ဢ︀ေၸ︀ႅတ︀် 4:12 - Khamti Shan12 မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်တ︀င︀်းမ︀ိူင︀်း ꩫ︀င︀်ဢ︀ꩫ︀်ႈၵ︀ဝ်ထုက︀်ꩫ︀ီႈꩭီတ︀်ꩫ︀ႆ︀ႇꩫ︀က︀ꩫ︀်ႈ ꩭႂ်ႛပ︀ူဝ်းꩡ︀ိူဝ်းꩡ︀ဝ်ႛမ︀ႆ︀ႛ ပ︀ူက︀်ဢ︀ဝ်ႈယ︀ႂ် ပ︀ီꩫ︀်ႈꩫ︀ႆ︀ႇꩫ︀မ︀်။ ꩡ︀ိူဝ်းဢ︀မ︀ႂ်းယ︀ႃႇ တ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။ အခန်းကိုကြည့်ပါ။ |
ဢ︀ေၸ︀ႅတ︀် 4:12
45 ပူးပေါင်းရင်းမြစ်များ
က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛမ︀ႆ︀ႛတ︀မ︀ိူင︀်း၊ ၸ︀ုင︀်ပ︀ူႇꩡ︀ဝ်ႛဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛဢ︀ၢပ︀်ႉꩭႂ်ႛꩫ︀ႆ︀ႇမ︀ႆ︀ႛတ︀မ︀ိူင︀်းမ︀ိုင︀်ႇက︀ꩫ︀်ႈတ︀ႃႉ။ ꩡ︀ိူဝ်းꩡ︀ဝ်ႛမ︀ႆ︀ႛ ꩫ︀င︀်ၸ︀ူႛလ︀ီင︀်ႇပ︀ူႇꩫ︀က︀ꩫ︀်ႈမ︀ိုင︀်ႇက︀ꩫ︀်ႈတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ိူဝ်းꩡ︀ဝ်ႛမ︀ႆ︀ႛ ဢ︀ဝ်ႈဢ︀ꩬ︀ၢက︀်ႉ လ︀ုက︀်ႉမ︀ꩫ︀်းꩡ︀ဝ်ႛထွတ︀်ꩬ︀ီ ဢ︀ဝ်ႈပ︀ီꩫ︀်ႈၵ︀ွင︀်မ︀ꩫ︀်းꩡ︀ဝ်ႛယ︀ဝ်ႇ။
က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ဝူင︀်ႈမ︀ိူဝ်ႈဢ︀မ︀ႂ်း တ︀ိူင︀်းယ︀ုတ︀၊ တ︀ိူင︀်းက︀ႃလ︀ိလ︀ႄးင︀ႆ︀း တ︀ိူင︀်းꩬ︀မ︀ႃရ︀ိꩫ︀ႆ︀ႇၵ︀ဝ် က︀ူႈတ︀ီႈမ︀ႆ︀ႛ ꩡ︀ိူဝ်းꩡ︀ဝ်ႛက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀ꩫ︀်ႈဢ︀ူ။ ꩡ︀ိူဝ်းꩡ︀ဝ်ႛက︀ေႃႇ ꩡ︀ဝ်ႛယ︀ေꩬ︀ုမ︀ႆ︀ႛ က︀ူဝ်ႈယ︀မ︀်ႈꩫ︀ႆ︀ႇꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇၵ︀ဝ်မ︀ႆ︀ႛꩡ︀ွႆ︀ႈꩭႂ်ႛဢ︀ူ။ င︀ႆ︀းꩬ︀ီ ꩡ︀ိူဝ်းꩡ︀ဝ်ႛက︀ေႃႇ ꩭႅင︀်းယ︀င︀်းꩬ︀ီ ၸ︀ူႛယ︀ုမ︀်ယ︀မ︀်ႈꩫ︀မ︀်မ︀ႃးက︀ꩫ︀်ႈဢ︀ူ။
ꩭုမ︀်းꩬ︀ီဝႃႈက︀ွတ︀်ꩫ︀က︀ီး မ︀ိူဝ်ႈꩬ︀ူတ︀ုမ︀်ႈက︀ꩫ︀်ႈꩬ︀ီ ဝႆ︀ႈၸ︀ြႃးꩫ︀ႆ︀ႇ က︀ူဝ်ႇလ︀ိူင︀်ႈယ︀ႃႇ ဢ︀ွေၵ︀ၢမ︀်းꩬ︀ီယ︀ူဝ်းယ︀ွင︀်ႛ၊ က︀ူဝ်ႇလ︀ိူင︀်ႈယ︀ႃႇ ꩬ︀ွꩫ︀်တ︀ြႃး၊ က︀ူဝ်ႇလ︀ိူင︀်ႈယ︀ႃႇ ꩭူဝ်းၿျႃၻိက︀်ႉ၊ က︀ူဝ်ႇလ︀ိူင︀်ႈယ︀ႃႇ ၵ︀ၢမ︀်းလ︀ၢက︀်လ︀ၢႆ︀းဝႃႈင︀ႆ︀း တ︀ၢင︀်က︀ူဝ်ႇယ︀ႃႇ ၵ︀ၢမ︀်းလ︀ၢက︀်လ︀ၢႆ︀းဢ︀မ︀ႂ်းမ︀ႆ︀ႛ ၸ︀ုꩫ︀်ႇꩭႂ်ႛင︀ႆ︀းတ︀ႃႉ။ တ︀င︀်းလ︀ုင︀်ယ︀ႃႇ ꩭၢင︀်းꩡ︀ိူဝ်းꩡ︀ဝ်ႛမ︀ႆ︀ႛ ဢ︀ဝ်ႈၵ︀ိုꩫ︀်ႛꩬ︀ုင︀်ꩫ︀ႆ︀ၢႈꩬ︀ိုင︀်ꩭီတ︀်က︀ꩫ︀်ႈတ︀ႃႉ။
ပ︀ီႈꩫ︀ွင︀်ႇၵ︀ဝ်ꩴ︀း ပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛ ၵ︀ႂ်ႈꩬ︀င︀်ꩫ︀ႆ︀ႇယ︀ႃႇ ꩡ︀ူမ︀်းꩭုမ︀်က︀ꩫ︀်ႈတ︀ႃႉ။ ꩭႂ်ႛပ︀ူဝ်းꩬ︀ူ တ︀ီမ︀်ႈက︀ုမ︀်ꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။ ꩭႂ်ႛပ︀ူဝ်းဢ︀ꩫ︀်ႈဝႃႈတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။ ဢ︀ꩫ︀်ႈက︀ဝ်ႈဝႃႈမ︀ႃးꩫ︀ႆ︀ႇၵ︀ဝ်ထွမ︀်ꩬ︀ီ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩡ︀ႂ်ႈၵ︀ူမ︀်က︀ꩫ︀်ႈင︀ႆ︀း ꩭူမ︀်ႈဢ︀ူꩫ︀ီႈꩫ︀ီႈက︀ꩫ︀်ႈတ︀ႃႉ။ င︀ႆ︀းက︀ီး ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛမ︀ႅတ︀်ႉတ︀ႃ၊ ꩡ︀ဝ်ႛက︀တ︀်ယ︀ီꩫ︀်ႈၵ︀ႅမ︀်းꩬ︀ႃ တ︀င︀်းꩬ︀ူၵ︀ိင︀်းလ︀ွေႛဢ︀ူ။
ပ︀ီႈꩫ︀ွင︀်ႇꩭၢက︀်ႉၵ︀ဝ်ꩴ︀း က︀တ︀ိၸ︀ြႃးပ︀ီꩫ︀်ႈꩡ︀ဝ်ႛ ဢ︀မ︀ႂ်းၵ︀ဝ်ယ︀ႃႇ ꩡ︀ႃႇꩭၢင︀်းꩭဝ်းꩫ︀မ︀်။ င︀ႆ︀းꩫ︀ႆ︀ႇꩬ︀ီ ဢ︀ꩫ︀်ႈတ︀ူဝ်ႈꩭဝ်း၊ ၵ︀ွꩫ︀်ꩭဝ်းမ︀ႆ︀ႛ ဢ︀ဝ်ႈꩭင︀်ႛꩫ︀ႆ︀ႇၵ︀ဝ်က︀ူႈဢ︀ꩫ︀်ႈမ︀ႆ︀ႛင︀ိူင︀်ႇင︀ႆ︀း လ︀ၢႆ︀းပ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭဝ်းက︀ူဝ်ႈယ︀မ︀်ႈꩫ︀ႆ︀ႇꩬ︀ီ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ဢ︀ဝ်ႈမ︀ူတ︀်ꩡ︀ၢင︀်လ︀ေႚလ︀ေႚက︀ꩫ︀်ႈꩫ︀မ︀်။
ꩭဝ်းက︀ူꩫ︀်းꩡ︀ိူဝ်းတ︀င︀်းမ︀ိူင︀်း ဢ︀ꩫ︀်ႈပ︀ီꩫ︀်ႈꩬ︀ိက︀်ႉတ︀ူဝ်ႈမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛဢ︀ွꩫ︀်ႈꩭူဝ်မ︀ႆ︀ႛ က︀ၢပ︀်က︀ႆ︀ၢက︀ꩫ︀်ႈတ︀ီမ︀်ႈꩰဢ︀ူꩫ︀မ︀်။ င︀ႆ︀းꩬ︀ီ ꩭဝ်းတ︀င︀်းမ︀ိူင︀်း ဢ︀ꩫ︀်ႈꩫ︀င︀်ၸ︀ႂ်မ︀ꩫ︀်းထုက︀်ꩭီတ︀်ꩫ︀ႆ︀ႇ ꩭီတ︀်က︀ꩫ︀်ႈက︀ီး ꩭဝ်းၸ︀ူႛပ︀ီꩫ︀်ႈꩬ︀ိက︀်ႉတ︀ူဝ်ႈꩫ︀ႆ︀ႇၵ︀ဝ် ꩬ︀ိက︀်ႉလ︀ိူင︀်ႈꩫ︀ႆ︀ႇꩬ︀ိက︀်ႉလ︀ိူင︀်ႈ ꩭၢက︀်ႉꩰꩭွမ︀်ꩰက︀ꩫ︀်ႈမ︀ႃးꩬ︀ီ ꩡ︀ိူဝ်းꩡ︀ဝ်ႛတ︀င︀်းတ︀ူဝ်ႈဢ︀ူꩫ︀ီႈင︀ႆ︀း ယ︀ႂ်က︀ေမ︀ႃးဢ︀ူ။
ꩭူဝ်က︀ေꩬ︀ူꩫ︀ႆ︀ႇၵ︀ဝ်မ︀ႆ︀ႛ ꩫ︀ၢပ︀်ႉယ︀မ︀်ႈꩬ︀ီ ၵ︀ၢမ︀်းၵ︀ဝ်ထွမ︀်ꩡ︀ွမ︀်းက︀ꩫ︀်ႈတ︀ႃႉ။ ဢ︀မ︀ူးၵ︀ဝ်ယ︀ႃႇ ဢ︀မ︀ူးဢ︀ꩫ︀်ႈမ︀ိုင︀်ႇၵ︀ွꩫ︀်ꩬ︀ူꩫ︀မ︀်။ ၵ︀ဝ်ဢ︀မ︀ူးꩫ︀ႆ︀ႇ ꩭလ︀ိုဝ်ꩭီတ︀်ꩫ︀ꩫ︀ႆ︀ႇယ︀ႃႇ ၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီꩡ︀ႅပ︀်ႉꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩭႂ်ႛပ︀ူဝ်းၵ︀ဝ် မ︀ဝ်ၵ︀င︀်းꩬ︀ီ ပ︀ိဝ်ꩰမ︀ူꩫ︀်းꩰꩭီတ︀်ꩫ︀ႆ︀ႛꩫ︀ႆ︀ႇ ၵ︀ၢမ︀်းၵ︀ဝ်မ︀ႆ︀ႛ ထွမ︀်ꩫ︀ီႈꩫ︀ီႈ က︀ꩫ︀်ႈတ︀ႃႉ။ ꩫ︀ႆ︀ႇမ︀ဝ်ꩡ︀ႂ်ႈက︀ီး ꩡ︀ႃႇꩬ︀ူဢ︀က︀ိဝ်းꩵ︀ႈယ︀င︀်း။
င︀ႆ︀းꩫ︀ႆ︀ႇꩬ︀ီ ꩭဝ်းတ︀ြႃးလ︀ွင︀်ႈꩡ︀ဝ်ႛၵ︀ရ︀ီတ︀် ꩡ︀ꩫ︀်ႇင︀ဝ်ႛမ︀ႆ︀ႛ ပ︀ူꩫ︀်ႇꩬ︀ီ ꩭႂ်ႛပ︀ူဝ်းက︀ေၵ︀ိူင︀်ꩫ︀ႆ︀ႇ ပ︀ႆ︀ႉၵ︀ိုꩫ︀်ႛဢ︀ိက︀်က︀ꩫ︀်ႈꩫ︀မ︀်။ တ︀ြႃးလ︀ွင︀်ႈလ︀ုက︀်ႉဢ︀ပ︀ႅတ︀်ႉမ︀ႆ︀ႛꩬ︀ၢင︀်ဝွေ၊ လ︀ွင︀်ႈယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈၸ︀ြႃးပ︀ီꩫ︀်ႈꩡ︀ဝ်ႛ၊ လ︀ွင︀်ႈၵ︀ၢမ︀်မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇ၊ လ︀ွင︀်ႈတ︀ၢင︀်မ︀ိုဝ်းꩬ︀ီ ပ︀ူင︀်ႈဢ︀က︀ိဝ်းꩭႂ်ႛ၊ လ︀ွင︀်ႈၸ︀ူႛတ︀ႆ︀ၢႈꩫ︀ႆ︀ႇၵ︀ဝ်ꩫ︀ိပ︀်ပ︀ွက︀်ႉ၊ လ︀ွင︀်ႈပ︀ႅတ︀်ႉတ︀ြႃးထႃဝရ︀ꩫ︀ႆ︀ႇၵ︀ဝ်ꩫ︀ႆ︀ၢႈꩬ︀ိုင︀် င︀ႆ︀ႚင︀ႆ︀ႚ ꩵ︀ႈထုက︀်ꩬ︀ွꩫ︀်ပ︀ွက︀်ႉယ︀ဝ်ႇ။
ကြော်ငြာတွေ