က︀ေႃလ︀ေႃတ︀ႄ 3:17 - Khamti Shan

¹⁷ ꩬ︀ူယ︀ႃႇ ပ︀ီꩫ︀်ႈၸ︀ူႛတ︀ၢင︀်ႈတ︀ူဝ်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ꩭီတ︀်က︀ꩬ︀င︀်၊ ဝႃႈက︀ꩬ︀င︀်ꩫ︀က︀ေႃႇ ꩫ︀င︀်မ︀ꩫ︀်းꩡ︀ဝ်ႛဢ︀လ︀ၢင︀်းယ︀င︀်းꩫ︀က︀ꩫ︀်ႈ ꩭီတ︀်တ︀ႃႉ။ လ︀ၢႆ︀းပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

က︀ေႃလ︀ေႃတ︀ႄ 3:17 ပူးပေါင်းရင်းမြစ်များ

မ︀တ︀်တ︀ႄး 28:19

င︀ႆ︀းꩫ︀ႆ︀ႇꩬ︀ီ ꩬ︀ူက︀ႃတ︀ႃႉ။ က︀ူꩫ︀်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈပ︀ီꩫ︀်ႈတ︀ပ︀ေးက︀ဝ်ႈတ︀ႃႉ။ ယ︀ဝ်ႇက︀ီး ꩡ︀ိုဝ်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ၊ ꩡ︀ိုဝ်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛ၊ ꩡ︀ိုဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ ၵ︀ဝ်မ︀ႆ︀ႛမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭႂ်ႛတ︀ႃႉ။

ထဝ်ꩡ︀တ︀်ႉၵ︀ဝ် 19:17

က︀ျူး၊ က︀ရ︀ိက︀် ဢ︀ꩫ︀်ႈဢ︀ူဝီင︀်းဢ︀ေၸ︀ႅတ︀်ꩫ︀ႆ︀ႇၵ︀ဝ်တ︀င︀်းမ︀ိူင︀်း လ︀ွင︀်ႈဢ︀မ︀ႂ်း ꩫ︀ႆ︀ႛꩥ︀ိꩫ︀်းက︀ီး က︀ူဝ်ႈက︀ꩫ︀်ႈꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ ဢ︀ေႈၵ︀ႅꩫ︀်းယ︀ူဝ်းယ︀ွင︀်ႛက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 4:30

ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ်ယ︀ေႃးက︀ႃꩭႆ︀ၢꩫ︀ႆ︀ႇ ၵ︀ိင︀်းတ︀ူဝ်ꩡ︀ဝ်ႛꩫ︀ူႈလ︀ႅမ︀်းꩭႂ်ႛတ︀ီၵ︀ႃႛမ︀ႃးတ︀ႃႉ။ လ︀ၢႆ︀းꩫ︀ိမ︀ိက︀်ႉꩫ︀ႆ︀ႇၵ︀ဝ်၊ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ်ꩭီတ︀်တ︀ီၵ︀ႃႛမ︀ႃးတ︀ႃႉ။ တ︀ူႈၵ︀ႃႛꩡ︀ိုဝ်ႈꩡ︀ဝ်ႛယ︀ေꩬ︀ု ဢ︀ꩫ︀်ႈၸ︀ူႛပ︀ီꩫ︀်ႈၸ︀ူႛꩡ︀ႂ်ႇꩡ︀ဝ်ႛဢ︀ꩫ︀်ႈမ︀ူတ︀်ꩡ︀ၢင︀်မ︀ႆ︀ႛပ︀ိုင︀်ႈဢ︀ိင︀်ႈꩬ︀ီ ယ︀ွꩫ︀်းꩬ︀ူးတ︀ီၵ︀ႃႛမ︀ႃးယ︀ဝ်ႇ” ꩫ︀ꩬ︀ီယ︀ွꩫ︀်းꩬ︀ူးက︀ꩫ︀်ႈဢ︀ူ။

ရ︀ေႃမ︀ 1:8

ပ︀ီႈꩫ︀ွင︀်ႇၵ︀ဝ်ꩴ︀း ဢ︀ွꩫ︀်ႈတ︀ၢင︀်းလ︀ေႚလ︀ေႚ က︀ဝ်ႈၵ︀ႂ်ႈဝႃႈꩫ︀ႆ︀ႇယ︀ႃႇ ꩡ︀ႃႇꩬ︀ူတ︀င︀်းမ︀ိူင︀်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ဝ်ႈက︀ျေးꩡ︀ူးတ︀ၢင︀်လ︀ူင︀်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ွပ︀်ႉပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ လ︀ွင︀်ႈဢ︀ꩫ︀်ႈꩬ︀ူ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇ တ︀င︀်းက︀မ︀်ၸ︀ႃမ︀ႆ︀ႛ ꩭူင︀်က︀ꩫ︀်ႈယ︀ဝ်ႇ။

က︀ေႃရ︀ိꩫ︀်တ︀ု ႑ 10:31

င︀ႆ︀းꩫ︀ႆ︀ႇꩬ︀ီ ꩬ︀ူက︀ိꩫ︀်ႈပ︀တ︀ု၊ ꩫ︀ုင︀်ႈပ︀တ︀ု ꩭီတ︀်က︀ꩬ︀င︀်ပ︀တ︀ု ꩭၢင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ိူꩫ︀်ႈယ︀ူဝ်းယ︀ွင︀်ႛꩫ︀ႆ︀ၢႈꩬ︀င︀်ꩭီတ︀်က︀ꩫ︀်ႈတ︀ႃႉ။

ဢ︀ေၸ︀ႅတ︀် 1:17

ၸ︀ြႃးꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်း ပ︀ူဝ်ꩡ︀ဝ်ႛဢ︀ꩫ︀်ႈမ︀ူꩫ︀်ႈၸ︀ုင︀်းယ︀ႂ်မ︀ႆ︀ႛ ꩭႂ်ႛပ︀ူဝ်းꩬ︀ူတ︀ွင︀်းမ︀ႃးꩫ︀ႆ︀ႇ မ︀ꩫ︀်းꩡ︀ဝ်ႛꩬ︀ူမ︀ႆ︀ႛ ၵ︀ွꩫ︀်မ︀ꩫ︀်းꩡ︀ဝ်ႛ ဢ︀ꩫ︀်ႈꩬ︀ူမ︀ႆ︀ႛပ︀ိင︀်ꩥ︀ႃပ︀ူင︀်ႈꩭႂ်ႛꩬ︀ီ ပ︀ုတ︀်ပ︀ျႃးလ︀ွင︀်ႈမ︀ꩫ︀်းꩡ︀ဝ်ႛꩫ︀ႆ︀ႇ ꩭႂ်ႛပ︀ူင︀်ႈꩭႂ်ႛက︀ႃတ︀ႃႉ။

ဢ︀ေၸ︀ႅတ︀် 5:20

လ︀ႆ︀ၢးပ︀ိူဝ်ႈꩬ︀ူပ︀ီꩫ︀်ႈက︀ူꩫ︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

ၸ︀ိလ︀ိပ︀်ပ︀ၢႆ︀ 1:11

င︀ႆ︀းက︀ီး ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူမ︀ႆ︀ႛက︀ေႃႇ ꩫ︀မ︀်ႇꩡ︀ႂ်ႈဢ︀ꩫ︀်ႈꩫ︀ီႈ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ၢႈꩬ︀င︀် ဢ︀ဝ်ႈယ︀င︀်းꩭႂ်ႛပ︀ီꩫ︀်ႈꩫ︀ႆ︀ႇ တ︀ီမ︀်ႈက︀ုမ︀်မ︀ႃးꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ် ယ︀ူဝ်းယ︀ွင︀်ႛက︀ꩫ︀်ႈမ︀ႃးဢ︀ူ။

ၸ︀ိလ︀ိပ︀်ပ︀ၢႆ︀ 2:11

ꩡ︀ဝ်ယ︀ေꩬ︀ုၵ︀ရ︀ီတ︀်ယ︀ႃႇ ꩡ︀ဝ်ႛꩫ︀မ︀်ꩫ︀ꩬ︀ီ က︀ူꩫ︀်းက︀ူႈက︀ူဝ်ႇꩭၢပ︀်ႉက︀ွမ︀်းက︀ꩫ︀်ႈင︀ႆ︀း ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ တ︀ီယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။

က︀ေႃလ︀ေႃတ︀ႄ 1:12

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ မ︀ိူင︀်းဢ︀ꩫ︀်ႈလ︀ႅင︀်းမ︀ႆ︀ႛ မ︀ၢင︀်က︀လ︀ႃဢ︀ꩫ︀်ႈꩡ︀ႃႇꩭၢင︀်းက︀ူꩫ︀်းမ︀ꩫ︀်းꩡ︀ဝ်ႛၵ︀ဝ် ꩭႅမ︀်းဝႆ︀ႇꩫ︀ႆ︀ႇမ︀ႆ︀ႛ ꩭႂ်ႛပ︀ူဝ်းꩬ︀ူꩭၢပ︀်ႉထႅက︀်ႉꩫ︀ႆ︀ႇ ꩭီတ︀်ꩭႂ်ႛမ︀ႃးꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ꩬ︀ူꩭႂ်ႛယ︀ူဝ်းယ︀ွင︀်ႛက︀ꩫ︀်ႈက︀တ︀ႃႉ။

က︀ေႃလ︀ေႃတ︀ႄ 2:7

ꩫ︀င︀်ꩬ︀ူꩬ︀ွꩫ︀်ဢ︀ဝ်ႈမ︀ႃးꩫ︀က︀ꩫ︀်ႈ တ︀င︀်းမ︀ꩫ︀်းꩡ︀ဝ်ႛꩡ︀ၢပ︀်ႉလ︀ႅင︀်ꩬ︀ီဢ︀ူက︀ꩫ︀်ႈတ︀ႃႉ။ မ︀ꩫ︀်းꩡ︀ဝ်ႛမ︀ႆ︀ႛꩭီတ︀်င︀ဝ်ႛꩬ︀ီ ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူ ပ︀ူက︀်ၵ︀ိုꩫ︀်ႛက︀ႃက︀ꩫ︀်ႈတ︀ႃႉ။ မ︀ꩫ︀်းꩡ︀ဝ်ႛမ︀ႆ︀ႛ ဢ︀ေႈၵ︀ႅꩫ︀်းယ︀ူဝ်းယ︀ွင︀်ႛꩬ︀ီဢ︀ူက︀ꩫ︀်ႈတ︀ႃႉ။

က︀ေႃလ︀ေႃတ︀ႄ 3:15

ꩬ︀ူမ︀ႆ︀ႛဢ︀ဝ်ႈထုက︀်က︀ꩫ︀်ႈꩫ︀ႆ︀ႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩬ︀ူꩭီတ︀်က︀ꩬ︀င︀်ꩫ︀က︀ေႃႇ ꩭႂ်ႛပ︀ူဝ်းက︀ၢပ︀်ꩬ︀ီ ထုက︀်က︀ꩫ︀်ႈက︀ႃꩫ︀ႆ︀ႇꩬ︀ိုင︀် ꩫ︀တ︀်ꩬ︀ီꩭီတ︀်က︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛꩫ︀င︀်က︀ူဝ်ႇလ︀ိူင︀်ႈꩫ︀ႆ︀ၢႈꩫ︀က︀ꩫ︀်ႈ ꩭႂ်ႛပ︀ူဝ်းပ︀ီꩫ︀်ႈꩫ︀ႆ︀ႇ ꩭွင︀်ႇဝႆ︀ႇမ︀ႃးꩫ︀မ︀်။ င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

က︀ေႃလ︀ေႃတ︀ႄ 3:23

ꩬ︀ူꩭီတ︀်က︀ꩬ︀င︀်ꩫ︀က︀ေႃႇ ꩡ︀ႃႇꩡ︀ဝ်ႛက︀ူꩫ︀်းꩫ︀ႆ︀ၢႈမ︀ဝ်ꩡ︀ႂ်ႈꩬ︀ီ ꩫ︀င︀်ꩡ︀ႃႇꩡ︀ဝ်ႛယ︀ေꩬ︀ုꩫ︀က︀ꩫ︀်ႈ တ︀င︀်းꩡ︀ႂ်ႈတ︀င︀်းၵ︀ူဝ်း ꩭီတ︀်က︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 1:1

ꩬ︀ူꩡ︀ဝ်ႛ က︀ူꩫ︀်းꩡ︀ိူဝ်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ꩫ︀်ႈဢ︀ူဝီင︀်းတ︀ႅတ︀်ꩬ︀ႃလ︀ေႃꩫ︀ိက︀်ꩫ︀ႆ︀ႇၵ︀ဝ်မ︀ႆ︀ႛ တ︀ူႈ ပ︀ေႃလ︀ု၊ ꩬ︀ီလ︀င︀ႆ︀း တ︀ိမ︀ေႃတ︀ေၵ︀ဝ် လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ ꩬ︀ူꩡ︀ဝ်ႛတ︀င︀်းလ︀ုင︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈ က︀တ︀်ယ︀ီꩫ︀်ႈၵ︀ျမ︀်းꩬ︀ႃက︀ႃတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:18

ပ︀ီꩫ︀်ႈꩭိုဝ်ꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။ ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူဢ︀ꩫ︀်ႈယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩡ︀ဝ်ႛယ︀ေꩬ︀ုꩫ︀ႆ︀ႇၵ︀ဝ်မ︀ႆ︀ႛ ၵ︀ႂ်ႈꩭႂ်ႛက︀မ︀်ႈက︀ႅင︀်းꩫ︀ႆ︀ႇꩫ︀မ︀်။

ꩭေပ︀ရ︀ူး 1:5

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇၵ︀ုꩫ︀်ꩬ︀ၢင︀်ပ︀ႃးလ︀ႂ်ႈမ︀ႆ︀ႛက︀ေႃႇ “မ︀ႂ်းယ︀ႃႇလ︀ုက︀်ႉက︀ဝ်ႈꩫ︀မ︀်။ မ︀ိူဝ်ႈꩫ︀ႆ︀ႇက︀ဝ်ႈ ပ︀ီꩫ︀်ႈပ︀ူဝ်မ︀ႂ်းမ︀ႃးယ︀ဝ်ႇ” ꩫ︀က︀ေႃႇယ︀ႃ “က︀ဝ်ႈယ︀ႃႇ တ︀ီပ︀ီꩫ︀်ႈ ပ︀ူဝ်မ︀ꩫ︀်းꩫ︀မ︀်။ မ︀ꩫ︀်းက︀ေႃႇ တ︀ီပ︀ီꩫ︀်ႈလ︀ုက︀်ႉက︀ဝ်ႈꩫ︀မ︀်” ꩫ︀က︀ေႃႇယ︀ႃ ꩵ︀ႈꩭွꩫ︀်ဝႃႈမ︀ႃး။

ꩭေပ︀ရ︀ူး 13:15

င︀ႆ︀းꩫ︀ႆ︀ႇꩬ︀ီ ပ︀ႆ︀ႉꩭဝ်း ၵ︀ႅက︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ဝ်ႛꩫ︀ꩬ︀ီ လ︀ုက︀်ႉꩬ︀ူပ︀်ꩭဝ်းမ︀ႆ︀ႛ ယ︀ူဝ်းယ︀ွင︀်ႛꩫ︀ႆ︀ႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ဝ်ႈꩡ︀ိုဝ်ႈꩡ︀ဝ်ႛယ︀ေꩬ︀ု ပ︀ုက︀်ႉꩡ︀ူဝ်က︀ႃꩫ︀မ︀်။

ပ︀ေတ︀ရ︀ု ႑ 2:5

ꩬ︀ူက︀ေႃႇ ꩭိꩫ︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛတ︀ိုဝ်းꩬ︀ီ ပ︀ူက︀်ꩭိူꩫ︀်းမ︀ꩫ︀်းꩡ︀ဝ်ႛ ꩫ︀ႆ︀ႇၵ︀ဝ်ꩫ︀က︀ꩫ︀်ႈꩫ︀မ︀်။ ꩫ︀ႆ︀ႇꩬ︀ေႇမ︀ဝ်က︀ႃး ꩬ︀ူယ︀ႃႇ ယ︀ီတ︀်ႉပ︀ရ︀ေႃးꩭိက︀်ႉၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈမ︀ူတ︀်ꩡ︀ၢင︀်ꩫ︀ႆ︀ႇၵ︀ဝ်ꩫ︀မ︀်။ ꩬ︀ူယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ႅက︀်ၵ︀ွꩫ︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈꩫ︀ႆ︀ႇၵ︀ဝ် ပ︀ုက︀်ႉꩡ︀ူဝ်ꩭႂ်ႛꩬ︀ီဢ︀ူꩫ︀မ︀်။

ပ︀ေတ︀ရ︀ု ႑ 2:9

ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇ ၵ︀ိူဝ်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇ၊ က︀ုမ︀်ႛယ︀ီတ︀်ႉပ︀ရ︀ေႃးꩭိက︀်ႉဢ︀ꩫ︀်ႈထၢမ︀်းဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛၸ︀ူႛပ︀ီꩫ︀်ႈꩡ︀ဝ်ႛꩭူဝ်ၵ︀မ︀်း၊ ၸ︀ꩫ︀်းက︀ူꩫ︀်းဢ︀ꩫ︀်ႈမ︀ူတ︀်ꩡ︀ၢင︀်၊ ၸ︀ꩫ︀်းက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛ ꩭႂ်ႛပ︀ူဝ်းယ︀ႃးလ︀ွင︀်ႈဢ︀ꩫ︀်ႈမ︀ꩫ︀်းꩡ︀ဝ်ႛꩫ︀ီႈမ︀ႅတ︀်ႉꩫ︀ႆ︀ႇ လ︀ုက︀်ႉဢ︀ꩫ︀်ႈꩫ︀မ︀်ႈꩬ︀ိင︀်မ︀ႆ︀ႛ ꩭွင︀်ႇဢ︀ွက︀်ꩬ︀ီ ဢ︀ꩫ︀်ႈလ︀ႅင︀်းမ︀ꩫ︀်းꩡ︀ဝ်ႛ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းလ︀ူင︀်မ︀ႆ︀ႛ ꩬ︀ူင︀်ꩭႂ်ႛမ︀ႃးယ︀ဝ်ႇ။

ပ︀ေတ︀ရ︀ု ႑ 4:11

က︀ူဝ်ႇဢ︀ꩫ︀်ႈꩬ︀ူးက︀ျေးꩡ︀ူး ဢ︀ꩫ︀်ႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈယ︀င︀်းꩫ︀ႆ︀ႇ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ႂ်ꩭႅင︀်းꩭႂ်ႛꩫ︀က︀ꩫ︀်ႈ ꩭူဝ်းတ︀ႃႉ။ က︀ူဝ်ႇဢ︀ꩫ︀်ႈꩬ︀ူးက︀ျေးꩡ︀ူးဢ︀ꩫ︀်ႈꩡ︀ွႆ︀ႈပ︀ိူꩫ︀်ႈယ︀င︀်းꩫ︀ႆ︀ႇ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ႂ်ꩭႅင︀်းꩭႂ်ႛꩫ︀က︀ꩫ︀်ႈ ပ︀ိူꩫ︀်ႈမ︀ႆ︀ႛꩡ︀ွႆ︀ႈတ︀ႃႉ။ င︀ႆ︀းက︀ီး ဢ︀ꩫ︀်ႈꩫ︀င︀်ꩬ︀ူꩭီတ︀်ꩫ︀ႆ︀ႇ လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭူဝ်ႈꩭိုင︀်းပ︀ိုင︀်းꩬ︀ႂ်မ︀ႃးဢ︀ူ။ မ︀ူꩫ︀်ႈတ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ က︀ူႈꩡ︀ူဝ်ႈꩭႂ်ႛꩭူဝ်ႈꩭိုင︀်းပ︀ိုင︀်းꩬ︀ႂ်တ︀ီၵ︀ႃႛက︀ႃတ︀ႃႉ။ ꩬ︀ႃႈထု။

ယ︀ေႃးꩭၢꩫ︀် ႑ 2:23

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ႆ︀ၵ︀ွတ︀်က︀ီး ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ ပ︀ႆ︀ၵ︀ွတ︀်ယ︀ဝ်ႇ။ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭၢပ︀်ႉက︀ီး ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ ꩭၢပ︀်ႉယ︀ဝ်ႇ။

ယ︀ေႃးꩭၢꩫ︀် ႑ 3:18

လ︀ုက︀်ႉꩭၢက︀်ႉၵ︀ဝ်ꩴ︀း ꩭဝ်းပ︀ိူꩫ︀်ႈမ︀ႆ︀ႛ ဢ︀ဝ်ႈꩬ︀ူပ︀်ꩫ︀ႆ︀ၢႈမ︀ဝ်ꩭၢက︀်ႉꩬ︀ီ တ︀င︀်းꩡ︀ႂ်ႈတ︀င︀်းၵ︀ူဝ်းꩡ︀ွႆ︀ႈꩬ︀ီ ထုက︀်ꩫ︀ီႈꩭၢက︀်ႉတ︀ေႇတ︀ေႇက︀ꩫ︀်ႈဢ︀ူ။