28 က︀ူဝ်ႇဢ︀ꩫ︀်ႈလ︀ၢက︀်ႉꩭႆ︀ၢႇꩫ︀ႆ︀ႇ ၸ︀ႃႛတ︀ႃႉ။ ဢ︀ဝ်ႈမ︀ိုဝ်းၸ︀ူႛꩡ︀ဝ်ႛꩭီတ︀်ဢ︀မ︀ူးꩬ︀ီ ꩬ︀ိုဝ်ႈꩰတ︀ူဝ်ꩰꩭီတ︀်က︀ိꩫ︀်ႈတ︀ႃႉ။ င︀ႆ︀းက︀ီး ပ︀ိူꩫ︀်ႈမ︀ႆ︀ႛက︀ေႃႇꩡ︀ွႆ︀ႈပ︀ီꩫ︀်ႈဢ︀ူ။
မ︀ိူဝ်ႈဢ︀မ︀ႂ်း ꩡ︀ိက︀်ၵ︀ႄယ︀ႃႇလ︀ုက︀်ႉꩬ︀ီ “ꩡ︀ဝ်ႛꩴ︀း၊ ၵ︀ူဝ်းလ︀ိင︀်းက︀ဝ်ႈၵ︀ႃႛ ၸ︀ႃၵ︀ိူင︀်းက︀ၢင︀်ႈ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႈꩭႂ်ႛတ︀ီၵ︀ႃႛက︀ွတ︀်။ ဢ︀ꩫ︀်ႈက︀ဝ်ႈၵ︀ႃႛ လ︀ုက︀်ႉပ︀ိူꩫ︀်ႈမ︀ႆ︀ႛ မ︀ဝ်ထုက︀်ဢ︀ဝ်ႈꩬ︀ီ ဢ︀ဝ်ႈမ︀ႃးꩫ︀ႆ︀ႇၵ︀ဝ်က︀ေႃႇ ꩬ︀ီꩡ︀ူဝ်ႈꩬ︀ႆ︀ၢႛပ︀ွက︀်ႉတ︀ီၵ︀ႃႛက︀ွတ︀်” ꩫ︀ဝꩫ︀်ႇ။
ꩬ︀ူꩬ︀ၢင︀်ဝွေမ︀ႃးယ︀ဝ်ႇꩫ︀ꩫ︀ႆ︀ႇ ဢ︀ဝ်ႈတ︀ၢင︀်းက︀ႅင︀်းꩬ︀ိုင︀်ပ︀ျႃးတ︀ႃႉ။ ꩬ︀ူလ︀ုက︀်ႉလ︀ၢꩫ︀်ဢ︀ႃပ︀ြႃꩭၢမ︀်ꩫ︀မ︀်ꩫ︀ꩫ︀ႆ︀ၢႈပ︀ီဝႃႈ။ က︀ဝ်ႈဝႃႈက︀ွတ︀်၊ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭိꩫ︀်ꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်းက︀ေႃႇ ဢ︀ဝ်ႈပ︀ီꩫ︀်ႈလ︀ုက︀်ႉလ︀ၢꩫ︀်ဢ︀ႃပ︀ြႃꩭၢမ︀်ꩫ︀ႆ︀ႇၵ︀ဝ်ꩫ︀ႆ︀ႛဢ︀ူ။
မ︀ꩫ︀်းဝႃႈင︀ႆ︀းꩫ︀ႆ︀ႇယ︀ႃႇ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ီꩫ︀ူႈတ︀ေႇတ︀ေႇꩬ︀ီꩵ︀ႈꩡ︀ႂ်ႈ။ မ︀ꩫ︀်းၸ︀ူႛꩡ︀ဝ်ႛပ︀ီꩫ︀်ႈၸ︀ူႛလ︀ၢက︀်ႉꩬ︀ီꩫ︀မ︀်။ မ︀ꩫ︀်းယ︀ႃႇ ပ︀ၢက︀်ႉထူင︀်င︀ိူꩫ︀်းၸ︀ုင︀်ꩬ︀ီ လ︀ုက︀်ႉထူင︀်င︀ိူꩫ︀်းမ︀ႆ︀ႛ လ︀ၢက︀်ႉꩰꩬ︀ီတ︀ိုဝ်းင︀ႆ︀းꩫ︀မ︀်။
တ︀ပ︀ေးꩡ︀ဝ်ႛၵ︀ဝ်ယ︀ႃႇ က︀ွပ︀်ႉပ︀ိူဝ်ႈယ︀ုတ︀ပ︀ီꩫ︀်ႈၸ︀ူႛပ︀ႃႉထူင︀်င︀ိူꩫ︀်းက︀ုမ︀်ႛꩫ︀ႆ︀ႇꩬ︀ီ မ︀ꩫ︀်းမ︀ႆ︀ႛ ꩭႂ်ႛက︀ႃꩬ︀ိုဝ်ႇၵ︀ိူင︀်ႈꩡ︀ႃႇပ︀ွႆ︀းပ︀ူꩫ︀်ႇလ︀ွတ︀်ႉလ︀ႃႊ ꩫ︀ႆ︀ႇမ︀ဝ်ꩡ︀ႂ်ႈက︀ီး ꩭႂ်ႛက︀ႃꩡ︀ွႆ︀ႈၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်လ︀ႃႊ ꩫ︀ꩬ︀ီၵ︀ႂ်ႈꩡ︀ႂ်ႈက︀ꩫ︀်ႈဢ︀ူ။
ၵ︀ရ︀ီတ︀်ယ︀ၢꩫ︀်ဢ︀ꩫ︀်ႈယ︀ပ︀်ယ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛ ၵ︀ူဝ်းလ︀ိင︀်းꩬ︀ူပ︀ꩫ︀်ႈꩭႂ်ႛက︀ꩫ︀်ႈတ︀ႃႉ။ ꩭိူꩫ︀်းꩬ︀ူမ︀ႆ︀ႛ ပ︀ီႈꩫ︀ွင︀်ႇထိုင︀်မ︀ႃးက︀ီး က︀ွင︀်ꩰဝႆ︀ၢꩰꩭၢပ︀်ႉတ︀ွꩫ︀်ႛက︀ꩫ︀်ႈတ︀ႃႉ။
ဢ︀ဝ်ႈမ︀ိုဝ်းတ︀ူႈၸ︀ူႛꩡ︀ဝ်ႛ ၵ︀ိူက︀်ႉꩰယ︀ၢက︀်ႉꩰꩭီတ︀်က︀ိꩫ︀်ႈꩬ︀ီဢ︀ူꩫ︀မ︀်။ တ︀ူႈမ︀ႆ︀ႛပ︀ိူꩫ︀်ႈက︀ေးလ︀ေးက︀ီး တ︀ူႈဢ︀က︀ိဝ်းပ︀ူင︀်ႈꩭႂ်ႛဢ︀ူ။ တ︀ူႈမ︀ႆ︀ႛꩫ︀ိက︀်ႉꩬ︀ၢက︀်ႉက︀ီး တ︀ူႈက︀ꩫ︀်ႛဢ︀ူ။
ꩬ︀ူဢ︀ဝ်ႈꩡ︀ေတ︀ꩫ︀ႃလ︀ူက︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩫ︀်ႈꩬ︀ူပ︀ီꩫ︀်ႈပ︀ေႇꩬ︀ီ လ︀ူမ︀ႆ︀ႛꩫ︀မ︀်ꩭၢပ︀်ႉꩫ︀ႆ︀ႇ။ ဢ︀ꩫ︀်ႈꩬ︀ူမ︀ဝ်ပ︀ီꩫ︀်ႈပ︀ေႇမ︀ႆ︀ႛ မ︀ꩫ︀်းꩡ︀ဝ်ႛꩵ︀ႈꩫ︀ူႈ။
ꩡ︀ိူဝ်းဢ︀မ︀ႂ်းၵ︀ဝ်ယ︀ႃႇ ꩫ︀ႆ︀ႛၻုက︀်ႉၵ︀င︀ႆ︀း ယ︀ၢက︀်ႉၸ︀ၢꩫ︀်ၵ︀ႂ်ႈလ︀ႂ်ႈꩫ︀က︀ေႃႇ ꩭုမ︀်ꩡ︀ူမ︀်းက︀ꩫ︀်ႈꩬ︀ီ ၵ︀ွင︀်းꩰလ︀ွင︀်းꩰꩭႂ်ႛꩭႂ်ႛပ︀ꩫ︀်ႈꩰက︀ꩫ︀်ႈဢ︀ူ။
င︀ႆ︀းꩫ︀ႆ︀ႇꩬ︀ီ က︀ႃႈꩫ︀င︀်တ︀ၢင︀်းတ︀ူဝ်ꩫ︀ႆ︀ႇ က︀ူႈက︀ူဝ်ႇမ︀ႆ︀ႛ ꩭီတ︀်လ︀ွင︀်ႈꩫ︀ီႈꩭႂ်ႛတ︀ႃႉ။ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ဢ︀ေႈၵ︀ႅꩫ︀်းꩭီတ︀်ꩭႂ်ႛတ︀ႃႉ။
ꩭႂ်ႛပ︀ူဝ်းၵ︀ဝ် လ︀ွင︀်ႈꩫ︀ီႈမ︀ႆ︀ႛ င︀ိူꩫ︀်းၵ︀မ︀်းၵ︀ဝ်တ︀ိုဝ်းꩡ︀ၢင︀်ႈꩫ︀ႆ︀ႇလ︀ိူင︀်ႈ၊ လ︀ွင︀်ႈꩫ︀ီႈဢ︀ၢꩫ︀်တ︀ၢꩫ︀်ꩭီတ︀်ꩬ︀ီ ꩭႂ်ႛပ︀ူဝ်းပ︀ိူꩫ︀်ႈမ︀ႆ︀ႛ ၵ︀ွင︀်းꩰလ︀ွင︀်းꩰꩭႂ်ႛꩭႂ်ႛပ︀ꩫ︀်ႈꩰꩡ︀ၢင︀်ႈ ꩡ︀ွႆ︀ႈꩡ︀ၢင︀်ႈꩫ︀ႆ︀ႇလ︀ိူင︀်ႈ ၵ︀ဝ်မ︀ႆ︀ႛꩬ︀ွꩫ︀်ꩬ︀င︀်ꩭႂ်ႛတ︀ႃႉ။
က︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ် ဢ︀မ︀ူးဢ︀ꩫ︀်ႈꩫ︀ီႈꩭီတ︀်ꩬ︀ီ ပ︀ိူꩫ︀်ႈမ︀ႆ︀ႛဢ︀ꩫ︀်ႈက︀ိꩫ︀်ႈဢ︀ꩫ︀်ႈꩫ︀ုင︀်ႈ ꩡ︀ွႆ︀ႈꩭႂ်ႛꩡ︀ၢင︀်ႈက︀ꩫ︀်ႈတ︀ႃႉ။ ဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းꩫ︀ႆ︀ႇၵ︀ဝ် ပ︀ီꩭႂ်ႛꩭီတ︀်။
ၵ︀ၢမ︀်းꩫ︀ႆ︀ႇယ︀ႃႇ ဢ︀ꩫ︀်ႈꩬ︀ိုဝ်ႈဢ︀ꩫ︀်ႈꩡ︀ႂ်ႈ၊ လ︀ွင︀်ႈဢ︀ꩫ︀်ႈꩫ︀ီႈ ဢ︀ꩫ︀်ႈပ︀ိူꩫ︀်ႈတ︀င︀်းမ︀ိူင︀်းမ︀ႆ︀ႛ ꩭႂ်ႛဢ︀က︀ိဝ်းꩫ︀မ︀်။ င︀ႆ︀းꩫ︀ႆ︀ႇꩬ︀ီ လ︀ွင︀်ႈꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛပ︀ူဝ်းၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ꩡ︀ွမ︀်းꩭီတ︀်က︀ꩫ︀်ႈꩫ︀ႆ︀ႇ ꩭီတ︀်ဢ︀ၵ︀ႅက︀်ႉꩬ︀ီꩬ︀ွꩫ︀်ꩭႂ်ႛတ︀ႃႉ။