ဢ︀ေၸ︀ႅတ︀် 4:22 - Khamti Shan

²² ဢ︀ꩫ︀်ႈꩬ︀ူꩬ︀ွꩫ︀်ဢ︀ဝ်ႈမ︀ႃးဢ︀မ︀ႂ်းယ︀ႃႇ လ︀ွင︀်ႈက︀ူꩫ︀်းက︀ဝ် ꩫ︀င︀်ဢ︀ꩫ︀်ႈꩬ︀ူ မ︀ိူဝ်ႈင︀ႃးပ︀ုꩫ︀်ႛဢ︀ူမ︀ႃးꩫ︀ႆ︀ႇꩫ︀က︀ꩫ︀်ႈꩵ︀ႈꩡ︀ႂ်ႈ။ ꩡ︀ႂ်ႈꩬ︀ူဢ︀ꩫ︀်ႈၸ︀ၢမ︀်းꩫ︀ႆ︀ႇယ︀ႃႇ က︀ူꩫ︀်းက︀ဝ်ꩬ︀ူမ︀ႆ︀ႛဢ︀ဝ်ႈလ︀ူႇပ︀ႅက︀်ႉဢ︀ူ။

ဢ︀ေၸ︀ႅတ︀် 4:22 ပူးပေါင်းရင်းမြစ်များ

ရ︀ေႃမ︀ 6:6

ꩭဝ်း လ︀ုက︀်ႉဢ︀ꩫ︀်ႈပ︀ီꩫ︀်ႈၵ︀ႃႛဢ︀ပ︀ႅတ︀်ႉမ︀ႆ︀ႛလ︀ွတ︀်ႉꩬ︀ီ ꩭႂ်ႛပ︀ူဝ်းဢ︀ပ︀ႅတ︀်ႉမ︀ဝ်က︀ၢပ︀်ꩭီတ︀်ꩫ︀ႆ︀ႇ မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛဢ︀ဝ်ႈတ︀ႆ︀ၢႈꩫ︀ႆ︀ႇ က︀ူꩫ︀်းက︀ဝ်ꩭဝ်းမ︀ႆ︀ႛက︀ေႃႇ ꩬ︀ဝ်ဝႃးမ︀ိုဝ်းမ︀ႆ︀ႛ တ︀င︀်းမ︀ꩫ︀်းꩡ︀ဝ်ႛ တ︀ွက︀်တ︀ႆ︀ၢႈလ︀ွေႛမ︀ႃးယ︀ဝ်ႇꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။

ရ︀ေႃမ︀ 7:11

ဢ︀ꩫ︀်ႈꩫ︀ႆ︀ႇယ︀ႃႇ ဢ︀ပ︀ႅတ︀်ႉꩫ︀မ︀် တ︀ြႃးꩬ︀ိꩫ︀်မ︀ႆ︀ႛꩭီတ︀်တ︀ၢင︀်းင︀ႆ︀း က︀ဝ်ႈမ︀ႆ︀ႛၸ︀ၢမ︀်းꩬ︀ီဢ︀ဝ်ႈတ︀ႆ︀ၢႈꩫ︀ႆ︀ႇ။

က︀ေႃရ︀ိꩫ︀်တ︀ု ႒ 11:3

ꩫ︀ႆ︀ႇꩫ︀က︀ေႃႇ ꩫ︀င︀်ဢ︀ေဝမ︀ႆ︀ႛ င︀ူးꩫ︀ႆ︀ႛၸ︀ႅတ︀်ႉၸ︀ၢမ︀်းမ︀ႃးꩫ︀က︀ꩫ︀်ႈ ꩬ︀ူက︀ေႃႇꩡ︀ႂ်ႈလ︀ွက︀်ႉလ︀ႆ︀ၢႈꩬ︀ီ ꩡ︀ႂ်ႈဢ︀ꩫ︀်ႈꩡ︀ဝ်ႛၵ︀ရ︀ီတ︀်မ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းꩭၢက︀်ႉꩬ︀ီꩭွႆ︀ႛꩡ︀ႂ်ႈꩫ︀ႆ︀ႇ က︀ူဝ်ႈꩭႆ︀ၢက︀ႃဢ︀ူ။

က︀လ︀ႃတ︀ိ 1:13

မ︀ိူဝ်ႈက︀ဝ်ႈဢ︀ူꩫ︀ႂ်းၸ︀ႃꩬ︀ႃက︀ျူးမ︀ႃးꩫ︀ႆ︀ႇ ꩭလ︀ိုဝ်ဢ︀ူမ︀ႃးꩫ︀ꩫ︀ႆ︀ႇ ꩬ︀ူၸ︀ူႛꩡ︀ဝ်ႛက︀ေႃႇ တ︀ွင︀်းဢ︀ူ။ ꩡ︀ိူဝ်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈꩡ︀င︀်းၵ︀ိက︀်ႉꩰꩬ︀ီꩫ︀ိက︀်ႉꩬ︀ၢက︀်ႉမ︀ႃးဢ︀ူ။ ꩭႂ်ႛပ︀ူဝ်းꩡ︀ိူဝ်းꩡ︀ဝ်ႛလ︀ူႇပ︀ႅက︀်ႉက︀ႃꩫ︀ႆ︀ႇ က︀ဝ်ႈꩬ︀ေႈꩡ︀ႃႉမ︀ႃးဢ︀ူ။

ဢ︀ေၸ︀ႅတ︀် 2:3

ဢ︀ꩫ︀်ႈတ︀ေႇတ︀ေႇက︀ီး ꩭဝ်းတ︀င︀်းမ︀ိူင︀်းက︀ေႃႇ ꩫ︀င︀်ၵ︀ဝ်ꩫ︀က︀ꩫ︀်ႈ ဢ︀ꩫ︀်ႈၸ︀ူႛꩡ︀ဝ်ႛၵ︀ႂ်ႈꩭီတ︀်ꩫ︀ႆ︀ႇꩭီတ︀်ꩬ︀ီ ꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛမ︀ႆ︀ႛ ꩡ︀ွမ︀်းမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ ဢ︀ဝ်ႈတ︀ၢင︀်းက︀ူꩫ︀်းꩫ︀ႆ︀ၢႈက︀ီး ꩭဝ်းက︀ေႃႇꩫ︀င︀်ပ︀ိူꩫ︀်ႈက︀ူႈက︀ူဝ်ႇꩫ︀က︀ꩫ︀်ႈ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈတ︀ၢမ︀်မ︀ႆ︀ႛ တ︀ီꩫ︀ႆ︀ႛၵ︀ၢမ︀်ꩫ︀မ︀်။

ဢ︀ေၸ︀ႅတ︀် 4:17

င︀ႆ︀းꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ၵ︀ၢင︀်းꩭႂ်ႛꩬ︀ီ က︀ဝ်ႈဝႃႈက︀ွတ︀်။ ꩬ︀ူယ︀ႃႇ ꩫ︀င︀်ဢ︀ꩫ︀်ႈက︀ျူးမ︀ဝ်ꩡ︀ႂ်ႈ ဢ︀ꩫ︀်ႈက︀ꩬ︀င︀်မ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛꩫ︀ႆ︀ၢႈꩬ︀င︀် ၵ︀ႂ်ႈꩡ︀ႂ်ႈဢ︀ူꩫ︀ႆ︀ႇၵ︀ဝ်ꩫ︀က︀ꩫ︀်ႈ ပ︀ီဢ︀ူက︀ꩫ︀်ႈယ︀ဝ်ႇ။

ဢ︀ေၸ︀ႅတ︀် 4:25

င︀ႆ︀းꩫ︀ႆ︀ႇꩬ︀ီ ပ︀ီၸ︀ႅတ︀်ႉၸ︀ၢင︀်းက︀ꩫ︀်ႈယ︀ဝ်ႇ။ ꩭဝ်းတ︀င︀်းမ︀ိူင︀်း ꩫ︀ႂ်းတ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ီꩫ︀်ႈꩬ︀ိက︀်ႉတ︀ူဝ်ႈက︀ꩫ︀်ႈꩫ︀ႆ︀ႇꩬ︀ီ ၸ︀ူႛယ︀ုမ︀်ယ︀မ︀်ႈတ︀ၢင︀်က︀ူဝ်ႇမ︀ႆ︀ႛ ဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀ႆ︀ၢႈꩬ︀င︀်ဝႃႈဝႃႈက︀ꩫ︀်ႈꩫ︀မ︀်။

ဢ︀ေၸ︀ႅတ︀် 4:31

င︀ႆ︀းꩫ︀ႆ︀ႇꩬ︀ီ ဢ︀ꩫ︀်ႈꩭတ︀်က︀ႅမ︀်းက︀ꩫ︀်ႈ၊ ဢ︀ꩫ︀်ႈတ︀ေႃးꩬ︀ႃးက︀ꩫ︀်ႈ၊ ဢ︀ꩫ︀်ႈꩡ︀ႂ်ႈမ︀ဝ်ꩬ︀ိင︀်ႛက︀ꩫ︀်ႈ၊ ဢ︀ꩫ︀်ႈပ︀ၢဝ်က︀ꩫ︀်ႈ၊ ဢ︀ꩫ︀်ႈက︀ေးလ︀ေးက︀ꩫ︀်ႈ၊ ဢ︀ꩫ︀်ႈꩡ︀င︀်းက︀ꩫ︀်ႈꩫ︀ႆ︀ႇၵ︀ဝ် ၵ︀ွတ︀်မ︀ူတ︀်တ︀ႃႉ။

က︀ေႃလ︀ေႃတ︀ႄ 2:11

ꩬ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛဢ︀ူꩫ︀ႆ︀ႇꩬ︀ီ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀် ၸ︀ꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛꩭီတ︀်ꩭႂ်ႛꩫ︀ႆ︀ႇ ꩫ︀ႆ︀ႛꩭၢပ︀်ႉꩬ︀ီ လ︀ုက︀်ႉပ︀ႃႛꩡ︀ႂ်ႈဢ︀ꩫ︀်ႈၵ︀ႂ်ႈꩭီတ︀်ဢ︀ပ︀ႅတ︀်ႉမ︀ႆ︀ႛ လ︀ွတ︀်ႉမ︀ႃးယ︀ဝ်ႇ။ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ဢ︀မ︀ႂ်းယ︀ႃႇ ဢ︀ꩫ︀်ႈက︀ူꩫ︀်းꩭီတ︀်မ︀ဝ်ꩡ︀ႂ်ႈꩬ︀ီ ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩭီတ︀်ꩫ︀မ︀်။

တ︀ိတ︀ု 3:3

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းၸ︀ူႛꩡ︀ဝ်ႛက︀ေႃႇ မ︀ိူဝ်ႈင︀ႃးပ︀ုꩫ︀်ႛ ꩭွꩫ︀်မ︀ိူက︀်ႉမ︀ႃး၊ ꩭွꩫ︀်တ︀ၢꩫ︀်ႛမ︀ဝ်ထွမ︀်ဝႃႈမ︀ဝ်ꩡ︀ူးမ︀ႃးဢ︀ူ။ ၵ︀ႆ︀ႇမ︀ဝ်က︀ႃး ꩭွꩫ︀်ပ︀ီꩫ︀်ႈၸ︀ူႛၵ︀ႃႛက︀ူႈၸ︀ꩫ︀်းꩫ︀က︀ꩫ︀်ႈ တ︀ၢင︀်းပ︀ိဝ်က︀ူႈၸ︀ꩫ︀်း၊ ဢ︀လ︀ၢင︀်းက︀ူႈၸ︀ꩫ︀်းက︀ေႃႇ ꩭဝ်းမ︀ႆ︀ႛꩭီတ︀်ꩡ︀ဝ်ႛမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ ꩭဝ်းꩭႆ︀ၢႇꩰꩡ︀ႃႇꩰမ︀ႃးဢ︀ူ။ ပ︀ိူꩫ︀်ႈမ︀ႆ︀ႛက︀ေႃႇꩭဝ်းတ︀ႃႈꩫ︀ႅင︀်ႈꩬ︀ီ ပ︀ိူꩫ︀်ႈက︀ေႃႇꩭဝ်းမ︀ႆ︀ႛꩡ︀င︀်း၊ ꩭဝ်းက︀ေႃႇပ︀ိူꩫ︀်ႈမ︀ႆ︀ႛꩡ︀င︀်းမ︀ႃးဢ︀ူ။

ꩭေပ︀ရ︀ူး 12:1

ꩬ︀ၢက︀်ႉꩬ︀ေၸ︀ုင︀်က︀ူꩫ︀်းလ︀ူင︀်ꩫ︀ႆ︀ႇ ꩭဝ်းမ︀ႆ︀ႛၵ︀ုမ︀်ႇက︀ꩫ︀်ႈဢ︀ူꩫ︀ႆ︀ႇꩬ︀ီ ပ︀ႆ︀ႉ ဢ︀ꩫ︀်ႈꩭဝ်းမ︀ႆ︀ႛ ꩫ︀က︀်ꩫ︀ႃꩬ︀ီ ဢ︀ဝ်ႈꩫ︀ၢꩫ︀်းꩫ︀ႆ︀ႇၵ︀ဝ်င︀ႆ︀း ဢ︀ပ︀ႅတ︀်ႉဢ︀ꩫ︀်ႈꩭဝ်းမ︀ႆ︀ႛ င︀ႆ︀ၢႈꩰၸ︀ုက︀်ဝႆ︀ႇꩫ︀ႆ︀ႇၵ︀ဝ် လ︀ွꩫ︀်ႛၵ︀ွတ︀်င︀ႆ︀း ပ︀ွႆ︀းလ︀ႅꩫ︀်ႈၵ︀ီင︀်က︀ꩫ︀်ႈ ဢ︀ꩫ︀်ႈပ︀ၢင︀်ႈꩫ︀ႃႛꩭဝ်းမ︀ႆ︀ႛ ꩭႅမ︀်းဝႆ︀ႇမ︀ႆ︀ႛတ︀တ︀်ꩡ︀ႂ်ႈꩬ︀ီ လ︀ႅꩫ︀်ႈက︀ႃက︀ꩫ︀်ႈꩫ︀မ︀်။

ꩭေပ︀ရ︀ူး 3:13

ꩫ︀ႂ်းꩬ︀ူမ︀ႆ︀ႛ က︀ူဝ်ႇလ︀ိူင︀်ႈꩫ︀ႆ︀ၢႈက︀ေႃႇ ဢ︀ပ︀ႅတ︀်ႉၸ︀ၢမ︀်းꩬ︀ီ ꩭႂ်ႛပ︀ူဝ်းꩭူဝ်ꩡ︀ႂ်ႈမ︀ဝ်ၵ︀ႅင︀်က︀ႃꩫ︀ႆ︀ႇ “ဝꩫ︀်းမ︀ိူဝ်ႈꩫ︀ႆ︀ႇ” ꩫ︀ꩫ︀ႆ︀ႇ ဝꩫ︀်းဢ︀ꩫ︀်ႈꩭဝ်းဢ︀ꩬ︀ၢက︀်ႉꩫ︀ိပ︀် က︀ူႈဝꩫ︀်းမ︀ႆ︀ႛ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩬ︀ႂ်ꩭႅင︀်းꩭႂ်ႛက︀ꩫ︀်ႈတ︀ႃႉ။

ယ︀ႃက︀ု 1:21

င︀ႆ︀းꩫ︀ႆ︀ႇꩬ︀ီ တ︀ၢင︀်းက︀ႅင︀်းဢ︀ꩫ︀်ႈꩭင︀်ႛ၊ လ︀ွင︀်ႈꩭီတ︀်လ︀ွင︀်ႈꩭႆ︀ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်တ︀င︀်းမ︀ိူင︀်း ၵ︀ွတ︀်မ︀ူတ︀်တ︀ႃႉ။ ꩫ︀ႂ်းမ︀ိုဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ူဝ်ႈꩡ︀ႂ်ႈꩬ︀ူဢ︀ၢပ︀်ႉꩬ︀ီ တ︀ြႃးဢ︀ꩫ︀်ႈမ︀ꩫ︀်းꩡ︀ဝ်ႛ ꩭူဝ်ꩡ︀ႂ်ႈꩬ︀ူမ︀ႆ︀ႛꩬ︀ႂ်ဝႆ︀ႇ တ︀ြႃးဢ︀ꩫ︀်ႈၵ︀ေꩬ︀ေပ︀ီꩫ︀်ႈဢ︀မ︀ႂ်းမ︀ႆ︀ႛ ꩭၢပ︀်ႉတ︀ုင︀်းဢ︀ဝ်ႈက︀ꩫ︀်ႈတ︀ႃႉ။

ယ︀ႃက︀ု 1:26

ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈꩬ︀ထႃဢ︀ူꩫ︀ꩬ︀ီ ဝႃႈၵ︀ႂ်ႈလ︀ႂ်ႈꩫ︀က︀ေႃႇ လ︀ိꩫ︀်ႇၸ︀ူႛꩡ︀ဝ်ႛမ︀ႆ︀ႛ ထိꩫ︀်မ︀ဝ်ပ︀ီꩫ︀်ႈက︀ီး ဢ︀က︀ိဝ်းꩵ︀ႈယ︀င︀်း။ ꩭီတ︀်င︀ႆ︀းꩫ︀ႆ︀ႇယ︀ႃႇ ဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛၸ︀ႅတ︀်ႉꩫ︀ႆ︀ၢႈꩫ︀မ︀်။

ပ︀ေတ︀ရ︀ု ႑ 1:18

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛလ︀ုက︀်ႉꩡ︀ူဝ်ႈတ︀ႃႈဢ︀ꩬ︀ၢက︀်ႉဢ︀ꩫ︀်ႈက︀ꩬ︀င︀်က︀ေႃႇမ︀ဝ်ꩡ︀ႂ်ႈ ဢ︀ꩫ︀်ႈလ︀ုက︀်ႉပ︀ူလ︀ီꩫ︀်ꩬ︀ူမ︀ႆ︀ႛꩫ︀ႆ︀ႛဢ︀မ︀ွေမ︀ႃးမ︀ႆ︀ႛ ဢ︀ဝ်ႈက︀ꩬ︀င︀်ꩬ︀ေꩬ︀ီထွတ︀်ꩭႂ်ႛမ︀ႃးꩫ︀ꩫ︀ႆ︀ႇ ꩬ︀ူတ︀ွင︀်းဢ︀ူ။ မ︀ꩫ︀်းꩡ︀ဝ်ႛꩬ︀ူမ︀ႆ︀ႛ ꩬ︀ေထွတ︀်ꩭႂ်ႛမ︀ႃးꩫ︀ႆ︀ႇ ဢ︀ဝ်ႈင︀ိူꩫ︀်းဢ︀ဝ်ႈၵ︀မ︀်း ဢ︀ꩫ︀်ႈမ︀ဝ်မ︀ꩫ︀်ႛတ︀ိူင︀်ႈꩫ︀ႆ︀ႇၵ︀ဝ်ꩵ︀ႈꩡ︀ႂ်ႈ။

ပ︀ေတ︀ရ︀ု ႑ 4:3

မ︀ိူဝ်ႈင︀ႃးပ︀ုꩫ︀်ႛယ︀ႃႇ ꩬ︀ူတ︀င︀်းက︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ဝ်တ︀ွင︀်းꩫ︀ႆ︀ႇၵ︀ဝ်လ︀ွေႛက︀ꩫ︀်ႈꩬ︀ီ ꩫ︀င︀်ၵ︀ဝ်ဢ︀ူꩫ︀က︀ꩫ︀်ႈဢ︀ူမ︀ႃးယ︀ဝ်ႇ။ တ︀ၢင︀်းက︀ႅင︀်းဢ︀ꩫ︀်ႈꩭင︀်ႛဢ︀ꩫ︀်ႈꩭိုက︀်၊ ဢ︀ꩫ︀်ႈꩡ︀ႂ်ႈက︀ႃမ︀ꩭႅင︀်း၊ ဢ︀ꩫ︀်ႈက︀ိꩫ︀်ႈလ︀ဝ်ႛမ︀ဝ်ႇက︀မ︀်ႈ၊ ဢ︀ꩫ︀်ႈꩭီတ︀်ပ︀ွႆ︀းပ︀ိဝ်က︀ႃမ︀က︀ꩫ︀်ႈ၊ ꩭီတ︀်ပ︀ွႆ︀းက︀ိꩫ︀်ႈလ︀ဝ်ႛက︀ꩫ︀်ႈ၊ ဢ︀ꩫ︀်ႈꩭုꩫ︀်ꩭၢင︀်ႈꩫ︀ႆ︀ႇၵ︀ဝ်မ︀ႆ︀ႛ ပ︀ႆ︀ၢႛꩭင︀်ႛပ︀ႆ︀ၢႛꩭိုက︀်ꩫ︀ႆ︀ႇၵ︀ဝ်မ︀ႆ︀ႛ ꩬ︀ူတ︀င︀်းꩡ︀ူဝ်ႈꩡ︀ုပ︀်ႉꩰꩡ︀ေႈꩰꩬ︀ီ ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူ ၵ︀ွတ︀်ꩫ︀ႆ︀ၢႈမ︀ႃးယ︀ဝ်ႇ။

ပ︀ေတ︀ရ︀ု ႒ 2:13

ၵ︀ဝ်ပ︀ိူꩫ︀်ႈမ︀ႆ︀ႛ ꩭီတ︀်ၸ︀ေးမ︀ႃးꩫ︀ႆ︀ႇꩬ︀ီ ၵ︀ဝ်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ တ︀ီꩭီတ︀်ၸ︀ေးပ︀ွက︀်ႉꩫ︀မ︀်။ ၵ︀ဝ်ယ︀ႃႇ က︀ၢင︀်ႈဝꩫ︀်းလ︀ူင︀်က︀ေႃႇ လ︀ွင︀်ႈပ︀ိဝ်ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛ လ︀မ︀်ၵ︀ွတ︀်ႉꩰဢ︀ူꩫ︀မ︀်။ ꩬ︀ူမ︀ႆ︀ႛက︀ေႃႇ ၸ︀ၢမ︀်းင︀ႆ︀း တ︀င︀်းꩬ︀ူꩭူမ︀်ႈက︀ိꩫ︀်ႈꩬ︀ီ ꩬ︀ူမ︀ႆ︀ႛ ဢ︀ဝ်ႈမ︀ူꩫ︀်ႈယ︀ွမ︀်း ဢ︀ဝ်ႈꩫ︀ႆ︀ႛဢ︀ႆ︀ၢႈလ︀ူင︀်ꩫ︀မ︀်။

ပ︀ေတ︀ရ︀ု ႒ 2:7

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛ မ︀ိူဝ်ႈဝီင︀်းꩬ︀ေႃတ︀ုင︀်မ︀ႆ︀ႛ ꩵ︀ႈပ︀ႆ︀ꩬ︀ုမ︀်ၸ︀ႆ︀းꩫ︀ႆ︀ႇ လ︀ေႃတ︀ꩫ︀ꩫ︀ႆ︀ႇက︀ူဝ်ႇလ︀ိူင︀်ႈမ︀ႆ︀ႛယ︀ႃႇ လ︀ုက︀်ႉဝီင︀်းဢ︀မ︀ႂ်းမ︀ႆ︀ႛ ၵ︀ေꩬ︀ေဢ︀ွက︀်ꩭႂ်ႛမ︀ႃးဢ︀ူ။ လ︀ေႃတ︀ယ︀ႃႇ က︀ူဝ်ႇဢ︀ꩫ︀်ႈꩬ︀ိုဝ်ႈတ︀ူဝ်ꩬ︀ီ တ︀ၢင︀်းက︀ႅင︀်းꩭင︀်ႛက︀ူꩫ︀်းꩭႆ︀ၢႇꩫ︀ႆ︀ႇၵ︀ဝ်မ︀ႆ︀ႛ ꩡ︀ႂ်ႈၸ︀ေႛꩬ︀ီဢ︀ူမ︀ႃးꩫ︀မ︀်။