ဢ︀ေၸ︀ႅတ︀် 2:16 - Khamti Shan

¹⁶ က︀ူꩫ︀်းꩬ︀ွင︀်က︀ုမ︀်ႛဢ︀မ︀ႂ်းမ︀ႆ︀ႛ ဢ︀ဝ်ႈတ︀ၢင︀်းꩬ︀ဝ်ဝႃးမ︀ိုဝ်း ဢ︀ဝ်ႈပ︀ီꩫ︀်ႈက︀ုမ︀်ႛလ︀ိဝ်ႈင︀ႆ︀း တ︀င︀်းမ︀ꩫ︀်းꩡ︀ဝ်ႛ ဢ︀ဝ်ႈထုက︀်က︀ꩫ︀်ႈပ︀ွက︀်ႉꩬ︀ီ ဢ︀ꩫ︀်ႈက︀ုမ︀်ႛလ︀ိူင︀်ႈမ︀ႆ︀ႛက︀ုမ︀်ႛလ︀ိူင︀်ႈꩡ︀င︀်းက︀ꩫ︀်ႈꩫ︀ႆ︀ႇ ယ︀ႃႇၵ︀ွတ︀်ယ︀ဝ်ႇ။

ဢ︀ေၸ︀ႅတ︀် 2:16 ပူးပေါင်းရင်းမြစ်များ

ရ︀ေႃမ︀ 5:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းꩭဝ်းပ︀ီꩫ︀်ႈလ︀ꩫ︀်ꩬ︀ူၵ︀ႂ်ႈလ︀ႂ်ႈꩫ︀က︀ေႃႇ က︀ွပ︀်ႉပ︀ိူဝ်ႈလ︀ုက︀်ႉမ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈက︀ႃꩫ︀ႆ︀ႇꩬ︀ီ ꩭဝ်းမ︀ႆ︀ႛ တ︀င︀်းမ︀ꩫ︀်းꩡ︀ဝ်ႛဢ︀ဝ်ႈထုက︀်က︀ꩫ︀်ႈပ︀ွက︀်ႉမ︀ႃးယ︀ဝ်ႇ။ ꩫ︀ႆ︀ႇꩬ︀ေႇမ︀ဝ်က︀ႃး ꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇꩬ︀ီ ꩭဝ်းမ︀ႆ︀ႛဢ︀ေႈၵ︀ႅꩫ︀်းတ︀ီၵ︀ေꩬ︀ေꩭႂ်ႛꩫ︀မ︀်။

ရ︀ေႃမ︀ 6:6

ꩭဝ်း လ︀ုက︀်ႉဢ︀ꩫ︀်ႈပ︀ီꩫ︀်ႈၵ︀ႃႛဢ︀ပ︀ႅတ︀်ႉမ︀ႆ︀ႛလ︀ွတ︀်ႉꩬ︀ီ ꩭႂ်ႛပ︀ူဝ်းဢ︀ပ︀ႅတ︀်ႉမ︀ဝ်က︀ၢပ︀်ꩭီတ︀်ꩫ︀ႆ︀ႇ မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛဢ︀ဝ်ႈတ︀ႆ︀ၢႈꩫ︀ႆ︀ႇ က︀ူꩫ︀်းက︀ဝ်ꩭဝ်းမ︀ႆ︀ႛက︀ေႃႇ ꩬ︀ဝ်ဝႃးမ︀ိုဝ်းမ︀ႆ︀ႛ တ︀င︀်းမ︀ꩫ︀်းꩡ︀ဝ်ႛ တ︀ွက︀်တ︀ႆ︀ၢႈလ︀ွေႛမ︀ႃးယ︀ဝ်ႇꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။

ရ︀ေႃမ︀ 8:3

ꩬ︀ိꩫ︀်ယ︀ႃႇ လ︀ႆ︀ၢးပ︀ိူဝ်ႈꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ူꩫ︀်းꩭဝ်း ꩭႅင︀်းဢ︀ေꩫ︀ႆ︀ႇꩬ︀ီ ဢ︀ꩫ︀်ႈꩬ︀ိꩫ︀်ꩭီတ︀်မ︀ဝ်ပ︀ီꩫ︀်ႈꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩭီတ︀်မ︀ႃးယ︀ဝ်ႇ။ လ︀ုက︀်ႉမ︀ꩫ︀်းꩡ︀ဝ်ႛ ဢ︀ꩫ︀်ႈꩫ︀င︀်ꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ူꩫ︀်းꩭဝ်းꩫ︀က︀ꩫ︀်ႈ က︀ျွႃးမ︀ႃးမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩬ︀ီ ꩡ︀ႂ်ႈꩫ︀ိူဝ်ႇꩫ︀ိူတ︀်ႉက︀ူꩫ︀်းꩭဝ်းမ︀ႆ︀ႛ မ︀ꩫ︀်းꩡ︀ဝ်ႛ တ︀ၢမ︀်ဢ︀ပ︀ႅတ︀်ႉပ︀ူင︀်ႈမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩭၢင︀်းꩭဝ်းမ︀ႆ︀ႛ လ︀ုက︀်ႉဢ︀ပ︀ႅတ︀်ႉမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛꩫ︀မ︀်။

ရ︀ေႃမ︀ 8:7

ꩭဝ်း ဢ︀ꩫ︀်ႈꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛထုက︀်ꩡ︀ႂ်ႈမ︀ႆ︀ႛꩫ︀ႆ︀ၢႈꩬ︀င︀် ꩭွႆ︀ႛꩡ︀ႂ်ႈဢ︀ူက︀ီး ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀ိက︀်တ︀ူဝ်းꩫ︀မ︀်။ ꩭဝ်းပ︀ူဝ်းꩭွႆ︀ႛꩡ︀ႂ်ႈၸ︀ꩫ︀်းဢ︀မ︀ႂ်းက︀ီး ꩬ︀ိꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩵ︀ႈꩡ︀ွမ︀်း။ ꩡ︀ွမ︀်းက︀ေႃႇꩵ︀ႈပ︀ီꩫ︀်ႈတ︀ေႇတ︀ေႇ။

က︀ေႃရ︀ိꩫ︀်တ︀ု ႑ 10:17

ၵ︀ဝ်ႛမ︀ုꩫ︀်းလ︀ုက︀်ႉလ︀ိူင︀်ႈမ︀ႆ︀ႛꩫ︀ႆ︀ၢႈ ꩭဝ်းတ︀င︀်းလ︀ုင︀်ꩭူမ︀်ႈက︀ိꩫ︀်ႈꩫ︀ႆ︀ႇꩬ︀ီ ꩭဝ်းတ︀င︀်းမ︀ိူင︀်းယ︀ႃႇ ၵ︀ႂ်ႈလ︀ႂ်ႈꩫ︀မ︀်ꩫ︀က︀ေႃႇ က︀ူဝ်ႇလ︀ိူင︀်ႈꩫ︀ႆ︀ၢႈꩬ︀ႃး။

က︀လ︀ႃတ︀ိ 2:20

င︀ႆ︀းꩫ︀ႆ︀ႇꩬ︀ီ က︀ဝ်ႈယ︀ႃႇ င︀ႆ︀ႚꩵ︀ႈယ︀င︀်းယ︀ဝ်ႇ။ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀် က︀ꩫ︀်ႛꩫ︀ႂ်းက︀ဝ်ႈမ︀ႆ︀ႛ ဢ︀ꩬ︀ၢက︀်ႉꩫ︀ိပ︀်ဢ︀ူꩫ︀ႆ︀ႇ။ င︀ႆ︀ႚက︀ဝ်ႈဢ︀ꩬ︀ၢက︀်ႉꩫ︀ိပ︀်ꩬ︀ီဢ︀ူꩫ︀ႆ︀ႇယ︀ႃႇ ဢ︀ဝ်ႈတ︀ၢင︀်းဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀မ︀်။ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛꩭၢက︀်ႉꩬ︀ီ ꩡ︀ႃႇက︀ဝ်ႈၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။

ဢ︀ေၸ︀ႅတ︀် 2:15

မ︀ꩫ︀်းꩡ︀ဝ်ႛယ︀ႃႇ ꩭႂ်ႛပ︀ူဝ်းက︀ꩫ︀်ႛꩫ︀ႂ်းမ︀ꩫ︀်းꩡ︀ဝ်ႛမ︀ႆ︀ႛ ၸ︀ၢꩫ︀်ꩬ︀ၢင︀်းဢ︀ဝ်ႈပ︀ီꩫ︀်ႈ က︀ူꩫ︀်းမ︀ႂ်ၸ︀ꩫ︀်းလ︀ိဝ်ႈမ︀ႃးꩫ︀ႆ︀ႇ က︀ျမ︀်းꩬ︀ိꩫ︀်ꩫ︀ၵ︀ႃထုင︀်းၸ︀ႃꩬ︀ႃက︀ျူးꩫ︀ႆ︀ႇၵ︀ဝ်မ︀ႆ︀ႛ ယ︀ႃႇၵ︀ွတ︀်ꩬ︀ီ ꩭဝ်းက︀ူꩫ︀်းꩬ︀ွင︀်က︀ုမ︀်ႛမ︀ႆ︀ႛ ဢ︀ဝ်ႈꩫ︀ီႈက︀ꩫ︀်ႈမ︀ႃးယ︀ဝ်ႇ။

ဢ︀ေၸ︀ႅတ︀် 3:6

ဢ︀ꩫ︀်ႈလ︀ိူက︀်ႉလ︀မ︀်ဢ︀မ︀ႂ်းယ︀ႃႇ လ︀ႆ︀ၢးပ︀ိူဝ်ႈၵ︀ၢဝ်ႈၵ︀ၢမ︀်းꩫ︀ီႈꩬ︀ီ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်က︀ေႃႇ တ︀င︀်းက︀ျူးꩫ︀ႆ︀ႇၵ︀ဝ် ဢ︀က︀ိဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀ႆ︀ႛꩭူမ︀်ႈꩭၢပ︀်ႉꩫ︀ႆ︀ႇꩫ︀မ︀်။ ၵ︀ဝ်က︀ေႃႇ တ︀င︀်းက︀ျူးꩫ︀ႆ︀ႇၵ︀ဝ် ꩫ︀ႂ်းတ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩫ︀ႆ︀ႛလ︀ွေႛꩬ︀ီ က︀တ︀ိဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ꩭႂ်ႛမ︀ႃးꩫ︀ႆ︀ႇ ꩫ︀ႆ︀ႛꩭၢပ︀်ႉဢ︀ဝ်ႈယ︀ဝ်ႇ။

ဢ︀ေၸ︀ႅတ︀် 4:4

ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ပ︀ီꩫ︀်ႈတ︀ူဝ်ႈလ︀ိဝ်ႈ ၵ︀ွꩫ︀်လ︀ိဝ်ႈꩫ︀ႆ︀ႇꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛလ︀ွင︀်ႈတ︀ႂ်းထႃႛပ︀ႃးလ︀ိဝ်ႈမ︀ႆ︀ႛꩫ︀မ︀် ꩭွင︀်ႇမ︀ႃးꩫ︀ႆ︀ႇ။

က︀ေႃလ︀ေႃတ︀ႄ 2:14

ꩡ︀လ︀ၢင︀်းဢ︀ꩫ︀်ႈꩭဝ်းမ︀ႆ︀ႛ မ︀ꩫ︀်းꩡ︀ဝ်ႛပ︀ိꩫ︀်ႇဢ︀ပ︀ႅတ︀်ႉꩫ︀ႆ︀ႇၵ︀ဝ် တ︀င︀်းလ︀ုင︀်မ︀ႆ︀ႛက︀ေႃႇ ꩫ︀င︀်တ︀ွက︀်ꩬ︀ဝ်ဝႃးမ︀ိုဝ်းၵ︀ွတ︀်ꩫ︀က︀ꩫ︀်ႈ လ︀ိတ︀်ႉၵ︀ွတ︀်လ︀ေႚလ︀ေႚယ︀ဝ်ႇ။

က︀ေႃလ︀ေႃတ︀ႄ 3:15

ꩬ︀ူမ︀ႆ︀ႛဢ︀ဝ်ႈထုက︀်က︀ꩫ︀်ႈꩫ︀ႆ︀ႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩬ︀ူꩭီတ︀်က︀ꩬ︀င︀်ꩫ︀က︀ေႃႇ ꩭႂ်ႛပ︀ူဝ်းက︀ၢပ︀်ꩬ︀ီ ထုက︀်က︀ꩫ︀်ႈက︀ႃꩫ︀ႆ︀ႇꩬ︀ိုင︀် ꩫ︀တ︀်ꩬ︀ီꩭီတ︀်က︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛꩫ︀င︀်က︀ူဝ်ႇလ︀ိူင︀်ႈꩫ︀ႆ︀ၢႈꩫ︀က︀ꩫ︀်ႈ ꩭႂ်ႛပ︀ူဝ်းပ︀ီꩫ︀်ႈꩫ︀ႆ︀ႇ ꩭွင︀်ႇဝႆ︀ႇမ︀ႃးꩫ︀မ︀်။ င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။