ဢ︀ေၸ︀ႅတ︀် 2:15 - Khamti Shan

¹⁵ မ︀ꩫ︀်းꩡ︀ဝ်ႛယ︀ႃႇ ꩭႂ်ႛပ︀ူဝ်းက︀ꩫ︀်ႛꩫ︀ႂ်းမ︀ꩫ︀်းꩡ︀ဝ်ႛမ︀ႆ︀ႛ ၸ︀ၢꩫ︀်ꩬ︀ၢင︀်းဢ︀ဝ်ႈပ︀ီꩫ︀်ႈ က︀ူꩫ︀်းမ︀ႂ်ၸ︀ꩫ︀်းလ︀ိဝ်ႈမ︀ႃးꩫ︀ႆ︀ႇ က︀ျမ︀်းꩬ︀ိꩫ︀်ꩫ︀ၵ︀ႃထုင︀်းၸ︀ႃꩬ︀ႃက︀ျူးꩫ︀ႆ︀ႇၵ︀ဝ်မ︀ႆ︀ႛ ယ︀ႃႇၵ︀ွတ︀်ꩬ︀ီ ꩭဝ်းက︀ူꩫ︀်းꩬ︀ွင︀်က︀ုမ︀်ႛမ︀ႆ︀ႛ ဢ︀ဝ်ႈꩫ︀ီႈက︀ꩫ︀်ႈမ︀ႃးယ︀ဝ်ႇ။

ဢ︀ေၸ︀ႅတ︀် 2:15 ပူးပေါင်းရင်းမြစ်များ

က︀ေႃရ︀ိꩫ︀်တ︀ု ႒ 5:17

င︀ႆ︀းꩫ︀ႆ︀ႇꩬ︀ီ ၸ︀ႂ်မ︀ဝ်ဝႃႈ ဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်က︀ီး ပ︀ီꩫ︀်ႈက︀ူꩫ︀်းမ︀ႂ်မ︀ႃးယ︀ဝ်ႇ။ က︀ူဝ်ႇဢ︀မ︀ႂ်းယ︀ႃႇ ꩡ︀တ︀်ႉက︀ဝ်တ︀ႆ︀ၢႈက︀ႃꩬ︀ီ ပ︀ီꩫ︀်ႈꩡ︀တ︀်ႉမ︀ႂ်ယ︀ဝ်ႇ။

က︀လ︀ႃတ︀ိ 3:10

ꩫ︀ႆ︀ႇꩫ︀က︀ေႃႇ က︀ူꩫ︀်းဢ︀ꩫ︀်ႈလ︀ွင︀်ႈက︀မ︀်ႈက︀ျမ︀်းꩬ︀ိꩫ︀်မ︀ႆ︀ႛ ဢ︀က︀မ︀်ꩫ︀ႆ︀ႇၵ︀ဝ်ယ︀ႃႇ ဢ︀ူက︀ꩫ︀်ႛတ︀ႂ်ႛ ၵ︀ၢမ︀်းက︀ိꩫ︀်မ︀ႆ︀ႛꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး “ဢ︀ꩫ︀်ႈက︀ျမ︀်းꩬ︀ိꩫ︀်မ︀ႆ︀ႛဝႃႈဝႆ︀ႇတ︀င︀်းမ︀ိူင︀်းမ︀ႆ︀ႛ မ︀ဝ်ꩡ︀ွမ︀်းက︀ႅင︀်းꩬ︀ီဢ︀ူက︀ီးယ︀ႃႇ က︀ူဝ်ႇဢ︀မ︀ႂ်းယ︀ႃႇ ဢ︀ူက︀ꩫ︀်ႛတ︀ႂ်ႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛက︀ိꩫ︀်ဝႆ︀ႇမ︀ႆ︀ႛ ꩫ︀မ︀်” ꩫ︀ꩬ︀ီက︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇဢ︀ူ။

က︀လ︀ႃတ︀ိ 3:28

င︀ႆ︀းꩫ︀ႆ︀ႇꩬ︀ီ ၸ︀ꩫ︀်းက︀ျူး၊ ၸ︀ꩫ︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈ၊ ၵ︀ႃႛ၊ က︀ူꩫ︀်းလ︀ွတ︀်ႉ၊ ၸ︀ူႛယ︀ိင︀်း၊ ၸ︀ူႛꩡ︀ႆ︀ၢးꩫ︀ꩬ︀ီ ဢ︀ꩫ︀်ႈက︀ၢက︀်ႉက︀ꩫ︀်ႈꩵ︀ႈယ︀င︀်းယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူတ︀င︀်းမ︀ိူင︀်း က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ီꩫ︀်ႈက︀ူဝ်ႇလ︀ိဝ်ႈယ︀ဝ်ႇ။

က︀လ︀ႃတ︀ိ 6:15

ꩭဝ်းမ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀် ꩭၢပ︀်ႉမ︀ဝ်ꩭၢပ︀်ႉꩫ︀ႆ︀ႇယ︀ႃႇ ꩵ︀ႈဢ︀ၵ︀ႅက︀်ႉပ︀ိူင︀်ႈလ︀ူင︀်။ ဢ︀ꩫ︀်ႈဢ︀ၵ︀ႅက︀်ႉꩫ︀ႆ︀ႇယ︀ႃႇ ဢ︀ꩫ︀်ႈꩭဝ်းဝႃႈပ︀ီꩫ︀်ႈက︀ူꩫ︀်းမ︀ႂ်ꩫ︀ႆ︀ႇꩫ︀မ︀်။

ဢ︀ေၸ︀ႅတ︀် 2:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛဢ︀ဝ်ႈဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်င︀ႆ︀းꩬ︀ီ လ︀ွင︀်ႈꩫ︀ီႈဢ︀ꩫ︀်ႈမ︀ꩫ︀်းꩡ︀ဝ်ႛထုက︀်ꩡ︀ႂ်ႈꩫ︀ႆ︀ႇၵ︀ဝ် ꩭႂ်ႛပ︀ူဝ်းꩭီတ︀်မ︀ႃးꩫ︀ႆ︀ႇ ꩭဝ်းမ︀ႆ︀ႛၸ︀ၢꩫ︀်ꩬ︀ၢင︀်းမ︀ႂ်ꩰမ︀ႃးယ︀ဝ်ႇ။ လ︀ွင︀်ႈꩫ︀ီႈꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛ လ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ ꩡ︀ႃႇꩭဝ်းꩭၢင︀်ႛꩭႅမ︀်းထုက︀်ꩰမ︀ႃးꩫ︀မ︀်။

ဢ︀ေၸ︀ႅတ︀် 2:14

ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛ က︀ျူးꩫ︀ၵ︀ႃဢ︀ꩫ︀်ႈက︀ျူးမ︀ဝ်ꩡ︀ႂ်ႈမ︀ႆ︀ႛ ဢ︀ဝ်ႈပ︀ီꩫ︀်ႈၸ︀ꩫ︀်းလ︀ိဝ်ႈꩬ︀ီ ꩭဝ်းဢ︀ꩫ︀်ႈပ︀ီꩫ︀်ႈလ︀ꩫ︀်ꩬ︀ူက︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩫ︀ီႈက︀ꩫ︀်ႈယ︀ဝ်ႇ။ ꩡ︀ႂ်ႈဢ︀ꩫ︀်ႈꩡ︀င︀်းက︀ꩫ︀်ႈ ဢ︀ꩫ︀်ႈက︀ူꩫ︀်းꩬ︀ွင︀်ၸ︀ꩫ︀်းမ︀ႆ︀ႛ ဢ︀ဝ်ႈက︀ၢက︀်ႉက︀ꩫ︀်ႈꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ၵ︀ၢမ︀်တ︀ႆ︀ၢႈꩬ︀ီ ယ︀ႃႇၵ︀ွတ︀်ယ︀ဝ်ႇ။

ဢ︀ေၸ︀ႅတ︀် 2:16

က︀ူꩫ︀်းꩬ︀ွင︀်က︀ုမ︀်ႛဢ︀မ︀ႂ်းမ︀ႆ︀ႛ ဢ︀ဝ်ႈတ︀ၢင︀်းꩬ︀ဝ်ဝႃးမ︀ိုဝ်း ဢ︀ဝ်ႈပ︀ီꩫ︀်ႈက︀ုမ︀်ႛလ︀ိဝ်ႈင︀ႆ︀း တ︀င︀်းမ︀ꩫ︀်းꩡ︀ဝ်ႛ ဢ︀ဝ်ႈထုက︀်က︀ꩫ︀်ႈပ︀ွက︀်ႉꩬ︀ီ ဢ︀ꩫ︀်ႈက︀ုမ︀်ႛလ︀ိူင︀်ႈမ︀ႆ︀ႛက︀ုမ︀်ႛလ︀ိူင︀်ႈꩡ︀င︀်းက︀ꩫ︀်ႈꩫ︀ႆ︀ႇ ယ︀ႃႇၵ︀ွတ︀်ယ︀ဝ်ႇ။

ဢ︀ေၸ︀ႅတ︀် 4:16

ꩭဝ်းက︀ူꩫ︀်းꩡ︀ိူဝ်းတ︀င︀်းမ︀ိူင︀်း ဢ︀ꩫ︀်ႈပ︀ီꩫ︀်ႈꩬ︀ိက︀်ႉတ︀ူဝ်ႈမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛဢ︀ွꩫ︀်ႈꩭူဝ်မ︀ႆ︀ႛ က︀ၢပ︀်က︀ႆ︀ၢက︀ꩫ︀်ႈတ︀ီမ︀်ႈꩰဢ︀ူꩫ︀မ︀်။ င︀ႆ︀းꩬ︀ီ ꩭဝ်းတ︀င︀်းမ︀ိူင︀်း ဢ︀ꩫ︀်ႈꩫ︀င︀်ၸ︀ႂ်မ︀ꩫ︀်းထုက︀်ꩭီတ︀်ꩫ︀ႆ︀ႇ ꩭီတ︀်က︀ꩫ︀်ႈက︀ီး ꩭဝ်းၸ︀ူႛပ︀ီꩫ︀်ႈꩬ︀ိက︀်ႉတ︀ူဝ်ႈꩫ︀ႆ︀ႇၵ︀ဝ် ꩬ︀ိက︀်ႉလ︀ိူင︀်ႈꩫ︀ႆ︀ႇꩬ︀ိက︀်ႉလ︀ိူင︀်ႈ ꩭၢက︀်ႉꩰꩭွမ︀်ꩰက︀ꩫ︀်ႈမ︀ႃးꩬ︀ီ ꩡ︀ိူဝ်းꩡ︀ဝ်ႛတ︀င︀်းတ︀ူဝ်ႈဢ︀ူꩫ︀ီႈင︀ႆ︀း ယ︀ႂ်က︀ေမ︀ႃးဢ︀ူ။

က︀ေႃလ︀ေႃတ︀ႄ 2:14

ꩡ︀လ︀ၢင︀်းဢ︀ꩫ︀်ႈꩭဝ်းမ︀ႆ︀ႛ မ︀ꩫ︀်းꩡ︀ဝ်ႛပ︀ိꩫ︀်ႇဢ︀ပ︀ႅတ︀်ႉꩫ︀ႆ︀ႇၵ︀ဝ် တ︀င︀်းလ︀ုင︀်မ︀ႆ︀ႛက︀ေႃႇ ꩫ︀င︀်တ︀ွက︀်ꩬ︀ဝ်ဝႃးမ︀ိုဝ်းၵ︀ွတ︀်ꩫ︀က︀ꩫ︀်ႈ လ︀ိတ︀်ႉၵ︀ွတ︀်လ︀ေႚလ︀ေႚယ︀ဝ်ႇ။

က︀ေႃလ︀ေႃတ︀ႄ 2:20

မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်တ︀ႆ︀ၢႈꩫ︀ႆ︀ႇ ꩬ︀ူက︀ေႃႇတ︀ႆ︀ၢႈက︀ႃꩫ︀ႆ︀ႇꩬ︀ီ လ︀ုက︀်ႉၸ︀ီဢ︀ꩫ︀်ႈꩭူမ︀်းတ︀မ︀်တ︀ိူင︀်းꩫ︀ႆ︀ႇၵ︀ဝ်မ︀ႆ︀ႛလ︀ွတ︀်ႉယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩬ︀ူယ︀ႃႇ ꩫ︀င︀်က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ꩫ︀က︀ꩫ︀်ႈ ပ︀ီဢ︀ူယ︀ဝ်ႇ။ တ︀ြႃးဢ︀ꩫ︀်ႈက︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ဝႃႈꩡ︀ွမ︀်းက︀ႅင︀်း ဢ︀ꩫ︀်ႈမ︀ဝ်ဝႃႈတ︀ိုဝ်း၊ ဢ︀ꩫ︀်ႈမ︀ဝ်ဝႃႈက︀ိꩫ︀်ႈ၊ ဢ︀ꩫ︀်ႈမ︀ဝ်ဝႃႈက︀ိတ︀်ꩫ︀ꩫ︀ႆ︀ႇၵ︀ဝ်မ︀ႆ︀ႛ ပ︀ီꩡ︀ွမ︀်းက︀ႅင︀်းက︀ꩫ︀်ႈယ︀ဝ်ႇ။

က︀ေႃလ︀ေႃတ︀ႄ 3:10

ꩫ︀ုင︀်ႈက︀ူꩫ︀်းမ︀ႂ်က︀ꩫ︀်ႈယ︀ဝ်ႇ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူဢ︀ꩫ︀်ႈပ︀ီꩫ︀်ႈက︀ူꩫ︀်းမ︀ႂ်က︀ႃꩫ︀ႆ︀ႇၵ︀ဝ်မ︀ႆ︀ႛ တ︀ၢင︀်းက︀ႅင︀်းမ︀ꩫ︀်းꩡ︀ဝ်ႛꩭႂ်ႛပ︀ူဝ်းယ︀င︀်းမ︀ႃး၊ မ︀ꩫ︀်းꩡ︀ဝ်ႛမ︀ႆ︀ႛꩭႂ်ႛပ︀ူဝ်းတ︀ွင︀်းက︀ုမ︀်ꩰမ︀ႃးꩫ︀ႆ︀ႇ လ︀ႆ︀ၢႈဢ︀ဝ်ႈမ︀ႂ်ꩬ︀ီဢ︀ူꩫ︀မ︀်။

က︀ေႃလ︀ေႃတ︀ႄ 3:11

င︀ႆ︀းꩫ︀ႆ︀ႇꩬ︀ီ က︀ျူးင︀ႆ︀းဢ︀ꩫ︀်ႈက︀ျူးမ︀ဝ်ꩡ︀ႂ်ႈ၊ က︀ူꩫ︀်ႈဢ︀ꩫ︀်ႈမ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ꩭၢပ︀်ႉဢ︀ဝ်ႈင︀ႆ︀း ဢ︀ꩫ︀်ႈမ︀ဝ်ꩭၢပ︀်ႉဢ︀ဝ်ႈ၊ က︀ူꩫ︀်းမ︀ိူင︀်းပ︀ိူꩫ︀်ႈ၊ က︀ူꩫ︀်းꩭေ၊ ၸ︀ူႛၵ︀ႃႛ၊ က︀ူꩫ︀်းလ︀ွတ︀်ႉꩫ︀ꩫ︀ႆ︀ႇၵ︀ဝ်ꩵ︀ႈယ︀င︀်းယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩫ︀ိူဝ်တ︀င︀်းမ︀ိူင︀်းမ︀ႆ︀ႛ ပ︀ီꩫ︀်ႈဢ︀ꩫ︀်ႈၵ︀ႅꩫ︀်းလ︀ႅင︀်ႇꩬ︀ီ က︀ꩫ︀်ႛꩫ︀ႂ်းꩬ︀ူက︀ူႈက︀ူဝ်ႇမ︀ႆ︀ႛၵ︀ိင︀်းꩬ︀ီဢ︀ူꩫ︀ႆ︀ႇꩫ︀မ︀်။

က︀ေႃလ︀ေႃတ︀ႄ 3:15

ꩬ︀ူမ︀ႆ︀ႛဢ︀ဝ်ႈထုက︀်က︀ꩫ︀်ႈꩫ︀ႆ︀ႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩬ︀ူꩭီတ︀်က︀ꩬ︀င︀်ꩫ︀က︀ေႃႇ ꩭႂ်ႛပ︀ူဝ်းက︀ၢပ︀်ꩬ︀ီ ထုက︀်က︀ꩫ︀်ႈက︀ႃꩫ︀ႆ︀ႇꩬ︀ိုင︀် ꩫ︀တ︀်ꩬ︀ီꩭီတ︀်က︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛꩫ︀င︀်က︀ူဝ်ႇလ︀ိူင︀်ႈꩫ︀ႆ︀ၢႈꩫ︀က︀ꩫ︀်ႈ ꩭႂ်ႛပ︀ူဝ်းပ︀ီꩫ︀်ႈꩫ︀ႆ︀ႇ ꩭွင︀်ႇဝႆ︀ႇမ︀ႃးꩫ︀မ︀်။ င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

ꩭေပ︀ရ︀ူး 7:16

မ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈပ︀ီꩫ︀်ႈ ယ︀ီတ︀်ႉပ︀ရ︀ေႃးꩭိက︀်ႉ ဝႆ︀ႇꩫ︀ႆ︀ႇယ︀ႃႇ ဢ︀ဝ်ႈၸ︀ိင︀်ႛပ︀ႅင︀်ႈၸ︀ꩫ︀်းလ︀ေဝိꩵ︀ႈꩡ︀ႂ်ႈ။ ဢ︀ဝ်ႈတ︀ꩫ︀်းၵ︀ူဝ်း ဢ︀ꩬ︀ၢက︀်ႉ ဢ︀ꩫ︀်ႈမ︀ဝ်လ︀ူႇပ︀ႅက︀်ႉꩡ︀ၢင︀်ႈꩫ︀ႆ︀ႇꩫ︀မ︀်။

ꩭေပ︀ရ︀ူး 8:13

မ︀ိူဝ်ႈမ︀ꩫ︀်းꩡ︀ဝ်ႛ လ︀ိက︀်ႉၵ︀တ︀်ႉမ︀ႂ်ꩫ︀ꩬ︀ီဝႃႈꩫ︀ႆ︀ႇ လ︀ိက︀်ႉၵ︀တ︀်ႉဢ︀ꩫ︀်ႈဢ︀ွꩫ︀်ႈတ︀ၢင︀်းမ︀ႆ︀ႛ ဢ︀ဝ်ႈက︀ဝ်ယ︀ဝ်ႇ။ ဢ︀ꩫ︀်ႈက︀ဝ်ꩫ︀ꩫ︀ႆ︀ႇယ︀ႃႇ တ︀ိုဝ်းမ︀ဝ်ꩫ︀ႆ︀ႛꩬ︀ီ တ︀ီꩭႆ︀ၢက︀ႃꩫ︀မ︀်။

ꩭေပ︀ရ︀ူး 9:23

လ︀ွင︀်ႈဢ︀ꩫ︀်ႈင︀ႆ︀ႚဝႃႈ ဢ︀ꩫ︀်ႈမ︀ိူင︀်းက︀ၢင︀်ႈမ︀ႆ︀ႛယ︀င︀်းꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈတ︀ေႇတ︀ေႇက︀ီး ဢ︀ꩫ︀်ႈတ︀ၢင︀်ႈတ︀ူဝ်ႈ ဢ︀ꩫ︀်ႈက︀ၢင︀်ႈꩭၢဝ်မ︀ႆ︀ႛယ︀င︀်းꩫ︀ႆ︀ႇၵ︀ဝ်ꩫ︀မ︀်။ င︀ႆ︀းꩫ︀ႆ︀ႇꩬ︀ီ လ︀ွင︀်ႈဢ︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈၵ︀ႅက︀်ဢ︀ꩫ︀်ႈꩫ︀ႆ︀ႇၵ︀ဝ် ဝႃႈဢ︀ဝ်ႈမ︀ူတ︀်ꩡ︀ၢင︀်တ︀ေႇတ︀ေႇꩫ︀မ︀်။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈက︀ၢင︀်ႈꩭၢဝ်မ︀ႆ︀ႛယ︀င︀်းꩫ︀ႆ︀ႇၵ︀ဝ်ယ︀ႃႇ ၵ︀ႅက︀်ဢ︀ꩫ︀်ႈ ၵ︀ႅက︀်ဢ︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛ ယ︀ႂ်ꩬ︀ႃꩫ︀ႆ︀ႇꩭၢင︀်ႇဢ︀ူ။