က︀ေႃလ︀ေႃတ︀ႄ 2:5 - Khamti Shan

⁵ က︀ဝ်ႈဢ︀ူတ︀ီႈက︀ႆ︀ႈꩫ︀က︀ေႃႇ ꩡ︀ႂ်ႈက︀ဝ်ႈယ︀ႃႇ လ︀ွင︀်ႈꩬ︀ူꩬ︀ိုင︀်ၵ︀ႂ်ႈꩡ︀ႂ်ႈꩬ︀ီဢ︀ူꩫ︀မ︀်။ ꩬ︀ူလ︀ွမ︀်ႈက︀ꩫ︀်ႈတ︀ိင︀်ႛတ︀ိင︀်ႛꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰက︀ꩫ︀်ႈꩫ︀မ︀်ꩫ︀ꩫ︀ႆ︀ႇ က︀ဝ်ႈတ︀ွင︀်းꩬ︀ီꩡ︀ူမ︀်းလ︀ူင︀်ꩫ︀မ︀်။

က︀ေႃလ︀ေႃတ︀ႄ 2:5 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 2:42

ၵ︀ဝ်ယ︀ႃႇ ၵ︀ၢမ︀်းတ︀ြႃးတ︀မ︀ၢꩫ︀်ꩡ︀ဝ်ႛၵ︀ဝ်မ︀ႆ︀ႛ ꩭၢပ︀်ႉထွမ︀်က︀ꩫ︀်ႈ၊ ၵ︀ဝ်ႛၵ︀ွꩫ︀်ႛက︀ꩫ︀်ႈ၊ ꩭူမ︀်ႈက︀ိꩫ︀်ႈပ︀ွႆ︀းမ︀ၢင︀်က︀လ︀ႃꩡ︀ဝ်ႛက︀ꩫ︀်ႈ၊ ꩭူမ︀်ႈယ︀ွꩫ︀်းꩬ︀ူးက︀ꩫ︀်ႈင︀ႆ︀းꩬ︀ီ ဢ︀ူဢ︀ူ။

ထဝ်ꩡ︀တ︀်ႉၵ︀ဝ် 20:21

က︀ျူးꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း၊ က︀ရ︀ိက︀်ꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ꩭႂ်ႛပ︀ူဝ်းၵ︀ဝ်လ︀ုက︀်ႉဢ︀ပ︀ႅတ︀်ႉမ︀ႆ︀ႛ ꩬ︀ၢင︀်ဝွေက︀ꩫ︀်ႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀ၢဝ်ႈပ︀ွက︀်ႉမ︀ႃး၊ ꩭႂ်ႛပ︀ူဝ်းꩡ︀ဝ်ႛယ︀ေꩬ︀ုꩭဝ်းမ︀ႆ︀ႛယ︀ုမ︀်ယ︀မ︀်ႈမ︀ႃးꩫ︀ႆ︀ႇ က︀ဝ်ႈလ︀ိူက︀်ႉꩰလ︀မ︀်ꩰꩬ︀တ︀ိꩭႂ်ႛမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႑ 11:34

ꩬ︀င︀်ဝႃႈꩬ︀ူတ︀ွင︀်ႇမ︀ႆ︀ႛၸ︀ႅဝ်က︀ီးယ︀ႃႇ ꩭိူꩫ︀်းၸ︀ူႛꩡ︀ဝ်ႛမ︀ႆ︀ႛက︀ိꩫ︀်ႈမ︀ႃးက︀ꩫ︀်ႈတ︀ႃႉ။ င︀ႆ︀းက︀ီး မ︀ိူဝ်ႈꩬ︀ူတ︀ုမ︀်ႈက︀ꩫ︀်ႈꩫ︀ႆ︀ႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးမ︀ႆ︀ႛꩫ︀ႆ︀ႛလ︀ွတ︀်ႉဢ︀ူ။ လ︀ွင︀်ႈတ︀ၢင︀်ဢ︀ꩫ︀်ႈꩫ︀ႆ︀ႇၵ︀ဝ်ယ︀ႃႇ မ︀ိူဝ်ႈက︀ဝ်ႈမ︀ႃးꩫ︀ႆ︀ႇꩬ︀င︀် ꩫ︀ေꩭႂ်ႛက︀ွတ︀်။

က︀ေႃရ︀ိꩫ︀်တ︀ု ႑ 14:40

ဢ︀ꩫ︀်ႈဢ︀ၵ︀ႅက︀်ႉꩫ︀ႆ︀ႇယ︀ႃႇ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ꩭႂ်ႛပ︀ူဝ်းꩡ︀ႃၵ︀ၢပ︀်ႉꩥ︀ႃးꩬ︀ီ ထုက︀်ꩰꩬ︀ႅꩫ︀်ႛꩬ︀ႅꩫ︀်ႛꩫ︀ႆ︀ႇ ꩭီတ︀်က︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 15:58

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇꩭၢက︀်ႉၵ︀ဝ်ꩴ︀း ဢ︀ꩫ︀်ႈꩬ︀ူဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ေႈꩡ︀ႃႉꩫ︀ႆ︀ႇယ︀ႃႇ မ︀ိူဝ်ႈလ︀ႂ်ႈက︀ေႃႇꩵ︀ႈၵ︀ွတ︀်ꩫ︀ႆ︀ၢႈꩫ︀ꩫ︀ႆ︀ႇ ꩬ︀ူတ︀ွင︀်းꩫ︀က︀ꩫ︀်ႈ ꩬ︀ဝ်းၵ︀ိူင︀်ꩰက︀ꩫ︀်ႈတ︀ႃႉ။ ꩡ︀ႂ်ႈမ︀ဝ်ယ︀ွမ︀်းꩬ︀ီ ဢ︀မ︀ူးမ︀ꩫ︀်းꩡ︀ဝ်ႛမ︀ႆ︀ႛ က︀ႃႈꩫ︀င︀်ꩭႅင︀်းယ︀င︀်းꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 16:13

ꩬ︀တ︀ိက︀ꩫ︀်ႈတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰက︀ꩫ︀်ႈတ︀ႃႉ။ ꩭတ︀်ꩭၢꩫ︀်က︀ꩫ︀်ႈ၊ ၵ︀ိူင︀်က︀ိုမ︀်းက︀ꩫ︀်ႈတ︀ႃႉ။

က︀ေႃလ︀ေႃတ︀ႄ 2:1

ꩡ︀ႃႇꩬ︀ူ၊ ꩡ︀ႃႇၸ︀ူႛယ︀ုမ︀်ယ︀မ︀်ႈ ဝီင︀်းလ︀ေႃတ︀ိက︀ိꩫ︀ႆ︀ႇၵ︀ဝ်င︀ႆ︀း ꩡ︀ႃႇၸ︀ူႛယ︀ုမ︀်ယ︀မ︀်ႈ ဢ︀ꩫ︀်ႈက︀ဝ်ႈမ︀ႆ︀ႛမ︀ဝ်ꩭွꩫ︀်ꩭꩫ︀်ꩫ︀ႆ︀ႇၵ︀ဝ်တ︀င︀်းမ︀ိူင︀်း က︀ဝ်ႈၵ︀ႂ်ႈလ︀ႂ်ႈ ꩬ︀ေႈꩡ︀ႃႉမ︀ႃးꩫ︀ꩫ︀ႆ︀ႇ ꩬ︀ူမ︀ႆ︀ႛၵ︀ႂ်ႈꩭႂ်ႛတ︀ွင︀်းဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:17

ပ︀ီႈꩫ︀ွင︀်ႇၵ︀ဝ်ꩴ︀း လ︀ုက︀်ႉꩬ︀ူမ︀ႆ︀ႛက︀ိုမ︀်ႇဢ︀ွꩫ︀်လ︀ိူင︀်ႈꩫ︀ႆ︀ၢႈ ယ︀ၢꩫ︀်မ︀ႃးꩫ︀က︀ေႃႇ ꩬ︀ူမ︀ႆ︀ႛတ︀ူႈမ︀ိတ︀်ႉလ︀ိူင︀်ႈꩫ︀ႆ︀ၢႈက︀ေႃႇꩵ︀ႈလ︀ုမ︀်း။ ꩬ︀ူမ︀ႆ︀ႛတ︀င︀်းꩡ︀ႂ်ႈတ︀င︀်းၵ︀ူဝ်း ထိုင︀်ꩡ︀ႂ်ႈꩬ︀ီ ꩭႂ်ႛပ︀ူဝ်းꩫ︀ႆ︀ႛမ︀ႃးပ︀ွက︀်ႉꩫ︀ႆ︀ႇ တ︀ူႈꩬ︀ေႈꩡ︀ႃႉမ︀ႃးဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 3:8

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူက︀ꩫ︀်ႛꩫ︀ႂ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ဝ်းၵ︀ိူင︀်ꩰꩬ︀ီဢ︀ူꩫ︀ႆ︀ႇ ဢ︀ꩫ︀်ႈတ︀ူႈမ︀ႆ︀ႛ က︀ၢပ︀်ဢ︀ꩬ︀ၢက︀်ႉꩭႂ်ႛꩫ︀က︀ꩫ︀်ႈꩫ︀မ︀်။

ꩭေပ︀ရ︀ူး 3:14

ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭဝ်းတ︀မ︀်းꩡ︀ႂ်ႈဝႆ︀ႇမ︀ႆ︀ႛ ꩫ︀င︀်မ︀ိူဝ်ႈꩭူဝ်က︀ူဝ်မ︀ႆ︀ႛꩫ︀က︀ꩫ︀်ႈ တ︀ူဝ်ပ︀ူဝ်းꩬ︀ုတ︀် ပ︀ꩫ︀်ႛၵ︀ိူင︀်ꩰက︀ႃက︀ီး ꩭဝ်းတ︀င︀်းꩡ︀ဝ်ႛၵ︀ရ︀ီတ︀် ꩡ︀ၢပ︀်ႉလ︀ႅင︀်က︀ꩫ︀်ႈဢ︀ူꩫ︀မ︀်။

ꩭေပ︀ရ︀ူး 6:19

ဢ︀ꩫ︀်ႈတ︀ႂ်းထႃႛဢ︀မ︀ႂ်းယ︀ႃႇ ꩡ︀ႃႇꩭၢင︀်းꩡ︀ူဝ်ႈတ︀ႃႈဢ︀ꩬ︀ၢက︀်ႉꩭဝ်း ꩫ︀င︀်ꩭွက︀်က︀ိဝ်ꩬ︀ၢင︀်ႈၸ︀ူဝ်း ဢ︀ꩫ︀်ႈၵ︀ိူင︀်က︀ိုမ︀်းလ︀ူင︀်ꩫ︀က︀ꩫ︀်ႈ ꩭဝ်းမ︀ႆ︀ႛယ︀င︀်းꩬ︀ီ ဢ︀ဝ်ႈထိုင︀်က︀ꩫ︀်ႛꩫ︀ႂ်းၸ︀ႃႛက︀င︀်ႛ ꩡ︀ွင︀်းၿိက︀်ႉမ︀ၢꩫ︀်က︀ၢင︀်ႈꩭၢဝ် ၵ︀ဝ်ႛက︀ႃꩬ︀ီ တ︀ီႈဢ︀ꩫ︀်ႈၵ︀ႅꩫ︀်းမ︀ူတ︀်ꩡ︀ၢင︀်မ︀ႆ︀ႛထိုင︀်က︀ႃဢ︀ူ။

ပ︀ေတ︀ရ︀ု ႑ 5:9

ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈၵ︀ိူင︀်ꩰꩬ︀ီ ၵ︀ုꩫ︀်ꩬ︀ူင︀်မ︀ႆ︀ႛꩭၢမ︀်ႛတ︀ႃႉ။ ပ︀ီႈꩫ︀ွင︀်ႇꩭဝ်းဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈ ဢ︀ꩫ︀်ႈတ︀င︀်းက︀မ︀်ၸ︀ႃမ︀ႆ︀ႛ ယ︀င︀်းꩫ︀ႆ︀ႇၵ︀ဝ်တ︀င︀်းမ︀ိူင︀်း ꩫ︀င︀်ꩬ︀ူꩫ︀က︀ꩫ︀်ႈ ၵ︀ိူက︀်ႉယ︀ၢက︀်ႉꩬ︀ီဢ︀ူꩫ︀မ︀်ꩫ︀ꩫ︀ႆ︀ႇ ဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ။