ထဝ်ꩡ︀တ︀်ႉၵ︀ဝ် 7:51 - Khamti Shan

⁵¹ ꩬ︀ူယ︀ႃႇ ꩡ︀ႃႉလ︀ူင︀်ꩫ︀မ︀်။ ပ︀ႃႛဢ︀ꩫ︀်ႈတ︀ီꩫ︀ႆ︀ႛꩥ︀ိꩫ︀်း ၿျႃၻိက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ႃႇ ꩡ︀ႂ်ႈꩬ︀ူꩫ︀ႆ︀ႇတ︀ꩫ︀်ႈလ︀ူင︀်ꩫ︀မ︀်။ ꩬ︀ူယ︀ႃႇ ꩫ︀င︀်ပ︀ူလ︀ီꩫ︀်ꩬ︀ူꩫ︀ႆ︀ႇၵ︀ဝ်ꩫ︀က︀ꩫ︀်ႈ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩬ︀ၢꩫ︀်တ︀ၢꩫ︀်းလ︀ူင︀်ꩫ︀မ︀်။

ထဝ်ꩡ︀တ︀်ႉၵ︀ဝ် 7:51 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 6:10

ꩫ︀ႆ︀ႇꩫ︀က︀ေႃႇ ꩬ︀တ︀ေၸ︀ꩫ︀်ယ︀ႃႇ ဢ︀ဝ်ႈꩥ︀ၢꩫ︀်ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛꩫ︀ႆ︀ႇဝႃႈꩬ︀ီ ၵ︀ဝ်ယ︀ႃႇမ︀ꩫ︀်းမ︀ႆ︀ႛထီင︀်ꩵ︀ႈပ︀ေႇ။

ထဝ်ꩡ︀တ︀်ႉၵ︀ဝ် 7:27

ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈပ︀ေႇက︀ိꩫ︀်ႈꩫ︀ႆ︀ႇယ︀ႃႇ မ︀ေႃꩬ︀ေမ︀ႆ︀ႛꩬ︀ႆ︀ၵ︀ွတ︀်ꩬ︀ီ “ၸ︀ႂ်ꩫ︀ႆ︀မ︀ႂ်းမ︀ႆ︀ႛꩭႂ်ႛမ︀ႃးပ︀ႅတ︀်ႉတ︀ြႃးꩫ︀ႆ︀ႇ။

ထဝ်ꩡ︀တ︀်ႉၵ︀ဝ် 7:35

မ︀ေႃꩬ︀ေယ︀ႃႇ က︀ူဝ်ႇဢ︀ꩫ︀်ႈဢ︀ီတ︀်ꩬ︀ြေးၵ︀ဝ် ၵ︀ွတ︀်ဝႆ︀ႇꩫ︀မ︀်။ ဢ︀ီတ︀်ꩬ︀ြေးၵ︀ဝ်ယ︀ႃႇ “ၸ︀ႂ်ꩫ︀ႆ︀မ︀ႂ်းမ︀ႆ︀ႛꩭႂ်ႛမ︀ႃးပ︀ႅတ︀်ႉတ︀ြႃးတ︀ူႈ၊ ꩭႂ်ႛမ︀ႃးင︀မ︀်းတ︀ူႈꩫ︀ႆ︀ႇ” ꩫ︀ꩬ︀ီတ︀မ︀ိူင︀်းက︀ေႃႇ ဝႃႈꩬ︀ီ မ︀ꩫ︀်းမ︀ႆ︀ႛပ︀ႆ︀ဝႆ︀ႇမ︀ႃးဢ︀ူ။ မ︀ꩫ︀်းယ︀ႃႇ က︀ူဝ်ႇဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇ ဢ︀ꩫ︀်ႈꩭႂ်ႛꩭီတ︀်ꩭူဝ်က︀ေဢ︀ီတ︀်ꩬ︀ြေးၵ︀ဝ်ꩬ︀ီ ၵ︀ဝ်မ︀ႆ︀ႛ ꩭႂ်ႛၵ︀ေꩬ︀ေဢ︀ဝ်ႈလ︀ွတ︀်ႉဢ︀ွက︀်မ︀ႃးꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ၵ︀ုꩫ︀်ꩬ︀ၢင︀် ဢ︀ꩫ︀်ႈလ︀ုက︀်ႉက︀ꩫ︀်ႛꩫ︀ႂ်းယ︀ုမ︀်းဢ︀ꩫ︀်ႈမ︀ႆ︀ႛၸ︀ႆ︀းမ︀ႆ︀ႛ ပ︀ျႃးတ︀ူဝ်ႈꩫ︀ႆ︀ႇမ︀ႆ︀ႛꩡ︀ႂ်ႇꩬ︀ီ မ︀ေႃꩬ︀ေမ︀ႆ︀ႛ ꩭႂ်ႛꩡ︀ွႆ︀ႈမ︀ႃးဢ︀ူ။

ထဝ်ꩡ︀တ︀်ႉၵ︀ဝ် 7:39

ꩫ︀ႆ︀ႇꩫ︀က︀ေႃႇ ပ︀ူလ︀ီꩫ︀်ꩭဝ်းꩫ︀ႆ︀ႇၵ︀ဝ်ယ︀ႃႇ ၵ︀ၢမ︀်းမ︀ꩫ︀်းꩵ︀ႈထွမ︀်မ︀ႃး။ မ︀ꩫ︀်းမ︀ႆ︀ႛပ︀ႆ︀ၵ︀ွတ︀်ꩬ︀ီ ၵ︀ႂ်ႈမ︀ိူဝ်းမ︀ိူင︀်းဢ︀ီက︀ျီပ︀်ပ︀ွက︀်ႉက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 7:9

ပ︀ူဝ်ꩡ︀ိူဝ်ႇၵ︀ိူဝ်းꩭဝ်းꩫ︀ႆ︀ႇၵ︀ဝ်ယ︀ႃႇ ၸ︀ူႛꩫ︀ွင︀်ႇꩡ︀ႆ︀ၢးၵ︀ဝ် ယ︀ေႃတ︀ၢတ︀်မ︀ႆ︀ႛ တ︀ႃႈꩫ︀ႅင︀်ႈꩬ︀ီ မ︀ိူင︀်းဢ︀ီက︀ျီပ︀်မ︀ႆ︀ႛၵ︀ႆ︀ၢꩭႂ်ႛꩭီတ︀်ၵ︀ႃႛဢ︀ူ။ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ တ︀င︀်းမ︀ꩫ︀်းၵ︀ိင︀်းလ︀ွေႛꩫ︀ႆ︀ႇꩬ︀ီ

ရ︀ေႃမ︀ 2:25

ꩬ︀ူက︀ျူးꩫ︀ႆ︀ႇၵ︀ဝ် က︀ျမ︀်းꩬ︀ိꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀မ︀်ႈက︀ႅင︀်းက︀ီးꩬ︀ိုင︀် ဢ︀ꩫ︀်ႈꩬ︀ူ ꩭီတ︀်မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ꩫ︀ႆ︀ႇ ဢ︀က︀ိဝ်းယ︀င︀်းꩫ︀မ︀်။ မ︀ဝ်က︀မ︀်ႈက︀ႅင︀်းက︀ီး ꩬ︀ူပ︀ႆ︀ၢႈꩫ︀င︀်ပ︀တ︀်ၵ︀ႂ်ႈလ︀ႂ်ႈꩫ︀က︀ေႃႇ ၵ︀ꩫ︀်က︀ႃႈပ︀ႆ︀ၢႈꩫ︀င︀်မ︀ဝ်ပ︀တ︀်ꩫ︀က︀ꩫ︀်ႈꩫ︀မ︀်။

ဢ︀ေၸ︀ႅတ︀် 4:30

ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ီꩭႂ်ႛꩡ︀ီပ︀်ꩡ︀ႂ်ႈ။ လ︀ႆ︀ၢးပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛယ︀ႃႇ ꩡ︀ုမ︀်ႛဢ︀ꩫ︀်ႈꩭဝ်းမ︀ႆ︀ႛ တ︀ွက︀်ဢ︀ဝ်ႈပ︀ီꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛ၊ ဢ︀ႃႛမ︀ႃႉၵ︀ၢမ︀် ဢ︀ꩫ︀်ႈဝꩫ︀်းပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛ ꩬ︀ူမ︀ႆ︀ႛ မ︀ꩫ︀်းꩡ︀ဝ်ႛ လ︀ုက︀်ႉဢ︀ပ︀ႅတ︀်ႉမ︀ႆ︀ႛ ဢ︀ဝ်ႈလ︀ွတ︀်ႉလ︀ေႚလ︀ေႚꩭႂ်ႛꩫ︀ႆ︀ႇꩫ︀မ︀်။

ၸ︀ိလ︀ိပ︀်ပ︀ၢႆ︀ 3:3

မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ဢ︀ꩫ︀်ႈꩬ︀ိုဝ်ႈꩡ︀ႂ်ႈယ︀ႃႇ ꩭဝ်းꩫ︀မ︀် ꩫ︀ႆ︀ႛꩭၢပ︀်ႉမ︀ႃးꩫ︀ႆ︀ႇ။ ၵ︀ဝ်ꩵ︀ႈꩡ︀ႂ်ႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛပ︀ႆ︀ၢႛဝႆ︀ႈꩬ︀ီ ဢ︀ꩫ︀်ႈꩡ︀ဝ်ႛယ︀ေꩬ︀ုꩭီတ︀်ꩭႂ်ႛမ︀ႃးꩫ︀ႆ︀ႇမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီꩫ︀မ︀်။ ꩭဝ်းယ︀ႃႇ ဢ︀ꩫ︀်ႈက︀ꩫ︀်ႛꩫ︀ွက︀်ႉတ︀ူဝ်ႈမ︀ႆ︀ႛ ꩭီတ︀်ꩫ︀ႆ︀ႇၵ︀ဝ်မ︀ႆ︀ႛ ꩵ︀ႈပ︀ိုင︀်ႈဢ︀ိင︀်ႈ။

က︀ေႃလ︀ေႃတ︀ႄ 2:11

ꩬ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛဢ︀ူꩫ︀ႆ︀ႇꩬ︀ီ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀် ၸ︀ꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛꩭီတ︀်ꩭႂ်ႛꩫ︀ႆ︀ႇ ꩫ︀ႆ︀ႛꩭၢပ︀်ႉꩬ︀ီ လ︀ုက︀်ႉပ︀ႃႛꩡ︀ႂ်ႈဢ︀ꩫ︀်ႈၵ︀ႂ်ႈꩭီတ︀်ဢ︀ပ︀ႅတ︀်ႉမ︀ႆ︀ႛ လ︀ွတ︀်ႉမ︀ႃးယ︀ဝ်ႇ။ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ဢ︀မ︀ႂ်းယ︀ႃႇ ဢ︀ꩫ︀်ႈက︀ူꩫ︀်းꩭီတ︀်မ︀ဝ်ꩡ︀ႂ်ႈꩬ︀ီ ဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩭီတ︀်ꩫ︀မ︀်။