ဢ︀ေၸ︀ႅတ︀် 4:5 - Khamti Shan

^5-6 ꩡ︀ဝ်ႛက︀ေႃႇ ပ︀ႃးလ︀ိဝ်ႈ၊ တ︀ၢင︀်းယ︀ုမ︀်ယ︀မ︀်ႈက︀ေႃႇ ပ︀ႃးလ︀ိဝ်ႈ၊ လ︀ႆ︀ၢးꩭၢပ︀်ႉမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇက︀ေႃႇ ပ︀ႃးလ︀ိဝ်ႈ၊ ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈပ︀ီꩫ︀်ႈပ︀ူဝ်က︀ူꩫ︀်းꩭဝ်းတ︀င︀်းလ︀ုင︀်က︀ေႃႇ ပ︀ႃးလ︀ိဝ်ႈꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛဢ︀မ︀ႂ်းယ︀ႃႇ ပ︀ီꩫ︀်ႈꩡ︀ဝ်ႛတ︀င︀်းမ︀ိူင︀်းꩬ︀ီ ꩫ︀ႂ်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈတ︀င︀်းမ︀ိူင︀်း ၵ︀ိင︀်းဢ︀ူꩫ︀မ︀်။

ဢ︀ေၸ︀ႅတ︀် 4:5 ပူးပေါင်းရင်းမြစ်များ

မ︀တ︀်တ︀ႄး 28:19

င︀ႆ︀းꩫ︀ႆ︀ႇꩬ︀ီ ꩬ︀ူက︀ႃတ︀ႃႉ။ က︀ူꩫ︀်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈပ︀ီꩫ︀်ႈတ︀ပ︀ေးက︀ဝ်ႈတ︀ႃႉ။ ယ︀ဝ်ႇက︀ီး ꩡ︀ိုဝ်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ၊ ꩡ︀ိုဝ်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛ၊ ꩡ︀ိုဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ ၵ︀ဝ်မ︀ႆ︀ႛမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭႂ်ႛတ︀ႃႉ။

ထဝ်ꩡ︀တ︀်ႉၵ︀ဝ် 10:36

ၵ︀ၢဝ်ႈၵ︀ၢမ︀်းꩫ︀ီႈ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃႇꩭၢင︀်းဢ︀ီတ︀်ꩬ︀ြေးၵ︀ဝ်တ︀ႅဝ်ꩫ︀ႆ︀ႇ ꩬ︀ူꩫ︀ႆ︀ႛꩥ︀ိꩫ︀်းမ︀ႃးယ︀ဝ်ႇ။ ၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းယ︀ႃႇ လ︀ွင︀်ႈဢ︀ꩫ︀်ႈꩡ︀ဝ်ႛꩡ︀ွမ︀်ႈယ︀ေꩬ︀ုၵ︀ရ︀ီတ︀်မ︀ႆ︀ႛ က︀ူꩫ︀်းꩭဝ်းပ︀ိုင︀်ႈဢ︀ိင︀်ႈꩬ︀ီ တ︀င︀်းၸ︀ြႃးပ︀ီꩫ︀်ႈꩡ︀ဝ်ႛ တ︀ီꩫ︀ႆ︀ႛထုက︀်က︀ꩫ︀်ႈပ︀ွက︀်ႉꩫ︀ႆ︀ႇꩫ︀မ︀်။

ထဝ်ꩡ︀တ︀်ႉၵ︀ဝ် 2:36

င︀ႆ︀းꩬ︀ီ ပ︀ူဝ်မ︀ေပ︀ီꩫ︀ွင︀်ႇဢ︀ီတ︀်ꩬ︀ြေးၵ︀ဝ်ꩴ︀း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈပ︀ီꩫ︀်ႈꩡ︀ဝ်ႛ၊ ဢ︀ဝ်ႈပ︀ီꩫ︀်ႈမ︀ေꩬ︀ိယ︀ဝႆ︀ႇꩫ︀ႆ︀ႇယ︀ႃႇ ꩡ︀ဝ်ႛယ︀ေꩬ︀ုဢ︀ꩫ︀်ႈꩬ︀ူက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ တ︀ၢင︀်ꩬ︀ီ ဢ︀ဝ်ႈတ︀ႆ︀ၢႈမ︀ႃးꩫ︀ႆ︀ႇꩫ︀မ︀်ꩫ︀ꩫ︀ႆ︀ႇ တ︀ွင︀်းမ︀တ︀်ႉက︀ꩫ︀်ႈတ︀ေႇတ︀ေႇတ︀ႃႉ” ꩫ︀ဝꩫ︀်ႇ။

ရ︀ေႃမ︀ 3:30

ꩡ︀ႃႇက︀ျူးတ︀မ︀ိူင︀်း၊ ꩡ︀ႃႇဢ︀ꩫ︀်ႈက︀ျူးမ︀ဝ်ꩡ︀ႂ်ႈတ︀မ︀ိူင︀်း ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူလ︀ိဝ်ႈꩫ︀ႆ︀ၢႈꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ က︀ျူးꩫ︀က︀ေႃႇယ︀ႃ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀က︀ေႃႇယ︀ႃ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈက︀ီးꩬ︀ိုင︀် ၵ︀ဝ်မ︀ႆ︀ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀မ︀်။

က︀ေႃရ︀ိꩫ︀်တ︀ု ႑ 1:13

ꩬ︀ူꩭလ︀ိုဝ်ꩫ︀ႆ︀ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛꩬ︀လ︀ႂ်ႈ ဢ︀ဝ်ႈက︀ၢက︀်ႉꩰက︀ွႆ︀းက︀ွႆ︀းက︀ႃꩫ︀ႆ︀ႇ။ က︀ဝ်ႈပ︀ေႃလ︀ုက︀ျႃး ꩡ︀ႃႇꩬ︀ူက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ၵ︀ၢမ︀်တ︀ွက︀်တ︀ႆ︀ၢႈမ︀ႃးꩫ︀ႆ︀ႇ။ ꩬ︀ူꩭၢပ︀်ႉမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩫ︀ႆ︀ႇက︀ေႃႇ ꩭၢင︀်းꩭီတ︀်တ︀ပ︀ေးက︀ဝ်ႈက︀ျႃး။ မ︀ဝ်ꩡ︀ႂ်ႈမ︀ဝ်ꩡ︀ႂ်ႈ။

က︀ေႃရ︀ိꩫ︀်တ︀ု ႑ 1:2

ပ︀ီႈꩫ︀ွင︀်ႇꩡ︀ိူဝ်းၸ︀ြႃးပ︀ီꩫ︀်ႈꩡ︀ဝ်ႛ ဝီင︀်းက︀ေႃရ︀ိꩫ︀်တ︀ုၵ︀ဝ်ꩴ︀း ꩬ︀ူꩡ︀ဝ်ႛယ︀ႃႇ ဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ မ︀ူတ︀်ꩡ︀ၢင︀်ယ︀ဝ်ႇ။ ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛပ︀ီꩫ︀်ႈꩡ︀ဝ်ႛꩭဝ်းꩫ︀ၵ︀ႃꩡ︀ဝ်ႛၵ︀ဝ်ယ︀ႃႇ ꩬ︀ူင︀ႆ︀း က︀ူꩫ︀်းဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ၢႆ︀ႛဝႆ︀ႈꩫ︀ႆ︀ႇၵ︀ဝ်က︀ူႈက︀ူဝ်ႇမ︀ႆ︀ႛ ꩭွင︀်ႇဝႆ︀ႇꩫ︀ႆ︀ႇ ꩭၢင︀်းမ︀ူတ︀်ꩡ︀ၢင︀်ꩫ︀မ︀်။

က︀ေႃရ︀ိꩫ︀်တ︀ု ႑ 12:13

ꩫ︀င︀်ꩫ︀ႆ︀ႇꩫ︀က︀ꩫ︀်ႈ က︀ျူးပ︀တ︀ု၊ ဢ︀ꩫ︀်ႈက︀ျူးမ︀ဝ်ꩡ︀ႂ်ႈပ︀တ︀ု၊ ၵ︀ႃႛပ︀တ︀ု၊ က︀ူꩫ︀်းလ︀ွတ︀်ႉပ︀တ︀ု ꩭဝ်းတ︀င︀်းမ︀ိူင︀်း က︀ꩫ︀်ႛꩫ︀ႂ်းတ︀ူဝ်ႈလ︀ိဝ်ႈမ︀ႆ︀ႛ ဢ︀ဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ၵ︀ွꩫ︀်လ︀ိဝ်ႈ မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭၢပ︀်ႉဝႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 12:5

ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛ က︀ီလ︀ႆ︀ၢၸ︀ꩫ︀်းယ︀င︀်းꩫ︀က︀ေႃႇ ꩡ︀ဝ်ႛꩭဝ်းꩬ︀ူလ︀ိဝ်ႈꩫ︀ႆ︀ၢႈꩫ︀မ︀်ယ︀င︀်းꩫ︀ႆ︀ႇ။

က︀ေႃရ︀ိꩫ︀်တ︀ု ႑ 8:6

ꩭလ︀ိုဝ်ꩫ︀က︀ေႃႇ ꩭဝ်းယ︀ႃႇ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈပ︀ီꩫ︀်ႈ ꩡ︀ဝ်ႛထႃဝရ︀ၸ︀ြႃးꩬ︀ူလ︀ိဝ်ႈꩫ︀ႆ︀ၢႈꩫ︀မ︀်ယ︀င︀်းꩫ︀ႆ︀ႇꩫ︀ꩫ︀ႆ︀ႇတ︀ွင︀်းဢ︀ူ။ မ︀ꩫ︀်းꩡ︀ဝ်ႛꩫ︀မ︀် က︀ႃႈꩡ︀ိုဝ်ႈယ︀င︀်းမ︀ႆ︀ႛ ၸ︀ၢꩫ︀်ꩬ︀ၢင︀်းမ︀ႃးꩫ︀ႆ︀ႇ။ ꩡ︀ႃႇမ︀ꩫ︀်းꩡ︀ဝ်ႛꩫ︀မ︀် ꩭဝ်းဢ︀ꩬ︀ၢက︀်ႉꩫ︀ိပ︀်ꩬ︀ီဢ︀ူꩫ︀ႆ︀ႇ။ ယ︀ဝ်ႇက︀ီး ꩭဝ်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ꩫ︀ႆ︀ႇ ꩡ︀ဝ်ႛပ︀ႃးလ︀ိဝ်ႈꩫ︀ႆ︀ၢႈꩫ︀မ︀်ယ︀င︀်းꩫ︀ႆ︀ႇ။ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛꩫ︀မ︀် ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ တ︀င︀်းလ︀ုင︀်တ︀င︀်းမ︀ိူင︀်း ဢ︀ဝ်ႈပ︀ီꩫ︀်ႈမ︀ႃးꩬ︀ီ ꩭဝ်းမ︀ႆ︀ႛက︀ေႃႇ ဢ︀ꩬ︀ၢက︀်ႉꩭႂ်ႛꩫ︀ႆ︀ႇ။

က︀ေႃရ︀ိꩫ︀်တ︀ု ႒ 11:4

ꩬ︀ူမ︀ႆ︀ႛတ︀ူႈၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ႆ︀ႈꩬ︀ီ ꩬ︀ူၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ၵ︀ၢဝ်ႈၵ︀ၢမ︀်းမ︀ꩫ︀်းꩡ︀ဝ်ႛမ︀ႆ︀ႛ ꩭၢပ︀်ႉဢ︀ဝ်ႈယ︀ဝ်ႇ။ ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇ ပ︀ိူꩫ︀်ႈတ︀ၢင︀်က︀ူဝ်ႇ မ︀ႃးၵ︀ႆ︀ႈလ︀ွင︀်ႈꩡ︀ဝ်ႛယ︀ေꩬ︀ုတ︀ၢင︀်ၸ︀ꩫ︀်းက︀ီး ꩭုမ︀်ꩰꩡ︀ူမ︀်းꩰꩭၢပ︀်ႉတ︀ွꩫ︀်ႛꩬ︀ီ ၵ︀ွꩫ︀်တ︀ၢင︀်ၸ︀ꩫ︀်း ၵ︀ၢဝ်ႈၵ︀ၢမ︀်းတ︀ၢင︀်ၸ︀ꩫ︀်းမ︀ႆ︀ႛꩭၢပ︀်ႉဢ︀ဝ်ႈꩫ︀က︀ဝ်ဢ︀ူ။

က︀လ︀ႃတ︀ိ 5:6

ꩭဝ်းဢ︀ူက︀ꩫ︀်ႛꩫ︀ႂ်း ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀် ꩭၢပ︀်ႉ၊ မ︀ဝ်ꩭၢပ︀်ႉꩫ︀ꩫ︀ႆ︀ႇ ꩵ︀ႈဢ︀ၵ︀ႅက︀်ႉပ︀ိူင︀်ႈလ︀ူင︀်။ ဢ︀ꩫ︀်ႈဢ︀ၵ︀ႅက︀်ႉတ︀ေႇတ︀ေႇꩫ︀ႆ︀ႇယ︀ႃႇ ဢ︀ꩫ︀်ႈလ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ ပ︀ိူꩫ︀်ႈမ︀ႆ︀ႛꩭၢက︀်ႉꩭွမ︀်ꩫ︀ႆ︀ႇꩫ︀မ︀်။

ဢ︀ေၸ︀ႅတ︀် 4:13

င︀ႆ︀းꩬ︀ီꩭဝ်း ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီလ︀ိူင︀်ႈ မ︀ꩫ︀်းꩡ︀ဝ်ႛမ︀ႆ︀ႛတ︀ွင︀်းꩬ︀ီလ︀ိူင︀်ႈ တ︀ူဝ်ထိုင︀်ꩭဝ်းတ︀င︀်းမ︀ိူင︀်း ပ︀ီꩫ︀်ႈꩡ︀ႂ်ႈလ︀ိဝ်ႈမ︀ႃးက︀ꩫ︀်ႈꩫ︀ႆ︀ႇ ဝႃႈက︀ၢပ︀်ꩭီတ︀်က︀ႃꩫ︀မ︀်။ င︀ႆ︀းက︀ီး ꩭဝ်းယ︀ႂ်က︀ေမ︀ႃးꩬ︀ီ ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ဝ်ႛပ︀ႅင︀်ႈꩡ︀ွမ︀်ႈꩭဝ်းꩫ︀က︀ꩫ︀်ႈ တ︀ီတ︀ီမ︀်ႈက︀ုမ︀်မ︀ႃးꩫ︀မ︀်။

ၸ︀ိလ︀ိပ︀်ပ︀ၢႆ︀ 2:11

ꩡ︀ဝ်ယ︀ေꩬ︀ုၵ︀ရ︀ီတ︀်ယ︀ႃႇ ꩡ︀ဝ်ႛꩫ︀မ︀်ꩫ︀ꩬ︀ီ က︀ူꩫ︀်းက︀ူႈက︀ူဝ်ႇꩭၢပ︀်ႉက︀ွမ︀်းက︀ꩫ︀်ႈင︀ႆ︀း ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ တ︀ီယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။

ၸ︀ိလ︀ိပ︀်ပ︀ၢႆ︀ 3:8

ဢ︀ꩫ︀်ႈꩡ︀ဝ်ႛက︀ဝ်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ က︀ဝ်ႈꩫ︀ႆ︀ႛꩭူႇတ︀ွင︀်းမ︀ႃးꩫ︀ႆ︀ႇယ︀ႃႇ ဢ︀မ︀ႂ်းၵ︀ဝ်မ︀ႆ︀ႛမ︀ဝ်က︀ႃး တ︀င︀်းလ︀ုင︀်တ︀င︀်းမ︀ိူင︀်းမ︀ႆ︀ႛမ︀ႅတ︀်ႉꩬ︀ႃꩫ︀ႆ︀ႇꩬ︀ီ ဢ︀မ︀ႂ်းၵ︀ဝ်တ︀င︀်းမ︀ိူင︀်းယ︀ႃႇ က︀ꩬ︀င︀်က︀ေႃႇꩵ︀ႈꩡ︀ႂ်ႈယ︀ဝ်ႇ။ ꩭႂ်ႛပ︀ူဝ်းက︀ဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩫ︀ႆ︀ႛꩭၢပ︀်ႉဢ︀ဝ်ႈꩬ︀ီ ꩭႂ်ႛပ︀ူဝ်းꩫ︀ႆ︀ႛဢ︀ူꩫ︀ႂ်းမ︀ꩫ︀်းꩡ︀ဝ်ႛꩫ︀ႆ︀ႇ ဢ︀မ︀ႂ်းၵ︀ဝ်တ︀င︀်းမ︀ိူင︀်းမ︀ႆ︀ႛ မ︀တ︀်ႉၵ︀ွꩫ︀်ႛၵ︀ႅက︀်ႉꩬ︀ီၵ︀ွတ︀်ယ︀ဝ်ႇ။ က︀ဝ်ႈꩭႂ်ႛပ︀ူဝ်းပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ိုဝ်ႈတ︀ူဝ်ꩫ︀ႆ︀ႇ က︀မ︀်ႈက︀ႅင︀်းက︀ျမ︀်းꩬ︀ိꩫ︀်ဢ︀ဝ်ႈꩬ︀ီꩵ︀ႈꩫ︀ႆ︀ႛ။ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈꩬ︀ီꩫ︀ႆ︀ၢႈꩫ︀မ︀်ꩫ︀ႆ︀ႛꩫ︀ႆ︀ႇ။ ဢ︀မ︀ႂ်းယ︀ႃႇ ဢ︀ꩫ︀်ႈလ︀ႆ︀ၢးပ︀ိူဝ်ႈက︀ဝ်ႈယ︀ုမ︀်ယ︀မ︀်ႈꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛꩬ︀ိုင︀် က︀ဝ်ႈမ︀ႆ︀ႛဢ︀ီꩫ︀ူႈꩬ︀ီ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ဢ︀ဝ်ႈꩫ︀မ︀်။

တ︀ိတ︀ု 1:1

က︀ဝ်ႈပ︀ေႃလ︀ု ၸ︀ူႛပ︀ီꩫ︀်ႈၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛ၊ တ︀မ︀ၢꩫ︀်ꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ိူက︀်ႉဝႆ︀ႇꩫ︀ႆ︀ႇၵ︀ဝ် ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ိူင︀်ꩰက︀ိုမ︀်းꩰယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈမ︀ႃး၊ ꩬ︀မ︀်မ︀ႃတ︀ြႃးဢ︀ꩫ︀်ႈꩡ︀ဝ်ႛယ︀ေꩬ︀ုꩬ︀ွꩫ︀်ꩬ︀င︀်မ︀ႃးꩫ︀ႆ︀ႇမ︀ႆ︀ႛ ꩡ︀ုꩫ︀်ႈꩰလ︀ႅင︀်းꩰတ︀ွင︀်းမ︀ႃးꩬ︀ီ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛ ထုက︀်ꩡ︀ႂ်ႈꩫ︀က︀ꩫ︀်ႈ ဢ︀ူက︀ꩫ︀်ႈꩫ︀ႆ︀ႇ ၵ︀ဝ်မ︀ႆ︀ႛꩭႂ်ႛꩬ︀ွꩫ︀်က︀ွတ︀်ꩫ︀ꩬ︀ီ က︀ဝ်ႈမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ပ︀ွႆ︀ꩡ︀ႂ်ႇမ︀ႃးꩫ︀မ︀်။

တ︀ိတ︀ု 1:4

တ︀ိတ︀ုꩴ︀း ꩭႃးꩡ︀ဝ်ႛယ︀ေꩬ︀ုမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ မ︀ႂ်းယ︀ႃႇလ︀ုက︀်ႉက︀ဝ်ႈꩫ︀က︀ꩫ︀်ႈꩫ︀မ︀်။ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭဝ်းꩫ︀ၵ︀ႃ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩡ︀ဝ်ႛၵ︀ေꩬ︀ေꩭဝ်း မ︀ႂ်းမ︀ႆ︀ႛဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃက︀ႃတ︀ႃႉ။

ꩭေပ︀ရ︀ူး 13:7

ꩭူဝ်က︀ေ ဢ︀ꩫ︀်ႈꩬ︀ူမ︀ႆ︀ႛ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ꩭူဝ်းမ︀ႃးꩫ︀ႆ︀ႇၵ︀ဝ်မ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ။ ဢ︀ꩫ︀်ႈၵ︀ဝ်ဢ︀ူ ဢ︀ꩫ︀်ႈၵ︀ဝ်ꩬ︀ိုင︀်ႛꩬ︀ုတ︀်က︀ႃꩫ︀ႆ︀ႇၵ︀ဝ်မ︀ႆ︀ႛ လ︀ႅမ︀်းꩬ︀ီ လ︀ုက︀်ႉၵ︀ဝ်မ︀ႆ︀ႛ ꩬ︀ွꩫ︀်ဢ︀ဝ်ႈက︀ꩫ︀်ႈတ︀ႃႉ။ တ︀ၢင︀်းယ︀ုမ︀်ယ︀မ︀်ႈၵ︀ဝ်မ︀ႆ︀ႛ ꩡ︀ွမ︀်းဢ︀ဝ်ႈၵ︀ိုတ︀်က︀ꩫ︀်ႈတ︀ႃႉ။

ꩭေပ︀ရ︀ူး 6:6

င︀ႆ︀းꩬ︀ီက︀ေႃႇ တ︀ၢင︀်းယ︀ုမ︀်ယ︀မ︀်ႈၵ︀ဝ်မ︀ႆ︀ႛၵ︀ွတ︀်ꩫ︀ႆ︀ႇꩬ︀ီ ၵ︀ဝ်ယ︀ႃႇ ꩭႂ်ႛပ︀ူဝ်းꩬ︀ၢင︀်ဝွေပ︀ွက︀်ႉꩫ︀ꩫ︀ႆ︀ႇ ꩵ︀ႈပ︀ီꩫ︀်ႈꩫ︀ႆ︀ႛယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ဝ်ယ︀ႃႇ လ︀ုက︀်ႉꩡ︀ၢႆ︀းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ွက︀်ꩬ︀ဝ်ဝႃးမ︀ိုဝ်းပ︀ွက︀်ႉꩬ︀ီ ပ︀ၢင︀်ႈꩫ︀ႃႛက︀ူꩫ︀်းမ︀ႆ︀ႛ ဢ︀ဝ်ႈဢ︀ႆ︀ၢႈꩬ︀ီꩫ︀မ︀်။

ယ︀ႃက︀ု 2:18

ꩫ︀ႆ︀ႇꩫ︀က︀ေႃႇ ꩬ︀င︀်ဝႃႈ “က︀ူꩫ︀်းက︀ူဝ်ႇလ︀ိူင︀်ႈꩫ︀ႆ︀ႇၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီ တ︀ၢင︀်က︀ူဝ်ႇယ︀ႃႇလ︀ွင︀်ꩭီတ︀်ယ︀င︀်းဢ︀ူ” ꩫ︀ꩬ︀ီဝႃႈမ︀ႃးဢ︀ူက︀တ︀ႃႉ။ င︀ႆ︀းက︀ီး က︀ဝ်ႈယ︀ႃႇ “တ︀ၢင︀်းယ︀ုမ︀်ယ︀မ︀်ႈမ︀ႂ်း ဢ︀ꩫ︀်ႈလ︀ွင︀်ႈꩭီတ︀်မ︀ဝ်လ︀ွေႛꩫ︀ႆ︀ႇက︀ဝ်ႈမ︀ႆ︀ႛပ︀ျႃးမ︀ႃးတ︀ႃႉ၊ က︀ဝ်ႈယ︀ႃႇ တ︀ၢင︀်းယ︀ုမ︀်ယ︀မ︀်ႈက︀ဝ်ႈမ︀ႆ︀ႛ ဢ︀ဝ်ႈလ︀ွင︀်ႈꩭီတ︀်က︀ဝ်ႈပ︀ျႃးက︀ွတ︀်” ꩫ︀ꩬ︀ီ တ︀ီဝႃးꩬ︀ႃး။

ပ︀ေတ︀ရ︀ု ႑ 3:21

ꩫ︀မ︀်ႇဢ︀မ︀ႂ်းယ︀ႃႇ ꩫ︀င︀်ꩫ︀မ︀်ႇဢ︀ꩫ︀်ႈင︀ႆ︀ႚꩬ︀ူ ၵ︀ၢမ︀်မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩬ︀ီ ꩬ︀ူမ︀ႆ︀ႛၵ︀ေꩬ︀ေꩭႂ်ႛꩫ︀ႆ︀ႇꩫ︀က︀ꩫ︀်ႈꩫ︀မ︀်။ ၵ︀ၢမ︀်မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩫ︀ꩫ︀ႆ︀ႇယ︀ႃႇ ဢ︀ꩫ︀်ႈꩬ︀ုက︀်ႉၵ︀ႆ︀းတ︀ူဝ်ႈꩭၢင︀်ႈꩵ︀ႈꩡ︀ႂ်ႈ။ ဢ︀ꩫ︀်ႈꩫ︀ႂ်းꩡ︀ႂ်ႈၵ︀ွꩫ︀်ꩬ︀ူမ︀ႆ︀ႛ ꩡ︀ုꩫ︀်ႈꩰလ︀ႅင︀်းꩰက︀ႃꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူꩭႂ်ႛက︀တ︀ိꩫ︀ႆ︀ႇꩫ︀မ︀်။ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇမ︀ႆ︀ႛ ꩭီတ︀်င︀ဝ်ႛꩬ︀ီ ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇၵ︀ေꩬ︀ေꩭႂ်ႛꩫ︀မ︀်။

ပ︀ေတ︀ရ︀ု ႒ 1:1

ꩬ︀ူꩡ︀ဝ်ႛ ဢ︀ꩫ︀်ႈꩫ︀င︀်တ︀ူႈꩫ︀က︀ꩫ︀်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ က︀ဝ်ႈꩬ︀ႅင︀်မ︀ုꩫ︀်ပ︀ေတ︀ရ︀ု ၸ︀ူႛပ︀ီꩫ︀်ႈၸ︀ူႛꩡ︀ႂ်ႇꩫ︀ၵ︀ႃ တ︀မ︀ၢꩫ︀်ꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ ꩡ︀ဝ်ႛယ︀ေꩬ︀ုၵ︀ရ︀ီတ︀် ၸ︀ူႛပ︀ီꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭဝ်းꩫ︀ၵ︀ႃꩡ︀ဝ်ႛၵ︀ေꩬ︀ေꩭဝ်းယ︀ႃႇ ꩬ︀ိုဝ်ႈꩫ︀ꩫ︀်ႈꩫ︀ႆ︀ႇꩬ︀ီ ꩭႂ်ႛပ︀ူဝ်းမ︀ꩫ︀်းꩡ︀ဝ်ႛမ︀ႆ︀ႛꩭဝ်းယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇ ꩭီတ︀်ꩭႂ်ႛမ︀ႃးယ︀ဝ်ႇ။

ယ︀ုတ︀ 1:20

ပ︀ီႈꩫ︀ွင︀်ႇꩭၢက︀်ႉၵ︀ဝ်ꩴ︀း ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇ ꩬ︀မ︀်မ︀ႃတ︀ြႃးဢ︀ꩫ︀်ႈမ︀ူတ︀်ꩡ︀ၢင︀် ဢ︀ꩫ︀်ႈꩬ︀ူယ︀ုမ︀်ယ︀မ︀်ႈဝႆ︀ႇမ︀ႆ︀ႛ ꩭီတ︀်င︀ဝ်ႛꩫ︀ႆ︀ႇꩬ︀ီ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ဢ︀ဝ်ႈယ︀ႂ်က︀ေꩬ︀ီဢ︀ူက︀ꩫ︀်ႈတ︀ႃႉ။ တ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ ယ︀ွꩫ︀်းꩬ︀ူးက︀ꩫ︀်ႈတ︀ႃႉ။

ယ︀ုတ︀ 1:3

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူမ︀ႆ︀ႛက︀ဝ်ႈ လ︀ွင︀်ႈတ︀ꩫ︀်းၵ︀ူဝ်း ဢ︀ꩫ︀်ႈꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ၵ︀ေꩬ︀ေꩭႂ်ႛမ︀ႃးꩫ︀ႆ︀ႇ ၵ︀ႂ်ႈတ︀ႅမ︀်ႛလ︀ူင︀်မ︀ႃးꩫ︀မ︀်။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ လ︀ွင︀်ႈဢ︀ꩫ︀်ႈꩬ︀ူမ︀ႆ︀ႛၵ︀ႂ်ႈꩭႂ်ႛက︀ုမ︀်ႇ ꩬ︀မ︀်မ︀ႃတ︀ြႃးဢ︀ꩫ︀်ႈꩭဝ်းယ︀ုမ︀်ယ︀မ︀်ႈꩫ︀ႆ︀ႇꩬ︀ိုင︀် က︀ဝ်ႈဝႃႈတ︀ႅမ︀်ႛက︀ႃꩫ︀မ︀်။ ꩬ︀မ︀်မ︀ႃတ︀ြႃးဢ︀မ︀ႂ်းယ︀ႃႇ ဢ︀ꩫ︀်ႈမ︀ဝ်လ︀ွက︀်ႉလ︀ႆ︀ၢႈꩡ︀ၢင︀်ႈ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းက︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ꩭႂ်ႛဝႆ︀ႇꩫ︀ႆ︀ႇꩫ︀မ︀်။