ထဝ်ꩡ︀တ︀်ႉၵ︀ဝ် 8:12 - Khamti Shan

¹² ꩫ︀ႆ︀ႇꩫ︀က︀ေႃႇ ၸ︀ိလ︀ိပ︀်ယ︀ႃႇ ၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ၊ လ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ႆ︀ႈ ꩭႂ်ႛက︀ီး ၵ︀ဝ်ယ︀ုမ︀်ယ︀မ︀်ႈက︀ꩫ︀်ႈꩬ︀ီ ၸ︀ူႛယ︀ိင︀်း၊ ၸ︀ူႛꩡ︀ႆ︀ၢးꩫ︀ႆ︀ႇၵ︀ဝ် မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭၢပ︀်ႉဢ︀ဝ်ႈ က︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 8:12 ပူးပေါင်းရင်းမြစ်များ

မ︀တ︀်တ︀ႄး 28:19

င︀ႆ︀းꩫ︀ႆ︀ႇꩬ︀ီ ꩬ︀ူက︀ႃတ︀ႃႉ။ က︀ူꩫ︀်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈပ︀ီꩫ︀်ႈတ︀ပ︀ေးက︀ဝ်ႈတ︀ႃႉ။ ယ︀ဝ်ႇက︀ီး ꩡ︀ိုဝ်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ၊ ꩡ︀ိုဝ်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛ၊ ꩡ︀ိုဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ ၵ︀ဝ်မ︀ႆ︀ႛမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭႂ်ႛတ︀ႃႉ။

လ︀ုက︀ႃ 9:2

ၵ︀ၢဝ်ႈၵ︀ၢမ︀်း လ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛက︀ႃꩭူဝ်းဢ︀ူ။ ၸ︀ူႛၵ︀ႆ︀ႛၸ︀ူႛꩡ︀ီပ︀်ꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭႂ်ႛက︀ႃဢ︀ဝ်ႈꩫ︀ီႈဢ︀ူ။

လ︀ုက︀ႃ 9:60

ꩡ︀ဝ်ႛယ︀ေꩬ︀ုယ︀ႃႇ “ၸ︀ူႛတ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛ ၸ︀ူႛတ︀ႆ︀ၢႈꩫ︀ႆ︀ႇၵ︀ဝ်ꩭႂ်ႛၸ︀င︀်က︀ွတ︀်။ မ︀ႂ်းယ︀ႃႇ လ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ က︀ႃတ︀ႅဝ်တ︀ႃႉ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 1:3

က︀ꩫ︀်ႛလ︀င︀်မ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈယ︀ဝ်ႇꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛꩫ︀ိပ︀်ပ︀ွက︀်ႉမ︀ႃးယ︀ဝ်ႇꩫ︀ꩫ︀ႆ︀ႇ ꩬ︀ီꩬ︀ိပ︀်ဝꩫ︀်းတ︀ၢင︀်ႈꩰ လ︀ႆ︀ၢပ︀ၢꩫ︀်ႈလ︀ႆ︀ၢၸ︀ꩫ︀်း ပ︀ျႃးတ︀ူဝ်ႈꩬ︀ီ ꩬ︀ၢက︀်ႉꩬ︀ေပ︀ျႃးတ︀ေႇတ︀ေႇꩭႂ်ႛမ︀ႃးဢ︀ူ။ တ︀ပ︀ေးꩡ︀ဝ်ႛၵ︀ဝ် ꩡ︀ဝ်ႛယ︀ေꩬ︀ုမ︀ႆ︀ႛ ꩫ︀ႆ︀ႛꩭꩫ︀်မ︀ႃးꩬ︀ီ မ︀ꩫ︀်းꩡ︀ဝ်ႛက︀ေႃႇ ၵ︀ဝ်မ︀ႆ︀ႛလ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ွꩫ︀်ꩭႂ်ႛမ︀ႃးဢ︀ူ။

ထဝ်ꩡ︀တ︀်ႉၵ︀ဝ် 11:20

ꩫ︀ႆ︀ႇꩫ︀က︀ေႃႇ ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈလ︀ုက︀်ႉင︀ွꩫ︀်ႈက︀ုပ︀ရ︀ုꩫ︀ႆ︀ႇၵ︀ဝ်င︀ႆ︀း လ︀ုက︀်ႉမ︀ိူင︀်းက︀ုရ︀ေꩫ︀ေꩫ︀ႆ︀ႇၵ︀ဝ်ယ︀ႃႇ ဝီင︀်းဢ︀ꩫ︀်တ︀ိဢ︀ုက︀်မ︀ႆ︀ႛက︀ႃꩬ︀ီ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛက︀ေႃႇ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုက︀ႃၵ︀ႆ︀ႈ က︀ႃꩭူဝ်းလ︀ေဢ︀ူ။

ထဝ်ꩡ︀တ︀်ႉၵ︀ဝ် 18:8

ၸ︀ူႛင︀မ︀်းꩡ︀ွင︀်းꩬ︀ွꩫ︀်တ︀ြႃးက︀ရ︀ိပ︀်ပ︀ုင︀ႆ︀း က︀ူꩫ︀်းꩭိူꩫ︀်းမ︀ꩫ︀်းၵ︀ဝ်ယ︀ႃႇ တ︀င︀်းꩭိူꩫ︀်းပ︀ီꩫ︀်ႈၸ︀ူႛယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။ က︀ူꩫ︀်းဝီင︀်းက︀ေႃရ︀ိꩫ︀်တ︀ုတ︀ၢင︀်က︀ူဝ်ႇဢ︀ၢꩫ︀်တ︀ၢꩫ︀်က︀ေႃႇ ၵ︀ၢမ︀်းၸ︀ြႃးꩫ︀ႆ︀ႛꩥ︀ိꩫ︀်းက︀ီး ယ︀ုမ︀်ယ︀မ︀်ႈမ︀ႃးက︀ꩫ︀်ႈꩬ︀ီ မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭၢပ︀်ႉဢ︀ဝ်ႈက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 19:5

ၵ︀ၢမ︀်းဢ︀မ︀ႂ်းမ︀ႆ︀ႛꩫ︀ႆ︀ႛꩥ︀ိꩫ︀်းက︀ီး ၵ︀ဝ်ယ︀ႃႇ ꩡ︀ိုဝ်ႈꩡ︀ဝ်ႛယ︀ေꩬ︀ုမ︀ႆ︀ႛပ︀ိုင︀်ႈဢ︀ိင︀်ႈꩬ︀ီ မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭၢပ︀်ႉဢ︀ဝ်ႈက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 2:38

ꩫ︀ႆ︀ႇမ︀ႆ︀ႛပ︀ေတ︀ရ︀ုယ︀ႃႇ “ဢ︀ပ︀ႅတ︀်ႉꩬ︀ူမ︀ႆ︀ႛꩭႂ်ႛပ︀ူဝ်း ၸ︀ြႃးပ︀ီꩫ︀်ႈꩡ︀ဝ်ႛ ပ︀ွႆ︀ꩭႂ်ႛꩫ︀ႆ︀ႇ က︀ူႈက︀ူဝ်ႇ ꩬ︀ၢင︀်ဝွေꩬ︀ီ ꩡ︀ိုဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭၢပ︀်ႉဢ︀ဝ်ႈက︀ꩫ︀်ႈတ︀ႃႉ။ င︀ႆ︀းက︀ီး ꩬ︀ူးက︀ျေးꩡ︀ူးၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႛက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 2:41

ꩫ︀ႆ︀ႇမ︀ႆ︀ႛက︀ူꩫ︀်းဢ︀ၢꩫ︀်တ︀ၢꩫ︀် ၵ︀ၢမ︀်းတ︀ြႃးမ︀ꩫ︀်းမ︀ႆ︀ႛ ယ︀ုမ︀်ယ︀မ︀်ႈꩬ︀ီ မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭၢပ︀်ႉဢ︀ဝ်ႈက︀ꩫ︀်ႈဢ︀ူ။ ဝꩫ︀်းမ︀ိူဝ်ႈဢ︀မ︀ႂ်း ၸ︀ူႛယ︀ုမ︀်ယ︀မ︀်ႈၵ︀ꩫ︀်ꩬ︀ၢမ︀်ꩭီင︀်က︀ူဝ်ႇ ꩫ︀မ︀်ဢ︀ိက︀်မ︀ႃးဢ︀ူ။

ထဝ်ꩡ︀တ︀်ႉၵ︀ဝ် 20:21

က︀ျူးꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း၊ က︀ရ︀ိက︀်ꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ꩭႂ်ႛပ︀ူဝ်းၵ︀ဝ်လ︀ုက︀်ႉဢ︀ပ︀ႅတ︀်ႉမ︀ႆ︀ႛ ꩬ︀ၢင︀်ဝွေက︀ꩫ︀်ႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀ၢဝ်ႈပ︀ွက︀်ႉမ︀ႃး၊ ꩭႂ်ႛပ︀ူဝ်းꩡ︀ဝ်ႛယ︀ေꩬ︀ုꩭဝ်းမ︀ႆ︀ႛယ︀ုမ︀်ယ︀မ︀်ႈမ︀ႃးꩫ︀ႆ︀ႇ က︀ဝ်ႈလ︀ိူက︀်ႉꩰလ︀မ︀်ꩰꩬ︀တ︀ိꩭႂ်ႛမ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 20:25

ꩬ︀ူꩡ︀ဝ်ႛတ︀င︀်းမ︀ိူင︀်းမ︀ႆ︀ႛက︀ဝ်ႈပ︀ꩫ︀်ꩬ︀ီ လ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛတ︀ႅဝ်ꩭူဝ်းမ︀ႃးယ︀ဝ်ႇ။ လ︀ႃႉꩫ︀ႆ︀ႇယ︀ႃႇ ꩬ︀ူꩡ︀ဝ်ႛꩫ︀ႃႛက︀ဝ်ႈမ︀ႆ︀ႛ ꩵ︀ႈꩫ︀ႆ︀ႛꩭꩫ︀်ဢ︀ိက︀်ယ︀ဝ်ႇꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။

ထဝ်ꩡ︀တ︀်ႉၵ︀ဝ် 28:31

လ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛတ︀မ︀ိူင︀်း၊ လ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်တ︀မ︀ိူင︀်း ၸ︀ူႛꩭၢမ︀်ႛၸ︀ူႛꩡ︀တ︀်မ︀ဝ်ယ︀င︀်းꩬ︀ီ ꩭတ︀်ꩰꩭၢꩫ︀်ꩰꩭူဝ်းꩰꩬ︀ွꩫ︀်ꩰꩬ︀ီဢ︀ူဢ︀ူ။

ထဝ်ꩡ︀တ︀်ႉၵ︀ဝ် 5:14

ꩫ︀ႆ︀ႇꩫ︀က︀ေႃႇ ၸ︀ူႛယ︀ိင︀်းၸ︀ူႛꩡ︀ႆ︀ၢးၸ︀ူႛယ︀ုမ︀်ယ︀မ︀်ႈꩡ︀ဝ်ႛယ︀ေꩬ︀ုꩫ︀ႆ︀ႇၵ︀ဝ်ယ︀ႃႇ ဝꩫ︀်းလ︀ိူင︀်ႈယ︀ဝ်ႇဝꩫ︀်းလ︀ိူင︀်ႈꩫ︀မ︀်မ︀ႃးက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 8:4

ၸ︀ူႛယ︀ုမ︀်ယ︀မ︀်ႈ ဢ︀ꩫ︀်ႈၸ︀ူင︀်ႇက︀ႃꩫ︀ႆ︀ႇၵ︀ဝ်ယ︀ႃႇ က︀ူႈတ︀ီႈက︀ူႈꩫ︀ႅꩫ︀်ႈမ︀ႆ︀ႛက︀ႃꩬ︀ီ ꩭူဝ်းတ︀ြႃးလ︀ေဢ︀ူ။

ရ︀ေႃမ︀ 10:10

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈꩬ︀ီ ꩭဝ်းမ︀ႆ︀ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀မ︀်။ မ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈꩬ︀ူပ︀်က︀ွမ︀်းꩡ︀ူးꩬ︀ီ ꩭဝ်းမ︀ႆ︀ႛမ︀ꩫ︀်းꩡ︀ဝ်ႛၵ︀ေꩬ︀ေꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 11:11

ပ︀ီꩫ︀်ႈꩭိုဝ်ꩫ︀က︀ေႃႇ ꩡ︀ႃႇꩭဝ်းၵ︀ရ︀ီတ︀်ယ︀ၢꩫ︀်ꩫ︀ႆ︀ႇၵ︀ဝ်ယ︀ႃႇ ၸ︀ူႛယ︀ိင︀်းက︀ေႃႇ ၸ︀ူႛꩡ︀ႆ︀ၢးမ︀ႆ︀ႛက︀ၢင︀်းမ︀ဝ်ꩫ︀ႆ︀ႛ၊ ၸ︀ူႛꩡ︀ႆ︀ၢးက︀ေႃႇ ၸ︀ူႛယ︀ိင︀်းမ︀ႆ︀ႛက︀ၢင︀်းမ︀ဝ်ꩫ︀ႆ︀ႛꩫ︀မ︀်။

က︀လ︀ႃတ︀ိ 3:28

င︀ႆ︀းꩫ︀ႆ︀ႇꩬ︀ီ ၸ︀ꩫ︀်းက︀ျူး၊ ၸ︀ꩫ︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈ၊ ၵ︀ႃႛ၊ က︀ူꩫ︀်းလ︀ွတ︀်ႉ၊ ၸ︀ူႛယ︀ိင︀်း၊ ၸ︀ူႛꩡ︀ႆ︀ၢးꩫ︀ꩬ︀ီ ဢ︀ꩫ︀်ႈက︀ၢက︀်ႉက︀ꩫ︀်ႈꩵ︀ႈယ︀င︀်းယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူတ︀င︀်းမ︀ိူင︀်း က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ီꩫ︀်ႈက︀ူဝ်ႇလ︀ိဝ်ႈယ︀ဝ်ႇ။

ပ︀ေတ︀ရ︀ု ႑ 3:21

ꩫ︀မ︀်ႇဢ︀မ︀ႂ်းယ︀ႃႇ ꩫ︀င︀်ꩫ︀မ︀်ႇဢ︀ꩫ︀်ႈင︀ႆ︀ႚꩬ︀ူ ၵ︀ၢမ︀်မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩬ︀ီ ꩬ︀ူမ︀ႆ︀ႛၵ︀ေꩬ︀ေꩭႂ်ႛꩫ︀ႆ︀ႇꩫ︀က︀ꩫ︀်ႈꩫ︀မ︀်။ ၵ︀ၢမ︀်မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩫ︀ꩫ︀ႆ︀ႇယ︀ႃႇ ဢ︀ꩫ︀်ႈꩬ︀ုက︀်ႉၵ︀ႆ︀းတ︀ူဝ်ႈꩭၢင︀်ႈꩵ︀ႈꩡ︀ႂ်ႈ။ ဢ︀ꩫ︀်ႈꩫ︀ႂ်းꩡ︀ႂ်ႈၵ︀ွꩫ︀်ꩬ︀ူမ︀ႆ︀ႛ ꩡ︀ုꩫ︀်ႈꩰလ︀ႅင︀်းꩰက︀ႃꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူꩭႂ်ႛက︀တ︀ိꩫ︀ႆ︀ႇꩫ︀မ︀်။ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇမ︀ႆ︀ႛ ꩭီတ︀်င︀ဝ်ႛꩬ︀ီ ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇၵ︀ေꩬ︀ေꩭႂ်ႛꩫ︀မ︀်။