ဢ︀ေၸ︀ႅတ︀် 5:18 - Khamti Shan

¹⁸ ꩬ︀ူယ︀ႃႇ ပ︀ီမ︀ူးပ︀ီမ︀ဝ်းက︀ꩫ︀်ႈ။ ꩭၢင︀်းꩭႂ်ႛꩬ︀ူၸ︀ူႛꩡ︀ဝ်ႛꩬ︀ိုင︀် လ︀ူႇပ︀ႅက︀်ႉက︀ႃꩫ︀ႆ︀ၢႈꩫ︀မ︀်။ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ိုင︀် ꩬ︀ူမ︀ႆ︀ႛꩭႂ်ႛထႅမ︀်တ︀ီမ︀်ႈꩰꩬ︀ီ ꩭႂ်ႛဢ︀ုပ︀်ႉပ︀ိုင︀်က︀ꩫ︀်ႈတ︀ႃႉ။

ဢ︀ေၸ︀ႅတ︀် 5:18 ပူးပေါင်းရင်းမြစ်များ

မ︀တ︀်တ︀ႄး 23:25

ꩬ︀ြႃတ︀ြႃးၵ︀ဝ် ၸ︀ႃရ︀ိꩬ︀ႄၵ︀ဝ်ꩴ︀း ꩬ︀ူယ︀ႃႇ ၸ︀ူႛက︀ႅမ︀်ႛꩫ︀ႃႛလ︀ူင︀်ꩫ︀မ︀်။ ꩡ︀ႃႇꩭၢင︀်းꩬ︀ူယ︀ႃႇ ၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူယ︀ႃႇ ꩫ︀င︀်က︀ွက︀်၊ က︀ွင︀်ၵ︀ဝ်ႛဢ︀ꩫ︀်ႈက︀ꩫ︀်ႛꩫ︀ွက︀်ႉမ︀ႆ︀ႛꩫ︀ႆ︀ၢႈꩬ︀ိုင︀်လ︀ၢင︀်ႇꩬ︀ီ ပ︀ႃႛက︀ꩫ︀်ႛꩫ︀ႂ်းမ︀ႆ︀ႛယ︀ႃႇ ꩭင︀်ႛပ︀လ︀က︀်ꩬ︀က︀်ႉꩰꩫ︀ႆ︀ၵ︀ဝ်ꩫ︀က︀ꩫ︀်ႈꩫ︀မ︀်။ ꩫ︀ႂ်းꩡ︀ႂ်ႈꩬ︀ူမ︀ႆ︀ႛယ︀ႃႇ ꩡ︀ႂ်ႈလ︀ေႃးၸ︀ႃး၊ ꩡ︀ႂ်ႈꩭတ︀်ꩡ︀ႂ်ႈက︀ႅမ︀်းꩫ︀ႆ︀ႇၵ︀ဝ်ꩫ︀ႆ︀ၢႈꩬ︀ိုင︀် တ︀ီမ︀်ႈက︀ꩫ︀်ႈꩫ︀မ︀်။

မ︀တ︀်တ︀ႄး 24:49

ၸ︀ူႛꩡ︀ႂ်ႇတ︀ၢင︀်က︀ူဝ်ႇꩫ︀ႆ︀ႇၵ︀ဝ်မ︀ႆ︀ႛ တ︀ုက︀်ႉꩰပ︀ူဝ်ႇꩰင︀ႆ︀း တ︀င︀်းယ︀ႃလ︀ဝ်ႛꩫ︀ႆ︀ႇၵ︀ဝ် တ︀ီက︀ိꩫ︀်ႈပ︀ိဝ်ꩬ︀ီဢ︀ူꩫ︀မ︀်။

လ︀ုက︀ႃ 1:15

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ုက︀်ႉမ︀ႂ်းယ︀ေႃးꩭၢꩫ︀်ယ︀ႃႇ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ီယ︀ႂ်မ︀ႅတ︀်ႉလ︀ူင︀်ꩫ︀မ︀်။ မ︀ꩫ︀်းယ︀ႃႇ ဝၢႆ︀မ︀က︀်ꩡ︀ပ︀ႅတ︀်ႉ၊ လ︀ဝ်ႛက︀ꩬ︀င︀်က︀ေႃႇ ꩵ︀ႈꩫ︀ႆ︀ႛက︀ိꩫ︀်ႈ။ လ︀ုက︀်ႉမ︀ိူဝ်ႈယ︀င︀်းပ︀ုꩫ︀်ႛ မ︀ꩫ︀်းမ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ တ︀ီၵ︀ိင︀်းꩫ︀မ︀်။

လ︀ုက︀ႃ 11:13

ꩬ︀ူ က︀ူꩫ︀်းဢ︀ꩫ︀်ႈမ︀ဝ်ꩫ︀ီႈꩫ︀ႆ︀ၢႈက︀ေႃႇ လ︀ုက︀်ႉꩬ︀ူမ︀ႆ︀ႛ ဢ︀ꩫ︀်ႈꩫ︀ီႈꩭႂ်ႛꩡ︀ၢင︀်ႈက︀ီး ပ︀ူဝ်က︀ၢင︀်ႈꩭၢဝ်ꩬ︀ူယ︀ႃႇ က︀ူဝ်ႇဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ယ︀ွꩫ︀်းꩫ︀ႆ︀ႇၵ︀ဝ်မ︀ႆ︀ႛ ၵ︀ွꩫ︀်မ︀ꩫ︀်းꩡ︀ဝ်ႛ ၵ︀ႆ︀ႇမ︀ဝ်က︀ႃးတ︀ီꩭႂ်ႛꩫ︀မ︀်” ꩫ︀ဝꩫ︀်ႇ။

လ︀ုက︀ႃ 12:45

ꩫ︀ႆ︀ႇꩫ︀က︀ေႃႇ ၸ︀ူႛꩫ︀မ︀်းꩫ︀ႂ်းꩫ︀ႆ︀ႇ “ꩡ︀ဝ်ႛက︀ဝ်ႈ င︀ႆ︀ၢႈꩰတ︀ီပ︀ႆ︀ပ︀ွက︀်ႉမ︀ႃးꩵ︀ႈꩡ︀ႂ်ႈ” ꩫ︀ꩬ︀ီ ၸ︀ူႛꩡ︀ႂ်ႇတ︀ၢင︀်က︀ူဝ်ႇꩫ︀ႆ︀ႇၵ︀ဝ်မ︀ႆ︀ႛ တ︀ုက︀်ႉꩰပ︀ူဝ်ႇꩰင︀ႆ︀း က︀ိꩫ︀်ႈꩰမ︀ဝ်းꩰꩬ︀ီဢ︀ူဢ︀ူ။

လ︀ုက︀ႃ 21:34

ꩬ︀ူꩬ︀တ︀ိꩬ︀ီဢ︀ူက︀ꩫ︀်ႈတ︀ႃႉ။ ꩫ︀ႆ︀ႇမ︀ဝ်ꩡ︀ႂ်ႈက︀ီး မ︀ိူဝ်ႈꩬ︀ူက︀ိꩫ︀်ႈꩰမ︀ဝ်းꩰꩬ︀ီ လ︀ွင︀်ႈက︀ိꩫ︀်ႈ၊ လ︀ွဝ်ႈꩫ︀ုင︀်ႈ၊ လ︀ွင︀်ႈဢ︀ူꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ၢႈꩬ︀ိုင︀် ဢ︀မ︀ူးယ︀ုင︀်ႛဢ︀ူꩫ︀ႆ︀ႇ မ︀ဝ်ထိူပ︀်မ︀ဝ်တ︀ႂ်းꩬ︀ီ လ︀ွင︀်ႈဢ︀မ︀ႂ်းၵ︀ဝ် တ︀ီပ︀ီꩫ︀်ႈမ︀ႃးꩫ︀မ︀်။

ယ︀ေႃးꩭၢꩫ︀် 2:10

“ဢ︀ႃးဝႃႈ ꩭိုဝ်လ︀ိုဝ်ꩫ︀ႆ︀ မ︀ႂ်းယ︀ႃႇ ဝၢႆ︀မ︀က︀်ꩡ︀ပ︀ႅတ︀်ႉဢ︀ꩫ︀်ႈၵ︀ႅꩫ︀်းꩫ︀ီႈꩫ︀ႆ︀ႇ င︀ႆ︀ႚꩬ︀င︀် ဢ︀ဝ်ႈဢ︀ွက︀်ꩫ︀ႆ︀ႇ။ ပ︀ိူꩫ︀်ႈယ︀ႃႇၸ︀ႂ်က︀ေႃႇ ဢ︀ꩫ︀်ႈၵ︀ႅꩫ︀်းꩫ︀ီႈꩫ︀ႆ︀ႇꩬ︀င︀် လ︀ီင︀်ႇဢ︀ွꩫ︀်ႈတ︀ၢင︀်းက︀ေႃႇ။ ပ︀ီႈꩫ︀ွင︀်ႇဢ︀ꩫ︀်ႈမ︀ႃးပ︀ွႆ︀းꩫ︀ႆ︀ႇၵ︀ဝ် က︀ိꩫ︀်ႈဢ︀ိမ︀်ꩬ︀ီ ꩬ︀ိူဝ်းမ︀ႃးက︀ႃꩫ︀ႆ︀ႇꩬ︀ိုင︀် ဢ︀ꩫ︀်ႈမ︀ဝ်ပ︀ူဝ်းꩫ︀ီႈꩫ︀ႆ︀ႇ ဢ︀ဝ်ႈဢ︀ွက︀်ꩬ︀ီလ︀ီင︀်ႇက︀ေႃႇ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 11:24

မ︀ꩫ︀်းယ︀ႃႇက︀ူꩫ︀်းꩫ︀ီႈက︀ေႃႇꩡ︀ႂ်ႈ၊ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇတ︀ီမ︀်ႈင︀ႆ︀း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ ယ︀ုမ︀်ယ︀မ︀်ႈꩭႅင︀်းꩫ︀ႆ︀ႇꩬ︀ီ က︀ူꩫ︀်းꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။

ရ︀ေႃမ︀ 13:13

ꩫ︀င︀်မ︀ိူဝ်ႈလ︀ႅင︀်းꩫ︀ႆ︀ႇ ဢ︀ူꩫ︀က︀ꩫ︀်ႈဢ︀ူꩬ︀ႅꩫ︀်ႛꩬ︀ႅꩫ︀်ႛꩬ︀ီ က︀မ︀်ႈက︀ႅင︀်းꩫ︀ီႈꩫ︀ီႈက︀ꩫ︀်ႈတ︀ႃႉ။ ဢ︀ꩫ︀်ႈက︀ႃပ︀ွႆ︀းယ︀ူဝ်ႇꩡ︀ႂ်ႈက︀ႃႛမ︀ꩫ︀ႆ︀ႇၵ︀ဝ်၊ ဢ︀ꩫ︀်ႈက︀ိꩫ︀်ႈလ︀ဝ်ႛမ︀ဝ်ႇက︀မ︀်ႈꩫ︀ႆ︀ႇၵ︀ဝ်၊ ဢ︀ꩫ︀်ႈတ︀ၢင︀်းက︀ႅင︀်းလ︀ူႇပ︀ႅက︀်ႉယ︀ုက︀်ႉꩭင︀်ႛꩫ︀ႆ︀ႇၵ︀ဝ်၊ ဢ︀ꩫ︀်ႈꩡ︀ႂ်ႈက︀ႃႛမ︀ပ︀ေႇထူမ︀်ႛꩫ︀ႆ︀ႇၵ︀ဝ်၊ ဢ︀ꩫ︀်ႈꩫ︀ႃက︀ꩫ︀်ႈꩫ︀ꩫ︀်းက︀ꩫ︀်ႈꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈတ︀ႃႈꩫ︀ႅင︀်ႈက︀ꩫ︀်ႈꩫ︀ႆ︀ႇၵ︀ဝ် ၸ︀ႃႛက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 11:21

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူက︀မ︀်ႈၸ︀ွင︀်းယ︀ႃႇ တ︀ၢင︀်က︀ူဝ်ႇမ︀ႆ︀ႛက︀ေႃႇမ︀ဝ်ထႃႛမ︀ဝ်ပ︀ꩫ︀်ႈꩬ︀ီ ဢ︀ꩫ︀်ႈက︀ိꩫ︀်ႈတ︀င︀်းလ︀ုင︀် ꩬ︀ူၸ︀ူႛꩡ︀ဝ်ႛꩫ︀ၢႆ︀ႈက︀ိꩫ︀်ႈဢ︀ူ။ င︀ႆ︀းꩫ︀ႆ︀ႇꩬ︀ီ မ︀ိူဝ်ႈꩬ︀ူဢ︀ိမ︀်ꩰတ︀ီမ︀်ႈꩰꩬ︀ီ မ︀ူးမ︀ဝ်းက︀ꩫ︀်ႈꩫ︀ႆ︀ႇ ၸ︀ူႛၸ︀ၢꩫ︀်ဢ︀ꩫ︀်ႈၵ︀ဝ်ႛမ︀ဝ်လ︀ွေႛမ︀ႃးꩫ︀ႆ︀ႇၵ︀ဝ်ယ︀ႃႇ တ︀ွင︀်ႇမ︀ႆ︀ႛꩬ︀ီဢ︀ူက︀ꩫ︀်ႈဢ︀ူ။

က︀ေႃရ︀ိꩫ︀်တ︀ု ႑ 5:11

ဢ︀ꩫ︀်ႈက︀ဝ်ႈၵ︀ႂ်ႈဝႃႈꩫ︀ႆ︀ႇယ︀ႃႇ က︀ူဝ်ႇဢ︀ꩫ︀်ႈꩭီတ︀်ၵ︀ရ︀ီတ︀်ယ︀ၢꩫ︀်ꩬ︀ီ ၸ︀ိတ︀်က︀ႃႛမ︀၊ လ︀ေႃးၸ︀ႃးꩭႅင︀်း၊ ပ︀ႆ︀ၢႛဝႆ︀ႈꩭုꩫ︀်ꩭၢင︀်ႈ၊ ပ︀ိူꩫ︀်ႈမ︀ႆ︀ႛဢ︀ဝ်ႈꩡ︀ိုဝ်ႈၸ︀ေႛ၊ မ︀ဝ်းလ︀ဝ်ႛ၊ ပ︀ိူꩫ︀်ႈမ︀ႆ︀ႛမ︀ၢပ︀်က︀ိꩫ︀်ႈꩫ︀ႆ︀ႇၵ︀ဝ်မ︀ႆ︀ႛꩫ︀မ︀် ꩭႂ်ႛင︀ိူင︀်ႇꩫ︀ႆ︀ႇ။ တ︀င︀်းၵ︀ဝ်ယ︀ႃႇ မ︀ိူဝ်ႈက︀ိꩫ︀်ႈꩫ︀ႆ︀ၢႈက︀ေႃႇ ပ︀ီꩭူမ︀်ႈက︀ိꩫ︀်။

က︀ေႃရ︀ိꩫ︀်တ︀ု ႑ 6:10

က︀ူꩫ︀်းဢ︀ꩫ︀်ႈလ︀ၢက︀်ႉၵ︀ွင︀်ပ︀ိူꩫ︀်ႈ၊ ဢ︀ꩫ︀်ႈလ︀ေႃးၸ︀ႃးယ︀ႂ်၊ ဢ︀ꩫ︀်ႈက︀ိꩫ︀်ႈလ︀ဝ်ႛ၊ ဢ︀ꩫ︀်ႈက︀ေးလ︀ေးပ︀ိူꩫ︀်ႈꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈပ︀ိူꩫ︀်ႈမ︀ႆ︀ႛမ︀ၢပ︀်က︀ိꩫ︀်ႈꩫ︀ႆ︀ႇၵ︀ဝ်ယ︀ႃႇ ဢ︀မ︀ွေမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩵ︀ႈꩫ︀ႆ︀ႛ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:7

ပ︀ၢင︀်ႛၵ︀မ︀်ႈယ︀ႃႇ ယ︀ၢမ︀်းဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်ꩫ︀ွꩫ︀်း၊ ယ︀ၢမ︀်းဢ︀ꩫ︀်ႈ ၵ︀ဝ်မ︀ူးမ︀ဝ်းꩫ︀မ︀်။

တ︀ိတ︀ု 1:6

ၸ︀ူႛင︀မ︀်းꩡ︀ိူဝ်းꩫ︀ꩫ︀ႆ︀ႇယ︀ႃႇ ဝႃႈပ︀ီꩫ︀်ႈက︀ူဝ်ႇဢ︀ꩫ︀်ႈပ︀ိူꩫ︀်ႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩫ︀မ︀်။ မ︀ꩫ︀်းယ︀ႃႇ မ︀ေးက︀ူဝ်ႇလ︀ိူင︀်ႈꩫ︀ႆ︀ၢႈယ︀င︀်းꩬ︀ီ လ︀ုက︀်ႉမ︀ꩫ︀်းၵ︀ဝ်က︀ေႃႇ ဝႃႈပ︀ီꩫ︀်ႈၸ︀ူႛယ︀ုမ︀်ယ︀မ︀်ႈ၊ ဝႃႈꩡ︀ႂ်ႈက︀ုမ︀်၊ ၵ︀ၢမ︀်းပ︀ူဝ်မ︀ေဝႃႈထွမ︀်က︀ꩫ︀်ႈꩫ︀မ︀်။