ထဝ်ꩡ︀တ︀်ႉၵ︀ဝ် 7:42 - Khamti Shan

^42-43 င︀ႆ︀းꩬ︀ီ “ဢ︀ီတ︀်ꩬ︀ြေးၵ︀ဝ်ꩴ︀း ꩬ︀ူပ︀ႃထိူꩫ︀်ꩭႅင︀်ႛမ︀ႆ︀ႛ ꩬ︀ီꩬ︀ိပ︀်ပ︀ီႈတ︀ၢင︀်ႈꩰ ဢ︀ဝ်ႈတ︀ူဝ်ႈꩫ︀ိူဝ်ႇမ︀ိူဝ်ႛꩫ︀ႆ︀ႇၵ︀ဝ်ၵ︀ႅက︀်ꩡ︀ဝ်ႛꩫ︀ႆ︀ႇ ဢ︀ꩫ︀်ႈက︀ဝ်ႈမ︀ႆ︀ႛ ၵ︀ႅက︀်ꩵ︀ႈꩡ︀ႂ်ႈ။ ၵ︀ီင︀်ၸ︀ြႃးမ︀ေႃလ︀ုက︀်ꩫ︀ၵ︀ႃ ꩭုꩫ︀်ꩭၢင︀်ႈၸ︀ြႃးရ︀ိမ︀်ၸ︀ၢꩫ︀် ဢ︀ꩫ︀်ႈꩬ︀ူဢ︀ဝ်ႈမ︀ႃးꩫ︀ႆ︀ႇၵ︀ဝ်မ︀ႆ︀ႛꩫ︀မ︀် ꩬ︀ူၵ︀ႅက︀်ꩫ︀ႆ︀ႇ။ ဢ︀မ︀ႂ်းၵ︀ဝ်ယ︀ႃႇ ၸ︀ြႃးꩫ︀ၢဝ်ႈဢ︀ꩫ︀်ႈꩬ︀ူꩭီတ︀်ꩬ︀ီပ︀ႆ︀ၢႛဝႆ︀ႈꩫ︀ႆ︀ႇၵ︀ဝ်ꩫ︀မ︀်။ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩬ︀ူမ︀ႆ︀ႛက︀ဝ်ႈတ︀ီꩭူဝ်ႛဢ︀ွက︀် ဢ︀ဝ်ႈပ︀ူꩫ︀်ႇမ︀ိူင︀်းၿေၿီလ︀ုင︀်ၵ︀ွတ︀်ꩫ︀မ︀်” ꩫ︀ꩬ︀ီꩫ︀င︀်က︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛတ︀ႅမ︀်ႛဝႆ︀ႇꩫ︀ႆ︀ႇꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭႂ်ႛၵ︀ဝ်ပ︀ႆ︀ၢႛꩫ︀ၢဝ်ႈꩫ︀ႆ︀ႇၵ︀ဝ်က︀ွတ︀်ꩫ︀ꩬ︀ီ လ︀ုက︀်ႉၵ︀ဝ်မ︀ႆ︀ႛꩫ︀ႃႛမ︀ꩫ︀်းꩡ︀ဝ်ႛ ပ︀ႆ︀ၵ︀ွတ︀်မ︀ႃးဢ︀ူ။

ထဝ်ꩡ︀တ︀်ႉၵ︀ဝ် 7:42 ပူးပေါင်းရင်းမြစ်များ

ယ︀ေႃးꩭၢꩫ︀် 6:45

“ၵ︀ဝ်တ︀င︀်းမ︀ိူင︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီꩬ︀ွꩫ︀်ꩭႂ်ႛꩫ︀မ︀်” ꩫ︀ꩬ︀ီ က︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ က︀ူဝ်ႇဢ︀ꩫ︀်ႈၵ︀ၢမ︀်းပ︀ူဝ်က︀ဝ်ႈထွမ︀်ꩬ︀ီ ꩬ︀ွꩫ︀်ဢ︀ဝ်ႈꩫ︀ႆ︀ႇၵ︀ဝ်ယ︀ႃႇတ︀င︀်းမ︀ိူင︀်း က︀ဝ်ႈမ︀ႆ︀ႛမ︀ႃးဢ︀ူ။

ထဝ်ꩡ︀တ︀်ႉၵ︀ဝ် 13:40

က︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛဝႃႈꩫ︀ႆ︀ႇ “က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ꩫ︀ၢပ︀်ႉမ︀ဝ်ၵ︀ၢꩫ︀်းꩫ︀ႆ︀ႇၵ︀ဝ်ꩴ︀း ထွမ︀်က︀ꩫ︀်ႈတ︀ႃႉ။ ဢ︀ၢမ︀်းꩬ︀ီတ︀ႆ︀ၢႈက︀ꩫ︀်ႈတ︀ႃႉ။ ဢ︀ꩫ︀်ႈမ︀ိူဝ်ႈꩫ︀ႆ︀ႇက︀ဝ်ႈꩬ︀ူမ︀ႆ︀ႛ တ︀ီꩭီတ︀်ꩫ︀ႆ︀ႇ ပ︀ိူꩫ︀်ႈၵ︀ႆ︀ႈပ︀ျႃးꩫ︀က︀ေႃႇ ꩬ︀ူတ︀ီမ︀ဝ်ပ︀ွင︀်ꩡ︀ႂ်ႈꩬ︀ႃး” ꩫ︀ꩬ︀ီဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ၵ︀ၢမ︀်းဢ︀မ︀ႂ်း ꩭႂ်ႛပ︀ူဝ်း ꩬ︀ူမ︀ႆ︀ႛမ︀ဝ်ထုက︀်ꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ” ꩫ︀ꩬ︀ီꩭူဝ်းဢ︀ူ။

ထဝ်ꩡ︀တ︀်ႉၵ︀ဝ် 7:36

မ︀ꩫ︀်းယ︀ႃႇ မ︀ိူင︀်းဢ︀ီက︀ျီပ︀်မ︀ႆ︀ႛ၊ ပ︀ၢင︀်လ︀ႆ︀ၢꩫ︀ႅင︀်ႈမ︀ႆ︀ႛင︀ႆ︀း ပ︀ႃထိူꩫ︀်ꩭႅင︀်ႛမ︀ႆ︀ႛꩬ︀ီꩬ︀ိပ︀်ပ︀ီႈတ︀ၢင︀်ႈꩰ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ်ပ︀ျႃးꩬ︀ီ ဢ︀ီတ︀်ꩬ︀ြေးꩫ︀ႆ︀ႇၵ︀ဝ်မ︀ႆ︀ႛ လ︀ုက︀်ႉမ︀ိူင︀်းဢ︀ီက︀ျီပ︀်မ︀ႆ︀ႛ ၵ︀ေဢ︀ွက︀်မ︀ႃးဢ︀ူ။

ꩭေပ︀ရ︀ူး 3:9

ၵ︀ဝ်ယ︀ႃႇ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်း ဢ︀ꩫ︀်ႈက︀ဝ်ႈꩭီတ︀်ꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ႛꩭꩫ︀်မ︀ႃးꩫ︀က︀ေႃႇ ထိူꩫ︀်ꩭႅင︀်ႛမ︀ႆ︀ႛ ꩬ︀ီꩬ︀ိပ︀်ပ︀ီႈတ︀ၢင︀်ႈꩰ က︀ဝ်ႈမ︀ႆ︀ႛꩡ︀ၢမ︀်းမ︀ႃးဢ︀ူ။