ထဝ်ꩡ︀တ︀်ႉၵ︀ဝ် 3:17 - Khamti Shan

¹⁷ ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူင︀ႆ︀းꩭူဝ်က︀ေꩬ︀ူꩫ︀ႆ︀ႇၵ︀ဝ်ယ︀ႃႇ က︀ꩬ︀င︀်က︀ေႃႇမ︀ဝ်တ︀ွင︀်းꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ ဢ︀ဝ်ႈတ︀ၢႆ︀ႈမ︀ႃးꩫ︀မ︀်ꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။

ထဝ်ꩡ︀တ︀်ႉၵ︀ဝ် 3:17 ပူးပေါင်းရင်းမြစ်များ

လ︀ုက︀ႃ 23:13

ၵ︀ုꩫ︀်ပ︀ိလ︀ၢတ︀်ယ︀ႃႇ ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်၊ ꩭူဝ်က︀ေꩫ︀ႆ︀ႇၵ︀ဝ် ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛတ︀ုမ︀်ႈယ︀ဝ်ႇက︀ီး

လ︀ုက︀ႃ 23:34

ꩡ︀ဝ်ႛယ︀ေꩬ︀ုယ︀ႃႇ “ပ︀ူဝ်ꩡ︀ဝ်ႛꩴ︀း ၵ︀ဝ်ယ︀ႃႇဢ︀ꩫ︀်ႈၵ︀ဝ်ၸ︀ူႛꩡ︀ဝ်ႛꩭီတ︀်မ︀ႆ︀ႛ မ︀ဝ်တ︀ွင︀်းꩫ︀ႆ︀ႇꩬ︀ီ ဢ︀ပ︀ႅတ︀်ႉၵ︀ဝ်မ︀ႆ︀ႛ ပ︀ွႆ︀လ︀ွတ︀်ႉꩭႂ်ႛတ︀ီၵ︀ႃႛမ︀ႃးတ︀ႃႉ” ꩫ︀ဝꩫ︀်ႇ။ ၵ︀ဝ်ယ︀ႃႇ ၵ︀ိူင︀်ႈမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ် ထိမ︀်ႛꩭွေမ︀ေႛꩬ︀ီ ပ︀ꩫ︀်ႈက︀ꩫ︀်ႈဢ︀ဝ်ႈဢ︀ူ။

ယ︀ေႃးꩭၢꩫ︀် 15:21

က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ယ︀ႃႇ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇꩫ︀ႆ︀ႇမ︀ႆ︀ႛမ︀ဝ်တ︀ွင︀်းꩫ︀ႆ︀ႇꩬ︀ီ ꩬ︀ူက︀ဝ်ႈမ︀ႆ︀ႛယ︀ုမ︀်ယ︀မ︀်ႈက︀ီး ꩬ︀ူမ︀ႆ︀ႛတ︀ီꩫ︀ိက︀်ႉꩬ︀ၢက︀်ႉꩫ︀မ︀်။

ယ︀ေႃးꩭၢꩫ︀် 16:3

ꩬ︀ူမ︀ႆ︀ႛၵ︀ဝ်ꩭီတ︀်င︀ႆ︀းꩫ︀ႆ︀ႇ ပ︀ူဝ်က︀ဝ်ႈမ︀ႆ︀ႛတ︀မ︀ိူင︀်း က︀ဝ်ႈမ︀ႆ︀ႛတ︀မ︀ိူင︀်း မ︀ဝ်တ︀ွင︀်းꩬ︀ီꩫ︀မ︀်။

ယ︀ေႃးꩭၢꩫ︀် 7:52

ꩫ︀ႆ︀ႇမ︀ႆ︀ႛၵ︀ဝ်ယ︀ႃႇ “ဢ︀ႃႇ ꩫ︀ိက︀ေႃတ︀ီꩫ︀်ꩴ︀း မ︀ႂ်းက︀ေႃႇ က︀ူꩫ︀်းတ︀ိူင︀်းက︀ႃလ︀ိလ︀ႄးက︀ျႃး။ က︀ျမ︀်းလ︀ိက︀်ႉမ︀ႆ︀ႛ လ︀ႅမ︀်းꩫ︀ီႈꩫ︀ီႈလ︀ႃး။ လ︀ုက︀်ႉတ︀ိူင︀်းက︀ႃလ︀ိလ︀ႄးမ︀ႆ︀ႛ ပ︀ရ︀ေႃးၸ︀ႅတ︀်ႉꩵ︀ႈꩭွꩫ︀်ပ︀ူဝ်မ︀ႃးꩫ︀ꩫ︀ႆ︀ႇမ︀ႂ်းတ︀ီတ︀ွင︀်းꩬ︀ႃး” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 13:27

က︀ူꩫ︀်းဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇၵ︀ဝ်င︀ႆ︀း ꩭူဝ်က︀ေၵ︀ဝ်ꩫ︀ႆ︀ႇၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ꩡ︀ဝ်ႛၵ︀ေꩬ︀ေꩫ︀ꩫ︀ႆ︀ႇꩵ︀ႈတ︀ွင︀်း။ ၵ︀ၢမ︀်းပ︀ရ︀ေႃးၸ︀ႅတ︀်ႉဢ︀ꩫ︀်ႈꩡ︀ွင︀်းꩬ︀ွꩫ︀်တ︀ြႃးမ︀ႆ︀ႛ ဝꩫ︀်းက︀မ︀်ႈꩬ︀ိꩫ︀် က︀ူႈဝꩫ︀်းမ︀ႆ︀ႛ ၵ︀ဝ်ဢ︀ၢꩫ︀်မ︀ႃးꩫ︀ႆ︀ႇက︀ေႃႇ ၵ︀ဝ်ꩵ︀ႈပ︀ွင︀်ꩡ︀ႂ်ႈ။ ꩫ︀ႆ︀ႇꩫ︀က︀ေႃႇꩡ︀ဝ်ႛယ︀ေꩬ︀ုမ︀ႆ︀ႛꩭႂ်ႛတ︀ၢမ︀်တ︀ႆ︀ၢႈꩬ︀ီ ၵ︀ၢမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်ꩭႂ်ႛပ︀ူဝ်း ပ︀ီꩫ︀်ႈမ︀ႃးတ︀ေႇတ︀ေႇꩫ︀ႆ︀ႇယ︀ႃႇ ၵ︀ဝ်ꩭီတ︀်မ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 22:5

ဢ︀ꩫ︀်ႈက︀ဝ်ႈၵ︀ႃႛဝႃႈꩫ︀ႆ︀ႇ ꩡ︀ႂ်ႈဢ︀ူꩫ︀ꩫ︀ႆ︀ႇ ၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉတ︀မ︀ိူင︀်း၊ ꩡ︀ဝ်ႛက︀ုမ︀်ႛတ︀ြႃးက︀ျူးတ︀င︀်းမ︀ိူင︀်းတ︀မ︀ိူင︀်း ꩭီတ︀်ꩬ︀ၢက︀်ႉꩬ︀ေꩫ︀ႆ︀ႛတ︀ီၵ︀ႃႛဢ︀ူ။ က︀ဝ်ႈၵ︀ႃႛ လ︀ုက︀်ႉၵ︀ဝ်မ︀ႆ︀ႛ လ︀ိက︀်ႉဢ︀ꩫ︀်ႈပ︀ီႈꩫ︀ွင︀်ႇဝီင︀်းတ︀မ︀ႃတ︀ႅတ︀်ꩫ︀ႆ︀ႇၵ︀ဝ်မ︀ႆ︀ႛတ︀ႅမ︀်ႛꩬ︀ီꩬ︀င︀်ၵ︀ၢမ︀်းꩫ︀ႆ︀ႇ ဢ︀ဝ်ႈမ︀ႃးဢ︀ူ။ ယ︀ဝ်ႇက︀ီး က︀ူꩫ︀်းဢ︀ꩫ︀်ႈယ︀ုမ︀်ယ︀မ︀်ႈꩡ︀ဝ်ႛယ︀ေꩬ︀ုꩫ︀ႆ︀ႇၵ︀ဝ်မ︀ႆ︀ႛ ꩬ︀ႅဝ်ႛၸ︀ုက︀်ꩬ︀ီဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ ဢ︀ဝ်ႈမ︀ႃးင︀ႆ︀း ꩭႂ်ႛတ︀ၢမ︀်ဢ︀ပ︀ႅတ︀်ႉက︀ွတ︀်ꩫ︀ꩬ︀ီ က︀ဝ်ႈၵ︀ႃႛက︀ႃဝီင︀်းတ︀မ︀ႃတ︀ႅတ︀်မ︀ႃးဢ︀ူ။

ထဝ်ꩡ︀တ︀်ႉၵ︀ဝ် 26:9

က︀ဝ်ႈၵ︀ႃႛၸ︀ူႛꩡ︀ဝ်ႛတ︀မ︀ိူင︀်းက︀ေႃႇ က︀ူꩫ︀်းဝီင︀်းꩫ︀ႃꩡ︀ရ︀ႅတ︀်ယ︀ေꩬ︀ုမ︀ႆ︀ႛ ဝႃႈꩬ︀ၢꩫ︀်တ︀ၢꩫ︀်း ဝႃႈယ︀ႃႇဢ︀ူꩫ︀ꩬ︀ီ ၵ︀ႂ်ႈꩡ︀ႂ်ႈꩬ︀ီ

ထဝ်ꩡ︀တ︀်ႉၵ︀ဝ် 28:21

င︀ႆ︀းက︀ီးၵ︀ဝ်ယ︀ႃႇ “လ︀ုက︀်ႉတ︀ိူင︀်းယ︀ုတ︀မ︀ႆ︀ႛ လ︀ွင︀်ႈမ︀ႂ်းလ︀ိက︀်ႉၸ︀ႅက︀်လ︀ိူင︀်ႈꩫ︀ၢႆ︀ႈက︀ေႃႇ တ︀ူႈꩵ︀ႈꩫ︀ႆ︀ႛမ︀ႃး။ ပ︀ီႈꩫ︀ွင︀်ႇက︀ျူးꩭဝ်းက︀ူဝ်ႇလ︀ိူင︀်ႈꩫ︀ၢႆ︀ႈက︀ေႃႇ မ︀ႃးꩬ︀ီလ︀ွင︀်ႈမ︀ႂ်းဢ︀ꩫ︀်ႈမ︀ဝ်ꩫ︀ီႈ ꩵ︀ႈမ︀ႃးဝႃႈ။

ထဝ်ꩡ︀တ︀်ႉၵ︀ဝ် 7:40

င︀ႆ︀းꩬ︀ီၵ︀ဝ်ယ︀ႃႇ “ၸ︀ြႃးꩡ︀ႃႇꩭဝ်းမ︀ႆ︀ႛ ဢ︀ွꩫ︀်ႈတ︀ၢင︀်းꩫ︀ႆ︀ႇၵ︀ဝ် ꩭီတ︀်ꩭႂ်ႛမ︀ႃးတ︀ႃႉ။ မ︀ေႃꩬ︀ေဢ︀ꩫ︀်ႈꩭဝ်းမ︀ႆ︀ႛ လ︀ုက︀်ႉမ︀ိူင︀်းဢ︀ီက︀ျီပ︀်မ︀ႆ︀ႛ ꩭွင︀်ႇဢ︀ွက︀်မ︀ႃးꩫ︀ႆ︀ႇယ︀ႃႇ ပ︀ီꩫ︀်ႈꩭိုဝ်က︀ႃက︀ေႃႇꩵ︀ႈတ︀ွင︀်းယ︀ဝ်ႇ” ꩫ︀ꩬ︀ီ ဢ︀ႃရ︀ုꩫ︀်မ︀ႆ︀ႛဝႃႈမ︀ႃးဢ︀ူ။

ရ︀ေႃမ︀ 11:2

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၸ︀ꩫ︀်းက︀ူꩫ︀်းမ︀ꩫ︀်းꩡ︀ဝ်ႛ ဢ︀ꩫ︀်ႈလ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ လ︀ိူက︀်ႉဢ︀ဝ်ႈဝႆ︀ႇမ︀ႆ︀ႛ ꩵ︀ႈၵ︀ွတ︀်မ︀ႃး။ က︀ျမ︀်းလ︀ိက︀်ႉမ︀ႆ︀ႛ လ︀ွင︀်ႈဢ︀ီတ︀်ꩬ︀ြေးꩫ︀ႆ︀ႇၵ︀ဝ် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ေလ︀ိယ︀ၵ︀ႅꩫ︀်းဝွꩫ︀်းဝႆ︀ႇꩫ︀ႆ︀ႇ ꩬ︀ူတ︀ွင︀်းဢ︀ူ။

က︀ေႃရ︀ိꩫ︀်တ︀ု ႑ 2:8

ပ︀ိင︀်ꩥ︀ႃဢ︀မ︀ႂ်းမ︀ႆ︀ႛ ꩡ︀ဝ်ႛၵ︀ုꩫ︀်မ︀ိူင︀်းက︀ၢင︀်ႈꩫ︀ႆ︀ႇၵ︀ဝ် က︀ူဝ်ႇလ︀ိူင︀်ႈꩫ︀ႆ︀ၢႈက︀ေႃႇ ꩵ︀ႈပ︀ွင︀်ꩡ︀ႂ်ႈမ︀ႃး။ ꩬ︀င︀်ဝႃႈၵ︀ဝ်ပ︀ွင︀်ꩡ︀ႂ်ႈမ︀ႃးက︀ီး ꩡ︀ဝ်ႛဢ︀ꩫ︀်ႈမ︀ူꩫ︀်ႈၸ︀ုင︀်းယ︀ႂ်ဢ︀မ︀ႂ်းမ︀ႆ︀ႛ ၵ︀ဝ်က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ꩵ︀ႈတ︀ွက︀်တ︀ႆ︀ၢႈမ︀ႃး။

က︀ေႃရ︀ိꩫ︀်တ︀ု ႒ 3:14

တ︀ေႇတ︀ေႇက︀ေႃႇ ꩭူဝ်ꩡ︀ႂ်ႈၵ︀ဝ်ယ︀ႃႇ တ︀ꩫ︀်ႈမ︀ႃးꩫ︀မ︀်။ တ︀ူက︀်ꩡ︀ိူမ︀်ႈင︀ႆ︀ႚက︀ေႃႇ ꩭူဝ်ꩡ︀ႂ်ႈၵ︀ဝ်မ︀ႆ︀ႛတ︀ွပ︀်ႉဝႆ︀ႇꩫ︀ႆ︀ႇꩬ︀ီ ၵ︀ဝ်ဢ︀ၢꩫ︀်ၵ︀ၢမ︀်းၵ︀တ︀်ႉက︀ဝ်ꩫ︀က︀ေႃႇ ꩵ︀ႈပ︀ွင︀်ꩡ︀ႂ်ႈ။ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ူက︀ီးꩫ︀ႆ︀ၢႈꩬ︀ိုင︀် ဢ︀ꩫ︀်ႈꩡ︀ႂ်ႈၵ︀ဝ်မ︀ႆ︀ႛ တ︀ွပ︀်ႉဝႆ︀ႇဢ︀မ︀ႂ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ လ︀ွꩫ︀်ႛꩭႂ်ႛꩬ︀ီ ပ︀ႆ︀ၢႈꩭၢင︀်မ︀ႆ︀ႛ ၵ︀ဝ်တ︀ီပ︀ွင︀်ꩡ︀ႂ်ႈက︀ႃꩫ︀မ︀်။

ဢ︀ေၸ︀ႅတ︀် 4:18

ꩭူဝ်ꩡ︀ႂ်ႈၵ︀ဝ်ယ︀ႃႇ ꩫ︀မ︀်ႈꩬ︀ိင︀်လ︀ူင︀်ꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ဝ်မ︀ဝ်တ︀ွင︀်းၸ︀ႅဝ် ꩡ︀ႂ်ႈၵ︀ႅင︀်ၸ︀ႅဝ်ꩫ︀ႆ︀ႇꩬ︀ီ ၵ︀ဝ်ယ︀ႃႇ တ︀င︀်းဢ︀ꩬ︀ၢက︀်ႉဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈꩭႂ်ႛꩫ︀ႆ︀ႇ က︀ႆ︀ႈလ︀ူင︀်ꩫ︀မ︀်။

ၸ︀ိလ︀ိပ︀်ပ︀ၢႆ︀ 1:22

ꩫ︀ႆ︀ႇꩫ︀က︀ေႃႇ က︀ဝ်ႈဢ︀ꩬ︀ၢက︀်ႉꩫ︀ိပ︀်ဢ︀ူက︀ီး ဢ︀မ︀ူးဢ︀ꩫ︀်ႈဢ︀က︀ိဝ်းယ︀င︀်းꩫ︀ႆ︀ႇ ဢ︀ေႈၵ︀ႅꩫ︀်းꩭီတ︀်ပ︀ီꩫ︀်ႈဢ︀ူ။ င︀ႆ︀းꩫ︀ႆ︀ႇꩬ︀ီ က︀ဝ်ႈဢ︀က︀ိဝ်းဢ︀ꩫ︀်ႈလ︀ႂ်ႈတ︀ီလ︀ိူက︀်ႉဢ︀ဝ်ႈꩫ︀ꩫ︀ႆ︀ႇꩵ︀ႈတ︀ွင︀်း။

တ︀ိမ︀ေႃတ︀ေ ႑ 1:13

မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ က︀ဝ်ႈၸ︀ိတ︀်ꩬ︀ူပ︀်ၸ︀ိတ︀်ၵ︀ၢမ︀်းမ︀ႃးဢ︀ူ။ ꩡ︀ိူဝ်းမ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ꩫ︀ိက︀်ႉꩬ︀ၢက︀်ႉမ︀ႃး၊ ꩡ︀ူဝ်က︀ႃးမ︀ႃးဢ︀ူ။ ꩫ︀ႆ︀ႇꩫ︀က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ က︀ဝ်ႈၸ︀ိတ︀်မ︀ႃးꩫ︀ႆ︀ႇ က︀ွပ︀်ႉပ︀ိူဝ်ႈ မ︀ꩫ︀်းꩡ︀ဝ်ႛမ︀ႆ︀ႛ မ︀ဝ်ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈမ︀ႃးꩫ︀ႆ︀ႇꩬ︀ီ က︀ဝ်ႈက︀ꩬ︀င︀်ꩭီတ︀်ꩫ︀ꩫ︀ႆ︀ႇမ︀ဝ်တ︀ွင︀်းမ︀ႃးꩬ︀ီꩫ︀မ︀်။ င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛက︀ဝ်ႈမ︀ႆ︀ႛ ဢ︀ီꩫ︀ူႈꩭႂ်ႛမ︀ႃးဢ︀ူ။