က︀ေႃလ︀ေႃတ︀ႄ 1:22 - Khamti Shan

²² ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ လ︀ႆ︀ၢးပ︀ိူဝ်ႈလ︀ုက︀်ႉမ︀ꩫ︀်းꩡ︀ဝ်ႛ ဢ︀ဝ်ႈꩡ︀ႃတ︀ိႉက︀ူꩫ︀်းင︀ႆ︀း ၵ︀ၢမ︀်တ︀ႆ︀ၢႈꩭႂ်ႛမ︀ႃးꩫ︀ႆ︀ႇꩬ︀ီ ꩬ︀ူမ︀ႆ︀ႛတ︀င︀်းမ︀ꩫ︀်းꩡ︀ဝ်ႛ ဢ︀ဝ်ႈထုက︀်က︀ꩫ︀်ႈပ︀ွက︀်ႉယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩭႂ်ႛပ︀ူဝ်းꩬ︀ူ ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ မ︀ူတ︀်ꩡ︀ၢင︀်င︀ႆ︀း ꩡ︀ႂ်ႈၵ︀ၢဝ်ꩬ︀ီ ꩬ︀ူမ︀ႆ︀ႛ ဢ︀ꩫ︀်ႈဝႃႈတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းပ︀ိူင︀်ႈလ︀ူင︀်ꩫ︀ႆ︀ႇꩫ︀မ︀်။

က︀ေႃလ︀ေႃတ︀ႄ 1:22 ပူးပေါင်းရင်းမြစ်များ

ရ︀ေႃမ︀ 7:4

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူက︀ေႃႇꩫ︀င︀်ꩫ︀ႆ︀ႇꩫ︀က︀ꩫ︀်ႈꩫ︀မ︀်။ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်တ︀ႆ︀ၢႈမ︀ႆ︀ႛ ꩬ︀ူလ︀ွမ︀်ႈလ︀မ︀်းက︀ꩫ︀်ႈꩫ︀ႆ︀ႇꩬ︀ီ ꩬ︀ူက︀ေႃႇတ︀ႆ︀ၢႈက︀ႃꩫ︀က︀ꩫ︀်ႈꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩬ︀ူလ︀ုက︀်ႉက︀ျမ︀်းꩬ︀ိꩫ︀်မ︀ႆ︀ႛ လ︀ွတ︀်ႉယ︀ဝ်ႇ။ င︀ႆ︀ႚယ︀ႃႇꩬ︀ူ တ︀င︀်းꩡ︀ဝ်ႛဢ︀ꩫ︀်ႈလ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇလ︀ွမ︀်ႈလ︀မ︀်းက︀ꩫ︀်ႈꩫ︀ႆ︀ႇꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈမ︀ႆ︀ႛ ꩭဝ်းꩭီတ︀်ပ︀ီꩫ︀်ႈယ︀ဝ်ႇ။

က︀ေႃရ︀ိꩫ︀်တ︀ု ႒ 11:2

ꩬ︀ူမ︀ႆ︀ႛꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛ က︀ပ︀်ႉꩡ︀ႂ်ႈꩫ︀က︀ꩫ︀်ႈ က︀ဝ်ႈက︀ေႃႇက︀ပ︀်ႉꩡ︀ႂ်ႈဢ︀ူ။ ꩬ︀ူယ︀ႃႇꩫ︀င︀်ၸ︀ူႛꩬ︀ၢဝ်မ︀ႂ်ဢ︀ꩫ︀်ႈမ︀ူတ︀်ꩡ︀ၢင︀် ဢ︀ꩫ︀်ႈꩭၢင︀်းတ︀င︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛꩫ︀ႆ︀ၢႈ က︀ူပ︀်က︀ꩫ︀်ႈꩫ︀ꩬ︀ီ က︀ဝ်ႈလ︀ိူက︀်ႉဝႆ︀ႇꩫ︀ႆ︀ႇꩫ︀က︀ꩫ︀်ႈꩫ︀မ︀်။

က︀ေႃရ︀ိꩫ︀်တ︀ု ႒ 4:14

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀် ဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇꩫ︀ꩫ︀ႆ︀ႇ တ︀ူႈတ︀ွင︀်းဢ︀ူ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ မ︀ꩫ︀်းꩡ︀ဝ်ႛꩫ︀မ︀် ꩭဝ်းမ︀ႆ︀ႛက︀ေႃႇ တ︀င︀်းꩡ︀ဝ်ႛယ︀ေꩬ︀ု ဢ︀ဝ်ႈꩫ︀ိပ︀်ပ︀ွက︀်ႉꩬ︀ီ ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ တ︀င︀်းꩬ︀ူတ︀ီဢ︀ဝ်ႈထိုင︀်ꩫ︀ႆ︀ႇꩫ︀ꩫ︀ႆ︀ႇ တ︀ူႈတ︀ွင︀်းဢ︀ူ။

က︀ေႃရ︀ိꩫ︀်တ︀ု ႒ 5:18

ꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭီတ︀်၊ ဢ︀ꩫ︀်ႈꩭဝ်းမ︀ႆ︀ႛ တ︀င︀်းမ︀ꩫ︀်းꩡ︀ဝ်ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ဝ်ႈထုက︀်က︀ꩫ︀်ႈပ︀ွက︀်ႉꩫ︀မ︀်။ င︀ႆ︀းꩬ︀ီ ဢ︀မ︀ူးဢ︀ꩫ︀်ႈက︀ူꩫ︀်းတ︀ၢင︀်က︀ူဝ်ႇꩫ︀ႆ︀ႇၵ︀ဝ်မ︀ႆ︀ႛ တ︀င︀်းမ︀ꩫ︀်းꩡ︀ဝ်ႛ ဢ︀ဝ်ႈထုက︀်က︀ꩫ︀်ႈပ︀ွက︀်ႉꩫ︀ႆ︀ႇက︀ေႃႇ ꩭဝ်းမ︀ႆ︀ႛပ︀ူင︀်ႈဢ︀ၢပ︀်ႉꩭႂ်ႛမ︀ႃးယ︀ဝ်ႇ။

ဢ︀ေၸ︀ႅတ︀် 1:4

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉမ︀ိူဝ်ႈက︀မ︀်ၸ︀ႃꩵ︀ႈပ︀ႆ︀တ︀ေပ︀ုꩫ︀်ႛ ꩭဝ်းမ︀ႆ︀ႛ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ လ︀ိူက︀်ႉမ︀ႆ︀ၢက︀ွတ︀်ꩫ︀ꩬ︀ီ ꩬ︀ၢင︀်ဝႆ︀ႇမ︀ႃးꩫ︀မ︀်။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩭႂ်ႛပ︀ူဝ်းꩭဝ်း ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ မ︀ူတ︀်ꩡ︀ၢင︀်ꩬ︀ီ ꩭဝ်းမ︀ႆ︀ႛဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ꩭဝ်းမ︀ႆ︀ႛꩭၢက︀်ႉꩫ︀ႆ︀ႇꩬ︀ီ

ဢ︀ေၸ︀ႅတ︀် 5:27

မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ မ︀ိူဝ်ႈမ︀ꩫ︀်းꩡ︀ဝ်ႛမ︀ႆ︀ႛ ꩡ︀ိူဝ်းꩡ︀ဝ်ႛ ၸ︀ူႛပ︀ီꩫ︀်ႈၸ︀ူႛꩬ︀ၢဝ်မ︀ႂ်မ︀ꩫ︀်းꩡ︀ဝ်ႛဢ︀ၢပ︀်ႉꩫ︀ႆ︀ႇ ꩭႂ်ႛပ︀ူဝ်းꩡ︀ိူဝ်းꩡ︀ဝ်ႛ မ︀ိတ︀်ႉလ︀ိူင︀်ႈꩫ︀ၢႆ︀ႈက︀ေႃႇမ︀ဝ်ꩭင︀်ႛ၊ မ︀ဝ်ꩭုꩫ︀်ႛ၊ ꩭွႆ︀းက︀ꩬ︀င︀်က︀ေႃႇ မ︀ဝ်ယ︀င︀်းꩬ︀ီ ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ မ︀ူတ︀်ꩡ︀ၢင︀်င︀ႆ︀းꩬ︀ႅꩫ︀်ႛတ︀ီမ︀်ႈက︀ုမ︀်ꩬ︀ီ ဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉက︀ꩬ︀င︀်က︀ေႃႇမ︀ဝ်ယ︀င︀်းꩫ︀ႆ︀ႇꩫ︀မ︀်။

က︀ေႃလ︀ေႃတ︀ႄ 1:28

င︀ႆ︀းꩫ︀ႆ︀ႇꩬ︀ီ က︀ူꩫ︀်းက︀ူႈက︀ူဝ်ႇမ︀ႆ︀ႛ တ︀ူႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛၵ︀ရ︀ီတ︀်ꩫ︀မ︀်။ က︀ူꩫ︀်းက︀ူႈက︀ူဝ်ႇမ︀ႆ︀ႛ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ဝ်ႈယ︀ႂ်က︀ေင︀ႆ︀း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုꩫ︀်ႈဢ︀ၢပ︀်ႉက︀ွတ︀်ꩫ︀ꩬ︀ီ ၵ︀ဝ်မ︀ႆ︀ႛ တ︀ူႈက︀ႃႈꩫ︀င︀်ꩥ︀ႅꩫ︀်ယ︀င︀်းꩫ︀ႆ︀ႇ ꩬ︀တ︀ိꩭႂ်ႛꩬ︀ီ ꩬ︀ွꩫ︀်ꩭႂ်ႛဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:7

ꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭွင︀်ႇဝႆ︀ႇꩫ︀ႆ︀ႇ ꩭၢင︀်းၸ︀ိတ︀်မ︀ေးလ︀ုက︀်ႉပ︀ိူꩫ︀်ႈꩵ︀ႈꩡ︀ႂ်ႈ။ ꩭၢင︀်းဢ︀ူမ︀ူတ︀်ꩰꩡ︀ၢင︀်ꩰꩫ︀မ︀်။

တ︀ိတ︀ု 2:14

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩭဝ်းမ︀ႆ︀ႛ လ︀ုက︀်ႉဢ︀ꩫ︀်ႈမ︀ဝ်ꩫ︀ီႈတ︀င︀်းလ︀ုင︀်မ︀ႆ︀ႛ ꩭႂ်ႛပ︀ူဝ်းဢ︀ဝ်ႈမ︀ူတ︀်ꩡ︀ၢင︀်ꩭႂ်ႛꩫ︀ႆ︀ႇလ︀ိူင︀်ႈ၊ ꩭႂ်ႛပ︀ူဝ်းꩭဝ်း ပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩬ︀ီ ꩭီတ︀်လ︀ွင︀်ႈꩫ︀ီႈꩫ︀ႆ︀ႇလ︀ိူင︀်ႈ ဢ︀ꩬ︀ၢက︀်ႉမ︀ꩫ︀်းꩡ︀ဝ်ႛꩭႂ်ႛꩬ︀ီ ၵ︀ေꩬ︀ေမ︀ႃးယ︀ဝ်ႇ။

ꩭေပ︀ရ︀ူး 10:10

လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛင︀ႆ︀း ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛ ꩡ︀ႃႇထႃဝရ︀ꩭီတ︀်ꩭိူဝ်ႈꩭိုင︀်းꩫ︀ႆ︀ၢႈ ပ︀ုက︀်ႉꩡ︀ူဝ်ꩫ︀ႆ︀ႇꩬ︀ီ ꩭဝ်းတ︀င︀်းလ︀ုင︀်မ︀ူတ︀်ꩡ︀ၢင︀်က︀ꩫ︀်ႈယ︀ဝ်ႇ။

ꩭေပ︀ရ︀ူး 10:20

ꩡ︀ဝ်ႛယ︀ေꩬ︀ု တ︀ၢင︀်းၸ︀ႃႛက︀င︀်ႛဢ︀ꩫ︀်ႈတ︀ၢင︀်ႈတ︀ူဝ်ႈမ︀ꩫ︀်းꩡ︀ဝ်ႛမ︀ႆ︀ႛ ၸ︀ႃပ︀ူꩫ︀်ႇꩬ︀ီ တ︀ၢင︀်းမ︀ႂ်ဢ︀ꩫ︀်ႈꩭႂ်ႛဢ︀ꩬ︀ၢက︀်ႉ ꩡ︀ႃႇꩭဝ်းပ︀ုတ︀်ꩭႂ်ႛမ︀ႃးယ︀ဝ်ႇ။

ꩭေပ︀ရ︀ူး 13:21

ꩭႂ်ႛပ︀ူဝ်းꩬ︀ူ ꩡ︀ွမ︀်းဢ︀လ︀ၢင︀်းမ︀ꩫ︀်းꩡ︀ဝ်ႛꩫ︀ႆ︀ႇ ဢ︀ꩫ︀်ႈꩫ︀င︀်ꩬ︀ူꩭၢင︀်ႇꩫ︀ႆ︀ႇတ︀င︀်းမ︀ိူင︀်း ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛထႅမ︀်ꩭႂ်ႛက︀တ︀ႃႉ။ လ︀ွင︀်ႈꩫ︀ီႈ ဢ︀ꩫ︀်ႈမ︀ꩫ︀်းꩡ︀ဝ်ႛမ︀ႃးꩡ︀ႂ်ႈꩫ︀ႆ︀ႇၵ︀ဝ် က︀ꩫ︀်ႛꩫ︀ႂ်းꩬ︀ူမ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းꩡ︀ဝ်ႛယ︀ေꩬ︀ုၵ︀ရ︀ီတ︀် ꩭႂ်ႛဢ︀ဝ်ႈယ︀င︀်းက︀တ︀ႃႉ။ ꩡ︀ဝ်ႛယ︀ေꩬ︀ုၵ︀ရ︀ီတ︀် ထႃဝရ︀ မ︀ူꩫ︀်ႈၸ︀ုင︀်းꩭႂ်ႛယ︀ႂ်က︀တ︀ႃႉ။ ꩬ︀ႃႈထု။

ပ︀ေတ︀ရ︀ု ႑ 3:18

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛတ︀မ︀ိူင︀်းက︀ေႃႇ ဢ︀ပ︀ႅတ︀်ႉမ︀ဝ်ꩭွꩫ︀်ꩭီတ︀်ꩬ︀ီက︀ေႃႇ ꩡ︀ႃႇဢ︀ပ︀ႅတ︀်ႉꩭဝ်းတ︀င︀်းမ︀ိူင︀်း ꩭီတ︀်ꩭႃလ︀ိူင︀်ႈၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇ ꩭႂ်ႛပ︀ူဝ်းꩭဝ်းက︀ူꩫ︀်းဢ︀ပ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူင︀်ꩭႂ်ႛꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈꩬ︀ီ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ꩫ︀ိပ︀်ပ︀ွက︀်ႉမ︀ႃးယ︀ဝ်ႇ။

ပ︀ေတ︀ရ︀ု ႒ 3:14

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၵ︀ဝ်ꩴ︀း မ︀ိူဝ်ႈꩬ︀ူတ︀ႂ်းထႃႛဝꩫ︀်းဢ︀မ︀ႂ်းꩬ︀ီဢ︀ူꩫ︀ႆ︀ႇ ꩭႂ်ႛပ︀ူဝ်းပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူမ︀ူတ︀်ꩡ︀ၢင︀်င︀ႆ︀း ဢ︀ပ︀ႅတ︀်ႉက︀ၢင︀်းꩬ︀ီ တ︀င︀်းမ︀ꩫ︀်းꩡ︀ဝ်ႛထုက︀်က︀ꩫ︀်ႈꩫ︀ီႈꩫ︀ီႈꩫ︀ႆ︀ႇ က︀ႃႈꩫ︀င︀်ꩭႅင︀်းယ︀င︀်းꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။

ယ︀ုတ︀ 1:24

ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛပ︀ီꩫ︀်ႈၸ︀ြႃးꩬ︀ူလ︀ိဝ်ႈ၊ ꩡ︀ဝ်ႛၵ︀ေꩬ︀ေꩭဝ်း၊ ဢ︀ꩫ︀်ႈꩬ︀ူမ︀ႆ︀ႛ ꩭႂ်ႛပ︀ူဝ်းမ︀ဝ်လ︀ူမ︀်ႇꩫ︀ႂ်းဢ︀ပ︀ႅတ︀်ႉꩫ︀ႆ︀ႇ က︀ုမ︀်ႇၵ︀ႅꩫ︀်ꩭႂ်ႛပ︀ီꩫ︀်ႈ၊ ဢ︀ꩫ︀်ႈꩭႂ်ႛပ︀ူဝ်းꩬ︀ူပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛ ဢ︀ꩫ︀်ႈမ︀ူꩫ︀်ႈၸ︀ုင︀်းꩭိူဝ်ႈꩭိုင︀်းမ︀ႆ︀ႛက︀ေႃႇ ဢ︀ꩫ︀်ႈဝႃႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩬ︀ီ ꩡ︀ူမ︀်းꩰꩭုမ︀်ꩰဢ︀ဝ်ႈထိုင︀်ꩭႂ်ႛပ︀ီꩫ︀်ႈမ︀ႆ︀ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းꩬ︀ီ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ူꩫ︀်ႈၸ︀ုင︀်း၊ ဢ︀ႃꩫ︀ုပ︀ေႃ၊ တ︀ꩫ︀်းၵ︀ူဝ်းင︀ႆ︀း ဢ︀ႃꩫ︀ႃꩫ︀ႆ︀ႇၵ︀ဝ် လ︀ုက︀်ႉင︀ႆ︀ႚက︀ူဝ်ꩬ︀ီ ထႃဝရ︀ꩭႂ်ႛယ︀င︀်းတ︀ီၵ︀ႃႛက︀တ︀ႃႉ။ ꩬ︀ႃႈထု။