ဢ︀ေၸ︀ႅတ︀် 1:21 - Khamti Shan

²¹ ꩡ︀ဝ်ႛယ︀ေꩬ︀ုၵ︀ရ︀ီတ︀်က︀ေႃႇ ၵ︀ူင︀်းက︀ၢင︀်ႈꩭၢဝ်မ︀ႆ︀ႛ ၵ︀ုꩫ︀်တ︀င︀်းလ︀ုင︀်၊ ဢ︀ႃꩫ︀ႃတ︀င︀်းလ︀ုင︀်၊ တ︀ꩫ︀်းၵ︀ူဝ်းတ︀င︀်းလ︀ုင︀်မ︀ႆ︀ႛင︀ႆ︀း ꩡ︀ဝ်ႛတ︀င︀်းလ︀ုင︀်မ︀ႆ︀ႛ ဢ︀ုပ︀်ႉပ︀ိုင︀်ဢ︀ူꩫ︀မ︀်။ ꩡ︀ိုဝ်ႈမ︀ꩫ︀်းꩡ︀ဝ်ႛယ︀ႃႇ ꩡ︀ူဝ်ႈꩫ︀ႆ︀ႇꩡ︀ူဝ်ႈꩫ︀ႃႛ ꩡ︀ိုဝ်ႈꩡ︀ဝ်ႛတ︀င︀်းလ︀ုင︀်မ︀ႆ︀ႛ ယ︀ႂ်မ︀ႅတ︀်ႉꩬ︀ႃဢ︀ူ။

ဢ︀ေၸ︀ႅတ︀် 1:21 ပူးပေါင်းရင်းမြစ်များ

မ︀တ︀်တ︀ႄး 12:32

က︀ူဝ်ႇဢ︀ꩫ︀်ႈလ︀ုက︀်ႉက︀ူꩫ︀်းမ︀ႆ︀ႛ ၸ︀ိတ︀်ꩬ︀ူပ︀်ၸ︀ိတ︀်ၵ︀ၢမ︀်းမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀လ︀ွတ︀်ႉꩭႂ်ႛꩫ︀ႆ︀ႛဢ︀ူ။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ိုင︀် ၸ︀ိတ︀်ꩬ︀ူပ︀်ၸ︀ိတ︀်ၵ︀ၢမ︀်းꩫ︀ႆ︀ႇမ︀ႆ︀ႛယ︀ႃႇ မ︀ꩫ︀်းꩡ︀ဝ်ႛမ︀ိူဝ်ႈလ︀ႂ်ႈက︀ေႃႇ ꩵ︀ႈပ︀ွႆ︀လ︀ွတ︀်ႉꩭႂ်ႛ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 4:12

မ︀ꩫ︀်းꩡ︀ဝ်ႛꩬ︀ူလ︀ိဝ်ႈꩫ︀ႆ︀ၢႈꩫ︀မ︀် ၵ︀ေꩬ︀ေꩭႂ်ႛꩫ︀ႆ︀ႛꩫ︀ႆ︀ႇ။ မ︀ꩫ︀်းꩡ︀ဝ်ႛမ︀ႆ︀ႛပ︀ူꩫ︀်ႇꩬ︀ီ ꩭဝ်းမ︀ႆ︀ႛၵ︀ေꩬ︀ေပ︀ီꩫ︀်ႈꩫ︀ႆ︀ႇ ꩫ︀ႂ်းတ︀မ︀်တ︀ိူင︀်းမ︀ႆ︀ႛ ၸ︀ႂ်က︀ေႃႇꩵ︀ႈယ︀င︀်း” ꩫ︀ꩬ︀ီၵ︀ဝ်မ︀ႆ︀ႛ ပ︀ေတ︀ရ︀ုက︀ေႛတ︀ွပ︀်ꩭႂ်ႛဢ︀ူ။

ဢ︀ေၸ︀ႅတ︀် 2:2

မ︀ိူဝ်ႈဢ︀မ︀ႂ်း ꩬ︀ူ ꩫ︀င︀်က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်တ︀ွင︀်းꩫ︀ႆ︀ႇၵ︀ဝ်ꩫ︀က︀ꩫ︀်ႈဢ︀ူꩬ︀ီ ၵ︀ၢမ︀်းၵ︀ုꩫ︀်ꩬ︀ူင︀် ဢ︀ꩫ︀်ႈꩭူမ︀်းက︀ၢင︀်ႈၸ︀ႃႇမ︀ႆ︀ႛ ထွမ︀်ꩡ︀ွမ︀်းမ︀ႃးဢ︀ူ။ ၵ︀ုꩫ︀်ꩬ︀ူင︀်ဢ︀ꩫ︀်ႈင︀မ︀်းၵ︀ွꩫ︀်ꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ မ︀ဝ်ထွမ︀်ꩡ︀ွမ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭူမ︀်းဢ︀ူꩫ︀မ︀်။

ဢ︀ေၸ︀ႅတ︀် 3:10

ၸ︀ြႃးပ︀ီꩫ︀်ႈꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩡ︀ဝ်ႛၵ︀ုꩫ︀်၊ ꩡ︀ဝ်ႛဢ︀ႃꩫ︀ႃဢ︀ꩫ︀်ႈက︀ၢင︀်ႈၸ︀ႃႇမ︀ႆ︀ႛꩭူမ︀်း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ၢꩫ︀်တ︀ၢꩫ︀်းꩫ︀ႆ︀ႇၵ︀ဝ် င︀ႆ︀ႚယ︀ႃႇ ꩡ︀ိူဝ်းမ︀ꩫ︀်းꩡ︀ဝ်ႛမ︀ႆ︀ႛꩫ︀ူႈင︀ႆ︀းꩬ︀ီ တ︀ၢင︀်းꩭူႇတ︀ွင︀်းမ︀ꩫ︀်းꩡ︀ဝ်ႛဢ︀ꩫ︀်ႈလ︀ိူက︀်ႉလ︀မ︀်တ︀ီမ︀်ႈက︀ုမ︀်မ︀ႆ︀ႛ ꩭႂ်ႛတ︀ွင︀်းမ︀ႃးက︀ွတ︀်ꩫ︀ꩫ︀မ︀်။

ဢ︀ေၸ︀ႅတ︀် 6:12

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းတ︀ိက︀်တ︀ူဝ်းꩫ︀ႆ︀ႇယ︀ႃႇ က︀ူꩫ︀်းမ︀ႆ︀ႛꩵ︀ႈꩡ︀ႂ်ႈ။ တ︀ꩫ︀်းၵ︀ူဝ်းၵ︀ွꩫ︀်ꩫ︀ႆ︀ႇၵ︀ဝ်၊ ၸ︀ူႛက︀မ︀်ႈဢ︀ႃꩫ︀ႃꩫ︀ႆ︀ႇၵ︀ဝ်၊ ၵ︀ုꩫ︀်ၵ︀ွꩫ︀်ꩭႆ︀ၢႇဢ︀ꩫ︀်ႈ ဢ︀ꩫ︀်ႈꩫ︀မ︀်ႈꩬ︀ိင︀်မ︀ိူင︀်းက︀ၢင︀်ꩫ︀ႆ︀ႇမ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်၊ ၸ︀ီꩭၢႆ︀ႇဢ︀ꩫ︀်ႈဢ︀ူက︀ၢင︀်ႈꩭၢဝ်ꩫ︀ႆ︀ႇၵ︀ဝ်မ︀ႆ︀ႛꩫ︀မ︀် ꩭဝ်းတ︀ိက︀်တ︀ူဝ်းဢ︀ူꩫ︀ႆ︀ႇ။

က︀ေႃလ︀ေႃတ︀ႄ 2:10

က︀ꩫ︀်ႛꩫ︀ႂ်းမ︀ꩫ︀်းꩡ︀ဝ်ႛမ︀ႆ︀ႛ ꩬ︀ူ ဢ︀ူꩫ︀ႆ︀ႇꩬ︀ီ ꩬ︀ူမ︀ႆ︀ႛက︀ေႃႇ မ︀ꩫ︀်းꩡ︀ဝ်ႛဢ︀ꩬ︀ၢက︀်ႉဢ︀ꩫ︀်ႈတ︀ီမ︀်ႈက︀ုမ︀်ꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛယ︀ႃႇ ꩡ︀ဝ်ႛတ︀ꩫ︀်းၵ︀ူဝ်းၵ︀ွꩫ︀်ꩫ︀ႆ︀ႇၵ︀ဝ်င︀ႆ︀း ၸ︀ူႛက︀မ︀်ႈဢ︀ႃꩫ︀ႃꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛ ဢ︀ုပ︀်ႉပ︀ိုင︀်ဢ︀ူ။

က︀ေႃလ︀ေႃတ︀ႄ 2:15

ꩡ︀ဝ်ႛယ︀ေꩬ︀ုၵ︀ရ︀ီတ︀် မ︀ိူဝ်ႈက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ၵ︀ၢမ︀်တ︀ႆ︀ၢႈꩫ︀ႆ︀ႇ တ︀ꩫ︀်းၵ︀ူဝ်းၵ︀ွꩫ︀်င︀ႆ︀း ၸ︀ူႛက︀မ︀်ႈဢ︀ႃꩫ︀ႃဢ︀ꩫ︀်ႈက︀ူꩫ︀်းꩭဝ်းမ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛပ︀ေႇယ︀ဝ်ႇ။ ယ︀ဝ်ႇက︀ီး မ︀ိူဝ်ႈမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛပ︀ေႇဢ︀ွင︀်ꩬ︀ီꩬ︀ႅဝ်ႛက︀ႃꩫ︀ႆ︀ႇမ︀ႆ︀ႛꩭႂ်ႛပ︀ူဝ်းတ︀င︀်းက︀မ︀်ၸ︀ႃꩭꩫ︀်ꩫ︀ႆ︀ႇ ယ︀ႃးꩬ︀ီ ၵ︀ဝ်မ︀ႆ︀ႛဢ︀ဝ်ႈဢ︀ၢႆ︀ႈမ︀ႃးဢ︀ူ။

ꩭေပ︀ရ︀ူး 1:4

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ꩫ︀ိူဝ်ၵ︀ုꩫ︀်ꩬ︀ၢင︀်ၵ︀ဝ်မ︀ႆ︀ႛ ဢ︀ဝ်ႈယ︀ႂ်မ︀ႅတ︀်ႉꩬ︀ႃဝႆ︀ႇင︀ႆ︀း ꩡ︀ိုဝ်ႈဢ︀ꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛ ထႅက︀်ႉꩬ︀ီꩫ︀ႆ︀ႛဝႆ︀ႇꩫ︀ႆ︀ႇက︀ေႃႇ ၵ︀ဝ်မ︀ႆ︀ႛယ︀ႂ်မ︀ႅတ︀်ႉꩬ︀ႃဢ︀ူꩫ︀ꩫ︀ႆ︀ႇ ပ︀ျႃးဢ︀ူ။

ꩭေပ︀ရ︀ူး 2:5

က︀မ︀်ၸ︀ႃဢ︀ꩫ︀်ႈက︀ꩫ︀်ႛꩫ︀ႃႛမ︀ႆ︀ႛ တ︀ီပ︀ီꩫ︀်ႈမ︀ႃးꩫ︀ꩬ︀ီ ꩭဝ်းဝႃႈက︀ꩫ︀်ႈꩫ︀ႆ︀ႇမ︀ႆ︀ႛယ︀ႃႇ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩵ︀ႈꩭႂ်ႛဢ︀ုပ︀်ႉပ︀ိုင︀်မ︀ႃး။

ꩭေပ︀ရ︀ူး 4:14

င︀ႆ︀းꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ု ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛပ︀ီꩫ︀်ႈၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉဢ︀ꩫ︀်ႈယ︀ႂ်လ︀ူင︀် ဢ︀ꩫ︀်ႈ ၵ︀ိုꩫ︀်ႛက︀ႃက︀ꩫ︀်ႛꩫ︀ိူဝ်က︀ၢင︀်ႈꩭၢဝ်ꩫ︀ႆ︀ႇ ꩭဝ်းမ︀ႆ︀ႛယ︀င︀်းꩫ︀ႆ︀ႇꩬ︀ီ ပ︀ႆ︀ႉꩭဝ်း တ︀ၢင︀်းယ︀ုမ︀်ယ︀မ︀်ႈꩭဝ်းဢ︀ꩫ︀်ႈꩭဝ်းတ︀ႅဝ်ဝႆ︀ႇမ︀ႆ︀ႛ ပ︀ꩫ︀်ႛၵ︀ိူင︀်ꩰက︀ꩫ︀်ႈက︀ွတ︀်။

ပ︀ေတ︀ရ︀ု ႑ 3:22

င︀ႆ︀ႚယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀် ၵ︀ိုꩫ︀်ႛက︀ႃက︀ꩫ︀်ႛꩫ︀ိူဝ်က︀ၢင︀်ႈꩭၢဝ်ယ︀ဝ်ႇ။ မ︀ꩫ︀်းꩡ︀ဝ်ႛပ︀ႃႛၵ︀ႃၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀င︀်ႈꩬ︀ီ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈက︀ႃႈꩡ︀ိုဝ်ႈဢ︀ႃꩫ︀ႃတ︀ꩫ︀်းၵ︀ူဝ်းယ︀င︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ုပ︀်ႉပ︀ိုင︀်ꩬ︀ီဢ︀ူဢ︀ူ။