38 က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ င︀ႆ︀ႚက︀ေႃႇ က︀ူဝ်ႇꩫ︀ႆ︀ႇၵ︀ဝ်မ︀ႆ︀ႛ ပ︀ီဝၢမ︀်ႇဝၢင︀်။ ꩭႂ်ႛဢ︀ူက︀ွတ︀်။ ဢ︀ꩫ︀်ႈၵ︀ဝ်ꩬ︀ၢင︀်ဢ︀ꩫ︀်ႈၵ︀ဝ်ꩭီတ︀်ꩫ︀ႆ︀ႇ ဢ︀မ︀ူးက︀ူꩫ︀်းက︀ီး ပ︀ိူꩫ︀်ႈꩡ︀ဝ်ႛꩫ︀ႆ︀ၢႈ ပ︀ႅက︀်ႉက︀ႃဢ︀ူ။
ꩡ︀ဝ်ႛယ︀ေꩬ︀ုယ︀ႃႇ “ၸ︀ႃရ︀ိꩬ︀ႄꩫ︀ႆ︀ႇၵ︀ဝ်ယ︀ႃႇ တ︀ူꩫ︀်ႛဢ︀ꩫ︀်ႈပ︀ူဝ်က︀ၢင︀်ႈꩭၢဝ်က︀ဝ်ႈ မ︀ဝ်ပ︀ုက︀်ဝႆ︀ႇꩫ︀ႆ︀ႇၵ︀ဝ်ꩫ︀က︀ꩫ︀်ႈꩫ︀မ︀်။ တ︀ူꩫ︀်ႛဢ︀မ︀ႂ်းၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛတ︀ီထွေႛၵ︀ွတ︀်ꩫ︀မ︀်။
ꩬ︀လ︀ႃး၊ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩬ︀ြႃယ︀ေႃးꩭၢꩫ︀်မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭႂ်ႛꩫ︀ႆ︀ႇ ဢ︀ဝ်ႈဢ︀ႃꩫ︀ႃၸ︀ြႃးပ︀ီꩫ︀်ႈꩡ︀ဝ်ႛက︀ျႃး။ ဢ︀ဝ်ႈဢ︀ႃꩫ︀ႃက︀ူꩫ︀်းက︀ျႃး။ က︀ဝ်ႈမ︀ႆ︀ႛက︀ေႛမ︀ႃးတ︀ႃႉ” ꩫ︀ဝꩫ︀်ႇ။
မ︀ꩫ︀်းမ︀ႆ︀ႛ င︀ႆ︀းꩬ︀ီပ︀ွႆ︀ဝႆ︀ႇက︀ီး က︀ူꩫ︀်းတ︀င︀်းမ︀ိူင︀်း မ︀ꩫ︀်းမ︀ႆ︀ႛတ︀ီယ︀ုမ︀်ယ︀မ︀်ႈမ︀ူတ︀်ယ︀ဝ်ႇ။ င︀ႆ︀းက︀ီး ꩡ︀ဝ်ႛၵ︀ုꩫ︀်ရ︀ေႃမ︀ၵ︀ဝ်မ︀ႃးꩬ︀ီ ꩡ︀ွင︀်းၿိက︀်ႉမ︀ၢꩫ︀်ꩭဝ်းမ︀ႆ︀ႛတ︀မ︀ိူင︀်း ၸ︀ꩫ︀်းꩭဝ်းတ︀င︀်းလ︀ုင︀်မ︀ႆ︀ႛတ︀မ︀ိူင︀်း တ︀ီမ︀ႃးယ︀ႃႇယ︀ဝ်ႇꩬ︀ႃး” ꩫ︀ꩬ︀ီဝႃႈက︀ꩫ︀်ႈဢ︀ူ။
“ပ︀ီꩫ︀ွင︀်ႇဢ︀ီတ︀်ꩬ︀ြေးၵ︀ဝ်ꩴ︀း ဢ︀ꩫ︀်ႈၵ︀ဝ်မ︀ႆ︀ႛꩬ︀ူတ︀ီꩭီတ︀်ꩫ︀ႆ︀ႇ ꩬ︀တ︀ိꩬ︀ီꩭီတ︀်က︀ꩫ︀်ႈတ︀ႃႉ။
င︀ႆ︀းꩫ︀ႆ︀ႇꩬ︀ီ “ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ပ︀ိင︀်ꩥ︀ႃက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛတ︀ိုဝ်းꩬ︀ီ ဢ︀ဝ်ႈပ︀ီꩫ︀်ႈꩭိဝ်ႇၵ︀ဝ်ၸ︀ူႛꩡ︀ဝ်ႛက︀ႃဢ︀ူ” ꩫ︀ꩬ︀ီက︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ မ︀ꩫ︀်းꩡ︀ဝ်ႛယ︀ႃႇ ဢ︀ꩫ︀်ႈက︀ူꩫ︀်းမ︀ိူင︀်းက︀ၢင︀်ႈၵ︀ဝ်မ︀တ︀်ႉ ပ︀ိင︀်ꩥ︀ႃꩫ︀ꩫ︀ႆ︀ႇမ︀ႆ︀ႛ မ︀တ︀်ႉဢ︀ꩫ︀်ႈမ︀ိူက︀်ႉꩫ︀မ︀်။