ဢ︀ေၸ︀ႅတ︀် 5:4 - Khamti Shan

⁴ ၵ︀ၢမ︀်းဢ︀ꩫ︀်မ︀ီꩫ︀်၊ ဢ︀ꩫ︀်ႈယ︀ုက︀်ႉင︀ႆ︀း ဢ︀ꩫ︀်ႈယ︀ဝ်ႇꩭင︀်ႛယ︀ဝ်ႇꩭိုက︀်ꩫ︀ႆ︀ႇၵ︀ဝ် ꩬ︀ူမ︀ဝ်ထုက︀်ဝႃႈꩫ︀ႆ︀ႇꩬ︀ီ ꩵ︀ႈဝႃႈဝႃႈပ︀ိူင︀်ႈလ︀ူင︀်။ ၵ︀ၢမ︀်းဢ︀ꩫ︀်ႈယ︀ူဝ်းယ︀ွင︀်ႛၸ︀ြႃးပ︀ီꩫ︀်ႈꩡ︀ဝ်ႛꩬ︀င︀် ထုက︀်ဝႃႈꩬ︀ီဢ︀ူꩫ︀မ︀်။

ဢ︀ေၸ︀ႅတ︀် 5:4 ပူးပေါင်းရင်းမြစ်များ

မ︀ႃက︀ု 7:22

ဢ︀ꩫ︀်ႈၸ︀ိတ︀်ꩭွင︀်ႛꩭိူꩫ︀်းပ︀ိူꩫ︀်ႈ၊ ဢ︀ꩫ︀်ႈလ︀ေႃးၸ︀ႃးယ︀ႂ်ပ︀ူꩫ︀်ႇ၊ ဢ︀ꩫ︀်ႈꩭီတ︀်ꩭၢႆ︀ႇꩭီတ︀်ꩡ︀ႃႇ၊ ဢ︀ꩫ︀်ႈၸ︀ႅတ︀်ႉၸ︀ၢင︀်းပ︀ိူꩫ︀်ႈ၊ ဢ︀ꩫ︀်ႈၸ︀ိတ︀်ပ︀ိူင︀်ႈတ︀ြႃး၊ ဢ︀ꩫ︀်ႈပ︀ိူꩫ︀်ႈမ︀ႆ︀ႛတ︀ႃႈꩫ︀ႅင︀်ႈ၊ ဢ︀ꩫ︀်ႈမ︀ႃꩫ︀ယ︀ႂ်၊ ဢ︀ꩫ︀်ႈယ︀ုက︀်ႉꩭင︀်ႛꩫ︀ႆ︀ႇၵ︀ဝ်

ယ︀ေႃးꩭၢꩫ︀် 6:23

ꩫ︀ႆ︀ႇꩫ︀က︀ေႃႇ ꩭိူဝ်းတ︀ၢင︀်ဢ︀ꩫ︀်ႈ ဢ︀ꩫ︀်ႈလ︀ုက︀်ႉဝီင︀်းတ︀ိၿေရ︀ိမ︀ႆ︀ႛ မ︀ႃးꩫ︀ႆ︀ႇၵ︀ဝ်ယ︀ႃႇ ၸ︀ၢက︀်ႉꩫ︀ွင︀်တ︀ႆ︀ၢႛတ︀ီႈဢ︀ꩫ︀်ႈꩡ︀ဝ်ႛယ︀ေꩬ︀ု ယ︀ူဝ်းယ︀ွင︀်ႛၸ︀ြႃးပ︀ီꩫ︀်ႈꩡ︀ဝ်ႛꩬ︀ီ လ︀ီင︀်ႇက︀ူꩫ︀်းꩭႃႛꩭီင︀်မ︀ႃးꩫ︀ႆ︀ႇမ︀ႆ︀ႛ ထိုင︀်မ︀ႃးက︀ꩫ︀်ႈဢ︀ူ။

ရ︀ေႃမ︀ 1:28

ၸ︀ြႃးပ︀ီꩫ︀်ႈꩡ︀ဝ်ႛပ︀ီꩫ︀်ႈꩫ︀င︀်ꩭိုဝ်တ︀ေႇတ︀ေႇꩫ︀ꩫ︀ႆ︀ႇမ︀ႆ︀ႛ ၵ︀ဝ်မ︀ဝ်ၵ︀ႂ်ႈꩡ︀ႂ်ႈပ︀ိူင︀်ႈလ︀ူင︀်ꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇၵ︀ဝ်မ︀ႆ︀ႛ ၵ︀ွတ︀်ꩬ︀ီ ꩡ︀ႂ်ႈမ︀ိူက︀်ႉၵ︀ဝ်ꩫ︀ႆ︀ႇ ၵ︀ဝ်မ︀ႆ︀ႛပ︀ေႇထူမ︀်ႛက︀ႃꩫ︀မ︀်။ င︀ႆ︀းꩫ︀ႆ︀ႇꩬ︀ီ ၵ︀ဝ်ဢ︀ူမ︀ဝ်ꩫ︀ႆ︀ႛꩬ︀ီ ဢ︀ꩫ︀်ႈꩭင︀်ႛဢ︀ꩫ︀်ႈꩭိုက︀်ꩫ︀ႆ︀ႇၵ︀ဝ်တ︀င︀်းမ︀ိူင︀်းꩭီတ︀်ဢ︀ူꩫ︀မ︀်။

က︀ေႃရ︀ိꩫ︀်တ︀ု ႒ 9:15

ꩬ︀ူးက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ယ︀ႂ်မ︀ႅတ︀်ႉလ︀ူင︀်ꩫ︀ႆ︀ႇꩬ︀ီ ပ︀ႆ︀ႉꩭဝ်း မ︀ꩫ︀်းꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။

ဢ︀ေၸ︀ႅတ︀် 4:29

ၵ︀ၢမ︀်းဢ︀ꩫ︀်ႈပ︀ိူꩫ︀်ႈမ︀ႆ︀ႛ တ︀ီပ︀ီꩫ︀်ႈၸ︀ေးꩫ︀ႆ︀ႇၵ︀ဝ် ပ︀ီတ︀ၢꩫ︀်ႛပ︀ိူင︀်ႈလ︀ူင︀်။ ၵ︀ၢမ︀်းဢ︀ꩫ︀်ႈꩡ︀ႃႇပ︀ိူꩫ︀်ႈတ︀ီꩫ︀ီႈꩫ︀ႆ︀ႇၵ︀ဝ်ꩫ︀ႆ︀ၢႈꩬ︀င︀် ꩭႂ်ႛပ︀ူဝ်းပ︀ိူꩫ︀်ႈꩭႅင︀်းၵ︀ိုꩫ︀်ႛꩫ︀ႆ︀ႇတ︀ၢꩫ︀်ႛတ︀ႃႉ။ င︀ႆ︀းက︀ီး ꩡ︀ႃႇၸ︀ူႛထွမ︀်ꩫ︀ႆ︀ႇၵ︀ဝ် ဢ︀က︀ိဝ်းယ︀င︀်းဢ︀ူ။

ၸ︀ိလ︀ိပ︀်ပ︀ၢႆ︀ 4:6

က︀ွပ︀်ႉပ︀ိူဝ်ႈက︀ꩬ︀င︀်ပ︀တ︀ု ပ︀ီက︀ပ︀်ႉꩡ︀ႂ်ႈ။ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ျေးꩡ︀ူးတ︀ၢင︀်ꩬ︀ီ ဢ︀ꩫ︀်ႈꩬ︀ူꩭၢင︀်ႇꩫ︀ႆ︀ႇ ယ︀ွꩫ︀်းꩬ︀ူးက︀ꩫ︀်ႈတ︀ႃႉ။

က︀ေႃလ︀ေႃတ︀ႄ 3:8

ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇꩬ︀ူ ဢ︀ꩫ︀်ႈတ︀ေႃးꩬ︀ႃးက︀ꩫ︀်ႈ၊ ဢ︀ꩫ︀်ႈပ︀ၢဝ်က︀ꩫ︀်ႈဢ︀ိဝ်က︀ꩫ︀်ႈ၊ ဢ︀ꩫ︀်ႈꩡ︀င︀်းက︀ꩫ︀်ႈꩫ︀ႆ︀ႇၵ︀ဝ် ၵ︀ွတ︀်မ︀ူတ︀်ꩰက︀ꩫ︀်ႈတ︀ႃႉ။ ၵ︀ၢမ︀်းဢ︀ꩫ︀်ႈဢ︀ဝ်ႈꩬ︀ူဝ်ႇက︀ꩫ︀်ႈ၊ ၵ︀ၢမ︀်းဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်က︀ေႃႇ ပ︀ီဝႃႈပ︀ိူင︀်ႈလ︀ူင︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 3:9

လ︀ႆ︀ၢးပ︀ိူဝ်ႈꩬ︀ူꩫ︀ႆ︀ႇ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛꩭဝ်း မ︀ႆ︀ႛ တ︀ူႈꩫ︀ႆ︀ႛꩡ︀ူမ︀်းꩭုမ︀်လ︀ူင︀်ꩫ︀ႆ︀ႇꩬ︀ီ မ︀ူꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:18

ပ︀ီꩫ︀်ႈꩭိုဝ်ꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။ ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူဢ︀ꩫ︀်ႈယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩡ︀ဝ်ႛယ︀ေꩬ︀ုꩫ︀ႆ︀ႇၵ︀ဝ်မ︀ႆ︀ႛ ၵ︀ႂ်ႈꩭႂ်ႛက︀မ︀်ႈက︀ႅင︀်းꩫ︀ႆ︀ႇꩫ︀မ︀်။

ၸ︀ိလ︀ေမ︀ုꩫ︀် 1:8

ꩫ︀ွင︀်ႇက︀ဝ်ႈꩴ︀း က︀ဝ်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်လ︀ိူက︀်ႉဝႆ︀ႇꩫ︀ႆ︀ႇꩬ︀ီ လ︀ွင︀်ႈဢ︀ꩫ︀်ႈမ︀ႂ်းဝႃႈꩭီတ︀်ꩫ︀ႆ︀ႇမ︀ႂ်းမ︀ႆ︀ႛ ꩡ︀ႂ်ႇဢ︀ဝ်ႈꩫ︀ႆ︀ႛဢ︀ူ။

ꩭေပ︀ရ︀ူး 13:15

င︀ႆ︀းꩫ︀ႆ︀ႇꩬ︀ီ ပ︀ႆ︀ႉꩭဝ်း ၵ︀ႅက︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ဝ်ႛꩫ︀ꩬ︀ီ လ︀ုက︀်ႉꩬ︀ူပ︀်ꩭဝ်းမ︀ႆ︀ႛ ယ︀ူဝ်းယ︀ွင︀်ႛꩫ︀ႆ︀ႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ဝ်ႈꩡ︀ိုဝ်ႈꩡ︀ဝ်ႛယ︀ေꩬ︀ု ပ︀ုက︀်ႉꩡ︀ူဝ်က︀ႃꩫ︀မ︀်။

ပ︀ေတ︀ရ︀ု ႒ 2:18

ၵ︀ဝ်ယ︀ႃႇ ၵ︀ၢမ︀်းဢ︀ꩫ︀်ႈက︀မ︀်ႇလ︀ွင︀်ႛ ဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းꩫ︀ႆ︀ႇၵ︀ဝ်ဝႃႈꩬ︀ီ က︀ူꩫ︀်းဢ︀ꩫ︀်ႈꩬ︀င︀်က︀ူဝ်လ︀ုက︀်ႉတ︀ၢင︀်းၸ︀ိတ︀်မ︀ႆ︀ႛ တ︀ၢဝ်ႈပ︀ွက︀်ႉမ︀ႃးꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈတ︀ၢင︀်းပ︀ိဝ်ꩭင︀်ႛပ︀ိဝ်ꩭိုက︀်ꩫ︀ႆ︀ႇၵ︀ဝ် က︀ဝ်းꩬ︀ီဢ︀ဝ်ႈပ︀ႅက︀်တ︀ၢင︀်းက︀ႃꩫ︀က︀ဝ်ဢ︀ူ။

ပ︀ေတ︀ရ︀ု ႒ 2:7

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛ မ︀ိူဝ်ႈဝီင︀်းꩬ︀ေႃတ︀ုင︀်မ︀ႆ︀ႛ ꩵ︀ႈပ︀ႆ︀ꩬ︀ုမ︀်ၸ︀ႆ︀းꩫ︀ႆ︀ႇ လ︀ေႃတ︀ꩫ︀ꩫ︀ႆ︀ႇက︀ူဝ်ႇလ︀ိူင︀်ႈမ︀ႆ︀ႛယ︀ႃႇ လ︀ုက︀်ႉဝီင︀်းဢ︀မ︀ႂ်းမ︀ႆ︀ႛ ၵ︀ေꩬ︀ေဢ︀ွက︀်ꩭႂ်ႛမ︀ႃးဢ︀ူ။ လ︀ေႃတ︀ယ︀ႃႇ က︀ူဝ်ႇဢ︀ꩫ︀်ႈꩬ︀ိုဝ်ႈတ︀ူဝ်ꩬ︀ီ တ︀ၢင︀်းက︀ႅင︀်းꩭင︀်ႛက︀ူꩫ︀်းꩭႆ︀ၢႇꩫ︀ႆ︀ႇၵ︀ဝ်မ︀ႆ︀ႛ ꩡ︀ႂ်ႈၸ︀ေႛꩬ︀ီဢ︀ူမ︀ႃးꩫ︀မ︀်။

ယ︀ုတ︀ 1:10

ꩫ︀ႆ︀ႇꩫ︀က︀ေႃႇ က︀ူꩫ︀်းဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈၵ︀ဝ်မ︀ဝ်ပ︀ွင︀်ꩡ︀ႂ်ႈꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ က︀ေးလ︀ေးင︀ႆ︀းꩬ︀ီ ꩫ︀င︀်ꩫ︀ိူဝ်ႇမ︀ိူဝ်ႛဢ︀ꩫ︀်ႈၵ︀ႂ်ႈꩡ︀ႂ်ႈမ︀ဝ်ꩡ︀ၢင︀်ႈꩫ︀ႆ︀ႇၵ︀ဝ်ꩫ︀က︀ꩫ︀်ႈ ဢ︀ꩫ︀်ႈꩫ︀င︀်ၵ︀ဝ်တ︀ွင︀်းꩫ︀က︀ꩫ︀်ႈꩫ︀ႆ︀ၢႈꩬ︀ိုင︀်ꩭီတ︀်ꩬ︀ီ ၵ︀ဝ်ၸ︀ူႛꩡ︀ဝ်ႛမ︀ႆ︀ႛ ဢ︀ဝ်ႈလ︀ူႇပ︀ႅက︀်ႉက︀ႃက︀ꩫ︀်ႈဢ︀ူ။

ယ︀ုတ︀ 1:13

ၸ︀ွင︀်းꩫ︀မ︀်ႇပ︀ၢင︀်လ︀ႆ︀ၢဢ︀ꩫ︀်ႈပ︀ိင︀်ႈပ︀ူပ︀်ဢ︀ွက︀်ꩬ︀ီ ယ︀ႃးတ︀ၢင︀်းဢ︀ႆ︀ၢႈၸ︀ူႛꩡ︀ဝ်ႛꩫ︀ႆ︀ႇၵ︀ဝ်ꩫ︀က︀ꩫ︀်ႈ၊ ꩫ︀ၢဝ်ႈမ︀ီꩫ︀်ႈဢ︀ꩫ︀်ႈပ︀ႅဝ်ႈလ︀ေꩫ︀ႆ︀ႇၵ︀ဝ်ꩫ︀က︀ꩫ︀်ႈꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ႃႇꩭၢင︀်းၵ︀ဝ် တ︀ီႈဢ︀ꩫ︀်ႈမ︀ိူဝ်ႈလ︀ႂ်ႈက︀ေႃႇ ꩫ︀မ︀်ႈꩬ︀ိင︀်တ︀ိက︀်ႉꩰꩭႅမ︀်းဝႆ︀ႇဢ︀ူ။