ထဝ်ꩡ︀တ︀်ႉၵ︀ဝ် 4:12 - Khamti Shan

¹² မ︀ꩫ︀်းꩡ︀ဝ်ႛꩬ︀ူလ︀ိဝ်ႈꩫ︀ႆ︀ၢႈꩫ︀မ︀် ၵ︀ေꩬ︀ေꩭႂ်ႛꩫ︀ႆ︀ႛꩫ︀ႆ︀ႇ။ မ︀ꩫ︀်းꩡ︀ဝ်ႛမ︀ႆ︀ႛပ︀ူꩫ︀်ႇꩬ︀ီ ꩭဝ်းမ︀ႆ︀ႛၵ︀ေꩬ︀ေပ︀ီꩫ︀်ႈꩫ︀ႆ︀ႇ ꩫ︀ႂ်းတ︀မ︀်တ︀ိူင︀်းမ︀ႆ︀ႛ ၸ︀ႂ်က︀ေႃႇꩵ︀ႈယ︀င︀်း” ꩫ︀ꩬ︀ီၵ︀ဝ်မ︀ႆ︀ႛ ပ︀ေတ︀ရ︀ုက︀ေႛတ︀ွပ︀်ꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 4:12 ပူးပေါင်းရင်းမြစ်များ

မ︀တ︀်တ︀ႄး 1:21

မ︀ꩫ︀်းလ︀ုက︀်ႉꩡ︀ႆ︀ၢးက︀ူဝ်ႇလ︀ိူင︀်ႈ တ︀ီယ︀င︀်းမ︀ႃးꩫ︀မ︀်။ လ︀ုက︀်ႉꩡ︀ႆ︀ၢးဢ︀မ︀ႂ်းယ︀ႃႇ က︀ူဝ်ႇဢ︀ꩫ︀်ႈၸ︀ꩫ︀်းၸ︀ူႛꩡ︀ဝ်ႛမ︀ႆ︀ႛ လ︀ုက︀်ႉဢ︀ပ︀ႅတ︀်ႉမ︀ႆ︀ႛ တ︀ီၵ︀ေꩬ︀ေꩭႂ်ႛꩫ︀မ︀်။ င︀ႆ︀းꩫ︀ႆ︀ႇꩬ︀ီ မ︀ꩫ︀်းမ︀ႆ︀ႛ ယ︀ေꩬ︀ုꩫ︀ꩬ︀ီꩡ︀ိုဝ်ႈꩬ︀ႂ်ꩭႂ်ႛတ︀ႃႉ။

လ︀ုက︀ႃ 24:47

ယ︀ဝ်ႇက︀ီး ၵ︀ၢဝ်ႈၵ︀ၢမ︀်းဢ︀မ︀ႂ်း တ︀ꩫ︀်းၵ︀ူဝ်းꩡ︀ိုဝ်ႈမ︀ꩫ︀်းꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ လ︀ုက︀်ႉဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛက︀ူဝ်ꩬ︀ီ က︀ူꩫ︀်းက︀ူႈၵ︀ိူဝ်းက︀ူႈၸ︀ꩫ︀်းမ︀ႆ︀ႛ တ︀ီတ︀ႅဝ်ꩫ︀မ︀်။ က︀ူဝ်ႇဢ︀ꩫ︀်ႈꩫ︀ႆ︀ႛꩥ︀ိꩫ︀်းၵ︀ၢဝ်ႈၵ︀ၢမ︀်းꩫ︀ီႈꩬ︀ီ ꩬ︀ၢင︀်ဝွေမ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ဢ︀ပ︀ႅတ︀်ႉတ︀ီပ︀ွႆ︀လ︀ွတ︀်ႉꩭႂ်ႛꩫ︀မ︀်။

ယ︀ေႃးꩭၢꩫ︀် 14:6

ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈယ︀ႃႇ ꩬ︀ီꩫ︀်ႛတ︀ၢင︀်းဢ︀ꩫ︀်ႈꩬ︀ိုဝ်ႈꩡ︀ႂ်ႈ ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛဢ︀ꩬ︀ၢက︀်ႉꩫ︀မ︀်။ ၸ︀ႂ်ꩫ︀က︀ေႃႇက︀ဝ်ႈမ︀ႆ︀ႛမ︀ဝ်မ︀ႃးက︀ီး ပ︀ူဝ်က︀ဝ်ႈမ︀ႆ︀ႛဢ︀ဝ်ႈထိုင︀်ꩵ︀ႈꩫ︀ႆ︀ႛ။

ယ︀ေႃးꩭၢꩫ︀် 3:36

က︀ူဝ်ႇဢ︀ꩫ︀်ႈလ︀ုက︀်ႉꩡ︀ၢႆ︀းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩫ︀ႆ︀ႇ ဢ︀ꩬ︀ၢက︀်ႉထႃဝရ︀ꩫ︀ႆ︀ႛဢ︀ူ။ က︀ူဝ်ႇဢ︀ꩫ︀်ႈၵ︀ၢမ︀်းမ︀ꩫ︀်းꩡ︀ဝ်ႛ မ︀ဝ်ထွမ︀်ꩫ︀ႆ︀ႇယ︀ႃႇ ဢ︀ꩬ︀ၢက︀်ႉမ︀ဝ်ꩫ︀ႆ︀ႛꩬ︀ေႇမ︀ဝ်က︀ႃး တ︀ၢမ︀်ဢ︀ပ︀ႅတ︀်ႉဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈမ︀ႆ︀ႛ ꩫ︀ႆ︀ႛၵ︀ၢမ︀်ဢ︀ူꩫ︀မ︀်။

ထဝ်ꩡ︀တ︀်ႉၵ︀ဝ် 13:26

ပ︀ူဝ်မ︀ေပ︀ီႈꩫ︀ွင︀်ႇဢ︀ီတ︀်ꩬ︀ြေး ဢ︀ꩫ︀်ႈၸ︀ူႛပ︀ီꩫ︀်ႈၵ︀ိူဝ်းဢ︀ႃပ︀ြႃꩭၢမ︀်ꩫ︀ႆ︀ႇၵ︀ဝ်င︀ႆ︀း ပ︀ီႈꩫ︀ွင︀်ႇဢ︀ꩫ︀်ႈက︀ျူးမ︀ဝ်ꩡ︀ႂ်ႈ ၸ︀ူႛက︀ူဝ်ႈယ︀မ︀်ႈၸ︀ြႃးပ︀ီꩫ︀်ႈꩡ︀ဝ်ႛၵ︀ဝ်တ︀င︀်းမ︀ိူင︀်း ထွမ︀်က︀ꩫ︀်ႈတ︀ီၵ︀ႃႛမ︀ႃးတ︀ႃႉ။ ၵ︀ၢဝ်ႈၵ︀ၢမ︀်းလ︀ွင︀်ႈက︀ေႛၵ︀ျွတ︀်ႉꩫ︀ႆ︀ႇယ︀ႃႇ ꩡ︀ႃႇꩭၢင︀်းꩭဝ်းꩫ︀မ︀် ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛမ︀ႃးꩫ︀ႆ︀ႇ။

ထဝ်ꩡ︀တ︀်ႉၵ︀ဝ် 2:5

မ︀ိူဝ်ႈဢ︀မ︀ႂ်း က︀ျူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈ ဢ︀ꩫ︀်ႈလ︀ုက︀်ႉတ︀င︀်းက︀မ︀်ၸ︀ႃမ︀ႃးꩫ︀ႆ︀ႇၵ︀ဝ် ဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ ꩬ︀ဝ်းက︀ꩫ︀်ႈဢ︀ူ။

က︀ေႃရ︀ိꩫ︀်တ︀ု ႑ 3:11

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ဝ်ႈပ︀ီꩫ︀်ႈꩬ︀ူꩫ︀်ႛꩭိူꩫ︀်းꩬ︀ီတ︀င︀်ႛဝႆ︀ႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩬ︀ူꩫ︀်ႛꩭိူꩫ︀်းတ︀ၢင︀်ဢ︀ꩫ︀်ႈယ︀ႃႇ ၸ︀ႂ်က︀ေႃႇတ︀င︀်ႛꩵ︀ႈꩫ︀ႆ︀ႛ။

က︀ေႃလ︀ေႃတ︀ႄ 1:23

င︀ႆ︀းꩫ︀ႆ︀ႇꩬ︀ီ ꩬ︀ူꩬ︀မ︀်မ︀ႃတ︀ြႃးꩫ︀ႆ︀ႇမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰက︀ိုမ︀်းꩰက︀ꩫ︀်ႈတ︀ႃႉ။ ꩫ︀င︀်မ︀ိူဝ်ႈꩬ︀ူ ၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းမ︀ႆ︀ႛ ꩬ︀င︀်က︀ူဝ်ꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇ တ︀မ︀်းꩡ︀ႂ်ႈမ︀ႃးꩫ︀က︀ꩫ︀်ႈ က︀ၢပ︀်ꩬ︀ီတ︀မ︀်းꩡ︀ႂ်ႈꩬ︀ီဢ︀ူက︀ꩫ︀်ႈတ︀ႃႉ။ ꩡ︀ႂ်ႈဢ︀မ︀ႂ်း ပ︀ီꩭႂ်ႛလ︀ႆ︀ၢႈက︀ႃ။ က︀ဝ်ႈပ︀ေႃလ︀ုမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇ ꩭႂ်ႛꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩬ︀ီ ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇက︀ေႃႇ တ︀င︀်းက︀မ︀်ၸ︀ႃမ︀ႆ︀ႛ ထိုင︀်က︀ႃယ︀ဝ်ႇ။

ꩭေပ︀ရ︀ူး 12:25

င︀ႆ︀းꩫ︀ႆ︀ႇꩬ︀ီ ၵ︀ၢမ︀်းꩡ︀ဝ်ႛဢ︀ꩫ︀်ႈꩬ︀ူမ︀ႆ︀ႛ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ တ︀ၢꩫ︀်ႛမ︀ႆ︀ႛ ပ︀ီပ︀ႆ︀ၵ︀ွတ︀်။ ၵ︀ၢမ︀်းမ︀ေႃꩬ︀ေ ဢ︀ꩫ︀်ႈက︀ꩫ︀်ႛꩫ︀ိူဝ်ꩫ︀ိꩫ︀်ႈမ︀ႆ︀ႛ ၵ︀ႆ︀ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ူꩫ︀်းဢ︀ီတ︀်ꩬ︀ြေးꩫ︀ႆ︀ႇၵ︀ဝ် ပ︀ႆ︀ၵ︀ွတ︀်ꩬ︀ီ လ︀ုက︀်ႉတ︀ၢမ︀်မ︀ႆ︀ႛꩵ︀ႈလ︀ွတ︀်ႉမ︀ႃး။ င︀ႆ︀းꩫ︀ႆ︀ႇꩬ︀ီ ၵ︀ၢမ︀်းꩡ︀ဝ်ႛဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ်မ︀ႆ︀ႛ ဝႃႈမ︀ႆ︀ႛ ꩬ︀ူပ︀ႆ︀ၵ︀ွတ︀်က︀ီး ဢ︀ေႈၵ︀ႅꩫ︀်းတ︀ီမ︀ဝ်လ︀ွတ︀်ႉꩫ︀မ︀်။

ꩭေပ︀ရ︀ူး 2:3

တ︀ၢင︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛမ︀ႆ︀ႛ ꩭဝ်းဝႆ︀ႇꩬ︀ႆ︀ၢႇက︀ီး လ︀ုက︀်ႉတ︀ၢမ︀်ဢ︀ပ︀ႅတ︀်ႉမ︀ႆ︀ႛ ꩭလ︀ိုဝ်က︀ေႃႇꩵ︀ႈလ︀ွတ︀်ႉ။ တ︀ၢင︀်းၵ︀ေꩬ︀ေꩫ︀ႆ︀ႇ ꩡ︀ဝ်ႛယ︀ေꩬ︀ုၸ︀ူႛꩡ︀ဝ်ႛ တ︀ႅဝ်ဢ︀ွꩫ︀်ႈမ︀ႃးꩬ︀ီ က︀ူꩫ︀်းဢ︀ꩫ︀်ႈꩫ︀ႆ︀ႛꩥ︀ိꩫ︀်းမ︀ႃးꩫ︀ႆ︀ႇၵ︀ဝ်က︀ေႃႇ ၵ︀ၢဝ်ႈၵ︀ၢမ︀်းꩫ︀ႆ︀ႇ ꩡ︀ႂ်ႈဢ︀ူꩫ︀ꩫ︀ႆ︀ႇ ꩭဝ်းမ︀ႆ︀ႛ ꩬ︀ၢက︀်ႉꩬ︀ေပ︀ျႃးမ︀ႃးယ︀ဝ်ႇ။

ၿျႃၻိက︀်ႉ 20:15

က︀ူꩫ︀်းဢ︀ꩫ︀်ႈ ပ︀ၢပ︀်ႉဢ︀ꩬ︀ၢက︀်ႉမ︀ႆ︀ႛ ꩡ︀ိုဝ်ႈမ︀ဝ်လ︀ွေႛꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛယ︀ႃႇ ꩫ︀ွင︀်ၸ︀ႆ︀းမ︀ႆ︀ႛပ︀ိုဝ်တ︀ူက︀်ၵ︀ွတ︀်မ︀ူတ︀်ဢ︀ူ။