ဢ︀ေၸ︀ႅတ︀် 3:17 - Khamti Shan

¹⁷ လ︀ႆ︀ၢးပ︀ိူဝ်ႈꩬ︀ူယ︀ုမ︀်ယ︀မ︀်ႈꩫ︀ႆ︀ႇꩬ︀ီ ꩫ︀ႂ်းꩡ︀ႂ်ႈꩬ︀ူမ︀ႆ︀ႛ ꩡ︀ဝ်ႛꩬ︀ေꩬ︀ုၵ︀ရ︀ီတ︀် ၵ︀ိင︀်းꩬ︀ီ ꩭႂ်ႛပ︀ူဝ်းꩬ︀ူ မ︀ဝ်လ︀ူမ︀်ႇက︀ႃꩫ︀ႆ︀ႇ ꩬ︀ူမ︀ႆ︀ႛဢ︀ဝ်ႈမ︀ႅတ︀်ႉတ︀ႃ ꩭႂ်ႛဢ︀ဝ်ႈၵ︀ိူင︀်က︀ိုမ︀်းက︀ႃတ︀ႃႉ။

ဢ︀ေၸ︀ႅတ︀် 3:17 ပူးပေါင်းရင်းမြစ်များ

မ︀တ︀်တ︀ႄး 13:6

ꩫ︀ႆ︀ႇꩫ︀က︀ေႃႇ ꩫ︀ိꩫ︀်ႈမ︀ဝ်လ︀ိူက︀်ႉꩫ︀ႆ︀ႇꩬ︀ီ ꩭၢက︀်ႉယ︀င︀်ꩵ︀ႈလ︀ိူက︀်ႉ။ င︀ႆ︀းꩬ︀ီ ꩫ︀ႅတ︀်ဢ︀ွက︀်မ︀ႃးက︀ီး တ︀ူꩫ︀်ႛဢ︀ွꩫ︀်ꩫ︀ႆ︀ႇၵ︀ဝ်ꩭိဝ်ꩬ︀ီ တ︀ႆ︀ၢႈက︀ႃမ︀ူတ︀်ဢ︀ူ။

လ︀ုက︀ႃ 6:48

က︀ူဝ်ႇဢ︀မ︀ႂ်းယ︀ႃႇ ၸ︀ူႛပ︀ူက︀်ꩭိူꩫ︀်းဢ︀ꩫ︀်ႈꩫ︀ိꩫ︀်ႈမ︀ႆ︀ႛ ၵ︀ုတ︀်လ︀ိူက︀်ႉꩰင︀ႆ︀း က︀ꩫ︀်ႛꩫ︀ိူဝ်ꩭိꩫ︀်မ︀ႆ︀ႛ ꩬ︀ူꩫ︀်ႛꩭိူꩫ︀်းတ︀မ︀်းꩬ︀ီ ပ︀ူက︀်ꩭိူꩫ︀်းꩫ︀က︀ꩫ︀်ႈꩫ︀မ︀်။ မ︀ိူဝ်ႈꩫ︀မ︀်ႇယ︀ႂ်ꩫ︀ႆ︀ႇ ꩭိူꩫ︀်းမ︀ႆ︀ႛꩫ︀မ︀်ႇထိပ︀်ꩫ︀က︀ေႃႇ ပ︀ူက︀်ၵ︀ိူင︀်ꩰဝႆ︀ႇꩫ︀ႆ︀ႇꩬ︀ီ ꩭိူꩫ︀်းဢ︀မ︀ႂ်းꩵ︀ႈꩫ︀ိင︀်ꩵ︀ႈလ︀ူမ︀်ႇ။

ယ︀ေႃးꩭၢꩫ︀် 14:17

ꩡ︀ဝ်ႛဢ︀မ︀ႂ်းယ︀ႃႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ မ︀ꩫ︀်းꩡ︀ဝ်ႛယ︀ႃႇꩬ︀ူမ︀ႆ︀ႛလ︀ွင︀်ႈꩬ︀မ︀်မ︀ႃတ︀ြႃး ၸ︀ြႃးပ︀ီꩫ︀်ႈꩡ︀ဝ်ႛ တ︀ီၵ︀ႆ︀ႈꩭႂ်ႛꩫ︀မ︀်။ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛꩭꩫ︀်မ︀ဝ်ꩫ︀ႆ︀ႛ၊ တ︀ွင︀်းမ︀ဝ်ꩫ︀ႆ︀ႛꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛꩵ︀ႈꩭၢပ︀်ႉ။ ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇမ︀ꩫ︀်းꩡ︀ဝ်ႛမ︀ႆ︀ႛတ︀ွင︀်းဢ︀ူ။ က︀ွပ︀်ႉပ︀ိူဝ်က︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛယ︀ႃႇ တ︀င︀်းꩬ︀ူ၊ က︀ꩫ︀်ႛꩫ︀ႂ်းꩬ︀ူမ︀ႆ︀ႛၵ︀ိင︀်းဢ︀ူꩬ︀ီꩫ︀မ︀်။

ယ︀ေႃးꩭၢꩫ︀် 14:23

မ︀ꩫ︀်းꩡ︀ဝ်ႛယ︀ႃႇ “က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛꩭၢက︀်ႉꩫ︀ႆ︀ႇၵ︀ဝ်ယ︀ႃႇ ၵ︀ၢမ︀်းက︀ဝ်ႈထွမ︀်ꩡ︀ွမ︀်းက︀ꩫ︀်ႈဢ︀ူ။ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇၵ︀ဝ်မ︀ႆ︀ႛꩭၢက︀်ႉꩬ︀ီ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛတ︀မ︀ိူင︀်း က︀ဝ်ႈတ︀မ︀ိူင︀်းတ︀င︀်းꩬ︀ွင︀် ၵ︀ဝ်မ︀ႆ︀ႛက︀ျွႃးမ︀ႃးꩬ︀ီ တ︀င︀်းၵ︀ဝ်တ︀ီꩭူမ︀်ႈၵ︀ိင︀်းꩫ︀မ︀်။

ယ︀ေႃးꩭၢꩫ︀် 17:23

က︀ꩫ︀်ႛꩫ︀ႂ်းၵ︀ဝ်မ︀ႆ︀ႛ က︀ဝ်ႈၵ︀ႃႛယ︀င︀်းꩫ︀က︀ꩫ︀်ႈ က︀ꩫ︀်ႛꩫ︀ႂ်းက︀ဝ်ႈၵ︀ႃႛမ︀ႆ︀ႛꩡ︀ဝ်ႛယ︀င︀်းꩬ︀ီ ၵ︀ဝ်က︀ေႃႇၸ︀ွမ︀်ႇလ︀ွမ︀်ႈက︀ꩫ︀်ႈတ︀ီၵ︀ႃႛယ︀ဝ်ႇ။ င︀ႆ︀းꩫ︀ႆ︀ႇꩬ︀ီ က︀ဝ်ႈၵ︀ႃႛမ︀ႆ︀ႛꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀မ︀်ꩫ︀ꩫ︀ႆ︀ႇလ︀ိူင︀်ႈ၊ က︀ဝ်ႈၵ︀ႃႛမ︀ႆ︀ႛꩡ︀ဝ်ႛꩭၢက︀်ႉꩫ︀က︀ꩫ︀်ႈ ၵ︀ဝ်မ︀ႆ︀ႛက︀ေႃႇꩭၢက︀်ႉဢ︀ူꩫ︀ꩫ︀ႆ︀ႇလ︀ိူင︀်ႈ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ် တ︀ီတ︀ွင︀်းမ︀ႃးက︀ꩫ︀်ႈတ︀ီၵ︀ႃႛꩫ︀မ︀်။

ယ︀ေႃးꩭၢꩫ︀် 6:56

က︀ူဝ်ႇဢ︀ꩫ︀်ႈက︀ိꩫ︀်ႈꩫ︀ိူဝ်ႇက︀ဝ်ႈ၊ ꩫ︀ိူတ︀်ႉက︀ဝ်ႈꩫ︀ႆ︀ႇ ဢ︀ူက︀ꩫ︀်ႛꩫ︀ႂ်းက︀ဝ်ႈမ︀ႆ︀ႛꩫ︀မ︀်။ က︀ဝ်ႈက︀ေႃႇ က︀ꩫ︀်ႛꩫ︀ႂ်းမ︀ꩫ︀်းမ︀ႆ︀ႛၵ︀ိင︀်းဢ︀ူ။

ရ︀ေႃမ︀ 5:5

ꩭဝ်းင︀ႆ︀းꩬ︀ီ တ︀ႂ်းထႃႛꩬ︀ီဢ︀ူက︀ီး မ︀ိူဝ်ႈလ︀ႂ်ႈက︀ေႃႇ ꩵ︀ႈꩫ︀ႆ︀ႛဢ︀ႆ︀ၢႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛꩭၢက︀်ႉလ︀ူင︀်ꩫ︀မ︀်ꩫ︀ꩫ︀ႆ︀ႇ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ဢ︀ꩫ︀်ႈꩭဝ်းမ︀ႆ︀ႛꩭႂ်ႛဝႆ︀ႇꩫ︀ႆ︀ႇ ပ︀ျႃးꩭႂ်ႛမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႑ 3:6

က︀ဝ်ႈယ︀ႃႇ ၸ︀ူႛဝၢꩫ︀်ꩭွေၸ︀ꩫ︀်းင︀ႆ︀း ဢ︀ႃပ︀ေႃလ︀ုယ︀ႃႇ ၸ︀ူႛꩭူတ︀်ꩫ︀မ︀်ႇꩡ︀ွမ︀်းꩫ︀က︀ꩫ︀်ႈꩫ︀မ︀်။ ꩫ︀ႆ︀ႇꩫ︀က︀ေႃႇ ꩡ︀ဝ်ႛဢ︀ꩫ︀်ႈꩭွေၸ︀ꩫ︀်းဢ︀မ︀ႂ်းမ︀ႆ︀ႛ ဢ︀ဝ်ႈတ︀ႅက︀်ဢ︀ဝ်ႈယ︀ႂ်ꩫ︀ႆ︀ႇယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။

က︀ေႃရ︀ိꩫ︀်တ︀ု ႑ 8:1

ꩡ︀ႃႇလ︀ိူင︀်ႈ လ︀ိက︀်ႉဢ︀ꩫ︀်ႈꩬ︀ူတ︀ႅမ︀်ႛမ︀ႃးမ︀ႆ︀ႛ လ︀ွင︀်ႈဢ︀ꩫ︀်ႈက︀ိꩫ︀်ႈဢ︀ꩫ︀်ႈꩭုꩫ︀်ꩭၢင︀်ႈမ︀ႆ︀ႛ ပ︀ုက︀်ႉꩡ︀ူဝ်ဝႆ︀ႇမ︀ႆ︀ႛ တ︀ွပ︀်ꩭႂ်ႛက︀ွတ︀်ꩫ︀က︀ီးယ︀ႃႇ က︀ဝ်ႈၵ︀ႂ်ႈဝႃႈင︀ႆ︀းꩫ︀မ︀်။ ꩫ︀င︀်ၵ︀ဝ်ဝႃႈꩫ︀က︀ꩫ︀်ႈ “ꩭဝ်းတ︀င︀်းလ︀ုင︀်မ︀ႆ︀ႛ လ︀ွင︀်ႈꩭူႇတ︀ၢင︀်းꩭꩫ︀်ယ︀င︀်းဢ︀ူ” ꩫ︀ꩫ︀ႆ︀ႇꩡ︀ႂ်ႈဢ︀ူ။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈꩭူႇတ︀ွင︀်းၸ︀ꩫ︀်းဢ︀မ︀ႂ်းယ︀ႃႇ က︀ူꩫ︀်းꩭဝ်းမ︀ႆ︀ႛ ꩭၢင︀်းꩭႂ်ႛက︀မ︀်ႇလ︀ွင︀်ႛꩫ︀ႆ︀ၢႈꩫ︀မ︀်။ ပ︀ိူꩫ︀်ႈမ︀ႆ︀ႛꩡ︀ွႆ︀ႈꩭႂ်ႛꩵ︀ႈꩫ︀ႆ︀ႛ။ ဢ︀ဝ်ႈမ︀ႅတ︀်ႉတ︀ႃꩫ︀ႆ︀ၢႈꩫ︀မ︀် ပ︀ိူꩫ︀်ႈမ︀ႆ︀ႛꩡ︀ွႆ︀ႈꩭႂ်ႛꩫ︀ႆ︀ႛꩫ︀ႆ︀ႇ။

က︀ေႃရ︀ိꩫ︀်တ︀ု ႒ 13:5

င︀ႆ︀းꩫ︀ႆ︀ႇꩬ︀ီ တ︀ၢင︀်းယ︀ုမ︀်ယ︀မ︀်ႈꩬ︀ူ ꩡ︀ႅတ︀်ႉ၊ မ︀ဝ်ꩡ︀ႅတ︀်ႉꩫ︀ꩫ︀ႆ︀ႇ ꩬ︀ူၸ︀ူႛꩡ︀ဝ်ႛꩡ︀ႅပ︀်ႉလ︀ႅမ︀်းꩫ︀ီႈꩫ︀ီႈ က︀ꩫ︀်ႈတ︀ႃႉ။ ꩡ︀ႅတ︀်ႉက︀ီး ꩬ︀ူမ︀ႆ︀ႛꩡ︀ဝ်ႛၵ︀ရ︀ီတ︀် ၵ︀ိင︀်းဢ︀ူꩫ︀ꩫ︀ႆ︀ႇ ꩬ︀ူတ︀ွင︀်းꩫ︀ီႈꩫ︀ီႈဢ︀ူ။ ꩫ︀ႆ︀ႇမ︀ဝ်ꩡ︀ႂ်ႈက︀ီး တ︀ၢင︀်းယ︀ုမ︀်ယ︀မ︀်ႈꩬ︀ူꩵ︀ႈꩡ︀ႅတ︀်ႉ။

က︀ေႃရ︀ိꩫ︀်တ︀ု ႒ 6:16

ꩡ︀ွင︀်းၿိက︀်ႉမ︀ၢꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ တ︀င︀်းꩭုꩫ︀်ꩭၢင︀်ႈꩫ︀ႆ︀ႇၵ︀ဝ် တ︀ီꩭလ︀ိုဝ်ဢ︀ၢပ︀်ႉက︀ꩫ︀်ႈꩫ︀ႆ︀။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ “က︀ဝ်ႈ တ︀င︀်းၵ︀ဝ်ၵ︀ိင︀်းꩬ︀ီ ဝူင︀်ႈၵ︀ဝ်မ︀ႆ︀ႛတ︀ီၸ︀ႆ︀ၢႛꩫ︀မ︀်။ ꩫ︀ႂ်းၵ︀ဝ်မ︀ႆ︀ႛပ︀ꩫ︀်ꩬ︀ီ တ︀ီပ︀ီꩫ︀်ႈၸ︀ြႃးၵ︀ဝ်ꩫ︀မ︀်။ ၵ︀ဝ်က︀ေႃႇတ︀ီပ︀ီꩫ︀်ႈက︀ူꩫ︀်းက︀ဝ်ႈꩫ︀မ︀်” ꩫ︀ꩬ︀ီက︀တ︀ိꩭႂ်ႛဝႆ︀ႇꩫ︀ႆ︀ႇꩫ︀က︀ꩫ︀်ႈ ꩭဝ်းယ︀ႃႇ ꩡ︀ွင︀်းၿိက︀်ႉမ︀ၢꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်ꩫ︀မ︀်။

က︀လ︀ႃတ︀ိ 2:20

င︀ႆ︀းꩫ︀ႆ︀ႇꩬ︀ီ က︀ဝ်ႈယ︀ႃႇ င︀ႆ︀ႚꩵ︀ႈယ︀င︀်းယ︀ဝ်ႇ။ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀် က︀ꩫ︀်ႛꩫ︀ႂ်းက︀ဝ်ႈမ︀ႆ︀ႛ ဢ︀ꩬ︀ၢက︀်ႉꩫ︀ိပ︀်ဢ︀ူꩫ︀ႆ︀ႇ။ င︀ႆ︀ႚက︀ဝ်ႈဢ︀ꩬ︀ၢက︀်ႉꩫ︀ိပ︀်ꩬ︀ီဢ︀ူꩫ︀ႆ︀ႇယ︀ႃႇ ဢ︀ဝ်ႈတ︀ၢင︀်းဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀မ︀်။ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛꩭၢက︀်ႉꩬ︀ီ ꩡ︀ႃႇက︀ဝ်ႈၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။

က︀လ︀ႃတ︀ိ 5:6

ꩭဝ်းဢ︀ူက︀ꩫ︀်ႛꩫ︀ႂ်း ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀် ꩭၢပ︀်ႉ၊ မ︀ဝ်ꩭၢပ︀်ႉꩫ︀ꩫ︀ႆ︀ႇ ꩵ︀ႈဢ︀ၵ︀ႅက︀်ႉပ︀ိူင︀်ႈလ︀ူင︀်။ ဢ︀ꩫ︀်ႈဢ︀ၵ︀ႅက︀်ႉတ︀ေႇတ︀ေႇꩫ︀ႆ︀ႇယ︀ႃႇ ဢ︀ꩫ︀်ႈလ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ ပ︀ိူꩫ︀်ႈမ︀ႆ︀ႛꩭၢက︀်ႉꩭွမ︀်ꩫ︀ႆ︀ႇꩫ︀မ︀်။

က︀ေႃလ︀ေႃတ︀ႄ 1:23

င︀ႆ︀းꩫ︀ႆ︀ႇꩬ︀ီ ꩬ︀ူꩬ︀မ︀်မ︀ႃတ︀ြႃးꩫ︀ႆ︀ႇမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰက︀ိုမ︀်းꩰက︀ꩫ︀်ႈတ︀ႃႉ။ ꩫ︀င︀်မ︀ိူဝ်ႈꩬ︀ူ ၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းမ︀ႆ︀ႛ ꩬ︀င︀်က︀ူဝ်ꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇ တ︀မ︀်းꩡ︀ႂ်ႈမ︀ႃးꩫ︀က︀ꩫ︀်ႈ က︀ၢပ︀်ꩬ︀ီတ︀မ︀်းꩡ︀ႂ်ႈꩬ︀ီဢ︀ူက︀ꩫ︀်ႈတ︀ႃႉ။ ꩡ︀ႂ်ႈဢ︀မ︀ႂ်း ပ︀ီꩭႂ်ႛလ︀ႆ︀ၢႈက︀ႃ။ က︀ဝ်ႈပ︀ေႃလ︀ုမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇ ꩭႂ်ႛꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩬ︀ီ ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇက︀ေႃႇ တ︀င︀်းက︀မ︀်ၸ︀ႃမ︀ႆ︀ႛ ထိုင︀်က︀ႃယ︀ဝ်ႇ။

က︀ေႃလ︀ေႃတ︀ႄ 1:27

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ွင︀်ႈလ︀ိူက︀်ႉလ︀မ︀် ဢ︀ꩫ︀်ႈ ၵ︀ိူင︀်ႈꩫ︀ီႈဢ︀ၢမ︀်း၊ ဢ︀ꩫ︀်ႈယ︀ႂ်မ︀ႅတ︀်ႉလ︀ူင︀် ဢ︀ꩫ︀်ႈꩫ︀ႂ်းꩡ︀ႂ်ႈမ︀ꩫ︀်းꩡ︀ဝ်ႛမ︀ႆ︀ႛ ꩡ︀ႃႇက︀ူꩫ︀်းတ︀င︀်းမ︀ိူင︀်း က︀ႅမ︀်က︀တ︀်ႉꩰဝႆ︀ႇ ဢ︀မ︀ႂ်း က︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ၵ︀ႂ်ႈꩭႂ်ႛတ︀ွင︀်းဢ︀ူ။ ဢ︀ꩫ︀်ႈမ︀ꩫ︀်းꩡ︀ဝ်ႛက︀ႅမ︀်ဝႆ︀ႇဢ︀မ︀ႂ်းယ︀ႃႇ လ︀ွင︀်ႈဢ︀ꩫ︀်ႈ က︀ꩫ︀်ႛꩫ︀ႂ်းꩬ︀ူမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ိင︀်း၊ တ︀ၢင︀်းလ︀ိူင︀်ႈဝႃႈက︀ွတ︀်ꩫ︀က︀ီး ဢ︀ꩫ︀်ႈꩬ︀ူတ︀င︀်းၸ︀ြႃးပ︀ီꩫ︀်ႈꩡ︀ဝ်ႛ တ︀ီꩫ︀ႆ︀ႛꩭၢပ︀်ႉမ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩫ︀ႆ︀ႇꩫ︀မ︀်။

က︀ေႃလ︀ေႃတ︀ႄ 2:7

ꩫ︀င︀်ꩬ︀ူꩬ︀ွꩫ︀်ဢ︀ဝ်ႈမ︀ႃးꩫ︀က︀ꩫ︀်ႈ တ︀င︀်းမ︀ꩫ︀်းꩡ︀ဝ်ႛꩡ︀ၢပ︀်ႉလ︀ႅင︀်ꩬ︀ီဢ︀ူက︀ꩫ︀်ႈတ︀ႃႉ။ မ︀ꩫ︀်းꩡ︀ဝ်ႛမ︀ႆ︀ႛꩭီတ︀်င︀ဝ်ႛꩬ︀ီ ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူ ပ︀ူက︀်ၵ︀ိုꩫ︀်ႛက︀ႃက︀ꩫ︀်ႈတ︀ႃႉ။ မ︀ꩫ︀်းꩡ︀ဝ်ႛမ︀ႆ︀ႛ ဢ︀ေႈၵ︀ႅꩫ︀်းယ︀ူဝ်းယ︀ွင︀်ႛꩬ︀ီဢ︀ူက︀ꩫ︀်ႈတ︀ႃႉ။

ယ︀ေႃးꩭၢꩫ︀် ႑ 4:16

ꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭၢက︀်ႉဢ︀ူꩫ︀ꩫ︀ႆ︀ႇ ꩭဝ်းၸ︀ူႛꩡ︀ဝ်ႛတ︀ွင︀်းꩬ︀ီ ယ︀ုမ︀်ယ︀မ︀်ႈက︀ꩫ︀်ႈဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ႅတ︀်ႉတ︀ႃꩫ︀မ︀်။ က︀ူဝ်ႇဢ︀ꩫ︀်ႈဢ︀ဝ်ႈမ︀ႅတ︀်ႉတ︀ႃဢ︀ူꩬ︀ဝ်းꩫ︀ႆ︀ႇယ︀ႃႇ ဢ︀ူက︀ꩫ︀်ႛꩫ︀ႂ်းၸ︀ြႃးပ︀ီꩫ︀်ႈꩡ︀ဝ်ႛꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ က︀ꩫ︀်ႛꩫ︀ႂ်းမ︀ꩫ︀်းမ︀ႆ︀ႛယ︀င︀်းဢ︀ူ။

ယ︀ေႃးꩭၢꩫ︀် ႑ 4:4

ꩫ︀ႆ︀ႇꩫ︀က︀ေႃႇ လ︀ုက︀်ႉꩭၢက︀်ႉက︀ဝ်ႈၵ︀ဝ်ꩴး ꩬ︀ူပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃဢ︀မ︀ႂ်းၵ︀ဝ်မ︀ႆ︀ႛ ပ︀ေႇဢ︀ွင︀်ယ︀ဝ်ႇ။ က︀ွပ︀်ႉပ︀ိူဝ်က︀ꩬ︀င︀်ꩫ︀ႆ︀ꩫ︀က︀ီး ၵ︀ွꩫ︀်ဢ︀ꩫ︀်ႈက︀ꩫ︀်ႛꩫ︀ႂ်းꩬ︀ူမ︀ႆ︀ႛၵ︀ိင︀်းꩫ︀ႆ︀ႇယ︀ႃႇ ၵ︀ွꩫ︀်ဢ︀ꩫ︀်ႈဢ︀ူပ︀ႃႛက︀ူꩫ︀်းမ︀ိူင︀်းက︀ၢင︀်ႈၵ︀ဝ်မ︀ႆ︀ႛ တ︀ꩫ︀်းၵ︀ူဝ်းယ︀ႂ်ꩬ︀ႃꩬ︀ီꩫ︀မ︀်။

ၿျႃၻိက︀်ႉ 3:20

ထွမ︀်တ︀ႃႉ။ က︀ဝ်ႈက︀ꩫ︀်ႛꩫ︀ႃႛတ︀ၢင︀်းပ︀တ︀ူႈမ︀ႆ︀ႛꩬ︀ဝ်းင︀ႆ︀း ꩭွင︀်ႇဢ︀ူꩫ︀မ︀်။ ၸ︀ႂ်မ︀ဝ်ဝႃႈ ꩬ︀ီင︀်က︀ဝ်ႈꩫ︀ႆ︀ႛꩥ︀ိꩫ︀်းꩬ︀ီ က︀ဝ်ႈမ︀ႆ︀ႛꩭၢပ︀်ႉတ︀ွꩫ︀်ႛက︀ီး ꩭိူꩫ︀်းက︀ူဝ်ႇဢ︀မ︀ႂ်းမ︀ႆ︀ႛ က︀ဝ်ႈၵ︀ဝ်ႛꩬ︀ီ တ︀င︀်းမ︀ꩫ︀်းတ︀ီꩭူမ︀်ႈက︀ိꩫ︀်ႈꩫ︀မ︀်။ မ︀ꩫ︀်းက︀ေႃႇ တ︀င︀်းက︀ဝ်ႈတ︀ီꩭူမ︀်ႈက︀ိꩫ︀်ႈꩫ︀မ︀်။