Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ထဝ်ꩡ︀တ︀်ႉၵ︀ဝ် 4:34 - Khamti Shan

34-35 ၸ︀ူႛဢ︀ꩫ︀်ႈꩭိူꩫ︀်း၊ ꩫ︀ႃးယ︀င︀်းꩫ︀ႆ︀ႇၵ︀ဝ်ယ︀ႃႇ ၵ︀ိူင︀်ႈၵ︀ဝ်ၵ︀ႆ︀ၢꩬ︀ီ င︀ိူꩫ︀်းၵ︀မ︀်းဢ︀ꩫ︀်ႈꩫ︀ႆ︀ႛမ︀ႃးꩫ︀ႆ︀ႇၵ︀ဝ် တ︀မ︀ၢꩫ︀်ꩡ︀ဝ်ႛၵ︀ဝ်မ︀ႆ︀ႛမ︀ႃးဢ︀ၢပ︀်ႉꩭႂ်ႛက︀ꩫ︀်ႈဢ︀ူ။ တ︀မ︀ၢꩫ︀်ꩡ︀ဝ်ႛၵ︀ဝ်ယ︀ႃႇ က︀ူꩫ︀်းက︀ူႈက︀ူဝ်ႇမ︀ႆ︀ႛ ဢ︀ꩫ︀်ႈꩫ︀င︀်ၵ︀ဝ်ꩭၢင︀်ႇꩫ︀က︀ꩫ︀်ႈ ပ︀ꩫ︀်ႈꩭႂ်ႛဢ︀ူ။ င︀ႆ︀းꩫ︀ႆ︀ႇꩬ︀ီ က︀ꩫ︀်ႛꩫ︀ႂ်းက︀ုမ︀်ႛၵ︀ဝ်မ︀ႆ︀ႛ က︀ူꩫ︀်းဢ︀ꩫ︀်ႈမ︀ဝ်ꩫ︀ႆ︀ႛက︀ိꩫ︀်ႈꩫ︀ꩫ︀ႆ︀ႇ က︀ူဝ်ႇလ︀ိူင︀်ႈꩫ︀ႆ︀ၢႈက︀ေႃႇ ꩵ︀ႈယ︀င︀်း။

အခန်းကိုကြည့်ပါ။ ကော်ပီ




ထဝ်ꩡ︀တ︀်ႉၵ︀ဝ် 4:34
14 ပူးပေါင်းရင်းမြစ်များ  

ꩡ︀ဝ်ႛယ︀ေꩬ︀ုယ︀ႃႇ “မ︀ႂ်းက︀ူႈꩡ︀ွင︀်ႈၵ︀ႂ်ႈတ︀ီမ︀်ႈက︀ုမ︀်တ︀ေႇတ︀ေႇက︀ီး မ︀ိူဝ်းတ︀ႃႉ။ ၵ︀ူဝ်းလ︀ိင︀်းမ︀ႂ်းတ︀င︀်းမ︀ိူင︀်းၵ︀ႆ︀ၢꩬ︀ီ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႈꩭႂ်ႛတ︀ႃႉ။ င︀ႆ︀းက︀ီး မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ႂ်းꩬ︀ူးꩫ︀ႆ︀ႛဢ︀ူ။ ပ︀ꩫ︀်ႈယ︀ဝ်ႇက︀ီးꩬ︀ိုင︀် က︀ꩫ︀်ႛလ︀င︀်က︀ဝ်ႈမ︀ႆ︀ႛ ꩡ︀ွမ︀်းမ︀ႃးတ︀ႃႉ” ꩫ︀ဢ︀ူ။


ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ မ︀ꩫ︀်းမ︀ႆ︀ႛꩭၢက︀်ႉꩰꩭွမ︀်ꩰꩫ︀ူႈꩬ︀ီ “မ︀ႂ်းဢ︀ꩫ︀်ႈလ︀ိူင︀်ႈꩭၢင︀်ႇဢ︀ူ။ က︀ႃတ︀ႃႉ။ ၵ︀ူဝ်းလ︀ိင︀်းမ︀ႂ်းတ︀င︀်းမ︀ိူင︀်းၵ︀ႆ︀ၢꩬ︀ီ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႈꩭႂ်ႛတ︀ႃႉ။ င︀ႆ︀းက︀ီး မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ႂ်းꩬ︀ူးꩫ︀ႆ︀ႛဢ︀ူ။ ပ︀ꩫ︀်ႈယ︀ဝ်ႇက︀ီးꩬ︀ိုင︀် က︀ꩫ︀်ႛလ︀င︀်က︀ဝ်ႈမ︀ႆ︀ႛ ꩡ︀ွမ︀်းမ︀ႃးတ︀ႃႉ” ꩫ︀ဝꩫ︀်ႇ။


ၵ︀ူဝ်းလ︀ိင︀်းꩬ︀ူၵ︀ႆ︀ၢꩬ︀ီ ၸ︀ူႛꩭၢင︀်ႇꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႈꩭႂ်ႛက︀ꩫ︀်ႈတ︀ႃႉ။ တ︀ႅက︀်ႉဢ︀ꩫ︀်ႈမ︀ဝ်ၸ︀ေႛꩡ︀ၢင︀်ႈꩫ︀ႆ︀ႇၵ︀ဝ် တ︀ိုဝ်းꩬ︀ီ က︀ၢင︀်ႈꩭၢဝ်မ︀ႆ︀ႛ ၵ︀ူဝ်းလ︀ိင︀်းꩭွမ︀်က︀ꩫ︀်ႈတ︀ႃႉ။ ဢ︀မ︀ႂ်းမ︀ႆ︀ႛယ︀ႃႇ ꩵ︀ႈမ︀ူတ︀်ꩡ︀ၢင︀်ႈ။ ၸ︀ူႛလ︀ၢက︀်ႉက︀ေႃႇꩵ︀ႈလ︀ၢက︀်ႉ။ ပ︀ူက︀်က︀ေႃႇꩵ︀ႈက︀ိꩫ︀်ႈ။


ꩡ︀ဝ်ႛယ︀ေꩬ︀ု က︀ၢပ︀်ꩬ︀ီဝႃႈꩫ︀ႆ︀ႇယ︀ႃႇ “က︀ဝ်ႈဝႃႈက︀ွတ︀်။ ဢ︀ဝ်ႈꩡ︀ေးꩡ︀ိမ︀်မ︀ိူင︀်းက︀ၢင︀်ႈꩬ︀ူ ပ︀ိူꩫ︀်ႈမ︀ႆ︀ႛꩡ︀ွႆ︀ႈꩬ︀ီ တ︀ႆ︀းက︀ူဝ်ႇꩫ︀မ︀်ꩰဢ︀ဝ်ႈꩫ︀ႆ︀ႛတ︀ႃႉ။ င︀ႆ︀းက︀ီး မ︀ိူဝ်ႈꩡ︀ေးꩡ︀ိမ︀်ꩬ︀ူမ︀ူတ︀်က︀ႃꩫ︀ႆ︀ႇ ꩬ︀ူမ︀ႆ︀ႛၵ︀ဝ် မ︀ိူင︀်းထႃဝရ︀မ︀ႆ︀ႛ တ︀ီꩭၢပ︀်ႉတ︀ွꩫ︀်ႛက︀ꩫ︀်ႈꩫ︀မ︀်။


ꩡ︀ဝ်ႛယ︀ေꩬ︀ု တ︀ပ︀ေးꩡ︀ဝ်ႛၵ︀ဝ်မ︀ႆ︀ႛ “မ︀ိူဝ်ႈက︀ဝ်ႈꩬ︀ူမ︀ႆ︀ႛ ထူင︀်င︀ိူꩫ︀်း၊ ထူင︀်ၵ︀ိူင︀်ႈင︀ႆ︀းၵ︀ႅပ︀်တ︀ိꩫ︀်ႈꩫ︀ႆ︀ႇၵ︀ဝ် မ︀ဝ်ꩭႂ်ႛဢ︀ဝ်ႈꩬ︀ီ ပ︀ွႆ︀ꩡ︀ႂ်ႇꩫ︀ႆ︀ႇ ꩬ︀ူက︀ꩬ︀င︀်ꩫ︀ႆ︀ꩭၢင︀်ႇက︀ုတ︀်ႉမ︀ႃးꩫ︀ႆ︀ႇ” ꩫ︀က︀ီး “က︀ꩬ︀င︀်က︀ေႃႇ ꩵ︀ႈꩭၢင︀်ႇတ︀ီၵ︀ႃႛ” ꩫ︀ဝꩫ︀်ႇ။


ၵ︀ိူင︀်ႈၵ︀ဝ်ၵ︀ႆ︀ၢꩬ︀ီ ꩫ︀ႂ်းက︀ုမ︀်ႛၵ︀ဝ်မ︀ႆ︀ႛ ဢ︀ꩫ︀်ႈၸ︀ူႛꩭၢင︀်ႇꩫ︀ႆ︀ႇၵ︀ဝ်မ︀ႆ︀ႛ က︀ႃႈꩫ︀င︀်ꩭၢင︀်ႇꩫ︀ႆ︀ႇ ပ︀ꩫ︀်ႈꩭႂ်ႛက︀ꩫ︀်ႈ၊


မ︀ꩫ︀်းက︀ေႃႇ ꩫ︀ႃးမ︀ꩫ︀်းၵ︀ႆ︀ၢꩬ︀ီ င︀ိူꩫ︀်းဢ︀ꩫ︀်ႈꩫ︀ႆ︀ႛꩫ︀ႆ︀ႇ ဢ︀ဝ်ႈမ︀ႃးင︀ႆ︀း တ︀မ︀ၢꩫ︀်ꩡ︀ဝ်ႛၵ︀ဝ်မ︀ႆ︀ႛဢ︀ၢပ︀်ႉꩭႂ်ႛဢ︀ူ။


င︀ႆ︀ႚꩬ︀ူ မ︀ီးတ︀ꩫ︀်းꩫ︀ႆ︀ႇꩬ︀ီ ဢ︀ꩫ︀်ႈၵ︀ဝ်ꩭၢင︀်ႇꩭိင︀်းမ︀ႆ︀ႛ ꩡ︀ွႆ︀ႈꩭႂ်ႛက︀ီးယ︀ႃႇ က︀ꩫ︀်ႛလ︀င︀်မ︀ႆ︀ႛ ၵ︀ဝ်မ︀ီးတ︀ꩫ︀်းမ︀ႃးက︀ီး မ︀ိူဝ်ႈꩬ︀ူꩭၢင︀်ႇꩭိင︀်းꩫ︀ႆ︀ႇက︀ေႃႇ ꩬ︀ူမ︀ႆ︀ႛၵ︀ဝ်တ︀ီꩡ︀ွႆ︀ႈꩭႂ်ႛꩫ︀မ︀်။ င︀ႆ︀းက︀ီး ꩫ︀င︀်က︀ျမ︀်းလ︀ိက︀်ႉမ︀ႆ︀ႛ “က︀ူဝ်ႇဢ︀ꩫ︀်ႈꩫ︀မ︀်ꩰꩫ︀ႆ︀ႛꩫ︀ႆ︀ႇꩵ︀ႈလ︀ိူဝ်၊ က︀ူဝ်ႇဢ︀ꩫ︀်ႈꩫ︀ႆ︀ႛဢ︀ေꩫ︀ႆ︀ႇက︀ေႃႇꩵ︀ႈꩭၢင︀်ႇꩭိင︀်း” ꩫ︀ꩬ︀ီဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ꩬ︀ူတ︀ီပ︀ီꩫ︀်ႈၵ︀ိူင︀်ႈꩰက︀ꩫ︀်ႈꩫ︀မ︀်။


င︀ႆ︀းက︀ီး က︀ူꩫ︀်းက︀ꩫ︀်ႛꩫ︀ွက︀်ႉꩡ︀ိူဝ်းꩫ︀ႆ︀ႇၵ︀ဝ် ꩬ︀ူမ︀ႆ︀ႛꩫ︀ၢပ︀်ႉယ︀မ︀်ႈမ︀ႃးက︀ꩫ︀်ႈဢ︀ူ။ ꩬ︀ူက︀ေႃႇ ၸ︀ႂ်မ︀ႆ︀ႛက︀ေႃႇ ꩵ︀ႈဝႃႈက︀ႃပ︀ိုင︀်ႈဢ︀ိင︀်ႈယ︀ဝ်ႇ။


ၵ︀ဝ်ꩭီတ︀်င︀ႆ︀းက︀ီး ꩡ︀ႃႇꩡ︀ူဝ်ႈထႃဝရ︀ ꩡ︀ေးꩡ︀ိမ︀်ဢ︀ꩫ︀်ႈꩡ︀ႅတ︀်ႉ ꩭွမ︀်ဝႆ︀ႇယ︀ဝ်ႇꩰ။ ꩫ︀ႆ︀ႇꩬ︀ေႇမ︀ဝ်က︀ႃး ꩡ︀တ︀်ႉꩫ︀ႆ︀ႇက︀ေႃႇ ꩡ︀ူဝ်ႈတ︀ႃႈဢ︀ꩬ︀ၢက︀်ႉ ဢ︀ꩫ︀်ႈၵ︀ႅမ︀်းꩬ︀ႃတ︀ေႇတ︀ေႇꩫ︀ႆ︀ႇꩫ︀ႆ︀ႛဢ︀ူ။


ꩬ︀ိꩫ︀်ဢ︀ꩫ︀်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈꩫ︀ႆ︀ႇယ︀ႃႇ လ︀ုက︀်ႉတ︀ိမ︀်ၸ︀ႃႇ၊ မ︀ေႈမ︀ၢႆ︀ႛဢ︀ꩫ︀်ႈယ︀ပ︀်ယ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛ ဢ︀ီꩫ︀ူႈမ︀ိုင︀်ႇပ︀ွင︀်ႈꩬ︀ီ လ︀ွင︀်ႈလ︀ေႃးက︀ီဢ︀ꩫ︀်ႈꩭင︀်ႛꩫ︀ႆ︀ႇၵ︀ဝ်မ︀ႆ︀ႛ င︀ိူင︀်ႇက︀ႆ︀ႈက︀ႆ︀ႈꩫ︀ႆ︀ႇꩫ︀မ︀်။


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ