ထဝ်ꩡ︀တ︀်ႉၵ︀ဝ် 7:8 - Khamti Shan

⁸ ယ︀ဝ်ႇက︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇꩭီတ︀်ၵ︀ၢမ︀်းၵ︀တ︀်ႉꩬ︀ီ ဢ︀ႃပ︀ြႃꩭၢမ︀်မ︀ႆ︀ႛ မ︀ၢင︀်က︀လ︀ႃ ပ︀တ︀်ပ︀ႆ︀ၢႈꩫ︀င︀်ꩭႂ်ႛဢ︀ူ။ င︀ႆ︀းꩬ︀ီ မ︀ꩫ︀်းမ︀ိူဝ်ႈလ︀ုက︀်ႉꩡ︀ႆ︀ၢးဢ︀ေꩬ︀က︀်ꩫ︀ႆ︀ႛꩬ︀ီ ပ︀ႅတ︀်ဝꩫ︀်းထူꩫ︀်ႛꩫ︀ႆ︀ႇ လ︀ုက︀်ႉꩡ︀ႆ︀ၢးမ︀ꩫ︀်း မ︀ႆ︀ႛ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ꩭီတ︀်ꩭႂ်ႛဢ︀ူ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ဢ︀ေꩬ︀က︀်က︀ေႃႇ လ︀ုက︀်ႉꩡ︀ႆ︀ၢးမ︀ꩫ︀်း ယ︀ႃက︀ုမ︀ႆ︀ႛ၊ ယ︀ႃက︀ုက︀ေႃႇ ၸ︀ူႛလ︀ုက︀်ႉꩡ︀ႆ︀ၢးꩬ︀ိပ︀်ꩬ︀ွင︀်က︀ူဝ်ႇမ︀ႆ︀ႛ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ꩫ︀ႆ︀ႇ ꩭႂ်ႛမ︀ႃးဢ︀ူ။ ၸ︀ူႛလ︀ုက︀်ႉယ︀ႃက︀ုၵ︀ဝ်ယ︀ႃႇ ၸ︀ူႛပ︀ူဝ်ႈꩡ︀ိူဝ်ႇၵ︀ိူဝ်းꩭဝ်း ꩬ︀ိပ︀်ꩬ︀ွင︀်က︀ူဝ်ႇꩫ︀မ︀်။

ထဝ်ꩡ︀တ︀်ႉၵ︀ဝ် 7:8 ပူးပေါင်းရင်းမြစ်များ

မ︀တ︀်တ︀ႄး 1:2

ꩡ︀ိူဝ်ႇဢ︀ꩫ︀်ႈလ︀ုက︀်ႉဢ︀ႃပ︀ြႃꩭၢမ︀်မ︀ႆ︀ႛ ဢ︀ဝ်ႈထိုင︀်ꩡ︀ဝ်ႛꩭူဝ်ၵ︀မ︀်းၻႃဝိ ၵ︀ိူဝ်းလ︀ူင︀်းမ︀ႃးꩫ︀ႆ︀ႇၵ︀ဝ်ယ︀ႃႇ ဢ︀ႃပ︀ြႃꩭၢမ︀်၊ ဢ︀ေꩬ︀က︀်၊ ယ︀ႃက︀ု၊ ယ︀ုတ︀ၵ︀ဝ်ပ︀ီႈꩫ︀ွင︀်ႇ၊ ၸ︀ႃရ︀ႅတ︀်ꩫ︀ၵ︀ႃꩡ︀ႃရ︀ ၸ︀ူႛလ︀ုက︀်ႉယ︀ုတ︀ဢ︀ꩫ︀်ႈတ︀င︀်းတ︀ႃမ︀ႃꩫ︀ႆ︀ႛ၊ ꩭေꩡ︀ရ︀ုင︀် ၸ︀ူႛလ︀ုက︀်ႉၸ︀ႃရ︀ႅတ︀်၊ ဢ︀ႃရ︀မ︀်၊ ဢ︀မ︀ိꩫ︀တ︀ပ︀်၊ ꩫ︀ႃꩬ︀ုင︀်၊ ꩡ︀ႃလ︀မ︀ုင︀်၊ ၿေႃꩡ︀ ၸ︀ူႛလ︀ုက︀်ႉꩡ︀ၢႆ︀း ရ︀ႃၵ︀ပ︀်၊ ဢ︀ေႃၿႅတ︀် ၸ︀ူႛလ︀ုက︀်ႉꩡ︀ၢႆ︀းရ︀ုထ၊ ယ︀ေꩬ︀ႄးင︀ႆ︀း ꩡ︀ဝ်ႛꩭူဝ်ၵ︀မ︀်းၻႃဝိၵ︀ဝ်ꩫ︀မ︀်။

ယ︀ေႃးꩭၢꩫ︀် 7:22

လ︀ၵ︀ႃၸ︀ူႛꩡ︀ႆ︀ၢးꩬ︀ူꩫ︀ႆ︀ႇၵ︀ဝ်မ︀ႆ︀ႛ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ꩭႂ်ႛတ︀ႃႉꩫ︀ꩬ︀ီ ꩬ︀ူမ︀ႆ︀ႛ မ︀ေႃꩬ︀ေꩬ︀ိꩫ︀်ꩭႂ်ႛမ︀ႃးဢ︀ူ။ ꩬ︀ိꩫ︀်ဢ︀မ︀ႂ်းမ︀ႆ︀ႛယ︀ႃႇ ꩬ︀ူꩡ︀ွမ︀်းꩬ︀ီ ဝꩫ︀်းက︀မ︀်ႈꩬ︀ိꩫ︀်မ︀ႆ︀ႛတ︀မ︀ိူင︀်း မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ꩭႂ်ႛမ︀ႃးဢ︀ူ။ ဢ︀ꩫ︀်ႈတ︀ေႇတ︀ေႇက︀ီး မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်က︀ူဝ်ꩭီတ︀်မ︀ႃးꩫ︀ႆ︀ႇ မ︀ေႃꩬ︀ေꩵ︀ႈꩡ︀ႂ်ႈ။ ပ︀ူလ︀ီꩫ︀်ꩬ︀ူၵ︀ဝ်ꩫ︀မ︀်။

ထဝ်ꩡ︀တ︀်ႉၵ︀ဝ် 2:29

ပ︀ူဝ်မ︀ေပ︀ီႈꩫ︀ွင︀်ႇၵ︀ဝ်ꩴ︀း လ︀ွင︀်ႈပ︀ူလ︀ီꩫ︀်ၻႃဝိꩭဝ်းဢ︀ꩫ︀်ႈက︀ူꩫ︀်းတ︀ွင︀်းꩫ︀မ︀်ꩫ︀ႆ︀ႇ က︀ဝ်ႈၵ︀ႃႛ ၵ︀ႆ︀ႈꩡ︀ုꩫ︀်ႈꩰလ︀ႅင︀်းꩰꩭႂ်ႛတ︀ီၵ︀ႃႛက︀ွတ︀်။ မ︀ꩫ︀်းယ︀ႃႇတ︀ႆ︀ၢႈက︀ႃꩬ︀ီ ပ︀ႃꩡ︀ႃႇမ︀ႆ︀ႛၸ︀င︀်ဝႆ︀ႇဢ︀ူ။ ထမ︀်ႛပ︀ႃꩡ︀ႃႇမ︀ꩫ︀်းမ︀ႆ︀ႛ တ︀ူက︀်ꩡ︀ိူမ︀်ႈင︀ႆ︀ႚက︀ေႃႇ ꩭဝ်းꩭꩫ︀်ဢ︀ူ။

ရ︀ေႃမ︀ 4:10

ဢ︀ႃပ︀ြႃꩭၢမ︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇယ︀ႃႇ မ︀ိူဝ်ႈမ︀ꩫ︀်းမ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀် ꩵ︀ႈပ︀ႆ︀ꩭၢပ︀်ႉꩫ︀ႆ︀ႇꩫ︀မ︀်။ က︀ꩫ︀်ႛလ︀င︀်ꩭၢပ︀်ႉမ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀် မ︀ႆ︀ႛꩵ︀ႈꩡ︀ႂ်ႈ။

က︀လ︀ႃတ︀ိ 3:15

ပ︀ီႈꩫ︀ွင︀်ႇၵ︀ဝ်ꩴ︀း ဢ︀ဝ်ႈၵ︀ိူင︀်ႈၵ︀ၢမ︀်းဢ︀ꩫ︀်ႈက︀ူႈက︀ူဝ်ႇတ︀ွင︀်းꩫ︀ႆ︀ႇဝႃႈက︀ွတ︀်။ က︀ူꩫ︀်းꩬ︀ွင︀်က︀ူဝ်ႇ လ︀ွင︀်ႈဢ︀ꩫ︀်ႈလ︀ိူင︀်ႈမ︀ႆ︀ႛ ꩡ︀ႂ်ႈၵ︀ူမ︀်က︀ꩫ︀်ႈꩬ︀ီ လ︀ိက︀်ႉၵ︀တ︀်ႉမ︀ႆ︀ႛ လ︀ႆ︀ၢးမ︀ိုဝ်းꩭူမ︀်ႈတ︀ွက︀်ယ︀ဝ်ႇꩫ︀က︀ီး ဢ︀ꩫ︀်ႈလ︀ိက︀်ႉၵ︀တ︀်ႉဢ︀မ︀ႂ်းမ︀ႆ︀ႛလ︀ွေႛꩫ︀ႆ︀ႇ ၸ︀ႂ်က︀ေႃႇ ယ︀ုတ︀်ꩵ︀ႈꩫ︀ႆ︀ႛ၊ က︀ꩬ︀င︀်က︀ေႃႇ ဢ︀ိက︀်ꩵ︀ႈꩫ︀ႆ︀ႛယ︀ဝ်ႇ။

က︀လ︀ႃတ︀ိ 3:17

ဢ︀ꩫ︀်ႈက︀ဝ်ႈၵ︀ႂ်ႈဝႃႈꩫ︀ႆ︀ႇယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀င︀်းဢ︀ႃပ︀ြႃꩭၢမ︀် ꩭီတ︀်ၵ︀ၢမ︀်းၵ︀တ︀်ႉဝႆ︀ႇꩬ︀ီ ꩫ︀င︀်ဢ︀ꩫ︀်ႈၵ︀တ︀်ႉဝႆ︀ႇꩫ︀က︀ꩫ︀်ႈꩭီတ︀်က︀ွတ︀်ꩫ︀ꩬ︀ီ က︀တ︀ိက︀ေႃႇꩭႂ်ႛမ︀ႃးဢ︀ူ။ က︀ျမ︀်းꩬ︀ိꩫ︀်ဢ︀ꩫ︀်ႈက︀ꩫ︀်ႛလ︀င︀်ဢ︀မ︀ႂ်း ꩬ︀ီပ︀ၢက︀်ꩬ︀ၢမ︀်ꩬ︀ိပ︀်ပ︀ီႈမ︀ႆ︀ႛꩬ︀ိုင︀်ꩭႂ်ႛမ︀ႃးꩫ︀ႆ︀ႇယ︀ႃႇ ၵ︀ၢမ︀်းၵ︀တ︀်ႉဢ︀မ︀ႂ်းမ︀ႆ︀ႛ လ︀ိက︀်ႉꩵ︀ႈꩫ︀ႆ︀ႛ။ င︀ႆ︀းꩫ︀ႆ︀ႇꩬ︀ီ က︀တ︀ိၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ ယ︀ႃႇꩵ︀ႈꩫ︀ႆ︀ႛ။

ꩭေပ︀ရ︀ူး 7:4

ꩡ︀ိူမ︀်ႈက︀ႃႈပ︀ူဝ်ၸ︀ꩫ︀်းꩭဝ်း ဢ︀ႃပ︀ြႃꩭၢမ︀်တ︀မ︀ိူင︀်းက︀ေႃႇ မ︀ꩫ︀်းမ︀ႆ︀ႛ ၵ︀ိူင︀်ႈပ︀ေႇꩬ︀ိူက︀်မ︀ꩫ︀်း ꩬ︀ိပ︀်ꩡ︀ႃႇꩡ︀ႃႇလ︀ိူင︀်ႈ လ︀ူမ︀ႃးꩫ︀မ︀်ꩫ︀က︀ီး မ︀ꩫ︀်းၵ︀ႂ်ႈလ︀ႂ်ႈယ︀ႂ်မ︀ႅတ︀်ႉꩫ︀ꩫ︀ႆ︀ႇ ၵ︀ႂ်ႈꩡ︀ႂ်ႈလ︀ႅမ︀်းက︀ꩫ︀်ႈတ︀ႃႉ။