ထဝ်ꩡ︀တ︀်ႉၵ︀ဝ် 3:12 - Khamti Shan

¹² ပ︀ေတ︀ရ︀ုယ︀ႃႇ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛꩭꩫ︀်က︀ီး “ဢ︀ီတ︀်ꩬ︀ြေးၵ︀ဝ် ꩭီတ︀်က︀ꩬ︀င︀်ꩫ︀ႆ︀တ︀ူႈမ︀ႆ︀ႛ တ︀ႃႈလ︀ိူက︀်ꩬ︀ီꩫ︀ူႈက︀ꩫ︀်ႈꩫ︀ႆ︀ႇ။ ၵ︀ꩫ︀်တ︀ႂ်းဢ︀ဝ်ႈတ︀ꩫ︀်းၵ︀ူဝ်းတ︀ူႈ၊ ဢ︀ဝ်ႈꩬ︀ိꩫ︀်တ︀ူႈက︀ျႃး မ︀ꩫ︀်းမ︀ႆ︀ႛ ဢ︀ဝ်ႈၸ︀ႆ︀ၢႛပ︀ီꩫ︀်ႈꩫ︀ႆ︀ႇ။ ꩵ︀ႈꩡ︀ႂ်ႈ။ ထွမ︀်က︀ꩫ︀်ႈတ︀ႃႉ။ က︀ဝ်ႈၵ︀ႆ︀ႈက︀ွတ︀်။

ထဝ်ꩡ︀တ︀်ႉၵ︀ဝ် 3:12 ပူးပေါင်းရင်းမြစ်များ

ယ︀ေႃးꩭၢꩫ︀် 7:18

က︀ူဝ်ႇဢ︀ꩫ︀်ႈဝႃႈၵ︀ၢမ︀်းပ︀ၢင︀်ႈꩫ︀ႆ︀ႇယ︀ႃႇ ꩡ︀ႃႇၸ︀ူႛꩡ︀ဝ်ႛဢ︀မ︀်ꩫ︀ႆ︀ၢႈꩫ︀မ︀်ဝႃႈꩫ︀ႆ︀ႇ။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈၵ︀ႃမ︀ူꩫ︀်ႈၸ︀ုင︀်း ၸ︀ူႛပ︀ွႆ︀ꩡ︀ႂ်ႇၸ︀ူႛꩡ︀ဝ်ႛꩫ︀ႆ︀ႇယ︀ႃႇ ꩬ︀ိုဝ်ႈꩰတ︀ူဝ်ꩰ ဝႃႈဢ︀ူ။ ꩵ︀ႈၸ︀ႅတ︀်ႉꩵ︀ႈၸ︀ၢင︀်း။

ထဝ်ꩡ︀တ︀်ႉၵ︀ဝ် 13:26

ပ︀ူဝ်မ︀ေပ︀ီႈꩫ︀ွင︀်ႇဢ︀ီတ︀်ꩬ︀ြေး ဢ︀ꩫ︀်ႈၸ︀ူႛပ︀ီꩫ︀်ႈၵ︀ိူဝ်းဢ︀ႃပ︀ြႃꩭၢမ︀်ꩫ︀ႆ︀ႇၵ︀ဝ်င︀ႆ︀း ပ︀ီႈꩫ︀ွင︀်ႇဢ︀ꩫ︀်ႈက︀ျူးမ︀ဝ်ꩡ︀ႂ်ႈ ၸ︀ူႛက︀ူဝ်ႈယ︀မ︀်ႈၸ︀ြႃးပ︀ီꩫ︀်ႈꩡ︀ဝ်ႛၵ︀ဝ်တ︀င︀်းမ︀ိူင︀်း ထွမ︀်က︀ꩫ︀်ႈတ︀ီၵ︀ႃႛမ︀ႃးတ︀ႃႉ။ ၵ︀ၢဝ်ႈၵ︀ၢမ︀်းလ︀ွင︀်ႈက︀ေႛၵ︀ျွတ︀်ႉꩫ︀ႆ︀ႇယ︀ႃႇ ꩡ︀ႃႇꩭၢင︀်းꩭဝ်းꩫ︀မ︀် ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛမ︀ႃးꩫ︀ႆ︀ႇ။

ထဝ်ꩡ︀တ︀်ႉၵ︀ဝ် 2:22

ပ︀ူဝ်မ︀ေပ︀ီꩫ︀ွင︀်ႇ ဢ︀ီတ︀်ꩬ︀ြေးၵ︀ဝ်ꩴ︀း ထွမ︀်က︀ꩫ︀်ႈတ︀ီၵ︀ႃႛမ︀ႃးတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉꩡ︀ဝ်ႛယ︀ေꩬ︀ု က︀ူꩫ︀်းဝီင︀်းꩫ︀ႃꩡ︀ရ︀ႅတ︀်မ︀ႆ︀ႛ လ︀ႆ︀ၢးꩫ︀ိမ︀ိက︀်ႉꩫ︀ႆ︀ႇၵ︀ဝ် ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် ꩭဝ်းမ︀ႆ︀ႛꩭီတ︀်ပ︀ျႃးꩭႂ်ႛမ︀ႃး ယ︀ဝ်ႇ။ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ တ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀်ႈဢ︀ူꩫ︀ꩫ︀ႆ︀ႇ ꩡ︀ုꩫ︀်ႈꩫ︀ီႈꩫ︀ီႈ တ︀ီၵ︀ႃႛဢ︀ူ။ လ︀ွင︀်ႈꩫ︀ႆ︀ႇၵ︀ဝ်ယ︀ႃႇ ပ︀ၢင︀်ႈꩫ︀ႃႛꩬ︀ူၸ︀ူႛꩡ︀ဝ်ႛမ︀ႆ︀ႛ ပ︀ီꩫ︀်ႈမ︀ႃးꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛက︀ေႃႇ တ︀ွင︀်းꩫ︀ီႈꩫ︀ီႈ တ︀ီၵ︀ႃႛဢ︀ူ။

ထဝ်ꩡ︀တ︀်ႉၵ︀ဝ် 3:11

က︀ူဝ်ႇဢ︀မ︀ႂ်းယ︀ႃ ပ︀ေတ︀ရ︀ုꩫ︀ၵ︀ႃယ︀ေႃးꩭၢꩫ︀်မ︀ႆ︀ႛ ၸ︀ွတ︀်ႉၸ︀ႅတ︀်ႉင︀ႆ︀းꩡ︀ွမ︀်းဢ︀ူꩬ︀ီ က︀ူꩫ︀်းꩫ︀ႆ︀ႇၵ︀ဝ် ဢ︀ၢမ︀်းလ︀ူင︀်ဢ︀ၢမ︀်းလ︀ၢင︀်က︀ꩫ︀်ႈဢ︀ူ။ င︀ႆ︀းꩬ︀ီၵ︀ဝ်ယ︀ႃႇ တ︀ီႈဢ︀ꩫ︀်ႈပ︀ေတ︀ရ︀ုၵ︀ဝ်ဢ︀ူ ꩡ︀ၢꩫ︀်းꩬ︀ေႃလ︀မ︀ုꩫ︀်က︀ꩫ︀်ႛꩫ︀ွက︀်ႉꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛ လ︀ႅꩫ︀်ႈꩡ︀ွမ︀်းက︀ႃက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 3:13

ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈ ဢ︀ႃပ︀ြႃꩭၢမ︀်၊ ဢ︀ေꩬ︀က︀်၊ ယ︀ႃက︀ုၵ︀ဝ်င︀ႆ︀း ဢ︀ꩫ︀်ႈပ︀ူလ︀ီꩫ︀်ꩭဝ်းၵ︀ဝ်တ︀င︀်းမ︀ိူင︀်း ပ︀ၢႆ︀ႛဝႆ︀ႈမ︀ႃးꩫ︀ႆ︀ႇယ︀ႃႇ ၸ︀ူႛꩡ︀ႂ်ႇမ︀ꩫ︀်းꩡ︀ဝ်ႛ ꩡ︀ဝ်ႛယ︀ေꩬ︀ုမ︀ႆ︀ႛ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩭႂ်ႛမ︀ႃးယ︀ဝ်ႇ။ ꩬ︀ူယ︀ႃႇꩡ︀ဝ်ႛဢ︀မ︀ႂ်းမ︀ႆ︀ႛ ဢ︀ၢပ︀်ႉꩫ︀ႂ်းမ︀ိုဝ်းꩡ︀ဝ်ႛၵ︀ုꩫ︀်ၵ︀ဝ်ꩬ︀ီ က︀ꩫ︀်ႛꩫ︀ႃႛၵ︀ုꩫ︀်ပ︀ိလ︀ၢတ︀်မ︀ႆ︀ႛ ၵ︀ွတ︀်မ︀ႃးယ︀ဝ်ႇ။ ၵ︀ုꩫ︀်ပ︀ိလ︀ၢတ︀်ယ︀ႃႇ ꩡ︀ဝ်ႛဢ︀မ︀ႂ်းမ︀ႆ︀ႛ ၵ︀ႂ်ႈပ︀ွႆ︀လ︀ွတ︀်ႉꩫ︀က︀ေႃႇ ꩬ︀ူ ꩵ︀ႈꩭၢပ︀်ႉဢ︀ဝ်ႈမ︀ႃး။

ရ︀ေႃမ︀ 11:1

ꩫ︀ႆ︀ႇက︀ီး ၸ︀ြႃးပ︀ီꩫ︀်ႈꩡ︀ဝ်ႛ ဢ︀ီတ︀်ꩬ︀ြေးမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ၵ︀ွတ︀်က︀ႃက︀ျႃး။ ꩵ︀ႈၵ︀ွတ︀်ပ︀ိူင︀်ႈလ︀ူင︀်။ က︀ဝ်ႈၸ︀ူႛꩡ︀ဝ်ႛက︀ေႃႇ ၸ︀ꩫ︀်းဢ︀ီတ︀်ꩬ︀ြေး၊ ၵ︀ိူဝ်းၿိင︀်ယ︀ႃမ︀ိင︀် ဢ︀ꩫ︀်ႈလ︀ုက︀်ႉဢ︀ႃပ︀ြႃꩭၢမ︀်မ︀ႆ︀ႛ ၵ︀ိူဝ်းမ︀ႃးꩫ︀မ︀်။

ရ︀ေႃမ︀ 9:4

ၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉꩬ︀ီ ဢ︀ဝ်ႈပ︀ီꩫ︀်ႈ လ︀ုက︀်ႉမ︀ꩫ︀်းꩡ︀ဝ်ႛဝႆ︀ႇꩫ︀ႆ︀ႇၵ︀ဝ်ꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛ ပ︀ျႃးꩭႂ်ႛမ︀ႃးယ︀ဝ်ႇ။ ၵ︀ၢမ︀်းၵ︀တ︀်ႉꩫ︀ႆ︀ႇၵ︀ဝ်က︀ေႃႇ တ︀င︀်းၵ︀ဝ်ၵ︀တ︀်ႉဝႆ︀ႇꩬ︀ီ က︀ျမ︀်းꩬ︀ိꩫ︀်မ︀ꩫ︀်းꩡ︀ဝ်ႛက︀ေႃႇ ၵ︀ဝ်မ︀ႆ︀ႛꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛမ︀ႆ︀ႛ ꩭလ︀ိုဝ်ဝႃႈပ︀ႆ︀ၢႛဝႆ︀ႈꩫ︀ꩫ︀ႆ︀ႇ ၵ︀ဝ်မ︀ႆ︀ႛပ︀ျႃးꩭႂ်ႛꩬ︀ီ က︀တ︀ိꩫ︀ႆ︀ႇၵ︀ဝ်က︀ေႃႇ ၵ︀ဝ်မ︀ႆ︀ႛꩭႂ်ႛမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႒ 3:5

ဢ︀မ︀ူးꩫ︀ႆ︀ႇယ︀ႃႇ ဢ︀ꩫ︀်ႈတ︀ူႈၸ︀ူႛꩡ︀ဝ်ႛပ︀ီꩫ︀်ႈပ︀ေႇꩬ︀ီ ꩭီတ︀်ꩵ︀ႈꩡ︀ႂ်ႈ။ ဢ︀ꩫ︀်ႈတ︀ူႈꩭီတ︀်မ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩡ︀ွႆ︀ႈꩭႂ်ႛꩬ︀ီ ꩭီတ︀်ပ︀ီꩫ︀်ႈမ︀ႃးꩫ︀ႆ︀ၢႈꩫ︀မ︀်။

ၿျႃၻိက︀်ႉ 7:13

ဝႆ︀ၢးꩫ︀ႆ︀ႇ က︀ေထဝ်ႛပ︀ႃးလ︀ိူင︀်ႈယ︀ႃႇ က︀ဝ်ႈမ︀ႆ︀ႛ “က︀ူꩫ︀်းဢ︀ꩫ︀်ႈꩫ︀ုင︀်ႈၵ︀ိူင︀်ႈၵ︀ၢဝ်ꩫ︀ႆ︀ႇၵ︀ဝ်ယ︀ႃႇ ၸ︀ႂ်ꩫ︀ႆ︀။ လ︀ုက︀်ႉပ︀ႃႛလ︀ႂ်ႈꩫ︀ႆ︀မ︀ႃးꩫ︀ႆ︀ႇ” ꩫ︀ꩬ︀ီထၢမ︀်ဢ︀ူ။