ︀ႆ︀ႛၵ︀ဝ်ႛ။