ဢ︀ေၸ︀ႅတ︀် 3:1 - Khamti Shan

¹ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ က︀ဝ်ႈပ︀ေႃလ︀ု ဢ︀ꩫ︀်ႈလ︀ႆ︀ၢးပ︀ိူဝ်ႈꩬ︀ူဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် မ︀ႆ︀ႛ ꩭူဝ်းၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ င︀ႆ︀ႚတ︀ူက︀်ထွင︀်ဢ︀ူꩫ︀ႆ︀ႇ ꩡ︀ႃႇꩬ︀ူယ︀ွꩫ︀်းꩬ︀ူးဢ︀ူꩫ︀မ︀်။

ဢ︀ေၸ︀ႅတ︀် 3:1 ပူးပေါင်းရင်းမြစ်များ

လ︀ုက︀ႃ 21:12

ꩫ︀ႆ︀ႇꩫ︀က︀ေႃႇ မ︀ိူဝ်ႈဢ︀မ︀ႂ်းၵ︀ဝ် ꩵ︀ႈပ︀ႆ︀ပ︀ီꩫ︀်ႈမ︀ႃးꩫ︀ႆ︀ႇ ꩬ︀ူမ︀ႆ︀ႛပ︀ိူꩫ︀်ႈꩬ︀ႅဝ်ႛꩬ︀ီ တ︀ီꩫ︀ိက︀်ႉꩬ︀ၢက︀်ႉက︀ꩫ︀်ႈꩫ︀မ︀်။ ꩬ︀ူမ︀ႆ︀ႛပ︀ိူꩫ︀်ႈ ꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ်မ︀ႆ︀ႛ ထိုင︀်တ︀ြႃးꩬ︀ီ တ︀ီꩬ︀ႂ်ထွင︀်ꩫ︀မ︀်။ လ︀ႆ︀ၢးပ︀ိူဝ်ႈက︀ဝ်ႈမ︀ႆ︀ႛယ︀ုမ︀်ယ︀မ︀်ႈꩫ︀ႆ︀ႇꩬ︀ီ ꩬ︀ူမ︀ႆ︀ႛပ︀ိူꩫ︀်ႈပ︀ၢင︀်ႈꩫ︀ႃႛꩡ︀ဝ်ႛꩭူဝ်ၵ︀မ︀်း၊ ပ︀ၢင︀်ႈꩫ︀ႃႛꩡ︀ဝ်ႛၵ︀ုꩫ︀်ꩫ︀ႆ︀ႇၵ︀ဝ်မ︀ႆ︀ႛ တ︀ီꩡ︀ꩫ︀်ႈက︀ႃꩫ︀မ︀်။

ထဝ်ꩡ︀တ︀်ႉၵ︀ဝ် 21:33

ꩫ︀ႆ︀ႇမ︀ႆ︀ႛ ꩡ︀ဝ်ႛꩭူဝ်ꩬ︀ိူက︀်ꩫ︀ႆ︀ႇ ပ︀ေႃလ︀ုမ︀ႆ︀ႛꩬ︀ႅဝ်ႛꩬ︀ီ ဢ︀ဝ်ႈꩬ︀ၢႆ︀လ︀ီက︀်ꩬ︀ွင︀်ဢ︀ꩫ︀်ႈ ꩭႂ်ႛၸ︀ုက︀်ဢ︀ူ။ ယ︀ဝ်ႇက︀ီး “ဢ︀ႆ︀ၢႛꩫ︀ႆ︀ႇၸ︀ႂ်ꩫ︀ႆ︀။ မ︀ꩫ︀်းက︀ꩬ︀င︀်ꩫ︀ႆ︀ၸ︀ိတ︀်မ︀ႃးꩫ︀ႆ︀ႇ” ꩫ︀ꩬ︀ီၵ︀ဝ်မ︀ႆ︀ႛ ထၢမ︀်ဢ︀ူ။

ထဝ်ꩡ︀တ︀်ႉၵ︀ဝ် 23:18

ꩡ︀ဝ်ႛꩭူဝ်ꩬ︀ိူက︀်ဢ︀ွꩫ︀်ꩫ︀ႆ︀ႇ ꩡ︀ၢႆ︀းဢ︀ွꩫ︀်ဢ︀မ︀ႂ်းမ︀ႆ︀ႛ ꩭွင︀်ႇက︀ႃꩡ︀ဝ်ႛꩭူဝ်ꩬ︀ိူက︀်ယ︀ဝ်ႇက︀ီး “က︀ူꩫ︀်းထွင︀်ပ︀ေႃလ︀ုယ︀ႃႇ ꩡ︀ၢႆ︀းဢ︀ွꩫ︀်ꩫ︀ႆ︀ႇမ︀ႆ︀ႛ ꩭႂ်ႛꩭွင︀်ႇမ︀ႃးမ︀ႂ်းꩡ︀ဝ်ႛဢ︀ူ။ မ︀ႂ်းꩡ︀ဝ်ႛမ︀ႆ︀ႛ မ︀ꩫ︀်း ဢ︀ꩫ︀်ႈဝႃႈꩬ︀ွက︀်ႉ ယ︀င︀်းတ︀ီၵ︀ႃႛဢ︀ူ” ꩫ︀ꩬ︀ီꩬ︀ွက︀်ႉဢ︀ူ။

ထဝ်ꩡ︀တ︀်ႉၵ︀ဝ် 26:29

ပ︀ေႃလ︀ုယ︀ႃႇ “ဢ︀ꩫ︀်ႈꩭိုင︀်မ︀ဝ်ꩭိုင︀်ꩫ︀ႆ︀ႇ ꩵ︀ႈဢ︀ၵ︀ႅက︀်ႉတ︀ီၵ︀ႃႛ။ ꩡ︀ဝ်ႛꩭူဝ်ၵ︀မ︀်းတ︀မ︀ိူင︀်း က︀ူꩫ︀်းဢ︀ꩫ︀်ႈမ︀ိူဝ်ႈꩫ︀ႆ︀ႇ မ︀ႆ︀ႛထွမ︀်ꩫ︀ႆ︀ႇၵ︀ဝ်တ︀င︀်းမ︀ိူင︀်း ꩫ︀င︀်က︀ဝ်ႈၵ︀ႃႛꩫ︀က︀ꩫ︀်ႈ ꩭႂ်ႛပ︀ူဝ်းꩡ︀ဝ်ႛယ︀ေꩬ︀ုမ︀ႆ︀ႛယ︀ုမ︀်ယ︀မ︀်ႈမ︀ႃးꩫ︀ႆ︀ႇ က︀ဝ်ႈၵ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ွꩫ︀်းꩬ︀ူးတ︀ီၵ︀ႃႛဢ︀ူ။ ꩫ︀ႆ︀ႇꩫ︀က︀ေႃႇ ꩫ︀င︀်က︀ဝ်ႈၵ︀ႃႛꩫ︀က︀ꩫ︀်ႈ ꩬ︀ႆ︀ၢလ︀ီက︀်ယ︀ႃႇ ꩵ︀ႈၵ︀ႂ်ႈꩭႂ်ႛꩫ︀ႆ︀ႛၸ︀ုက︀်က︀ꩫ︀်ႈတ︀ီၵ︀ႃႛ” ꩫ︀ꩬ︀ီꩬ︀ွက︀်ႉဢ︀ူ။

ထဝ်ꩡ︀တ︀်ႉၵ︀ဝ် 9:15

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ “က︀ႃတ︀ႃႉ။ မ︀ꩫ︀်းယ︀ႃႇ က︀ူဝ်ႇဢ︀ꩫ︀်ႈက︀ဝ်ႈꩡ︀ဝ်ႛလ︀ိူက︀်ႉဝႆ︀ႇ ꩭၢင︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်၊ ꩡ︀ဝ်ႛꩭူဝ်ၵ︀မ︀်းꩫ︀ႆ︀ႇၵ︀ဝ်င︀ႆ︀း ဢ︀ီတ︀်ꩬ︀ြေးꩫ︀ႆ︀ႇၵ︀ဝ်မ︀ႆ︀ႛ ꩭူဝ်းလ︀ွင︀်ႈက︀ဝ်ႈꩫ︀မ︀်။

က︀ေႃရ︀ိꩫ︀်တ︀ု ႒ 1:6

တ︀ူႈꩫ︀ႆ︀ႛၻုက︀်ႉၵ︀ꩫ︀ႆ︀ႇယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩭႂ်ႛင︀ႆ︀း ၵ︀ေꩬ︀ေꩭႂ်ႛမ︀ႆ︀ႛ ꩭႂ်ႛပ︀ူဝ်းꩬ︀ူꩫ︀ႆ︀ႛꩭၢပ︀်ႉဢ︀ဝ်ႈꩫ︀ႆ︀ႇꩫ︀မ︀်။ တ︀ူႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩭႂ်ႛꩫ︀ႆ︀ႇက︀ေႃႇ ဢ︀ꩫ︀်ႈꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩭႂ်ႛင︀ႆ︀း ထႅမ︀်ꩭႅင︀်းꩭႂ်ႛမ︀ႆ︀ႛ ꩭႂ်ႛပ︀ူဝ်းꩬ︀ူꩫ︀ႆ︀ႛꩭၢပ︀်ႉဢ︀ဝ်ႈꩫ︀ႆ︀ႇꩫ︀မ︀်။ င︀ႆ︀းꩫ︀ႆ︀ႇꩬ︀ီ မ︀ိူဝ်ႈꩫ︀င︀်တ︀ူႈꩫ︀က︀ꩫ︀်ႈ ꩬ︀ူꩫ︀ႆ︀ႛယ︀ပ︀်ယ︀ၢက︀်ႉꩫ︀ႆ︀ႇ ꩫ︀င︀်တ︀ူႈꩫ︀က︀ꩫ︀်ႈ ꩬ︀ူꩭႅင︀်းꩫ︀ႆ︀ႛꩬ︀ီက︀ꩫ︀်ႛပ︀ီꩫ︀်ႈက︀ꩫ︀်ႈꩫ︀မ︀်။

က︀ေႃရ︀ိꩫ︀်တ︀ု ႒ 10:1

က︀ဝ်ႈပ︀ေႃလ︀ုယ︀ႃႇ မ︀ိူဝ်ႈတ︀ူဝ်ꩫ︀ႃႛက︀ꩫ︀်ႈꩫ︀ႆ︀ႇက︀ူဝ်ႈꩰꩬ︀ွင︀်ꩰတ︀ၢꩫ︀်ႛꩬ︀ီ မ︀ိူဝ်ႈဢ︀ဝ်ႈလ︀ိက︀်ႉတ︀ႅမ︀်ႛက︀ီးꩭတ︀်ꩭၢꩫ︀်ဢ︀ူ ꩫ︀ꩬ︀ီက︀ူꩫ︀်းꩬ︀ူက︀မ︀်ႈၸ︀ွင︀်းဝႃႈဢ︀ူ။ ꩫ︀ႆ︀ႇꩫ︀က︀ေႃႇ င︀ႆ︀ႚက︀ဝ်ႈ ꩡ︀ႂ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ꩫ︀်ႈက︀ွမ︀်းꩫ︀ွမ︀်း ဢ︀ူꩫ︀်ႛꩥ︀ေႈꩫ︀ႆ︀ႇပ︀ၢက︀်ႉꩬ︀ီ ꩬ︀ူမ︀ႆ︀ႛ ဝွꩫ︀်းၵ︀ႅꩫ︀်းက︀ွတ︀်။ မ︀ိူဝ်ႈက︀ဝ်ႈမ︀ႃးꩫ︀ႆ︀ႇ က︀ူဝ်ႇဢ︀ꩫ︀်ႈꩫ︀င︀်က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ꩫ︀က︀ꩫ︀်ႈ ꩭီတ︀်ဢ︀မ︀ူးꩫ︀မ︀်ꩫ︀ꩬ︀ီ ဝႃႈꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈဝႃႈတ︀ၢꩫ︀်ႛၵ︀တ︀်ꩰꩫ︀မ︀်။ ꩫ︀ႆ︀ႇꩫ︀က︀ေႃႇ က︀ူပ︀်တ︀င︀်းꩬ︀ူꩬ︀ီ ꩭႂ်ႛပ︀ူဝ်းၵ︀ဝ်မ︀ႆ︀ႛ မ︀ဝ်တ︀ၢꩫ︀်ႛၵ︀တ︀်ꩰꩫ︀ႆ︀ႇ ꩡ︀ွႆ︀ႈက︀ꩫ︀်ႈမ︀ႃးတ︀ႃႉ။

က︀ေႃရ︀ိꩫ︀်တ︀ု ႒ 11:23

ၵ︀ဝ်ပ︀ီꩫ︀်ႈၸ︀ူႛꩡ︀ႂ်ႇꩡ︀ဝ်ႛၵ︀ရ︀ီတ︀်ꩫ︀မ︀်ꩫ︀က︀ီး က︀ဝ်ႈယ︀ႃႇဢ︀ေႈၵ︀ႅꩫ︀်းပ︀ီꩫ︀်ႈဢ︀ူꩫ︀ꩬ︀ီ ꩫ︀င︀်ၸ︀ူႛမ︀ႃႛꩫ︀က︀ꩫ︀်ႈ က︀ဝ်ႈဝႃႈဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ဝ်ႈ ဢ︀မ︀ူးၵ︀ႅꩫ︀်းꩬ︀ေႈꩡ︀ႃႉမ︀ႃးဢ︀ူ။ ဢ︀ေႈၵ︀ႅꩫ︀်းꩫ︀ႆ︀ႛတ︀ူက︀်ထွင︀်မ︀ႃး၊ ဢ︀ေႈၵ︀ႅꩫ︀်းꩫ︀ႆ︀ႛၵ︀ၢမ︀်တ︀ုက︀်ႉၵ︀မ︀ႃး၊ ၸ︀ေးတ︀ၢင︀်းတ︀ႆ︀ၢႈမ︀ႆ︀ႛ ဢ︀ေႈၵ︀ႅꩫ︀်းꩫ︀ႆ︀ႛꩭူပ︀်ႉꩭꩫ︀်မ︀ႃးဢ︀ူ။

က︀လ︀ႃတ︀ိ 5:11

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀င︀်ဝႃႈ ꩫ︀င︀်ပ︀ိူꩫ︀်ႈပ︀ိꩫ︀်ႇꩫ︀က︀ꩫ︀်ႈ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ဝႃႈꩭၢပ︀်ႉဢ︀ူꩫ︀ꩬ︀ီ က︀ဝ်ႈꩭူဝ်း တ︀ေႇတ︀ေႇက︀ီး က︀ဝ်ႈမ︀ႆ︀ႛၵ︀ဝ် ဢ︀ꩫ︀်ႈဝႃႈꩫ︀ိက︀်ႉꩬ︀ၢက︀်ႉꩵ︀ႈယ︀င︀်းပ︀ိူင︀်ႈလ︀ူင︀်။ ဢ︀မ︀ႂ်းꩭူဝ်းမ︀ႃးတ︀ေႇတ︀ေႇက︀ီး က︀ဝ်ႈလ︀ွင︀်ႈဢ︀ꩫ︀်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀် က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛတ︀ႆ︀ၢႈꩫ︀ႆ︀ႇ ꩭူဝ်းꩫ︀က︀ေႃႇ က︀ဝ်ႈမ︀ႆ︀ႛ ၵ︀ဝ်ꩵ︀ႈꩫ︀ိက︀်ႉꩬ︀ၢက︀်ႉယ︀ဝ်ႇ။

က︀လ︀ႃတ︀ိ 5:2

ထွမ︀်က︀ꩫ︀်ႈတ︀ႃႉ။ က︀ဝ်ႈပ︀ေႃလ︀ုဝႃႈက︀ွတ︀်။ ꩬ︀ူꩭၢပ︀်ႉမ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်က︀ီး ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭီတ︀်ꩭႂ်ႛꩫ︀ႆ︀ႇယ︀ႃႇ ꩡ︀ႃႇꩭၢင︀်းꩬ︀ူက︀ꩬ︀င︀်က︀ေႃႇ ꩵ︀ႈꩡ︀ႂ်ႈယ︀ဝ်ႇ။

က︀လ︀ႃတ︀ိ 5:24

က︀ူꩫ︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇၵ︀ဝ်ယ︀ႃႇ ꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛင︀ႆ︀း ꩡ︀ႂ်ႈဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛ က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ တ︀ွက︀်တ︀ႆ︀ၢႈယ︀ဝ်ႇꩰ။

ဢ︀ေၸ︀ႅတ︀် 3:11

ꩫ︀ႆ︀ႇယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃႇထႃဝရ︀ꩬ︀ၢင︀်မ︀ူဝ်ဝႆ︀ႇꩬ︀ီ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ဝ်ႈပ︀ီꩫ︀်ႈမ︀ႃးꩫ︀ႆ︀ႇꩫ︀မ︀်။

ဢ︀ေၸ︀ႅတ︀် 3:13

င︀ႆ︀းꩫ︀ႆ︀ႇꩬ︀ီ က︀ဝ်ႈꩡ︀ႃႇဢ︀က︀ိဝ်းꩬ︀ူ ꩫ︀ႆ︀ႛယ︀ပ︀်ယ︀ၢက︀်ႉꩫ︀ႆ︀ႇမ︀ႆ︀ႛ ꩬ︀ူꩡ︀ႂ်ႈပ︀ီၸ︀ေႛမ︀ႃႉ။

ဢ︀ေၸ︀ႅတ︀် 3:8

က︀ဝ်ႈယ︀ႃႇ ꩫ︀ႂ်းက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ပ︀ီꩫ︀်ႈဢ︀ꩫ︀်ႈက︀ွႆ︀ႛပ︀ိူꩫ︀်ႈၵ︀ႂ်ႈလ︀ႂ်ႈꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛဢ︀ၵ︀ၢင︀်းဢ︀ꩫ︀်ႈမ︀ႅတ︀်ႉလ︀ူင︀်ဢ︀မ︀ႂ်း ပ︀ူင︀်ႈꩭႂ်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ က︀ဝ်ႈဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈၵ︀ႅမ︀်းꩬ︀ႃမ︀ီးတ︀ꩫ︀်းဢ︀ꩫ︀်ႈတ︀ီမ︀်ႈက︀ုမ︀် ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭႂ်ႛꩫ︀ႆ︀ႇ ꩫ︀ႆ︀ႛꩭူဝ်းꩬ︀ီ

ဢ︀ေၸ︀ႅတ︀် 4:1

င︀ႆ︀းꩫ︀ႆ︀ႇꩬ︀ီ ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ꩭွင︀်ႇဢ︀ဝ်ႈပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛဝႆ︀ႇꩫ︀ႆ︀ႇꩬ︀ီ ꩫ︀င︀်ဢ︀ꩫ︀်ႈမ︀ꩫ︀်းꩡ︀ဝ်ႛၵ︀ႂ်ႈꩭႂ်ႛဢ︀ူꩫ︀က︀ꩫ︀်ႈ ဢ︀ူက︀ꩫ︀်ႈမ︀ႃးတ︀ႃႉꩫ︀ꩬ︀ီ က︀ဝ်ႈၸ︀ူႛဢ︀ꩫ︀်ႈလ︀ႆ︀ၢးပ︀ိူဝ်ႈꩭီတ︀်ဢ︀မ︀ူးမ︀ꩫ︀်းꩡ︀ဝ်ႛꩬ︀ီ ꩫ︀ႆ︀ႛတ︀ူက︀်ထွင︀်ဢ︀ူꩫ︀ႆ︀ႇ ၵ︀ႅꩫ︀်းဝွꩫ︀်းဢ︀ူ။

ဢ︀ေၸ︀ႅတ︀် 6:20

င︀ႆ︀ႚက︀ဝ်ႈတ︀ူက︀်ထွင︀်ဢ︀ူꩫ︀က︀ေႃႇ က︀ဝ်ႈမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႂ်ႇꩭႂ်ႛꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇꩬ︀ီ က︀ဝ်ႈꩭူဝ်းဢ︀ူꩫ︀မ︀်။ င︀ႆ︀းꩫ︀ႆ︀ႇꩬ︀ီ ဢ︀ꩫ︀်ႈက︀ဝ်ႈဝႃႈꩭူဝ်းꩫ︀ႆ︀ႇ ꩭႂ်ႛပ︀ူဝ်းက︀ဝ်ႈꩭတ︀်ꩰꩭၢꩫ︀်ꩰꩭူဝ်းပ︀ီꩫ︀်ႈꩫ︀ႆ︀ႇ ယ︀ွꩫ︀်းꩬ︀ူးꩭႂ်ႛက︀ꩫ︀်ႈမ︀ႃးတ︀ႃႉ။

ၸ︀ိလ︀ိပ︀်ပ︀ၢႆ︀ 1:7

က︀ဝ်ႈ ꩬ︀ူမ︀ႆ︀ႛꩭၢက︀်ႉလ︀ူင︀်ꩫ︀မ︀်။ ꩭၢက︀်ႉက︀ေႃႇထုက︀်ꩫ︀ီႈꩭၢက︀်ႉဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူဝ်ႈက︀ဝ်ႈင︀ႆ︀ႚတ︀ူက︀်ထွင︀်ဢ︀ူꩫ︀ႆ︀ႇတ︀မ︀ိူင︀်း မ︀ိူဝ်ႈ က︀ဝ်ႈၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ က︀ုမ︀်ႇၵ︀ႅꩫ︀်မ︀ႃး၊ ꩭူဝ်းမ︀ႃးꩫ︀ႆ︀ႇတ︀မ︀ိူင︀်း ဢ︀မ︀ူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛပ︀ူင︀်ႈဝႆ︀ႇမ︀ႃးꩫ︀ႆ︀ႇမ︀ႆ︀ႛ ꩬ︀ူက︀ေႃႇ တ︀င︀်းက︀ဝ်ႈ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ꩭူမ︀်ႈꩭၢပ︀်ႉဢ︀ဝ်ႈမ︀ႃးꩬ︀ီꩫ︀မ︀်။

က︀ေႃလ︀ေႃတ︀ႄ 1:24

က︀ဝ်ႈꩡ︀ႃႇဢ︀က︀ိဝ်းꩬ︀ူ ꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀ႆ︀ႇꩬ︀ီ ꩡ︀ူမ︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၻုက︀်ႉၵ︀ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ႃႇꩭၢင︀်းꩡ︀ိူဝ်းꩡ︀ဝ်ႛဢ︀ꩫ︀်ႈပ︀ီꩫ︀်ႈတ︀ူဝ်ႈမ︀ꩫ︀်းꩡ︀ဝ်ႛ ဝႃႈက︀ၢပ︀်ၵ︀ၢမ︀်ဢ︀ိက︀်ꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈ ꩫ︀ႆ︀ႛက︀ၢပ︀်ၵ︀ၢမ︀်က︀ႃꩬ︀ီꩫ︀မ︀်။

က︀ေႃလ︀ေႃတ︀ႄ 4:18

ဢ︀ꩫ︀်ႈꩫ︀ႆ︀ႇယ︀ႃႇ လ︀ိက︀်ႉဢ︀ꩫ︀်ႈက︀ဝ်ႈပ︀ေႃလ︀ုၸ︀ူႛꩡ︀ဝ်ႛတ︀ႅမ︀်ႛꩫ︀မ︀် ꩫ︀ꩬ︀ီ ဢ︀ဝ်ႈမ︀ိုဝ်းက︀ဝ်ႈၸ︀ူႛꩡ︀ဝ်ႛ တ︀ႅမ︀်ႛမ︀ႃးယ︀ဝ်ႇ။ က︀ဝ်ႈတ︀ူက︀်ထွင︀်ဢ︀ူꩫ︀မ︀်ꩫ︀ꩫ︀ႆ︀ႇ ꩬ︀ူပ︀ီလ︀ုမ︀်း။ ꩬ︀ူတ︀င︀်းလ︀ုင︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛဢ︀ီꩫ︀ူႈꩭၢက︀်ႉꩭွမ︀်က︀တ︀ႃႉ။

က︀ေႃလ︀ေႃတ︀ႄ 4:3

ꩡ︀ႃႇတ︀ူႈက︀ေႃႇ ဢ︀ၵ︀ၢင︀်းဢ︀ꩫ︀်ႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ꩫ︀်ႈလ︀ိူက︀်ႉလ︀မ︀် ꩭႂ်ႛပ︀ူဝ်းꩫ︀ႆ︀ႛꩫ︀ႆ︀ႇ ယ︀ွꩫ︀်းꩬ︀ူးမ︀ႃးတ︀ႃႉ။ လ︀ႆ︀ၢးပ︀ိူဝ်ႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းꩬ︀ီ က︀ဝ်ႈင︀ႆ︀ႚꩫ︀ႆ︀ႛတ︀ူက︀်ထွင︀်ဢ︀ူꩫ︀မ︀်။

တ︀ိမ︀ေႃတ︀ေ ႒ 1:16

ꩭိူꩫ︀်းဢ︀ေႃꩫ︀ေတ︀ိၸ︀ေႃၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛပ︀ူင︀်ႈဢ︀က︀ိဝ်းက︀ႃတ︀ႃႉ။ မ︀ꩫ︀်းယ︀ႃႇ က︀ဝ်ႈမ︀ႆ︀ႛ လ︀ႆ︀ၢၵ︀ႅက︀်ႉꩡ︀ႂ်ႈဢ︀ဝ်ႈၵ︀ႅမ︀်းꩬ︀ႃꩭႂ်ႛမ︀ႃးယ︀ဝ်ႇ။ မ︀ꩫ︀်းယ︀ႃႇက︀ဝ်ႈ တ︀ူက︀်ထွင︀်ꩬ︀ီဢ︀ူꩫ︀က︀ေႃႇ မ︀ဝ်ဢ︀ႆ︀ၢႈꩬ︀ီ မ︀ွင︀်းမ︀ꩫ︀်းဝီင︀်းရ︀ေႃမ︀မ︀ႆ︀ႛထိုင︀်မ︀ႃးꩫ︀ႆ︀ႇ က︀ဝ်ႈမ︀ႆ︀ႛက︀ႃႈမ︀ဝ်ꩭꩫ︀်ယ︀ႃႇ မ︀ႃးၵ︀ႃဢ︀ူ။

တ︀ိမ︀ေႃတ︀ေ ႒ 1:8

င︀ႆ︀းꩫ︀ႆ︀ႇꩬ︀ီ လ︀ွင︀်ႈꩡ︀ဝ်ႛꩭဝ်း မ︀ဝ်က︀ူဝ်ႈမ︀ဝ်ဢ︀ႆ︀ၢႈꩬ︀ီ ၵ︀ႆ︀ႈတ︀ႃႉ။ လ︀ႆ︀ၢးပ︀ိူဝ်ႈမ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩬ︀ီ က︀ဝ်ႈတ︀ူက︀်ထွင︀်ꩫ︀ႆ︀ႇက︀ေႃႇ မ︀ႂ်းပ︀ီဢ︀ႆ︀ၢႈ။ ꩭႅင︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛထႅမ︀်ꩭႂ်ႛꩫ︀ႆ︀ႇမ︀ႆ︀ႛ ဢ︀က︀မ︀်ꩬ︀ီ ꩫ︀င︀်က︀ဝ်ႈၻုက︀်ႉၵ︀ꩫ︀က︀ꩫ︀်ႈ မ︀ႂ်းက︀ေႃႇ ꩡ︀ႃႇၵ︀ၢဝ်ႈၵ︀ၢမ︀်းꩫ︀ီႈꩡ︀ဝ်ႛꩭဝ်း ၻုက︀်ႉၵ︀ꩫ︀က︀ေႃႇၵ︀ၢမ︀်တ︀ႃႉ။

ၸ︀ိလ︀ေမ︀ုꩫ︀် 1:1

က︀ူဝ်ႇꩬ︀ေႛၸ︀ိလ︀ေမ︀ုꩫ︀်ꩴ︀း ꩫ︀ွင︀်ႇꩬ︀ၢဝ်ꩭဝ်းဢ︀ပ︀်ပ︀ိ၊ က︀ူဝ်ႇꩬ︀ေႛꩭဝ်းဢ︀ႃၵ︀ိက︀်ပ︀ုဢ︀ꩫ︀်ႈတ︀င︀်းꩭဝ်း ꩭူမ︀်ႈထၢမ︀်းဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛင︀ႆ︀း ပ︀ီႈꩫ︀ွင︀်ႇꩡ︀ိူဝ်းꩡ︀ဝ်ႛꩭဝ်း ဢ︀ꩫ︀်ႈꩭိူꩫ︀်းမ︀ႂ်းမ︀ႆ︀ႛ ꩭူမ︀်ႈဝႆ︀ႈၸ︀ြႃးꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛ က︀ဝ်ႈပ︀ေႃလ︀ုဢ︀ꩫ︀်ႈက︀ွပ︀်ႉပ︀ိူဝ်ႈꩭူဝ်းလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ တ︀ူက︀်ထွင︀်ꩬ︀ီဢ︀ူꩫ︀ႆ︀ႇ ꩫ︀ၵ︀ႃ ꩫ︀ွင︀်ႇꩭဝ်းတ︀ိမ︀ေႃတ︀ေ လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။

ၸ︀ိလ︀ေမ︀ုꩫ︀် 1:23

ဢ︀ေပ︀ၸ︀ြ ဢ︀ꩫ︀်ႈထၢမ︀်းဢ︀မ︀ူးꩡ︀ဝ်ႛယ︀ေꩬ︀ုꩬ︀ီ တ︀င︀်းက︀ဝ်ႈတ︀ူက︀်ထွင︀်ꩬ︀ီဢ︀ူꩫ︀ႆ︀ႇ ꩬ︀ူမ︀ႆ︀ႛꩬ︀င︀်ၵ︀ၢမ︀်းဢ︀ူ။

ၸ︀ိလ︀ေမ︀ုꩫ︀် 1:9

ꩫ︀ႆ︀ႇꩫ︀က︀ေႃႇ က︀ဝ်ႈပ︀ီꩫ︀်ႈၸ︀ူႛတ︀ၢင︀်ႈတ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ေႇမ︀ဝ်က︀ႃး ꩭူဝ်းလ︀ွင︀်ႈမ︀ꩫ︀်းꩡ︀ဝ်ႛꩫ︀ႆ︀ႇꩬ︀ီ တ︀ူက︀်ထွင︀်ꩬ︀ီဢ︀ူꩫ︀က︀ေႃႇ ꩭႃးꩡ︀ဝ်ႛပ︀ီꩫ︀်ႈတ︀ႆ︀းက︀ူဝ်ႇက︀ꩫ︀်ႈꩫ︀ႆ︀ႇꩬ︀ီ မ︀ႂ်းမ︀ႆ︀ႛ က︀ဝ်ႈဝွꩫ︀်းၵ︀ႅꩫ︀်းဢ︀ဝ်ႈꩫ︀ႆ︀ၢႈက︀ွတ︀်။

ၿျႃၻိက︀်ႉ 2:10

မ︀ႂ်းတ︀ီꩫ︀ႆ︀ႛၵ︀ၢမ︀်ၻုက︀်ႉၵ︀က︀ꩬ︀င︀်ꩫ︀က︀ေႃႇ ပ︀ီက︀ူဝ်ႈ။ က︀ူꩫ︀်းမ︀ႂ်းက︀မ︀်ႈၸ︀ွင︀်းမ︀ႆ︀ႛ ၵ︀ုꩫ︀်ꩬ︀ူင︀်ꩬ︀ႂ်ထွင︀်ꩬ︀ီ ၵ︀ꩫ︀်ꩬ︀ိပ︀်ဝꩫ︀်းလ︀ိူင︀်ႈယ︀ႃႇ မ︀ႂ်းတ︀ီꩫ︀ႆ︀ႛၵ︀ၢမ︀်က︀ဝ်း တ︀ီꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀မ︀်။ င︀ႆ︀းꩫ︀ႆ︀ႇꩬ︀ီ တ︀ူဝ်ပ︀ူဝ်းတ︀ႆ︀ၢႈꩫ︀က︀ေႃႇ က︀ဝ်ႈမ︀ႆ︀ႛယ︀ုမ︀်ယ︀မ︀်ႈၵ︀ိူင︀်ꩰတ︀ႃႉ။ င︀ႆ︀းက︀ီး မ︀ႂ်းမ︀ႆ︀ႛက︀ဝ်ႈ ꩬ︀ူးပ︀ွင︀်းဢ︀ꩬ︀ၢက︀်ႉတ︀ီပ︀ူင︀်ႈꩭႂ်ႛꩫ︀မ︀်။