ထဝ်ꩡ︀တ︀်ႉၵ︀ဝ် 3:10 - Khamti Shan

¹⁰ မ︀ꩫ︀်းယ︀ႃႇ က︀ူဝ်ႇဢ︀ꩫ︀်ႈတ︀ႆ︀ၢႛတ︀ၢင︀်းပ︀တ︀ူႈဢ︀ꩫ︀်ႈꩬ︀ႅꩫ︀်ႛမ︀ႆ︀ႛ ꩫ︀င︀်ႈꩬ︀ီယ︀ွꩫ︀်းက︀ိꩫ︀်ႈဢ︀ူꩫ︀မ︀်ꩫ︀ꩫ︀ႆ︀ႇ မ︀တ︀်ႉꩫ︀ႆ︀ႇꩬ︀ီ ၵ︀ဝ်ယ︀ႃႇ မ︀ꩫ︀်းပ︀ီꩫ︀်ႈင︀ႆ︀းက︀ႃꩫ︀ႆ︀ႇမ︀ႆ︀ႛ ဢ︀ၢမ︀်းက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 3:10 ပူးပေါင်းရင်းမြစ်များ

မ︀တ︀်တ︀ႄး 14:35

က︀ူꩫ︀်းဝီင︀်းဢ︀မ︀ႂ်းၵ︀ဝ် ꩡ︀ဝ်ႛယ︀ေꩬ︀ုမ︀ႆ︀ႛမ︀တ︀်ႉꩫ︀ႆ︀ႇꩬ︀ီ ၵ︀ဝ်ယ︀ႃႇ ၸ︀ူႛၵ︀ႆ︀ႛၸ︀ူႛꩡ︀ီပ︀် ဢ︀ꩫ︀်ႈတ︀ူင︀်ႈတ︀ၢင︀်ႇဢ︀မ︀ႂ်းမ︀ႆ︀ႛ ယ︀င︀်းꩫ︀ႆ︀ႇၵ︀ဝ်တ︀င︀်းမ︀ိူင︀်း တ︀ီႈမ︀ꩫ︀်းꩡ︀ဝ်ႛမ︀ႆ︀ႛ ꩭႂ်ႛဢ︀ဝ်ႈမ︀ႃးက︀ꩫ︀်ႈဢ︀ူ။

လ︀ုက︀ႃ 4:36

ꩫ︀ႆ︀ႇမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်ယ︀ႃႇ ဢ︀ၢမ︀်းက︀ꩫ︀်ႈꩬ︀ီ “ၵ︀ၢမ︀်းမ︀ꩫ︀်းယ︀ႃႇ ၵ︀ၢမ︀်းꩫ︀င︀်ꩭိုဝ်လ︀ိူဝ်ႊ။ ၸ︀ီꩭၢႆ︀ႇꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်းက︀ေႃႇ ဢ︀ဝ်ႈတ︀ꩫ︀်းၵ︀ူဝ်းဢ︀ႃꩫ︀ႃပ︀ူင︀်ႈဢ︀မ︀ိင︀်းꩬ︀ီ ꩭူဝ်ႛဢ︀ွက︀်ꩫ︀ႆ︀ႛꩫ︀ႆ︀ႇ” ꩫ︀ꩬ︀ီ ၵ︀ဝ်ꩡ︀ဝ်ႛꩫ︀ႆ︀ၢႈဝႃႈက︀ꩫ︀်ႈဢ︀ူ။

လ︀ုက︀ႃ 9:43

ꩫ︀ႆ︀ႇမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်တ︀င︀်းမ︀ိူင︀်း တ︀ꩫ︀်းၵ︀ူဝ်းလ︀ူင︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ၢမ︀်းက︀ꩫ︀်ႈဢ︀ူ။ မ︀ိူဝ်ႈင︀ႆ︀း ဢ︀ꩫ︀်ႈꩡ︀ဝ်ႛယ︀ေꩬ︀ုꩭီတ︀်ꩫ︀ႆ︀ႇၵ︀ဝ်မ︀ႆ︀ႛ က︀ူꩫ︀်းက︀ူႈက︀ူဝ်ႇ ဢ︀ၢမ︀်းက︀ꩫ︀်ႈꩫ︀ႆ︀ႇ မ︀ꩫ︀်းꩡ︀ဝ်ႛယ︀ႃႇ တ︀ပ︀ေးꩡ︀ဝ်ႛၵ︀ဝ်မ︀ႆ︀ႛ

ယ︀ေႃးꩭၢꩫ︀် 5:20

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛꩭၢက︀်ႉꩫ︀ႆ︀ႇꩬ︀ီ ဢ︀ꩫ︀်ႈမ︀ꩫ︀်းꩡ︀ဝ်ႛꩭီတ︀်ꩬ︀ီဢ︀ူꩫ︀ႆ︀ႇၵ︀ဝ် ပ︀ျႃးꩭႂ်ႛဢ︀ူ။ ဢ︀ꩫ︀်ႈဢ︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛယ︀ႂ်ꩬ︀ႃꩫ︀ႆ︀ႇတ︀မ︀ိူင︀်း လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ တ︀ီပ︀ျႃး၊ တ︀ီꩭႂ်ႛꩭီတ︀်ꩫ︀ႆ︀ႇꩬ︀ီ ꩬ︀ူယ︀ႃႇ တ︀ီꩫ︀ႆ︀ႛဢ︀ၢမ︀်းက︀ꩫ︀်ႈꩫ︀မ︀်။

ယ︀ေႃးꩭၢꩫ︀် 9:3

မ︀ꩫ︀်းꩡ︀ဝ်ႛယ︀ႃႇ “လ︀ႆ︀ၢးပ︀ိူဝ်ႈဢ︀ပ︀ႅတ︀်ႉမ︀ꩫ︀်းၸ︀ူႛꩡ︀ဝ်ႛက︀ေႃႇꩵ︀ႈꩡ︀ႂ်ႈ။ လ︀ႆ︀ၢးပ︀ိူဝ်ႈဢ︀ပ︀ႅတ︀်ႉပ︀ူဝ်မ︀ေမ︀ꩫ︀်းၵ︀ဝ်က︀ေႃႇꩵ︀ႈꩡ︀ႂ်ႈ။ မ︀ꩫ︀်းတ︀ႃႈမ︀ွတ︀်ꩫ︀ႆ︀ႇ ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛပ︀ျႃးမ︀ူꩫ︀်ႈၸ︀ုင︀်းꩫ︀ႆ︀ႛꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် 9:8

ꩫ︀ႆ︀ႇမ︀ႆ︀ႛ က︀ူꩫ︀်းꩭိမ︀်းꩭိူꩫ︀်းမ︀ꩫ︀်းꩫ︀ႆ︀ႇၵ︀ဝ်င︀ႆ︀း က︀ူꩫ︀်းဢ︀ꩫ︀်ႈ မ︀ိူဝ်ႈမ︀ꩫ︀်းယ︀ွꩫ︀်းက︀ိꩫ︀်ႈမ︀ႃးꩫ︀ႆ︀ႇမ︀ႆ︀ႛ ꩭွꩫ︀်ꩭꩫ︀်ꩫ︀ႆ︀ႇၵ︀ဝ်ယ︀ႃႇ “က︀ူဝ်ႇꩫ︀ႆ︀ႇဢ︀ꩫ︀်ႈꩫ︀င︀်ႈꩬ︀ီ ယ︀ွꩫ︀်းက︀ိꩫ︀်ႈꩫ︀ႆ︀ႇမ︀ဝ်ꩡ︀ႂ်ႈက︀ျႃး” ꩫ︀ꩬ︀ီဝႃႈက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 2:12

ၵ︀ဝ်ယ︀ႃႇ ဢ︀ၢမ︀်းꩰဝၢင︀်ꩰ ꩬ︀ီ “လ︀ွင︀်ႈꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈꩭိုဝ်လ︀ိုဝ်လ︀ိူဝ်း” ꩫ︀ꩬ︀ီ ၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈ ဝႃႈက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 2:7

င︀ႆ︀းꩬ︀ီ ၵ︀ဝ်ယ︀ႃႇ “က︀ူꩫ︀်းဢ︀ꩫ︀်ႈင︀ႆ︀ႚတ︀ၢꩫ︀်ႛက︀ꩫ︀်ႈꩫ︀ႆ︀ႇၵ︀ဝ်ယ︀ႃႇ က︀ူꩫ︀်းတ︀ိူင︀်းက︀ႃလ︀ိလ︀ႄးꩫ︀ႆ︀ႇၵ︀ဝ်မ︀ဝ်ꩡ︀ႂ်ႈ။

ထဝ်ꩡ︀တ︀်ႉၵ︀ဝ် 3:2

မ︀ိူဝ်ႈဢ︀မ︀ႂ်း တ︀ႆ︀ၢႛတ︀ၢင︀်းပ︀တ︀ူႈဢ︀ꩫ︀်ႈꩬ︀ႅꩫ︀်ႛꩫ︀ꩫ︀ႆ︀ႇမ︀ႆ︀ႛ က︀ူꩫ︀်းဢ︀ꩫ︀်ႈလ︀ုက︀်ႉမ︀ိူဝ်ႈယ︀င︀်းပ︀ုꩫ︀်ႛ တ︀ိꩫ︀်ႈတ︀ႆ︀ၢႈꩫ︀ႆ︀ႇက︀ူဝ်ႇလ︀ိူင︀်ႈ ꩫ︀င︀်ႈꩬ︀ီဢ︀ူဢ︀ူ။ လ︀ုက︀်ႉက︀ူꩫ︀်းဢ︀ꩫ︀်ႈမ︀ႃးꩡ︀ွင︀်းၿိက︀်ႉမ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛပ︀ူဝ်းမ︀ꩫ︀်း ယ︀ွꩫ︀်းင︀ိူꩫ︀်းꩫ︀ႆ︀ႛꩫ︀ႆ︀ႇ ပ︀ိူꩫ︀်ႈယ︀ႃႇ မ︀ꩫ︀်းမ︀ႆ︀ႛက︀ူႈမ︀ိုဝ်ႇက︀ူႈမ︀ိုဝ်ႇ တ︀ႆ︀ၢႛတ︀ၢင︀်းပ︀တ︀ူႈဢ︀မ︀ႂ်းမ︀ႆ︀ႛ ဢ︀ဝ်ႈက︀ႃꩫ︀င︀်ႈဝႆ︀ႇဢ︀ူ။