ထဝ်ꩡ︀တ︀်ႉၵ︀ဝ် 9:31 - Khamti Shan31 က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ဝူင︀်ႈမ︀ိူဝ်ႈဢ︀မ︀ႂ်း တ︀ိူင︀်းယ︀ုတ︀၊ တ︀ိူင︀်းက︀ႃလ︀ိလ︀ႄးင︀ႆ︀း တ︀ိူင︀်းꩬ︀မ︀ႃရ︀ိꩫ︀ႆ︀ႇၵ︀ဝ် က︀ူႈတ︀ီႈမ︀ႆ︀ႛ ꩡ︀ိူဝ်းꩡ︀ဝ်ႛက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀ꩫ︀်ႈဢ︀ူ။ ꩡ︀ိူဝ်းꩡ︀ဝ်ႛက︀ေႃႇ ꩡ︀ဝ်ႛယ︀ေꩬ︀ုမ︀ႆ︀ႛ က︀ူဝ်ႈယ︀မ︀်ႈꩫ︀ႆ︀ႇꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇၵ︀ဝ်မ︀ႆ︀ႛꩡ︀ွႆ︀ႈꩭႂ်ႛဢ︀ူ။ င︀ႆ︀းꩬ︀ီ ꩡ︀ိူဝ်းꩡ︀ဝ်ႛက︀ေႃႇ ꩭႅင︀်းယ︀င︀်းꩬ︀ီ ၸ︀ူႛယ︀ုမ︀်ယ︀မ︀်ႈꩫ︀မ︀်မ︀ႃးက︀ꩫ︀်ႈဢ︀ူ။ အခန်းကိုကြည့်ပါ။ |
ထဝ်ꩡ︀တ︀်ႉၵ︀ဝ် 9:31
56 ပူးပေါင်းရင်းမြစ်များ
လ︀ွင︀်ႈဢ︀ဝ်ႈတ︀ႆ︀ၢႈက︀ူꩫ︀်းဢ︀မ︀ႂ်းမ︀ႆ︀ႛ ꩬ︀ေႃလ︀ု က︀ေႃႇၸ︀ွမ︀်ႇလ︀ွေႛဢ︀ူ။ လ︀ုက︀်ႉမ︀ိူဝ်ႈဢ︀မ︀ႂ်းက︀ူဝ်ꩬ︀ီ ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇၵ︀ဝ်မ︀ႆ︀ႛ ပ︀ိူꩫ︀်ႈꩫ︀ီင︀်ၵ︀ႅပ︀်ႉꩰဢ︀ူ။ င︀ႆ︀းꩬ︀ီၵ︀ဝ်ယ︀ႃႇ တ︀ိူင︀်းယ︀ုတ︀၊ တ︀ိူင︀်းꩬ︀မ︀ႃရ︀ိꩫ︀ႆ︀ႇၵ︀ဝ်မ︀ႆ︀ႛၸ︀ူင︀်ႇပ︀ႆ︀ၢႈက︀ႃမ︀ူတ︀်ꩬ︀ီ တ︀မ︀ၢꩫ︀်ꩡ︀ဝ်ႛၵ︀ဝ်ꩫ︀ႆ︀ၢႈꩬ︀ိုင︀်က︀ိူတ︀်ဢ︀ူ။
က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ွင︀်ႈဢ︀ꩫ︀်ႈꩡ︀ူဝ်ႈတ︀ႃႈဢ︀ꩬ︀ၢက︀်ႉꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ုပ︀်ႉပ︀ိုင︀်ꩫ︀ႆ︀ႇယ︀ႃႇ တ︀င︀်းဢ︀ꩫ︀်ႈက︀ꩬ︀င︀်ဝႃႈက︀ိꩫ︀်ႈ က︀ꩬ︀င︀်မ︀ဝ်ဝႃႈက︀ိꩫ︀်ႈꩫ︀ꩫ︀ႆ︀ႇꩵ︀ႈလ︀ႅင︀်က︀ꩫ︀်ႈ။ တ︀င︀်းဢ︀ꩫ︀်ႈပ︀ၢင︀်ႈꩫ︀ႃႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ိုဝ်ႈꩰတ︀ူဝ်ꩰꩬ︀ီဢ︀ူ၊ ဢ︀ꩫ︀်ႈတ︀င︀်းပ︀ိူꩫ︀်ႈဢ︀ဝ်ႈထုက︀်က︀ꩫ︀်ႈꩬ︀ီဢ︀ူင︀ႆ︀း ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ ꩭုမ︀်ꩰꩡ︀ူမ︀်းꩰဢ︀ူꩫ︀ႆ︀ႇၵ︀ဝ်ꩫ︀မ︀်လ︀ႅင︀်က︀ꩫ︀်ႈꩫ︀ႆ︀ႇ။
ꩭုမ︀်းꩬ︀ီဝႃႈက︀ွတ︀်ꩫ︀က︀ီး မ︀ိူဝ်ႈꩬ︀ူတ︀ုမ︀်ႈက︀ꩫ︀်ႈꩬ︀ီ ဝႆ︀ႈၸ︀ြႃးꩫ︀ႆ︀ႇ က︀ူဝ်ႇလ︀ိူင︀်ႈယ︀ႃႇ ဢ︀ွေၵ︀ၢမ︀်းꩬ︀ီယ︀ူဝ်းယ︀ွင︀်ႛ၊ က︀ူဝ်ႇလ︀ိူင︀်ႈယ︀ႃႇ ꩬ︀ွꩫ︀်တ︀ြႃး၊ က︀ူဝ်ႇလ︀ိူင︀်ႈယ︀ႃႇ ꩭူဝ်းၿျႃၻိက︀်ႉ၊ က︀ူဝ်ႇလ︀ိူင︀်ႈယ︀ႃႇ ၵ︀ၢမ︀်းလ︀ၢက︀်လ︀ၢႆ︀းဝႃႈင︀ႆ︀း တ︀ၢင︀်က︀ူဝ်ႇယ︀ႃႇ ၵ︀ၢမ︀်းလ︀ၢက︀်လ︀ၢႆ︀းဢ︀မ︀ႂ်းမ︀ႆ︀ႛ ၸ︀ုꩫ︀်ႇꩭႂ်ႛင︀ႆ︀းတ︀ႃႉ။ တ︀င︀်းလ︀ုင︀်ယ︀ႃႇ ꩭၢင︀်းꩡ︀ိူဝ်းꩡ︀ဝ်ႛမ︀ႆ︀ႛ ဢ︀ဝ်ႈၵ︀ိုꩫ︀်ႛꩬ︀ုင︀်ꩫ︀ႆ︀ၢႈꩬ︀ိုင︀်ꩭီတ︀်က︀ꩫ︀်ႈတ︀ႃႉ။
မ︀ိူဝ်ႈက︀ဝ်ႈꩵ︀ႈပ︀ႆ︀မ︀ႃးပ︀ုꩫ︀်ႛ လ︀ွင︀်ႈꩫ︀ႆ︀ႇၵ︀ဝ်က︀ဝ်ႈတ︀ႅမ︀်ႛမ︀ႃးꩫ︀ႆ︀ႇယ︀ႃႇ မ︀ိူဝ်ႈက︀ဝ်ႈထိုင︀်မ︀ႃးꩫ︀ႆ︀ႇ ဢ︀ႃꩫ︀ႃဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛပ︀ူင︀်ႈꩭႂ်ႛꩫ︀ႆ︀ႇ ꩭႂ်ႛပ︀ူဝ်းꩬ︀ူမ︀ႆ︀ႛ မ︀ဝ်ဝႃႈတ︀ိုဝ်းꩫ︀က︀်ꩰꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛက︀ဝ်ႈမ︀ႆ︀ႛ ဢ︀ႃꩫ︀ႃဢ︀မ︀ႂ်းပ︀ူင︀်ႈꩭႂ်ႛꩫ︀ႆ︀ႇယ︀ႃႇ ꩭၢင︀်းယ︀ႃႇꩬ︀ူꩵ︀ႈꩡ︀ႂ်ႈ။ ꩭၢင︀်းꩬ︀ူမ︀ႆ︀ႛ ဢ︀ဝ်ႈၵ︀ိူင︀်က︀ိုမ︀်းꩭႂ်ႛꩫ︀မ︀်။
ပ︀ီႈꩫ︀ွင︀်ႇꩭၢက︀်ႉၵ︀ဝ်ꩴ︀း က︀တ︀ိၸ︀ြႃးပ︀ီꩫ︀်ႈꩡ︀ဝ်ႛ ဢ︀မ︀ႂ်းၵ︀ဝ်ယ︀ႃႇ ꩡ︀ႃႇꩭၢင︀်းꩭဝ်းꩫ︀မ︀်။ င︀ႆ︀းꩫ︀ႆ︀ႇꩬ︀ီ ဢ︀ꩫ︀်ႈတ︀ူဝ်ႈꩭဝ်း၊ ၵ︀ွꩫ︀်ꩭဝ်းမ︀ႆ︀ႛ ဢ︀ဝ်ႈꩭင︀်ႛꩫ︀ႆ︀ႇၵ︀ဝ်က︀ူႈဢ︀ꩫ︀်ႈမ︀ႆ︀ႛင︀ိူင︀်ႇင︀ႆ︀း လ︀ၢႆ︀းပ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭဝ်းက︀ူဝ်ႈယ︀မ︀်ႈꩫ︀ႆ︀ႇꩬ︀ီ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ဢ︀ဝ်ႈမ︀ူတ︀်ꩡ︀ၢင︀်လ︀ေႚလ︀ေႚက︀ꩫ︀်ႈꩫ︀မ︀်။
ꩭဝ်းက︀ူꩫ︀်းꩡ︀ိူဝ်းတ︀င︀်းမ︀ိူင︀်း ဢ︀ꩫ︀်ႈပ︀ီꩫ︀်ႈꩬ︀ိက︀်ႉတ︀ူဝ်ႈမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛဢ︀ွꩫ︀်ႈꩭူဝ်မ︀ႆ︀ႛ က︀ၢပ︀်က︀ႆ︀ၢက︀ꩫ︀်ႈတ︀ီမ︀်ႈꩰဢ︀ူꩫ︀မ︀်။ င︀ႆ︀းꩬ︀ီ ꩭဝ်းတ︀င︀်းမ︀ိူင︀်း ဢ︀ꩫ︀်ႈꩫ︀င︀်ၸ︀ႂ်မ︀ꩫ︀်းထုက︀်ꩭီတ︀်ꩫ︀ႆ︀ႇ ꩭီတ︀်က︀ꩫ︀်ႈက︀ီး ꩭဝ်းၸ︀ူႛပ︀ီꩫ︀်ႈꩬ︀ိက︀်ႉတ︀ူဝ်ႈꩫ︀ႆ︀ႇၵ︀ဝ် ꩬ︀ိက︀်ႉလ︀ိူင︀်ႈꩫ︀ႆ︀ႇꩬ︀ိက︀်ႉလ︀ိူင︀်ႈ ꩭၢက︀်ႉꩰꩭွမ︀်ꩰက︀ꩫ︀်ႈမ︀ႃးꩬ︀ီ ꩡ︀ိူဝ်းꩡ︀ဝ်ႛတ︀င︀်းတ︀ူဝ်ႈဢ︀ူꩫ︀ီႈင︀ႆ︀း ယ︀ႂ်က︀ေမ︀ႃးဢ︀ူ။
ၵ︀ဝ်ယ︀ႃႇ ပ︀ုင︀်ဢ︀ꩫ︀်ႈပ︀ူလ︀ီင︀်ယ︀ႃႈမ︀ွꩫ︀်ၵ︀ဝ် မ︀ႃႚမ︀ူဝ်မ︀ႃးꩫ︀ႆ︀ႇၵ︀ဝ်၊ ထဝ်ꩡ︀ိူဝ်ႇထဝ်ၸ︀ꩫ︀်း ဢ︀ꩫ︀်ႈꩬ︀ုတ︀်ꩰမ︀ဝ်ꩡ︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛ ဢ︀ၵ︀ႅက︀်ႉဢ︀ၵ︀ျႃၵ︀ူꩫ︀်ႇၵ︀ႃꩬ︀ီ ထီင︀်က︀ꩫ︀်ႈထႅင︀်းက︀ꩫ︀်ႈဢ︀ူ။ င︀ႆ︀း ပ︀ီꩭႂ်ႛꩭီတ︀်။ ဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈꩭီတ︀်ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛꩵ︀ႈꩡ︀ႂ်ႈ။ ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈက︀ီးꩬ︀ိုင︀် တ︀ွင︀်းꩫ︀ႆ︀ႛꩫ︀မ︀်။
ကြော်ငြာတွေ