ထဝ်ꩡ︀တ︀်ႉၵ︀ဝ် 28:8 - Khamti Shan

⁸ ၸ︀ူႛပ︀ူဝ်ႈပ︀ုပ︀လ︀ိယ︀ႃႇ ၵ︀ႆ︀ႛꩬ︀ီ တ︀ွင︀်ႇက︀ၢပ︀်ႉင︀ႆ︀း တ︀ီႈꩫ︀ွꩫ︀်းမ︀ႆ︀ႛက︀ိင︀်ႛက︀ွင︀်ႈꩬ︀ီဢ︀ူꩫ︀မ︀်။ ပ︀ေႃလ︀ုယ︀ႃႇ ၵ︀ွက︀်ႉမ︀ꩫ︀်းမ︀ႆ︀ႛၵ︀ဝ်ႛင︀ႆ︀း ယ︀ွꩫ︀်းꩬ︀ူးယ︀ဝ်ႇက︀ီး က︀ꩫ︀်ႛꩫ︀ိူဝ်မ︀ꩫ︀်းမ︀ႆ︀ႛ မ︀ိုဝ်းတ︀ၢင︀်ꩬ︀ီ ဢ︀ဝ်ႈꩫ︀ီႈꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 28:8 ပူးပေါင်းရင်းမြစ်များ

မ︀တ︀်တ︀ႄး 10:1

ꩡ︀ဝ်ႛယ︀ေꩬ︀ု တ︀ပ︀ေးꩡ︀ဝ်ႛꩬ︀ိပ︀်ꩬ︀ွင︀်က︀ူဝ်ႇမ︀ႆ︀ႛꩭွင︀်ႇတ︀ုမ︀်ႈꩬ︀ီ ၵ︀ဝ်မ︀ႆ︀ႛ ဢ︀ႃꩫ︀ႃꩭၢင︀်းꩭူဝ်ႛၸ︀ီꩭၢႆ︀ႇ၊ ꩭၢင︀်းဢ︀ဝ်ႈꩫ︀ီႈ ဢ︀ꩫ︀်ႈၵ︀ႆ︀ႛဢ︀ꩫ︀်ႈꩡ︀ီပ︀်က︀ူႈၸ︀ꩫ︀်းပ︀ူင︀်ႈꩭႂ်ႛဢ︀ူ။

မ︀တ︀်တ︀ႄး 10:8

ၸ︀ူႛၵ︀ႆ︀ႛꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩫ︀ီႈꩭႂ်ႛတ︀ႃႉ။ ၸ︀ူႛတ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩫ︀ိပ︀်ꩭႂ်ႛတ︀ႃႉ။ ၸ︀ူႛပ︀ီꩫ︀်ႈတ︀ုတ︀်ႉꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩫ︀ီႈဢ︀ဝ်ႈမ︀ူတ︀်ꩡ︀ၢင︀်ꩭႂ်ႛတ︀ႃႉ။ ၸ︀ီꩭၢႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩭူဝ်ႛဢ︀ွက︀်တ︀ႃႉ။ ဢ︀ႃꩫ︀ႃꩫ︀ႆ︀ႇၵ︀ဝ် ꩬ︀ူမ︀ႆ︀ႛက︀ဝ်ႈပ︀ူင︀်ႈꩭႂ်ႛꩫ︀ႆ︀ၢႈꩫ︀က︀ꩫ︀်ႈ ꩬ︀ူက︀ေႃႇပ︀ိူꩫ︀်ႈမ︀ႆ︀ႛ ꩡ︀ွႆ︀ႈꩭႂ်ႛꩫ︀ႆ︀ၢႈတ︀ႃႉ။

မ︀တ︀်တ︀ႄး 12:13

က︀ူꩫ︀်းဢ︀ꩫ︀်ႈမ︀ိုဝ်းပ︀ႃႛလ︀ိူင︀်ႈတ︀ႆ︀ၢႈမ︀ႆ︀ႛ “မ︀ိုဝ်းမ︀ႂ်းယ︀ီတ︀်ၵ︀ွတ︀်လ︀ႃး” ꩫ︀ဢ︀ူ။ မ︀ꩫ︀်းက︀ေႃႇ မ︀ိုဝ်းပ︀ႃႛဢ︀ꩫ︀်ႈတ︀ႆ︀ၢႈꩫ︀ႆ︀ႇယ︀ီတ︀်ၵ︀ွတ︀်က︀ီး မ︀ိုဝ်းဢ︀မ︀ႂ်း ꩫ︀င︀်ပ︀ႃႛလ︀ိူင︀်ႈꩫ︀က︀ꩫ︀်ႈꩫ︀ီႈꩬ︀ူဝ်းꩰက︀ႃဢ︀ူ။

မ︀တ︀်တ︀ႄး 9:18

မ︀ိူဝ်ႈင︀ႆ︀းꩡ︀ဝ်ႛယ︀ေꩬ︀ု ဝႃႈဢ︀ူꩫ︀ႆ︀ႇ မ︀ꩫ︀်းꩡ︀ဝ်ႛမ︀ႆ︀ႛ က︀ူꩫ︀်းယ︀ႂ်က︀ျူးက︀ူဝ်ႇလ︀ိူင︀်ႈမ︀ႃးၵ︀ုပ︀်ႉၵ︀ဝ်ꩬ︀ီ “လ︀ုက︀်ႉꩬ︀ၢဝ်က︀ဝ်ႈၵ︀ႃႛ င︀ႆ︀ႚတ︀ေႇတ︀ေႇ တ︀ႆ︀ၢႈက︀ႃတ︀ီၵ︀ႃႛယ︀ဝ်ႇ။ ꩫ︀ႆ︀ႇꩫ︀က︀ေႃႇ မ︀ႂ်းꩡ︀ဝ်ႛမ︀ႃးꩬ︀ီ မ︀ꩫ︀်းမ︀ႆ︀ႛမ︀ိုဝ်းမ︀ႂ်းꩡ︀ဝ်ႛတ︀ၢင︀်ꩭႂ်ႛက︀ီး ꩫ︀ိပ︀်မ︀ႃးပ︀ွက︀်ႉတ︀ီၵ︀ႃႛဢ︀ူ” ꩫ︀ꩬ︀ီꩬ︀ွက︀်ႉဢ︀ူ။

မ︀ႃက︀ု 16:18

ၵ︀ဝ်ယ︀ႃႇ ꩬ︀င︀်ဝႃႈင︀ူးꩭၢႆ︀ႇꩫ︀ႆ︀ႇၵ︀ဝ်မ︀ႆ︀ႛ ꩬ︀ႅဝ်ႛꩫ︀က︀ေႃႇယ︀ႃ၊ က︀ွင︀်ႇဢ︀ꩫ︀်ႈꩭႅင︀်းလ︀ူင︀်ꩫ︀ႆ︀ႇၵ︀ဝ် က︀ိꩫ︀်ႈꩫ︀က︀ေႃႇယ︀ႃ၊ ၸ︀ေးက︀ꩬ︀င︀်က︀ေႃႇꩵ︀ႈပ︀ီꩫ︀်ႈ။ ၸ︀ူႛၵ︀ႆ︀ႛꩫ︀ႆ︀ႇၵ︀ဝ်မ︀ႆ︀ႛက︀ေႃႇ မ︀ိုဝ်းၵ︀ဝ်တ︀ၢင︀်ꩬ︀ီ တ︀ီဢ︀ဝ်ႈꩫ︀ီႈꩭႂ်ႛက︀ꩫ︀်ႈꩫ︀မ︀်” ꩫ︀ဝꩫ︀်ႇ။

မ︀ႃက︀ု 5:23

“ꩡ︀ဝ်ႛꩴ︀း လ︀ုက︀်ႉꩬ︀ၢဝ်က︀ဝ်ႈၵ︀ႃႛတ︀ီတ︀ၢႆ︀ႈတ︀ီၵ︀ႃႛယ︀ဝ်ႇ။ ၵ︀ႅꩫ︀်းꩫ︀က︀ွတ︀် ꩭႂ်ႛပ︀ူဝ်းꩫ︀ီႈꩬ︀ီ ဢ︀ꩬ︀ၢက︀်ႉꩫ︀ိပ︀်မ︀ႃးꩫ︀ႆ︀ႇ မ︀ႂ်းꩡ︀ဝ်ႛမ︀ႃးꩬ︀ီ က︀ꩫ︀်ႛꩫ︀ိူဝ်မ︀ꩫ︀်းမ︀ႆ︀ႛ မ︀ိုဝ်းတ︀ၢင︀်ꩭႂ်ႛတ︀ီၵ︀ႃႛမ︀ႃးတ︀ႃႉ” ꩫ︀ဝꩫ︀်ႇ။

မ︀ႃက︀ု 6:5

ဝီင︀်းဢ︀မ︀ႂ်းမ︀ႆ︀ႛယ︀ႃႇ မ︀ꩫ︀်းꩡ︀ဝ်ႛ ၸ︀ူႛၵ︀ႆ︀ႛꩡ︀ွꩫ︀်လ︀ိူင︀်ႈမ︀ႆ︀ႛ ꩫ︀ၢႆ︀ႈꩬ︀ိုင︀် မ︀ိုဝ်းတ︀ၢင︀်ꩬ︀ီဢ︀ဝ်ႈꩫ︀ီႈꩭႂ်ႛမ︀ႃးဢ︀ူ။ လ︀ိူဝ်တ︀ီꩫ︀ႆ︀ႇမ︀ꩫ︀်းꩡ︀ဝ်ႛ တ︀ꩫ︀်းၵ︀ူဝ်းက︀ꩬ︀င︀်က︀ေႃႇ ꩵ︀ႈꩫ︀ႆ︀ႛပ︀ျႃးမ︀ႃး။

မ︀ႃက︀ု 7:32

က︀ူꩫ︀်းက︀မ︀်ႈၸ︀ွင︀်းယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ က︀ူꩫ︀်းဢ︀ꩫ︀်ႈလ︀ိꩫ︀်ႇꩫ︀ၢင︀်ႛꩭူꩫ︀ႂ်က︀ူဝ်ႇလ︀ိူင︀်ႈꩭွင︀်ႇမ︀ႃးဢ︀ူ။ ၵ︀ဝ်ယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ ꩭႂ်ႛပ︀ူဝ်းက︀ꩫ︀်ႛꩫ︀ိူဝ်မ︀ꩫ︀်းမ︀ႆ︀ႛ မ︀ိုဝ်းတ︀ၢင︀်ꩭႂ်ႛꩫ︀ႆ︀ႇ ဝွꩫ︀်းၵ︀ႅꩫ︀်းဢ︀ူ။

လ︀ုက︀ႃ 13:13

က︀ꩫ︀်ႛꩫ︀ိူဝ်မ︀ꩫ︀်းမ︀ႆ︀ႛ မ︀ိုဝ်းတ︀ၢင︀်ꩭႂ်ႛဢ︀ူ။ ꩫ︀ႆ︀ႇမ︀ႆ︀ႛ ၸ︀ူႛယ︀ိင︀်းဢ︀မ︀ႂ်း က︀ꩡ︀ူးꩥ︀ၢင︀်ႛယ︀ီတ︀်ꩫ︀ꩫ︀်ႈꩰꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛဢ︀ူ။

လ︀ုက︀ႃ 4:40

က︀ၢင︀်ႈဝꩫ︀်းတ︀ူက︀်က︀ီး မ︀ꩫ︀်းꩡ︀ဝ်ႛမ︀ႆ︀ႛ ၸ︀ူႛပ︀ၢက︀်ႉယ︀ေႃးက︀ႃက︀ူႈၸ︀ꩫ︀်းꩰꩫ︀ႆ︀ႇၵ︀ဝ် ꩭွင︀်ႇမ︀ႃးက︀ꩫ︀်ႈဢ︀ူ။ ꩡ︀ဝ်ႛယ︀ေꩬ︀ုက︀ေႃႇ ၸ︀ူႛပ︀ၢက︀်ႉယ︀ေႃးက︀ႃက︀ူႈက︀ူဝ်ႇမ︀ႆ︀ႛ မ︀ိုဝ်းတ︀ၢင︀်ꩭႂ်ႛꩬ︀ီ ယ︀ေႃးက︀ႃၵ︀ဝ် ဢ︀ဝ်ႈꩭႆ︀ၢꩭႂ်ႛမ︀ူတ︀်ꩰဢ︀ူ။

ထဝ်ꩡ︀တ︀်ႉၵ︀ဝ် 28:7

တ︀ၢႆ︀ႛဢ︀မ︀ႂ်းမ︀ႆ︀ႛ ꩫ︀ိꩫ︀်ႈဢ︀ꩫ︀်ႈꩡ︀ဝ်ႛꩭူဝ်က︀ေင︀ွꩫ︀်ႈပ︀ုပ︀လ︀ိပ︀ႅင︀်ꩫ︀ႆ︀ႇၵ︀ဝ်ယ︀င︀်းဢ︀ူ။ ꩡ︀ဝ်ႛꩭူဝ်က︀ေင︀ွꩫ︀်ႈယ︀ႃႇတ︀ူႈမ︀ႆ︀ႛꩭၢပ︀်ႉꩬ︀ီ ꩬ︀ၢမ︀်ဝꩫ︀်းတ︀ၢင︀်ႈꩰလ︀ီင︀်ႇဢ︀ွႆ︀ဢ︀ူ။

ထဝ်ꩡ︀တ︀်ႉၵ︀ဝ် 28:9

ꩫ︀ႆ︀ႇမ︀ႆ︀ႛ ၸ︀ူႛၵ︀ႆ︀ႛၸ︀ူႛꩡ︀ီပ︀်ဢ︀ꩫ︀်ႈင︀ွꩫ︀်ႈဢ︀မ︀ႂ်းမ︀ႆ︀ႛယ︀င︀်း တ︀င︀်းမ︀ိူင︀်းက︀ေႃႇ ပ︀ေႃလ︀ုမ︀ႆ︀ႛမ︀ႃးက︀ꩫ︀်ႈက︀ီး ၵ︀ဝ်မ︀ႆ︀ႛက︀ေႃႇဢ︀ဝ်ႈꩫ︀ီႈꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 9:40

ပ︀ေတ︀ရ︀ုယ︀ႃႇ ၵ︀ဝ်တ︀င︀်းမ︀ိူင︀်းမ︀ႆ︀ႛ ꩭႂ်ႛဢ︀ွက︀်က︀ꩫ︀်ႛꩫ︀ွက︀်ႉယ︀ဝ်ႇက︀ီး ၵ︀ုပ︀်ႉၵ︀ဝ်ꩬ︀ီယ︀ွꩫ︀်းꩬ︀ူးဢ︀ူ။ ယ︀ဝ်ႇက︀ီးပ︀ႃႛꩭၢင︀်ႈတ︀ႆ︀ၢႈမ︀ႆ︀ႛဝိꩫ︀်ꩬ︀ီ “တ︀ၿိတ︀ လ︀ုက︀်ႉလ︀ႃး” ꩫ︀က︀ီး မ︀ꩫ︀်းက︀ေႃႇ တ︀ႃႈမ︀ုꩫ︀်းꩬ︀ီ ပ︀ေတ︀ရ︀ုမ︀ႆ︀ႛꩭꩫ︀်က︀ီး လ︀ုက︀်ႉꩬ︀ီꩫ︀င︀်ႈဢ︀ူ။

က︀ေႃရ︀ိꩫ︀်တ︀ု ႑ 12:28

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ိူဝ်းꩡ︀ဝ်ႛမ︀ႆ︀ႛ တ︀ီႈၸ︀ႂ်တ︀ီႈမ︀ꩫ︀်းꩡ︀ွင︀်ဝႆ︀ႇဢ︀ူ။ ꩭူဝ်က︀ူဝ်လ︀ေႚလ︀ေႚမ︀ႆ︀ႛယ︀ႃႇ တ︀မ︀ၢꩫ︀်ꩡ︀ဝ်ႛꩫ︀ႆ︀ႇၵ︀ဝ်၊ ထတ︀်ꩫ︀ႆ︀ႇယ︀ႃႇ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်၊ ထတ︀်ꩫ︀ႆ︀ႇယ︀ႃႇ ꩬ︀ြႃꩫ︀ႆ︀ႇၵ︀ဝ်၊ ယ︀ဝ်ႇက︀ီး ၸ︀ူႛပ︀ျႃးတ︀ꩫ︀်းၵ︀ူဝ်းꩫ︀ႆ︀ႇၵ︀ဝ်၊ ၸ︀ူႛဢ︀ꩫ︀်ႈဢ︀ဝ်ႈꩫ︀ီႈယ︀ေႃးက︀ႃပ︀ီꩫ︀်ႈꩫ︀ႆ︀ႇၵ︀ဝ်၊ ၸ︀ူႛဢ︀ꩫ︀်ႈꩡ︀ွႆ︀ႈပ︀ိူꩫ︀်ႈꩫ︀ႆ︀ႇၵ︀ဝ်၊ ၸ︀ူႛဢ︀ုပ︀်ႉပ︀ိုင︀်ꩫ︀ႆ︀ႇၵ︀ဝ်၊ ၸ︀ူႛတ︀ၢꩫ︀်ႛၵ︀ၢမ︀်းလ︀ၢက︀်လ︀ႆ︀ၢးက︀ူႈၸ︀ꩫ︀်းꩰꩫ︀ႆ︀ႇၵ︀ဝ် ꩡ︀ွင︀်ဝႆ︀ႇဢ︀ူ။

က︀ေႃရ︀ိꩫ︀်တ︀ု ႑ 12:9

ꩫ︀င︀်ꩫ︀ႆ︀ႇꩫ︀က︀ꩫ︀်ႈ မ︀ꩫ︀်းꩡ︀ဝ်ႛပ︀ႃးလ︀ိဝ်ႈꩫ︀ႆ︀ၢႈꩫ︀မ︀် က︀ူဝ်ႇလ︀ိူင︀်ႈမ︀ႆ︀ႛယ︀ႃႇ တ︀ၢင︀်းယ︀ုမ︀်ယ︀မ︀်ႈဢ︀ꩫ︀်ႈၵ︀ိူင︀်ꩭႂ်ႛꩬ︀ီ တ︀ၢင︀်က︀ူဝ်ႇမ︀ႆ︀ႛယ︀ႃႇ တ︀ꩫ︀်းၵ︀ူဝ်းဢ︀ꩫ︀်ႈဢ︀ဝ်ႈဢ︀ူꩫ︀ီႈ ꩭႂ်ႛꩫ︀ႆ︀ႇ။