ဢ︀ေၸ︀ႅတ︀် 3:10 - Khamti Shan

¹⁰ ၸ︀ြႃးပ︀ီꩫ︀်ႈꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩡ︀ဝ်ႛၵ︀ုꩫ︀်၊ ꩡ︀ဝ်ႛဢ︀ႃꩫ︀ႃဢ︀ꩫ︀်ႈက︀ၢင︀်ႈၸ︀ႃႇမ︀ႆ︀ႛꩭူမ︀်း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ၢꩫ︀်တ︀ၢꩫ︀်းꩫ︀ႆ︀ႇၵ︀ဝ် င︀ႆ︀ႚယ︀ႃႇ ꩡ︀ိူဝ်းမ︀ꩫ︀်းꩡ︀ဝ်ႛမ︀ႆ︀ႛꩫ︀ူႈင︀ႆ︀းꩬ︀ီ တ︀ၢင︀်းꩭူႇတ︀ွင︀်းမ︀ꩫ︀်းꩡ︀ဝ်ႛဢ︀ꩫ︀်ႈလ︀ိူက︀်ႉလ︀မ︀်တ︀ီမ︀်ႈက︀ုမ︀်မ︀ႆ︀ႛ ꩭႂ်ႛတ︀ွင︀်းမ︀ႃးက︀ွတ︀်ꩫ︀ꩫ︀မ︀်။

ဢ︀ေၸ︀ႅတ︀် 3:10 ပူးပေါင်းရင်းမြစ်များ

ရ︀ေႃမ︀ 11:33

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ီးတ︀ꩫ︀်းတ︀ီမ︀်ႈက︀ုမ︀်လ︀ူင︀်၊ ꩥ︀ႅꩫ︀်မ︀ꩫ︀်းꩡ︀ဝ်ႛꩫ︀ႆ︀ႇလ︀ိူက︀်ႉလ︀မ︀်လ︀ူင︀်၊ ပ︀ိင︀်ꩥ︀ႃမ︀ꩫ︀်းꩡ︀ဝ်ႛꩫ︀ႆ︀ႇ က︀ၢင︀်ႛꩫ︀ႃလ︀ူင︀်ꩫ︀မ︀်။ ဢ︀ꩫ︀်ႈမ︀ꩫ︀်းꩡ︀ဝ်ႛတ︀ႅပ︀်တ︀တ︀်မ︀ႆ︀ႛ ၸ︀ႂ်က︀ေႃႇ ၵ︀ႆ︀ႈꩵ︀ႈꩡ︀ၢင︀်ႈ။ ဢ︀ꩫ︀်ႈမ︀ꩫ︀်းꩡ︀ဝ်ႛꩭီတ︀်မ︀ႆ︀ႛ ၸ︀ႂ်က︀ေႃႇꩵ︀ႈပ︀ွင︀်ꩡ︀ႂ်ႈပ︀ိူင︀်ႈလ︀ူင︀်။

ရ︀ေႃမ︀ 8:38

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းမ︀ႆ︀ႛက︀ꩬ︀င︀်က︀ေႃႇ လ︀ုက︀်ႉမ︀ႅတ︀်ႉတ︀ႃမ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈၸ︀ၢက︀်ႉက︀ႃꩵ︀ႈꩫ︀ႆ︀ႛပ︀ိူင︀်ႈလ︀ူင︀်။ ꩭဝ်းတ︀ႆ︀ၢႈပ︀တ︀ု၊ ꩫ︀ိပ︀်ပ︀တ︀ုဢ︀ဝ်ႈၸ︀ၢက︀်ႉꩵ︀ႈꩫ︀ႆ︀ႛ။ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်၊ ဢ︀ႃꩫ︀ႃဢ︀ꩫ︀်ႈက︀ၢင︀်ႈၸ︀ႃႇမ︀ႆ︀ႛꩭူမ︀်းꩫ︀ႆ︀ႇၵ︀ဝ်၊ ဢ︀ꩫ︀်ႈင︀ႆ︀ႚပ︀ီꩫ︀်ႈꩫ︀ႆ︀ႇၵ︀ဝ်၊ ဢ︀ꩫ︀်ႈက︀ꩫ︀်ႛꩫ︀ႃႛမ︀ႆ︀ႛတ︀ီပ︀ီꩫ︀်ႈꩫ︀ႆ︀ႇၵ︀ဝ်၊

က︀ေႃရ︀ိꩫ︀်တ︀ု ႑ 1:24

ꩫ︀ႆ︀ႇꩫ︀က︀ေႃႇ က︀ျူးပ︀တ︀ု က︀ရ︀ိက︀်ပ︀တ︀ု က︀ူဝ်ႇဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭွင︀်ႇဝႆ︀ႇက︀ီး ꩡ︀ႃႇꩭၢင︀်းက︀ူဝ်ႇဢ︀မ︀ႂ်းၵ︀ဝ်ယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩡ︀ဝ်ႛဢ︀ꩫ︀်ႈပ︀ျႃးတ︀ꩫ︀်းၵ︀ူဝ်းꩫ︀ၵ︀ႃတ︀ၢင︀်းꩭူႇတ︀ွင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။

က︀ေႃရ︀ိꩫ︀်တ︀ု ႑ 2:7

ဢ︀ꩫ︀်ႈတ︀ူႈၵ︀ႆ︀ႈꩫ︀ႆ︀ႇယ︀ႃႇ ပ︀ိင︀်ꩥ︀ႃၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈလ︀ိူက︀်ႉလ︀မ︀်လ︀ူင︀် ဢ︀ꩫ︀်ႈမ︀ꩫ︀်းꩡ︀ဝ်ႛဢ︀ဝ်ႈမ︀ႅပ︀်ဝႆ︀ႇမ︀ႃးꩫ︀ႆ︀ႇꩫ︀မ︀်။ ပ︀ိင︀်ꩥ︀ႃဢ︀မ︀ႂ်းယ︀ႃႇ ဢ︀ꩫ︀်ႈꩡ︀ႃႇꩭၢင︀်းဢ︀ဝ်ႈပ︀ီꩫ︀်ႈမ︀ူꩫ︀်ႈၸ︀ုင︀်းꩭဝ်းꩫ︀ꩬ︀ီ လ︀ုက︀်ႉမ︀ိူဝ်ႈက︀မ︀်ၸ︀ႃꩵ︀ႈပ︀ႆ︀တ︀ေပ︀ုꩫ︀်ႛ မ︀ꩫ︀်းꩡ︀ဝ်ႛꩬ︀ၢင︀်မ︀ူဝ်ဝႆ︀ႇမ︀ႃးꩫ︀ႆ︀ႇꩫ︀မ︀်။

ဢ︀ေၸ︀ႅတ︀် 1:21

ꩡ︀ဝ်ႛယ︀ေꩬ︀ုၵ︀ရ︀ီတ︀်က︀ေႃႇ ၵ︀ူင︀်းက︀ၢင︀်ႈꩭၢဝ်မ︀ႆ︀ႛ ၵ︀ုꩫ︀်တ︀င︀်းလ︀ုင︀်၊ ဢ︀ႃꩫ︀ႃတ︀င︀်းလ︀ုင︀်၊ တ︀ꩫ︀်းၵ︀ူဝ်းတ︀င︀်းလ︀ုင︀်မ︀ႆ︀ႛင︀ႆ︀း ꩡ︀ဝ်ႛတ︀င︀်းလ︀ုင︀်မ︀ႆ︀ႛ ဢ︀ုပ︀်ႉပ︀ိုင︀်ဢ︀ူꩫ︀မ︀်။ ꩡ︀ိုဝ်ႈမ︀ꩫ︀်းꩡ︀ဝ်ႛယ︀ႃႇ ꩡ︀ူဝ်ႈꩫ︀ႆ︀ႇꩡ︀ူဝ်ႈꩫ︀ႃႛ ꩡ︀ိုဝ်ႈꩡ︀ဝ်ႛတ︀င︀်းလ︀ုင︀်မ︀ႆ︀ႛ ယ︀ႂ်မ︀ႅတ︀်ႉꩬ︀ႃဢ︀ူ။

ဢ︀ေၸ︀ႅတ︀် 1:23

ꩡ︀ိူဝ်းꩡ︀ဝ်ႛဢ︀မ︀ႂ်းယ︀ႃႇ ဢ︀ꩫ︀်ႈတ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ဝ်ႈတ︀ီမ︀်ႈက︀ုမ︀်ꩫ︀မ︀်။ ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛက︀ေႃႇ က︀ူႈတ︀ီႈက︀ူႈꩫ︀ႅꩫ︀်ႈမ︀ႆ︀ႛ က︀ူႈꩡ︀ွင︀်ႈက︀ူႈလ︀ွင︀်ႈဢ︀ဝ်ႈတ︀ီမ︀်ႈက︀ုမ︀်ဝႆ︀ႇဢ︀ူ။

ဢ︀ေၸ︀ႅတ︀် 1:3

ၸ︀ြႃးပ︀ီꩫ︀်ႈꩡ︀ဝ်ႛၸ︀ူႛပ︀ီꩫ︀်ႈꩡ︀ဝ်ႛၸ︀ြႃးꩫ︀ၵ︀ႃပ︀ူဝ်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းမ︀ႆ︀ႛ က︀ူꩫ︀်းတ︀င︀်းလ︀ုင︀်ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ မ︀ိူင︀်းက︀ၢင︀်ႈꩭၢဝ်မ︀ႆ︀ႛ ဢ︀က︀ိဝ်းꩡ︀ႃႇꩭၢင︀်းၵ︀ွꩫ︀်ꩭဝ်းꩫ︀ႆ︀ႇၵ︀ဝ်က︀ူႈဢ︀ꩫ︀်ႈ ပ︀ူင︀်ႈꩭႂ်ႛဝႆ︀ႇယ︀ဝ်ႇ။

ဢ︀ေၸ︀ႅတ︀် 6:12

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းတ︀ိက︀်တ︀ူဝ်းꩫ︀ႆ︀ႇယ︀ႃႇ က︀ူꩫ︀်းမ︀ႆ︀ႛꩵ︀ႈꩡ︀ႂ်ႈ။ တ︀ꩫ︀်းၵ︀ူဝ်းၵ︀ွꩫ︀်ꩫ︀ႆ︀ႇၵ︀ဝ်၊ ၸ︀ူႛက︀မ︀်ႈဢ︀ႃꩫ︀ႃꩫ︀ႆ︀ႇၵ︀ဝ်၊ ၵ︀ုꩫ︀်ၵ︀ွꩫ︀်ꩭႆ︀ၢႇဢ︀ꩫ︀်ႈ ဢ︀ꩫ︀်ႈꩫ︀မ︀်ႈꩬ︀ိင︀်မ︀ိူင︀်းက︀ၢင︀်ꩫ︀ႆ︀ႇမ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်၊ ၸ︀ီꩭၢႆ︀ႇဢ︀ꩫ︀်ႈဢ︀ူက︀ၢင︀်ႈꩭၢဝ်ꩫ︀ႆ︀ႇၵ︀ဝ်မ︀ႆ︀ႛꩫ︀မ︀် ꩭဝ်းတ︀ိက︀်တ︀ူဝ်းဢ︀ူꩫ︀ႆ︀ႇ။

က︀ေႃလ︀ေႃတ︀ႄ 1:16

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ တ︀ꩫ︀်းၵ︀ူဝ်းၵ︀ွꩫ︀်ꩫ︀ႆ︀ႇၵ︀ဝ်၊ ꩡ︀ဝ်ႛꩫ︀ႆ︀ႇၵ︀ဝ်၊ ꩡ︀ဝ်ႛၵ︀ုꩫ︀်ꩫ︀ႆ︀ႇၵ︀ဝ်၊ ၸ︀ူႛက︀မ︀်ႈဢ︀ႃꩫ︀ႃꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈက︀ႃႈꩡ︀ိုဝ်ႈက︀ၢင︀်ႈꩭၢဝ်လ︀င︀်ꩫ︀ိꩫ︀်ႈမ︀ႆ︀ႛယ︀င︀်း ဢ︀ꩫ︀်ႈꩭꩫ︀်ꩫ︀ႆ︀ႛတ︀မ︀ိူင︀်း ဢ︀ꩫ︀်ႈꩭꩫ︀်မ︀ဝ်ꩫ︀ႆ︀ႛတ︀မ︀ိူင︀်း တ︀င︀်းလ︀ုင︀်တ︀င︀်းမ︀ိူင︀်းမ︀ႆ︀ႛ ဢ︀ဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀် ၸ︀ၢꩫ︀်ꩬ︀ၢင︀်းမ︀ႃးꩫ︀ႆ︀ႇ။ တ︀မ︀်တ︀ိူင︀်းတ︀င︀်းလ︀ုက︀်ႉမ︀ႆ︀ႛ ဢ︀ဝ်ႈမ︀ꩫ︀်းꩡ︀ဝ်ႛ၊ ꩡ︀ႃႇမ︀ꩫ︀်းꩡ︀ဝ်ႛꩫ︀မ︀် ၸ︀ြႃးပ︀ီꩫ︀်ႈꩡ︀ဝ်ႛၸ︀ၢꩫ︀်ꩬ︀ၢင︀်းမ︀ႃးꩫ︀ႆ︀ႇ။

က︀ေႃလ︀ေႃတ︀ႄ 2:10

က︀ꩫ︀်ႛꩫ︀ႂ်းမ︀ꩫ︀်းꩡ︀ဝ်ႛမ︀ႆ︀ႛ ꩬ︀ူ ဢ︀ူꩫ︀ႆ︀ႇꩬ︀ီ ꩬ︀ူမ︀ႆ︀ႛက︀ေႃႇ မ︀ꩫ︀်းꩡ︀ဝ်ႛဢ︀ꩬ︀ၢက︀်ႉဢ︀ꩫ︀်ႈတ︀ီမ︀်ႈက︀ုမ︀်ꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛယ︀ႃႇ ꩡ︀ဝ်ႛတ︀ꩫ︀်းၵ︀ူဝ်းၵ︀ွꩫ︀်ꩫ︀ႆ︀ႇၵ︀ဝ်င︀ႆ︀း ၸ︀ူႛက︀မ︀်ႈဢ︀ႃꩫ︀ႃꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛ ဢ︀ုပ︀်ႉပ︀ိုင︀်ဢ︀ူ။

က︀ေႃလ︀ေႃတ︀ႄ 2:15

ꩡ︀ဝ်ႛယ︀ေꩬ︀ုၵ︀ရ︀ီတ︀် မ︀ိူဝ်ႈက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ၵ︀ၢမ︀်တ︀ႆ︀ၢႈꩫ︀ႆ︀ႇ တ︀ꩫ︀်းၵ︀ူဝ်းၵ︀ွꩫ︀်င︀ႆ︀း ၸ︀ူႛက︀မ︀်ႈဢ︀ႃꩫ︀ႃဢ︀ꩫ︀်ႈက︀ူꩫ︀်းꩭဝ်းမ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛပ︀ေႇယ︀ဝ်ႇ။ ယ︀ဝ်ႇက︀ီး မ︀ိူဝ်ႈမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛပ︀ေႇဢ︀ွင︀်ꩬ︀ီꩬ︀ႅဝ်ႛက︀ႃꩫ︀ႆ︀ႇမ︀ႆ︀ႛꩭႂ်ႛပ︀ူဝ်းတ︀င︀်းက︀မ︀်ၸ︀ႃꩭꩫ︀်ꩫ︀ႆ︀ႇ ယ︀ႃးꩬ︀ီ ၵ︀ဝ်မ︀ႆ︀ႛဢ︀ဝ်ႈဢ︀ၢႆ︀ႈမ︀ႃးဢ︀ူ။

တ︀ိမ︀ေႃတ︀ေ ႑ 3:16

လ︀ွင︀်ႈꩬ︀မ︀်မ︀ႃတ︀ြႃးဢ︀ꩫ︀်ႈꩭဝ်းယ︀ုမ︀်ယ︀မ︀်ႈꩫ︀ႆ︀ႇ လ︀ိူက︀်ႉလ︀မ︀် ꩬ︀ိုဝ်ႈꩡ︀ႂ်ႈလ︀ူင︀်တ︀ေႇတ︀ေႇꩫ︀မ︀်။ လ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀်ဢ︀မ︀ႂ်းယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀် က︀ျွႃးလ︀ူင︀်းပ︀ီꩫ︀်ႈက︀ူꩫ︀်းမ︀ႃးꩬ︀ီ လ︀ွင︀်ႈꩫ︀ႆ︀ႇꩡ︀ႂ်ႈဢ︀ူꩫ︀ꩫ︀ႆ︀ႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ꩭီတ︀်ꩬ︀ၢက︀်ႉꩬ︀ေမ︀ႃးင︀ႆ︀း ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ꩫ︀ႆ︀ႛꩭꩫ︀်မ︀ႃးယ︀ဝ်ႇ။ က︀ူꩫ︀်းက︀ူႈၸ︀ꩫ︀်းက︀ေႃႇ ၵ︀ၢဝ်ႈၵ︀ၢမ︀်းꩫ︀ီႈမ︀ꩫ︀်းꩡ︀ဝ်ႛ ꩫ︀ႆ︀ႛꩥ︀ိꩫ︀်းꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ က︀မ︀်ၸ︀ႃတ︀င︀်းꩡ︀ꩫ︀်ႇ ယ︀ုမ︀်ယ︀မ︀်ႈမ︀ႃးက︀ꩫ︀်ႈယ︀ဝ်ႇ။ မ︀ꩫ︀်းꩡ︀ဝ်ႛမ︀ႆ︀ႛယ︀ႃႇ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ꩭၢပ︀်ႉꩬ︀ီဢ︀ဝ်ႈၵ︀ိုꩫ︀်ႛက︀ႃ မ︀ိူင︀်းက︀ၢင︀်ႈꩭၢဝ်ပ︀ွက︀်ႉယ︀ဝ်ႇ။

ပ︀ေတ︀ရ︀ု ႑ 1:12

ဢ︀ꩫ︀်ႈၵ︀ဝ်မ︀ႆ︀ႛ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ် ꩭူဝ်းမ︀ႃးꩫ︀ႆ︀ႇယ︀ႃႇ ꩡ︀ႃႇဢ︀က︀ိဝ်းၵ︀ဝ်ၸ︀ူႛꩡ︀ဝ်ႛꩵ︀ႈꩡ︀ႂ်ႈ၊ ꩡ︀ႃႇဢ︀က︀ိဝ်းꩬ︀ူꩫ︀မ︀်။ င︀ႆ︀ႚယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛဢ︀ꩫ︀်ႈꩬ︀ူမ︀ႆ︀ႛꩬ︀ူင︀်ၵ︀ၢဝ်ႈၵ︀ၢမ︀်းꩫ︀ႆ︀ႇၵ︀ဝ်မ︀ႆ︀ႛ ꩡ︀ႂ်ႇꩬ︀ီဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်မ︀ꩫ︀်းꩡ︀ဝ်ႛ ဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ်မ︀ႆ︀ႛပ︀ွႆ︀ꩡ︀ႂ်ႇမ︀ႃးꩫ︀ႆ︀ႇ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩭႂ်ႛꩭူဝ်းမ︀ႃးယ︀ဝ်ႇ။ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်တ︀မ︀ိူင︀်းက︀ေႃႇ လ︀ွင︀်ႈဢ︀မ︀ႂ်းၵ︀ဝ် ၵ︀ႂ်ႈတ︀ွင︀်းလ︀ူင︀်မ︀ႃးꩫ︀မ︀်။

ပ︀ေတ︀ရ︀ု ႑ 3:22

င︀ႆ︀ႚယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀် ၵ︀ိုꩫ︀်ႛက︀ႃက︀ꩫ︀်ႛꩫ︀ိူဝ်က︀ၢင︀်ႈꩭၢဝ်ယ︀ဝ်ႇ။ မ︀ꩫ︀်းꩡ︀ဝ်ႛပ︀ႃႛၵ︀ႃၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀င︀်ႈꩬ︀ီ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈက︀ႃႈꩡ︀ိုဝ်ႈဢ︀ႃꩫ︀ႃတ︀ꩫ︀်းၵ︀ူဝ်းယ︀င︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ုပ︀်ႉပ︀ိုင︀်ꩬ︀ီဢ︀ူဢ︀ူ။