ထဝ်ꩡ︀တ︀်ႉၵ︀ဝ် 5:27 - Khamti Shan

²⁷ တ︀မ︀ၢꩫ︀်ꩡ︀ဝ်ႛၵ︀ဝ်မ︀ႆ︀ႛ ꩭွင︀်ႇမ︀ႃးꩬ︀ီ က︀ꩫ︀်ႛꩫ︀ႃႛꩡ︀ဝ်ႛတ︀ြႃးၵ︀ဝ်မ︀ႆ︀ႛ ꩭႂ်ႛꩬ︀ဝ်းယ︀ဝ်ႇက︀ီး ၵ︀ဝ်မ︀ႆ︀ႛ ၵ︀ုꩫ︀်ယ︀ီတ︀်ႉပ︀ုရ︀ေႃးꩭိက︀်ႉ ꩡ︀ႅပ︀်ႉထၢမ︀်ဢ︀ူ။

ထဝ်ꩡ︀တ︀်ႉၵ︀ဝ် 5:27 ပူးပေါင်းရင်းမြစ်များ

မ︀တ︀်တ︀ႄး 5:22

ꩫ︀ႆ︀ႇꩫ︀က︀ေႃႇ က︀ဝ်ႈဝႃႈက︀ွတ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူဝ်ႇဢ︀ꩫ︀်ႈပ︀ီႈꩫ︀ွင︀်ႇၸ︀ူႛꩡ︀ဝ်ႛမ︀ႆ︀ႛ တ︀ေႃးꩬ︀ႃးꩫ︀ႆ︀ႇမ︀ႆ︀ႛꩫ︀ႆ︀ၢႈက︀ေႃႇ တ︀ီပ︀ႅတ︀်ႉတ︀ြႃးꩫ︀မ︀်။ က︀ူဝ်ႇဢ︀ꩫ︀်ႈပ︀ိူꩫ︀်ႈမ︀ႆ︀ႛ ပ︀ၢဝ်ꩰတ︀ူꩰꩫ︀ꩬ︀ီဝႃႈꩫ︀ႆ︀ႇမ︀ႆ︀ႛယ︀ႃႇ ၵ︀ႆ︀ႇမ︀ဝ်က︀ႃးယ︀ုင︀်းတ︀ြႃးမ︀ႆ︀ႛ တ︀ီပ︀ႅတ︀်ႉတ︀ြႃးꩫ︀မ︀်။ က︀ူဝ်ႇဢ︀ꩫ︀်ႈပ︀ိူꩫ︀်ႈမ︀ႆ︀ႛ တ︀ၢꩫ︀်ႛꩬ︀ယ︀ုက︀်ႉမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ွႆ︀တ︀ူက︀်င︀ႃးလ︀ႆ︀ၢးꩫ︀မ︀်။

လ︀ုက︀ႃ 22:66

ၸ︀ႃႇလ︀ႅင︀်းက︀ီး ꩭူဝ်က︀ေၸ︀ႃꩬ︀ႃက︀ျူးꩫ︀ႆ︀ႇၵ︀ဝ်၊ ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်၊ ꩬ︀ြႃတ︀ြႃးꩫ︀ႆ︀ႇၵ︀ဝ် တ︀ုမ︀်ႈက︀ꩫ︀်ႈင︀ႆ︀းꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ ꩭႂ်ႛဢ︀ဝ်ႈမ︀ႃးပ︀ၢင︀်ႈတ︀ြႃးၵ︀ဝ်ဢ︀ူ။

ထဝ်ꩡ︀တ︀်ႉၵ︀ဝ် 22:30

ꩡ︀ဝ်ႛꩭူဝ်ꩬ︀ိူက︀်ယ︀ႃႇ ပ︀ေႃလ︀ုမ︀ႆ︀ႛ က︀ျူးꩫ︀ႆ︀ႇၵ︀ဝ် ဢ︀ပ︀ႅတ︀်ႉက︀ꩬ︀င︀်ꩡ︀ိုဝ်ꩫ︀ႆ︀ႇꩫ︀ꩫ︀ႆ︀ႇ ၵ︀ႂ်ႈတ︀ွင︀်းꩫ︀ီႈꩫ︀ီႈဢ︀ူ။ င︀ႆ︀းꩬ︀ီ ꩫ︀င︀်မ︀ိူဝ်ႈꩭုက︀်ႉ ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်င︀ႆ︀း က︀ုမ︀်ႛꩡ︀ဝ်ႛတ︀ြႃးက︀ျူးꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛတ︀ုမ︀်ႈက︀ꩫ︀်ႈဝႆ︀ႇဢ︀ူ။ ꩬ︀ၢႆ︀ဢ︀ꩫ︀်ႈပ︀ေႃလ︀ုမ︀ႆ︀ႛၸ︀ုက︀်ဝႆ︀ႇꩫ︀ႆ︀ႇက︀ေႃႇꩭႂ်ႛက︀ေႛꩬ︀ီ မ︀ꩫ︀်းမ︀ႆ︀ႛက︀ꩫ︀်ႛꩫ︀ႃႛၵ︀ဝ်မ︀ႆ︀ႛ ꩭႂ်ႛမ︀ႃးꩬ︀ဝ်းဢ︀ူ။

ထဝ်ꩡ︀တ︀်ႉၵ︀ဝ် 4:7

ၵ︀ဝ်ယ︀ႃႇ တ︀မ︀ၢꩫ︀်ꩡ︀ဝ်ႛꩬ︀ွင︀်ပ︀ႃးမ︀ႆ︀ႛ က︀ꩫ︀်ႛꩫ︀ႃႛၵ︀ဝ်မ︀ႆ︀ႛ ꩭႂ်ႛꩬ︀ဝ်းꩬ︀ီ “ꩬ︀ွင︀်ၵ︀ိူဝ် ဢ︀ဝ်ႈတ︀ꩫ︀်းၵ︀ူဝ်းက︀ꩬ︀င︀်၊ ဢ︀ဝ်ႈꩡ︀ိုဝ်ႈက︀ꩬ︀င︀်ꩫ︀ႆ︀ ဢ︀မ︀ူးꩫ︀ႆ︀ႇꩭီတ︀်ꩫ︀ႆ︀ႇ” ꩫ︀ꩬ︀ီထၢမ︀်ဢ︀ူ။

ထဝ်ꩡ︀တ︀်ႉၵ︀ဝ် 5:21

တ︀မ︀ၢꩫ︀်ꩡ︀ဝ်ႛၵ︀ဝ်က︀ေႃႇ ၵ︀ၢမ︀်းၵ︀ုꩫ︀်ꩬ︀ၢင︀်ထွမ︀်ꩬ︀ီ က︀ၢင︀်ႈဝꩫ︀်းဢ︀ွက︀်က︀ီး ဝၢင︀်းꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛၵ︀ဝ်ႛꩬ︀ီ ꩭူဝ်းꩭႂ်ႛꩬ︀ွꩫ︀်ꩭႂ်ႛက︀ꩫ︀်ႈဢ︀ူ။ မ︀ိူဝ်ႈဢ︀မ︀ႂ်း ၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉင︀ႆ︀း ၸ︀ူႛꩡ︀ွမ︀်းမ︀ꩫ︀်းꩫ︀ႆ︀ႇၵ︀ဝ်ယ︀ႃႇ ꩭူဝ်က︀ေက︀ျူးꩫ︀ႆ︀ႇၵ︀ဝ် ၸ︀ူႛၵ︀ဝ်ႛက︀ုမ︀်ႛꩡ︀ဝ်ႛတ︀ြႃးꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ꩭႂ်ႛတ︀ုမ︀်ႈꩬ︀ီ ꩬ︀ၢင︀်ꩭီတ︀်ပ︀ၢင︀်ႈက︀ုမ︀်ႈက︀ꩫ︀်ႈဢ︀ူ။ ယ︀ဝ်ႇက︀ီး ၸ︀ူႛပ︀ႂ်ႇယ︀ုင︀်းတ︀ြႃးꩫ︀ႆ︀ႇၵ︀ဝ်မ︀ႆ︀ႛ ဢ︀မ︀ိင︀်းꩭႂ်ႛꩬ︀ီ ထွင︀်မ︀ႆ︀ႛ ꩭႂ်ႛက︀ႃꩭွင︀်ႇတ︀မ︀ၢꩫ︀်ꩡ︀ဝ်ႛၵ︀ဝ်ဢ︀ူ။

ထဝ်ꩡ︀တ︀်ႉၵ︀ဝ် 5:34

ꩫ︀ႆ︀ႇꩫ︀က︀ေႃႇ က︀ႃမ︀လ︀ျေလ︀ꩫ︀ꩫ︀ႆ︀ႇၸ︀ႃရ︀ိꩬ︀ႄက︀ူဝ်ႇဢ︀ꩫ︀်ႈပ︀ီꩫ︀်ႈ ꩬ︀ြႃတ︀ြႃးဢ︀ꩫ︀်ႈပ︀ိူꩫ︀်ႈတ︀င︀်းမ︀ိူင︀်းꩫ︀ၢပ︀်ႉယ︀မ︀်ႈꩫ︀ႆ︀ႇယ︀ႃႇ လ︀ုက︀်ႉပ︀ၢင︀်ႈက︀ုမ︀်ႈက︀ုမ︀်ႛꩡ︀ဝ်ႛတ︀ြႃးမ︀ႆ︀ႛလ︀ုက︀်ႉꩬ︀ီ တ︀မ︀ၢꩫ︀်ꩡ︀ဝ်ႛၵ︀ဝ်မ︀ႆ︀ႛ ဢ︀ဝ်ႈဢ︀မ︀ိင︀်းꩭႂ်ႛꩭွင︀်ႇ ဢ︀ွက︀်က︀ႃက︀ꩫ︀်ႛꩫ︀ွက︀်ႉယ︀ဝ်ႇက︀ီး

ထဝ်ꩡ︀တ︀်ႉၵ︀ဝ် 6:12

ꩫ︀ႆ︀ႇမ︀ႆ︀ႛ ၵ︀ဝ်ယ︀ႃႇ က︀ူꩫ︀်းꩫ︀ႆ︀ႇၵ︀ဝ်၊ ꩭူဝ်က︀ေၸ︀ႃꩬ︀ႃꩫ︀ႆ︀ႇၵ︀ဝ်၊ ꩬ︀ြႃတ︀ြႃးꩫ︀ႆ︀ႇၵ︀ဝ်မ︀ႆ︀ႛယ︀ူဝ်ႇꩭႂ်ႛင︀ႆ︀း ꩬ︀တ︀ေၸ︀ꩫ︀်မ︀ႆ︀ႛꩬ︀ႅဝ်ႛꩬ︀ီ ယ︀ုင︀်းတ︀ြႃးမ︀ႆ︀ႛꩬ︀ူင︀်ဢ︀ူ။