က︀ေႃလ︀ေႃတ︀ႄ 1:29 - Khamti Shan29 ꩭႂ်ႛပ︀ူဝ်းဢ︀မ︀ူးꩫ︀ႆ︀ႇယ︀ဝ်ႇက︀ႃꩫ︀ႆ︀ႇ တ︀ꩫ︀်းၵ︀ူဝ်းလ︀ူင︀် ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် က︀ꩫ︀်ႛꩫ︀ႂ်းက︀ဝ်ႈမ︀ႆ︀ႛၵ︀ိင︀်းꩬ︀ီ ထႅမ︀်ꩭႂ်ႛꩫ︀ႆ︀ႇမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ က︀ဝ်ႈꩬ︀ေႈꩡ︀ႃႉဢ︀ူꩫ︀မ︀်။ အခန်းကိုကြည့်ပါ။ |
က︀ေႃလ︀ေႃတ︀ႄ 1:29
28 ပူးပေါင်းရင်းမြစ်များ
ꩫ︀ႆ︀ႇꩫ︀က︀ေႃႇ လ︀ႆ︀ၢးပ︀ိူဝ်ႈက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩬ︀ီ င︀ႆ︀ႚက︀ဝ်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛမ︀ႃးꩫ︀မ︀်။ က︀ျေးꩡ︀ူးမ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ꩭႂ်ႛပ︀ူဝ်းမ︀ဝ်ၵ︀ွတ︀်ꩫ︀ႆ︀ၢႈꩫ︀ႆ︀ႇ တ︀မ︀ၢꩫ︀်ꩡ︀ဝ်ႛတ︀င︀်းမ︀ိူင︀်းမ︀ႆ︀ႛꩬ︀ႃꩬ︀ီ က︀ဝ်ႈꩬ︀ေႈꩡ︀ႃႉမ︀ႃးဢ︀ူ။ င︀ႆ︀းꩫ︀က︀ေႃႇ ဢ︀မ︀ႂ်းယ︀ႃႇ ဢ︀ꩫ︀်ႈက︀ဝ်ႈꩬ︀ေႈꩡ︀ႃႉꩵ︀ႈꩡ︀ႂ်ႈ။ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀် က︀ꩫ︀်ႛꩫ︀ႂ်းက︀ဝ်ႈမ︀ႆ︀ႛ ꩭီတ︀်ဢ︀မ︀ူးဢ︀ူꩫ︀ႆ︀ႇ။
ၵ︀ဝ်ပ︀ီꩫ︀်ႈၸ︀ူႛꩡ︀ႂ်ႇꩡ︀ဝ်ႛၵ︀ရ︀ီတ︀်ꩫ︀မ︀်ꩫ︀က︀ီး က︀ဝ်ႈယ︀ႃႇဢ︀ေႈၵ︀ႅꩫ︀်းပ︀ီꩫ︀်ႈဢ︀ူꩫ︀ꩬ︀ီ ꩫ︀င︀်ၸ︀ူႛမ︀ႃႛꩫ︀က︀ꩫ︀်ႈ က︀ဝ်ႈဝႃႈဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ဝ်ႈ ဢ︀မ︀ူးၵ︀ႅꩫ︀်းꩬ︀ေႈꩡ︀ႃႉမ︀ႃးဢ︀ူ။ ဢ︀ေႈၵ︀ႅꩫ︀်းꩫ︀ႆ︀ႛတ︀ူက︀်ထွင︀်မ︀ႃး၊ ဢ︀ေႈၵ︀ႅꩫ︀်းꩫ︀ႆ︀ႛၵ︀ၢမ︀်တ︀ုက︀်ႉၵ︀မ︀ႃး၊ ၸ︀ေးတ︀ၢင︀်းတ︀ႆ︀ၢႈမ︀ႆ︀ႛ ဢ︀ေႈၵ︀ႅꩫ︀်းꩫ︀ႆ︀ႛꩭူပ︀်ႉꩭꩫ︀်မ︀ႃးဢ︀ူ။
ဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉꩫ︀ႆ︀ႇယ︀ႃႇ ꩬ︀ူꩫ︀င︀်ဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩬ︀ွꩫ︀်ဝႆ︀ႇꩫ︀ႆ︀ႇꩫ︀က︀ꩫ︀်ႈ ဝႃႈက︀မ︀်ႈက︀ႅင︀်းက︀ꩫ︀်ႈꩫ︀မ︀်။ င︀ႆ︀းက︀ီး က︀ဝ်ႈꩬ︀ူမ︀ႆ︀ႛမ︀ႃးပ︀ီꩫ︀်ႈပ︀တ︀ု၊ မ︀ဝ်ပ︀ီꩫ︀်ႈပ︀တ︀ု လ︀ွင︀်ႈဢ︀ꩫ︀်ႈꩬ︀ူꩭူမ︀်ႈꩡ︀ႂ်ႈꩭူမ︀်ႈၵ︀ူဝ်း ꩬ︀ေႈꩡ︀ႃႉꩬ︀ီ က︀ုမ︀်ႇတ︀ၢင︀်းယ︀ုမ︀်ယ︀မ︀်ႈဢ︀ꩫ︀်ႈꩭီတ︀်င︀ဝ်ႛၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ က︀ဝ်ႈတ︀ီꩫ︀ႆ︀ႛꩥ︀ိꩫ︀်းꩫ︀မ︀်။
လ︀ွင︀်ႈꩫ︀ႆ︀ႇယ︀ႃႇ ပ︀ီꩫ︀်ႈꩫ︀င︀်ꩭိုဝ်ꩫ︀ႆ︀ꩫ︀က︀ီး မ︀ိူဝ်ႈꩬ︀ူꩭၢပ︀်ႉမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛ တ︀င︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ၸ︀င︀်လ︀ွေႛမ︀ႃးꩫ︀မ︀်။ တ︀ꩫ︀်းၵ︀ူဝ်းမ︀ꩫ︀်းꩡ︀ဝ်ႛ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးမ︀ႆ︀ႛ ꩬ︀ူယ︀ုမ︀်ယ︀မ︀်ႈꩫ︀ႆ︀ႇꩬ︀ီ မ︀ိူဝ်ႈꩬ︀ူꩭၢပ︀်ႉမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩫ︀ႆ︀ႇ ꩬ︀ူမ︀ႆ︀ႛက︀ေႃႇ ဢ︀ဝ်ႈတ︀ꩫ︀်းၵ︀ူဝ်းမ︀ꩫ︀်းꩡ︀ဝ်ႛ တ︀င︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ဝ်ႈꩫ︀ိပ︀်ပ︀ွက︀်ႉမ︀ႃးယ︀ဝ်ႇ။
ဢ︀ေပ︀ၸ︀ြက︀ေႃႇ ꩬ︀ူမ︀ႆ︀ႛꩬ︀င︀်ၵ︀ၢမ︀်းဢ︀ူ။ မ︀ꩫ︀်းက︀ေႃႇ က︀ူꩫ︀်းက︀ုမ︀်ႛꩬ︀ူꩡ︀ဝ်ႛ ဢ︀ꩫ︀်ႈထၢမ︀်းဢ︀မ︀ူးꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။ မ︀ꩫ︀်းယ︀ႃႇ ဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူ ꩭႂ်ႛပ︀ူဝ်းထွမ︀်ꩡ︀ွမ︀်းမ︀ူတ︀်ꩰꩬ︀ီ ပ︀ွင︀်ꩡ︀ႂ်ႈမ︀ူတ︀်ꩰမ︀ႃးင︀ႆ︀း ꩭႂ်ႛပ︀ူဝ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းယ︀ုမ︀်ယ︀မ︀်ႈက︀ꩫ︀်ႈꩫ︀ႆ︀ႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩡ︀ႃႇꩬ︀ူ ꩭီတ︀်ဢ︀ၵ︀ႅက︀်ႉꩬ︀ီယ︀ွꩫ︀်းꩬ︀ူးꩬ︀ီဢ︀ူꩫ︀မ︀်။
ꩭႂ်ႛပ︀ူဝ်းꩬ︀ူ ꩡ︀ွမ︀်းဢ︀လ︀ၢင︀်းမ︀ꩫ︀်းꩡ︀ဝ်ႛꩫ︀ႆ︀ႇ ဢ︀ꩫ︀်ႈꩫ︀င︀်ꩬ︀ူꩭၢင︀်ႇꩫ︀ႆ︀ႇတ︀င︀်းမ︀ိူင︀်း ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛထႅမ︀်ꩭႂ်ႛက︀တ︀ႃႉ။ လ︀ွင︀်ႈꩫ︀ီႈ ဢ︀ꩫ︀်ႈမ︀ꩫ︀်းꩡ︀ဝ်ႛမ︀ႃးꩡ︀ႂ်ႈꩫ︀ႆ︀ႇၵ︀ဝ် က︀ꩫ︀်ႛꩫ︀ႂ်းꩬ︀ူမ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းꩡ︀ဝ်ႛယ︀ေꩬ︀ုၵ︀ရ︀ီတ︀် ꩭႂ်ႛဢ︀ဝ်ႈယ︀င︀်းက︀တ︀ႃႉ။ ꩡ︀ဝ်ႛယ︀ေꩬ︀ုၵ︀ရ︀ီတ︀် ထႃဝရ︀ မ︀ူꩫ︀်ႈၸ︀ုင︀်းꩭႂ်ႛယ︀ႂ်က︀တ︀ႃႉ။ ꩬ︀ႃႈထု။
ကြော်ငြာတွေ