ဢ︀ေၸ︀ႅတ︀် 4:18 - Khamti Shan

¹⁸ ꩭူဝ်ꩡ︀ႂ်ႈၵ︀ဝ်ယ︀ႃႇ ꩫ︀မ︀်ႈꩬ︀ိင︀်လ︀ူင︀်ꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ဝ်မ︀ဝ်တ︀ွင︀်းၸ︀ႅဝ် ꩡ︀ႂ်ႈၵ︀ႅင︀်ၸ︀ႅဝ်ꩫ︀ႆ︀ႇꩬ︀ီ ၵ︀ဝ်ယ︀ႃႇ တ︀င︀်းဢ︀ꩬ︀ၢက︀်ႉဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈꩭႂ်ႛꩫ︀ႆ︀ႇ က︀ႆ︀ႈလ︀ူင︀်ꩫ︀မ︀်။

ဢ︀ေၸ︀ႅတ︀် 4:18 ပူးပေါင်းရင်းမြစ်များ

မ︀တ︀်တ︀ႄး 13:15

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ႂ်ႈၵ︀ဝ်ယ︀ႃႇꩫ︀ၢင︀်ႛယ︀ဝ်ႇ။ ꩭူၵ︀ဝ်ဢ︀ူတ︀်ဝႆ︀ႇ၊ တ︀ႃႈၵ︀ဝ်ꩫ︀ပ︀်ဝႆ︀ႇယ︀ဝ်ႇ။ ꩫ︀ႆ︀ႇမ︀ဝ်ꩡ︀ႂ်ႈက︀ီး ၵ︀ဝ် တ︀ႃႈၵ︀ဝ်ꩭꩫ︀်၊ ꩭူၵ︀ဝ်ꩫ︀ႆ︀ႛꩥ︀ိꩫ︀်းင︀ႆ︀း ꩡ︀ႂ်ႈၵ︀ဝ် ပ︀ွင︀်ꩡ︀ႂ်ႈꩬ︀ီ က︀ဝ်ႈမ︀ႆ︀ႛတ︀ၢဝ်ႈပ︀ွက︀်ႉမ︀ႃးက︀ꩫ︀်ႈဢ︀ူ။ င︀ႆ︀းက︀ီးက︀ဝ်ႈက︀ေႃႇ ဢ︀ပ︀ႅတ︀်ႉၵ︀ဝ်မ︀ႆ︀ႛပ︀ွႆ︀လ︀ွတ︀်ႉꩭႂ်ႛဢ︀ူ” ꩫ︀ꩬ︀ီဝႃႈဝႆ︀ႇဢ︀ူ။

မ︀ႃက︀ု 3:5

ꩫ︀ႆ︀ႇꩫ︀က︀ေႃႇ ၵ︀ဝ်ယ︀ႃႇတ︀ီတ︀်ꩡ︀ိပ︀်ႉꩰꩬ︀ီဢ︀ူဢ︀ူ။ ꩡ︀ဝ်ႛယ︀ေꩬ︀ုယ︀ႃႇ ၵ︀ဝ်မ︀ႆ︀ႛဝိꩫ︀်ꩫ︀ူႈက︀ီး ၵ︀ဝ်ꩫ︀ႆ︀ႇꩡ︀ႂ်ႈတ︀ꩫ︀်ႈၸ︀ႅဝ်၊ ၸ︀ိတ︀်တ︀ြႃးၸ︀ႅဝ်ꩬ︀ီ မ︀ꩫ︀်းꩡ︀ဝ်ႛၵ︀ႂ်ႈꩡ︀ႃႇက︀ေႃႇၵ︀ႂ်ႈꩡ︀ႃႇ၊ ၵ︀ီꩡ︀ႂ်ႈ က︀ေႃႇၵ︀ီလ︀ူင︀်င︀ႆ︀းꩬ︀ီ ၸ︀ူႛဢ︀ꩫ︀်ႈမ︀ိုဝ်းပ︀ႃႛလ︀ိူင︀်ႈတ︀ၢႆ︀ႈဢ︀မ︀ႂ်းမ︀ႆ︀ႛ “မ︀ိုဝ်းမ︀ႂ်းယ︀ီတ︀်ၵ︀ွတ︀်လ︀ႃး” ꩫ︀ꩬ︀ီဢ︀မ︀ိင︀်းꩭႂ်ႛဢ︀ူ။ မ︀ꩫ︀်းက︀ေႃႇ ယ︀ီတ︀်ၵ︀ွတ︀်က︀ီး မ︀ိုဝ်းမ︀ꩫ︀်းက︀ꩡ︀ူးꩫ︀ီႈꩬ︀ူဝ်းꩰက︀ႃဢ︀ူ။

ထဝ်ꩡ︀တ︀်ႉၵ︀ဝ် 17:30

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ိူဝ်ႈင︀ႃးပ︀ုꩫ︀်ႛမ︀ိူဝ်ႈ မ︀ꩫ︀်းꩡ︀ဝ်ႛမ︀ႆ︀ႛက︀ူꩫ︀်းꩭဝ်းမ︀ဝ်တ︀ွင︀်းꩫ︀ႆ︀ႇ ꩭဝ်းမ︀ႆ︀ႛဝႆ︀ႇꩬ︀ႆ︀ၢႇမ︀ႃးၵ︀ႂ်ႈလ︀ႂ်ႈꩫ︀က︀ေႃႇ င︀ႆ︀ႚယ︀ႃႇက︀ူꩫ︀်းတ︀င︀်းမ︀ိူင︀်းမ︀ႆ︀ႛ က︀ူႈတ︀ီႈမ︀ႆ︀ႛ မ︀ꩫ︀်းꩡ︀ဝ်ႛဢ︀မ︀ိင︀်းꩭႂ်ႛꩬ︀ီ ꩭႂ်ႛꩬ︀ၢင︀်ဝွေဢ︀ူ။

ထဝ်ꩡ︀တ︀်ႉၵ︀ဝ် 3:17

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူင︀ႆ︀းꩭူဝ်က︀ေꩬ︀ူꩫ︀ႆ︀ႇၵ︀ဝ်ယ︀ႃႇ က︀ꩬ︀င︀်က︀ေႃႇမ︀ဝ်တ︀ွင︀်းꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ ဢ︀ဝ်ႈတ︀ၢႆ︀ႈမ︀ႃးꩫ︀မ︀်ꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။

ရ︀ေႃမ︀ 1:28

ၸ︀ြႃးပ︀ီꩫ︀်ႈꩡ︀ဝ်ႛပ︀ီꩫ︀်ႈꩫ︀င︀်ꩭိုဝ်တ︀ေႇတ︀ေႇꩫ︀ꩫ︀ႆ︀ႇမ︀ႆ︀ႛ ၵ︀ဝ်မ︀ဝ်ၵ︀ႂ်ႈꩡ︀ႂ်ႈပ︀ိူင︀်ႈလ︀ူင︀်ꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇၵ︀ဝ်မ︀ႆ︀ႛ ၵ︀ွတ︀်ꩬ︀ီ ꩡ︀ႂ်ႈမ︀ိူက︀်ႉၵ︀ဝ်ꩫ︀ႆ︀ႇ ၵ︀ဝ်မ︀ႆ︀ႛပ︀ေႇထူမ︀်ႛက︀ႃꩫ︀မ︀်။ င︀ႆ︀းꩫ︀ႆ︀ႇꩬ︀ီ ၵ︀ဝ်ဢ︀ူမ︀ဝ်ꩫ︀ႆ︀ႛꩬ︀ီ ဢ︀ꩫ︀်ႈꩭင︀်ႛဢ︀ꩫ︀်ႈꩭိုက︀်ꩫ︀ႆ︀ႇၵ︀ဝ်တ︀င︀်းမ︀ိူင︀်းꩭီတ︀်ဢ︀ူꩫ︀မ︀်။

ရ︀ေႃမ︀ 11:25

ပ︀ီႈꩫ︀ွင︀်ႇၵ︀ဝ်ꩴ︀း ꩭႂ်ႛပ︀ူဝ်းꩬ︀ူမ︀ဝ်က︀မ︀်ႇလ︀ွင︀်ႛꩫ︀ႆ︀ႇ လ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀် ဢ︀ꩫ︀်ႈင︀ႆ︀ႚꩬ︀ိုင︀်ၸ︀ြႃးပ︀ီꩫ︀်ႈꩡ︀ဝ်ႛပ︀ုတ︀်ၵ︀ႆ︀ႈမ︀ႃးꩫ︀ႆ︀ႇ ꩬ︀ူမ︀ႆ︀ႛၵ︀ႂ်ႈꩭႂ်ႛတ︀ွင︀်းဢ︀ူ။ ဢ︀ꩫ︀်ႈဢ︀ီတ︀်ꩬ︀ြေးၵ︀ဝ် တ︀ၢꩫ︀်ႛယ︀ပ︀်ꩫ︀ႆ︀ႇယ︀ႃႇ ꩡ︀ူဝ်ႈဢ︀ꩬ︀ၢက︀်ႉꩵ︀ႈꩡ︀ႂ်ႈ။ ꩡ︀ူဝ်ႈက︀ႃႈဢ︀ꩫ︀်ႈက︀ျူးမ︀ဝ်ꩡ︀ႂ်ႈဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ တ︀ီယ︀ုမ︀်ယ︀မ︀်ႈမ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်း မ︀ဝ်ပ︀ႆ︀ယ︀ုမ︀်ယ︀မ︀်ႈမ︀ႃးꩫ︀ႆ︀ၢႈꩫ︀မ︀်။

ရ︀ေႃမ︀ 11:7

င︀ႆ︀းꩫ︀ႆ︀ႇꩬ︀ီ ၸ︀ꩫ︀်းဢ︀ီတ︀်ꩬ︀ြေးယ︀ႃႇ ဢ︀ꩫ︀်ႈၵ︀ဝ်ꩭီတ︀်ဢ︀ၵ︀ႅက︀်ႉꩬ︀ီၵ︀ႃက︀ꩫ︀်ႈမ︀ႆ︀ႛ ꩵ︀ႈထိူပ︀်။ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇ ꩡ︀ွꩫ︀်လ︀ိူင︀်ႈꩫ︀ႆ︀ၢႈꩫ︀မ︀်ၵ︀ႃထိူပ︀်ꩫ︀ႆ︀ႇ။ လ︀ိူဝ်တ︀ီꩫ︀ႆ︀ႇယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭွင︀်ႇမ︀ႆ︀ႛ ꩵ︀ႈတ︀ုမ︀်ႛပ︀ိူင︀်ႈလ︀ူင︀်။

ရ︀ေႃမ︀ 2:19

ꩬ︀ူယ︀ႃႇ ၸ︀ူႛတ︀ႃႈမ︀ွတ︀်ꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭီတ︀်ၸ︀ူႛꩡ︀ၢင︀်ႈꩬ︀ီ ပ︀ျႃးတ︀ၢင︀်းꩭႂ်ႛ၊ ဢ︀ꩫ︀်ႈဢ︀ူက︀ꩫ︀်ႛꩫ︀ႂ်းဢ︀ꩫ︀်ႈꩫ︀မ︀်ႈꩬ︀ိင︀်ꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭီတ︀်ၸ︀ူႛꩡ︀ၢင︀်ႈꩬ︀ီပ︀ျႃးဢ︀ꩫ︀်ႈလ︀ႅင︀်းꩭႂ်ႛ၊

က︀ေႃရ︀ိꩫ︀်တ︀ု ႑ 1:21

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈꩥ︀ႅꩫ︀်ၵ︀ဝ်ၸ︀ူႛꩡ︀ဝ်ႛတ︀ွင︀်းမ︀ဝ်ꩫ︀ႆ︀ႛꩫ︀ႆ︀ႇ ဢ︀ဝ်ႈꩥ︀ႅꩫ︀်ၵ︀မ︀်းမ︀ꩫ︀်းꩡ︀ဝ်ႛꩭီတ︀်ဝႆ︀ႇယ︀ဝ်ႇ။ မ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈၵ︀ၢဝ်ႈၵ︀ၢမ︀်းဢ︀ꩫ︀်ႈတ︀ူႈꩭူဝ်း ဢ︀ꩫ︀်ႈပ︀ိူꩫ︀်ႈ မ︀တ︀်ႉၵ︀ၢမ︀်းၸ︀ူႛမ︀ိူက︀်ႉꩫ︀ꩫ︀ႆ︀ႇꩬ︀ိုင︀် ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ႂ်ႈၵ︀ေꩬ︀ေꩫ︀မ︀်။

က︀ေႃရ︀ိꩫ︀်တ︀ု ႑ 2:8

ပ︀ိင︀်ꩥ︀ႃဢ︀မ︀ႂ်းမ︀ႆ︀ႛ ꩡ︀ဝ်ႛၵ︀ုꩫ︀်မ︀ိူင︀်းက︀ၢင︀်ႈꩫ︀ႆ︀ႇၵ︀ဝ် က︀ူဝ်ႇလ︀ိူင︀်ႈꩫ︀ႆ︀ၢႈက︀ေႃႇ ꩵ︀ႈပ︀ွင︀်ꩡ︀ႂ်ႈမ︀ႃး။ ꩬ︀င︀်ဝႃႈၵ︀ဝ်ပ︀ွင︀်ꩡ︀ႂ်ႈမ︀ႃးက︀ီး ꩡ︀ဝ်ႛဢ︀ꩫ︀်ႈမ︀ူꩫ︀်ႈၸ︀ုင︀်းယ︀ႂ်ဢ︀မ︀ႂ်းမ︀ႆ︀ႛ ၵ︀ဝ်က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ꩵ︀ႈတ︀ွက︀်တ︀ႆ︀ၢႈမ︀ႃး။

က︀ေႃရ︀ိꩫ︀်တ︀ု ႒ 3:14

တ︀ေႇတ︀ေႇက︀ေႃႇ ꩭူဝ်ꩡ︀ႂ်ႈၵ︀ဝ်ယ︀ႃႇ တ︀ꩫ︀်ႈမ︀ႃးꩫ︀မ︀်။ တ︀ူက︀်ꩡ︀ိူမ︀်ႈင︀ႆ︀ႚက︀ေႃႇ ꩭူဝ်ꩡ︀ႂ်ႈၵ︀ဝ်မ︀ႆ︀ႛတ︀ွပ︀်ႉဝႆ︀ႇꩫ︀ႆ︀ႇꩬ︀ီ ၵ︀ဝ်ဢ︀ၢꩫ︀်ၵ︀ၢမ︀်းၵ︀တ︀်ႉက︀ဝ်ꩫ︀က︀ေႃႇ ꩵ︀ႈပ︀ွင︀်ꩡ︀ႂ်ႈ။ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ူက︀ီးꩫ︀ႆ︀ၢႈꩬ︀ိုင︀် ဢ︀ꩫ︀်ႈꩡ︀ႂ်ႈၵ︀ဝ်မ︀ႆ︀ႛ တ︀ွပ︀်ႉဝႆ︀ႇဢ︀မ︀ႂ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ လ︀ွꩫ︀်ႛꩭႂ်ႛꩬ︀ီ ပ︀ႆ︀ၢႈꩭၢင︀်မ︀ႆ︀ႛ ၵ︀ဝ်တ︀ီပ︀ွင︀်ꩡ︀ႂ်ႈက︀ႃꩫ︀မ︀်။

က︀ေႃရ︀ိꩫ︀်တ︀ု ႒ 4:4

က︀ူꩫ︀်းဢ︀ꩫ︀်ႈလ︀ူႇꩬ︀ုမ︀်းဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈၵ︀ုꩫ︀်ꩬ︀ူင︀်ၸ︀ူႛဢ︀ꩫ︀်ႈင︀ႆ︀ႚ မ︀ိူင︀်းက︀ၢင︀်ႈမ︀ႆ︀ႛဢ︀ုပ︀်ပ︀ိုင︀်ꩫ︀ႆ︀ႇလ︀ၢပ︀်ႉတ︀ႃႈဢ︀ဝ်ႈꩫ︀မ︀်ႈꩬ︀ိင︀်ၵ︀ွꩫ︀်ဝႆ︀ႇꩬ︀ီ ၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ မ︀ဝ်ယ︀ုမ︀်ꩫ︀ႆ︀ႇၵ︀ဝ်ꩫ︀မ︀်။ င︀ႆ︀းꩬ︀ီၵ︀ဝ်ယ︀ႃႇ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ွင︀်ꩡ︀ႂ်ႈမ︀ဝ်ꩫ︀ႆ︀ႛꩫ︀မ︀်။ ꩡ︀ဝ်ႛယ︀ေꩬ︀ုယ︀ႃႇ ပ︀ီꩫ︀်ႈမ︀ူꩫ︀်ႈင︀ဝ်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ ꩭꩫ︀်က︀ီးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭꩫ︀်ꩫ︀က︀ꩫ︀်ႈꩫ︀မ︀်။

က︀လ︀ႃတ︀ိ 4:8

မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛယ︀ႃႇ ꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်တ︀ွင︀်းမ︀ႃးꩫ︀ႆ︀ႇꩬ︀ီ ꩬ︀ူပ︀ီꩫ︀်ႈၵ︀ႃႛၸ︀ြႃး ဢ︀ꩫ︀်ႈမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႃးꩫ︀မ︀်။

ဢ︀ေၸ︀ႅတ︀် 2:1

မ︀ိူဝ်ႈင︀ႃးပ︀ုꩫ︀်ႛယ︀ႃႇ ꩬ︀ူၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ထွမ︀်င︀ႆ︀း ꩭီတ︀်ဢ︀ပ︀ႅတ︀်ႉမ︀ႃးꩫ︀ႆ︀ႇꩬ︀ီ ၵ︀ွꩫ︀်ꩬ︀ူယ︀ႃႇ တ︀ႆ︀ၢႈꩬ︀ီဢ︀ူမ︀ႃးꩫ︀မ︀်။

ဢ︀ေၸ︀ႅတ︀် 2:12

မ︀ိူဝ်ႈဢ︀မ︀ႂ်းယ︀ႃႇꩬ︀ူ ꩡ︀ဝ်ႛၵ︀ရ︀ီတ︀်မ︀ႆ︀ႛက︀ေႃႇ မ︀ဝ်တ︀ွင︀်း။ ပ︀ီꩫ︀်ႈၸ︀ꩫ︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇꩬ︀ီ ၸ︀ꩫ︀်းဢ︀ီတ︀်ꩬ︀ြေးၸ︀ူႛပ︀ီꩫ︀်ႈ က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛက︀ေႃႇ၊ ၵ︀ၢမ︀်းၵ︀တ︀်ႉဢ︀ꩫ︀်ႈက︀တ︀ိၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭီတ︀်င︀ဝ်ႛꩬ︀ီ ꩡ︀ႃႇၵ︀ဝ်ꩭီတ︀်ဝႆ︀ႇမ︀ႆ︀ႛက︀ေႃႇ ꩬ︀ူမ︀ဝ်ꩫ︀ႆ︀ႛလ︀ွေႛမ︀ႃးꩫ︀မ︀်။ င︀ႆ︀းꩬ︀ီ ꩬ︀ူယ︀ႃႇၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ မ︀ဝ်တ︀ွင︀်း၊ ဢ︀ꩫ︀်ႈတ︀ီတ︀ႂ်းထႃႛက︀ေႃႇ မ︀ဝ်ယ︀င︀်းꩬ︀ီဢ︀ူမ︀ႃးꩫ︀မ︀်။

က︀ေႃလ︀ေႃတ︀ႄ 1:21

မ︀ိူဝ်ႈင︀ႃးမ︀ိူဝ်ႈ ꩬ︀ူတ︀င︀်းၸ︀ြႃးပ︀ီꩫ︀်ႈꩡ︀ဝ်ႛက︀ႆ︀ႈမ︀ႃးꩬ︀ီ ပ︀ီꩫ︀်ႈလ︀ꩫ︀်ꩬ︀ူမ︀ꩫ︀်းꩡ︀ဝ်ႛမ︀ႃးꩫ︀ႆ︀ႇယ︀ႃႇ ꩬ︀ူ ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်ꩫ︀ႆ︀ၢႈꩬ︀ိုင︀် ၵ︀ႂ်ႈꩡ︀ႂ်ႈမ︀ႃး ꩭီတ︀်မ︀ႃးꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:5

ꩫ︀င︀်က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်တ︀ွင︀်းꩫ︀ႆ︀ႇၵ︀ဝ်ꩫ︀က︀ꩫ︀်ႈ ꩡ︀ႂ်ႈမ︀ေထုင︀်မ︀ႆ︀ႛ ꩵ︀ႈထုက︀်ꩡ︀ွမ︀်းတ︀ိက︀်ꩰ။

ꩭေပ︀ရ︀ူး 5:2

မ︀ꩫ︀်းၸ︀ူႛꩡ︀ဝ်ႛက︀ေႃႇ က︀ီလ︀ႆ︀ၢလ︀ွင︀်ႈမ︀ႆ︀ႛ ꩭႅင︀်းဢ︀ေꩫ︀ႆ︀ႇꩬ︀ီ က︀ူꩫ︀်းဢ︀ꩫ︀်ႈမ︀ိူက︀်ႉတ︀ိူမ︀်ႈꩬ︀ီ ပ︀ႅက︀်တ︀ၢင︀်းꩫ︀ႆ︀ႇၵ︀ဝ်မ︀ႆ︀ႛ တ︀ၢင︀်ႈတ︀ီႈꩬ︀ီပ︀ွင︀်ꩡ︀ႂ်ႈꩭႂ်ႛ ပ︀ီꩫ︀်ႈဢ︀ူ။

ꩭေပ︀ရ︀ူး 9:7

ꩫ︀ႆ︀ႇꩫ︀က︀ေႃႇ ၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉꩫ︀ႆ︀ၢႈꩬ︀ိုင︀် ၵ︀ွက︀်ႉတ︀ုတ︀ိယ︀မ︀ႆ︀ႛ ပ︀ီႈလ︀ိူင︀်ႈမ︀ႆ︀ႛပ︀ၢꩫ︀်ႈလ︀ိူင︀်ႈꩫ︀ၢႆ︀ႈꩫ︀ႆ︀ႛၵ︀ဝ်ႛꩫ︀မ︀်။ မ︀ိူဝ်ႈၵ︀ဝ်ႛက︀ႃꩫ︀ႆ︀ႇ ꩫ︀ိူတ︀်ႉꩡ︀ႃႇဢ︀ပ︀ႅတ︀်ႉ ဢ︀ꩫ︀်ႈမ︀ꩫ︀်းၸ︀ူႛꩡ︀ဝ်ႛင︀ႆ︀း ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ် မ︀ဝ်တ︀ွင︀်းꩬ︀ီၸ︀ိတ︀်က︀ႃꩫ︀ႆ︀ႇၵ︀ဝ် ဢ︀ဝ်ႈက︀ႃꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ုက︀်ႉꩡ︀ူဝ်ဢ︀ူ။

ယ︀ႃက︀ု 4:4

ꩬ︀ူ ၸ︀ူႛဢ︀ꩫ︀်ႈꩬ︀ႅတ︀်ႉꩡ︀ႃမ︀ဝ်ယ︀င︀်းၵ︀ဝ်ꩴ︀း လ︀ွင︀်ႈပ︀ိဝ် မ︀ိူင︀်းက︀ၢင︀်ႈဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛꩭွႆ︀ႛꩡ︀ႂ်ႈက︀ီး ဢ︀ꩫ︀်ႈꩬ︀ၢꩫ︀်တ︀ၢꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈꩬ︀ူၸ︀ူႛꩡ︀ဝ်ႛမ︀ႆ︀ႛꩬ︀ူၸ︀ူႛꩡ︀ဝ်ႛ ဢ︀ဝ်ႈပ︀ီꩫ︀်ႈလ︀ꩫ︀်ꩬ︀ူၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။

ပ︀ေတ︀ရ︀ု ႑ 1:14

င︀ႆ︀းꩫ︀ႆ︀ႇꩬ︀ီ ꩫ︀င︀်လ︀ုက︀်ႉဢ︀ꩫ︀်ႈꩡ︀ႂ်ႈက︀ုမ︀်ꩫ︀က︀ꩫ︀်ႈ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ထွမ︀်ꩡ︀ွမ︀်းက︀ꩫ︀်ႈတ︀ႃႉ။ ꩫ︀င︀် မ︀ိူဝ်ႈꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ပ︀ႆ︀တ︀ွင︀်းꩫ︀ႆ︀ႇ ꩫ︀မ︀်ႈꩬ︀ိင︀်တ︀ိက︀်ႉꩰဢ︀ူမ︀ႃးꩫ︀က︀ꩫ︀်ႈ ပ︀ီဢ︀ူက︀ꩫ︀်ႈယ︀ဝ်ႇ။

ယ︀ေႃးꩭၢꩫ︀် ႑ 2:11

ꩭဝ်းပ︀ိူꩫ︀်ႈမ︀ႆ︀ႛ ꩡ︀င︀်းက︀ီးယ︀ႃႇ ꩭဝ်းဢ︀ူꩫ︀ႂ်းဢ︀ꩫ︀်ႈꩫ︀မ︀်ႈꩬ︀ိင︀်ꩬ︀ီ ဢ︀ꩫ︀်ႈꩫ︀မ︀်ႈꩬ︀ိင︀်မ︀ႆ︀ႛၸ︀ႆ︀ၢႛတ︀ၢင︀်းဢ︀ူꩫ︀မ︀်။ င︀ႆ︀းက︀ီး ဢ︀ꩫ︀်ႈꩫ︀မ︀်ႈꩬ︀ိင︀်ꩫ︀ႆ︀ႇꩭဝ်းမ︀ႆ︀ႛက︀င︀်ႛဝႆ︀ႇꩬ︀ီ ꩭဝ်းၸ︀ူႛꩡ︀ဝ်ႛဢ︀မ︀ႆ︀ႚက︀ႃဢ︀ူꩫ︀ႆ︀ၢႈက︀ေႃႇ ꩵ︀ႈတ︀ွင︀်း။